5-9-10ᠲᠣᠪᠳᠠᠨᠨᠢᠮᠠ ᠶ᠋ᠢᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠬᠦᠴᠦᠵᠢᠭᠦᠯᠬᠦ ᠠᠷᠭᠠ᠂ ᠲᠥᠷᠥᠯ ᠦ᠋ᠨ ᠦᠷᠭᠦᠯᠵᠢ ᠶ᠋ᠢ ᠲᠠᠰᠤᠯᠬᠤ
344ᠬᠦᠴᠦᠵᠢᠭᠦᠯᠬᠦ ᠠᠷᠭᠠ᠂ ᠲᠥᠷᠥᠯ ᠦ᠋ᠨ ᠦᠷᠭᠦᠯᠵᠢ ᠶ᠋ᠢ ᠲᠠᠰᠤᠯᠬᠤ
ᠶᠢᠰᠦ᠂ ᠬᠦᠴᠦᠵᠢᠭᠦᠯᠬᠦ ᠠᠷᠭᠠ
ᠵᠣᠪᠠᠯᠠᠩ ᠳ᠋ᠤᠷ ᠨᠡᠷᠪᠡᠭᠳᠡᠭᠰᠡᠨ ᠠᠮᠢᠲᠠᠨ ᠤ᠋ ᠲᠤᠰᠠ ᠳ᠋ᠤᠷ
ᠵᠣᠯ ᠵᠢᠷᠭᠠᠯ ᠠᠯᠢ ᠨᠢᠭᠡᠨ ᠢ᠋ ᠪᠦᠲᠦᠭᠡᠬᠦᠢ ᠳ᠋ᠦ᠍ᠷ ᠪᠣᠯᠪᠠᠰᠤ
ᠵᠣᠷᠢᠭ ᠰᠢᠭᠤᠳᠤᠨ ᠦᠢᠯᠡᠳᠬᠦ ᠨᠢ ᠳᠡᠭᠡᠳᠦᠰ ᠦ᠋ᠨ ᠨᠣᠮᠯᠠᠯ ᠮᠥᠨ᠂
ᠵᠣᠷᠢᠯᠲᠠ ᠭᠦᠰᠡᠯᠲᠡᠨ ᠳ᠋ᠦ᠍ ᠪᠠᠶᠠᠰᠬᠤᠯ ᠡᠭᠦᠰᠬᠡᠬᠦ ᠶ᠋ᠢᠨ ᠲᠤᠯᠠ
ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠳᠡᠭᠵᠢᠷᠡᠬᠦ ᠶ᠋ᠢᠨ ᠠᠷᠭᠠ ᠠ᠋ᠴᠠ
ᠪᠠᠨᠽᠠᠷ※( ᠸᠴᠢᠷ) ᠪᠣᠰᠬᠤ ᠶ᠋ᠢᠨ ᠨᠠᠢᠷᠠᠯᠭᠠ ᠶ᠋ᠢ ᠦᠵᠡᠭᠦᠯᠦᠶᠡ᠃
ᠤᠤᠭᠤᠬᠤ ᠡᠮ᠄ ᠰᠸᠪᠤᠢ᠍ᠷᠦ᠂ ᠷᠦᠳᠠ᠂ ᠪᠠᠷᠠᠬᠱᠤᠢ᠍ᠨ᠂ ᠠᠷᠤᠷᠠ ᠵᠡᠷᠭᠡ ᠪᠡᠷ ᠮᠠᠬᠠᠪᠣᠳ ᠢ᠋ ᠲᠡᠭᠰᠢᠳᠬᠡᠨ᠂ ᠢᠯᠴᠢ ᠶ᠋ᠢ ᠡᠭᠦᠰᠬᠡ᠃ ᠸᠠᠩᠯᠠᠭ ᠢ᠋ ᠰᠠᠢᠲᠤᠷ ᠨᠤᠬᠤᠵᠤ ᠰᠢᠬᠢᠷ ᠲᠡᠢ ᠨᠠᠢᠷᠠᠭᠤᠯᠤᠨ᠂ ᠦᠨᠢᠶᠡᠨ ᠰᠦ᠍ ᠶ᠋ᠢ ᠪᠤᠴᠠᠯᠭᠠᠵᠤ ᠳᠠᠷᠤᠭᠤᠯᠤᠨ ᠦᠭᠪᠡᠰᠦ ᠲᠥᠯᠵᠢᠭᠦᠯᠬᠦ ᠶ᠋ᠢᠨ ᠳᠡᠭᠡᠳᠦ᠃ ᠦᠨᠢᠶᠡᠨ ᠰᠦᠨ ᠳ᠋ᠦ᠍ ᠰᠢᠩ ᠠᠷ᠂ ᠪᠤᠷᠠᠮ ᠢ᠋ ᠨᠠᠢᠷᠠᠭᠤᠯᠤᠨ ᠪᠤᠴᠠᠯᠭᠠᠵᠤ ᠥᠭᠪᠡᠰᠦ ᠬᠦᠰᠡᠯ ᠡᠳ᠋ᠯᠡᠬᠦ ᠶ᠋ᠢᠨ ᠪᠠᠶᠠᠷ ᠢ᠋ ᠠᠷᠪᠢᠵᠢᠭᠤᠯᠤᠮᠤᠢ᠃ ᠦᠨᠢᠶᠡᠨ ᠰᠦ᠍ ᠶ᠋ᠢ ᠰᠠᠢᠲᠤᠷ ᠰᠢᠷᠭᠢᠭᠡᠭᠰᠡᠨ ᠬᠠᠨᠳᠠ ᠳ᠋ᠤ᠌ ᠪᠣᠷᠣ ᠳ᠋ᠠᠵᠢᠳ᠂ ᠡᠷᠡ ᠪᠣᠭᠱᠣᠷᠭᠠ ᠶ᠋ᠢᠨ ᠮᠢᠬᠠ᠂ ᠤᠬᠤᠨᠠ ᠬᠤᠴᠠ ᠶ᠋ᠢᠨ ᠢᠮ2 ᠴᠢᠨ᠂ ᠠᠯᠲᠠᠨ ᠥᠩᠭᠡᠲᠦ ᠠᠷᠤᠷᠠ᠂ ᠨᠢᠰᠢᠩ᠂ ᠳ᠋ᠧᠯᠭᠠᠷ( ᠴᠠᠭᠠᠨ ᠬᠦᠨᠵᠢᠳ)᠂ ᠭᠡᠷᠡᠯ ᠲᠡᠭᠦᠰ ᠵᠣᠩᠰᠢ ᠨᠢᠵᠡᠭᠡᠳ ᠴᠢᠨ ᠦ᠌ ᠬᠡᠮᠵᠢᠶᠡ᠂ ᠸᠠᠩᠯᠠᠭ᠋3 ᠴᠢᠨ ᠨᠠᠢᠷᠠᠭᠤᠯᠤᠭᠰᠠᠨ ᠮᠥᠬᠥᠯᠢᠭ ᠢᠨᠤ ᠶᠡᠬᠡ ᠯᠣᠨᠳᠣᠨ ᠤ᠋ ᠲᠡᠳᠦᠢ ᠶ᠋ᠢ ᠦᠷ ᠴᠠᠢᠬᠤ ᠳ᠋ᠤ᠌ ᠨᠢᠵᠡᠭᠡᠳ ᠬᠡᠮᠡᠯᠢᠪᠡᠰᠦ ᠪᠡᠶᠡ ᠶ᠋ᠢᠨ ᠬᠦᠴᠦᠨ ᠡᠭᠦᠰᠴᠦ᠂ ᠵᠢᠰᠦ ᠥᠩᠭᠡ᠂ ᠡᠷᠬᠡᠲᠡᠨ ᠲᠣᠳᠣᠷᠠᠵᠤ ᠬᠦᠰᠡᠯ ᠲᠡᠭᠦᠰ᠂ ᠡᠷᠡ ᠶ᠋ᠢᠨ ᠪᠠᠶᠠᠰᠬᠤᠯᠠᠩ ᠪᠠᠷᠠᠭᠳᠠᠰᠢ ᠦᠭᠡᠢ᠃ ᠵᠣᠩᠰᠢ᠂ ᠴᠠᠭᠠᠨ ᠲᠣᠰᠣ᠂ ᠪᠤᠷᠠᠮ᠂ ᠰᠢᠩ ᠠᠷ᠂ ᠵᠢᠭᠠᠷ᠂ ᠳ᠋ᠣᠮᠷᡁᠢ ᠨᠤᠭᠤᠳ ᠢ᠋ ᠰᠦᠨ ᠳ᠋ᠦ᠍ ᠵᠢᠭᠤᠷᠠᠵᠤ ᠤᠤᠭᠤᠪᠠᠰᠤ ᠬᠦᠰᠡᠯ ᠮᠠᠰᠢ ᠶᠡᠬᠡᠳᠬᠦ ᠪᠣᠯᠠᠢ᠃ ᠴᠠᠭᠠᠨ ᠪᠤᠷᠭᠠᠰᠤᠨ ᠦᠨᠳᠦᠰᠦ᠂ ᠮᠣᠨ ᠪᠤᠷᠴᠠᠭ᠂ ᠴᠠᠭᠠᠨ ᠨᠣᠬᠠᠢ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠸᠴᠢᠷ ᠢ᠋ ᠨᠠᠢᠷᠠᠭᠤᠯᠤᠨ ᠳᠦᠷᠭᠢᠪᠡᠰᠦ ᠭᠤᠴᠢᠨ ᠵᠢᠷᠭᠤᠭᠠᠨ ᠬᠣᠨᠣᠭ ᠪᠣᠯᠲᠠᠯᠠ ᠸᠴᠢᠷ ᠨᠣᠮᠣᠬᠠᠷᠠᠬᠤ ᠦᠭᠡᠢ ᠪᠣᠯᠤᠮᠤᠢ᠃ ᠴᠠᠭᠠᠨ ᠨᠣᠬᠠᠢ ᠶ᠋ᠢᠨ ᠬᠡᠯᠡ ᠪᠤᠶᠤ ᠡᠷᠡ ᠪᠡᠯᠭᠡ ᠠᠯᠢ ᠨᠢ ᠣᠯᠳᠠᠬᠤ ᠪᠠᠷ᠂ ᠳ᠋ᠣᠩᠷᠣᠢ᠂ ᠷᠦᠳᠠ᠂ ᠲᠠᠭᠲᠠᠭᠠ ᠶ᠋ᠢᠨ ᠬᠣᠷᠭᠣᠯ ᠵᠡᠷᠭᠡ ᠶ᠋ᠢ ᠲᠠᠯᠬᠠᠳᠠᠵᠤ ᠪᠠᠯ ᠳ᠋ᠤ᠌ ᠵᠢᠭᠤᠷᠠᠵᠤ ᠸᠴᠢᠷ ᠲᠦ᠍ ᠲᠦᠷᠬᠢᠪᠡᠰᠦ ᠬᠤᠷᠢᠴᠠᠯ ᠡᠳ᠋ᠯᠡᠬᠦ ᠶ᠋ᠢᠨ ᠦᠶᠡᠰ ᠲᠦ᠍ ᠮᠠᠰᠢ ᠬᠠᠨᠤᠮᠵᠢᠲᠠᠢ ᠪᠠᠢᠳᠠᠭ᠋᠃ ᠭᠠᠪᠤᠷ᠂ ᠪᠢᠯᠡ (ᠡᡁᠨᠯᠦ ᠶ᠋ᠢᠨ ᠦᠨᠳᠦᠰᠦ)᠂ ᠵᠠᠵᠢᠭ᠋ ᠭᠤᠷᠪᠠ ᠶ᠋ᠢ ᠪᠸᠳᠶᠠ ᠡᠬᠡ※ ᠶ᠋ᠢᠨ ᠴᠢᠰᠤᠨ ᠯᠤᠭᠠ ᠨᠠᠢᠷᠠᠭᠤᠯᠤᠭᠰᠠᠨ ᠲᠡᠭᠦᠨ ᠢ᠋ ᠬᠦᠰᠡᠯ ᠡᠳ᠋ᠯᠡᠬᠦ ᠶ᠋ᠢᠨ ᠦᠶᠡᠰ ᠲᠦ᠍ ᠡᠬᠡᠨᠡᠷ ᠦ᠋ᠨ ᠪᠡᠯᠭᠡ ᠳ᠋ᠦ᠍ ᠲᠦᠷᠬᠢᠪᠡᠰᠦ ᠥᠪᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ ᠰᠠᠨᠠᠭᠠ ᠡᠷᠭᠢᠬᠦ ᠮᠠᠭᠠᠳ ᠶᠤᠮ᠃ ᠵᠢᠭᠠᠷ᠂ ᠷᠦᠳᠠ ᠶ᠋ᠢ ᠬᠤᠪᠢ ᠰᠠᠴᠠᠭᠤ ᠰᠠᠢᠲᠤᠷ ᠨᠤᠬᠤᠵᠤ ᠪᠠᠯ ᠳ᠋ᠤ᠌ ᠮᠦᠬᠦᠯᠢᠭᠳᠡᠨ ᠡᠮᠡᠭᠲᠡᠢ ᠶ᠋ᠢᠨ ᠪᠡᠯᠭᠡ ᠳ᠋ᠦ᠍ ᠣᠷᠣᠭᠤᠯᠪᠠᠰᠤ ᠪᠡᠯᠭᠡ ᠪᠠᠭᠠ ᠪᠣᠯᠤᠨᠠ᠃ ᠰᠤᠮᠠᠷᠠᠨᠽᠠ ᠶ᠋ᠢᠨ ᠨᠠᠪᠴᠢ ᠬᠢᠭᠡᠳ ᠬᠠᠷᠠ ᠲᠠᠩᠪᠣᠷᠣᠮ ᠤ᠋ᠨ ᠦᠨᠳᠦᠰᠦ ᠬᠣᠶᠠᠷ ᠢ᠋ ᠬᠤᠪᠢ ᠰᠠᠴᠠᠭᠤ ᠰᠠᠢᠲᠤᠷ ᠨᠤᠬᠤᠭᠠᠳ ᠵᠠᠯᠠᠭᠤᠰ ᠤ᠋ᠨ ᠰᠢᠭᠡᠰᠦᠨ ᠳ᠋ᠦ᠍ ᠲᠠᠷᠠᠭ ᠤ᠋ᠨ ᠲᠡᠳᠦᠢ ᠬᠣᠯᠢᠵᠤ ᠥᠪᠡᠷ ᠢ᠋ᠶ᠋ᠡᠨ ᠪᠤᠶᠤ ᠲᠠᠮᠢᠷ ᠮᠠᠭᠤᠲᠠᠢ ᠪᠤᠰᠤᠳ ᠤ᠋ᠨ ᠡᠷᠡ ᠲᠡᠮᠳᠡᠭ ᠲᠦ᠍ ᠲᠦᠷᠬᠢᠪᠡᠰᠦ ᠪᠦᠳᠦᠭᠦᠨ᠂ ᠤᠷᠲᠤ᠂ ᠴᠢᠩᠭᠠ ᠪᠣᠯᠤᠮᠤᠢ᠃ ᠡᠰᠡᠪᠡᠰᠦ ᠪᠠᠳᠮᠠᠭᠡᠰᠸᠷ᠂ ᠬᠥᠬᠡ ᠤᠳᠪᠠᠯᠠ ᠰᠢᠬᠢᠷ ᠦ᠋ᠳ ᠢ᠋ ᠪᠠᠯ ᠲᠠᠢ ᠨᠠᠢᠷᠠᠭᠤᠯᠵᠤ ᠬᠦᠢᠰᠦᠨ ᠳ᠋ᠦ᠍ᠨᠢ ᠲᠦᠷᠬᠢ᠃ ᠬᠠᠨᠤᠯ ᠪᠠᠷᠢᠯᠳᠤᠯᠭᠠ ᠵᠡᠷᠭᠡ ᠪᠡᠷ ᠪᠣᠯᠬᠤ ᠶᠤᠮ᠃ ᠪᠠᠰᠠ ᠶᠸᠷᠮᠡ᠂ ᠥᠪᠡᠷ ᠦ᠋ᠨ ᠬᠥᠷᠥᠩᠭᠡ᠂ ᠡᠷᠡ ᠴᠠᠭᠠᠨ ᠨᠣᠬᠠᠢ ᠶ᠋ᠢᠨ ᠪᠡᠯᠭᠡ ᠶ᠋ᠢ ᠵᠢᠭᠰᠠᠭᠠᠨ ᠨᠠᠢᠷᠠᠭᠤᠯᠵᠤ᠂ ᠸᠴᠢᠷ ᠲᠦ᠍ ᠲᠦᠷᠬᠢᠪᠡᠰᠦ ᠬᠦᠰᠡᠯ ᠡᠳ᠋ᠯᠡᠭᠴᠢ ᠶ᠋ᠢᠨ ᠪᠠᠶᠠᠰᠬᠤᠯ ᠢ᠋ ᠡᠭᠦᠰᠬᠡᠮᠦᠢ᠃
ᠠᠰᠤᠷᠤ ᠬᠡᠲᠦᠷᠡᠭᠰᠡᠨ ᠪᠤᠷᠤᠭᠤ ᠶ᠋ᠢ ᠳᠠᠷᠤᠬᠤ ᠳ᠋ᠤ᠌ ᠵᠠᠩᠪᠤᠢ᠍ᠯ᠂ ᠵᠠᠵᠢᠭ᠋᠂ ᠼᠠᠯᠠ ᠤ᠋ᠳ ᠨᠢᠵᠡᠭᠡᠳ ᠴᠢᠨ ᠢ᠋ ᠰᠠᠢᠲᠤᠷ ᠨᠤᠬᠤᠵᠤ ᠱᠤᠮᠬᠠᠨ ᠤ᠋ ᠤᠰᠤᠨ ᠳ᠋ᠤ᠌ ᠤᠬᠢᠶᠠᠨ ᠦᠢᠯᠡᠳᠪᠡᠰᠦ ᠠᠮᠤᠷ ᠪᠣᠯᠤᠨᠠ᠃ ᠡᠬᠡᠨᠡᠷ ᠦ᠋ᠨ ᠰᠢᠭᠡᠰᠦ ᠪᠡᠷ ᠤᠬᠢᠶᠠᠪᠠᠴᠤ ᠠᠮᠤᠷ ᠪᠣᠯᠤᠨᠠ᠃ ᠲᠠᠴᠢᠶᠠᠯ ᠲᠥᠷᠥᠬᠦ ᠶ᠋ᠢ ᠦᠯᠦ ᠬᠦᠰᠡᠪᠡᠰᠦ ᠮᠠᠨᠤ᠂ ᠭᠠᠵᠠ᠂ ᠵᠠᠩᠪᠤᠢ᠍ᠯ ᠭᠤᠷᠪᠠ ᠶ᠋ᠢ ᠶᠦᠩᠸᠠ ᠲᠠᠢ ᠨᠠᠢᠷᠠᠭᠤᠯᠵᠤ᠂ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤ᠌ ᠲᠠᠯᠪᠢᠨ ᠥᠯᠥᠨ ᠢ᠋ᠶ᠋ᠡᠷ ᠤᠤᠭᠤᠪᠠᠰᠤ ᠠᠪᠢᠶᠠᠰ ᠦᠯᠦ ᠲᠦᠷᠦᠮᠦᠢ᠃ ᠡᠰᠡᠪᠡᠰᠦ ᠪᠤᠷᠴᠠᠭ ᠤ᠋ᠨ ᠴᠡᠴᠡᠭ᠂ ᠬᠣᠨᠢᠨ ᠤ᠋ ᠬᠡᠪᠲᠡᠰᠢ( ᠰᠠᠪᠠ)᠂ ᠮᠣᠷᠢᠨ ᠤ᠋ ᠬᠠᠯᠢᠶᠠᠰᠤ( ᠬᠠᠭ᠋) ᠢ᠋ ᠰᠠᠢᠲᠤᠷ ᠨᠤᠬᠤᠵᠤ ᠨᠠᠢ᠍ᠮᠠᠨ ᠨᠠᠰᠤᠲᠠᠢ ᠥᠬᠢᠨ ᠦ᠌ ᠰᠢᠭᠡᠰᠦᠨ ᠳ᠋ᠦ᠍ ᠲᠠᠯᠪᠢᠵᠤ ᠥᠭᠪᠡᠰᠦ ᠸᠴᠢᠷ ᠨᠢ ᠦᠯᠦ ᠪᠣᠰᠤᠨ ᠲᠠᠴᠢᠶᠠᠯ ᠲᠥᠷᠥᠬᠦ ᠦᠭᠡᠢ ᠪᠣᠯᠠᠢ᠃
ᠠᠷᠪᠠ᠂ ᠲᠥᠷᠥᠯ ᠦ᠋ᠨ ᠦᠷᠭᠦᠯᠵᠢ ᠶ᠋ᠢ ᠲᠠᠰᠤᠯᠬᠤ
ᠡᠮᠡᠭᠲᠡᠢ ᠶ᠋ᠢᠨ ᠲᠥᠷᠥᠬᠦ ᠶ᠋ᠢᠨ ᠡᠭᠦᠳᠡ ᠶ᠋ᠢ ᠲᠠᠰᠤᠯᠬᠤ ᠠᠷᠭᠠ᠄
ᠵᠢᠭᠠᠷ᠂ ᠵᠠᠵᠢᠭ᠋᠂ ᠮᠣᠷᠢᠨ ᠴᠢᠰᠤ ᠪᠠᠷ ᠭᠤᠷᠪᠠᠨ ᠵᠢᠯ ᠲᠠᠰᠤᠯᠵᠤ ᠴᠢᠳᠠᠬᠤ᠂ ᠤᠯᠠᠭᠠᠨ ᠬᠣᠰᠢᠭᠤᠲᠤ ᠶ᠋ᠢᠨ ᠴᠢᠰᠤ᠂ ᠵᠢᠭᠠᠷ ᠢ᠋ ᠨᠠᠢᠷᠠᠭᠤᠯᠪᠠᠰᠤ ᠣᠭᠲᠣ ᠦᠯᠦ ᠲᠥᠷᠥᠬᠦ᠃ ᠵᠠᠵᠢᠭ᠋᠂ ᠶᠦᠩᠸᠠ ᠬᠣᠶᠠᠷ ᠢ᠋ᠶ᠋ᠠᠷ ᠨᠢᠭᠡ ᠵᠢᠯ ᠲᠠᠰᠤᠯᠵᠤ ᠴᠢᠳᠠᠬᠤ᠂ ᠵᠢᠭᠠᠷ᠂ ᠪᠡᠬᠡ ᠶ᠋ᠢ ᠨᠠᠢᠷᠠᠭᠤᠯᠪᠠᠰᠤ ᠨᠢᠭᠡ ᠵᠢᠯ ᠢ᠋ ᠴᠢᠳᠠᠬᠤ᠂ ᠵᠢᠭᠠᠷ ᠢ᠋ ᠠᠷᠢᠬᠢᠨ ᠳ᠋ᠤ᠌ ᠨᠠᠢᠷᠠᠭᠤᠯᠪᠠᠰᠤ ᠭᠤᠷᠪᠠᠨ ᠵᠢᠯ ᠴᠢᠳᠠᠬᠤ᠃ ᠡᠮ ᠥᠭᠬᠦ ᠶ᠋ᠢᠨ ᠤᠷᠢᠳ ᠶᠸᠷᠮᠡ ᠲᠡᠢ ᠤᠰᠤ ᠪᠠᠷ ᠰᠤᠳᠠᠯ ᠤ᠋ᠨ ᠠᠮᠠ ᠶ᠋ᠢ ᠨᠡᠭᠡᠭᠡᠵᠦ᠂ ᠬᠣᠢᠨᠠ ᠨᠢ ᠳ᠋ᠣᠮᠷᡁᠢ ᠲᠡᠷᠢᠭᠦᠲᠡᠨ ᠢ᠋ᠶ᠋ᠡᠷ ᠰᠤᠳᠠᠯ ᠤ᠋ᠨ ᠠᠮᠠ ᠶ᠋ᠢ ᠪᠣᠭᠣᠲᠤᠭᠠᠢ᠃ ᠣᠨᠴᠣᠭᠣᠢ ᠪᠠᠢᠳᠠᠯ ᠠ᠋ᠴᠠ ᠪᠤᠰᠤᠳ ᠦᠯᠦ ᠪᠣᠯᠬᠤ᠂ ᠦᠢᠯᠡᠷ ᠬᠢᠯᠭᠡᠭᠴᠢ ᠶᠡᠬᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠦᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠭᠰᠠᠨ ᠨᠢ᠄ ᠣᠳᠬᠠᠨᠰᠣᠠ