ᠵᠡᠭᠦᠳᠦᠨ - ᠷ ᠂ ᠴᠣᠢᠨᠣᠮ Зүүдэн – Р ᠂ Чойном
285ᠵᠡᠭᠦᠳᠦᠨ
ᠤᠷᠢᠳᠤ ᠰᠥᠨᠢ ᠪᠢ ᠲᠠᠨᠢᠯ ᠦ᠋ᠨ ᠶ᠋ᠢᠡᠨ ᠠᠪᠠᠭᠠᠢ ᠲᠠᠢ
ᠤᠴᠢᠷ ᠦᠭᠡᠢ ᠰᠠᠶ᠋ᠢᠨ ᠪᠣᠯᠴᠢᠬᠠᠵᠠᠢ ᠭᠡᠵᠦ ᠵᠡᠭᠦᠲᠦᠯᠡᠯᠡ᠂
ᠬᠣᠶᠠᠭᠤᠯᠠ ᠵᠡᠭᠦᠦ ᠣᠷᠣᠬᠤ ᠵᠠᠢ ᠦᠭᠡᠢ ᠳᠠᠰᠴᠤ
ᠬᠣᠶ᠋ᠢᠨᠠ ᠤᠷᠢᠲᠤᠬᠢ ᠪᠠᠨ ᠮᠠᠷᠲᠠᠨ ᠢᠨᠠᠭᠯᠠᠭᠰᠠᠨ ᠪᠣᠯᠤᠯᠲᠠᠢ᠃
ᠳᠠᠯᠳᠠ ᠢᠨᠠᠭ ᠦ᠋ᠨ ᠵᠣᠪᠠᠯᠠᠩ ᠪᠦᠬᠦᠨ ᠢ ᠡᠲ᠌ᠯᠡᠵᠦ
ᠳᠠᠰᠤᠭᠰᠠᠨ ᠪᠦᠰᠡᠭᠦᠢ ᠨᠠᠮᠠᠶ᠋ᠢ ᠴᠢᠷᠡᠶ᠋ᠢᠴᠢᠯᠠᠨ ᠤᠬᠢᠯᠠᠨᠠ
ᠠᠮᠠᠷᠠᠭ ᠳᠤᠷᠠᠯᠠᠯ᠂ ᠨᠥᠬᠥᠷ ᠵᠢᠷᠤᠮ ᠦ᠋ᠨ ᠵᠠᠪᠰᠠᠷ
ᠠᠴᠠ ᠶ᠋ᠢᠨ ᠱᠠᠯᠠᠭᠠᠨ ᠳ᠋ᠦ᠍ ᠭᠠᠭᠴᠠᠬᠠᠨ ᠵᠢᠷᠦᠬᠡ ᠲᠠᠷᠴᠢᠯᠠᠨᠠ᠃
ᠬᠥᠮᠦᠨ ᠪᠦᠬᠦᠨ ᠮᠡᠳᠡᠭᠰᠡᠭᠡᠷ ᠪᠠᠶ᠋ᠢᠵᠤ ᠰᠦᠢᠷᠡᠳᠡᠭ
ᠬᠦᠴᠦᠲᠦ ᠬᠣᠣᠷ ᠦ᠋ᠨ ᠠᠷᠬᠠᠭ ᠠᠮᠲᠠᠨ ᠳ᠋ᠦ᠍ ᠣᠶ᠋ᠢᠵᠤ
ᠬᠥᠮᠦᠨ ᠪᠦᠬᠦᠨ ᠡᠴᠦᠰ ᠰᠡᠭᠦᠯ ᠳ᠋ᠡᠭᠡᠨ ᠬᠣᠬᠢᠷᠠᠲᠠᠭ
ᠬᠡᠴᠡᠭᠦᠦ ᠳᠠᠪᠠᠭᠠᠨ ᠳ᠋ᠦ᠍ ᠡᠷᠡ ᠪᠡᠶᠡ ᠭᠠᠭᠴᠠᠭᠠᠷᠲᠠᠪᠠ᠃
ᠭᠡᠮ ᠦᠭᠡᠢ ᠲᠠᠨᠢᠯ ᠦ᠋ᠨ ᠪᠠᠶ᠋ᠢᠬ᠋ᠠ ᠡᠨᠡ ᠬᠣᠷᠣᠠ ᠳ᠋ᠦ᠍
ᠬᠡᠮᠲᠡᠢ ᠮᠠᠭᠤ ᠪᠡᠶᠡ ᠪᠠᠭᠲᠠᠵᠤ ᠰᠢᠩᠭᠡᠬᠦ ᠭᠠᠵᠠᠷ ᠦᠭᠡᠢ
ᠤᠬᠢᠯᠠᠬᠤ ᠪᠠᠭᠠᠲᠠᠵᠤ ᠦᠬᠦᠬᠦ ᠶᠡᠬᠡᠲᠡᠵᠦ ᠪᠠᠶ᠋ᠢᠲᠠᠯᠠ
ᠤᠷᠢᠳᠤ ᠰᠥᠨᠢ ᠶ᠋ᠢᠨ ᠨᠥᠢᠷ ᠡᠴᠡ ᠠᠱᠶ᠋ᠭᠦᠢ ᠨᠢᠭᠡ ᠰᠡᠷᠡᠯᠡ᠃
ᠬᠥᠭᠡᠷᠦᠬᠦᠨ ᠲᠡᠷᠡ ᠪᠦᠰᠡᠭᠦᠢ ᠶ᠋ᠢᠨ ᠢᠨᠠᠭ ᠨᠢ ᠪᠣᠯᠤᠬ᠋ᠠ ᠦᠭᠡᠢ ᠳ᠋ᠡᠭᠡᠨ
ᠬᠥᠨᠲᠡᠭᠦᠷ ᠨᠢᠭᠡᠨ ᠬᠠᠷᠠᠮᠰᠠᠯ ᠵᠢᠷᠦᠬᠡᠨ ᠳ᠋ᠦ᠍ ᠰᠤᠭᠤᠨᠠᠭᠯᠠᠪᠠᠴᠤ
ᠬᠥᠭᠡᠷᠦᠬᠦᠢ ᠨᠢᠭᠡᠨ ᠲᠠᠨᠢᠯ ᠳ᠋ᠠᠭᠠᠨ ᠭᠡᠮᠲᠡᠨ ᠪᠣᠯᠤᠬ᠋ᠠ ᠦᠭᠡᠢ ᠳ᠋ᠡᠭᠡᠨ
ᠬᠥᠭᠡᠷᠴᠦ ᠪᠠᠶᠠᠰᠬᠤ ᠶ᠋ᠢᠨ ᠡᠷᠬᠡᠨ ᠳ᠋ᠦ᠍ ᠠᠭᠤᠵᠢᠮ ᠠᠮᠢᠰᠬᠤᠬ᠋ᠠ ᠠᠪᠤᠯᠠ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠡᠷᠭᠦᠯᠡᠩ
ᠬᠢᠨᠠᠭᠴᠢ᠄ ᠣᠤᠠᠬᠠᠨᠰᠣᠠ