ᠣᠷᠴᠢᠨ ᠦᠶᠡ ᠶ᠋ᠢᠨ ᠮᠣᠩᠭᠣᠯ – ᠷ ᠂ ᠴᠣᠢᠨᠣᠮ Орчин үеийн монгол – Р ᠂ Чойном
341ᠣᠷᠴᠢᠨ ᠦᠶᠡ ᠶ᠋ᠢᠨ ᠮᠣᠩᠭᠣᠯ
ᠡᠭᠦᠲᠡᠨ ᠳ᠋ᠡᠭᠡᠨ ᠬᠠᠷᠠᠭᠤᠯ ᠲᠠᠢ ᠣᠷᠣᠰ ᠮᠠᠶᠢᠭ ᠦ᠋ᠨ ᠳᠡᠯᠭᠡᠭᠦᠷ
ᠦᠳᠡ ᠶ᠋ᠢᠨ ᠴᠠᠢ ᠳ᠋ᠦ᠍ ᠵᠠᠯᠠᠷᠠᠭᠰᠠᠨ ᠴᠸᠬᠣ᠋ ᠮᠠᠰᠢᠨ ᠲᠠᠢ ᠨᠣᠶᠠᠳ
ᠰᠢᠯᠢᠨ ᠵᠦᠩᠵᠡ ᠮᠡᠯᠲᠡᠭᠡᠨᠡᠭᠰᠡᠨ ᠬᠠᠷᠢ ᠣᠷᠣᠨ ᠪ ᠳᠠᠷᠠᠰᠤ
ᠰᠢᠯᠢ ᠪᠡᠨ ᠳᠠᠷᠤᠭᠰᠠᠨ ᠶᠡᠬᠡᠮᠰᠦᠭ ᠵᠠᠩᠲᠠᠢ ᠵᠠᠯᠠᠭᠤᠰ
ᠣᠷᠣᠰ ᠠᠷᠢᠬᠢᠨ ᠪ ᠠᠭᠠᠭ ᠲᠤ ᠤᠬᠤᠨᠠ ᠢᠰᠢᠭᠡ ᠰᠢᠭ᠌ ᠣᠮᠣᠶ᠋ᠢᠲᠠᠵᠤ
ᠣᠷᠣᠨ ᠬᠣᠲᠠ ᠶ᠋ᠢᠨ ᠭᠠᠵᠠᠷ ᠠᠰᠠᠮᠠᠨ ᠪᠤᠬᠠ ᠰᠢᠭ᠋ ᠬᠡᠷᠦᠭᠰᠡᠨ
ᠡᠷᠡ ᠡᠮᠡ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠨᠢᠲᠤᠷᠬ᠋ᠠ ᠵᠠᠩᠭᠢᠲᠤᠭᠰᠠᠨ ᠬᠥᠮᠦᠰ
ᠡᠷᠢᠶᠡᠨ ᠮᠡᠷᠢᠶᠡᠨ ᠳ᠋ᠦ᠍ ᠬᠠᠭᠤᠷᠲᠠᠭᠰᠠᠨ ᠰᠣᠨᠢᠨ ᠴᠢᠷᠦᠭᠰᠡᠨ ᠬᠡᠦᠬᠡᠳ ᠦ᠋ᠳ
ᠣᠷᠣᠰ ᠸᠸᠩᠭᠧᠷ ᠦ᠋ᠨ ᠡᠪᠦᠷ ᠲᠦ ᠪᠤᠵᠠᠷ ᠰᠢᠩᠭᠡᠭᠰᠡᠨ ᠥᠬᠢᠳ ᠦ᠋ᠳ
ᠣᠯᠢᠬᠲᠠᠢ ᠰᠤᠷᠤᠭᠰᠠᠨ ᠡᠷᠲᠡᠮ ᠦᠭᠡᠢ ᠴᠠᠭᠠᠨ ᠭᠠᠷ ᠲᠠᠢ ᠵᠠᠯᠠᠭᠤᠰ
ᠣᠯᠠᠨ ᠬᠥᠮᠦᠨ ᠵᠣᠪᠠᠵᠤ ᠵᠦᠳᠡᠷᠡᠭᠰᠡᠨ ᠱᠣᠷᠣᠩ ᠰᠢᠭ᠋ ᠣᠷᠣᠨ
ᠣᠪᠵᠢᠨ ᠲᠠᠩᠬᠢᠯ ᠣᠷᠣᠰ ᠦ᠋ᠨ ᠵᠢᠷᠦᠬᠡ ᠵᠦᠰᠦᠭᠰᠡᠨ ᠭᠠᠵᠠᠷ
ᠠᠷᠤ ᠶ᠋ᠢᠨ ᠬᠠᠭᠠᠯᠬ᠋ᠠ ᠲᠠᠢ ᠵᠠᠷᠢᠮ ᠨᠢ ᠮᠠᠷᠰᠠᠶ᠋ᠢᠨ ᠭᠠᠷᠲᠠᠭ ᠰᠠᠪᠠ
ᠠᠯᠢᠪᠠ ᠦᠨᠡᠨ ᠪᠦᠬᠦᠨ ᠣᠷᠣ ᠦᠭᠡᠢ ᠪᠣᠯᠤᠭᠰᠠᠨ ᠭᠠᠵᠠᠷ
ᠡᠶ᠋ᠢᠮᠦ ᠨᠢᠭᠡᠨ ᠮᠣᠩᠭᠣᠯ ᠦ᠋ᠨ ᠡᠬᠢᠨ ᠨᠢᠭᠡᠨ ᠨᠠᠶ᠋ᠢᠷᠠᠭᠴᠢ ᠡ ᠪᠢ
ᠬᠠᠷᠠᠮᠰᠠᠩᠬᠠᠨ ᠳᠠᠭᠤᠯᠠᠨᠠᠮ ᠬᠠᠷᠠᠭᠤᠰᠠᠩᠬᠠᠨ ᠣᠬᠢᠯᠠᠨᠠᠮ ᠪᠢ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠡᠷᠭᠦᠯᠡᠩ
ᠬᠢᠨᠠᠭᠴᠢ᠄ ᠣᠤᠠᠬᠠᠨᠰᠣᠠ᠋