ᠳᠡᠯᠭᠡᠷ ᠽᠠᠨᠲᠠᠨ ᠮᠣᠳᠣ- ᠯ· ᠣᠣᠽᠠᠷДэлгэр Зандан мод-Л Уузар
426 ᠵᠣᠬᠢᠶᠠᠭᠴᠢ᠄ ᠯ· ᠣᠣᠽᠠᠷ
ᠤᠩᠰᠢᠬᠰᠠᠨ ᠨᠢ᠄ ᠠᠮᠤᠷᠵᠢᠷᠭᠠᠯ
ᠶᠡᠬᠡ ᠴᠢᠩᠭᠢᠰ ᠦ᠋ᠨ ᠰᠠᠯᠬᠢᠨ ᠳᠤ ᠣᠳᠣ ᠵᠡᠶ᠋ᠢᠮᠤᠭᠤᠯᠤᠭᠰᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠲᠡᠮᠦᠷ ᠨᠢᠷᠤᠭᠤ ᠶ᠋ᠢ ᠬᠣᠲᠣᠶ᠋ᠢᠲᠠᠯᠠ ᠳᠠᠷᠤᠭᠰᠠᠨ
ᠳᠡᠭᠡᠳᠦ ᠶ᠋ᠢᠨ ᠮᠢᠨᠢ ᠬᠤᠷᠢᠶᠠᠭᠰᠠᠨ ᠶᠡᠬᠡ ᠪᠤᠶᠠᠨ ᠪ ᠣᠷᠣᠢ
ᠳᠡᠯᠡᠬᠡᠢ ᠶ᠋ᠢ ᠬᠤᠮᠢᠬᠰᠠᠨ ᠨᠣᠶᠠᠨ ᠲᠠᠰᠢᠭᠤᠷ ᠦ᠋ᠨ ᠵᠠᠯᠠᠭᠠ
ᠮᠣᠷᠢᠨ ᠨᠢᠷᠤᠭᠤᠨ ᠳᠤ ᠬᠠᠩᠭᠢᠨᠠᠭᠰᠠᠨ ᠪᠣᠰᠤᠭᠠ ᠬᠢᠲᠤᠭᠠ
ᠮᠣᠩᠭᠣᠯ ᠭᠡᠷ ᠲᠦ ᠳᠦᠩᠭᠢᠨᠡᠭᠰᠡᠨ ᠪᠣᠰᠤᠭᠠ ᠶᠠᠲᠤᠭᠠ
ᠭᠠᠯ ᠬᠠᠲᠠᠭᠤ ᠭᠣᠯᠣᠮᠲᠠ ᠶ᠋ᠢᠨ ᠮᠢᠨᠢ ᠤᠨᠲᠠᠷᠠᠵᠤ ᠪᠣᠯᠬᠤ ᠦᠭᠡᠢ ᠴᠣᠭ
ᠭᠠᠷ ᠬᠠᠲᠠᠭᠤ ᠲᠡᠦᠬᠡ ᠶᠢᠨ ᠮᠢᠨᠢ ᠤᠷᠠᠭᠳᠠᠵᠤ ᠪᠣᠯᠬᠤ ᠦᠭᠡᠢ ᠲᠤᠭ
ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠮᠣᠩᠭᠣᠯ ᠪᠢᠴᠢᠭ ᠮᠢᠨᠢ
ᠳᠡᠭᠡᠳᠦᠰ ᠦᠨ ᠮᠢᠨᠢ ᠲᠠᠷᠢᠭᠰᠠᠨ ᠳᠡᠯᠭᠡᠷ ᠽᠠᠨᠳᠠᠨ ᠮᠣᠳᠣ!
ᠵᠠᠭᠤᠨ ᠵᠠᠭᠤᠨ ᠪ ᠤᠯᠠ ᠳᠤ ᠭᠠᠩᠳᠠᠭᠠ ᠦᠭᠡᠢ ᠮᠣᠳᠣ!
ᠵᠤᠳ ᠵᠤᠳ ᠤᠨ ᠬᠥᠯ ᠳᠦ ᠭᠠᠩᠬᠤᠭᠠ ᠦᠭᠡᠢ ᠮᠣᠳᠣ!
ᠶᠡᠬᠡ ᠤᠬᠠᠭᠠᠨ ᠲᠠᠢ ᠳᠡᠭᠡᠳᠦᠰ ᠦᠨ ᠮᠢᠨᠢ ᠶᠢᠷᠲᠢᠨᠴᠦ ᠳᠦ ᠲᠠᠷᠢᠭᠰᠠᠨ ᠮᠣᠳᠣ!
ᠡᠨᠡ ᠮᠣᠳᠣᠨ ᠤ ᠵᠢᠮᠢᠰ ᠢ ᠦᠶᠡ ᠦᠶᠡ ᠪᠡᠷ ᠶ᠋ᠢᠡᠨ ᠲᠡᠪᠡᠷᠢᠵᠦ
ᠡᠨᠡ ᠣᠳᠣᠨ ᠤ ᠳᠡᠭᠡᠷᠡ ᠮᠣᠩᠭᠣᠯ ᠭᠡᠵᠦ ᠵᠣᠭᠰᠣᠨᠠ!
ᠲᠥᠷᠥ ᠳᠦ ᠴᠠᠢ ᠲᠠᠢ ᠵᠣᠭᠰᠣᠨᠠ
ᠲᠡᠦᠬᠡᠨ ᠳᠦ ᠵᠠᠢ ᠲᠠᠢ ᠵᠣᠭᠰᠣᠨᠠ!
ᠮᠢᠩᠭᠠᠨ ᠣᠨ ᠤ ᠨᠡᠭᠦᠳᠡᠯ ᠦᠨ ᠨᠣᠭᠣᠭᠠᠨ ᠲᠣᠭᠣᠰᠣᠨ ᠳᠤ
ᠮᠢᠨᠢ ᠳᠡᠭᠡᠳᠦᠰ ᠮᠢᠯᠠᠭᠠ ᠪᠠᠨ ᠭᠡᠭᠡᠭᠰᠡᠨ
ᠮᠢᠨᠵᠢ ᠶᠢᠨ ᠮᠠᠯᠠᠭᠠᠢ ᠪᠠᠨ ᠵᠠᠯᠠᠭᠠ ᠲᠠᠢ ᠨᠢ ᠭᠡᠭᠡᠭᠰᠡᠨ᠁
ᠭᠡᠪᠡᠴᠦ᠂ ᠬᠠᠰᠠᠭ ᠲᠡᠷᠭᠡᠨ ᠦ ᠪᠡᠨ ᠬᠠᠮ ᠳᠤ
ᠬᠡᠷᠡ ᠬᠠᠴᠠᠷ ᠶ᠋ᠢᠠᠨ ᠤᠯᠠᠶ᠋ᠢᠯᠭᠠᠵᠤ ᠰᠠᠭᠤᠭᠰᠠᠨ ᠦᠷᠡ ᠳᠦ ᠪᠡᠨ
ᠭᠡᠭᠡᠵᠦ ᠪᠣᠯᠬᠤ ᠦᠭᠡᠢ ᠠᠯᠲᠠᠢ ᠶᠢᠨ ᠴᠢᠯᠠᠭᠤ ᠶᠢᠨ ᠬᠡᠰᠢᠭ ᠭᠡᠵᠦ ᠭᠡᠷᠢᠶᠡᠰᠦ ᠲᠡᠢ ᠪᠡᠨ ᠴᠣᠭ
《 ᠴᠠᠭᠠᠨ ᠲᠣᠯᠣᠭᠠᠢ》 ᠪᠠᠨ ᠲᠡᠪᠡᠷᠢᠭᠦᠯᠦᠭᠰᠡᠨ!
ᠲᠥᠷᠥ ᠶᠢᠨ ᠵᠢᠯᠣᠭᠣ ᠶᠢ ᠠᠯᠳᠠᠵᠤ ᠪᠣᠯᠤᠨᠠ
ᠲᠡᠦᠬᠡ ᠶᠢᠨ ᠵᠠᠯᠠᠭᠠ ᠶᠢ ᠠᠪᠲᠠᠵᠤ ᠪᠣᠯᠤᠨᠠ!
ᠲᠥᠷᠥᠯᠬᠢ ᠬᠡᠯᠡᠨ ᠦ ᠲᠦᠯᠬᠢᠭᠦᠷ ᠶ᠋ᠢᠡᠨ ᠪᠢᠳᠡ ᠬᠤᠭᠤᠯᠪᠠᠯ
ᠲᠦᠮᠡᠨ ᠲᠦᠮᠡᠨ ᠮᠣᠩᠭᠣᠯ ᠤᠨ ᠦᠷᠡᠰ ᠲᠦ
ᠲᠥᠯᠥᠵᠦ ᠳᠡᠶ᠋ᠢᠯᠬᠦ ᠦᠭᠡᠢ ᠶᠡᠬᠡ ᠥᠷᠢ ᠶᠢ ᠲᠠᠷᠢᠨᠠ!
ᠴᠠᠰᠤ ᠮᠣᠩᠭᠣᠯ ᠤᠨ ᠥᠨᠳᠥᠷᠯᠢᠭ ᠢ ᠳᠠᠷᠤᠨᠠ
ᠴᠠᠭ ᠮᠣᠩᠭᠣᠯ ᠤᠨ ᠥᠨᠳᠥᠷᠯᠢᠭ ᠢ ᠤᠷᠠᠨᠠ᠃
《 ᠴᠠᠭᠠᠨ ᠲᠣᠯᠣᠭᠠᠢ》ᠴᠠᠭᠠᠨ ᠬᠡᠷᠡᠮ ᠪᠣᠯᠵᠤ
ᠮᠣᠩᠭᠣᠯ ᠤᠨ ᠥᠨᠳᠥᠷᠯᠢᠭ ᠢ ᠣᠷᠢᠶᠠᠨᠠ!
ᠴᠠᠭᠠᠨᠠ ᠠᠴᠠ ᠴᠠᠰᠤ ᠰᠢᠭᠤᠷᠤᠨᠠ
《 ᠴᠠᠭᠠᠨ ᠲᠣᠯᠣᠭᠠᠢ》ᠨᠠᠭᠠᠨᠠ ᠠᠴᠠ ᠨᠢ ᠰᠢᠭᠤᠷᠤᠨᠠ!
ᠴᠠᠰᠤ ᠴᠠᠭᠠᠨ ᠲᠠᠯᠠ ᠳᠤ《 ᠴᠠᠭᠠᠨ ᠬᠡᠷᠡᠮ》ᠣᠷᠣᠢ ᠠᠴᠠ ᠪᠠᠨ ᠰᠢᠭᠤᠷᠤᠨᠠ!
ᠡᠨᠡ ᠥᠷᠯᠥᠭᠡ ᠮᠣᠩᠭᠣᠯ ᠤᠨ ᠮᠢᠩᠭᠠᠨ ᠪᠦᠰᠡᠭᠦᠢ ᠡᠬᠡ ᠰᠠᠭᠤᠵᠤ
ᠡᠷᠬᠡ ᠬᠣᠩᠭᠣᠷ ᠦᠷᠡ ᠪᠡᠨ ᠡᠯᠢᠭᠡᠨ ᠳᠦ ᠪᠡᠨ ᠲᠡᠪᠡᠷᠢᠭᠰᠡᠨ ᠴᠤ ᠮᠠᠭᠠᠳ!
ᠡᠨᠡ ᠥᠷᠯᠥᠭᠡ ᠮᠣᠩᠭᠣᠯ ᠤᠨ ᠲᠦᠮᠡᠨ ᠨᠢᠯᠬᠠᠰ
ᠡᠬᠡ ᠬᠡᠯᠡᠨ ᠦ ᠬᠡᠯᠡᠭᠡᠢ ᠤᠭᠤᠷᠠᠭ ᠶ᠋ᠢᠠᠨ ᠰᠠᠨᠠᠵᠤ
ᠡᠴᠢᠭᠡ ᠶᠢᠨ ᠶ᠋ᠢᠡᠨ ᠬᠥᠯ ᠳᠣᠣᠷᠠ
ᠡᠭᠡᠷᠡᠲᠡᠯᠡ ᠪᠡᠨ ᠤᠬᠢᠯᠠᠭᠰᠠᠨ ᠴᠤ ᠮᠠᠭᠠᠳ!
ᠡᠨᠡ ᠥᠷᠯᠥᠭᠡ ᠮᠣᠩᠭᠣᠯ ᠬᠡᠯᠡᠨ ᠦ ᠵᠠᠭᠤᠨ ᠪᠠᠭᠰᠢ
ᠡᠷᠭᠢ ᠭᠠᠷᠲᠠᠯᠠ ᠰᠢᠭᠤᠷᠬᠤ ᠡᠭᠡᠰᠢᠭ ᠳᠣᠯᠣᠭᠠ ᠪᠠᠨ ᠬᠠᠰᠢᠬᠤ ᠭᠡᠵᠦ
ᠡᠯᠢᠭᠡ ᠵᠢᠷᠦᠬᠡ ᠪᠡᠨ ᠰᠤᠭᠤᠯᠤᠭᠰᠠᠨ ᠴᠤ ᠮᠠᠭᠠᠳ᠁ ᠁
ᠴᠢᠩᠭᠢᠰ ᠭᠡᠳᠡᠭ ᠨᠡᠷᠡ ᠶᠢ ᠪᠣᠰᠤᠭᠠ ᠠᠪᠴᠤ ᠶᠠᠪᠤᠬᠤ ᠦᠭᠡᠢ ᠪᠣᠯ
ᠴᠢ ᠪᠢᠳᠡ ᠬᠥᠮᠦᠨ ᠦ ᠡᠮᠦᠨᠡ ᠨᠡᠷᠡ ᠪᠡᠨ ᠪᠢᠴᠢᠭᠰᠡᠨ ᠦ ᠬᠡᠷᠡᠭ ᠦᠭᠡᠢ!
ᠴᠢᠨᠦ ᠨᠡᠷᠡ ᠪᠡᠷ ᠲᠡᠦᠬᠡ ᠳᠤᠲᠠᠭᠠ ᠦᠭᠡᠢ!
ᠴᠢᠩᠭᠢᠰ ᠦᠨ ᠦᠷᠡᠰ ᠣᠷᠣ ᠪᠠᠷ ᠳᠤᠲᠠᠭᠠ ᠦᠭᠡᠢ!
ᠳᠡᠭᠡᠳᠦᠰ ᠦᠨ ᠮᠢᠨᠢ ᠲᠠᠷᠢᠭᠰᠠᠨ ᠳᠡᠯᠭᠡᠷ ᠽᠠᠨᠳᠠᠨ ᠮᠣᠳᠣ
ᠢᠷᠡᠬᠦ ᠵᠠᠭᠤᠨ ᠤ ᠰᠠᠯᠬᠢ ᠴᠢᠩᠨᠠᠵᠤ ᠶᠢᠷᠲᠢᠨᠴᠦ ᠶᠢᠨ ᠣᠷᠣᠢ ᠳᠤ ᠭᠠᠩᠬᠤᠨᠠ!
ᠦᠰᠦᠭ ᠬᠠᠲᠠᠵᠤ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠠᠨᠴᠡᠴᠡᠭ