ᠬᠥᠮᠦᠰ ᠡ ᠂ ᠪᠡᠶᠡ ᠪᠡᠨ ᠭᠠᠮᠨᠠᠭᠠᠷᠠᠢ – ᠳᠤᠯᠭᠠᠷᠮᠠ Хүмүүс ээ ᠂ биеэ гамнаарай – Долгормаа
346ᠬᠥᠮᠦᠰ ᠡ ᠂ ᠪᠡᠶᠡ ᠪᠡᠨ ᠭᠠᠮᠨᠠᠭᠠᠷᠠᠢ
ᠰᠧᠺᠦᠶ᠋ᠨ᠍ᠳ᠋ ᠨᠢᠭᠡ ᠨᠢᠭᠡ ᠪᠡᠷ ᠲᠣᠭᠰᠢᠵᠤ᠂ ᠴᠢᠮᠠ ᠶ᠋ᠢ
ᠰᠠᠶ᠋ᠢᠬᠠᠨ ᠬᠣᠷᠸ᠋ᠠ ᠴᠡᠪᠡᠷᠬᠡᠨ ᠠᠮᠢᠰᠬᠤᠯ ᠢ ᠠᠮᠰᠠᠭᠤᠯᠵᠤ
ᠰᠡᠪ ᠦᠭᠡᠢ ᠵᠢᠷᠦᠬᠡᠨ ᠪ ᠴᠢᠨᠢ ᠴᠣᠬᠢᠯᠲᠠ ᠶ᠋ᠢᠨ ᠲᠣᠬ᠋ᠠ ᠶ᠋ᠢ ᠲᠣᠭᠠᠯᠠᠵᠤ
ᠰᠠᠷᠠᠭᠤᠯ ᠣᠷᠴᠢᠯᠠᠩ ᠳ᠋ᠦ᠍ ᠠᠯᠬᠤᠮ ᠦ᠋ᠨ ᠴᠢᠨᠢ ᠠᠶ᠋ᠢᠵᠠᠮ ᠢ ᠲᠠᠭᠠᠷᠠᠭᠤᠯᠤᠨᠠ
ᠮᠢᠨᠦ᠋ᠲ ᠨᠢᠭᠡ ᠨᠢᠭᠡ ᠪᠡᠷ ᠥᠩᠭᠡᠷᠡᠵᠦ᠂ ᠴᠢᠮᠠ ᠶ᠋ᠢ
ᠮᠡᠲᠡᠷᠡᠭᠰᠡᠨ ᠳ᠋ᠡᠭᠡᠨ ᠵᠢᠤᠠᠬᠦᠵᠦ᠂ ᠮᠠᠷᠲᠠᠭᠰᠠᠨ ᠳ᠋ᠠᠭᠠᠨ ᠰᠠᠨᠲᠤᠷᠴᠤ
ᠮᠢᠨᠦ ᠯᠠ ᠭᠡᠰᠡᠨ ᠠᠮᠢᠲᠤᠷᠠᠯ ᠦ᠋ᠨ ᠵᠠᠮ ᠳ᠋ᠦ᠍ ᠴᠢᠨᠢ
ᠮᠡᠷᠡᠶ᠋ᠢᠵᠦ ᠴᠢᠷᠮᠠᠶ᠋ᠢᠬᠤ ᠶ᠋ᠢᠨ ᠵᠢᠷᠭᠠᠯ ᠢ ᠨᠢ ᠲᠣᠬᠢᠷᠠᠭᠤᠯᠤᠨᠠ
ᠴᠠᠭ ᠨᠢᠭᠡ ᠨᠢᠭᠡ ᠪᠡᠷ ᠥᠩᠭᠡᠷᠡᠵᠦ᠂ ᠴᠢᠮᠠ ᠶ᠋ᠢ
ᠴᠠᠯ ᠪᠤᠭᠤᠷᠤᠯ ᠨᠠᠰᠤᠨ ᠪ ᠨᠠᠮᠤᠷ ᠤᠷᠤᠭᠤ ᠲᠦᠬᠦᠭᠦᠯᠵᠥ
ᠴᠠᠯᠭᠢᠵᠤ ᠢᠷᠡᠬᠦ ᠴᠠᠭᠠᠨᠠ ᠪᠠᠨ ᠣᠯᠠᠨ ᠤᠴᠠᠷᠠᠯ ᠦ᠋ᠳ ᠢ ᠴᠢᠨᠢ
ᠴᠢᠷᠮᠠᠶ᠋ᠢᠵᠤ ᠲᠤᠭᠤᠯᠬᠤ ᠴᠢᠲᠠᠯ ᠡᠷᠴᠢ ᠬᠠᠶ᠋ᠢᠷᠠᠯᠠᠨᠠ
ᠡᠲᠦᠷ ᠨᠢᠭᠡ ᠨᠢᠭᠡ ᠪᠡᠷ ᠥᠩᠭᠡᠷᠡᠵᠦ᠂ ᠴᠢᠮᠠ ᠶ᠋ᠢ
ᠡᠯᠲᠡᠪ ᠦ᠋ᠨ ᠲᠣᠬᠢᠶᠠᠯ ᠶ᠋ᠢᠠᠷ ᠡᠯᠪᠡᠷᠢᠯ ᠦ᠋ᠨ ᠤᠬᠠᠭᠠᠨ ᠢ ᠰᠠᠭᠤᠯᠭᠠᠵᠤ
ᠡᠩᠬᠡ ᠮᠡᠨᠳᠦ ᠶ᠋ᠢᠨ ᠬᠣᠷᠸ᠋ᠠ ᠢᠨᠢᠶᠡᠯᠭᠡᠵᠦ ᠣᠬᠢᠯᠠᠭᠤᠯᠵᠤ ᠪᠠᠶ᠋ᠢᠭᠠᠳ
ᠡᠭᠰᠢᠬᠦ ᠨᠠᠰᠤᠨ ᠪ ᠴᠢᠨᠢ ᠡᠷᠭᠢᠯᠲᠦᠬᠦ ᠵᠠᠶᠠᠬ᠋ᠠ ᠶ᠋ᠢ ᠨᠢ ᠲᠡᠩᠴᠡᠭᠦᠯᠦᠨᠡ
ᠰᠠᠷᠠ ᠨᠢᠭᠡ ᠨᠢᠭᠡ ᠪᠡᠷ ᠥᠩᠭᠡᠷᠡᠵᠦ᠂ ᠴᠢᠮᠠ ᠶ᠋ᠢ
ᠰᠠᠶ᠋ᠢᠬᠠᠨ ᠵᠠᠯᠠᠭᠤ ᠨᠠᠰᠤᠨ ᠠ᠋ᠴᠠ ᠴᠢᠨᠢ ᠰᠠᠯᠬᠢᠨ ᠪ ᠠᠶᠠᠰ ᠶ᠋ᠢᠠᠷ ᠬᠣᠯᠠᠲᠠᠭᠤᠯᠵᠤ
ᠰᠠᠨᠠᠬ᠋ᠠ ᠰᠡᠤᠠᠬᠢᠯ ᠪᠦᠬᠦᠨ ᠢ ᠴᠢᠨᠢ ᠰᠠᠶ᠋ᠢᠨ ᠲᠠᠢ ᠮᠠᠭᠤ ᠲᠠᠢ ᠨᠢ ᠵᠢᠷᠤᠭᠯᠠᠨᠠ
ᠰᠠᠭᠠᠲᠠᠵᠤ ᠶᠠᠪᠤᠭᠰᠠᠨ ᠵᠠᠮ ᠪᠦᠬᠦᠨ ᠢ ᠴᠢᠨᠢ ᠰᠠᠶ᠋ᠢᠨ ᠲᠠᠢ ᠮᠠᠭᠤ ᠲᠠᠢ ᠨᠢ ᠵᠢᠷᠤᠭᠯᠠᠨᠠ
ᠵᠢᠯ ᠨᠢᠭᠡ ᠨᠢᠭᠡ ᠪᠡᠷ ᠨᠡᠮᠡᠭᠲᠡᠵᠦ᠂ ᠴᠢᠮᠠ ᠶ᠋ᠢ
ᠵᠢᠷᠭᠠᠯ ᠵᠣᠪᠠᠯᠠᠩ ᠪᠦᠬᠦᠨ ᠳ᠋ᠤᠨᠢ ᠪᠥᠬᠡᠵᠢᠭᠥᠯᠵᠥ
ᠵᠣᠯ ᠲᠠᠢ ᠰᠠᠶ᠋ᠢᠬᠠᠨ ᠠᠮᠢᠲᠤᠷᠠᠯ ᠦ᠋ᠨ ᠭᠡᠭᠡᠨ ᠳ᠋ᠦ᠍ ᠰᠠᠭᠠᠲᠠᠭᠤᠯᠤᠨᠠ
ᠨᠠᠰᠤ ᠨᠢᠭᠡ ᠨᠢᠭᠡ ᠪᠡᠷ ᠨᠡᠮᠡᠭᠲᠡᠵᠦ᠂ ᠴᠢᠮᠠ ᠶ᠋ᠢ
ᠨᠡᠷᠡᠲᠦ ᠣᠷᠴᠢᠯᠠᠩ ᠦ᠋ᠨ ᠪᠦᠬᠦᠯᠢ ᠵᠢᠷᠤᠮ ᠢ ᠳᠠᠭᠠᠭᠤᠯᠵᠤ
ᠨᠠᠶ᠋ᠢᠷ ᠬᠠᠶ᠋ᠢᠷᠠ᠂ ᠭᠡᠮᠰᠢᠯ ᠭᠤᠲᠤᠷᠠᠯ᠂ ᠪᠠᠶᠠᠰᠤᠯ ᠴᠡᠩᠭᠡᠯ ᠪᠦᠬᠦᠨ ᠢ ᠴᠢᠨᠢ
ᠨᠠᠶ᠋ᠢᠷᠠᠭ ᠦ᠋ᠨ ᠶ᠋ᠢᠡᠨ ᠪᠠᠲᠠᠭ ᠲᠠᠭᠠᠨ ᠪᠠᠭᠴᠠᠯᠠᠨ ᠲᠡᠮᠲᠡᠭᠯᠡᠵᠦ ᠦᠯᠡᠲᠡᠭᠡᠨᠡ
ᠠᠮᠢᠲᠤᠷᠠᠯ ᠨᠢᠭᠡ ᠨᠢᠭᠡ ᠪᠡᠷ ᠴᠥᠷᠬᠡᠯᠡᠵᠦ ᠴᠢᠮᠠ ᠶ᠋ᠢ
ᠠᠵᠢᠯᠰᠠᠭ᠂ ᠠᠯᠵᠠᠭᠤ ᠠᠵᠢᠯᠯᠠᠬ᠋ᠠ ᠪᠦᠬᠦᠨ ᠢ ᠴᠢᠨᠢ ᠲᠠᠨᠢᠵᠤ
ᠠᠮᠢᠨ ᠳ᠋ᠠᠭᠠᠨ ᠬᠦᠷᠬᠦ ᠠᠶᠤᠯ ᠵᠢᠷᠭᠠᠯ ᠪᠦᠬᠦᠨ ᠢ ᠴᠢᠨᠢ ᠳᠠᠩᠰᠠᠯᠠᠵᠤ
ᠠᠮᠢᠲᠤᠷᠠᠵᠤ ᠯᠠ ᠶᠠᠪᠤᠬᠤ ᠶ᠋ᠢᠨ ᠠᠵᠠ ᠪᠤᠶᠠᠨ ᠢ ᠢᠪᠡᠭᠡᠨᠡ
ᠬᠥᠮᠦᠨ ᠨᠢᠭᠡ ᠨᠢᠭᠡ ᠪᠡᠷ ᠰᠤᠪᠤᠷᠠᠵᠤ᠂ ᠴᠢᠮᠠ ᠶ᠋ᠢ
ᠬᠦᠨᠲᠦᠤᠠᠭᠡᠵᠦ ᠬᠠᠶ᠋ᠢᠷᠠᠯᠠᠬᠤ ᠮᠥᠷᠦᠭᠡᠤᠠᠴᠥ ᠰᠠᠨᠠᠬᠤ ᠪᠣᠲᠣᠯ ᠦ᠋ᠨ ᠰᠠᠶ᠋ᠢᠬᠠᠨ ᠊ᠢ ᠤᠷᠭᠤᠭᠤᠯᠵᠤ
ᠬᠥᠮᠦᠨ ᠭᠡᠵᠦ ᠯᠠ ᠠᠮᠢᠲᠤᠷᠠᠬᠤ ᠶ᠋ᠢᠨ ᠦᠨᠡ ᠴᠠᠨᠠ ᠶ᠋ᠢ ᠮᠡᠲᠡᠭᠦᠯᠵᠦ
ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠳ᠋ᠦ᠍ ᠠᠮᠢᠳᠤ ᠯᠠ ᠪᠠᠶ᠋ᠢᠬᠤ ᠶ᠋ᠢ ᠬᠦᠰᠡᠭᠦᠯᠦᠨᠡ
ᠠᠯᠲᠠᠨ ᠳᠡᠯᠡᠬᠡᠢ ᠳ᠋ᠠᠬᠢᠨ ᠠᠮᠢᠲᠤᠷᠠᠵᠤ ᠯᠠ ᠪᠠᠶ᠋ᠢᠬ᠋ᠠ ᠬᠥᠮᠦᠰ ᠮᠢᠨᠢ ᠡ
ᠠᠯᠲᠠᠵᠤ ᠤᠨᠤᠬᠤ ᠡᠳ᠋ ᠡᠷᠲᠡᠨᠢᠰ ᠬᠡᠷᠡᠭ ᠦᠭᠡᠢ ᠶᠤᠮ ᠡ
ᠠᠮᠢᠳᠤ ᠯᠠ ᠶᠠᠪᠤᠬᠤ ᠡᠨᠡ ᠪᠡᠶᠡ᠂ ᠡᠯᠢᠭᠡᠨ ᠰᠠᠲᠤᠨ ᠴᠢᠨᠢ ᠪᠠᠶ᠋ᠢᠪᠠᠯ
ᠠᠯᠲᠠᠨ ᠨᠠᠷᠠᠨ ᠪ ᠭᠡᠷᠡᠯ ᠢᠪᠡᠭᠡᠭᠲᠡᠭᠰᠡᠨ ᠠᠰᠢᠲᠠ ᠶ᠋ᠢᠨ ᠵᠢᠷᠭᠠᠯ ᠲᠡᠷᠡ ᠪᠢᠯᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠤᠠᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠤᠠᠬᠠᠨᠰᠣᠠ᠋