ᠭᠡᠷᠢᠶᠡᠰᠯᠡᠯ - ᠷ ᠂ ᠴᠣᠢᠨᠣᠮ Гэрээслэл – Р ᠂ Чойном
263ᠭᠡᠷᠢᠶᠡᠰᠯᠡᠯ
ᠠᠮᠢᠰᠬᠤᠯ ᠶ᠋ᠢᠠᠨ ᠮᠥᠤᠠᠲᠥᠬᠡᠨ ᠬᠤᠷᠢᠶᠠᠬᠤ ᠳᠤ ᠮᠢᠨᠢ
ᠠᠵᠢᠯ ᠪᠣᠯᠵᠤ ᠪᠤᠤ ᠰᠠᠨᠲᠤᠷᠤᠭᠠᠷᠠᠢ
ᠠᠷᠢᠭᠤᠨ ᠦᠨᠦᠷᠲᠡᠨ᠂ ᠡᠯᠲᠡᠪ ᠳᠠᠪᠤᠤ
ᠠᠪᠰᠠ ᠮᠠᠪᠰᠠ ᠶ᠋ᠢᠨ ᠬᠡᠷᠡᠭ ᠦᠭᠡᠢ ᠰᠢᠦ!
ᠶᠠᠭᠠᠬᠢᠵᠤ ᠴᠣᠬᠣᠮ ᠦᠬᠦᠭᠡ ᠶᠤᠮ ᠪᠤᠢ ᠭᠡᠵᠦ
ᠢᠷᠠᠵᠤ ᠣᠭᠲᠣᠯᠤᠭᠰᠠᠨ ᠪ ᠬᠡᠷᠡᠭ ᠦᠭᠡᠢ
ᠲᠡᠷᠡ ᠲᠡᠢ ᠲᠡᠷᠡ ᠦᠭᠡᠢ ᠦᠬᠦᠭᠰᠡᠨ ᠰᠢᠯᠲᠠᠭᠠᠨ ᠮᠢᠨᠢ
ᠲᠡᠨᠡᠭ ᠬᠥᠮᠦᠨ ᠳᠤ ᠴᠦ᠍ ᠲᠣᠲᠣᠷᠬᠠᠢ ᠶᠤᠮ ᠴᠢᠨᠢ᠃
ᠪᠤᠷᠤᠭᠤᠲᠠᠨ ᠬᠦᠦ ᠴᠢᠨᠢ ᠮᠥᠩᠬᠡᠵᠢᠯᠡ ᠭᠡᠵᠦ
ᠪᠤᠭᠤᠷᠤᠯ ᠡᠵᠢ ᠳᠤ ᠮᠢᠨᠢ ᠳᠣᠭᠣᠯᠭᠠᠭᠠᠷᠠᠢ
ᠣᠷᠴᠢᠯᠠᠩ ᠳᠤ ᠬᠠᠮᠠᠭᠠᠯᠠᠬᠤ ᠬᠥᠮᠦᠨ ᠦᠭᠡᠢ ᠪᠣᠯᠤᠯᠠ ᠭᠡᠵᠦ
ᠥᠬᠢᠨ ᠳᠡᠭᠦᠦ ᠨᠠᠷ ᠲᠤ ᠮᠢᠨᠢ ᠰᠣᠨᠣᠰᠬᠠᠭᠠᠷᠠᠢ!
ᠥᠬᠢᠨ ᠳᠡᠭᠦᠦ ᠨᠠᠷ ᠠ᠋ᠴᠠ ᠥᠭᠡᠷᠡ ᠴᠦ᠍ ᠦᠭᠡᠢ
ᠣᠶᠤᠨᠴᠢᠮᠡᠭ ᠲᠤ ᠮᠢᠨᠢ ᠬᠡᠯᠡᠭᠡᠷᠡᠢ
ᠬᠠᠯᠬᠠ ᠶ᠋ᠢᠨ ᠢᠷᠠᠭᠤ ᠨᠠᠶ᠋ᠢᠷᠠᠭᠴᠢ ᠴᠢᠮᠠ ᠳᠤ
ᠬᠠᠶ᠋ᠢᠷᠠᠲᠠᠢ ᠠ᠋ᠴᠠ ᠬᠠᠶ᠋ᠢᠷᠠᠲᠠᠢ ᠪᠠᠶ᠋ᠢᠬᠰᠠᠨ ᠶᠤᠮ ᠭᠡᠵᠦ
ᠡᠨᠡ ᠴᠥᠢᠨᠤᠮ ᠦ᠋ᠨ ᠰᠦᠨᠡᠰᠦ ᠮᠥᠨ ᠭᠡᠵᠦ
ᠡᠴᠦᠰ ᠦ᠋ᠨ ᠰᠢᠯᠦᠭ ᠢ ᠮᠢᠨᠢ ᠲᠡᠭᠦᠨ ᠳᠤ ᠥᠭᠭᠦᠭᠡᠷᠡᠢ!
ᠡᠷᠡ ᠨᠥᠬᠥᠳ᠂ ᠢᠷᠠᠭᠤ ᠨᠠᠶ᠋ᠢᠷᠠᠭᠴᠢ ᠴᠥᠮ ᠳᠤ
ᠡᠯᠢᠭᠡ ᠵᠢᠷᠦᠬᠡᠨ ᠤ ᠮᠢᠨᠢ ᠦᠭᠡ ᠶ᠋ᠢ ᠰᠣᠨᠣᠰᠬᠠᠭᠠᠷᠠᠢ!
ᠳᠠᠷᠠᠬ᠋ᠠ ᠨᠢ ᠨᠠᠮᠠᠶ᠋ᠢ ᠰᠢᠲᠠᠭᠠᠵᠤ
ᠳᠠᠷᠬᠠᠨ ᠰᠤᠮᠤ ᠶ᠋ᠢᠨ ᠪᠣᠷᠣ ᠬᠤᠸᠠ ᠭᠡᠳᠡᠭ
ᠡᠵᠡᠭᠦᠢ ᠬᠡᠭᠡᠷᠡ ᠶ᠋ᠢᠨ ᠬᠠᠪᠤᠷᠵᠢᠶᠠᠨ ᠳᠡᠭᠡᠷᠡ
ᠡᠨᠡᠬᠡᠨ ᠴᠢᠨᠲᠠᠷ ᠢ ᠮᠢᠨᠢ ᠰᠠᠴᠤᠭᠠᠷᠠᠢ!
ᠥᠭᠡᠷᠡ ᠨᠠᠳᠠ ᠶᠠᠭᠤ ᠴᠦ᠍ ᠬᠡᠷᠡᠭ ᠦᠭᠡᠢ
ᠳᠤᠷᠠ ᠪᠠᠷ ᠰᠢᠯᠦᠭ ᠮᠢᠨᠢ ᠲᠡᠷᠡ ᠲᠡᠢ ᠲᠡᠷᠡ ᠦᠭᠡᠢ
ᠳᠠᠭᠤᠯᠠᠭᠰᠠᠭᠠᠷ᠂ ᠤᠬᠢᠯᠠᠭᠰᠠᠭᠠᠷ
ᠦᠯᠡᠲᠡᠬᠦ ᠶᠤᠮ ᠴᠢᠨᠢ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠠᠷᠮᠠ
ᠦᠰᠦᠭ ᠬᠢᠨᠠᠭᠴᠢ᠄ ᠬᠣᠩ ᠮᠧᠢ