ᠱᠣᠷᠣᠩ ᠤᠨ ᠦᠨᠦᠷ - ᠷ ᠂ ᠴᠣᠢᠨᠣᠮ Шоронгийн үнэр – Р ᠂ Чойном
300ᠱᠣᠷᠣᠩ ᠤᠨ ᠦᠨᠦᠷ
ᠠᠮᠢᠲᠤᠷᠠᠯ ᠳᠤ ᠱᠣᠷᠣᠩ ᠦ᠋ᠨ ᠦᠨᠦᠷ ᠪᠠᠶ᠋ᠢᠲᠠᠭ ᠦᠭᠡᠢ
ᠠᠮᠢᠲᠤᠷᠠᠯ ᠦ᠋ᠨ ᠦᠨᠦᠷ ᠱᠣᠷᠣᠩ ᠳᠤ ᠪᠠᠶ᠋ᠢᠲᠠᠭ ᠦᠭᠡᠢ
ᠰᠢᠷᠣᠢ ᠳᠤ ᠬᠦᠷᠲᠡᠯᠡ ᠠᠮᠢᠲᠤᠷᠠᠯ ᠦ᠋ᠨ ᠦᠨᠦᠷ ᠪᠠᠶ᠋ᠢᠲᠠᠭ ᠠᠲᠠᠯᠠ
ᠱᠣᠷᠣᠩ ᠳᠤ ᠵᠥᠪᠬᠡᠨ ᠱᠣᠷᠣᠩ ᠦ᠋ᠨ ᠦᠨᠦᠷ ᠬᠠᠩᠬᠤᠯᠤᠨᠠ᠃
ᠲᠠᠯᠬᠠ ᠡᠨᠳᠡ ᠬᠠᠷᠠᠭᠲᠠᠪᠠᠴᠤ ᠲᠠᠯᠬᠠ ᠶ᠋ᠢᠨ ᠦᠨᠦᠷ ᠲᠡᠨᠳᠡ ᠪᠠᠶ᠋ᠢᠬᠤ ᠦᠭᠡᠢ
ᠦᠬᠦᠭᠰᠡᠨ ᠵᠠᠶᠠᠬ᠋ᠠ ᠶ᠋ᠢ ᠨᠢ ᠭᠤᠯᠢᠷ ᠪᠣᠯᠲᠠᠯᠠ ᠲᠡᠭᠡᠷᠮᠡᠲᠡᠵᠦ
ᠦᠢᠯᠡ ᠯᠠᠢ ᠪᠠᠷ ᠢᠰᠭᠡᠭᠰᠡᠨ ᠶᠠᠯᠠ!
ᠡᠲᠦᠷ ᠦ᠋ᠨ ᠨᠣᠷᠮᠠ—200 ᠭ᠌ᠷᠠᠮ
ᠥᠪᠡᠷ ᠲᠡᠭᠡᠨ ᠭᠣᠮᠣᠲᠠᠭᠰᠠᠨ ᠪᠣᠬᠢᠮᠲᠠᠯ ᠬᠠᠩᠬᠤᠯᠤᠨᠠ
ᠤᠰᠤᠨ ᠱᠥᠯᠦᠨ ᠡᠴᠡ ᠤᠬᠢᠯᠠᠭᠰᠠᠨ ᠨᠢᠯᠪᠤᠰᠤ ᠬᠥᠯᠥᠰᠥ ᠬᠤᠯᠮᠤᠰᠤ ᠬᠠᠩᠬᠤᠯᠤᠨᠠ
ᠤᠨᠲᠠᠬᠤ ᠣᠷᠣ ᠳᠡᠪᠢᠰᠭᠡᠷ ᠡᠴᠡ ᠤᠯᠠᠭᠠᠨ ᠲᠠᠮᠠᠬᠢ ᠠᠶᠤᠮᠰᠢᠬᠲᠤ ᠵᠡᠭᠦᠳᠦ ᠦᠨᠦᠷᠲᠦᠨᠡ᠃
ᠥᠷᠥ ᠵᠢᠷᠦᠬᠡᠨ ᠡᠴᠡ
ᠥᠰ ᠬᠣᠨᠵᠢᠩ ᠦᠨᠦᠷᠲᠦᠨᠡ
ᠡᠪᠦᠷ ᠲᠦᠷᠡᠢ ᠡᠴᠡ
ᠪᠢᠯᠡᠭᠦᠦ ᠨᠢᠭᠤᠭᠰᠠᠨ ᠬᠢᠲᠤᠬ᠋ᠠ
ᠦᠨᠦᠷᠲᠦᠨᠡ᠃
ᠬᠥᠮᠦᠨ ᠡᠨᠳᠡ ᠣᠯᠠᠨ ᠴᠦ᠍
ᠬᠥᠮᠦᠨ ᠪ ᠦᠨᠦᠷ ᠡᠰᠡ ᠦᠨᠦᠷᠲᠦᠨᠡ
ᠬᠥᠮᠦᠨ ᠡᠴᠡ ᠴᠥᠬᠥᠷᠡᠯ ᠬᠠᠩᠬᠤᠯᠤᠨᠠ
ᠬᠥᠮᠦᠨ ᠪ ᠡᠰᠡᠷᠭᠦ ᠠᠲᠤᠭᠤᠰᠤᠨ ᠪ ᠲᠡᠩᠬᠡᠭᠡ ᠬᠠᠩᠬᠤᠯᠤᠨᠠ
ᠬᠥᠮᠦᠨ ᠳᠤ ᠦᠯᠦ ᠢᠲᠡᠭᠡᠬᠦ ᠠᠶᠤᠮᠰᠢᠬᠲᠤ ᠬᠠᠷᠠ ᠭ᠌ᠬᠢᠷ ᠦᠨᠦᠷᠲᠦᠨᠡ
ᠬᠥᠮᠦᠨ ᠡᠴᠡ ᠱᠣᠷᠣᠩ ᠬᠠᠩᠬᠤᠯᠤᠨᠠ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠣᠩ ᠮᠧᠢ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ