ᠡᠮᠡᠭᠲᠡᠢᠴᠦᠳ ᠮᠢᠨᠢ ᠵᠢᠷᠭᠠᠯ ᠲᠠᠢ ᠢᠨᠢᠶᠡᠵᠦ ᠶᠠᠪᠤᠭᠠᠷᠠᠢ – ᠳᠤᠯᠭᠠᠷᠮᠠ Эмэгтэйчүүд минь жаргалтай инээж яваарай – Долгормаа
681ᠡᠮᠡᠭᠲᠡᠢᠴᠦᠳ ᠮᠢᠨᠢ ᠵᠢᠷᠭᠠᠯ ᠲᠠᠢ ᠢᠨᠢᠶᠡᠵᠦ ᠶᠠᠪᠤᠭᠠᠷᠠᠢ
ᠳᠤᠯᠭᠠᠷᠮᠠ
ᠡᠮᠡᠭᠲᠡᠢ ᠬᠥᠮᠦᠨ ᠬᠡᠦᠬᠡᠨ ᠨᠢ ᠪᠣᠯᠵᠤ ᠲᠥᠷᠥᠭᠡᠳ
ᠠᠪᠤ ᠡᠵᠢ ᠪᠡᠨ ᠪᠠᠶᠠᠷᠯᠠᠭᠤᠯᠳᠠᠭ
ᠡᠮᠡᠭᠲᠡᠢ ᠬᠥᠮᠦᠨ ᠭᠡᠷᠭᠡᠢ ᠨᠢ ᠪᠣᠯᠵᠤ ᠣᠴᠢᠭᠠᠳ
ᠡᠷᠡ ᠨᠥᠬᠥᠷ ᠢ᠋ᠶ᠋ᠡᠨ ᠪᠠᠶᠠᠰᠬᠠᠳᠠᠭ
ᠡᠮᠡᠭᠲᠡᠢ ᠬᠥᠮᠦᠨ ᠪᠡᠷᠢ ᠨᠢ ᠪᠣᠯᠵᠤ ᠢᠷᠡᠭᠡᠳ
ᠭᠠᠯ ᠭᠣᠯᠣᠮᠲᠠ ᠪᠠᠨ ᠪᠠᠳᠠᠷᠠᠭᠠᠳᠠᠭ
ᠡᠮᠡᠭᠲᠡᠢ ᠬᠥᠮᠦᠨ ᠡᠵᠢ ᠨᠢ ᠪᠣᠯᠵᠤ ᠲᠥᠷᠥᠭᠡᠳ
ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠨ ᠪᠠᠶᠠᠵᠢᠭᠤᠯᠳᠠᠭ
ᠡᠮᠡᠭᠲᠡᠢ ᠬᠥᠮᠦᠨ ᠡᠯᠢᠭᠡ ᠪᠡᠨ ᠡᠮᠲᠡᠯᠵᠦ᠂
ᠡᠨᠡ ᠪᠡᠶᠡ ᠪᠡᠨ ᠬᠤᠪᠢᠶᠠᠵᠤ
ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠥᠰᠬᠡᠳᠡᠭ
ᠡᠮᠡᠭᠲᠡᠢ ᠬᠥᠮᠦᠨ ᠠᠵᠢᠯ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠠᠲᠠᠭᠤᠵᠢᠵᠤ
ᠠᠢᠯ ᠡᠷᠦᠬᠡ ᠪᠡᠨ ᠪᠣᠰᠬᠠᠳᠠᠭ
ᠡᠮᠡᠭᠲᠡᠢ ᠬᠥᠮᠦᠨ ᠠᠴᠢᠯᠠᠯ ᠬᠠᠢᠷᠠ ᠪᠠᠨ ᠢᠪᠡᠭᠡᠵᠦ
ᠠᠪᠤ ᠡᠵᠢ ᠪᠡᠨ ᠠᠴᠢᠯᠠᠳᠠᠭ
ᠡᠮᠡᠭᠲᠡᠢ ᠬᠥᠮᠦᠨ ᠲᠤᠭᠤᠯ ᠴᠤ᠌ ᠬᠠᠷᠢᠭᠤᠯᠵᠤ᠂
ᠲᠤᠭ ᠴᠤ᠌ ᠠᠳᠬᠤᠵᠤ
ᠲᠥᠷᠥ ᠶ᠋ᠢᠨ ᠲᠥᠯᠥᠭᠡ ᠴᠦ᠍ ᠪᠣᠰᠳᠠᠭ
ᠡᠮᠡᠭᠲᠡᠢ ᠬᠥᠮᠦᠨ ᠭᠡᠷᠡᠯ ᠣᠷᠣᠬᠤ ᠲᠣᠭᠣᠨᠣ ᠲᠠᠢ᠂
ᠭᠡᠢᠴᠢᠨ ᠤᠷᠢᠳᠠᠭ ᠡᠭᠦᠳᠡ ᠲᠡᠢ ᠭᠡᠷ ᠲᠡᠭᠡᠨ
ᠤᠬᠠᠭᠠᠨ ᠤ᠋ ᠭᠦᠨ᠂ ᠠᠭᠠᠰᠢ ᠶ᠋ᠢᠨ ᠰᠠᠢᠬᠠᠨ ᠢ᠋ᠶ᠋ᠠᠷ ᠭᠡᠷᠡᠯᠲᠦᠭᠦᠯᠵᠦ ᠶᠠᠪᠤᠭᠰᠠᠨ
ᠡᠮᠡᠭᠲᠡᠢ ᠬᠥᠮᠦᠨ ᠦᠨᠡᠨ ᠬᠤᠳᠠᠯ ᠨᠢ ᠬᠣᠯᠢᠯᠳᠤᠭᠰᠠᠨ᠂
ᠵᠢᠷᠭᠠᠯ ᠵᠣᠪᠠᠯᠠᠩ ᠠᠯᠠᠭᠯᠠᠭᠰᠠᠨ ᠡᠨᠡ ᠣᠷᠴᠢᠯᠠᠩ ᠳ᠋ᠤ᠌
ᠵᠣᠷᠢᠭ ᠬᠠᠲᠠᠭᠤ ᠢᠲᠡᠭᠡᠯ ᠳᠦᠭᠦᠷᠡᠩ᠂ ᠲᠡᠨᠢᠭᠦᠨ ᠠᠯᠬᠤᠭᠰᠠᠨ
ᠡᠮᠡᠭᠲᠡᠢ ᠬᠥᠮᠦᠨ ᠢ᠋ ᠦᠰᠦ ᠨᠢ ᠤᠷᠲᠤ᠂
ᠤᠬᠠᠭᠠᠨ ᠨᠢ ᠣᠬᠣᠷ ᠭᠡᠵᠦ ᠬᠡᠯᠡᠳᠡᠭ ᠴᠦ᠍
ᠳᠣᠷᠣᠢᠬᠠᠨ ᠲᠥᠷᠥᠭᠰᠡᠨ ᠡᠷᠡᠴᠦᠳ ᠲᠦ᠍ ᠪᠣᠯ
ᠡᠮᠡᠭᠲᠡᠢ ᠬᠥᠮᠦᠨ ᠭᠡᠵᠦ ᠤᠯᠠᠷᠢᠯ ᠤ᠋ᠨ ᠪᠣᠯ ᠬᠠᠪᠤᠷ ᠨᠢ ᠪᠠᠢᠳᠠᠭ᠂
ᠤᠷᠭᠤᠮᠠᠯ ᠤ᠋ᠨ ᠪᠣᠯ ᠴᠡᠴᠡᠭ ᠨᠢ ᠪᠠᠢᠳᠠᠭ
ᠤᠰᠤᠨ ᠤ᠋ ᠪᠣᠯ ᠣᠨᠳᠣᠷᠤᠯᠭᠠ ᠨᠢ ᠪᠠᠢᠳᠠᠭ᠂
ᠠᠭᠤᠯᠠᠨ ᠤ᠋ ᠪᠣᠯ ᠣᠷᠭᠢᠯ ᠨᠢ ᠪᠠᠢᠳᠠᠭ ᠭᠡᠵᠦ ᠬᠠᠷᠢᠭᠤᠯᠤᠭᠠᠷᠠᠢ
ᠡᠮᠡᠭᠲᠡᠢᠴᠦᠳ ᠮᠢᠨᠢ
ᠠᠯᠠᠭ ᠴᠡᠴᠡᠭ ᠢ᠋ ᠢᠴᠢᠭᠡᠮᠡᠷ
ᠭᠣᠶᠣᠯᠠᠵᠤ ᠰᠠᠢᠬᠠᠨ ᠶᠠᠪᠤᠭᠠᠷᠠᠢ
ᠡᠮᠡᠭᠲᠡᠢᠴᠦᠳ ᠮᠢᠨᠢ
ᠪᠦᠷᠬᠦᠭ ᠲᠩᠷᠢ ᠭᠡᠢᠮᠡᠷ
ᠢᠨᠢᠶᠡᠵᠦ ᠵᠢᠷᠭᠠᠵᠤ ᠶᠠᠪᠤᠭᠠᠷᠠᠢ
ᠡᠮᠡᠭᠲᠡᠢᠴᠦᠳ ᠮᠢᠨᠢ
ᠠᠷᠪᠠᠨ ᠲᠠᠪᠤᠨ ᠤ᠋ ᠰᠠᠷᠠ ᠰᠢᠭ᠋
ᠰᠡᠪ ᠦᠭᠡᠢ ᠲᠤᠩᠭᠠᠯᠠᠭ ᠶᠠᠪᠤᠭᠠᠷᠠᠢ
ᠡᠮᠡᠭᠲᠡᠢᠴᠦᠳ ᠮᠢᠨᠢ ᠡᠩᠬᠦᠷᠡᠢᠬᠡᠨ ᠭᠣᠶᠣᠬᠠᠨ ᠳᠦᠷᠢ ᠲᠡᠢ
ᠡᠷᠡᠰ ᠬᠠᠲᠠᠭᠤ ᠵᠣᠷᠢᠭ ᠲᠠᠢ
ᠰᠡᠴᠡᠨ ᠰᠡᠷᠭᠦᠯᠡᠩ ᠤᠬᠠᠭᠠᠨ ᠲᠠᠢ
ᠲᠠᠢᠪᠤᠩ ᠠᠮᠤᠭᠤᠯᠠᠩ ᠵᠢᠷᠭᠠᠵᠤ ᠶᠠᠪᠤᠭᠠᠷᠠᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ᠂ ᠰᠡᠷᠭᠦᠯᠡᠩ
– – – –
① ᠬᠥᠮᠦᠨ ᠵᠥᠭᠡᠭᠡᠬᠦ ᠨᠡᠢᠲᠡ ᠶ᠋ᠢᠨ ᠮᠠᠰᠢᠨ
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃