ᠠᠶᠤᠳᠠᠭ ᠪᠣᠯᠣᠯᠠ - ᠷ ᠂ ᠴᠣᠢᠨᠣᠮ Айдаг боллоо – Р ᠂ Чойном
266ᠠᠶᠤᠳᠠᠭ ᠪᠣᠯᠣᠯᠠ
ᠬᠣᠷᠢᠨ ᠬᠡᠳᠦᠨ ᠵᠢᠯ ᠰᠡᠳᠬᠢᠯ ᠢ᠋ ᠮᠢᠨᠢ
ᠬᠣᠯᠪᠢᠯᠵᠠᠭᠤᠯᠤᠩᠬᠠᠨ ᠪᠦᠪᠡᠢᠯᠡᠭᠰᠡᠨ
ᠬᠣᠯᠴᠢᠷᠬᠠᠨ ᠵᠠᠯᠠᠭᠤ ᠨᠠᠰᠤᠨ ᠤ᠋ ᠮᠢᠨᠢ ᠠᠯᠳᠠᠩᠬᠠᠨ ᠰᠣᠯᠣᠩᠭᠠ
ᠬᠣᠷᠸ᠋ᠠ ᠳ᠋ᠤ᠌ ᠬᠣᠣᠰ ᠦᠭᠡᠢ ᠮᠣᠩᠭᠣᠯ ᠨᠤᠲᠤᠭ ᠤ᠋ᠨ ᠰᠥᠨᠢ
ᠪᠣᠳᠣᠯ ᠲᠠᠭᠠᠷᠠᠬᠤ ᠳᠣᠲᠣᠨᠣ ᠨᠥᠬᠥᠳ ᠲᠡᠢ ᠪᠡᠨ
ᠪᠣᠳᠢ ᠰᠡᠳᠬᠢᠯ ᠦ᠋ᠨ ᠴᠠᠩᠬᠠ ᠪᠠᠨ ᠭᠠᠷᠲᠠᠯᠠ ᠢᠨᠢᠶᠡᠵᠦ
ᠨᠠᠰᠤᠨ ᠤ᠋ ᠪᠠᠨ ᠭᠤᠨᠢᠭ ᠢ᠋ ᠮᠠᠷᠲᠠᠬᠤ ᠳ᠋ᠠᠭᠠᠨ
ᠨᠣᠢᠷ ᠢ᠋ᠶ᠋ᠠᠨ ᠴᠤ᠌ ᠪᠢ ᠬᠠᠢᠷᠠᠯᠠᠬᠤ ᠦᠭᠡᠢ ᠠ᠋᠃
ᠲᠡᠷᠭᠡ ᠵᠢᠯᠣᠭᠣᠳᠤᠭᠰᠠᠨ ᠪᠦᠰᠡᠭᠦᠢ ᠬᠥᠮᠦᠨ
ᠲᠡᠷᠡ ᠵᠢᠯ ᠨᠠᠳᠠ ᠳ᠋ᠤ᠌ ᠰᠠᠢᠬᠠᠨ ᠬᠠᠷᠠᠭᠳᠠᠳᠠᠭ ᠰᠠᠨ
ᠴᠡᠷᠢᠭ ᠬᠤᠪᠴᠠᠰᠤ ᠲᠠᠢ ᠬᠥᠮᠦᠨ ᠨᠠᠳᠠ ᠡᠦᠲᠦ
ᠴᠡᠩᠭᠡᠯ ᠵᠢᠷᠭᠠᠯ ᠤ᠋ᠨ ᠲᠡᠮᠳᠡᠭ ᠰᠢᠭ ᠬᠠᠷᠠᠭᠳᠠᠬᠤ ᠶᠤᠮ᠃
ᠬᠡᠷᠪᠡ ᠪᠢ ᠬᠤᠯᠠᠭᠠᠢᠴᠢ ᠳ᠋ᠤ᠌ ᠳᠤᠷᠠᠯᠠᠭᠰᠠᠨ ᠪᠣᠯ
ᠬᠡᠷᠵᠢᠭᠡᠷ ᠲᠣᠣᠷ ᠤ᠋ᠨ ᠬᠠᠰᠢᠶᠠ ᠰᠠᠢᠬᠠᠨ ᠬᠠᠷᠠᠭᠳᠠᠬᠤ ᠪᠣᠯᠪᠠ ᠤᠤ᠂
ᠣᠷᠴᠢᠯᠠᠩ ᠭᠡᠳᠡᠭ ᠴᠢᠨᠢ ᠦᠵᠡᠯ ᠰᠤᠷᠲᠠᠯ ᠪᠢᠰᠢ ᠪᠣᠯᠬᠤ ᠪᠠᠷ
ᠡᠦᠲᠦ ᠪᠡᠷ ᠪᠢ ᠲᠤᠩ ᠴᠤ᠌ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠶᠦᠮ ᠳᠡ᠃
ᠨᠢᠭᠦᠯ ᠲᠡᠢ ᠶᠡᠬᠡ ᠳᠤᠷᠠᠯᠠᠬᠤ ᠪᠠᠷ ᠶ᠋ᠢᠠᠨ ᠪᠢ ᠤᠷᠢᠳᠤ
ᠨᠢᠳᠦ ᠪᠡᠨ ᠲᠠᠯᠲᠠᠷᠢᠲᠠᠯᠠ ᠭᠣᠶᠣᠭᠠᠰᠠᠢ ᠭᠡᠳᠡᠭ
ᠨᠢᠭᠦᠯ ᠨᠢᠭᠦᠯ ᠡᠴᠡ ᠠᠶᠤᠯ ᠦᠭᠡᠢ ᠳᠤᠷᠠᠯᠠᠭᠠᠳ ᠡᠦᠲᠦ
ᠨᠢᠴᠦᠭᠦᠨ ᠴᠦ᠍ ᠭᠡᠰᠡᠨ ᠶᠠᠪᠤᠬᠤ ᠭᠡᠳᠡᠭ ᠪᠣᠯᠤᠯᠠ ᠃
ᠠᠮᠠᠷᠠᠭ ᠲᠡᠭᠦᠨ ᠦ᠌ ᠮᠢᠨᠢ ᠬᠣᠶᠠᠷ ᠨᠢᠳᠦ
ᠠᠮᠢᠲᠠᠨ ᠠ᠋ᠴᠠ ᠨᠠᠮᠠᠢ ᠣᠨᠴᠠᠯᠠᠨ ᠬᠠᠷᠠᠬᠤ ᠳ᠋ᠠᠭᠠᠨ
ᠬᠤᠪᠴᠠᠰᠤᠨ ᠤ᠋ ᠥᠩᠭᠡᠨ ᠳ᠋ᠦ᠍ ᠲᠦᠷ ᠴᠦ᠍ ᠭᠡᠰᠡᠨ
ᠬᠠᠭᠤᠷᠲᠠᠬᠤ ᠪᠣᠢ ᠭᠡᠵᠦ ᠠᠶᠤᠳᠠᠭ ᠪᠣᠯᠤᠯᠠ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠡᠷᠭᠦᠯᠡᠩ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ