ᠪᠣᠷᠣᠭᠠᠨ ᠤ ᠵᠢᠷᠤᠭ - ᠭᠣᠨᠢᠨᠤᠳ ᠂ ᠵᠢᠷᠭᠠᠯ Борооны зураг - Гонинот ᠂ Жаргал
393ᠪᠣᠷᠣᠭᠠᠨ ᠤ ᠵᠢᠷᠤᠭ
( ᠭᠠᠲᠠᠨᠠ ᠬᠣᠶᠠᠷ ᠰᠢᠯᠦᠭ )
ᠭᠣᠨᠢᠨᠤᠳ᠂ ᠵᠢᠷᠭᠠᠯ
ᠴᠡᠩᠬᠡᠷᠯᠡᠨ ᠣᠷᠣᠬᠤ ᠪᠣᠷᠣᠭᠠᠨ ᠳ᠋ᠤ᠌
ᠴᠡᠴᠡᠭ ᠦ᠋ᠨ ᠦᠩᠭᠡ ᠤᠷᠠᠯᠠᠨᠠ
ᠮᠣᠩᠭᠣᠯ ᠭᠡᠷ ᠦ᠋ᠨ ᠬᠠᠶᠠᠬ᠋ᠠ ᠪᠠᠷ
ᠮᠠᠩᠬᠢᠷ ᠦ᠋ᠨ ᠦᠨᠦᠷ ᠰᠠᠩᠭᠢᠨᠡᠡᠡ
ᠬᠦᠲᠦᠯᠦᠭᠡ ᠮᠣᠷᠢ ᠲᠠᠢ ᠬᠥᠮᠦᠨ
ᠬᠦᠨᠲᠡᠢ ᠪᠠᠷ ᠨᠠᠭᠠᠰᠢᠯᠠᠬᠤ ᠰᠠᠶ᠋ᠢᠬᠠᠨ
ᠠᠲᠤᠭᠤᠨ ᠰᠦᠷᠦᠭ ᠦ᠋ᠨ ᠵᠠᠬᠠ ᠳ᠋ᠤ᠌
ᠤᠨᠠᠬ᠋ᠠ ᠲᠣᠬᠯᠠᠬᠤ ᠰᠠᠶ᠋ᠢᠬᠠᠨ
ᠵᠦᠭᠡᠯᠨᠨ ᠵᠦᠰᠡᠷᠡᠬᠦ ᠪᠣᠷᠣᠭᠠᠨ
ᠭᠠᠩᠲᠠᠮᠠᠯ ᠬᠦᠷᠦᠰᠤ ᠶ᠋ᠢ ᠳᠡᠪᠲᠦᠭᠡᠨᠡ
ᠵᠥᠩᠲᠡᠭᠡᠨ ᠳᠤᠯᠠᠭᠠᠨ ᠰᠡᠤᠠᠬᠢᠯ ᠳ᠋ᠤ᠌
ᠭᠠᠯᠪᠠ ᠳᠡᠯᠡᠬᠡᠢ ᠡᠩᠬᠡᠵᠢᠨᠡ
ᠬᠤᠷᠠ ᠪᠣᠷᠣᠭᠠᠨ ᠪ ᠰᠢᠮᠡ ᠪᠡᠷ
ᠨᠠᠪᠴᠢᠰ ᠲᠣᠬᠢᠯᠵᠠᠬᠤ ᠰᠠᠶ᠋ᠢᠬᠠᠨ
ᠬᠣᠷᠸ᠋ᠠ ᠶ᠋ᠢᠨ ᠳᠤᠯᠠᠭᠠᠨ ᠡᠯᠢᠭᠡᠨ ᠳ᠋ᠤ᠌
ᠨᠠᠨᠲᠢᠨ ᠳᠤᠷᠠᠰᠤᠮᠵᠢ ᠰᠠᠶ᠋ᠢᠬᠠᠨ᠃
ᠰᠡᠤᠠᠬᠢᠯ ᠦ᠋ᠨ ᠪᠣᠷᠣᠬ᠋ᠠ
ᠴᠡᠴᠡᠭ ᠦ᠋ᠨ ᠬᠡ ᠲᠡᠢ ᠡᠭᠦᠯᠡᠨ ᠡᠴᠡ
ᠴᠡᠩᠬᠡᠷ ᠪᠤᠷᠤᠬ᠋ᠠ ᠰᠢᠪᠡᠷᠡᠨᠡ
ᠴᠢᠨᠦ ᠯᠡ ᠨᠠᠮᠤᠭᠤᠬᠠᠨ ᠵᠠᠩ ᠠ᠋ᠴᠠ
ᠴᠢᠮᠡᠭᠡ ᠦᠭᠡᠢ ᠳᠤᠷᠠᠯᠠᠯ ᠬᠥᠪᠦᠷᠡᠨᠡ
ᠬᠦᠰᠡᠯ ᠦ᠋ᠨ ᠪᠣᠷᠣᠬ᠋ᠠ ᠱᠠᠭᠢᠯᠠ
ᠬᠥᠭᠡᠷᠦᠬᠦᠨ ᠨᠠᠪᠴᠢᠰ ᠨᠠᠬᠢᠯᠵᠠᠯᠠ
ᠨᠠᠷᠠᠨ ᠪ ᠮᠥᠩᠭᠥᠨ ᠪᠣᠷᠣᠬ᠋ᠠ
ᠰᠠᠭᠠᠬᠠᠯᠲᠠ ᠳᠠᠮᠵᠢᠭᠠᠳ ᠠᠶ᠋ᠢᠰᠤᠢ
ᠨᠠᠨᠲᠢᠨ ᠰᠡᠤᠠᠬᠢᠯ ᠦ᠋ᠨ ᠢᠭᠲᠦᠯᠦᠯ ᠶ᠋ᠢᠡᠷ
ᠰᠠᠨᠠᠬ᠋ᠠ ᠠᠷᠢᠭᠤᠰᠴᠤ ᠰᠢᠯᠦᠭ ᠤᠷᠭᠤᠨᠠ
ᠴᠢᠩ ᠬᠠᠶ᠋ᠢᠷᠠ ᠶ᠋ᠢᠨ ᠨᠤᠲᠤᠭ ᠲᠤ
ᠴᠡᠴᠡᠭ ᠦ᠋ᠨ ᠰᠣᠯᠣᠩᠬ᠋ᠠ ᠲᠠᠲᠠᠯᠠ
ᠬᠠᠨ ᠲᠩᠷᠢ ᠶ᠋ᠢᠨ ᠷᠠᠰᠢᠶᠠᠨ
ᠬᠠᠯᠠᠭᠤᠨ ᠬᠥᠷᠥᠰᠥ ᠶ᠋ᠢ ᠤᠮᠲᠠᠯᠠᠨᠠ
ᠬᠣᠩᠬᠣᠨ ᠶᠠᠭᠠᠨ ᠴᠡᠴᠡᠭ
ᠬᠣᠷᠸ᠋ᠠ ᠶ᠋ᠢᠨ ᠠᠯᠠᠭ ᠢ ᠴᠢᠮᠡᠭᠯᠡᠨᠡ
ᠮᠠᠩᠨᠠᠢ ᠲᠡᠨᠢᠢᠬᠦ ᠪᠠᠶᠠᠷ ᠦ᠋ᠨ ᠬᠤᠷᠠ
ᠮᠠᠩᠨᠤᠭ ᠬᠥᠲᠡᠭᠡ ᠶ᠋ᠢᠨ ᠰᠦ᠋ ᠲᠡᠢ ᠪᠣᠷᠣᠬ᠋ᠠ᠃
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠪᠣᠷᠣᠬ᠋ᠠ
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠪᠣᠷᠣᠬ᠋ᠠ
ᠵᠦᠢᠯ ᠦ᠋ᠨ ᠣᠷᠭᠣᠮᠠᠯ ᠦ᠋ᠨ ᠠᠩᠬᠢᠯᠣᠮᠠ ᠦᠨᠦᠷ
ᠵᠢᠷᠤᠭ ᠰᠢᠯᠦᠭ ᠦ᠋ᠨ ᠮᠢᠨᠢ ᠨᠠᠪᠴᠢᠨ ᠪᠣᠲᠣᠭ
ᠵᠠᠯᠪᠠᠷᠢᠬᠤ ᠰᠡᠤᠠᠬᠢᠯ ᠦ᠋ᠨ ᠰᠦᠨ ᠰᠠᠴᠤᠯᠢ
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠪᠣᠷᠣᠬ᠋ᠠ
ᠴᠢᠮᠠ ᠶ᠋ᠢ ᠵᠡᠭᠦᠲᠦᠯᠡᠵᠦ ᠤᠲᠠᠭᠠᠨ ᠴᠤ᠌ ᠬᠦᠯᠢᠶᠡᠯᠡ
ᠬᠣᠨᠢᠨ ᠴᠠᠭᠠᠨ ᠡᠭᠦᠯᠡᠰ ᠨᠠᠭᠠᠰᠢᠯᠠᠵᠤ
ᠬᠤᠯᠤᠰᠤᠲᠤ ᠶ᠋ᠢᠨ ᠲᠠᠯᠠ ᠪᠠᠷ ᠵᠥᠭᠡᠯᠡᠨ ᠵᠦᠰᠡᠷᠡᠪᠡ
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠪᠣᠷᠣᠬ᠋ᠠ
ᠵᠤᠯᠵᠠᠬ᠋ᠠ ᠨᠣᠭᠣᠬ᠋ᠠ ᠬᠣᠷᠪᠣᠶ᠋ᠢᠬᠤ ᠶ᠋ᠢ ᠬᠠᠷᠠᠭᠠᠳ
ᠵᠣᠷᠢᠮᠠᠭ ᠭᠠᠭᠴᠠᠬᠠᠨ ᠲᠩᠷᠢ ᠳ᠋ᠡᠭᠡᠨ ᠰᠦᠵᠢᠷᠡᠯᠡ
ᠵᠢᠷᠣᠬᠡ ᠰᠢᠭ᠌ ᠪᠦᠮᠪᠦᠷᠴᠡᠭ ᠢ ᠢᠪᠡᠭᠡᠨ ᠠᠰᠬᠠᠷᠠᠯᠠ
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠪᠣᠷᠣᠬ᠋ᠠ
ᠢᠷᠠᠭᠤ ᠨᠠᠶ᠋ᠢᠷᠠᠭ ᠦ᠋ᠨ ᠤᠶᠠᠩᠭᠠᠲᠤ ᠪᠣᠷᠣᠬ᠋ᠠ
ᠢᠷᠠᠯᠵᠠᠨ ᠳᠡᠯᠭᠡᠷᠡᠬᠦ ᠨᠣᠭᠣᠭᠠᠨ ᠳᠠᠪᠠᠯᠭᠠᠨ
ᠶᠢᠷᠲᠢᠨᠴᠦ ᠠᠷᠢᠭᠤᠰᠬᠤ ᠵᠤᠨ ᠪ ᠦᠵᠡᠰᠬᠦᠯᠡᠩ
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠪᠣᠷᠣᠬ᠋ᠠ
ᠵᠠᠭᠤᠨ ᠵᠠᠭᠤᠨ ᠪ ᠮᠥᠷᠥᠭᠡᠲᠦᠯ ᠦ᠋ᠨ ᠠᠶᠠᠯᠭᠤ
ᠨᠡᠷᠡᠲᠦ ᠶ᠋ᠢ ᠰᠦᠯᠡᠬᠦ ᠥᠨᠢᠳᠡ ᠶ᠋ᠢᠨ ᠴᠠᠭᠠᠨ ᠭᠡᠭᠡ
ᠨᠠᠮᠠ ᠶ᠋ᠢ ᠴᠢᠮᠠ ᠵᠦᠭ ᠬᠥᠲᠥᠯᠬᠦ ᠬᠠᠶ᠋ᠢᠷᠠ ᠶ᠋ᠢᠨ ᠪᠣᠷᠣᠬ᠋ᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠣᠷᠵᠢᠭᠢᠨ᠂ ᠬᠥᠬᠡᠨᠠᠷᠠᠰᠤ
ᠬᠢᠨᠠᠭᠴᠢ᠄ ᠴᠢᠮᠡᠳ ᠪᠠᠶᠠᠬᠠᠭᠤᠯᠠ