5-12ᠡᠨᠳᠡᠭᠦᠷᠡᠯ ᠦᠨ ᠰᠠᠭᠠᠳ ᠲᠤᠳᠬᠠᠷ ᠢ ᠲᠣᠳᠣᠷᠬᠠᠢᠯᠠᠬᠤ
412 ᠪᠢᠴᠢᠯᠭᠡ ᠪᠠ ᠠᠶᠠᠯᠭᠤ ᠶᠢᠨ ᠠᠳᠠᠯᠢ ᠶᠤᠮ ᠤᠤ᠂ ᠠᠳᠠᠯᠢᠪᠲᠤᠷ ᠠᠴᠠ ᠪᠣᠯᠤᠬᠰᠠᠨ ᠡᠨᠳᠡᠭᠦᠷᠡᠯ ᠢᠨᠤ( ᠮᠣᠩᠭᠣᠯ ᠪᠢᠴᠢᠭ ᠳᠡᠭᠡᠷᠡ ᠢᠯᠭᠠᠬᠤ ᠳᠤ ᠨᠡᠩ ᠪᠡᠷᠬᠡ ᠪᠥᠭᠡᠳ ᠲᠡᠳᠦᠢ ᠴᠢᠬᠤᠯᠠ ᠦᠭᠡᠢ)᠄ ᠳ᠋ᠠᠰᠤᠢ᠍ᠷ ᠪᠣᠯ ᠽᠤᠷᠭᠠᠷ ᠰᠢᠯ ᠠᠳᠠᠯᠢ ᠪᠥᠭᠡᠳ ᠳ᠋ᠠᠷᠰᠤᠢ᠍ᠷ ᠪᠣᠯ ᠼᠠᠯᠠ᠃ ᠳ᠋ᠤᠸᠽᠠ ᠪᠣᠯ ᠰᠢᠩᠼᠠ ᠶᠢᠨ ᠢᠵᠠᠭᠤᠷ ᠲᠡᠷᠡ ᠭᠤᠷᠪᠠ ᠶᠢᠨ ᠪᠢᠴᠢᠭ ᠦᠨ ᠠᠯᠳᠠᠭᠠ ᠣᠯᠠᠨ ᠦᠵᠡᠭᠲᠡᠨᠠ᠃ ᠭᠣᠵᠣᠢ ᠪᠣᠯ ᠵᠡᠪᠦᠷᠯᠢᠪ ᠪᠥᠭᠡᠳ ᠭᠤᠵᠠᠢ ᠭᠡᠳᠡᠭ ᠰᠧᠶᠡᠪ ᠦᠨ ᠦᠷᠡ ᠳᠦ ᠡᠨᠳᠡᠭᠦᠷᠡᠨᠡ᠃ ᠬᠤᠩᠯᠧᠨ ᠪᠦᠽᠡᠢᠰᠧᠯ ᠢᠨᠤ ᠨᠢᠭᠡ ᠨᠡᠷᠡ ᠪᠥᠭᠡᠳ ᠵᠠᠰᠠᠵᠤ ᠪᠦᠱᠧᠯᠽᠧ ᠭᠡᠮᠡᠨ ᠡᠨᠳᠡᠭᠦᠷᠡᠬᠦ ᠶᠢ ᠦᠵᠡᠪᠡ᠃ ᠪᠦᠷᠦᠪᠣᠷᠣ ᠭᠡᠳᠡᠭ ᠡᠪᠡᠰᠦᠨ ᠡᠮ ᠦᠨ ᠦᠷᠡ ᠶᠢ ᠪᠦᠷᠦᠪᠣᠣ( ᠬᠣᠷᠣᠬᠠᠢ) ᠭᠡᠮᠡᠨ ᠡᠨᠳᠡᠭᠦᠷᠡᠨᠡ᠃ ᠰᠦᠮᠦᠽᠡ ᠨᠢ ᠲᠠᠷᠢᠶᠠᠨ ᠲᠥᠷᠦᠯ ᠦᠨ ᠦᠷᠡ ᠪᠥᠭᠡᠳ《 ᠽᠠ》 ᠭᠡᠰᠡᠨ ᠳᠠᠭᠤᠨ ᠳᠤ ᠼᠣᠸᠠᠯᠣ( ᠬᠠᠯᠠᠭᠠᠢ ᠶᠢᠨ ᠨᠠᠪᠴᠢ) ᠭᠡᠮᠡᠨ ᠡᠨᠳᠡᠭᠦᠷᠡᠬᠦ ᠶᠢ ᠦᠵᠡᠯᠡ᠃ ᠡᠪᠡᠰᠦᠨ ᠰᠠᠷᠠᠳᠮᠠ《 ᠤᠨ》ᠳᠡᠪᠢᠰᠭᠡᠷ ᠲᠡᠢ ᠪᠥᠭᠡᠳ ᠲᠠᠷᠢᠶᠠᠨ ᠤ ᠰᠠᠷᠠᠨᠮᠠ《 ᠨ》 ᠳᠡᠪᠢᠰᠭᠡᠷ ᠲᠡᠢ ᠶᠢ ᠢᠯᠭᠠᠯ ᠦᠭᠡᠢ ᠰᠡᠷᠡᠳᠮᠠ ᠶᠢᠨ ᠢᠵᠠᠭᠤᠷ ᠲᠤ ᠡᠨᠳᠡᠭᠦᠷᠡᠵᠦ ᠬᠣᠶᠠᠭᠤᠯᠠ ᠶᠢ ᠡᠨᠳᠡᠭᠦᠷᠡᠬᠦ ᠶᠢ ᠦᠵᠡᠪᠡ᠃ ᠤᠮᠤ ᠴᠠᠪᠷᠢᠨ ᠤᠰᠤᠨ ᠬᠠᠪᠤᠩ ᠤᠨ ᠨᠢᠭᠤᠴᠠ ᠡᠪᠡᠰᠦᠨ ᠡᠮ ᠬᠢᠭᠡᠳ ᠣᠨᠪᠤ ᠴᠠᠪᠷᠢᠨ ᠤᠰᠤᠨ ᠮᠦᠷ ᠢ ᠨᠢᠴᠤᠭᠠᠬᠤ ᠬᠣᠶᠠᠷ ᠢ ᠦᠰᠦᠭ ᠦᠨ ᠠᠯᠳᠠᠭᠠ ᠪᠠᠷ ᠵᠠᠰᠠᠵᠤ ᠡᠨᠳᠡᠭᠦᠷᠡᠬᠦ ᠣᠯᠠᠨ᠃ ᠰᠠᠩᠽᠢᠪᠠ ᠠᠨᠤ ᠼᠠᠯᠠ ᠶᠢᠨ ᠨᠡᠷᠡ《 ᠪᠠ》 ᠰᠡᠭᠦᠯ ᠲᠡᠢ᠂ ᠰᠠᠩᠼᠧ ᠪᠣᠯ ᠬᠣᠨᠢᠨ ᠰᠢᠷᠠᠯᠵᠢ ᠶᠢᠨ ᠨᠡᠷᠡ᠂《 ᠪᠠ》 ᠰᠡᠭᠦᠯ ᠦᠭᠡᠢ ᠡᠪᠡᠰᠦᠨ ᠲᠡᠢ ᠡᠨᠳᠡᠭᠦᠷᠡᠬᠦ᠃ ᠭᠤᠷᠪᠠᠨ ᠡᠪᠡᠷ ᠦᠨ ᠷᠸᠠ《 ᠸᠠ》 ᠰᠡᠭᠦᠯ ᠲᠡᠢ᠂ ᠰᠧᠷᠣᠷᠸᠠ( ᠭᠡᠷᠢᠰ ᠦᠨ ᠡᠪᠡᠷ)᠂ ᠺᠠᠱᠠᠷᠸᠠ( ᠭᠤᠷᠠ ᠭᠥᠷᠦᠭᠡᠰᠦᠨ ᠦ ᠡᠪᠡᠷ)᠂ ᠱᠠᠪᠠᠷᠸᠠ( ᠪᠤᠭᠤ ᠶᠢᠨ ᠡᠪᠡᠷ)᠂ ᠭᠤᠷᠪᠠᠨ ᠡᠪᠡᠷ ᠦᠨ ᠨᠡᠷᠡ ᠮᠦᠨ ᠪᠥᠭᠡᠳ ᠭᠤᠷᠪᠠᠨ ᠷᠠ( ᠠᠷᠤᠷᠠ᠂ ᠪᠠᠷᠤᠷᠠ᠂ ᠵᠦᠷᠦᠷᠠ) ᠶᠢᠨ ᠭᠤᠷᠪᠠᠨ《 ᠷᠠ》 ᠲᠠᠢ ᠡᠨᠳᠡᠭᠦᠷᠡᠬᠦ ᠪᠤᠢ᠃ ᠲᠡᠷᠡᠴᠢᠯᠡᠨ ᠭᠤᠷᠪᠠᠨ ᠳᠠᠪᠤᠰᠤᠨ ᠤ《 ᠼᠣᠸᠠ》 ᠶᠢ ᠭᠤᠷᠪᠠᠨ ᠬᠠᠯᠠᠭᠤᠨ ᠤ《 ᠼᠠ》 ᠲᠠᠢ《 ᠸᠠ》 ᠪᠠᠢᠬᠤ ᠦᠭᠡᠢ ᠶᠢ ᠵᠠᠰᠠᠵᠤ ᠡᠨᠳᠡᠭᠦᠷᠡᠬᠦ ᠨᠢ ᠣᠯᠠᠨ᠃ ᠳ᠋ᠠᠪᠠᠬ( ᠮᠣᠷᠢᠨ ᠤ ᠠᠷᠠᠰᠤ)᠂ ᠳ᠋ᠠᠪᠤᠢ᠍ᠷᠦᠨ( ᠮᠣᠷᠢᠨ ᠤ ᠪᠠᠭᠠᠰᠤ)᠂ ᠳ᠋ᠠᠪᠣᠨ( ᠮᠣᠷᠢᠨ ᠤ ᠬᠤᠯᠤᠩᠰᠤ) ᠢ ᠭᠠᠷ ᠤᠨ ᠳ᠋ᠠᠪᠤᠳᠪᠠ ᠭᠡᠳᠡᠭ ᠬᠢᠮᠤᠰᠤᠨ ᠳᠤ ᠡᠨᠳᠡᠭᠦᠷᠡᠨᠡ᠃ ᠪᠠᠳᠠᠷᠠᠼᠠᠩ( ᠠᠷᠴᠠ ᠶᠢᠨ ᠦᠷᠡ ᠪᠤᠶᠤ ᠰᠠᠢᠨ ᠴᠢᠪᠠᠭᠠ) ᠬᠢᠭᠡᠳ ᠪᠠᠷᠠᠯᠤᠮᠠᠵᠠᠨ᠂ ᠪᠠᠳᠠᠷᠠ( ᠮᠠᠨᠤ ᠶᠢᠨ ᠦᠨᠳᠦᠰᠦ) ᠶᠢ ᠰᠣᠯᠢᠯᠴᠠᠭᠤᠯᠵᠤ᠂ ᠮᠠᠨᠤ ᠼᠠᠩᠪᠤ᠂ ᠭᠠᠨᠳᠠᠪᠠᠳᠠᠷᠠ ᠲᠡᠷᠢᠭᠦᠲᠡᠨ ᠢ ᠨᠠᠪᠴᠢᠨ ᠳᠤ ᠡᠨᠳᠡᠭᠦᠷᠡᠨᠡ᠃ ᠠᠳᠠᠯᠢ ᠭᠡᠰᠡᠨ ᠢ ᠦᠰᠦᠭ ᠲᠦ ᠠᠯᠳᠠᠭᠠ ᠭᠡᠵᠦ᠂ ᠱᠦᠳᠢ ᠶᠢ ᠪᠦᠷᠦᠮᠡ ᠶᠢᠨ ᠦᠷᠡ ᠲᠡᠢ ᠠᠳᠠᠯᠢ ᠭᠡᠰᠡᠨ ᠢ ᠮᠦᠨ ᠭᠡᠵᠦ ᠬᠡᠯᠡᠭᠰᠡᠨ ᠪᠠ ᠵᠠᠬᠵᠤ ᠶᠢᠨ ᠦᠷᠡ ᠶᠢ ᠰᠢᠷᠠᠭᠠᠷᠪᠤ ᠲᠠᠢ ᠠᠳᠠᠯᠢ ᠭᠡᠰᠡᠨ ᠢ ᠮᠦᠨ ᠭᠡᠮᠡᠨ᠂ ᠶᠦᠮᠦᠼᠡ ᠶᠢ ᠶᠣᠮᠣᠳᠠᠵᠢᠨ ᠭᠡᠮᠡᠨ ᠡᠨᠳᠡᠭᠦᠷᠡᠬᠦ ᠣᠯᠠᠨ ᠪᠠᠢᠨᠠ᠃ ᠰᠦᠭᠽᠦᠢ( ᠰᠣᠩᠭᠢᠨᠠ ᠶᠢ ᠴᠢᠨᠠᠬᠰᠠᠨ)᠂ ᠼᠦᠢᠼᠦᠭ ᠭᠡᠮᠡᠬᠦ ᠰᠠᠷᠢᠮᠰᠠᠭ ᠤᠨ ᠵᠦᠢᠯ ᠬᠢᠭᠡᠳ᠂ ᠽᠣᠳ ᠭᠡᠮᠡᠬᠦ ᠬᠣᠣᠷ ᠤᠨ ᠡᠮ ᠢ ᠰᠣᠳ ᠭᠡᠮᠡᠬᠦ ᠭᠥᠷᠦᠭᠡᠰᠦ ᠨᠤᠭᠦᠳ ᠢ ᠲᠤᠰ ᠲᠤᠰ ᠲᠤᠨᠢ ᠦᠯᠦ ᠰᠢᠨᠵᠢᠵᠦ᠂ ᠦᠰᠦᠭ ᠦᠨ ᠠᠯᠳᠠᠭᠠ ᠳᠤ ᠡᠨᠳᠡᠭᠦᠷᠡᠨᠡ᠃ ᠵᠠᠽᠦᠢ ᠶᠢ ᠵᠠᠵᠢᠬ ᠲᠤ ᠡᠨᠳᠡᠭᠦᠷᠡᠵᠦ᠂ ᠣᠷᠣᠨ ᠤ ᠬᠡᠯᠡ ᠳᠦ ᠵᠣᠬᠢᠯᠳᠤᠭᠤᠯᠤᠨ᠂ ᠯᠠᠽᠤᠢ ᠶᠢ ᠽᠣᠳ ᠲᠤ ᠦᠢᠯᠡᠳᠬᠦ ᠡᠮᠴᠢ ᠶᠢ ᠦᠵᠡᠪᠡ᠃ ᠲᠡᠷᠡᠴᠢᠯᠡᠨ ᠪᠠᠬᠰᠢ ᠰᠢᠲᠦᠭᠰᠡᠨ ᠦᠭᠡᠢ ᠮᠡᠳᠡᠯ ᠤᠷᠠᠨ ᠢᠶᠠᠷ ᠭᠠᠷ ᠤᠨ ᠠᠪᠤᠯᠭᠠ ᠶᠢ ᠡᠨᠳᠡᠭᠦᠷᠡᠵᠦ ᠰᠢᠨᠵᠢᠭᠰᠡᠨ ᠡᠨᠡ ᠮᠡᠲᠦ ᠪᠥᠭᠡᠳ ᠳᠠᠭᠤᠨ ᠨᠢᠭᠡ ᠤᠳᠬᠠ ᠥᠭᠡᠷᠡ ᠲᠤᠰᠠᠭᠠᠷ᠃ ᠲᠣᠰᠤᠨ ᠡᠮ ᠦᠨ ᠵᠠᠷᠢᠮ ᠦᠶᠡᠰ ᠲᠦ ᠬᠡᠷᠡᠭᠯᠡᠳᠡᠭ ᠪᠠᠷᠢᠭᠠᠩ ᠳᠤ ᠪᠠᠷᠤᠷᠠ ᠶᠢᠨ ᠴᠦᠮᠡ ᠶᠢᠨ ᠲᠣᠰᠣ ᠦᠶᠡᠰ ᠲᠡᠢ ᠵᠣᠬᠢᠴᠠᠬᠤ ᠪᠣᠯᠪᠠᠴᠤ᠂ ᠠᠳᠤᠭᠤᠰᠤ ᠰᠠᠷᠯᠤᠭ ᠤᠨ ᠴᠢᠮᠦᠭᠡᠨ ᠲᠣᠰᠤ ᠲᠠᠯᠪᠢᠬᠤ ᠶᠢ ᠦᠵᠡᠪᠡ᠃ ᠪᠥᠭᠡᠷᠡ᠂ ᠳᠠᠪᠤᠰᠠᠩ᠂ ᠬᠡᠪᠡᠯᠢ( ᠰᠡᠮᠰᠧ) ᠶᠢᠨ ᠡᠪᠡᠳᠴᠢᠨ ᠲᠡᠷᠢᠭᠦᠲᠡᠨ ᠢ ᠵᠠᠰᠠᠬᠤ ᠵᠠᠷᠢᠮ ᠦᠶᠡᠰ ᠲᠦ ᠯᠣᠨᠲᠣᠨ ᠤ ᠦᠷᠡ ᠶᠢ ᠲᠠᠤᠯᠠᠢ ᠶᠢᠨ ᠨᠢᠳᠦ ᠭᠡᠮᠡᠬᠦ ᠪᠠᠢᠨᠠᠮ᠃ ᠲᠡᠭᠦᠨ ᠦ ᠪᠥᠯᠦᠭ ᠲᠦ ᠠᠨᠤ ᠲᠠᠤᠯᠠᠢ ᠶᠢᠨ ᠤᠬᠤᠷᠬᠠᠢ ᠭᠡᠳᠡᠭ᠃ ᠴᠠᠭᠠᠨ ᠤᠯᠠᠭᠠᠨ ᠲᠤᠰᠤᠯ ᠴᠣᠪᠤᠷᠠᠬᠤ ᠶᠢ ᠪᠣᠭᠣᠬᠤ ᠳᠤ ᠬᠡᠷᠡᠭᠲᠡᠢ ᠶᠢ ᠡᠰᠡ ᠢᠯᠭᠠᠨ᠂ ᠠᠮᠢᠲᠠᠨ ᠲᠠᠤᠯᠠᠢ ᠶᠢ ᠣᠯᠠᠨ ᠨᠢᠳᠤᠯᠵᠤ ᠨᠢᠳᠦ ᠪᠠ ᠨᠢᠳᠦᠨ ᠣᠬᠣᠷᠬᠠᠢ ᠶᠢ ᠡᠨᠳᠡᠭᠦᠷᠡᠵᠦ ᠦᠭ ᠭᠡᠮᠡᠬᠦ ᠶᠢ ᠰᠣᠨᠣᠰᠪᠠ᠃ ᠰᠢᠷᠬᠠ ᠬᠢᠭᠡᠳ ᠲᠣᠯᠣᠭᠠᠢ ᠵᠠᠰᠠᠬᠤ ᠦᠶᠡᠰ ᠪᠦᠰᠦᠬᠠᠩ ᠢ ᠣᠬ ᠨᠣᠮᠯᠠᠯ ᠳᠤ ᠵᠤᠬᠯᠠᠳᠮᠠᠨ( ᠪᠢᠯᠵᠤᠤᠬᠠᠢ ᠶᠢᠨ ᠲᠠᠷᠢᠬᠢ ᠶᠢᠨ ᠡᠮ) ᠭᠡᠮᠡᠬᠦ ᠶᠢ ᠡᠰᠡ ᠮᠡᠳᠡᠵᠦ ᠪᠣᠯᠵᠤᠮᠤᠷ ᠪᠣᠬᠰᠤᠷᠭᠠ ᠠᠯᠠᠵᠤ ᠲᠠᠷᠢᠬᠢ ᠶᠢ ᠡᠮ ᠳᠦ ᠲᠠᠯᠪᠢ ᠭᠡᠳᠡᠭ ᠨᠢ ᠢᠨᠢᠶᠡᠳᠦᠮ ᠦᠨ ᠣᠷᠣᠨ᠃ ᠯᠠᠪᠠᠢ᠂ ᠢᠪᠠᠤᠬᠠᠢ ᠶᠢ ᠶᠡᠭᠦᠳᠡᠭ ᠲᠤᠷ ᠷᠣᠣ ᠷᠠᠬᠴᠠ ᠶᠢᠨ ᠦᠷᠡ ᠵᠢᠷᠭᠤᠭᠠᠨ ᠲᠠᠯᠠ ᠲᠠᠢ( ᠬᠣᠩᠰᠢᠶᠠᠷ) ᠶᠢ ᠬᠡᠷᠡᠭᠯᠡᠬᠦ ᠬᠢᠭᠡᠳ ᠰᠤᠳᠠᠯ ᠤᠨ ᠲᠤᠭᠤᠯᠭᠠ ᠶᠢᠨ ᠦᠶᠡᠰ ᠷᠠᠬᠴᠠᠮᠢᠩᠮᠢᠳ( ᠨᠢᠳᠦ ᠦᠭᠡᠢ ᠷᠠᠬᠴᠠ) ᠭᠡᠮᠡᠬᠦ ᠶᠢ ᠰᠢᠷᠭᠤᠯᠵᠢ ᠳᠤ ᠡᠨᠳᠡᠭᠦᠷᠡᠵᠦ᠂ ᠰᠢᠷᠭᠤᠯᠵᠢ ᠶᠢᠨ ᠦᠷᠡ ᠶᠢ ᠥᠭᠬᠦ ᠬᠡᠷᠡᠭᠲᠡᠢ ᠭᠡᠮᠡᠨᠡᠮ᠃ ᠵᠠᠭᠠᠩ ᠲᠠᠮᠤᠰᠠ ᠶᠢ ᠭᠡᠷ ᠦᠨ ᠲᠠᠬᠢᠶᠠᠨ ᠤ ᠬᠥᠯ᠂ ᠷᠸᠭᠤᠨᠪᠠ ᠶᠢ ᠲᠠᠬᠲᠠᠭᠠ ᠶᠢᠨ ᠬᠦᠯ᠂ ᠠᠮᠢᠲᠠᠨ ᠳᠠᠬᠲᠠᠭᠠ ᠶᠢᠨ ᠴᠢᠮᠦᠭᠡᠨ ᠲᠤᠰᠤ ᠶᠢ ᠥᠭᠬᠦ ᠭᠡᠮᠡᠨ ᠬᠡᠯᠡᠯᠴᠡᠬᠦ ᠶᠢ ᠰᠣᠨᠣᠰᠤᠯᠠ᠃
ᠨᠢᠶᠠᠨ ᠪᠣᠭᠣᠮᠠ ᠪᠠ ᠬᠡᠤᠬᠡᠳ ᠳᠣᠬᠲᠠᠭᠠᠬᠤ ᠦᠶᠡᠰ ᠢ ᠡᠰᠡ ᠢᠯᠭᠠᠨ ᠡᠪᠡᠰᠦᠨ ᠳ᠋ᠠᠬᠱᠠ ᠶᠢ ᠠᠷᠢᠶᠠᠲᠠᠨ ᠳ᠋ᠠᠬᠱᠠ( ᠪᠠᠷᠰ ᠤᠨ ᠮᠢᠬᠠ) ᠭᠡᠵᠦ ᠡᠨᠳᠡᠭᠦᠷᠡᠵᠦ ᠪᠣᠢ᠃ ᠨᠢᠳᠦᠨ ᠡᠮ ᠨᠧᠯᠡᠲ᠋ᠣᠲ᠋ᠠ( ᠬᠠᠷᠠ ᠪᠠᠢᠪᠠᠩ)᠂ ᠪᠢᠬᠪᠠᠨ ᠬᠢᠭᠡᠳ ᠬᠡᠢ ᠬᠢᠵᠢᠭ ᠦᠨ ᠦᠶᠡᠰ ᠳᠡᠬᠢ ᠰᠠᠷᠢᠮᠰᠠᠭ ᠤᠨ ᠦᠨᠡᠰᠦ ᠪᠢᠬᠪᠠᠨ ᠲᠠᠢ ᠡᠨᠳᠡᠭᠦᠷᠡᠨᠡ᠃ ᠦᠭᠡᠰ ᠢ ᠬᠤᠷᠢᠶᠠᠨ ᠠᠷᠤᠷᠠ᠂᠂ ᠪᠠᠷᠤᠷᠠ᠂ ᠵᠦᠷᠦᠷᠠ ᠶᠢ ᠭᠤᠷᠪᠠᠨ ᠦᠷᠡ ᠭᠡᠬᠦ ᠶᠢ ᠭᠤᠷᠪᠠᠨ ᠵᠦᠢᠯ ᠦᠨ ᠦᠷᠡ ᠭᠡᠬᠦ ᠦᠶᠡᠰ ᠢ ᠡᠰᠡ ᠢᠯᠭᠠᠨ ᠡᠨᠳᠡᠭᠦᠷᠡᠨᠡ᠃ ᠡᠨᠡᠳᠬᠡᠭ ᠬᠡᠯᠡ ᠪᠡᠷ ᠢᠨᠳᠡᠷᠡ᠂ ᠲᠦᠪᠡᠳ ᠬᠡᠯᠡ ᠪᠡᠷ ᠡᠷᠬᠡᠲᠡᠨ ᠪᠥᠭᠡᠳ ᠳ᠋ᠦ᠋ᠭ᠌ᠮᠤᠨᠢᠤᠩ ᠤᠨ ᠢᠨᠳᠠᠷᠠᠶᠠᠪᠠ᠂ ᠡᠷᠬᠡᠲᠡᠨ ᠦ ᠢᠨᠳᠡᠷᠡ( ᠡᠷᠬᠡᠲᠡᠨ ᠦ ᠭᠠᠷ) ᠪᠠ ᠢᠨᠳᠡᠷᠡ ᠳᠥᠷᠪᠡ ᠭᠡᠮᠡᠬᠦ ᠶᠢ ᠡᠰᠡ ᠢᠯᠭᠠᠵᠤ᠂ ᠸᠠᠩᠯᠠᠬ ᠥ ᠴᠦᠰᠧᠷᠢᠨᠳᠡᠷᠮᠦ᠂ ᠳ᠋ᠢᠭᠳᠡ᠂ ᠯᠢᠳᠡᠷᠢ ᠳᠥᠷᠪᠡ ᠪᠣᠯ ᠬᠡᠰᠢᠭᠦᠨ ᠦ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠬᠴᠢ᠂ ᠢᠨᠳᠡᠷᠡ ᠳᠥᠷᠪᠡ ᠬᠢᠭᠡᠳ ᠳ᠋ᠦ᠋ᠭ᠌ᠮᠤᠨᠢᠤᠩ᠂ ᠪᠣᠢᠭᠠᠷ᠂ ᠪᠠᠯᠢᠭᠠ᠂ ᠯᠢᠭᠠᠳᠣᠷ ᠤᠨ ᠢᠨᠳᠡᠷᠡ ᠳᠥᠷᠪᠡ ᠶᠢ ᠭᠡᠳᠡᠰᠦᠨ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠬᠤ ᠦᠶᠡᠰ ᠲᠦ ᠨᠣᠮᠯᠠᠬᠰᠠᠨ ᠲᠠᠢ ᠡᠨᠳᠡᠭᠦᠷᠡᠨᠡ᠃ ᠲᠦᠷᠸᠠ᠂ ᠷᠠᠮᠼᠢ ᠤᠳᠬᠠ ᠨᠢᠭᠡ ᠷᠠᠮᠪᠤ ᠭᠡᠮᠡᠨᠡ᠃ ᠰᠠᠭᠤᠯᠭᠠᠬᠤ ᠶᠢ ᠵᠣᠬᠰᠤᠭᠠᠬᠤ ᠷᠠᠮᠪᠠ ᠶᠢ ᠡᠨᠳᠡᠭᠦᠷᠡᠨ ᠲᠠᠯᠪᠢᠵᠤ᠂ ᠭᠠᠷᠨᠠᠬ ᠭᠡᠮᠡᠬᠦ ᠬᠠᠷᠠ ᠠᠭᠠᠷᠤ ᠬᠢᠭᠡᠳ ᠭᠠᠬᠠᠢ ᠶᠢᠨ ᠬᠣᠷᠭᠣᠯ ᠤᠨ ᠦᠨᠡᠰᠦ ᠭᠠᠪᠤᠷ ᠨᠠᠬᠪᠤ( ᠬᠠᠷᠠ ᠭᠠᠪᠤᠷ) ᠬᠡᠮᠡᠬᠦ ᠶᠢ ᠭᠠᠷᠨᠠᠬ ᠲᠤ ᠡᠨᠳᠡᠭᠦᠷᠡᠬᠦ᠂ ᠪᠤᠷᠠᠮ᠂ ᠴᠠᠭᠠᠨ ᠪᠣᠷᠣ ᠬᠣᠶᠠᠷ ᠤᠨ ᠴᠠᠭᠠᠨ ᠪᠤᠷᠠᠮ ᠬᠢᠭᠡᠳ ᠵᠠᠩᠪᠣᠯᠭᠠᠷᠬᠦ ᠶᠢᠨ ᠦᠰᠦᠭ ᠲᠦ ᠡᠨᠳᠡᠭᠦᠷᠡᠨᠡ᠃ ᠳ᠋ᠣᠳᠪᠠ᠂᠂ ᠵᠠᠪᠠᠯᠠᠮᠠ ᠬᠡᠮᠡᠬᠦ ᠨᠢ ᠭᠠᠯ ᠤᠨ ᠤᠲᠤᠭᠠ ᠣᠷᠢᠶᠠᠯᠳᠤᠬᠰᠠᠨ ᠦᠰᠦ ᠰᠢᠭ᠌ ᠢ ᠤᠰᠤᠨ ᠭᠦᠭᠦᠩ( ᠤᠰᠤᠨ ᠢᠵᠠᠮᠠᠬ) ᠬᠠᠲᠠᠬᠰᠠᠨ ᠲᠠᠢ ᠡᠨᠳᠡᠭᠦᠷᠡᠨᠡ᠃ ᠷᠠᠨᠠᠮᠤᠯᠠ ᠬᠡᠮᠡᠬᠦ( ᠪᠢᠪᠢᠯᠢᠩ ᠦᠨ ᠦᠨᠳᠦᠰᠦ) ᠳᠦ ᠡᠯᠳᠡᠪ ᠵᠦᠢᠯ ᠦᠨ ᠡᠪᠡᠷ ᠦᠳ ᠢ ᠲᠠᠯᠪᠢᠬᠤ ᠡᠮᠴᠢ ᠶᠢ ᠦᠵᠡᠪᠡ᠃ ᠠᠱᠤᠬᠭᠠᠨᠳᠠᠨ ᠲᠦᠪᠠᠳ ᠬᠡᠯᠡᠨ ᠳᠦ ᠳ᠋ᠠᠬᠰᠧᠷᠤᠠ( ᠭᠠᠨᠳᠠᠭᠠᠷᠢ) ᠠᠱᠠᠭᠠᠳᠠ᠂ ᠮᠣᠷᠢᠨ ᠰᠢᠪᠡᠷᠢ ᠪᠥᠭᠡᠳ ᠠᠱᠣᠬᠭᠠᠨᠳᠠ( ᠪᠠᠰᠪᠤᠢ᠍ᠷᠦ) ᠶᠢ ᠮᠣᠷᠢᠨ ᠤ ᠴᠣᠬᠴᠠ ᠳᠤ ᠡᠨᠳᠡᠭᠦᠷᠡᠵᠦ᠂ ᠢᠨᠠᠬᠰᠢ ᠴᠢᠨᠠᠬᠰᠢ ᠤᠳᠬᠠ ᠬᠢᠭᠡᠳ ᠦᠰᠦᠭ ᠲᠦ ᠡᠨᠳᠡᠭᠦᠷᠡᠬᠦ ᠶᠢ ᠦᠵᠡᠪᠡ᠃ ᠭᠤᠮᠰᠠ ᠳ᠋ᠣᠯᠱᠠ( ᠪᠡᠰᠡᠷᠡᠭ ᠬᠠᠢᠨᠤᠬ ᠤᠨ ᠮᠢᠬᠠ)᠂ ᠭᠠᠮᠰᠠ᠂ ᠭᠠᠮᠪᠠᠰᠠ( ᠦᠬᠡᠷ ᠦᠨ ᠮᠢᠬᠠ ᠪᠤᠶᠤ ᠬᠠᠲᠠᠭᠠᠬᠰᠠᠨ ᠮᠢᠬᠠ) ᠡᠳᠡᠭᠡᠷ ᠢ ᠦᠰᠦᠭ ᠤᠳᠬᠠ ᠳᠤ ᠡᠨᠳᠡᠭᠦᠷᠡᠬᠦ᠃ ᠵᠠᠷᠢᠮ ᠮᠤᠩᠬᠠᠭ ᠤᠳ ᠢᠶᠠᠷ ᠬᠠᠭᠠᠷᠠᠬᠰᠠᠨ ᠠᠷᠠᠰᠤᠨ ᠵᠠᠪᠰᠠᠷ ᠤᠨ ᠥᠴᠦᠬᠡᠨ ᠥᠭᠡᠷᠢ ᠶᠢ ᠦᠬᠡᠷ ᠦᠨ ᠮᠢᠬᠠ ᠬᠠᠲᠠᠭᠠᠬᠤ ᠲᠠᠢ ᠡᠨᠳᠡᠭᠦᠷᠡᠨᠡ᠃ ᠰᠠᠪᠱᠧᠩ ᠵᠦᠮᠽᠡ᠂ ᠰᠠᠪᠮᠤ᠂ ᠱᠣᠷᠤᠮ( ᠬᠠᠲᠠᠬᠰᠠᠨ ᠠᠢᠷᠠᠬ)᠂ ᠰᠠᠪᠵᠠᠢ( ᠳᠠᠷᠠᠰᠤ) ᠶᠢᠨ ᠦᠶᠡᠰ ᠢ ᠦᠯᠦ ᠢᠯᠭᠠᠨ ᠡᠨᠳᠡᠭᠦᠷᠡᠨᠡ᠃ ᠳ᠋ᠠᠽᠠ ᠪᠣᠯ ᠦᠰᠦ᠋᠂ ᠳ᠋ᠠᠵᠠ( ᠠᠯᠲᠠᠨ ᠤ ᠴᠢᠯᠠᠭᠤ) ᠶᠢ ᠵᠣᠩᠰᠢ ᠳᠤ ᠡᠨᠳᠡᠭᠦᠷᠡᠨᠡ᠃ ᠳ᠋ᠣᠮᠳᠠᠬ ᠭᠡᠳᠡᠭ ᠪᠣᠯ ᠭᠣᠣᠵᠢᠯᠠ ᠶᠢᠨ ᠥᠭᠡᠷᠡ ᠨᠡᠷᠡ᠂ ᠳ᠋ᠣᠮᠪᠤᠳᠠᠬᠱᠠ( ᠡᠪᠡᠰᠦᠨ ᠳ᠋ᠠᠬᠱᠠ) ᠳᠤ ᠡᠨᠳᠡᠭᠦᠷᠡᠨᠡ᠃ ᠹᠧᠤᠩ( ᠭᠦᠷᠦ ᠴᠢᠯᠠᠭᠤ)᠂ ᠹᠡᠧᠡᠩ( ᠪᠠᠬᠪᠠᠬᠠᠢ) ᠡᠭᠦᠨ ᠢ ᠨᠠᠷᠤᠤ ᠪᠠᠢᠬᠤ ᠦᠭᠡᠢ ᠳᠦ ᠬᠢᠭᠡᠳ ᠵᠢᠤᠯᠢᠪ ᠴᠢᠯᠠᠭᠤ ᠲᠠᠢ ᠡᠨᠳᠡᠭᠦᠷᠡᠬᠦ ᠴᠦ᠍ ᠬᠠᠶᠠ ᠪᠣᠢ᠃ ᠵᠠᠯᠢᠪ᠂ ᠵᠢᠤᠯᠢᠪ ᠵᠠᠮᠠᠵᠠᠤ( ᠠᠳᠠᠯᠢ ᠨᠡᠷᠡ) ᠶᠢ ᠫᠠᠸᠠᠩᠵᠢᠯᠢᠪ( ᠣᠷᠣᠢ ᠬᠠᠪᠲᠠᠭᠠᠢ ᠪᠠᠬᠪᠠᠬᠠᠢ) ᠲᠤ᠌ ᠡᠨᠳᠡᠭᠦᠷᠡᠵᠦ ᠪᠠᠢᠬᠤ ᠦᠭᠡᠢ ᠪᠣᠶᠤ ᠵᠡᠰᡁᠯ( ᠪᠥᠬᠦᠩ ᠦᠨ ᠥᠭᠡᠬᠦ) ᠬᠡᠮᠡᠬᠦ ᠦᠶᠡᠰ ᠢ ᠦᠯᠦ ᠢᠯᠭᠠᠨ ᠵᠠᠶᠠᠨᠷᠢᠳᠠᠬᠼᠠᠯ( ᠬᠢᠲᠠᠳ ᠭᠥᠷᠦᠭᠡᠰᠦᠨ ᠥᠭᠡᠬᠦ) ᠬᠢᠭᠡᠳ ᠱᠠᠨᠢᠪᠣᠷᠨᠢᠩ( ᠪᠤᠭᠤ ᠶᠢᠨ ᠬᠣᠷᠭᠣᠯ᠂ ᠵᠢᠷᠦᠬᠡ) ᠶᠢ ᠢᠮᠠᠭᠠ᠂ ᠪᠥᠬᠦᠩ ᠦᠨ ᠬᠣᠳᠣᠭᠣᠳᠣ᠂ ᠥᠭᠡᠬᠦ ᠭᠤᠷᠪᠠ ᠶᠢ ᠨᠢᠵᠡᠭᠡᠳ ᠡᠨᠳᠡᠭᠦᠷᠡᠨᠡ᠃ ᠡᠮ ᠥᠭᠬᠦ ᠳᠦ ᠤᠷᠢᠳ ᠬᠣᠵᠢᠳ ᠲᠠᠯᠪᠢᠬᠤ ᠪᠠ ᠦᠰᠦᠭ ᠦᠨ ᠬᠣᠪᠢ ᠠᠯᠳᠠᠭᠠ ᠶᠢ ᠦᠯᠦ ᠠᠩᠬᠠᠷᠤᠨ᠂ ᠥᠩᠭᠡᠷᠡᠭᠰᠡᠨ ᠪᠠ ᠢᠷᠡᠭᠡᠳᠦᠢ ᠳᠦ ᠡᠨᠳᠡᠭᠦᠷᠡᠬᠦ ᠣᠯᠠᠨ᠃ ᠡᠳᠡᠭᠡᠷ ᠪᠠᠭᠠ ᠰᠠᠭᠠ ᠡᠨᠳᠡᠭᠦᠷᠡᠯ ᠢ ᠶᠡᠬᠡ ᠲᠦᠯᠦᠪ ᠡᠭᠦᠨ ᠢᠶᠡᠷ ᠣᠷᠤᠯᠠᠪᠠ᠃ ᠪᠦᠬᠦᠨ ᠳᠦ ᠡᠨᠳᠡᠭᠦᠷᠡᠯ ᠦᠭᠡᠢ ᠮᠡᠷᠭᠡᠨ ᠪᠠᠬᠰᠢ ᠶᠢ ᠰᠢᠲᠦᠭᠲᠦᠨ᠃
ᠵᠣᠬᠢᠶᠠᠬᠴᠢ ᠶᠢᠨ ᠦᠭᠦᠯᠡᠯ
ᠠᠯᠢᠨ ᠤ ᠠᠳᠢᠰᠲᠠᠳ ᠠᠯᠲᠠᠨ ᠨᠠᠷᠠᠨ ᠤ ᠬᠦᠴᠦᠨ ᠢᠶᠡᠷ
ᠠᠯᠮᠠᠢ ᠮᠢᠨᠦ ᠣᠶᠤᠨ ᠤ ᠯᠢᠩᠬᠤᠠ ᠶᠢᠨ ᠭᠣᠬᠠ ᠪᠠᠷ
ᠠᠷᠪᠢᠨ ᠨᠣᠮᠯᠠᠯ ᠠᠭᠤᠵᠢᠮ ᠳᠠᠯᠠᠢ ᠶᠢᠨ ᠬᠣᠢᠬ ᠠᠴᠠ
ᠠᠷᠢᠭᠤᠳᠬᠠᠨ ᠱᠢᠷᠦᠨ ᠦ ᠬᠦᠵᠦᠭᠦᠨ ᠴᠢᠮᠡᠭ ᠢ ᠬᠢᠯᠬᠡᠭᠰᠡᠨ ᠢᠨᠣ ᠶᠠᠭᠤᠲᠠᠢ
ᠦᠵᠡᠯᠭᠡ ᠦᠭᠡᠢ ᠬᠦᠮᠦᠨ ᠲᠡᠭᠦᠨᠡ
ᠦᠯᠡᠮᠵᠢ ᠦᠵᠡᠮᠦᠷ ᠶᠠᠭᠤᠨ ᠳᠤᠰᠠ
ᠦᠵᠡᠯ ᠪᠤᠷᠤᠭᠤ ᠠᠲᠠᠭᠠᠲᠠᠨ ᠬᠥᠮᠦᠨᠡ
ᠦᠨᠡᠨ ᠨᠣᠮᠯᠠᠯ ᠬᠡᠷᠡᠭ ᠪᠠᠢᠨᠠ ᠤᠤ᠃
ᠬᠠᠰᠢ ᠶᠠᠰᠢ ᠪᠢᠴᠢᠭᠰᠡᠨ ᠡᠭᠦᠨ ᠢ
ᠬᠠᠮᠤᠭ ᠮᠡᠷᠭᠡᠳ ᠲᠣᠯᠢᠳᠠᠨ ᠵᠠᠰᠠ
ᠬᠠᠶᠠ ᠵᠠᠷᠢᠮ ᠴᠤ ᠳᠤᠷᠠ ᠵᠣᠷᠢᠬ ᠪᠤᠰᠤ
ᠬᠠᠷᠢᠨᠴᠤ ᠤᠯᠠᠮᠵᠢᠯᠠᠯᠲᠤ ᠣᠪᠠᠳᠢᠰ ᠮᠦᠨ᠃
ᠠᠴᠢᠲᠤ ᠯᠠᠮᠠ ᠶᠢᠨ ᠭᠤᠷᠪᠠᠨ ᠨᠢᠭᠤᠴᠠ ᠷᠠᠰᠢᠶᠠᠨ ᠭᠡᠷᠡᠯ ᠦᠨ
ᠠᠳᠠᠰᠳᠠᠳ ᠠᠨᠤ ᠠᠷᠪᠠᠨ ᠵᠦᠭ ᠲᠤᠷ ᠰᠠᠴᠤᠷᠠᠬᠰᠠᠨ ᠢᠶᠠᠷ
ᠠᠮᠢᠲᠠᠨ ᠪᠦᠬᠦᠨ ᠦ ᠬᠠᠷᠠᠩᠭᠤᠢ ᠵᠣᠪᠠᠯᠠᠩ ᠨᠠᠰᠤᠳᠠ ᠠᠷᠢᠯᠵᠤ
ᠠᠮᠣᠷ ᠵᠢᠷᠭᠠᠯ ᠤᠨ ᠬᠥᠮᠦᠲᠡᠨ ᠴᠡᠴᠡᠭ ᠦᠨᠢᠳᠡ ᠳᠡᠯᠭᠡᠷᠡᠬᠦ ᠪᠣᠯᠲᠤᠭᠠᠢ!
ᠭᠡᠮᠡᠨ ᠰᠠᠢᠨ ᠨᠣᠮᠯᠠᠯ ᠤᠨ ᠳᠠᠯᠠᠢ ᠠᠴᠠ ᠳᠠᠲᠠᠬᠰᠠᠨ ᠱᠢᠷᠦᠨ ᠡᠷᠢᠬᠡ ᠰᠠᠢᠨ ᠦᠢᠯᠡᠳᠳᠦᠨ ᠨᠤᠭᠦᠳ ᠦᠨ ᠬᠦᠵᠦᠭᠦᠨ ᠴᠢᠮᠡᠭ ᠬᠡᠮᠡᠬᠦ ᠡᠭᠦᠨ ᠢ ᠡᠮᠴᠢ ᠳᠠᠨᠽᠠᠨᠰᠤᠢ᠍ᠯᠷᡁᠮ᠂ ᠡᠮᠴᠢ ᠵᠠᠮᠢᠶᠠᠩᠫᠡᠷᠡᠩᠯᠡᠢ᠂ ᠡᠮᠴᠢ ᠨᠢᠮᠠ ᠲᠡᠷᠢᠭᠦᠲᠡᠨ ᠪᠤᠰᠤᠳ ᠤᠨ ᠳᠤᠰᠠ ᠶᠢ ᠦᠢᠯᠡᠳᠦᠭᠴᠢᠳ ᠡᠨᠡ ᠮᠡᠲᠦ ᠨᠢᠭᠡᠨ ᠬᠡᠷᠡᠭᠲᠡᠢ ᠬᠡᠮᠡᠨ ᠳᠠᠬᠢᠨ ᠳᠠᠪᠲᠠᠨ ᠳᠤᠷᠠᠳᠤᠬᠰᠠᠨ ᠠᠴᠠ ᠬᠢᠵᠠᠭᠠᠷ ᠣᠷᠣᠨ ᠤ ᠪᠢᠳᠠᠭᠤ ᠮᠣᠩᠬᠠᠬ ᠭᠦᠩ ᠦᠨ ᠵᠤᠤ ᠶᠢᠨ ᠭᠡᠭᠡᠨ ᠬᠣᠪᠢᠯᠭᠠᠨ ᠤ ᠨᠡᠷᠡ ᠵᠠᠭᠦᠭᠰᠡᠨ ᠠᠬᠸᠠᠩᠯᠤᠢ᠍ᠩᠷᠢᠬᠲᠤᠪᠳᠠᠨᠨᠢᠮᠠ ᠪᠣᠶᠤ ᠪᠤᠰᠤᠳ ᠨᠡᠷᠡ ᠳᠣᠷᠵᠢᠫᠠᠯᠠᠮ ᠢᠶᠠᠷ ᠵᠢᠭᠳᠡᠭᠦᠯᠦᠨ ᠨᠠᠢᠷᠠᠭᠤᠯᠵᠤ ᠵᠣᠬᠢᠶᠠᠪᠠ᠃ ᠠᠮᠢᠲᠠᠨ ᠪᠦᠬᠦᠨ ᠭᠤᠷᠪᠠᠨ ᠬᠣᠣᠷ ᠤᠨ ᠡᠪᠡᠳᠴᠢᠨ ᠡᠴᠡ ᠲᠦᠷᠭᠡᠨ ᠭᠡᠲᠦᠯᠬᠦ ᠪᠣᠯᠲᠤᠭᠠᠢ!
ᠲᠠᠢᠯᠪᠣᠷᠢ
ᠯᠦᠩ᠄ ᠤᠯᠠᠮᠵᠢᠯᠠᠯᠲᠤ ᠡᠷᠳᠡᠮ ᠢᠶᠡᠨ ᠪᠤᠰᠤᠳ ᠲᠤ ᠳᠠᠮᠵᠢᠭᠤᠯᠬᠤ ᠶᠢ ᠯᠦᠩ ᠲᠠᠯᠪᠢᠨᠠ ᠭᠡᠳᠡᠭ᠃
ᠲᠤᠵᠢᠷᠠᠬᠰᠠᠨ᠄ ᠮᠠᠨᠳᠤᠨ ᠭᠠᠷᠤᠬᠰᠠᠨ᠃
ᠭᠤᠷᠪᠠᠨ ᠴᠤᠬᠠᠬ ᠳᠡᠭᠡᠳᠦᠰ᠄ ᠯᠠᠮᠠ ᠪᠤᠷᠬᠠᠨ ᠴᠤᠬᠠᠬ ᠳᠡᠭᠡᠳᠦ᠂ ᠲᠡᠭᠦᠨ ᠦ ᠨᠣᠮᠯᠠᠬᠰᠠᠨ ᠨᠣᠮ ᠴᠤᠬᠠᠬ ᠳᠡᠭᠡᠳᠦ᠂ ᠲᠡᠭᠦᠨ ᠢ ᠳᠠᠭᠠᠨ ᠪᠠᠷᠢᠬᠴᠢ ᠬᠤᠸᠠᠷᠠᠭ ᠴᠤᠬᠠᠬ ᠳᠡᠭᠡᠳᠦ ᠵᠡᠷᠭᠡ ᠭᠤᠷᠪᠠ ᠶᠢ ᠬᠡᠯᠡᠨᠡ᠃
ᠸᠴᠢᠷᠳᠠᠷᠠ᠄ ᠲᠠᠷᠨᠢ ᠶᠢᠨ ᠶᠣᠰᠤᠨ ᠢ ᠨᠣᠮᠯᠠᠬᠤ ᠦᠶᠡ ᠳᠦ ᠱᠠᠬᠵᠠᠮᠤᠨᠢ ᠶᠢᠨ ᠬᠣᠪᠢᠯᠤᠬᠰᠠᠨ ᠳᠦᠷᠢ ᠶᠢᠨ ᠨᠡᠷᠡ᠃
ᠭᠤᠷᠪᠠᠨ ᠶᠢᠷᠲᠢᠨᠴᠦ᠄ ᠬᠦᠰᠡᠯᠡᠩᠲᠦ ᠶᠢᠷᠲᠢᠨᠴᠦ᠂ ᠳᠦᠷᠰᠦᠲᠦ ᠶᠢᠷᠲᠢᠨᠴᠦ᠂ ᠲᠦᠷᠰᠦ ᠦᠭᠡᠢ ᠶᠢᠷᠲᠢᠨᠴᠦ ᠭᠤᠷᠪᠠ᠃
ᠪᠢᠰᠮᠠᠨ ᠲᠩᠷᠢ᠄ ᠡᠷᠬᠡᠲᠦ ᠦᠬᠢᠨ ᠲᠩᠷᠢ᠃
ᠭᠤᠷᠪᠠᠨ ᠴᠠᠬ᠄ ᠥᠩᠭᠡᠷᠡᠭᠰᠡᠨ᠂ ᠡᠳᠦᠭᠡ᠂ ᠢᠷᠡᠭᠡᠳᠦᠢ ᠶᠢᠨ ᠭᠤᠷᠪᠠᠨ ᠴᠠᠬ ᠢ ᠬᠡᠯᠡᠨᠡ᠃
ᠭᠤᠷᠪᠠᠨ ᠲᠠᠨᠠ᠄ ᠭᠤᠷᠪᠠᠨ ᠶᠢᠷᠲᠢᠨᠴᠦ᠂ ᠭᠤᠷᠪᠠᠨ ᠳᠡᠭᠡᠳᠦ᠂ ᠭᠤᠷᠪᠠᠨ ᠴᠤᠬᠠᠭ ᠢ ᠵᠢᠭᠠᠵᠤ ᠪᠣᠢ᠃
ᠠᠯᠢᠮᠠᠳ᠄ ᠠᠯᠢ ᠨᠢᠭᠡᠨ᠃ ᠡᠨᠳᠡ ᠪᠢᠰᠮᠠᠨ ᠲᠩᠷᠢ ᠶᠢ ᠵᠢᠭᠠᠵᠠᠢ᠃
ᠨᠢᠭᠤᠴᠠ ᠭᠤᠷᠪᠠᠨ ᠯᠢᠩᠬᠤᠠ᠄ ᠯᠠᠬᠱᠠᠨ ᠤ᠂ ᠵᠠᠷᠯᠢᠭ ᠤᠨ᠂ ᠲᠠᠭᠠᠯᠠᠯ ᠤᠨ ᠨᠢᠭᠤᠴᠠ ᠶᠢ ᠬᠡᠯᠡᠬᠦ ᠪᠥᠭᠡᠳ ᠡᠨᠡ ᠨᠢ ᠪᠡᠶᠡ᠂ ᠬᠡᠯᠡ᠂ ᠰᠡᠳᠬᠢᠯ ᠦᠨ ᠭᠤᠷᠪᠠᠨ ᠨᠢᠭᠤᠴᠠ ᠶᠢ ᠵᠢᠭᠠᠵᠠᠢ᠃
ᠤᠱᠠᠳᠠ᠄ ᠴᠡᠴᠡᠭ ᠦᠨ ᠪᠠᠯ᠃
ᠰᠢᠳᠢ᠄ ᠨᠣᠮᠴᠢᠯᠠᠨ ᠶᠠᠪᠤᠬᠴᠢ ᠶᠢ ᠦᠷᠡᠴᠢᠯᠡᠨ ᠳᠡᠳᠬᠦᠭᠴᠢ ᠪᠤᠷᠬᠠᠨ᠂ ᠰᠢᠳᠢ ᠰᠠᠬᠢᠭᠤᠯᠰᠤᠨ ᠤ ᠨᠡᠷᠡ᠃
ᠶᠦᠲ᠋ᠣᠬ᠄ ᠣᠭ᠌ᠶᠤᠨ ᠵᠡᠭᠦᠳᠡᠯᠲᠦ ᠭᠡᠰᠡᠨ ᠤᠳᠬᠠ ᠲᠠᠢ᠂ ᠤᠯᠠᠮᠵᠢᠯᠠᠯᠲᠤ ᠬᠥᠮᠦᠨ ᠦ ᠨᠡᠷᠡ᠃
ᠫᠠ ᠳ᠋ᠠᠮᠪᠠ᠄ ᠬᠥᠮᠦᠨ ᠦ ᠨᠡᠷᠡ᠃
ᠨᠠᠢ᠍ᠮᠠᠨ ᠭᠠᠪᠠᠯᠠ᠄ ᠲᠦᠪᠡᠳ ᠨᠣᠮ ᠤᠨ ᠶᠣᠰᠤᠨ ᠤ ᠬᠢᠵᠢᠭ ᠰᠡᠷᠭᠡᠢᠯᠡᠬᠦ ᠳᠦ ᠬᠦᠵᠦᠭᠦᠨ ᠡᠴᠡ ᠵᠡᠭᠦᠳᠡᠭ ᠡᠳ᠋᠃
ᠭᠠᠷᠤᠳᠢ ᠶᠢᠨ ᠬᠦᠷᠳᠦ᠄ ᠲᠦᠪᠡᠳ ᠨᠣᠮ ᠤᠨ ᠶᠣᠰᠤᠨ ᠤ ᠬᠢᠵᠢᠭ ᠰᠡᠷᠭᠡᠢᠯᠡᠬᠦ ᠳᠦ ᠬᠦᠵᠦᠭᠦᠨ ᠡᠴᠡ ᠵᠡᠭᠦᠳᠡᠭ ᠡᠳ᠋᠃
ᠵᠡᠷᠯᠢᠭ ᠭᠠᠬᠠᠢ ᠶᠢᠨ ᠬᠦᠷᠳᠦ᠄ ᠲᠦᠪᠡᠳ ᠨᠣᠮ ᠤᠨ ᠶᠣᠰᠤᠨ ᠤ ᠬᠢᠵᠢᠭ ᠰᠡᠷᠭᠡᠢᠯᠡᠬᠦ ᠳᠦ ᠬᠦᠵᠦᠭᠦᠨ ᠡᠴᠡ ᠵᠡᠭᠦᠳᠡᠭ ᠡᠳ᠋᠃
ᠸᠴᠢᠷ ᠦᠨ ᠰᠦᠪᠡ᠄ ᠰᠢᠭᠡᠰᠦᠨ ᠰᠦᠪᠡ᠃
ᠢᠷᠣᠠ᠄ ᠰᠢᠨᠵᠢ ᠲᠡᠮᠳᠡᠭ᠃ ᠰᠠᠢᠨ ᠮᠠᠭᠤ ᠢᠷᠣᠠ ᠭᠡᠬᠦ ᠮᠡᠲᠦ᠃
ᠤᠰᠤᠨ ᠤ ᠪᠣᠬ᠄ ᠳᠠᠷᠤᠢ ᠤᠰᠤᠨ ᠳᠤ ᠳᠣᠬᠲᠠᠬᠰᠠᠨ ᠯᠠᠬ ᠪᠣᠬ᠃
ᠪᠡᠷᠡᠮᠬᠢ᠄ ᠬᠣᠷᠣᠬᠠᠢ ᠶᠢᠨ ᠨᠡᠷᠡ᠃
ᠭᠣᠳᠮᠠᠺᠠ᠄① ᠭᠡᠭᠦᠦ ᠮᠣᠷᠢᠨ ᠤ ᠬᠡᠯᠪᠡᠷᠢᠲᠦ ᠭᠠᠯᠲᠤ ᠠᠭᠤᠯᠠ ᠭᠡᠵᠦ ᠬᠡᠯᠡᠳᠡᠭ᠃② ᠬᠦᠴᠦᠨ ᠶᠡᠬᠡᠲᠡᠢ ᠬᠠᠯᠠᠭᠤᠨ ᠴᠢᠨᠠᠷᠲᠠᠢ ᠡᠮ ᠨᠠᠢᠷᠠᠯᠲᠠ ᠶᠢ ᠬᠡᠯᠡᠬᠦ ᠬᠣᠶᠠᠷ ᠤᠳᠬᠠ ᠲᠠᠢ᠃
ᠪᠠᠨᠽᠠᠷ᠄ ᠸᠴᠢᠷ ᠭᠡᠰᠡᠨ ᠦᠭᠡ᠃ ᠡᠨᠳᠡ ᠡᠷᠡ ᠪᠡᠯᠭᠡᠰ ᠢ ᠵᠢᠭᠠᠵᠠᠢ᠃
ᠪᠧᠳᠶᠡ ᠡᠬᠡ᠄①明妃②活佛之妻。
ᠥᠪᠡᠷ ᠦᠨ ᠨᠢᠭᠤᠴᠠ ᠦᠰᠦ᠄ ᠪᠡᠯᠭᠡᠰ ᠦᠨ ᠦᠰᠦ᠃
ᠡᠷᠯᠢᠭ ᠦᠨ ᠴᠡᠯᠮᠡ᠄ ᠦᠬᠦᠯ ᠦᠨ ᠣᠷᠣᠨ ᠳᠤ ᠬᠥᠲᠥᠯᠬᠦ ᠳᠡᠭᠡᠰᠦ᠃
ᠭᠠᠷᠤᠳᠤᠢ᠍ᠰ᠄ ᠪᠠᠭᠠᠰᠤ᠃
※ ᠢᠰᠢᠳᠠᠨᠽᠡᠨᠸᠠᠩᠵᠢᠯ ᠤᠨ ᠡᠮ ᠦᠨ ᠵᠣᠷ ᠪᠠ ᠡᠮᠴᠢᠯᠡᠭᠡ ᠶᠢᠨ ᠰᠢᠯᠦᠭ ᠢ《 ᠳᠠᠨᠽᠡᠨᠸᠠᠩᠵᠢᠯ ᠲᠤᠪᠳᠠᠨᠨᠢᠮᠠ ᠶᠢᠨ ᠡᠮᠴᠢᠯᠡᠭᠡᠨ ᠦ ᠵᠣᠷ ᠵᠠᠰᠠᠯ》( ᠥᠪᠥᠷ ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠦᠨ ᠬᠣᠷᠢᠶᠠ᠂1995 ᠣᠨ ᠤ12 ᠳ᠋ᠤᠭᠠᠷ ᠰᠠᠷᠠ᠂ ᠵᠠᠨᠯᠰᠠᠨᠽᠠᠩᠪᠤ᠂ ᠣᠳᠬᠠᠨᠪᠢᠯᠢᠭ ᠤᠨ ᠣᠷᠴᠢᠭᠤᠯᠭᠠ ᠠᠴᠠ ᠰᠡᠢᠷᠡᠭᠦᠯᠦᠨ ᠠᠪᠤᠪᠠ)᠃
ᠬᠣᠢᠨᠠᠬᠢ ᠲᠡᠮᠳᠡᠭᠯᠡᠯ
《ᠳᠠᠩᠽᠠᠨᠸᠠᠩᠵᠢᠯ ᠲᠣᠪᠳᠠᠨᠨᠢᠮᠠ ᠶᠢᠨ ᠡᠮᠴᠢᠯᠡᠭᠡᠨ ᠦ ᠵᠣᠷ ᠵᠠᠰᠠᠯ》 ᠳᠣᠲᠣᠷᠠᠬᠢ ᠳᠠᠩᠽᠡᠨᠸᠠᠩᠵᠢᠯ( ᠢᠰᠢᠳᠠᠨᠽᠠᠨᠸᠠᠩᠵᠢᠯ) ᠤᠨ ᠵᠣᠬᠢᠶᠠᠯ ᠪᠣᠯᠬᠤ《 ᠱᠢᠷᠦᠨᠴᠢᠮᠡᠭ》( ᠵᠤᠢ᠍ᠷᠤᠳᠦᠰᠡᠯ) ᠭᠡᠬᠦ ᠮᠣᠩᠭᠣᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠵᠣᠬᠢᠶᠠᠯ ᠢ ᠣᠷᠳᠣᠰ ᠤᠨ ᠡᠵᠡᠨ ᠬᠣᠷᠣᠭᠠ ᠬᠤᠰᠢᠭᠤᠨ ᠤ ᠭᠦᠩ ᠦᠨ ᠵᠤᠤ ᠬᠡᠢᠳ ᠦᠨ ᠲᠠᠪᠤᠳᠤᠭᠠᠷ ᠳᠦᠷᠢ ᠶᠢᠨ ᠭᠡᠭᠡᠨ᠂ ᠠᠯᠳᠠᠷᠲᠤ ᠮᠣᠩᠭᠣᠯ ᠡᠮᠴᠢ— ᠲᠠᠩᠽᠠᠨᠸᠠᠩᠵᠢᠯ( ᠢᠰᠢᠳᠠᠨᠽᠡᠨᠸᠠᠩᠵᠢᠯ)(1853—1906 ᠣᠨ)19 ᠳ᠋ᠦ᠍ᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠪᠡᠷ ᠲᠦᠪᠡᠳ ᠬᠡᠯᠡ ᠪᠡᠷ ᠵᠣᠬᠢᠶᠠᠵᠠᠢ᠃ ᠲᠤᠰ ᠵᠣᠬᠢᠶᠠᠯ ᠨᠢ ᠠᠭᠤᠯᠭᠠ ᠪᠠᠷ ᠪᠠᠶᠠᠯᠢᠭ᠂ ᠠᠪᠰᠠᠷᠬᠠᠨ᠂ ᠣᠢᠯᠠᠭᠠᠬᠤ ᠳᠤ ᠬᠢᠯᠪᠠᠷ ᠨᠠᠢᠷᠠᠯᠲᠠ ᠶᠢ ᠰᠤᠩᠭᠤᠨ᠂ ᠬᠡᠷᠡᠭᠯᠡᠬᠦ ᠳᠦ ᠳᠦᠭᠦᠮ᠂ ᠡᠮᠴᠢᠯᠡᠭᠡᠨ ᠦ ᠦᠷᠡ ᠳ᠋ᠦᠩ ᠨᠢ ᠰᠠᠢᠨ ᠪᠠᠢᠳᠠᠬ ᠠᠴᠠ《 ᠶᠡᠬᠡ ᠬᠥᠯᠭᠡ ᠶᠢ ᠤᠬᠠᠬᠰᠠᠳ ᠰᠤᠩᠭᠤᠨ ᠬᠡᠷᠡᠭᠯᠡᠬᠦᠶᠡ ᠬᠢᠯᠪᠠᠷ ᠣᠨᠣᠯ ᠤᠬᠠᠭᠠᠨ ᠮᠡᠳᠡᠬᠦ ᠦᠭᠡᠢ ᠡᠮᠴᠢ ᠨᠠᠷ ᠤᠬᠠᠵᠤ ᠮᠡᠳᠡᠬᠦᠶᠡ ᠳᠥᠭᠥᠮ》 ᠬᠡᠮᠡᠨ ᠠᠯᠳᠠᠷᠰᠢᠬᠰᠠᠨ ᠠᠴᠠ ᠣᠷᠳᠣᠰ ᠠᠴᠠ ᠠᠪᠤᠭᠠᠳ ᠪᠦᠬᠦ ᠣᠷᠣᠨ ᠤ ᠮᠣᠩᠭᠣᠯ ᠡᠮᠴᠢ ᠵᠢᠴᠢ ᠮᠣᠩᠭᠣᠯ ᠠᠷᠠᠳ ᠤᠯᠤᠰ᠂ ᠪᠤᠷᠢᠶᠠᠳ ᠮᠣᠩᠭᠣᠯ ᠬᠦᠷᠳᠡᠯᠡ ᠥᠷᠭᠡᠨ ᠢᠶᠡᠷ ᠤᠯᠠᠮᠵᠢᠯᠠᠬᠳᠠᠨ ᠬᠡᠷᠡᠭᠯᠡᠭᠳᠡᠭᠡᠳ ᠢᠷᠡᠭᠰᠡᠨ ᠮᠣᠩᠭᠣᠯ ᠡᠮᠨᠡᠯᠭᠡ ᠶᠢᠨ ᠠᠯᠳᠠᠷᠲᠤ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠪᠣᠯᠬᠤ ᠶᠤᠮ᠃ ᠲᠤᠰ ᠵᠣᠬᠢᠶᠠᠯ ᠨᠢ99 ᠭᠡᠰᠡᠭ ᠢᠶᠡᠷ ᠦᠷᠭᠦᠯᠵᠢ ᠳᠣᠬᠢᠶᠠᠯᠳᠤᠬᠤ᠂ ᠣᠯᠠᠨ ᠳᠡᠯᠭᠡᠷᠡᠬᠦ ᠡᠪᠡᠳᠴᠢᠨ ᠢ ᠳᠥᠭᠥᠮ ᠲᠣᠳᠣᠷᠬᠠᠢ ᠪᠠᠷ ᠲᠠᠨᠢᠯᠴᠠᠭᠤᠯᠵᠤ᠂ ᠲᠠᠩ ᠳᠠᠯᠬᠠ ᠶᠢᠨ ᠨᠠᠢᠷᠠᠯᠲᠠ᠂ ᠲᠤᠤᠹᠢᠯᠢᠩ ᠲᠠᠩ ᠪᠣᠯᠤᠨ ᠡᠮ ᠨᠣᠮᠣᠬᠠᠳᠬᠠᠬᠤ ᠠᠷᠭᠠ ᠵᠡᠷᠭᠡ ᠶᠢ ᠪᠠᠬᠲᠠᠭᠠᠵᠠᠢ᠃ ᠡᠭᠦᠨ ᠳᠦ ᠡᠮ ᠦᠨ ᠨᠠᠢᠷᠠᠯᠲᠠ220 ᠢᠯᠡᠭᠦᠦ᠂ ᠢᠬᠢᠷ ᠰᠢᠬᠢᠷ ᠵᠠᠰᠠᠯ100 ᠭᠠᠷᠤᠢ᠂ ᠡᠮ ᠨᠣᠮᠣᠬᠠᠳᠬᠠᠬᠤ ᠠᠷᠭᠠ40 ᠣᠷᠴᠢᠮ ᠢ ᠪᠠᠬᠲᠠᠭᠠᠵᠤ᠂ ᠭᠡᠰᠡᠭ ᠪᠦᠷᠢ ᠶᠢᠨ ᠰᠡᠭᠦᠯ ᠳ᠋ᠤᠨᠢ ᠰᠢᠯᠦᠭᠯᠡᠯ ᠢᠶᠡᠷ ᠬᠤᠷᠢᠶᠠᠩᠭᠤᠢᠯᠠᠵᠤ ᠲᠡᠭᠦᠰᠬᠡᠭᠰᠡᠨ ᠪᠣᠢ᠃
《 ᠳᠠᠩᠽᠠᠨᠸᠠᠩᠵᠢᠯ ᠲᠣᠪᠳᠠᠨᠨᠢᠮᠠ ᠶᠢᠨ ᠵᠣᠷ ᠵᠠᠰᠠᠯ》 ᠳᠣᠲᠣᠷᠠᠬᠢ ᠲᠣᠪᠳᠠᠨᠨᠢᠮᠠ ᠶᠢᠨ ᠵᠣᠬᠢᠶᠠᠯ ᠪᠣᠯᠬᠤ《 ᠱᠢᠷᠦᠨ ᠬᠦᠵᠦᠭᠦᠨ ᠴᠢᠮᠡᠭ》( ᠵᠦᠷᠦᠭᠦᠯᠵᠢᠨ) ᠭᠡᠬᠦ ᠵᠣᠬᠢᠶᠠᠯ ᠢ ᠶᠡᠬᠡ ᠵᠤᠤ ᠠᠢᠮᠠᠭ ᠤᠨ ᠡᠵᠡᠨ ᠬᠣᠷᠣᠭᠠ ᠬᠤᠰᠢᠭᠤᠨ ᠤ ᠭᠦᠩ ᠦᠨ ᠵᠤᠤ ᠬᠡᠢᠳ ᠦᠨ ᠵᠢᠷᠭᠤᠳᠤᠭᠠᠷ ᠭᠡᠭᠡᠨ᠂ ᠠᠯᠳᠠᠷᠲᠤ ᠮᠣᠩᠭᠣᠯ ᠡᠮᠴᠢ ᠲᠣᠪᠳᠠᠨᠨᠢᠮᠠ( ᠠᠬᠸᠠᠩᠯᠤᠢ᠍ᠩᠷᠢᠬᠲᠣᠪᠳᠠᠨᠨᠢᠮᠠ)(1909—1955 ᠣᠨ)1939—1953 ᠣᠨ ᠤ ᠬᠣᠭᠣᠷᠣᠨᠳᠣ ᠲᠥᠪᠡᠳ ᠬᠡᠯᠡ ᠪᠡᠷ ᠵᠣᠬᠢᠶᠠᠬᠰᠠᠨ ᠪᠥᠭᠡᠳ ᠲᠤᠰ ᠵᠣᠬᠢᠶᠠᠯ ᠢ《 ᠱᠢᠷᠦᠨᠴᠢᠮᠡᠭ》 ᠦᠨ ᠦᠷᠭᠦᠯᠵᠢᠯᠡᠯ ᠵᠣᠬᠢᠶᠠᠯ ᠭᠡᠳᠡᠭ᠃
ᠲᠤᠰ ᠵᠣᠬᠢᠶᠠᠯ ᠢ1954 ᠣᠨ ᠳᠤ ᠠᠩᠬᠠ ᠤᠳᠠᠭᠠ ᠲᠣᠬᠣᠢ ᠶᠢᠨ ᠵᠤᠤ ᠬᠡᠢᠳ ᠳᠡᠭᠡᠷᠡ ᠲᠣᠰᠣᠨ ᠬᠡᠪ ᠢᠶᠡᠷ ᠬᠡᠪᠯᠡᠭᠳᠡᠨ ᠣᠷᠳᠣᠰ ᠨᠤᠲᠤᠭ ᠲᠤ ᠤᠯᠠᠮᠵᠢᠯᠠᠭᠳᠠᠨ ᠬᠡᠷᠡᠭᠯᠡᠭᠳᠡᠭᠰᠡᠨ ᠪᠣᠯᠪᠠᠴᠤ᠂ ᠬᠠᠷᠠᠮᠰᠠᠯᠲᠠᠢ ᠨᠢ ᠤᠤᠯ ᠵᠣᠬᠢᠶᠠᠯ ᠤᠨ ᠭᠠᠷ ᠪᠢᠴᠢᠮᠡᠯ ᠢ ᠡᠳᠦᠭᠡ ᠬᠦᠷᠲᠡᠯᠡ ᠣᠯᠵᠤ ᠴᠢᠳᠠᠭᠠᠳᠤᠢ ᠪᠠᠢᠬᠰᠠᠭᠠᠷ ᠲᠤᠯᠠ᠂ ᠲᠤᠰ ᠤᠳᠠᠭᠠ ᠴᠤ ᠮᠦᠨ ᠲᠣᠬᠣᠢ ᠶᠢᠨ ᠵᠤᠤ ᠶᠢᠨ ᠲᠤᠰᠤᠨ ᠬᠡᠪ ᠢ ᠦᠨᠳᠦᠰᠦᠯᠡᠵᠦ ᠣᠷᠴᠢᠭᠤᠯᠤᠬᠰᠠᠨ ᠪᠠᠢᠨᠠ᠃ ᠲᠤᠰ ᠵᠣᠬᠢᠶᠠᠯ ᠤᠨ ᠪᠥᠲᠦᠴᠡ ᠡᠴᠡ ᠦᠵᠡᠬᠦ ᠳᠦ ᠬᠡᠳᠦᠢᠪᠡᠷ ᠣᠬᠣᠷ ᠠᠪᠰᠠᠷᠬᠠᠨ ᠵᠣᠬᠢᠶᠠᠯ ᠪᠣᠯᠬᠤ ᠪᠣᠯᠪᠠᠴᠤ᠂ ᠭᠣᠣᠯᠳᠠᠭᠤ ᠣᠳᠣ ᠦᠶᠡ ᠳᠦ ᠣᠯᠠᠨ ᠳᠡᠯᠭᠡᠷᠡᠬᠦ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ᠂ ᠨᠢᠶᠠᠨ ᠡᠪᠡᠳᠴᠢᠨ᠂ ᠬᠢᠵᠢᠭ ᠡᠪᠡᠳᠴᠢᠨ ᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠯᠡᠬᠦ᠂ ᠡᠮᠴᠢᠯᠡᠨ ᠵᠠᠰᠠᠬᠤ ᠵᠡᠷᠭᠡ ᠲᠠᠯᠠ ᠪᠠᠷ ᠨᠡᠯᠢᠶᠡᠳ ᠥᠷᠭᠡᠨ᠂ ᠨᠠᠷᠢᠨ ᠲᠣᠳᠣᠷᠬᠠᠢ ᠦᠭᠦᠯᠡᠭᠰᠡᠨ ᠡᠴᠡ ᠭᠠᠳᠠᠨᠠ᠂ ᠡᠨᠳᠡᠭᠦᠷᠡᠯ ᠢ ᠠᠷᠢᠯᠭᠠᠬᠤ ᠲᠤᠬᠠᠢ᠂ ᠢᠬᠢᠷ ᠰᠢᠬᠢᠷ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠣᠯᠠᠨ ᠠᠷᠪᠢᠨ ᠪᠠᠶᠠᠯᠢᠭ ᠠᠭᠤᠯᠭᠠ᠂ ᠲᠤᠷᠰᠢᠯᠭᠠ ᠶᠢ ᠬᠣᠷᠠᠮᠳᠤᠭᠤᠯᠤᠨ ᠪᠦᠬᠦ ᠵᠣᠬᠢᠶᠠᠯ ᠢᠶᠠᠨ13 ᠭᠡᠰᠡᠭ ᠬᠤᠪᠢᠶᠠᠵᠤ ᠲᠠᠢᠯᠪᠤᠷᠢᠯᠠᠬᠰᠠᠨ ᠪᠥᠭᠡᠳ300 ᠢᠯᠡᠭᠦᠦ ᠨᠠᠢᠷᠠᠯᠲᠠ ᠵᠣᠷ ᠢ ᠪᠠᠬᠲᠠᠭᠠᠵᠤ᠂ ᠵᠣᠬᠢᠶᠠᠯ ᠤᠨ ᠡᠬᠢᠯᠡᠯᠲᠡ ᠪᠣᠯᠤᠨ ᠲᠡᠭᠦᠰᠬᠡᠯᠳᠡ ᠳ᠋ᠤᠨᠢ ᠬᠤᠷᠢᠶᠠᠩᠭᠤᠢ ᠲᠣᠪᠴᠢᠯᠠᠬᠰᠠᠨ ᠵᠣᠬᠢᠶᠠᠬᠴᠢ ᠶᠢᠨ ᠦᠭᠦᠯᠡᠯ ᠢ ᠳᠠᠭᠠᠯᠳᠤᠭᠤᠯᠤᠬᠰᠠᠨ ᠪᠠᠢᠨᠠ᠃
ᠪᠢᠳᠡ ᠮᠣᠩᠭᠣᠯ ᠡᠮ ᠡᠮᠨᠡᠯᠭᠡ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠨᠣᠮ ᠪᠢᠴᠢᠭ ᠢ ᠵᠠᠯᠭᠠᠮᠵᠢᠯᠠᠨ ᠠᠪᠴᠤ᠂ ᠰᠤᠷᠴᠤ ᠰᠤᠳᠤᠯᠬᠤ ᠪᠠ ᠡᠮᠴᠢᠯᠡᠭᠡᠨ ᠳᠡᠭᠡᠷᠡ ᠬᠡᠷᠡᠭᠯᠡᠬᠦ ᠵᠡᠷᠭᠡ ᠪᠣᠳᠠᠲᠠᠢ ᠬᠡᠷᠡᠭᠴᠡᠭᠡ ᠶᠢ ᠦᠨᠳᠦᠰᠦᠯᠡᠵᠦ᠂ ᠲᠤᠰ ᠬᠣᠶᠠᠷ ᠵᠣᠬᠢᠶᠠᠯ ᠤᠨ ᠤᠤᠯ ᠮᠣᠳᠣᠨ ᠪᠠᠷ ᠤᠨ ᠲᠥᠪᠡᠳ ᠬᠡᠪᠯᠡᠯ ᠪᠣᠯᠤᠨ ᠤᠤᠯ ᠲᠤᠰᠤᠨ ᠬᠡᠪ ᠦᠨ ᠳᠠᠷᠤᠮᠠᠯ ᠢ ᠦᠰᠦᠭ ᠦᠭᠦᠯᠡᠪᠦᠷᠢ ᠳᠠᠷᠠᠭᠠᠯᠠᠭᠤᠯᠤᠨ ᠣᠷᠴᠢᠭᠤᠯᠵᠤ᠂ ᠦᠭᠡ ᠦᠭᠦᠯᠡᠪᠦᠷᠢ᠂ ᠦᠰᠦᠭ ᠴᠡᠭ ᠢ ᠨᠢ ᠭᠡᠭᠡᠭᠳᠡᠯ ᠦᠭᠡᠢ ᠪᠡᠷ ᠬᠡᠪᠯᠡᠵᠦ ᠭᠠᠷᠭᠠᠬᠤ ᠪᠠᠷ ᠵᠣᠷᠢᠬᠰᠠᠨ ᠪᠠᠢᠨᠠ᠃ ᠣᠷᠴᠢᠭᠤᠯᠬᠤ ᠳᠠᠭᠠᠨ ᠪᠢᠳᠠ ᠲᠠᠢᠵᠢ ᠨᠠᠷ ᠤᠨ ᠵᠤᠤ ᠶᠢᠨ ᠮᠣᠳᠣᠨ ᠪᠠᠷ ᠤᠨ ᠲᠥᠪᠡᠳ ᠬᠡᠪᠯᠡᠯ ᠪᠣᠯᠤᠨ ᠳᠠᠩᠽᠠᠨᠸᠠᠩᠵᠢᠯ( ᠢᠰᠢᠳᠠᠨᠽᠠᠨᠸᠠᠩᠵᠢᠯ) ᠤᠨ ᠳᠠᠷᠠᠭᠠ ᠳᠦᠷᠢ ᠶᠢᠨ ᠭᠡᠭᠡᠨ— ᠲᠣᠪᠳᠠᠨᠨᠢᠮᠠ( ᠠᠬᠸᠠᠩᠯᠤᠢ᠍ᠩᠷᠢᠬᠲᠣᠪᠳᠠᠨᠨᠢᠮᠠ) ᠶᠢᠨ ᠭᠡᠰᠡᠭ ᠣᠷᠴᠢᠭᠤᠯᠭᠠ ᠪᠣᠯᠤᠨ ᠤᠤᠯ ᠵᠣᠬᠢᠶᠠᠯ ᠤᠨ ᠬᠡᠯᠡ ᠬᠡᠯᠡᠯᠭᠡ ᠶᠢ ᠦᠨᠳᠦᠰᠦᠯᠡᠨ ᠠᠪᠰᠠᠷᠬᠠᠨ᠂ ᠣᠢᠯᠠᠭᠠᠮᠵᠢᠲᠠᠢ᠂ ᠤᠳᠬᠠ ᠲᠣᠳᠣᠷᠬᠠᠢ ᠪᠠᠷ ᠣᠷᠴᠢᠭᠤᠯᠬᠤ ᠶᠢ ᠪᠠᠷᠢᠮᠲᠠᠯᠠᠬᠰᠠᠨ ᠪᠢᠯᠡ᠃
ᠢᠩᠬᠢᠭᠡᠳ ᠳᠠᠩᠽᠠᠨᠸᠠᠩᠵᠢᠯ( ᠢᠰᠢᠳᠠᠨᠽᠠᠨᠸᠠᠩᠵᠢᠯ) ᠪᠣᠯᠣᠨ ᠲᠣᠪᠳᠠᠨᠨᠢᠮᠠ( ᠠᠬᠸᠠᠩᠯᠤᠢ᠍ᠩᠷᠢᠬᠲᠣᠪᠳᠠᠨᠨᠢᠮᠠ) ᠬᠣᠶᠠᠷ ᠤᠨ ᠵᠣᠬᠢᠶᠠᠯ ᠢ ᠬᠠᠮᠲᠤ ᠳ᠋ᠤᠨᠢ ᠨᠡᠢᠯᠡᠭᠦᠯᠵᠦ᠂ ᠨᠢᠭᠡ ᠪᠢᠴᠢᠭ ᠪᠣᠯᠭᠠᠵᠤ《 ᠳᠠᠩᠽᠠᠨᠸᠠᠩᠵᠢᠯ ᠲᠣᠪᠳᠠᠨᠨᠢᠮᠠ ᠶᠢᠨ ᠵᠣᠷ ᠵᠠᠰᠠᠯ》 ᠭᠡᠬᠦ ᠪᠢᠴᠢᠭ ᠦᠨ ᠨᠡᠷᠡ ᠪᠡᠷ ᠬᠡᠪᠯᠡᠭᠦᠯᠵᠦ᠂ ᠥᠷᠭᠡᠨ ᠣᠯᠠᠨ ᠡᠮ ᠡᠮᠨᠡᠯᠭᠡ ᠶᠢᠨ ᠠᠵᠢᠯᠲᠠᠨ ᠳᠤ ᠵᠣᠯᠭᠠᠭᠤᠯᠤᠬᠰᠠᠨ ᠢᠶᠠᠨ ᠡᠨᠳᠡ ᠮᠡᠳᠡᠭᠳᠡᠶᠡ᠃
ᠪᠢᠳᠠ ᠣᠷᠴᠢᠭᠤᠯᠬᠤ ᠶᠠᠪᠤᠴᠠ ᠳᠠᠭᠠᠨ ᠤᠤᠯ ᠵᠣᠬᠢᠶᠠᠯ ᠤᠨ ᠨᠤᠲᠤᠭ ᠣᠷᠣᠨ ᠤ ᠬᠡᠯᠡᠯᠭᠡ ᠪᠡᠷ ᠪᠢᠴᠢᠭᠳᠡᠭᠰᠡᠨ ᠵᠦᠢᠯᠡᠰ ᠢ ᠨᠢ ᠪᠦᠷ ᠲᠡᠷᠡ ᠶᠠᠩᠵᠤ ᠪᠠᠷ ᠨᠢ ᠣᠷᠴᠢᠭᠤᠯᠤᠬᠰᠠᠨ ᠶᠤᠮ᠂ ᠵᠢᠱᠢᠶᠡᠯᠡᠪᠡᠯ᠂ ᠴᠠᠮᠪᠤᠨᠢᠶᠠᠬᠵᠠᠬ ᠢ《 ᠮᠣᠬᠣᠷ ᠮᠣᠬᠳᠣᠬ》 ᠭᠡᠵᠦ᠂ ᠪᠡᠷᠪᠤᠢ᠍ᠷ ᠢ《ᠬᠠᠲᠠᠬᠢ》 ᠭᠡᠬᠦ ᠮᠡᠲᠦ᠃ ᠵᠣᠬᠢᠶᠠᠯ ᠤᠨ ᠲᠤᠮᠳᠠ ᠬᠠᠶᠠ ᠲᠣᠬᠢᠶᠠᠯᠳᠤᠬᠤ ᠬᠢᠲᠠᠳ ᠡᠮ ᠦᠨ ᠨᠡᠷᠡ ᠶᠢ ᠲᠥᠪᠡᠳ ᠢᠶᠡᠷ ᠠᠪᠢᠶᠠᠴᠢᠯᠠᠨ ᠲᠡᠮᠲᠡᠭᠯᠡᠭᠰᠡᠨ ᠢ ᠳᠠᠬᠢᠨ ᠮᠣᠩᠭᠣᠯ ᠪᠢᠴᠢᠯᠭᠡ ᠪᠡᠷ ᠠᠪᠢᠶᠠᠴᠢᠯᠠᠨ ᠪᠠᠭᠤᠯᠭᠠᠬᠰᠠᠨ ᠶᠤᠮ᠃ ᠵᠣᠬᠢᠶᠠᠯ ᠤᠨ ᠤᠤᠯ ᠤᠳᠬᠠ ᠰᠠᠨᠠᠭᠠ ᠶᠢ ᠬᠣᠪᠢᠷᠠᠭᠤᠯᠬᠤ ᠦᠭᠡᠢ ᠪᠠᠢᠳᠠᠯ ᠳᠣᠣᠷᠠ ᠵᠣᠬᠢᠶᠠᠯ ᠳ᠋ᠡᠬᠢ ᠨᠣᠮ ᠭᠦᠷᠢᠮ᠂ ᠲᠠᠷᠨᠢ᠂ ᠪᠢᠰᠢᠯᠭᠠᠯ ᠤᠨ ᠵᠦᠢᠯ ᠢ ᠨᠢ ᠬᠠᠰᠤᠵᠤ ᠣᠷᠬᠢᠬᠰᠠᠨ ᠪᠠᠢᠨᠠ᠃ ᠡᠮ ᠨᠠᠢᠷᠠᠯᠲᠠ ᠶᠢᠨ ᠳᠣᠲᠣᠷᠠ ᠬᠠᠶᠠ ᠨᠢᠭᠡ ᠨᠠᠢᠷᠠᠯᠲᠠ ᠶᠢᠨ ᠬᠥᠯ ᠡᠮ ᠦᠨ ᠲᠣᠭᠠ ᠨᠢ ᠨᠢᠭᠡ ᠢᠯᠡᠭᠦᠦ ᠪᠤᠶᠤ ᠡᠮ ᠦᠨ ᠬᠡᠮᠵᠢᠶᠡ ᠨᠢ ᠲᠣᠳᠣᠷᠬᠠᠢ ᠦᠭᠡᠢ ᠭᠠᠵᠠᠷ ᠢ ᠮᠦᠨ ᠬᠡᠪ ᠢᠶᠡᠷ ᠨᠢ ᠣᠷᠴᠢᠭᠤᠯᠤᠬᠰᠠᠨ ᠲᠤᠯᠠ ᠤᠩᠰᠢᠬᠴᠢᠳ ᠲᠠ ᠨᠠᠷ ᠰᠢᠨᠵᠢᠯᠡᠯ ᠰᠤᠳᠤᠯᠤᠯ ᠲᠠᠢ ᠪᠠᠷ ᠬᠦᠯᠢᠶᠡᠨ ᠠᠪᠴᠤ ᠤᠩᠰᠢᠬᠤ ᠪᠣᠯᠪᠠ ᠤᠤ!
ᠪᠢᠳᠡᠨ ᠦ ᠮᠡᠳᠡᠯᠭᠡ ᠳᠣᠷᠣᠢ ᠴᠢᠳᠠᠪᠤᠷᠢ ᠮᠡᠬᠦᠰ ᠦᠨ ᠤᠴᠢᠷ ᠢᠶᠠᠷ ᠡᠨᠳᠡᠭᠦᠦ ᠪᠤᠷᠤᠭᠤ ᠲᠠᠢ ᠭᠠᠵᠠᠷ ᠪᠠᠰᠠ ᠪᠠᠢᠵᠤ ᠮᠡᠳᠡᠬᠦ ᠲᠤᠯᠠ᠂ ᠤᠩᠰᠢᠬᠴᠢᠳ ᠮᠠᠨᠢ ᠨᠠᠨᠳᠢᠨ ᠰᠠᠨᠠᠯ ᠢᠶᠠᠨ ᠳᠡᠪᠰᠢᠭᠦᠯᠬᠦ ᠶᠢ ᠭᠦᠰᠡᠮᠦ᠃
ᠣᠷᠴᠢᠭᠤᠯᠤᠬᠴᠢ ᠠᠴᠠ1994᠂11᠂ ᠳ᠋ᠦ᠋ᠩᠱᠧᠩ ᠳᠦ
ᠡᠮᠬᠢᠳᠬᠡᠭᠴᠢ᠄ ᠴᠢ᠂ ᠨᠠᠷᠠᠨᠳᠠᠯᠠᠢ ᠴ᠂ ᠠᠯᠲᠠᠨᠰᠤᠢ᠍ᠮᠪᠦᠷ
ᠦᠨᠳᠦᠰᠦᠲᠡᠨ ᠦ ᠬᠡᠪᠯᠡᠯ ᠦᠨ ᠬᠣᠷᠢᠶᠠ 2004 ᠣᠨ
ᠥᠪᠥᠷ ᠮᠣᠩᠭᠣᠯ ᠤᠨ ᠲᠠᠷᠢᠶᠠᠯᠠᠩ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠪᠯᠡᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ
ᠠᠮᠢᠯᠠᠭᠤᠯᠤᠬᠰᠠᠨ ᠨᠢ᠄ ᠦᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠬᠰᠠᠨ ᠨᠢ᠄ ᠣᠳᠬᠠᠨᠰᠣᠠ