ᠠᠯᠲᠠᠨ ᠳᠡᠭᠡᠪᠦᠷ ᠲᠠᠢ ᠪᠠᠢᠰᠢᠩАлтан дээвэртэй байшин
400ᠠᠯᠲᠠᠨ ᠳᠡᠭᠡᠪᠦᠷ ᠲᠠᠢ ᠪᠠᠢᠰᠢᠩ
ᠪᠢᠴᠢᠬᠠᠨ ᠦᠯᠢᠭᠡᠷᠴᠢ᠄ ᠳᠤᠯᠠᠭᠠᠨ
ᠵᠢᠯᠣᠭᠣᠳᠤᠭᠰᠠᠨ ᠪᠠᠭᠰᠢ᠄ ᠮᠥᠴᠢᠷ
ᠪᠢ ᠪᠣᠯ ᠨᠠᠢ᠍ᠮᠠᠨ ᠬᠤᠰᠢᠭᠤᠨ ᠪ ᠲᠦᠯᠡᠭᠡᠨᠲᠠᠯᠠ ᠪᠠᠬ᠋ᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠣᠶᠠᠲᠤᠭᠠᠷ ᠣᠨ ᠪ ᠰᠤᠷᠤᠭᠴᠢ ᠳᠤᠯᠠᠭᠠᠨ ᠪᠠᠶ᠋ᠢᠨᠠ᠃ ᠪᠢ ᠲᠠ ᠨᠠᠷ ᠲᠤ ᠪᠠᠨ《ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ》ᠭᠡᠬᠦ ᠦᠯᠢᠭᠡᠷ ᠊ᠢ ᠶᠠᠷᠢᠵᠤ ᠥᠭᠭᠦᠶᠡ᠃
ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ
ᠠᠭᠤᠲᠠᠮ ᠲᠠᠯᠠ ᠳᠡᠭᠡᠷᠡ ᠨᠢᠭᠡ ᠤᠯᠠᠭᠠᠨ ᠬᠠᠨᠠ ᠲᠠᠢ᠂ ᠨᠣᠭᠣᠭᠠᠨ ᠴᠣᠩᠬᠣ ᠲᠠᠢ᠂ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ ᠪᠠᠶ᠋ᠢᠵᠠᠢ᠃ ᠡᠨᠡ ᠪᠠᠢᠰᠢᠩ ᠳᠦ ᠨᠢᠭᠡ ᠬᠥᠭᠡᠷᠦᠬᠦᠨ ᠬᠡᠦᠬᠡᠨ ᠰᠠᠭᠤᠲᠠᠭ ᠪᠠᠶ᠋ᠢᠬᠰᠠᠨ ᠶᠤᠮ ᠭᠡᠨᠡ᠃ ᠨᠢᠭᠡᠨ ᠡᠲᠦᠷ ᠬᠡᠦᠬᠡᠨ ᠲᠠᠯᠠ ᠳᠡᠭᠡᠷᠡ ᠴᠡᠴᠡᠭ ᠲᠡᠭᠦᠵᠦ ᠪᠠᠶ᠋ᠢᠲᠠᠯᠠ ᠪᠠᠨ ᠪᠢᠴᠢᠬᠠᠨ ᠬᠤᠷᠠᠬ᠋ᠠ ᠢᠷᠡᠭᠡᠳ《ᠮᠠᠢ᠂ ᠮᠠᠢ᠂ ᠲᠠᠨ ᠪ ᠤᠯᠠᠭᠠᠨ ᠬᠠᠨᠠ ᠲᠠᠢ᠂ ᠨᠣᠭᠣᠭᠠᠨ ᠴᠣᠩᠬᠣ ᠲᠠᠢ᠂ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ ᠴᠢᠨᠢ ᠭᠢᠯᠠᠯᠵᠠᠩᠬᠠᠨ ᠰᠠᠶ᠋ᠢᠬᠠᠨ ᠪᠠᠶ᠋ᠢᠨᠠ ᠳ᠋ᠠ》ᠭᠡᠳ ᠬᠡᠦᠬᠡᠨ ᠊ᠢ ᠬᠠᠪᠰᠤᠷᠴᠤ ᠴᠡᠴᠡᠭ ᠲᠡᠭᠦᠵᠦ ᠡᠬᠢᠯᠡᠵᠡᠢ᠃ ᠳᠠᠷᠠᠬ᠋ᠠ ᠨᠢ ᠪᠢᠴᠢᠬᠠᠨ ᠭᠥᠯᠥᠭᠡ ᠢᠷᠡᠭᠡᠳ《ᠬᠥᠪ ᠬᠥᠪ ᠬᠥᠪ᠂ ᠬᠥᠪ ᠬᠥᠪ ᠬᠥᠪ· ᠲᠠᠨ ᠪ ᠤᠯᠠᠭᠠᠨ ᠬᠠᠨᠠ ᠲᠠᠢ᠂ ᠨᠣᠭᠣᠭᠠᠨ ᠴᠣᠩᠬᠣ ᠲᠠᠢ᠂ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ ᠴᠢᠨᠢ ᠭᠢᠯᠠᠯᠵᠠᠩᠬᠠᠨ ᠰᠠᠶ᠋ᠢᠬᠠᠨ ᠪᠠᠶ᠋ᠢᠨᠠ ᠳ᠋ᠡ》ᠭᠡᠳ ᠬᠡᠦᠬᠡᠨ ᠊ᠢ ᠬᠠᠪᠰᠤᠷᠴᠤ ᠴᠡᠴᠡᠭ ᠲᠡᠭᠦᠵᠦ ᠡᠬᠢᠯᠡᠪᠡ᠃ ᠳᠠᠷᠠᠬ᠋ᠠ ᠨᠢ ᠪᠢᠴᠢᠬᠠᠨ ᠰᠢᠪᠠᠭᠤ ᠢᠷᠡᠭᠡᠳ᠄《ᠵᠢᠷ ᠵᠢᠷ ᠵᠢᠷ᠂ ᠵᠢᠷ ᠵᠢᠷ ᠵᠢᠷ᠂ ᠲᠠᠨ ᠪ ᠤᠯᠠᠭᠠᠨ ᠬᠠᠨᠠ ᠲᠠᠢ᠂ ᠨᠣᠭᠣᠭᠠᠨ ᠴᠣᠩᠬᠣ ᠲᠠᠢ᠂ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ ᠴᠢᠨᠢ ᠭᠢᠯᠠᠯᠵᠠᠩᠬᠠᠨ ᠰᠠᠶ᠋ᠢᠬᠠᠨ ᠪᠠᠶ᠋ᠢᠨᠠ ᠳ᠋ᠠ》ᠭᠡᠳ ᠮᠥᠨ ᠯᠡ ᠬᠡᠦᠬᠡᠨ ᠊ᠢ ᠬᠠᠪᠰᠤᠷᠴᠤ ᠴᠡᠴᠡᠭ ᠲᠡᠭᠦᠵᠦ ᠡᠬᠢᠯᠡᠪᠡ᠃ ᠬᠡᠲᠦᠭᠦᠯᠡ ᠪᠡᠨ ᠴᠡᠴᠡᠭ ᠶ᠋ᠢᠡᠨ ᠲᠡᠭᠦᠵᠦ ᠪᠠᠷᠠᠭᠠᠳ ᠬᠡᠦᠬᠡᠨ ᠊ᠢ ᠬᠠᠪᠰᠤᠷᠴᠤ ᠭᠡᠷ ᠲᠦ ᠨᠢ ᠬᠦᠷᠭᠡᠭᠡᠳ ᠪᠢᠴᠢᠬᠠᠨ ᠬᠤᠷᠠᠬ᠋ᠠ᠄《ᠮᠠᠢ᠂ ᠮᠠᠢ᠂ ᠪᠢ ᠲᠠᠨ ᠪ ᠤᠯᠠᠭᠠᠨ ᠬᠠᠨᠠ ᠲᠠᠢ᠂ ᠨᠣᠭᠣᠭᠠᠨ ᠴᠣᠩᠬᠣ ᠲᠠᠢ᠂ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ ᠳᠦ ᠴᠢᠨᠢ ᠣᠷᠣᠭᠠᠳ ᠬᠠᠮᠲᠤ ᠲᠣᠭᠯᠠᠵᠤ ᠪᠣᠯᠤᠨᠠ ᠦᠦ?》ᠭᠡᠰᠡᠨ ᠳᠦ ᠬᠡᠦᠬᠡᠨ᠄《ᠪᠣᠯᠬᠤ ᠦᠭᠡᠢ᠂ ᠪᠣᠯᠬᠤ ᠦᠭᠡᠢ᠃ ᠴᠢ ᠡᠲᠦᠷᠵᠢᠨ ᠫᠢᠯᠲᠠᠭ ᠫᠢᠯᠲᠠᠭ ᠭᠡᠵᠦ ᠠᠯᠬᠤᠭᠠᠳ ᠮᠢᠨᠦ ᠱᠠᠯᠠ ᠶ᠋ᠢ ᠪᠦᠷ ᠪᠤᠵᠠᠷ ᠪᠣᠯᠭᠠᠴᠢᠬᠠᠨᠠ᠂ ᠪᠣᠯᠬᠤ ᠦᠭᠡᠢ》 ᠭᠡᠳ ᠣᠷᠣᠭᠤᠯᠤᠭᠰᠠᠨ ᠦᠭᠡᠢ ᠪᠠᠶ᠋ᠢᠵᠠᠢ᠃ ᠳᠠᠷᠠᠬ᠋ᠠ ᠨᠢ ᠪᠢᠴᠢᠬᠠᠨ ᠭᠥᠯᠥᠭᠡ᠄《ᠬᠥᠪ ᠬᠥᠪ ᠬᠥᠪ᠂ ᠬᠥᠪ ᠬᠥᠪ ᠬᠥᠪ᠂ ᠪᠢ ᠲᠠᠨ ᠪ ᠤᠯᠠᠭᠠᠨ ᠬᠠᠨᠠ ᠲᠠᠢ᠂ ᠨᠣᠭᠣᠭᠠᠨ ᠴᠣᠩᠬᠣ ᠲᠠᠢ᠂ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ ᠳᠦ ᠴᠢᠨᠢ ᠣᠷᠣᠭᠠᠳ ᠬᠠᠮᠲᠤ ᠲᠣᠭᠯᠠᠵᠤ ᠪᠣᠯᠤᠨᠠ ᠦᠦ?》 ᠭᠡᠰᠡᠨ ᠳᠦ ᠬᠡᠦᠬᠡᠨ᠄《ᠪᠣᠯᠬᠤ ᠦᠭᠡᠢ᠂ ᠪᠣᠯᠬᠤ ᠦᠭᠡᠢ᠃ ᠴᠢ ᠡᠲᠦᠷᠵᠢᠨ ᠬᠥᠪ ᠬᠥᠪ ᠭᠡᠵᠦ ᠬᠤᠴᠠᠭᠠᠳ ᠨᠠᠳᠠ ᠶ᠋ᠢ ᠪᠦᠷ ᠠᠮᠤᠷ ᠰᠠᠶ᠋ᠢᠬᠠᠨ ᠠᠮᠠᠷᠠᠭᠤᠯᠬᠤ ᠦᠭᠡᠢ ᠪᠣᠯᠴᠢᠬᠠᠨᠠ᠂ ᠪᠣᠯᠬᠤ ᠦᠭᠡᠢ》ᠭᠡᠳ ᠨᠢᠭᠡ ᠴᠦ᠍ ᠣᠷᠣᠭᠤᠯᠤᠭᠰᠠᠨ ᠦᠭᠡᠢ ᠪᠠᠶ᠋ᠢᠵᠠᠢ᠃ ᠳᠠᠷᠠᠬ᠋ᠠ ᠨᠢ ᠪᠢᠴᠢᠬᠠᠨ ᠰᠢᠪᠠᠭᠤ᠄《ᠵᠢᠷ ᠵᠢᠷ ᠵᠢᠷ᠂ ᠵᠢᠷ ᠵᠢᠷ ᠵᠢᠷ᠂ ᠪᠢ ᠲᠠᠨ ᠪ ᠤᠯᠠᠭᠠᠨ ᠬᠠᠨᠠ ᠲᠠᠢ᠂ ᠨᠣᠭᠣᠭᠠᠨ ᠴᠣᠩᠬᠣ ᠲᠠᠢ᠂ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ ᠳᠦ ᠴᠢᠨᠢ ᠣᠷᠣᠭᠠᠳ ᠬᠠᠮᠲᠤ ᠲᠣᠭᠯᠠᠵᠤ ᠪᠣᠯᠤᠨᠠ ᠦᠦ?》ᠭᠡᠰᠡᠨ ᠳᠦ ᠬᠡᠦᠬᠡᠨ᠄《ᠪᠣᠯᠬᠤ ᠦᠭᠡᠢ᠂ ᠪᠣᠯᠬᠤ ᠦᠭᠡᠢ᠂ ᠴᠢ ᠡᠲᠦᠷᠵᠢᠨ ᠨᠢᠰᠴᠦ ᠳᠡᠷᠪᠡᠭᠡᠳ ᠮᠢᠨᠦ ᠶᠠᠭᠤᠮᠠ ᠬᠡᠦᠮᠡ ᠶ᠋ᠢ ᠪᠦᠷ ᠡᠷᠦᠢ ᠬᠤᠷᠤᠢ ᠦᠭᠡᠢ ᠪᠣᠯᠭᠠᠴᠢᠬᠠᠨᠠ᠂ ᠪᠣᠯᠬᠤ ᠦᠭᠡᠢ》 ᠭᠡᠳ ᠮᠥᠨ ᠯᠡ ᠣᠷᠣᠭᠤᠯᠤᠭᠰᠠᠨ ᠦᠭᠡᠢ᠃ ᠬᠡᠦᠬᠡᠨ ᠨᠠᠶ᠋ᠢᠵᠠ ᠨᠠᠷ ᠶ᠋ᠢᠠᠨ ᠪᠦᠷ ᠣᠷᠣᠭᠤᠯᠤᠭᠰᠠᠨ ᠦᠭᠡᠢ᠂ ᠭᠠᠭᠴᠠᠭᠠᠷ ᠶ᠋ᠢᠠᠨ ᠭᠡᠷ ᠲᠤ ᠪᠡᠨ ᠣᠷᠣᠴᠢᠬᠠᠭᠠᠳ ᠳᠠᠭᠤᠯᠠᠵᠤ ᠦᠵᠡᠯᠡ᠂ ᠪᠥᠵᠢᠭ᠌ᠯᠡᠵᠦ ᠦᠵᠡᠯᠡ᠃ ᠬᠠᠢ᠂ ᠪᠦᠷ ᠤᠶ᠋ᠢᠤᠠᠬᠠᠷ ᠲᠠᠢ ᠰᠠᠨᠠᠭᠲᠠᠵᠠᠢ᠃ ᠴᠣᠩᠬᠣ ᠪᠠᠷ ᠶ᠋ᠢᠠᠨ ᠬᠠᠷᠠᠵᠤ ᠦᠵᠡᠭᠰᠡᠨ ᠂ ᠨᠠᠶ᠋ᠢᠵᠠ ᠨᠥᠬᠥᠳ ᠨᠢ ᠬᠣ᠋ (ᠪᠦᠷ )ᠠᠵᠠ ᠵᠢᠷᠭᠠᠯ ᠲᠠᠢ ᠲᠣᠭᠯᠠᠵᠤ ᠨᠠᠭᠠᠤᠠᠴᠤ ᠪᠠᠶ᠋ᠢᠪᠠ᠃ ᠬᠡᠦᠬᠡᠨ ᠊ᠢ ᠣᠯᠵᠤ ᠦᠵᠡᠭᠰᠡᠨ ᠨᠠᠶ᠋ᠢᠵᠠ ᠨᠠᠷ ᠄《ᠬᠥᠶᠢ᠂ᠬᠦᠤᠱ᠂ ᠭᠠᠷᠤᠭᠠᠳ ᠢᠷᠡ᠃ ᠬᠠᠮᠲᠤ ᠲᠣᠭᠯᠠᠶᠠ》 ᠭᠡᠰᠡᠨ ᠳᠤ ᠬᠡᠦᠬᠡᠨ ᠡᠭᠦᠲᠡᠨ ᠡᠮᠦᠨᠡᠲᠡᠢ ᠪᠡᠨ ᠲᠣᠯᠣᠭᠠᠢ ᠪᠠᠨ ᠮᠠᠭᠠᠵᠢᠭᠠᠳ᠄《ᠬᠡ ᠬᠡ᠁ ᠭᠡᠷ ᠲᠤ ᠣᠷᠣᠭᠠᠳ ᠬᠠᠮᠲᠤ ᠲᠣᠭᠯᠠᠶᠠ》 ᠭᠡᠳ ᠭᠡᠷ ᠲᠤ ᠪᠡᠨ ᠬᠠᠮᠲᠤ ᠲᠣᠭᠯᠠᠵᠠᠭᠠᠵᠠᠢ᠃ ᠢᠩᠭᠢᠭᠡᠳ ᠤᠯᠠᠭᠠᠨ ᠬᠠᠨᠠ ᠲᠠᠢ᠂ ᠨᠣᠭᠣᠭᠠᠨ ᠴᠣᠩᠬᠣ ᠲᠠᠢ᠂ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠢᠰᠢᠩ ᠳᠤ ᠪᠠᠨ ᠬᠠᠮᠲᠤ ᠠᠵᠠ ᠵᠢᠷᠭᠠᠯ ᠲᠠᠢ ᠲᠣᠭᠯᠠᠵᠤ ᠨᠠᠭᠠᠤᠠᠴᠤ ᠡᠬᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ᠮᠥᠴᠢᠷ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠮᠥᠴᠢᠷ