5-11ᠲᠣᠪᠳᠠᠨᠨᠢᠮᠠ ᠶ᠋ᠢᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠭᠡᠰᠡᠭ ᠪᠣᠰᠤᠬ ᠡᠪᠡᠳᠴᠢᠨ ᠢ ᠵᠠᠰᠠᠬᠤ
421ᠭᠡᠰᠡᠭ ᠪᠣᠰᠤᠬ ᠡᠪᠡᠳᠴᠢᠨ ᠢ ᠵᠠᠰᠠᠬᠤ
ᠠᠷᠪᠠᠨ ᠨᠢᠭᠡ᠂ ᠭᠡᠰᠡᠭ ᠪᠣᠰᠤᠬ ᠡᠪᠡᠳᠴᠢᠨ ᠢ ᠵᠠᠰᠠᠬᠤ
ᠲᠠᠯᠠ ᠲᠣᠯᠣᠭᠠᠢ ᠡᠪᠡᠳᠪᠡᠰᠦ ᠫᠤᠸᠠᠷᠢ᠂ ᠪᠤᠷᠠᠮ ᠬᠣᠶᠠᠷ ᠢ ᠠᠷᠢᠬᠢᠨ ᠳ᠋ᠤᠷ ᠨᠠᠢᠷᠠᠭᠤᠯᠤᠬᠰᠠᠨ ᠬᠠᠮᠠᠷ ᠤᠨ ᠡᠮ ᠢ ᠥᠭᠪᠡᠰᠦ ᠳᠤᠰᠠᠲᠠᠢ᠃ ᠡᠰᠡᠪᠡᠰᠦ ᠮᠦᠽᠢ᠂ ᠶᠸᠷᠮᠡ ᠬᠣᠶᠠᠷ ᠢ ᠬᠣᠪᠢ ᠲᠡᠭᠰᠢ ᠥᠪᠡᠷ ᠦᠨ ᠰᠢᠯᠦᠰᠦ ᠪᠡᠷ ᠨᠣᠬᠣᠵᠤ᠂ ᠠᠯᠢ ᠡᠪᠡᠳᠦᠭᠰᠡᠨ ᠲᠠᠯᠠ ᠶᠢᠨ ᠬᠠᠮᠠᠷ ᠢᠶᠠᠨ ᠪᠥᠭᠯᠡᠪᠡᠯ ᠲᠠᠯᠠ ᠲᠣᠯᠣᠭᠠᠢ ᠶᠢᠨ ᠡᠪᠡᠳᠴᠢᠨ ᠳᠦ ᠳᠤᠰᠠᠯᠠᠨᠠ᠃ ᠲᠣᠯᠣᠭᠠᠢ ᠮᠠᠰᠢ ᠬᠠᠳᠬᠤᠯᠠᠪᠠᠰᠤ ᠠᠷᠤᠷᠠ᠂ ᠳ᠋ᠢᠭᠳᠡ ᠺᠠᠷᠤᠼᠤᠸᠠ ᠶᠢ ᠰᠠᠢᠲᠤᠷ ᠨᠤᠬᠤᠵᠤ ᠪᠠᠭᠠ ᠬᠡᠮ ᠢᠶᠡᠷ ᠥᠭᠪᠡᠰᠦ ᠠᠮᠤᠷᠯᠢᠨᠠ᠃ ᠨᠢᠳᠦᠨ ᠥᠭᠡᠬᠦ ᠤᠯᠠᠭᠠᠨ ᠪᠣᠯᠪᠠᠰᠤ ᠰᠸᠪᠤᠢ᠍ᠷᠦ ᠶᠢᠨ ᠰᠢᠭᠦᠰᠦ ᠶᠢ ᠳᠤᠰᠤᠭᠠᠪᠠᠰᠤ ᠠᠷᠢᠯᠭᠠᠨᠠ᠃ ᠪᠣᠷᠣ ᠳ᠋ᠦ᠋ᠩᠽᠢ᠂ ᠭᠠᠩᠭᠠᠴᠤᠢ᠍ᠩ ᠢ ᠨᠠᠢᠷᠠᠭᠤᠯᠵᠤ ᠲᠥᠷᠬᠢᠪᠡᠰᠦ ᠨᠢᠳᠦᠨ ᠡᠪᠡᠳᠴᠢᠨ ᠳᠦ ᠳᠤᠰᠠᠯᠠᠮᠤᠢ᠃ ᠵᠠᠭᠠᠲᠤᠨᠠᠬᠤ ᠳᠤ ᠬᠠᠯᠲᠠᠷ ᠦᠬᠡᠷ ᠦᠨ ᠰᠢᠯᠦᠰᠦ ᠶᠢ ᠳᠠᠬᠢᠨ ᠳᠠᠬᠢᠨ ᠰᠦᠷᠴᠢᠪᠡᠰᠦ ᠳᠤᠰᠠᠲᠠᠢ᠃ ᠷᠦᠳᠠ ᠶᠢ ᠯᠤᠤᠪᠠᠩ ᠤᠨ ᠰᠢᠭᠦᠰᠦ ᠯᠤᠭᠡ ᠨᠠᠢᠷᠠᠭᠤᠯᠵᠤ ᠴᠢᠬᠢᠨ ᠳᠦ ᠳᠤᠰᠤᠭᠠᠪᠠᠰᠤ ᠳᠦᠯᠡᠢ ᠶᠢ ᠨᠡᠭᠡᠭᠡᠮᠤᠢ᠃ ᠡᠰᠡᠪᠡᠰᠦ ᠵᠠᠷᠠᠭᠠ᠂ ᠬᠤᠯᠤᠭᠠᠨᠠ ᠶᠢᠨ ᠰᠢᠭᠡᠰᠦ ᠶᠢ ᠴᠢᠬᠢᠨ ᠳᠦ ᠳᠤᠰᠤᠭᠠᠪᠠᠰᠤ ᠴᠢᠬᠢ ᠶᠢ ᠨᠡᠭᠡᠭᠡᠨ ᠦᠢᠯᠡᠳᠦᠮᠦᠢ᠃ ᠳᠠᠭᠤᠲᠠᠢ ᠴᠢᠬᠢᠨ ᠳᠦᠯᠡᠢ ᠳᠦ ᠴᠠᠭᠠᠨ ᠰᠠᠷᠢᠮᠰᠠᠭ ᠢ ᠭᠠᠯ ᠤᠨ ᠪᠣᠷᠮᠠᠨ ᠳᠤ ᠵᠥᠭᠡᠯᠡᠨ ᠲᠦᠯᠡᠵᠦ ᠰᠢᠬᠠᠬᠰᠠᠨ ᠰᠢᠭᠦᠰᠦ ᠶᠢ ᠠᠯᠢ ᠡᠪᠡᠳᠦᠭᠰᠡᠨ ᠴᠢᠬᠢᠨ ᠳᠦ ᠳᠤᠰᠤᠭᠠᠪᠠᠰᠤ ᠳᠤᠰᠠᠲᠠᠢ᠃ ᠬᠠᠮᠠᠷ ᠠᠴᠠ ᠴᠢᠰᠤ ᠭᠠᠷᠪᠠᠯ ᠳᠣᠯᠣᠭᠠᠨ ᠬᠦᠮᠦᠨ ᠦ ᠰᠦᠷᠡᠯ ᠢ ᠨᠢᠭᠡᠨ ᠴᠢᠮᠡᠬᠢ ᠠᠪᠴᠤ ᠲᠦᠯᠡᠭᠰᠡᠨ ᠬᠢᠷᠪᠦᠰᠦ ᠪᠡᠷ ᠤᠲᠤᠪᠠᠯ ᠳᠠᠷᠤᠢ ᠠᠷᠢᠯᠣᠮᠣᠢ᠃ ᠡᠰᠡᠪᠡᠰᠦ ᠥᠪᠡᠷ ᠦᠨ ᠬᠠᠮᠠᠷ ᠤᠨ ᠴᠢᠰᠤ ᠶᠢ ᠬᠠᠲᠠᠭᠠᠬᠰᠠᠨ ᠳᠤ ᠭᠦᠷᠭᠦᠮ᠂ ᠳ᠋ᠣᠮᠷᡁᠢ᠂ ᠲᠠᠷᠢᠶᠠᠨ ᠬᠥ᠂ ᠰᠢᠩᠼᠠ ᠶᠢ ᠨᠠᠢᠷᠠᠭᠤᠯᠵᠤ ᠥᠭᠪᠡᠯ ᠬᠠᠮᠠᠷ ᠤᠨ ᠴᠢᠰᠤ ᠶᠢ ᠳᠠᠰᠤᠯᠤᠨᠠ᠃ ᠤᠯᠠᠨ ᠨᠠᠢᠲᠠᠭᠠᠵᠤ ᠬᠠᠮᠠᠷ ᠠᠴᠠ ᠤᠰᠤ ᠴᠣᠪᠤᠷᠠᠬᠤ ᠳᠤ ᠬᠦᠬᠡ ᠶᠣᠷᠣᠬ ᠢᠶᠠᠷ ᠤᠲᠤᠪᠠᠰᠤ ᠳᠤᠰᠠᠯᠠᠨᠠ᠃ ᠬᠠᠮᠠᠷ ᠤᠨ ᠬᠠᠨᠢᠶᠠᠳᠤᠨ ᠳᠤ ᠡᠯᠳᠡᠪ ᠦᠷᠡᠰ ᠢ ᠬᠠᠭᠤᠷᠴᠤ ᠤᠲᠤᠭᠤᠯ᠃ ᠬᠢᠮᠤᠰᠤ᠂ ᠮᠢᠬᠠᠨ ᠵᠠᠪᠰᠠᠷ( ᠬᠢᠮᠤᠰᠤᠨ ᠵᠠᠪᠰᠠᠷ ᠬᠠᠨᠵᠠᠷᠠᠬᠤ)᠂ ᠬᠦᠢᠰᠦᠨ ᠨᠦᠬᠡ ᠬᠢᠭᠡᠳ ᠠᠮᠠ ᠬᠠᠭᠠᠷᠠᠪᠠᠰᠤ ᠣᠷᠣᠢ ᠳᠤ ᠳᠣᠰᠤ ᠲᠦᠷᠬᠢᠪᠡᠰᠦ ᠳᠤᠰᠠᠯᠠᠨᠠ᠃ ᠡᠰᠡᠪᠡᠰᠦ ᠤᠷᠤᠭᠤᠯ ᠳᠤ ᠶᠡᠬᠡ ᠥᠬᠡᠬᠦ ᠲᠦᠷᠬᠢ᠃ ᠠᠮᠠᠨ ᠳᠤ ᠨᠢᠳᠦᠲᠦ ᠶᠠᠷᠠ ᠭᠠᠷᠪᠠᠯ ᠪᠠᠢᠪᠠᠩ ᠤᠨ ᠦᠨᠡᠰᠦ ᠲᠠᠯᠪᠢᠪᠠᠯ ᠮᠠᠭᠠᠳ ᠳᠤᠰᠠᠲᠠᠢ᠃ ᠰᠢᠳᠦ ᠬᠥᠳᠡᠯᠪᠡᠰᠦ᠄ ᠥᠪᠡᠷ ᠦᠨ ᠰᠢᠭᠡᠰᠦ ᠪᠤᠶᠤ ᠤᠬᠢᠶᠠᠯ ᠤᠨ ᠤᠰᠤ ᠪᠠᠷ ᠵᠠᠢᠯᠪᠠᠰᠤ ᠪᠠᠲᠤ ᠴᠢᠬᠢᠷᠠᠬ ᠪᠣᠯᠤᠮᠤᠢ᠃ ᠬᠡᠯᠡᠨ ᠳᠦ ᠶᠠᠷᠠ ᠭᠠᠷᠪᠠᠯ ᠬᠠᠴᠸ ᠭᠦᠷᠭᠦᠮ ᠢ ᠰᠢᠬᠢᠷ ᠲᠡᠢ ᠨᠠᠢᠷᠠᠭᠤᠯᠵᠤ ᠲᠦᠷᠬᠢᠪᠡᠰᠦ ᠳᠤᠰᠠᠲᠠᠢ᠃ ᠬᠡᠯᠡ ᠬᠠᠪᠤᠳᠪᠠᠯ ᠴᠢᠨᠣᠠ ᠶᠢᠨ ᠬᠡᠯᠡ ᠨᠠᠭᠠᠪᠠᠰᠤ ᠳᠤᠰᠠᠲᠠᠢ᠃ ᠠᠮᠠᠨ ᠠᠴᠠ ᠴᠢᠰᠤ ᠶᠡᠬᠡ ᠭᠠᠷᠪᠠᠰᠤ ᠥᠪᠡᠷ ᠦᠨ ᠨᠢᠭᠤᠴᠠ ᠦᠰᠦ※ ᠶᠢ ᠪᠤᠷᠴᠠᠭ ᠤᠨ ᠲᠡᠳᠦᠢ ᠵᠢᠷᠭᠤᠭᠠ᠂ ᠳᠣᠯᠣᠭᠠ ᠪᠥᠭᠡᠮᠨᠡᠵᠦ ᠤᠰᠤ ᠪᠠᠷ ᠲᠠᠷᠤᠭᠤᠯᠪᠠᠯ ᠳᠤᠰᠠᠯᠠᠨᠠ᠃ ᠡᠰᠡᠪᠡᠰᠦ ᠲᠣᠭᠣᠰ ᠤᠨ ᠥᠳᠥᠨ ᠬᠢᠷᠪᠦᠰᠦ ᠶᠢ ᠬᠦᠢᠲᠡᠨ ᠤᠰᠤ ᠪᠠᠷ ᠳᠠᠷᠤᠭᠤᠯᠪᠠᠯ ᠲᠦᠷᠭᠡᠨ ᠳᠤᠰᠠᠯᠠᠨᠠ᠃ ᠡᠷᠯᠢᠭ ᠦᠨ ᠴᠡᠯᠮᠡ※ ᠯᠤᠭᠠ ᠰᠠᠴᠠᠭᠤ ᠬᠣᠭᠣᠯᠠᠢ ᠬᠠᠭᠠᠬᠳᠠᠬᠤ ᠡᠪᠡᠳᠴᠢᠨ ᠳᠦ ᠰᠠᠢᠨ ᠵᠢᠭᠠᠷ ᠢ ᠦᠨᠢᠶᠡᠨ ᠦ ᠷᠠᠰᠢᠶᠠᠨ ᠢᠶᠠᠷ ᠥᠭᠪᠡᠯ ᠳᠤᠰᠠᠲᠠᠢ᠃ ᠡᠰᠡᠬᠦᠯᠡ ᠬᠠᠷᠠ ᠱᠦᠳᠠᠬ ᠢ ᠬᠣᠨᠢᠨ ᠷᠠᠰᠢᠶᠠᠨ ᠢᠶᠠᠷ ᠳᠠᠷᠤᠭᠤᠯᠵᠤ ᠥᠭᠪᠡᠯ ᠳᠤᠰᠠᠲᠠᠢ᠃ ᠠᠭᠤᠰᠬᠢᠨ ᠡᠪᠡᠳᠴᠢᠨ ᠮᠠᠰᠢ ᠭᠦᠴᠦᠲᠡᠢ ᠪᠣᠯ ᠬᠠᠴᠸ ᠭᠦᠷᠭᠦᠮ᠂ ᠯᠢᠰᠢ᠂ ᠮᠠᠭᠠ᠂ ᠨᠢᠰᠢᠩ᠂ ᠰᠢᠩ ᠠᠷ᠂ ᠫᠤᠸᠠᠷᠢ᠂ ᠰᠸᠪᠤᠢ᠍ᠷᠦ ᠶᠢᠨ ᠬᠠᠯᠢᠰᠤ ᠬᠣᠪᠢ ᠲᠡᠭᠰᠢ ᠶᠢ ᠰᠠᠢᠲᠤᠷ ᠨᠤᠬᠤᠵᠤ ᠪᠤᠴᠠᠯᠤᠬᠰᠠᠨ ᠤᠰᠤ ᠪᠠᠷ ᠳᠠᠷᠤᠭᠤᠯᠪᠠᠰᠤ ᠰᠠᠢᠨ᠃ ᠰᠢᠷᠠ ᠶᠢᠨ ᠡᠪᠡᠳᠴᠢᠨ ᠢᠶᠡᠷ ᠮᠢᠬᠠ᠂ ᠨᠢᠳᠦ ᠰᠢᠷᠠᠯᠠᠬᠤ ᠳᠤ ᠯᠢᠰᠢ᠂ ᠴᠠᠭᠠᠨ ᠬᠦᠬᠡ ᠶᠣᠷᠣᠬ ᠤᠨ ᠬᠠᠮᠠᠷ ᠤᠨ ᠡᠮ ᠢ ᠥᠭ᠃ ᠳᠣᠲᠣᠷᠠ ᠠᠴᠠ ᠥᠴᠥᠬᠡᠨ ᠵᠢᠭᠠᠰᠤ ᠶᠢ ᠠᠮᠢᠳᠤ ᠪᠠᠷ ᠥᠭ᠃ ᠬᠥᠢᠰᠦᠨ ᠨᠦᠬᠡᠨ ᠳ᠋ᠤ᠌ ᠰᠢᠷᠠ ᠴᠠᠭᠠᠰᠤ ᠶᠢ ᠣᠷᠢᠶᠠᠨ ᠰᠢᠳᠠᠭᠠᠵᠤ ᠬᠠᠳᠬᠤᠪᠠᠯ ᠡᠪᠡᠳᠴᠢᠨ ᠡᠴᠡ ᠭᠡᠲᠦᠯᠬᠦ ᠳᠦ ᠰᠡᠵᠢᠭ ᠦᠭᠡᠢ᠃ ᠲᠡᠮᠡᠭᠡᠨ ᠰᠦ ᠶᠢ ᠦᠷᠭᠦᠯᠵᠢ ᠰᠢᠲᠦᠪᠡᠰᠦ ᠬᠠᠯᠠᠭᠤᠨ ᠬᠦᠢᠳᠡᠨ ᠤᠰᠤ ᠬᠤᠷᠠᠬᠰᠠᠨ ᠪᠦᠬᠦᠨᠡ ᠳᠤᠰᠠᠲᠠᠢ᠃ ᠦᠰᠦ᠋ ᠶᠢᠨ ᠨᠠᠪᠴᠢ ᠪᠠᠷ ᠵᠢᠩᠨᠡᠪᠡᠰᠦ ᠳᠤᠰᠠᠲᠠᠢ᠃ ᠳ᠋ᠠᠯᠢ᠂ ᠰᠸᠪᠤᠢ᠍ᠷᠦ᠂ ᠰᠢᠩ ᠠᠷ᠂ ᠵᠠᠬᠴᠸ᠂ ᠰᠢᠷᠠ ᠰᠢᠪᠠᠭᠤᠨ ᠤ ᠵᠢᠭᠦᠷ ᠦᠨ ᠦᠨᠡᠰᠦ ᠨᠤᠭᠦᠳ ᠢᠶᠡᠷ ᠴᠠᠢᠪᠣᠷ ᠬᠠᠪᠣᠩ᠂ ᠰᠤᠪᠠᠬ ᠬᠠᠪᠣᠩ ᠢ ᠬᠣᠴᠣᠷᠣᠯ ᠦᠭᠡᠢ ᠠᠷᠢᠯᠭᠠᠨᠠ᠃ ᠭᠢᠲᠠᠳ ᠡᠪᠡᠳᠴᠢᠨ ᠪᠠ ᠶᠤ᠌ ᠽᠠ ᠪᠣᠶᠤ ᠪᠠᠢᠽᠠ ᠭᠡᠮᠡᠨ ᠴᠡᠴᠡᠷᠡᠬᠦ ᠡᠪᠡᠳᠴᠢᠨ ᠳᠦ ᠰᠢᠩ ᠠᠷ᠂ ᠲᠠᠷᠠᠮ᠂ ᠦᠨᠳᠦᠷ ᠭᠠᠵᠠᠷ ᠤᠷᠭᠤᠬᠰᠠᠨ ᠭᠦᠷᠮᠦᠩ ᠭᠤᠷᠪᠠ ᠶᠢᠨ ᠲᠠᠩ ᠢ ᠬᠡᠳᠦᠨᠳᠡ ᠥᠭᠪᠡᠰᠦ ᠳᠤᠰᠠᠯᠠᠬᠤ ᠶᠢ ᠲᠤᠷᠰᠢᠯᠭᠠ ᠠᠴᠠ ᠪᠦᠲᠦᠭᠰᠡᠨ ᠶᠤᠮ᠃ ᠬᠠᠷᠠ ᠰᠠᠢᠷᠠ᠂ ᠲᠠᠪᠤᠨ ᠬᠠᠯᠠᠭᠤᠨ᠂ ᠵᠠᠮᠽᠠ᠂ ᠰᠢᠩᠭᠦᠨ ᠢᠶᠡᠷ ᠪᠡᠳᠡᠬᠢ ᠶᠢᠨ ᠵᠦᠢᠯ ᠢ ᠠᠷᠢᠯᠭᠠᠨᠠ᠃ ᠮᠣᠭᠠᠢ ᠶᠢᠨ ᠠᠷᠠᠰᠤᠨ ᠦᠨᠡᠰᠦ ᠶᠢ ᠨᠢᠳᠦᠨ ᠳᠦ ᠲᠦᠷᠬᠢᠪᠡᠰᠦ ᠨᠢᠳᠦᠨ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠨᠠ᠃ ᠮᠣᠭᠠᠢ ᠶᠢᠨ ᠬᠠᠯᠢᠰᠤ ᠶᠢ ᠰᠦᠨ ᠳᠦ ᠨᠠᠢᠷᠠᠭᠤᠯᠵᠤ ᠠᠮᠠ ᠳᠦᠭᠦᠷᠡᠩ ᠵᠠᠢᠯᠪᠠᠯ ᠰᠢᠳᠦᠨ ᠡᠪᠡᠳᠴᠢᠨ ᠢ ᠬᠣᠴᠣᠷᠣᠯ ᠦᠭᠡᠢ ᠠᠷᠢᠯᠭᠠᠨᠠ᠃ ᠮᠣᠭᠠᠢ ᠶᠢᠨ ᠬᠠᠯᠢᠰᠤ ᠶᠢ ᠰᠠᠢᠲᠤᠷ ᠨᠤᠬᠤᠵᠤ ᠲᠠᠷᠠᠬ ᠤᠨ ᠰᠢᠭᠥᠰᠦ ᠪᠡᠷ ᠵᠢᠭᠤᠷᠡᠵᠤ ᠬᠣᠷᠭᠣᠯ ᠤᠨ ᠲᠡᠳᠦᠢ ᠮᠦᠬᠦᠯᠢᠭᠳᠡᠭᠡᠳ ᠳᠣᠲᠣᠷᠠ ᠠᠴᠠ ᠥᠭᠪᠡᠯ ᠵᠠᠭᠠᠲᠤᠨᠠᠬᠤ ᠪᠦᠬᠦᠨᠡ ᠳᠤᠰᠠᠲᠠᠢ᠃ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ ᠶᠢᠨ ᠲᠦᠯᠡᠭᠰᠡᠨ ᠦᠨᠡᠰᠦ ᠶᠢ ᠪᠤᠷᠴᠠᠭ ᠤᠨ ᠲᠡᠳᠦᠢ ᠷᠢᠯᠦᠳᠡᠵᠦ ᠬᠦᠢᠲᠡᠨ ᠤᠰᠤ ᠪᠠᠷ ᠳᠠᠷᠤᠭᠤᠯᠵᠣ ᠥᠭᠪᠡᠯ ᠴᠢᠯᠠᠭᠤᠰᠢᠷᠠᠬᠤ ᠡᠪᠡᠳᠴᠢᠨ ᠪᠦᠬᠦᠨ ᠳᠦ ᠪᠦᠷᠢᠯᠳᠦᠭᠰᠡᠨ ᠢ ᠠᠷᠢᠯᠭᠠᠨᠠ᠃ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ ᠶᠢ ᠲᠦᠯᠡᠭᠰᠡᠨ ᠤᠲᠤᠭᠠ ᠶᠢ ᠭᠡᠷ ᠲᠦ ᠲᠠᠯᠪᠢᠪᠠᠯ ᠳ᠋ᠢᠬᠪᠠᠷᠠᠨᠽᠠ ᠲᠡᠷᠢᠭᠦᠲᠡᠨ ᠢᠬᠢᠷ ᠰᠢᠬᠢᠷ ᠰᠢᠪᠠᠵᠢ ᠶᠢᠨ ᠬᠣᠣᠷᠯᠠᠯ ᠠᠮᠤᠷᠯᠢᠮᠤᠢ᠃ ᠭᠠᠪᠤᠷ ᠢ ᠣᠷᠣ ᠳᠡᠪᠢᠰᠭᠡᠷ ᠲᠦ ᠲᠠᠯᠪᠢᠪᠠᠰᠤ ᠰᠢᠷᠬᠢ( ᠨᠣᠬᠠᠢ ᠶᠢᠨ ᠪᠥᠭᠡᠰᠦ) ᠣᠷᠣ ᠳᠤ ᠦᠯᠦ ᠣᠷᠣᠮᠤᠢ᠃ ᠶᠠᠰᠤᠲᠤ ᠮᠡᠯᠡᠬᠡᠢ ᠶᠢᠨ ᠮᠢᠬᠠᠨ ᠤ ᠤᠲᠤᠭᠠ ᠪᠠᠷ ᠤᠲᠤᠪᠠᠰᠤ ᠪᠢᠰ(ᠤᠯᠠᠭᠠᠨ ᠪᠥᠭᠡᠰᠦ) ᠳᠤᠲᠠᠭᠠᠬᠤ ᠪᠣᠯᠠᠢ᠃ ᠵᠢᠭᠠᠰᠤᠨ ᠶᠠᠰᠤ᠂ ᠮᠦᠽᠢ ᠶᠢ ᠲᠦᠯᠡᠭᠰᠡᠨ ᠤᠲᠤᠭᠠ ᠪᠠᠷ ᠤᠲᠤᠪᠠᠰᠤ ᠢᠯᠠᠭᠠ ᠰᠠᠷᠨᠢᠮᠣᠢ᠃ ᠭᠠᠪᠤᠷ᠂ ᠽᠠᠨᠳᠠᠨ᠂ ᠰᠸᠯᠡ( ᠨᠣᠬᠠᠢ ᠬᠤᠰᠢᠭᠤ)᠂ ᠡᠮᠡᠭᠡᠨ ᠬᠢᠮᠤᠰᠤ᠂ ᠵᠢᠭᠠᠷ ᠢ ᠨᠠᠢᠷᠠᠭᠤᠯᠵᠤ ᠤᠲᠤᠭᠠ ᠲᠠᠯᠪᠢᠪᠠᠯ ᠪᠢᠱᠠ( ᠱᠠᠼᠠ) ᠨᠤᠭᠤᠳ ᠪᠤᠰᠤᠳ ᠲᠡᠰᠢ ᠶᠡᠭᠦᠯᠡᠬᠦᠶᠡ ᠰᠡᠵᠢᠭ ᠦᠭᠡᠢ᠃ ᠲᠣᠬᠰᠢᠨ ᠭᠠᠯ ᠤᠨ ᠡᠳ᠋( ᠫᠤᠤ ᠶᠢᠨ ᠳᠠᠷᠢ) ᠢ ᠤᠰᠤᠨ ᠳᠤ ᠬᠣᠯᠢᠵᠤ ᠭᠡᠷ ᠲᠦ ᠰᠦᠷᠴᠢᠯᠭᠡ ᠲᠠᠯᠪᠢᠪᠠᠯ ᠰᠠᠷᠠᠪᠠ( ᠵᠠᠭᠤᠳᠠᠬ ᠨᠣᠬᠠᠢ) ᠪᠤᠶᠤ ᠮᠣᠭᠠᠢ ᠦᠯᠦ ᠢᠷᠡᠬᠦ ᠶᠢ ᠲᠤᠷᠰᠢᠯᠭᠠ ᠠᠴᠠ ᠭᠦᠨ ᠮᠡᠳᠡᠪᠡ᠃ ᠵᠠᠭᠤᠳᠪᠤᠢ ᠶᠢ ᠳᠣᠰᠤᠨ ᠳᠤ ᠵᠢᠭᠤᠷᠠᠵᠤ ᠲᠦᠷᠬᠢᠪᠡᠰᠦ ᠪᠡᠶᠡᠨ ᠳᠦ ᠪᠥᠭᠡᠰᠦ ᠭᠠᠷᠬᠤ ᠦᠭᠡᠢ ᠪᠣᠯᠤᠮᠤᠢ᠃ ᠦᠯᠴᠦ᠂ ᠪᠤᠭᠤ ᠶᠢᠨ ᠥᠭᠡᠬᠦ᠂ ᠪᠢᠪᠢᠯᠢᠩ ᠲᠡᠳᠡᠭᠡᠷ ᠴᠤ ᠪᠥᠭᠡᠰᠦ ᠨᠤᠭᠦᠳ ᠢ ᠠᠷᠢᠯᠭᠠᠮᠤᠢ᠃ ᠶᠸᠷᠮᠡ᠂ ᠪᠢᠪᠢᠯᠢᠩ ᠢ ᠳᠣᠰᠤᠨ ᠳᠤ ᠵᠢᠭᠤᠷᠠᠵᠤ ᠲᠦᠷᠬᠢᠪᠡᠰᠦ ᠪᠥᠭᠡᠰᠦᠳᠦᠬᠦ ᠡᠪᠡᠳᠴᠢᠨ ᠪᠦᠬᠦᠨ ᠢ ᠠᠷᠢᠯᠭᠠᠬᠤ ᠨᠢ ᠭᠠᠢᠬᠠᠯᠲᠠᠢ ᠪᠣᠯᠠᠢ᠃ ᠮᠢᠭᠤᠢ ᠶᠢᠨ ᠰᠢᠭᠡᠰᠦ᠂ ᠪᠤᠭᠤᠳᠠᠢ ᠶᠢᠨ ᠭᠤᠯᠢᠷ ᠬᠣᠶᠠᠷ ᠢ ᠵᠢᠭᠤᠷᠠᠬᠰᠠᠨ ᠮᠦᠬᠦᠯᠢᠭ ᠢ ᠭᠡᠷ ᠲᠦ ᠣᠷᠬᠢᠪᠠᠰᠤ ᠲᠡᠨᠳᠡ ᠣᠷᠣᠰᠢᠬᠤ ᠬᠤᠯᠤᠭᠠᠨᠠ ᠪᠦᠷ ᠳᠤᠲᠠᠭᠠᠨᠠ᠃ ᠡᠰᠡᠬᠦᠯᠡ ᠨᠢᠭᠡ ᠬᠤᠯᠤᠭᠠᠨᠠ ᠶᠢ ᠪᠠᠷᠢᠵᠤ᠂ ᠭᠦᠨᠵᠢᠳ᠂ ᠳ᠋ᠣᠩᠷᠣᠢ ᠶᠢ ᠨᠠᠢᠷᠠᠭᠤᠯᠵᠤ ᠲᠦᠷᠬᠢᠭᠡᠳ ᠲᠠᠯᠪᠢᠪᠠᠰᠤ ᠪᠣᠢ ᠪᠦᠬᠦᠢ ᠬᠤᠯᠤᠭᠠᠨᠠ ᠳᠤᠳᠠᠭᠠᠨᠠ᠃ ᠵᠢᠷᠦᠭ᠂ ᠬᠠᠨᠪᠠ( ᠠᠬᠢ ) ᠶᠢ ᠠᠯᠢ ᠪᠣᠯᠬᠤ ᠶᠢ ᠮᠢᠬᠠᠨ ᠯᠤᠭᠠ ᠬᠠᠮᠲᠤ ᠲᠠᠯᠪᠢᠪᠠᠯ ᠥᠲᠦ ᠬᠣᠷᠣᠬᠠᠢ ᠤᠷᠤᠬᠤ ᠦᠭᠡᠢ ᠪᠣᠯᠣᠨᠠ᠃
ᠲᠠᠯᠠ ᠪᠠᠷ ᠡᠪᠡᠳᠪᠡᠰᠦ᠄ ᠤᠯᠮᠤᠰᠸ ᠶᠢᠨ ᠮᠤᠳᠤᠨ ᠮᠦᠴᠢᠷ ᠢ ᠤᠳᠠᠭᠠ ᠪᠦᠷᠢ ᠲᠠᠪᠤᠨ ᠴᠢᠨ ᠢ ᠠᠷᠢᠬᠢᠨ ᠯᠤᠭᠠ ᠬᠠᠮᠲᠤ ᠪᠤᠴᠠᠯᠭᠠᠵᠤ ᠠᠷᠪᠠᠨ ᠤᠳᠠᠭᠠ ᠤᠤᠭᠤᠪᠠᠰᠤ ᠳᠤᠰᠠᠲᠠᠢ᠃ ᠭᠠᠷᠠᠬ ᠡᠪᠡᠳᠴᠢᠨ ᠢᠶᠡᠷ ᠮᠣᠩᠬᠠᠷᠠᠪᠠᠰᠤ ᠠᠯᠢ ᠪᠣᠯᠬᠤ ᠠᠳᠤᠭᠤᠰᠤᠨ ᠰᠦᠰᠦᠨ ᠳᠦ ᠨᠢᠭᠡ ᠴᠢᠨ ᠪᠠᠢᠪᠠᠩ ᠬᠢᠵᠦ ᠠᠷᠢᠬᠢᠨ ᠯᠤᠭᠠ ᠬᠠᠮᠲᠤ ᠪᠤᠴᠠᠯᠭᠠᠵᠤ ᠤᠤᠭᠤᠪᠠᠯ ᠳᠠᠷᠤᠢ ᠳᠤ ᠳᠤᠰᠠᠯᠠᠬᠤ ᠪᠣᠯᠠᠢ᠃ ᠭᠠᠷ᠂ ᠬᠥᠯ᠂ ᠪᠡᠯᠬᠡᠭᠦᠰᠦ ᠪᠡᠷ ᠡᠪᠡᠳᠪᠡᠰᠦ ᠳᠠᠪᠤᠰᠤ ᠰᠣᠩᠭᠢᠨᠠ ᠬᠣᠶᠠᠷ ᠢ ᠨᠢᠵᠡᠭᠡᠳ ᠵᠢᠩ ᠢ ᠬᠠᠭᠤᠷᠴᠤ ᠵᠢᠩᠨᠡᠪᠡᠰᠦ ᠳᠤᠰᠠ ᠪᠣᠯᠬᠤ ᠶᠤᠮ᠃
ᠨᠢᠯᠬᠠᠰ ᠤᠨ ᠲᠣᠯᠣᠭᠠᠢ ᠶᠢᠨ ᠰᠢᠷᠠ ᠤᠰᠤᠨ ᠳᠤ ᠬᠠᠭᠤᠴᠢᠨ ᠬᠡᠷᠡᠮ ᠦᠨ ᠰᠢᠷᠣᠢ ᠶᠢ ᠥᠨᠳᠡᠭᠡᠨ ᠴᠠᠭᠠᠨ ᠳᠤ ᠵᠢᠭᠤᠷᠠᠵᠤ ᠳᠠᠬᠢᠨ ᠳᠠᠬᠢᠨ ᠲᠦᠷᠬᠢᠪᠡᠯ ᠳᠤᠰᠠᠲᠠᠢ᠃ ᠭᠣᠨᠢᠶᠣᠳ᠂ ᠳᠠᠪᠤᠰᠤ ᠬᠣᠶᠠᠷ ᠢ ᠨᠢᠵᠡᠭᠡᠳ ᠭᠤᠷᠪᠠᠨ ᠴᠢᠨ ᠬᠠᠭᠤᠷᠤᠬᠰᠠᠨ ᠲᠠᠯᠬᠠ ᠶᠢ ᠳᠠᠷᠠᠰᠤ( ᠰᠢᠷᠠ ᠠᠷᠢᠬᠢ ) ᠪᠠᠷ ᠳᠠᠷᠤᠭᠤᠯᠵᠤ ᠥᠭᠪᠡᠯ ᠢᠪᠡᠷᠬᠡᠢ ᠡᠪᠡᠳᠴᠢᠨ ᠳᠦ ᠳᠤᠰᠠᠲᠠᠢ᠃ ᠬᠦᠮᠦᠨ ᠦ ᠭᠠᠪᠠᠯᠠ ᠶᠢ ᠰᠠᠢᠲᠤᠷ ᠨᠤᠬᠤᠬᠰᠠᠨ ᠲᠠᠯᠬᠠ ᠶᠢ ᠲᠦᠷᠬᠢᠪᠡᠰᠦ ᠢᠮ ᠬᠠᠪᠤᠳᠤᠬᠰᠠᠨ ᠢ ᠠᠮᠤᠷᠯᠢᠭᠤᠯᠤᠨᠠ᠃ ᠬᠦᠮᠦᠨ ᠦ ᠭᠠᠪᠠᠯᠠ ᠶᠢᠨ ᠦᠨᠡᠰᠦ ᠶᠢ ᠦᠨᠢᠶᠡᠨ ᠰᠢᠭᠡᠰᠦᠨ ᠳᠦ ᠵᠢᠭᠤᠷᠠᠵᠤ ᠲᠦᠷᠬᠢᠪᠡᠯ ᠰᠢᠷᠠ ᠤᠰᠤ ᠪᠠᠷ ᠵᠠᠭᠠᠲᠤᠨᠠᠬᠤ ᠶᠢ ᠠᠷᠢᠯᠭᠠᠨᠠ᠃ ᠰᠠᠭᠠᠬ ᠤᠨ ᠦᠨᠳᠦᠰᠦ ᠶᠢ ᠲᠦᠯᠡᠭᠰᠡᠨ ᠦᠨᠡᠰᠦ ᠶᠢ ᠴᠤ ᠰᠢᠷᠠ ᠤᠰᠤᠲᠠᠨ ᠳᠤ ᠲᠦᠷᠬᠢᠪᠡᠰᠦ ᠳᠤᠰᠠᠲᠠᠢ᠃ ᠠᠫᠡᠮᠭ᠌ᠸᠯᠠ ᠶᠢᠨ ᠮᠸᠳᠣᠬ( ᠬᠠᠷᠠ ᠲᠠᠮᠠᠬᠢᠨ ᠤ ᠳᠤᠬᠲᠤᠢ ᠪᠤᠶᠤ ᠴᠡᠴᠡᠭ)᠂ ᠪᠢᠪᠢᠯᠢᠩ᠂ ᠯᠠᠯᠠᠫᠣᠳ ᠢ ᠬᠣᠪᠢ ᠰᠠᠴᠠᠭᠤ ᠪᠠᠷ ᠨᠠᠢᠷᠠᠭᠤᠯᠵᠤ᠂ ᠪᠠᠯ ᠢᠶᠠᠷ ᠬᠥᠯᠭᠡᠯᠡᠭᠦᠯᠵᠦ ᠥᠭᠪᠡᠰᠦ ᠴᠢᠰᠤ ᠪᠠᠷ ᠰᠠᠭᠤᠯᠭᠠᠬᠤ ᠶᠢ ᠵᠣᠬᠰᠤᠭᠠᠬᠤ ᠶᠢᠨ ᠳᠡᠭᠡᠳᠦ᠃ ᠪᠠᠶᠠᠬᠼᠠᠸᠠ ᠪᠠᠷ ᠵᠢᠩᠨᠡᠪᠡᠰᠦ ᠬᠠᠪᠤᠳᠠᠷ ᠬᠢᠭᠡᠳ ᠰᠢᠷᠬᠠᠨ ᠳᠤ ᠲᠤᠰᠠᠲᠠᠢ᠃ ᠴᠠᠭᠠᠨ ᠰᠠᠢᠷᠠ᠂ ᠺᠠᠷᠤᠼᠤᠸᠠ᠂ ᠼᠠᠯᠠ ᠶᠢᠨ ᠦᠨᠡᠰᠦ ᠵᠡᠷᠭᠡ ᠶᠢ ᠥᠭᠪᠡᠰᠦ ᠬᠣᠳᠣᠭᠣᠳᠣ ᠡᠪᠡᠳᠬᠦ ᠲᠡᠷᠢᠭᠦᠲᠡᠨ᠂ ᠡᠰᠡ ᠰᠢᠩᠭᠡᠬᠦ᠂ ᠬᠡᠢ ᠡᠪᠡᠳᠴᠢᠨ ᠪᠦᠬᠦᠨ ᠳᠦ ᠳᠤᠰᠠᠲᠠᠢ᠃ ᠭᠠᠬᠠᠢ ᠶᠢᠨ ᠬᠣᠷᠭᠣᠯ ᠤᠨ ᠦᠨᠡᠰᠦ ᠶᠢ ᠡᠯᠵᠢᠭᠡᠨ ᠰᠢᠭᠡᠰᠦ ᠲᠡᠢ ᠬᠠᠮᠠᠷ ᠲᠤ ᠳᠤᠰᠤᠭᠠᠪᠠᠰᠤ ᠮᠠᠷᠺᠢ( ᠨᠠᠷᠠᠨ ᠳᠤ ᠰᠢᠷᠬᠠᠳᠠᠪᠠᠯ ᠲᠣᠯᠣᠭᠠᠢ ᠡᠪᠡᠳᠬᠦ) ᠬᠣᠷᠣᠬᠠᠢ ᠬᠢᠭᠡᠳ ᠲᠠᠷᠢᠬᠢᠨ ᠬᠠᠳᠬᠤᠯᠠᠭᠠ ᠶᠢ ᠠᠷᠢᠯᠭᠠᠮᠤᠢ᠃ ᠢᠪᠠᠤᠬᠠᠢ ᠶᠢᠨ ᠦᠨᠡᠰᠦ ᠶᠢ ᠬᠦᠮᠦᠨ ᠦ ᠰᠦᠨ ᠳᠦ ᠵᠢᠭᠤᠷᠠᠵᠤ ᠴᠢᠬᠢᠨ ᠳᠦ ᠳᠤᠰᠤᠭᠠᠪᠠᠰᠤ ᠥᠭᠡᠷᠢ ᠴᠣᠪᠤᠷᠠᠬᠤ ᠶᠢ ᠳᠠᠰᠤᠯᠤᠮᠤᠢ᠃ ᠭᠤᠷᠪᠠᠨ ᠬᠠᠯᠠᠭᠤᠨ᠂ ᠶᠣᠯᠣ ᠶᠢᠨ ᠪᠠᠭᠠᠰᠤ᠂ ᠵᠣᠩᠰᠢ᠂ ᠴᠤᠬᠤᠢ ᠶᠢᠨ ᠦᠨᠡᠰᠦ ᠶᠢ ᠨᠠᠢᠷᠠᠭᠤᠯᠵᠤ᠂ ᠦᠨᠢᠳᠡ ᠰᠢᠲᠦᠪᠡᠰᠦ ᠭᠠᠷᠤᠳᠤᠢ᠍ᠰ※ ᠴᠦᠭᠡᠬᠡᠨ ᠪᠣᠯᠤᠮᠤᠢ᠃ ᠠᠷᠨᠠᠬ ᠢ ᠰᠠᠢᠲᠤᠷ ᠨᠤᠬᠤᠵᠤ ᠭᠦᠨᠵᠢᠳ ᠦᠨ ᠳᠣᠰᠤᠨ ᠳᠤ ᠵᠢᠭᠤᠷᠠᠵᠤ ᠪᠡᠯᠬᠡᠭᠦᠰᠦ᠂ ᠨᠢᠭᠤᠴᠠ ᠣᠷᠣᠨ᠂ ᠭᠠᠳᠠᠷ ᠪᠥᠭᠡᠷᠡ ᠲᠡᠷᠢᠭᠦᠲᠡᠨ ᠳᠦ ᠲᠦᠷᠬᠢᠪᠡᠰᠦ ᠰᠢᠭᠡᠰᠦ ᠴᠢᠬᠢᠷᠠᠬ ᠪᠣᠯᠵᠤ ᠶᠡᠬᠡ ᠠᠮᠤᠭᠤᠯᠠᠩ ᠡᠭᠦᠰᠦᠨᠡ᠃ ᠠᠭᠠᠷᠤ᠂ ᠷᠦᠳᠠ ᠶᠢ ᠲᠦᠷᠬᠢᠪᠡᠰᠦ ᠴᠢᠳᠠᠯ ᠨᠢ ᠳᠡᠭᠡᠷᠡᠬᠢ ᠲᠡᠢ ᠠᠳᠠᠯᠢ ᠶᠤᠮ᠃ ᠪᠣᠢᠭᠠᠷ ᠢ ᠲᠠᠷᠠᠬ ᠲᠠᠢ ᠨᠠᠢᠷᠠᠭᠤᠯᠪᠠᠰᠤ ᠬᠠᠯᠠᠭᠤᠨ ᠢᠶᠠᠷ ᠰᠠᠭᠤᠯᠭᠠᠬᠤ ᠶᠢ ᠳᠠᠰᠤᠯᠠᠨᠠ᠃ ᠵᠠᠮᠪᠠᠷᠠᠢ ᠶᠢ ᠦᠨᠢᠶᠡᠨ ᠰᠦᠨ ᠳᠦ ᠲᠠᠯᠪᠢᠵᠤ ᠦᠭᠪᠡᠯ ᠳᠣᠲᠣᠷᠠ ᠬᠣᠷᠣᠬᠠᠢ ᠪᠠ ᠬᠣᠰᠬᠢᠨᠠᠭ ᠤᠨ ᠬᠣᠷᠣᠬᠠᠢ ᠶᠢ ᠠᠷᠢᠯᠭᠠᠨᠠ᠃ ᠭᠠᠤᠯᠢᠨ ᠵᠢᠪᠡ ᠶᠢ ᠰᠦᠷᠴᠢᠪᠡᠰᠦ ᠬᠤᠯᠤᠩᠰᠤ ᠶᠢ ᠠᠷᠢᠯᠭᠠᠨᠠ᠃ ᠬᠢᠳᠠᠳ ᠬᠡᠯᠡᠨ ᠳᠦ ᠵᠢᠦ ᠼᠠᠢ ᠶᠢᠨ ᠦᠷᠡ( ᠭᠣᠭᠣᠳ ᠤᠨ ᠦᠷᠡ) ᠶᠢᠨ ᠲᠠᠩ ᠢᠶᠠᠷ ᠡᠮᠡᠭᠲᠡᠢ ᠶᠢᠨ ᠰᠦ ᠶᠢ ᠠᠷᠪᠢᠳᠬᠠᠨᠠ᠃ ᠭᠡᠨᠡᠳᠲᠡ ᠨᠢᠳᠦ ᠪᠦᠷᠬᠦᠪᠡᠰᠦ ᠲᠠᠤᠯᠠᠢ ᠶᠢᠨ ᠬᠣᠷᠭᠣᠯ ᠭᠤᠷᠪᠠᠨ ᠴᠢᠨ ᠢ ᠭᠦᠬᠡ ᠴᠠᠢ ᠪᠠᠷ ᠳᠠᠷᠤᠭᠤᠯᠵᠤ ᠭᠤᠷᠪᠠᠨᠳᠠ ᠦᠭᠪᠡᠰᠦ ᠳᠤᠰᠠᠯᠠᠮᠤᠢ᠃ ᠪᠡᠯᠭᠡ ᠶᠢᠨ ᠵᠠᠪᠰᠠᠷ ᠨᠡᠪᠲᠡᠷᠡᠬᠦ ᠡᠪᠡᠳᠴᠢᠨ ᠳᠦ ᠮᠢᠭᠤᠢ ᠶᠢᠨ ᠶᠠᠰᠤ ᠶᠢ ᠦᠷᠦᠵᠦ ᠲᠦᠷᠬᠢᠪᠡᠯ ᠳᠤᠰᠠᠲᠠᠢ᠃ ᠴᠠᠭᠠᠨ ᠮᠢᠬᠠ ᠶᠡᠭᠦᠷᠡᠵᠦ ᠡᠪᠡᠳᠪᠡᠰᠦ ᠰᠢᠯ ᠭᠠᠪᠤᠷ᠂ ᠶᠠᠰᠤᠲᠤ ᠮᠡᠯᠡᠬᠡᠢ ᠶᠢᠨ ᠲᠣᠯᠣᠭᠠᠢ᠂ ᠵᠠᠩᠼᠧᠷ ᠢ ᠰᠠᠢᠲᠤᠷ ᠨᠤᠬᠤᠵᠤ ᠦᠭᠪᠡᠰᠦ ᠳᠤᠰᠠᠲᠠᠢ᠃ ᠬᠥᠯ ᠦᠨ ᠪᠠᠮ ᠡᠪᠡᠳᠴᠢᠨ ᠳᠦ ᠨᠣᠬᠠᠢ ᠶᠢᠨ ᠬᠤᠰᠢᠭᠤ( ᠰᠧᠭᠣᠳ) ᠦᠷᠡ ᠶᠢ ᠪᠤᠴᠠᠯᠭᠠᠵᠤ ᠬᠡᠳᠦᠨ ᠤᠳᠠᠭᠠ ᠥᠭᠪᠡᠰᠦ ᠮᠠᠭᠠᠳ ᠳᠤᠰᠠᠯᠠᠨᠠ᠃ ᠨᠢᠷᠠᠢᠯᠠᠬᠤ ᠪᠡᠷᠬᠡ ᠳᠦ ᠭᠤᠯᠤᠮᠲᠠ ᠶᠢᠨ ᠰᠢᠷᠣᠢ ᠶᠢ ᠰᠢᠷᠠ ᠠᠷᠢᠬᠢ ᠪᠠᠷ ᠳᠠᠷᠤᠭᠤᠯᠪᠠᠰᠤ ᠲᠥᠷᠭᠡᠨ ᠨᠢᠷᠠᠢᠯᠠᠬᠤ᠂ ᠵᠠᠭᠠᠨ ᠤ ᠠᠷᠭᠠᠯ ᠢᠶᠠᠷ ᠵᠢᠩᠨᠡᠪᠡᠴᠦ ᠰᠠᠢᠨ᠃ ᠤᠮᠠᠢ ᠶᠢᠨ ᠴᠢᠰᠤ ᠴᠠᠷᠴᠠᠪᠠᠰᠤ ᠬᠠᠴᠧ ᠭᠦᠷᠭᠦᠮ᠂ ᠭᠠᠵᠠ ᠬᠣᠶᠠᠷ ᠤᠨ ᠰᠢᠭᠦᠰᠦ ᠶᠢ ᠬᠣᠯᠢᠵᠤ ᠤᠤᠭᠤᠪᠠᠯ ᠲᠤᠰᠠᠯᠠᠨᠠ᠃ ᠦᠨᠢᠶᠡᠨ ᠰᠥᠨ ᠳᠦ ᠬᠠᠷᠠ ᠰᠠᠢᠷᠠ ᠲᠠᠯᠪᠢᠵᠤ ᠬᠠᠯᠠᠭᠤᠨ ᠤᠤᠭᠤᠪᠠᠯ ᠲᠤᠰᠠᠲᠠᠢ᠃ ᠭᠦᠨᠵᠢᠳ᠂ ᠰᠢᠷᠠ ᠪᠤᠷᠴᠠᠬ ᠬᠣᠶᠠᠷ ᠢ ᠰᠠᠢᠲᠤᠷ ᠨᠤᠬᠤᠵᠤ᠂ ᠲᠠᠷᠭᠠ( ᠬᠤᠰᠢᠭᠠ ᠵᠢᠮᠢᠰ ᠦᠨ ᠵᠦᠢᠯ) ᠵᠢᠨ ᠲᠡᠳᠦᠢ ᠮᠦᠬᠦᠯᠢᠭᠳᠡᠵᠦ ᠲᠤᠭᠤᠭᠠᠨ ᠳᠤ ᠰᠠᠢᠲᠤᠷ ᠵᠢᠩᠨᠡᠵᠦ ᠪᠣᠯᠭᠣᠭᠠᠳ ᠡᠳᠦᠷ ᠪᠦᠷᠢ ᠨᠢᠭᠡ ᠶᠢ ᠢᠳᠡᠪᠡᠰᠦ ᠵᠤᠳ( ᠭᠠᠮᠰᠢᠭ ᠮᠠᠭᠤ ᠴᠠᠬ ᠤᠨ ᠥᠯᠦᠰᠬᠦ ᠳᠦ) ᠦᠯᠦ ᠨᠡᠷᠪᠡᠭᠳᠡᠬᠦ ᠭᠠᠢᠬᠠᠮᠰᠢᠭ ᠶᠣᠰᠣ ᠮᠦᠨ᠃ ᠦᠴᠦᠬᠡᠨ ᠨᠢᠯᠬᠠᠰ ᠤᠨ ᠮᠠᠨᠠᠷᠠᠵᠤ ᠬᠠᠳᠬᠤᠯᠠᠬᠤ ᠳᠤ ᠨᠢᠯᠬᠠᠰ ᠲᠡᠭᠦᠨ ᠦ ᠬᠢᠮᠤᠰᠤ ᠶᠢ ᠭᠠᠯ ᠳᠤ ᠲᠦᠯᠡᠵᠦ ᠠᠷᠢᠬᠢ ᠪᠠᠷ ᠳᠠᠷᠤᠭᠤᠯᠵᠤ ᠥᠭᠪᠡᠯ ᠲᠤᠰᠠᠲᠠᠢ᠃
ᠰᠢᠷᠠ ᠴᠡᠴᠡᠭᠲᠦ ᠯᠦᠭᠷᠦ ᠬᠢᠭᠡᠳ ᠮᠣᠷᠢᠨ ᠲᠣᠯᠣᠭᠠᠢ ᠶᠢᠨ ᠣᠷᠣᠢ ᠶᠢᠨ ᠶᠠᠰᠤ ᠬᠣᠶᠠᠷ ᠢ ᠴᠠᠭᠠᠨ ᠳᠣᠰᠤᠨ ᠳᠤ ᠵᠢᠭᠤᠷᠠᠵᠤ ᠲᠦᠯᠡᠭᠰᠡᠨ ᠤᠲᠤᠭᠠ ᠪᠠᠷ ᠪᠠᠷᠠᠭᠤᠨ ᠬᠠᠮᠠᠷ ᠢ ᠪᠥᠭᠯᠡᠵᠦ᠂ ᠵᠡᠭᠦᠨ ᠬᠠᠮᠠᠷ ᠢᠶᠠᠨ ᠤᠲᠤᠪᠠᠰᠤ ᠨᠣᠢᠷ ᠢᠷᠡᠬᠦ ᠪᠥᠭᠡᠳ ᠵᠡᠭᠦᠨ ᠢ ᠬᠠᠭᠠᠵᠤ ᠪᠠᠷᠠᠭᠤᠨ ᠢ ᠤᠲᠤᠪᠠᠰᠤ ᠨᠣᠢᠷ ᠦᠯᠦ ᠢᠷᠡᠬᠦ᠂ ᠳᠡᠭᠡᠷᠡᠬᠢ ᠡᠮ ᠢ ᠪᠠᠯ ᠳᠤ ᠪᠤᠷᠴᠠᠭ ᠤᠨ ᠲᠡᠳᠦᠢ ᠷᠢᠯᠦᠳᠡᠵᠦ ᠡᠳᠦᠷ ᠪᠦᠷᠢ ᠨᠢᠵᠡᠭᠡᠳ ᠢᠳᠡᠪᠡᠰᠦ ᠨᠢᠭᠡ ᠡᠳᠦᠷ ᠨᠣᠢᠷ ᠦᠯᠦ ᠢᠷᠡᠬᠦ᠂ ᠰᠣᠩᠭᠢᠨᠠ ᠶᠢᠨ ᠦᠨᠳᠦᠰᠦ ᠲᠣᠯᠣᠭᠠ ᠶᠢ ᠨᠢᠵᠡᠭᠡᠳ ᠤᠰᠤᠨ ᠳᠤ ᠠᠭᠤᠷ ᠢ ᠨᠢ ᠠᠯᠳᠠᠯ ᠦᠭᠡᠢ ᠴᠢᠨᠠᠵᠤ ᠥᠭᠪᠡᠯ ᠲᠦᠷᠭᠡᠨ ᠨᠣᠢᠷᠰᠤᠬᠤ ᠪᠣᠯᠠᠢ᠃ ᠭᠥᠬᠦ ᠬᠠᠪᠤᠳᠬᠤ ᠳᠤ ᠭᠤᠷᠪᠠᠨ ᠦᠷᠡ᠂ ᠪᠠᠱᠠᠭᠠ᠂ ᠪᠠᠳᠮᠠᠢ( ᠬᠣᠷᠣᠬᠠᠢ) ᠨᠤᠭᠤᠳ ᠢ ᠰᠢᠷᠭᠢᠭᠡᠭᠰᠡᠨ ᠲᠠᠩ ᠢ ᠬᠡᠳᠦᠨ ᠤᠳᠠᠭᠠ ᠥᠭᠪᠡᠯ ᠠᠷᠢᠯᠤᠮᠤᠢ᠃ ᠬᠡᠷᠡᠭᠯᠡᠬᠦ ᠡᠮ ᠨᠢ᠄ ᠭᠠᠷᠤᠳᠢ—5 ᠶᠢᠨ ᠳᠡᠭᠡᠷᠡ ᠬᠣᠶᠠᠷ ᠭᠦᠭᠦᠯ᠂ ᠵᠠᠩᠷᡁᠠ᠂ ᠵᠠᠼᠠ᠂ ᠼᠠᠯᠭᠠᠷ ᠨᠡᠮᠡᠵᠦ ᠰᠤᠳᠠᠯ ᠤᠨ ᠲᠤᠭᠤᠯᠭᠠ ᠦᠢᠯᠡᠳᠴᠦ ᠥᠭᠪᠡᠯ ᠳᠤᠰᠠᠲᠠᠢ᠃ ᠰᠦᠷᠦᠪᠠᠭᠠ᠂ ᠭᠠᠵᠠ᠂ ᠳ᠋ᠢᠭᠳᠡ᠂ ᠦ᠂ ᠵᠠᠬᠵᠤ( ᠡᠪᠡᠰᠦᠨ ᠭᠣᠬᠣ)᠂ ᠳ᠋ᠠᠬᠱᠠ᠂ ᠵᠢᠯᠵᠧ᠂ ᠦᠭᠴᠦᠢ᠂ ᠬᠤᠩᠯᠧᠨ ᠢ ᠬᠣᠪᠢ ᠲᠡᠭᠰᠢ ᠳᠡᠪᠲᠦᠭᠡᠯᠭᠡᠨ ᠳᠦ ᠣᠷᠣᠭᠤᠯᠪᠠᠰᠤ ᠲᠦᠷᠭᠡᠨ ᠡᠪᠡᠷᠰᠢᠶᠡᠯ ᠠᠮᠤᠷᠯᠢᠬᠤ ᠪᠣᠯᠠᠢ᠃ ᠳ᠋ᠢᠭᠳᠡ᠂ ᠠᠷᠤ ᠰᠧᠷᠳᠣᠬ( ᠠᠯᠲᠠᠨ ᠥᠩᠭᠡᠲᠦ ᠠᠷᠤᠷᠠ)᠂ ᠭᠦᠷᠭᠦᠮ᠂ ᠰᠧᠪᠢᠮᠧᠳᠣᠬ ᠢ ᠨᠠᠢᠷᠠᠭᠤᠯᠵᠤ ᠠᠷᠢᠬᠢ ᠤᠤᠭᠤᠬᠤ ᠶᠢᠨ ᠤᠷᠢᠳ ᠠᠷᠢᠬᠢ ᠪᠠᠷ ᠳᠠᠷᠤᠭᠤᠯᠪᠠᠯ ᠠᠷᠢᠬᠢᠨ ᠳᠤ ᠰᠣᠬᠲᠤᠬᠤ ᠦᠭᠡᠢ ᠶᠤᠮ᠃ ᠰᠣᠬᠲᠤᠭᠤ ᠳᠤ ᠥᠭᠪᠡᠯ ᠰᠣᠬᠲᠤᠬᠰᠠᠨ ᠢ ᠠᠷᠢᠯᠭᠠᠮᠤᠢ᠃ ᠬᠢᠳᠠᠳ ᠴᠡᠴᠡᠭ ᠭᠡᠮᠡᠬᠦ ᠲᠠᠮᠪᠤᠤ ᠶᠢᠨ ᠢᠵᠠᠭᠤᠷ ᠪᠣᠳᠣ ᠭᠦᠪᠲᠦᠷᠦᠦ᠂ ᠤᠯᠠᠭᠠᠨ ᠨᠣᠳ ᠲᠠᠢ ᠠᠳᠠᠯᠢ ᠴᠣᠬᠴᠠ ᠮᠠᠬᠠᠪᠣᠳ ᠪᠦᠬᠦᠨᠡ ᠲᠥᠭᠡᠮᠡᠯ ᠭᠠᠷᠴᠤ ᠣᠯᠠᠨ ᠮᠠᠭᠠᠵᠢᠪᠠᠯ ᠥᠭᠡᠷᠢ᠂ ᠴᠢᠰᠤ ᠰᠢᠷᠠ ᠤᠰᠤ ᠴᠣᠪᠣᠷᠠᠬᠤ ᠳᠤ ᠰᠦᠷᠴᠢᠯᠭᠡ ᠡᠮ ᠢ ᠣᠯᠠᠨ ᠲᠦᠷᠬᠢᠪᠡᠯ ᠲᠣᠲᠣᠬᠰᠢ ᠨᠢᠴᠤᠬᠤ᠂ ᠳᠣᠲᠣᠷᠠ ᠣᠷᠣᠵᠤ ᠭᠦᠴᠦᠨ ᠶᠡᠬᠡᠳᠪᠡᠰᠦ ᠤᠰᠤᠨ ᠬᠠᠪᠤᠩ ᠪᠣᠯᠣᠨᠠ᠃ ᠡᠪᠡᠳᠴᠢᠲᠡᠨ ᠨᠢ ᠭᠣᠣᠯᠳᠠᠭᠤ ᠲᠡᠭᠦᠨ ᠦ ᠳᠡᠪᠢᠰᠭᠡᠷ᠂ ᠬᠤᠪᠴᠠᠰᠤ ᠲᠡᠷᠢᠭᠦᠲᠡᠨ ᠪᠠ ᠢᠯᠠᠩᠭᠤᠶᠠ ᠪᠥᠭᠡᠰᠦ ᠡᠴᠡ ᠬᠠᠯᠳᠠᠪᠤᠷᠢᠯᠠᠬᠤ ᠣᠯᠠᠨ᠃ ᠤᠤᠭᠤᠬᠤ ᠡᠮ᠄ ᠦᠯᠴᠦ18 ᠪᠤᠶᠤ ᠦᠯᠴᠦ—14 ᠵᠡᠷᠭᠡ ᠠᠯᠢ ᠵᠣᠬᠢᠰᠲᠠᠢ ᠶᠢ ᠨᠢ ᠥᠭ᠃ ᠬᠤᠵᠢᠷ᠂ ᠴᠢᠯᠠᠭᠤᠨ ᠰᠢᠷᠠᠼᠠ( ᠸᠠᠯᠠ)᠂ ᠬᠥ ᠭᠤᠷᠪᠠ ᠶᠢ ᠬᠠᠭᠤᠴᠢᠨ ᠳᠣᠰᠤᠨ ᠳᠤ ᠵᠢᠭᠤᠷᠠᠵᠤ ᠳᠠᠬᠢᠨ ᠳᠠᠬᠢᠨ ᠲᠦᠷᠬᠢ᠃ ᠰᠢᠪᠠᠬᠤ ᠡᠮ᠄ ᠪᠣᠩᠭᠠᠷ᠂ ᠲᠠᠷᠨᠤ᠂ ᠱᠦᠳᠠᠬ᠂ ᠴᠦᠷᠽᠡ᠂ ᠵᠢᠭᠠᠷ᠂ ᠬᠠᠭᠤᠴᠢᠨ ᠤᠳᠤᠭᠠᠨ ᠤ ᠬᠠᠬ ᠢ ᠨᠠᠢᠷᠠᠭᠤᠯᠪᠠᠰᠤ ᠲᠤᠰᠠᠲᠠᠢ᠃ ᠪᠠᠶᠠᠰᠬᠠᠯ ᠤᠨ ᠲᠡᠭᠦᠰ ᠵᠢᠷᠭᠠᠯ ᠡᠳ᠋ᠯᠡᠬᠦ ᠶᠢᠨ ᠦᠶᠡᠰ ᠳᠤᠰᠤᠯ ᠭᠠᠷᠤᠬᠰᠠᠨ ᠳᠠᠷᠤᠢ ᠡᠷᠡ ᠶᠢᠨ ᠪᠡᠯᠭᠡ ᠶᠢ ᠲᠦᠷᠭᠡᠨ ᠭᠠᠷᠭᠠᠪᠠᠯ ᠲᠠᠮᠪᠤᠤ ᠣᠬᠲᠤ ᠭᠠᠷᠬᠤ ᠦᠭᠡᠢ᠃ ᠨᠢᠯᠬᠠᠰ ᠤᠳ ᠰᠢᠭᠡᠰᠦᠨ ᠰᠦᠪᠡ ᠬᠢᠭᠡᠳ ᠡᠬᠡᠨᠡᠷ ᠦᠨ ᠭᠡᠯᠦᠦ ᠬᠠᠪᠤᠳᠪᠠᠰᠤ ᠵᠢᠭᠠᠷ᠂ ᠲᠠᠪᠤᠰᠤ ᠬᠣᠶᠠᠷ ᠢ ᠲᠣᠰᠣᠨ ᠳᠤ ᠵᠢᠭᠤᠷᠠᠵᠤ ᠰᠦᠷᠴᠢ᠃ ᠲᠠᠩᠨᠠᠢ ᠳᠤ ᠴᠢᠰᠤ ᠠᠷᠪᠢᠳᠴᠤ ᠬᠡᠦᠬᠡᠨ ᠬᠡᠯᠡ ᠪᠠᠭᠤᠪᠠᠰᠤ ᠲᠣᠰᠤᠲᠤ ᠯᠣᠩᠬᠣ ᠶᠢ ᠭᠠᠯ ᠳᠤ ᠬᠠᠯᠠᠭᠤᠯᠵᠣ ᠲᠡᠭᠦᠨ ᠢᠶᠡᠷ ᠣᠷᠣᠢ ᠳᠤ ᠵᠢᠩᠨᠡᠪᠡᠰᠦ ᠲᠤᠰᠠᠲᠠᠢ᠃ ᠤᠰᠤ᠂ ᠰᠢᠷᠣᠢ ᠦᠯᠦ ᠵᠣᠬᠢᠯᠳᠤᠨ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠠᠷᠰᠢᠯᠳᠤᠵᠤ ᠳᠡᠭᠡᠭᠰᠢ ᠠᠮᠢᠰᠬᠤᠯ ᠴᠢᠬᠤᠯᠳᠠᠨ᠂ ᠣᠯᠠᠨ ᠬᠠᠨᠢᠶᠠᠵᠤ᠂ ᠨᠢᠭᠤᠷ ᠠᠮᠠ᠂ ᠬᠥᠯ ᠦᠨ ᠦᠯᠮᠡᠢ ᠬᠠᠪᠤᠳᠬᠤ ᠳᠤ ᠭᠦᠨᠪᠦᠷᠦᠮ—7 ᠵᠢᠨ ᠳᠡᠭᠡᠷᠡ ᠽᠠᠳᠢ᠂ ᠯᠢᠰᠢ᠂ ᠠᠷᠨᠠᠬ᠂ ᠷᠦᠳᠡ ᠶᠢ ᠨᠠᠢᠷᠠᠭᠤᠯᠵᠤ ᠪᠤᠷᠠᠮ ᠢᠶᠠᠷ ᠬᠦᠯᠭᠡᠯᠡᠭᠦᠯᠵᠦ᠂ ᠦᠷ ᠴᠠᠢᠬᠤ ᠪᠠ ᠦᠳᠡᠰᠢ ᠦᠭᠪᠡᠯ ᠷᠠᠰᠢᠶᠠᠨ ᠮᠡᠲᠦ ᠪᠣᠯᠠᠢ᠃ ᠷᠢᠳᠡᠨᠴᠤᠢ᠍ᠰᠦᠮ( ᠦᠨᠦᠷ ᠲᠡᠭᠦᠯᠳᠡᠷ—13) ᠦᠨ ᠨᠠᠢᠷᠠᠯᠭᠠ ᠨᠢ᠄ ᠵᠢᠭᠠᠷ5 ᠹᠥᠨ᠂ ᠪᠠᠩᠪᠤᠢ6 ᠴᠢᠨ᠂ ᠴᠠᠭᠠᠨ ᠱᠦᠳᠠᠬ8 ᠴᠢᠨ᠂ ᠠᠷᠤᠷᠠ1 ᠴᠢᠨ᠂ ᠷᠦᠳᠡ1 ᠴᠢᠨ᠂ ᠰᠢᠯ ᠭᠠᠪᠤᠷ5 ᠹᠦᠨ᠂ ᠠᠷᠨᠠᠬ1 ᠴᠢᠨ᠂ ᠯᠢᠰᠢ1 ᠴᠢᠨ᠂ ᠬᠣᠶᠠᠷ ᠽᠠᠨᠳᠠᠨ ᠨᠢᠵᠡᠭᠡᠳ1 ᠴᠢᠨ᠂ ᠭᠢᠸᠠᠩ2 ᠴᠢᠨ᠂ ᠬᠠᠴᠧ ᠭᠦᠷᠭᠦᠮ1 ᠴᠢᠨ᠂ ᠲᠠᠮᠠᠬᠢ1 ᠴᠢᠨ ᠵᠡᠷᠭᠡ ᠶᠢ ᠨᠠᠢᠷᠠᠭᠤᠯᠵᠤ᠂ ᠬᠠᠮᠠᠷ ᠲᠤ ᠳᠠᠲᠠᠪᠠᠰᠤ ᠲᠣᠯᠣᠭᠠᠢ᠂ ᠨᠢᠳᠦ᠂ ᠰᠢᠳᠦ ᠡᠪᠡᠳᠬᠦ ᠲᠡᠷᠢᠭᠦᠲᠡᠨ ᠴᠢᠰᠤ ᠪᠠᠷ ᠨᠥᠬᠦᠴᠡᠯ ᠪᠣᠯᠤᠭᠰᠠᠨ ᠪᠦᠬᠦᠨ ᠳᠦ ᠲᠤᠰᠠᠲᠠᠢ᠃ ᠢᠯᠠᠩᠭᠤᠶᠠ ᠴᠡᠭᠡᠵᠢᠨ ᠪᠡᠶᠡ ᠶᠢᠨ ᠡᠪᠡᠳᠴᠢᠨ ᠨᠤᠭᠦᠳ ᠢ ᠳᠠᠷᠤᠨᠠ᠃ ᠡᠳ᠋ ᠢᠶᠡᠷ ᠪᠡᠶᠡ ᠶᠢᠨ ᠢᠯᠴᠢ ᠶᠢ ᠪᠠᠳᠠᠷᠠᠭᠤᠯᠬᠤ ᠶᠢ ᠭᠦᠰᠡᠪᠡᠰᠦ ᠭᠠ᠂ ᠪᠢᠪᠢᠯᠢᠩ᠂ ᠫᠤᠸᠠᠷᠢ᠂ ᠴᠠᠭᠠᠨ ᠱᠦᠳᠠᠬ ᠢ ᠰᠠᠢᠲᠤᠷ ᠨᠤᠬᠤᠵᠤ ᠬᠠᠭᠤᠴᠢᠨ ᠲᠣᠰᠣᠨ ᠳᠤ ᠵᠢᠭᠤᠷᠠᠵᠤ ᠪᠡᠶᠡᠨ ᠳᠦ ᠲᠦᠷᠬᠢᠪᠡᠰᠦ᠂ ᠢᠯᠴᠢ ᠶᠢ ᠡᠭᠦᠰᠬᠡᠬᠦ ᠪᠥᠭᠡᠳ ᠤᠰᠠᠠᠤᠷᠤ( ᠭᠣᠷᠵᠣᠢᠬᠤ ᠪᠤᠶᠤ ᠢᠰᠭᠡᠭᠦᠷᠳᠦᠬᠦ) ᠦᠯᠦ ᠭᠠᠷᠬᠤ ᠮᠠᠰᠢᠳᠠ ᠭᠦᠨᠡ᠃
ᠰᠢᠵᠢᠳ—6 ᠵᠢᠨ ᠳᠡᠭᠡᠷᠡ ᠳ᠋ᠠᠷᠪᠤ᠂ ᠲᠡᠮᠦᠷ ᠮᠣᠭᠠᠢ᠂ ᠵᠠᠼᠠ᠂ ᠳ᠋ᠢᠭᠰᠧᠷᠢᠨ᠂ ᠤᠯᠮᠤᠰᠧ ᠨᠤᠭᠤᠳ ᠢ ᠨᠡᠮᠡᠵᠦ ᠥᠭᠪᠡᠰᠦ ᠡᠮᠡᠭᠲᠡᠢ ᠶᠢᠨ ᠡᠪᠡᠳᠴᠢᠨ᠂ ᠴᠢᠰᠤᠨ ᠪᠠᠳᠠᠬᠢ ᠶᠢ ᠡᠪᠳᠡᠨᠡ᠃ ᠢᠯᠠᠩᠭᠤᠶᠠ ᠨᠢᠷᠠᠢᠯᠠᠬᠰᠠᠨ ᠳᠠᠷᠠᠭᠠᠬᠢ ᠡᠪᠡᠳᠴᠢᠨ ᠳᠦ ᠰᠠᠢᠰᠢᠶᠠᠬᠳᠠᠬᠰᠠᠨ ᠶᠤᠮ᠃ ᠮᠠᠨᠴᠢᠨ᠂ ᠱᠦᠳᠠᠬ᠂ ᠳᠠᠯᠠᠨ ᠲᠦᠷᠦᠭᠦᠦ᠂ ᠼᠣᠷᠨᠠᠬ᠂ ᠮᠦᠽᠢ ᠬᠣᠪᠢ ᠲᠡᠭᠰᠢ ᠶᠢ ᠮᠢᠭᠤᠢ᠂ ᠢᠮᠠᠭᠠ᠂ ᠭᠠᠬᠠᠢ ᠠᠯᠢ ᠪᠣᠯᠬᠤ ᠶᠢᠨ ᠳᠣᠰᠤᠨ ᠳᠤ ᠵᠢᠭᠤᠷᠠᠵᠤ ᠲᠦᠷᠬᠢᠭᠡᠳ ᠨᠠᠷᠠᠨ ᠳᠤ ᠬᠠᠯᠠᠭᠤᠯᠪᠠᠯ ᠬᠠᠭᠤᠴᠢᠨ ᠶᠠᠷᠠ᠂ ᠪᠣᠯᠴᠢᠷᠬᠠᠢ᠂ ᠴᠢᠬᠢᠬᠠ᠂ ᠦᠬᠡᠷ ᠢᠯᠢᠳᠦ᠂ ᠭᠠᠯ ᠨᠠᠮᠤᠰᠤ ᠶᠢ ᠳᠠᠷᠤᠨᠠ᠃ ᠢᠯᠠᠩᠭᠤᠶᠠ ᠭᠠᠵᠠᠷ ᠤᠨ ᠰᠦᠷ ᠡᠪᠡᠳᠴᠢᠨ( ᠰᠢᠷᠣᠢ ᠶᠢᠨ ᠭᠡᠮ ᠢᠶᠡᠷ ᠨᠢᠭᠡ ᠵᠦᠢᠯ ᠦᠨ ᠮᠠᠯ ᠤᠨ ᠬᠠᠯᠳᠠᠪᠤᠷᠢᠲᠤ ᠬᠦᠴᠢᠷ ᠲᠠᠢ ᠰᠢᠭ᠌)᠂ ᠨᠢᠶᠠᠨ ᠢᠶᠠᠷ ᠬᠠᠳᠬᠤᠯᠠᠬᠤ ᠶᠢᠨ ᠳᠠᠷᠤᠯᠭᠠ ᠮᠦᠨ᠃ ᠮᠣᠩᠭᠣᠯ ᠬᠡᠯᠡᠨ ᠦ ᠴᠢᠪᠠᠭᠠᠨ ᠶᠠᠰᠤ ᠪᠠ ᠴᠠᠭᠠᠨ ᠰᠠᠷᠢᠮᠰᠠᠭ ᠬᠣᠶᠠᠷ ᠤᠨ ᠭᠦᠴᠦᠨ ᠲᠡᠭᠦᠯᠳᠡᠷ ᠲᠦᠯᠡᠭᠰᠡᠨ ᠦᠨᠡᠰᠦ ᠶᠢ ᠬᠠᠭᠤᠴᠢᠨ ᠲᠣᠰᠣᠨ ᠳᠤ ᠵᠢᠭᠤᠷᠠᠵᠤ ᠲᠦᠷᠬᠢᠪᠡᠯ ᠶᠠᠷᠠ ᠰᠢᠷᠬᠠ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠨᠠ᠃ ᠮᠠᠨᠴᠢᠨ1 ᠴᠢᠨ᠂ ᠪᠣᠩᠭᠠᠷ5 ᠹᠦᠨ᠂ ᠵᠢᠭᠠᠷ4 ᠹᠦᠨ ᠭᠤᠷᠪᠠ ᠶᠢ ᠥᠴᠥᠬᠡᠨ ᠬᠡᠮ ᠢᠶᠡᠷ ᠴᠢᠰᠤᠨ ᠤᠰᠤ ᠶᠢ ᠬᠥᠢᠲᠡᠨ ᠢᠶᠡᠷ ᠳᠠᠷᠤᠭᠤᠯᠪᠠᠰᠤ ᠴᠢᠰᠤ ᠰᠢᠷᠠ ᠪᠠᠷ ᠬᠠᠨᠢᠶᠠᠬᠤ ᠵᠡᠷᠭᠡ ᠬᠠᠯᠠᠭᠤᠨ ᠡᠪᠡᠳᠴᠢᠨ᠂ ᠰᠠᠬᠤᠤ ᠪᠣᠭᠣᠮᠠ ᠪᠠ ᠨᠢᠶᠠᠨ ᠡᠪᠡᠳᠴᠢᠨ᠂ ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ᠂ ᠤᠲᠤᠭᠠᠨ ᠤ ᠰᠢᠭᠦᠰᠦ ᠮᠡᠲᠦ ᠪᠡᠷ ᠰᠠᠭᠤᠯᠭᠠᠬᠤ ᠲᠡᠷᠢᠭᠦᠲᠡᠨ᠂ ᠪᠣᠳᠣ ᠬᠥᠪᠲᠦᠷᠦᠦ᠂ ᠶᠠᠮᠠ ᠡᠪᠡᠳᠴᠢᠨ ᠵᠡᠷᠭᠡ ᠳᠦ ᠬᠦᠷᠦᠭᠰᠡᠨ ᠳᠠᠷᠤᠢ ᠪᠠᠷ ᠨᠢᠳᠤᠯᠬᠤ ᠡᠮ ᠭᠤᠷᠪᠠᠨ ᠷᠠᠰᠢᠶᠠᠨ ᠤ ᠨᠠᠢᠷᠠᠯᠭᠠ ᠪᠤᠯᠠᠢ᠃ ᠮᠣᠭᠠᠢ ᠶᠢᠨ ᠮᠢᠬᠠ᠂ ᠳ᠋ᠠᠷᠪᠤ᠂ ᠴᠦᠰᠧᠷᠢᠨᠷᡁᠠᠬ( ᠮᠠᠳᠠᠷ ᠤᠨ ᠴᠢᠰᠤ) ᠢ ᠬᠠᠷᠠ ᠠᠷᠢᠬᠢ ᠪᠠᠷ ᠳᠠᠷᠤᠭᠤᠯᠪᠠᠯ ᠡᠮᠡᠭᠲᠡᠢ ᠶᠢᠨ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠨᠠ᠃ ᠵᠢᠭᠠᠷ᠂ ᠮᠦᠽᠢ᠂ ᠬᠠᠷᠠ ᠱᠦᠳᠠᠬ᠂ ᠮᠠᠨᠴᠢᠨ᠂ ᠴᠠᠭᠠᠨ ᠰᠠᠷᠢᠮᠰᠠᠭ᠂ ᠰᠢᠩᠭᠦᠨ᠂ ᠬᠥ ᠨᠤᠭᠦᠳ ᠢ ᠰᠠᠢᠲᠤᠷ ᠨᠣᠬᠣᠵᠤ ᠭᠠᠷᠤᠯᠭᠠ ᠶᠡᠬᠡᠳᠪᠡᠯ ᠡᠭᠦᠳᠡᠨ ᠳᠦ ᠵᠡᠭᠦᠬᠦ᠂ ᠡᠪᠡᠳᠴᠢᠨ ᠰᠠᠬᠢᠬᠤ ᠪᠣᠯ ᠪᠡᠯᠬᠡᠭᠦᠰᠦᠨ ᠳᠦ ᠵᠡᠭᠦᠬᠦ( ᠥᠯᠭᠡᠪᠴᠢᠨ ᠳᠦ ᠬᠠᠳᠠᠬᠤ)᠂ ᠬᠠᠪᠤᠳᠠᠷ ᠲᠡᠷᠢᠭᠦᠲᠡᠨ ᠳᠦ ᠭᠠᠳᠠᠨᠠ ᠠᠴᠠ ᠲᠦᠷᠬᠢ᠂ ᠡᠳ᠋ ᠢᠶᠡᠷ ᠰᠠᠬᠢᠬᠴᠢ ᠬᠥᠷᠳᠦ ᠭᠠᠢᠬᠠᠮᠰᠢᠭ ᠶᠤᠮ᠃ ᠮᠠᠨᠴᠢᠨ᠂ ᠷᠦᠳᠡ᠂ ᠵᠢᠭᠠᠷ᠂ ᠠᠭᠠᠷᠤ ᠶᠢ ᠵᠢᠭᠤᠷᠠᠬᠰᠠᠨ ᠰᠢᠭᠦᠰᠦ ᠪᠡᠷ ᠴᠢᠬᠢᠨ ᠡᠪᠡᠳᠴᠢᠨ ᠪᠦᠬᠦᠨ ᠢ ᠠᠷᠢᠯᠭᠠᠨᠠ᠃ ᠪᠢᠷᠢᠳᠡᠰᠡᠽᠢᠨ᠂ ᠷᠦᠳᠠ᠂ ᠯᠢᠰᠢ᠂ ᠽᠠᠳᠢ᠂ ᠨᠢᠩᠱᠤᠱᠠ᠂ ᠪᠣᠢᠭᠠᠷ ᠢ ᠰᠠᠢᠲᠤᠷ ᠨᠤᠬᠤᠵᠤ ᠠᠷᠢᠬᠢ ᠪᠠᠷ ᠳᠠᠷᠤᠭᠤᠯᠪᠠᠯ ᠵᠢᠷᠦᠬᠡᠨ ᠤᠰᠤ ᠪᠠᠷ ᠴᠡᠭᠡᠵᠢ ᠳᠦᠭᠦᠷᠬᠦ ᠳᠦ ᠡᠨᠡ ᠮᠡᠲᠦ ᠶᠢᠨ ᠣᠪᠠᠳᠢᠰ ᠦᠯᠡᠮᠵᠢ ᠰᠠᠢᠨ᠃ ᠵᠠᠩᠪᠤᠢ᠍ᠯ᠂ ᠳ᠋ᠠᠷᠪᠤ ᠶᠢ ᠨᠠᠢᠷᠠᠭᠤᠯᠤᠨ ᠪᠤᠴᠠᠯᠤᠬᠰᠠᠨ ᠤᠰᠤ ᠪᠠᠷ ᠳᠠᠷᠤᠭᠤᠯᠪᠠᠯ ᠴᠣᠬᠢᠬᠳᠠᠬᠰᠠᠨ ᠪᠠ ᠬᠠᠯᠢᠯ ᠳᠤ ᠤᠨᠠᠬᠰᠠᠨ᠂ ᠴᠢᠯᠠᠭᠤ ᠪᠠᠷᠢᠶᠠ ᠳᠤᠰᠤᠬᠰᠠᠨ᠂ ᠠᠮᠢᠰᠬᠤᠯ ᠦᠯᠦ ᠭᠠᠷᠬᠤ ᠬᠢᠭᠡᠳ ᠬᠡᠢ ᠴᠢᠰᠤ ᠴᠡᠭᠡᠵᠢᠨ ᠳᠦ ᠳᠦᠭᠦᠷᠬᠦ᠂ ᠮᠠᠭᠤ ᠴᠢᠰᠤ ᠰᠠᠪᠠᠨ ᠳᠤ ᠤᠨᠠᠬᠤ᠂ ᠪᠣᠷᠣ ᠳᠦᠭᠦᠷᠴᠦ ᠬᠤᠢᠯᠠᠷᠠᠬᠤ᠂ ᠪᠠᠳᠠᠬᠢ᠂ ᠡᠰᠡ ᠰᠢᠩᠭᠡᠭᠰᠡᠨ ᠪᠠ ᠮᠢᠬᠠᠨ ᠤ ᠬᠣᠣᠷ᠂ ᠮᠠᠨᠴᠢᠨ ᠤ ᠬᠣᠣᠷ ᠢ ᠠᠷᠢᠯᠭᠠᠨᠠ᠃ ᠢᠯᠠᠩᠭᠤᠶᠠ ᠡᠮᠡᠭᠲᠡᠢ ᠶᠢᠨ ᠴᠢᠰᠤ ᠬᠤᠢᠯᠠᠷᠠᠬᠰᠠᠨ ᠢ ᠡᠪᠳᠡᠬᠦ ᠶᠢᠨ ᠳᠡᠭᠡᠳᠦ᠃ ᠷᠠᠰᠢᠶᠠᠨ ᠤ ᠪᠠᠷᠰ ᠠᠷᠰᠯᠠᠨ ᠴᠤᠬᠯᠠᠷᠠᠬᠰᠠᠨ ᠰᠠᠪᠠᠨ ᠨᠠᠢᠷᠠᠯᠭᠠ ᠭᠦᠨᠡ᠃ ᠭᠦᠭᠦᠯ᠂ ᠪᠣᠢᠭᠠᠷ᠂ ᠭᠢᠸᠠᠩ᠂ ᠣᠷᠣᠩᠭᠣ ᠶᠢᠨ ᠴᠢᠰᠤ᠂ ᠶᠸᠷᠮᠡ ᠶᠢᠨ ᠦᠷᠡ ᠳᠣᠯᠤᠭᠠ ᠶᠢ ᠰᠠᠢᠲᠤᠷ ᠨᠤᠬᠤᠵᠤ ᠣᠰᠤᠨ ᠳᠤ ᠵᠢᠭᠤᠷᠠᠬᠰᠠᠨ ᠢᠶᠠᠷ ᠬᠡᠯᠡᠭᠡᠢ ᠶᠢ ᠨᠡᠭᠡᠭᠡᠮᠦᠢ᠃
ᠭᠠᠯᠵᠠᠭᠤ ᠨᠣᠬᠠᠢ ᠶᠢᠨ ᠬᠣᠣᠷ ᠲᠤ᠄ ᠬᠣᠣᠷ ᠢ ᠠᠷᠢᠯᠭᠠᠬᠰᠠᠨ ᠵᠠᠩᠷᡁᠠ ᠳᠣᠯᠣᠭᠠ᠂ ᠯᠠᠭᠠᠩ7 ᠹᠦᠨ ᠢ ᠰᠠᠢᠲᠤᠷ ᠨᠤᠬᠤᠵᠤ ᠭᠤᠷᠪᠠᠨ ᠬᠣᠪᠢ ᠬᠤᠪᠢᠶᠠᠭᠠᠳ ᠭᠤᠷᠪᠠᠨ ᠡᠳᠦᠷ ᠦᠷᠯᠦᠭᠡ ᠦᠯᠦᠨ ᠢᠶᠡᠷ ᠦᠭ᠃ ᠡᠭᠦᠨ ᠢᠶᠡᠷ ᠭᠠᠯᠵᠠᠭᠤ ᠨᠣᠬᠠᠢ ᠶᠢᠨ ᠬᠣᠣᠷ ᠢ ᠮᠠᠭᠠᠳ ᠠᠷᠢᠯᠭᠠᠨᠠ᠃ ᠬᠣᠣᠷ ᠪᠣᠰᠬᠤ ᠴᠠᠭ ᠠᠴᠠ ᠤᠷᠢᠳ ᠤᠤᠭᠤᠬᠤ ᠬᠡᠷᠡᠭᠲᠡᠢ᠃ ᠭᠡᠳᠦ ᠡᠷᠲᠡᠳᠡᠪᠡᠰᠦ ᠳᠤᠰᠠ ᠦᠯᠦ ᠪᠣᠯᠬᠤ ᠪᠥᠭᠡᠳ ᠴᠠᠬ ᠠᠴᠠ ᠥᠩᠭᠡᠷᠡᠪᠡᠰᠦ ᠤᠰᠤᠨ ᠲᠤᠭᠤᠯᠭᠠ ᠡᠭᠦᠨ ᠢᠶᠡᠷ ᠦᠯᠦ ᠪᠣᠯᠤᠮᠤᠢ᠃ ᠭᠠᠯᠵᠠᠭᠤ ᠨᠣᠬᠠᠢ ᠶᠢᠨ ᠥᠩᠭᠡ ᠪᠠ ᠬᠣᠣᠷ ᠪᠣᠰᠬᠤ ᠴᠠᠬ ᠢ ᠪᠤᠰᠤᠳ ᠠᠴᠠ ᠨᠢᠬᠲᠠᠯᠠᠨ ᠮᠡᠳᠡᠬᠦ ᠬᠡᠷᠡᠭᠲᠡᠢ᠃ ᠬᠣᠣᠷ ᠪᠣᠰᠬᠤ ᠴᠠᠬ ᠮᠠᠰᠢ ᠣᠢᠷᠠᠳᠪᠠᠰᠤ ᠳᠡᠭᠡᠷᠡᠬᠢ ᠡᠮ ᠢᠶᠡᠨ ᠶᠣᠰᠤᠴᠢᠯᠠᠨ ᠨᠠᠢᠷᠠᠭᠤᠯᠣᠬᠰᠠᠨ ᠳᠡᠭᠡᠷᠡ ᠲᠣᠭᠣᠰ ᠤᠨ ᠥᠳᠦᠨ ᠦ ᠬᠢᠷᠪᠦᠰᠦ᠂ ᠤᠯᠠᠭᠠᠨ ᠮᠣᠷᠢᠨ ᠤ ᠬᠤᠯᠤᠩᠰᠤ ᠵᠡᠷᠭᠡ ᠪᠥᠭᠡᠯᠵᠢᠭᠦᠯᠬᠦ ᠡᠮ ᠢ ᠨᠡᠮᠡᠵᠦ ᠥᠭᠬᠦ ᠬᠡᠷᠡᠭᠲᠡᠢ ᠶᠢ ᠣᠬᠠᠭᠠᠨ ᠢᠶᠠᠷ ᠮᠡᠳᠡᠭᠲᠦᠨ᠃
ᠦᠰᠦᠭ ᠠᠮᠢᠯᠠᠭᠤᠯᠤᠬᠰᠠᠨ ᠨᠢ᠄ ᠦᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠬᠰᠠᠨ ᠨᠢ᠄ ᠣᠳᠬᠠᠨᠰᠣᠠ