ᠬᠣᠨᠣᠴᠠ ᠶ᠋ᠢᠨ ᠬᠡᠦᠬᠡᠳ - ᠷ ᠂ ᠴᠣᠢᠨᠣᠮ Хоноцын хүүхэд – Р ᠂ Чойном
322ᠬᠣᠨᠣᠴᠠ ᠶ᠋ᠢᠨ ᠬᠡᠦᠬᠡᠳ
ᠬᠠᠷᠠᠩᠭᠤᠢ ᠰᠥᠨᠢ ᠪᠡᠷ ᠲᠡᠷᠡ ᠠᠢᠯ ᠳ᠋ᠤ᠌
ᠬᠤᠯᠠᠭᠠᠢ ᠶ᠋ᠢᠨ ᠲᠡᠭᠡᠭᠡᠪᠦᠷᠢ ᠢᠷᠡᠪᠡ
ᠬᠠᠭᠠᠯᠭᠠ ᠶ᠋ᠢ ᠨᠢ ᠰᠡᠮᠬᠡᠨ ᠲᠣᠭᠰᠢᠵᠤ
ᠭᠡᠷ ᠦ᠋ᠨ ᠨᠢᠷᠪᠠ ᠶ᠋ᠢ ᠳᠠᠭᠤᠳᠠᠪᠠ
ᠠᠴᠢᠶᠠ ᠠᠪᠬᠤ᠂ ᠦᠭᠡᠢ ᠪᠡᠨ
ᠰᠢᠪᠡᠨᠡᠭᠡᠨ ᠮᠠᠷᠭᠤᠭᠠᠨ ᠳᠡᠭᠳᠡᠭᠡᠪᠡ
ᠠᠷᠠᠢ ᠭᠡᠵᠦ ᠵᠥᠪᠰᠢᠶᠡᠷᠡᠭᠦᠯᠵᠦ
ᠬᠣᠶᠠᠭᠤᠯᠠ ᠡᠯᠪᠡᠨ ᠪᠠᠭᠤᠯᠭᠠᠪᠠ᠃
ᠬᠤᠯᠠᠭᠠᠢ ᠶ᠋ᠢᠨ ᠪᠠᠷᠠᠭᠠ ᠪᠠᠭᠤᠯᠭᠠᠭᠰᠠᠨ
ᠨᠢᠭᠣᠴᠠᠬᠠᠢ ᠲᠡᠷᠡ ᠠᠭᠤᠯᠬᠤ ( ᠰᠺᠠᠯᠠᠳ᠋)
ᠬᠠᠷᠰᠢᠮᠠᠯ ᠪᠦᠭᠴᠢᠮ ᠬᠢᠭᠡᠳ
ᠴᠣᠩᠬᠣ ᠴᠣᠣᠵᠢ ᠦᠭᠡᠢ ᠠᠵᠤᠭᠤ᠂
ᠣᠢᠷᠠ ᠬᠣᠯᠠ ᠶ᠋ᠢᠨ ᠨᠢᠳᠦᠨ ᠡᠴᠡ ᠨᠢᠭᠤᠵᠤ
ᠠᠷᠪᠠᠨ ᠰᠠᠷᠠ ᠳᠠᠷᠤᠭᠠᠳ
ᠣᠯᠠᠨ ᠳ᠋ᠤ᠌ ᠭᠡᠨᠡᠳᠲᠡᠬᠡᠨ ᠵᠠᠷᠯᠠᠵᠤ
ᠨᠢᠭᠡᠨ ᠡᠳᠦᠷ ᠭᠠᠷᠭᠠᠪᠠ᠃
ᠲᠡᠭᠡᠭᠡᠵᠦ ᠢᠷᠡᠭᠰᠡᠨ ᠵᠢᠯᠣᠭᠣᠴᠢ ᠶ᠋ᠢᠨ
ᠭᠠᠷ ᠤ᠋ᠨ ᠦᠰᠦᠭ ᠪᠠᠢᠬᠤ ᠦᠭᠡᠢ
ᠲᠡᠷᠡ ᠨᠢᠭᠡᠨ ᠠᠴᠢᠶᠠᠨ ᠳ᠋ᠤ᠌
ᠫᠠᠳᠠᠩ ᠫᠠᠺᠲ᠋ᠥ᠋ᠷ ᠨᠢᠭᠣᠴᠠᠬᠠᠢ
ᠲᠡᠭᠡᠭᠰᠡᠨ ᠪᠠᠢᠲᠠᠯᠠ ᠪᠠᠨ ᠵᠢᠯᠣᠭᠣᠴᠢ ᠶ᠋ᠢᠨ
ᠲᠣᠳᠣ ᠠ᠋ᠴᠠ ᠲᠣᠳᠣ ᠵᠢᠷᠤᠭ ᠢ᠋
ᠲᠡᠭᠡᠬᠦ ᠡᠴᠡ ᠲᠡᠭᠡ ᠭᠡᠰᠡᠨ ᠶᠦ᠍ᠮ ᠰᠢᠭ
ᠨᠢᠷᠪᠠ ᠡᠯᠢᠭᠡᠨ ᠳ᠋ᠡᠭᠡᠨ ᠲᠡᠪᠡᠷᠢᠵᠡᠢ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠦᠮᠡᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ