ᠲᠩᠷᠢ ᠤᠩᠰᠢᠳᠠᠭ ᠮᠣᠩᠭᠣᠯᠴᠤᠳ – ᠰᠡᠴᠡᠨᠪᠢᠯᠢᠭ ᠦ᠋ᠨ ᠡᠷᠲᠡᠨᠢ Тэнгэр уншдаг монголчууд – Цэцэнбилигийн Эрдэнэ
460ᠲᠩᠷᠢ ᠤᠩᠰᠢᠳᠠᠭ ᠮᠣᠩᠭᠣᠯᠴᠤᠳ
ᠰᠡᠴᠡᠨᠪᠢᠯᠢᠭ ᠦ᠋ᠨ ᠡᠷᠲᠡᠨᠢ
ᠮᠠᠨ ᠪ ᠮᠣᠩᠭᠣᠯᠴᠤᠳ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠤᠨ ᠶ᠋ᠢᠠᠨ ᠳᠤᠮᠳᠠ ᠲᠩᠷᠢ ᠶ᠋ᠢ ᠰᠢᠲᠦᠨ᠂ ᠲᠩᠷᠢ ᠶ᠋ᠢ ᠰᠢᠷᠲᠡᠨ ᠠᠵᠢᠬᠯᠠᠵᠤ ᠶᠡᠷᠦ ᠨᠢ ᠲᠩᠷᠢ ᠶ᠋ᠢ ᠤᠩᠰᠢᠵᠤ ᠴᠢᠲᠠᠲᠠᠭ ᠪᠣᠯᠤᠭᠰᠠᠨ ᠶᠤᠮ᠂ ᠡᠭᠦᠨ ᠳ᠋ᠤ᠌ ᠨᠠᠷᠠ ᠰᠠᠷᠠ ᠰᠠᠯᠬᠢᠨ ᠪᠣᠷᠣᠭᠠᠨ ᠡᠭᠦᠯᠡ ᠲᠠᠪᠤᠨ ᠬᠣᠰᠢᠭᠤ ᠮᠠᠯ᠂ ᠠᠮᠢᠲᠠᠨ ᠢ ᠰᠢᠨᠵᠢᠯᠡᠭᠰᠡᠭᠡᠷ ᠪᠠᠶ᠋ᠢᠭᠠᠳ ᠮᠠᠰᠢ ᠠᠷᠪᠢᠨ ᠦᠨᠡᠲᠦ ᠨᠠᠨᠲᠢᠨ ᠲᠤᠷᠰᠢᠯᠬ᠋ᠠ ᠬᠤᠷᠠᠮᠲᠤᠭᠤᠯᠵᠤ᠂ ᠲᠡᠭᠦᠨ ᠶ᠋ᠢᠡᠨ ᠮᠣᠩᠭᠣᠯᠴᠤᠳ ᠮᠠᠨᠢ ᠠᠨᠲᠠᠲᠠᠭ ᠦᠭᠡᠢ ᠪᠢᠯᠡ᠃
ᠢᠩᠬᠢᠭᠡᠳ ᠡᠨᠳᠡ ᠬᠡᠰᠡᠭ ᠪᠤᠰᠠᠭ ᠢ ᠲᠡᠮᠲᠡᠭᠯᠡᠨ ᠬᠤᠪᠢᠶᠠᠯᠴᠠᠰᠤᠭᠠᠢ!
ᠰᠡᠭᠦᠯ ᠲᠡᠢ ᠡᠭᠦᠯᠡ ᠪᠣᠷᠣᠭᠠᠨ ᠦᠭᠡᠢ᠂
ᠭᠡᠵᠢᠭᠡ ᠲᠡᠢ ᠡᠭᠦᠯᠡ ᠮᠦᠨᠲᠦᠷ ᠲᠠᠢ᠃
ᠦᠭᠡ ᠰᠦᠷᠪᠡᠯ ᠬᠡᠷᠡᠭᠦᠯ ᠪᠣᠯᠬᠤ
ᠡᠭᠦᠯᠡ ᠰᠥᠷᠪᠡᠯ ᠪᠣᠷᠣᠭᠠᠨ ᠪᠣᠯᠬᠤ᠃
ᠬᠢᠯᠭᠠᠨᠠ ᠶᠡᠬᠡᠲᠡᠪᠡᠯ ᠵᠤᠤᠠᠯᠠᠨᠠ᠂
ᠬᠠᠯᠢᠷ ᠶᠡᠬᠡᠲᠡᠪᠡᠯ ᠰᠣᠬᠣᠷᠠᠨᠠ᠃
ᠣᠷᠣᠬᠤ ᠲᠩᠷᠢ ᠶ᠋ᠢᠨ ᠣᠷᠣᠢ ᠨᠢ ᠴᠣᠭᠣᠷᠬᠠᠢ᠂
ᠣᠷᠣᠭᠰᠠᠨ ᠪᠤᠤᠷᠠ ᠶ᠋ᠢᠨ ᠰᠢᠯᠢ ᠨᠢ ᠴᠣᠭᠣᠷᠬᠠᠢ᠃
ᠭᠠᠩ ᠬᠥᠯᠥᠷᠡᠴᠦ ᠪᠠᠶ᠋ᠢᠪᠠᠯ ᠪᠣᠷᠣᠭᠠᠨ ᠣᠷᠣᠨᠠ᠃
ᠶᠢᠰᠦ ᠶ᠋ᠢᠨ ᠵᠢᠯᠠᠭᠠᠨ ᠳ᠋ᠤ᠌
ᠢᠷᠭᠡ ᠬᠣᠨᠢᠨ ᠪ ᠦᠰᠦ ᠠᠷᠵᠠᠶ᠋ᠢᠨᠠ᠃
ᠬᠥᠬᠡ ᠮᠠᠨᠠᠨ ᠲᠠᠲᠠᠪᠠᠯ ᠪᠣᠷᠣᠭᠠᠨ ᠣᠷᠣᠬᠤ ᠶ᠋ᠢᠨ ᠲᠡᠮᠲᠡᠭ᠂
ᠬᠥᠢᠲᠡᠨ ᠰᠠᠯᠬᠢ ᠰᠠᠯᠬᠢᠯᠠᠪᠠᠯ ᠬᠢᠷᠠᠭᠤ ᠤᠨᠠᠬᠤ ᠶ᠋ᠢᠨ ᠲᠡᠮᠲᠡᠭ᠃
ᠬᠠᠪᠤᠷ ᠦ᠋ᠨ ᠰᠢᠷᠠ ᠪᠠᠷᠰ ᠡᠲᠦᠷ ᠰᠠᠯᠬᠢᠯᠠᠪᠠᠯ
ᠵᠢᠷᠠ ᠬᠣᠨᠣᠭ ᠦ᠋ᠨ ᠰᠠᠯᠬᠢᠨ ᠲᠠᠢ᠂
ᠵᠤᠨ ᠪ ᠬᠥᠬᠡ ᠬᠤᠯᠤᠭᠠᠨᠠ ᠳ᠋ᠤ᠌ ᠪᠣᠷᠣᠭᠠᠯᠠᠪᠠᠯ
ᠲᠡᠭᠰᠢ ᠭᠠᠵᠠᠷ ᠬᠥᠭᠥᠷᠭᠡ ᠲᠠᠯᠪᠢᠨᠠ᠃
ᠨᠠᠮᠤᠷ ᠰᠢᠷᠠ ᠪᠡᠴᠢᠨ ᠳ᠋ᠤ᠌ ᠪᠣᠷᠣᠭᠠᠯᠠᠪᠠᠯ
ᠬᠦᠢᠲᠡ ᠣᠷᠣᠬᠤ ᠨᠢ ᠡᠷᠲᠡ᠂
ᠡᠪᠦᠯ ᠦ᠋ᠨ ᠴᠠᠭᠠᠨ ᠮᠣᠷᠢᠨ ᠳ᠋ᠤ᠌ ᠲᠩᠷᠢ ᠮᠠᠭᠤᠲᠠᠪᠠᠯ
ᠶᠡᠬᠡ ᠵᠤᠳ ᠲᠠᠢ ᠡᠪᠦᠯ ᠪᠣᠯᠬᠤ᠃
ᠤᠨᠤᠭᠠᠷᠢ ᠶ᠋ᠢᠨ ᠮᠣᠷᠢᠨ ᠳ᠋ᠤ᠌
ᠬᠠᠪᠤᠷ ᠣᠰᠤ ᠬᠣᠣᠷ ᠪᠣᠯᠵᠤ᠂
ᠨᠠᠮᠤᠷ ᠡᠪᠡᠰᠦ ᠬᠣᠣᠷ ᠪᠣᠯᠤᠨᠠ᠃
ᠪᠡᠷᠢ ᠦᠵᠡᠪᠡᠯ ᠥᠷᠯᠥᠭᠡ ᠡᠷᠲᠡ᠂
ᠪᠡᠯᠴᠢᠭᠡᠷ ᠦᠵᠡᠪᠡᠯ ᠦᠳᠡ ᠳᠤᠮᠳᠠ᠃
ᠨᠠᠷᠠᠨ ᠪ ᠬᠦᠷᠢᠶᠡ ᠲᠣᠮᠣ ᠪᠣᠯ ᠶᠡᠬᠡ ᠰᠠᠯᠬᠢᠨ᠂
ᠵᠢᠵᠢᠭ ᠪᠣᠯ ᠪᠣᠷᠣᠭᠠᠨ ᠪᠤᠶᠤ ᠴᠠᠰᠤ ᠣᠷᠣᠨᠠ᠃
ᠨᠠᠷᠠ ᠭᠠᠷᠬᠤ ᠳ᠋ᠤ᠌ ᠬᠣᠶᠠᠷ ᠲᠠᠯᠠ ᠳ᠋ᠤ᠌ ᠨᠢ
ᠰᠣᠯᠣᠩᠬ᠋ᠠ ᠮᠡᠲᠦ ᠬᠠᠷᠠᠭᠲᠠᠪᠠᠯ ᠵᠤᠨ ᠪ ᠴᠠᠭ ᠭᠠᠩᠲᠠᠨᠠ᠂
ᠡᠪᠦᠯ ᠦ᠋ᠨ ᠴᠠᠭ ᠲᠠᠰ ᠬᠦᠢᠲᠡᠷᠡᠨᠡ᠂
ᠡᠭᠦᠨ ᠢ ᠭᠤᠷᠪᠠᠨ ᠨᠠᠷᠠ ᠭᠡᠵᠦ ᠬᠡᠯᠡᠲᠡᠭ᠃
ᠠᠲᠤᠭᠤ ᠬᠠᠮᠠᠷ ᠶ᠋ᠢᠠᠷ ᠶ᠋ᠢᠠᠨ ᠤᠰᠤ ᠲᠠᠲᠠᠪᠠᠯ
ᠠᠶᠤᠩᠭᠠᠲᠤ ᠪᠣᠷᠣᠭᠠᠨ ᠲᠠᠢ᠃
ᠬᠠᠪᠤᠷ ᠦ᠋ᠨ ᠴᠠᠰᠤ ᠶ᠋ᠢ
ᠬᠠᠷᠠ ᠨᠣᠬᠠᠢ ᠬᠥᠭᠡᠭᠡᠬᠡᠳ ᠭᠥᠢᠴᠡᠬᠥ ᠦᠭᠡᠢ᠃
ᠦᠨᠢᠶᠡᠨ ᠰᠦ᠋ ᠲᠠᠲᠠᠭᠤᠷᠠᠪᠠᠯ ᠭᠠᠩ ᠪᠣᠯᠬᠤ᠂
ᠦᠨᠢᠶᠡ ᠲᠤᠭᠤᠯ ᠳ᠋ᠠᠭᠠᠨ ᠬᠤᠷᠭᠤᠲᠠᠪᠠᠯ ᠪᠣᠷᠣᠭᠠᠨ ᠣᠷᠣᠬᠤ᠃
ᠨᠣᠬᠠᠢ ᠠᠯᠢᠶᠠᠯᠠᠭᠠᠳ ᠭᠦᠶᠦᠪᠡᠯ ᠡᠲᠦᠷ ᠬᠦᠢᠲᠡᠷᠡᠨᠡ᠂
ᠨᠣᠬᠠᠢ ᠤᠰᠤᠨ ᠳ᠋ᠤ᠌ ᠤᠮᠪᠠᠪᠠᠯ ᠠᠶᠤᠩᠭᠠᠲᠤ ᠪᠣᠷᠣᠭᠠᠨ ᠣᠷᠣᠬᠤ᠂
ᠬᠠᠬᠢᠷ ᠰᠢᠯᠢ ᠳ᠋ᠤ᠌ ᠮᠡᠯᠡᠬᠡᠢ ᠠᠷᠪᠢᠲᠠᠪᠠᠯ ᠶᠡᠬᠡ ᠪᠣᠷᠣᠭᠠᠨ ᠣᠷᠣᠬᠤ᠂
ᠲᠣᠭᠣᠷᠤᠤ ᠲᠣᠭᠯᠠᠵᠤ ᠪᠥᠵᠢᠭᠯᠡᠪᠡᠯ
ᠲᠤᠨᠤᠲᠠᠰᠤ ᠬᠤᠷᠠ ᠪᠠᠭᠤᠨᠠ᠃
ᠬᠠᠷᠢᠶᠠᠴᠠᠢ ᠳᠣᠣᠭᠤᠷ ᠨᠢᠰᠪᠡᠯ
ᠪᠣᠷᠣᠭᠠᠨ ᠤᠲᠠᠬᠤ ᠦᠭᠡᠢ ᠣᠷᠣᠬᠤ᠂
ᠲᠡᠪᠬᠡᠷᠭᠡ ᠭᠤᠯᠢᠶᠠ ᠴᠠᠷᠴᠠᠬᠠᠢ ᠡᠯᠪᠡᠭᠰᠢᠪᠡᠯ ᠭᠠᠩ ᠪᠣᠯᠬᠤ᠂
ᠬᠤᠯᠤᠭᠠᠨᠠ ᠭᠦᠶᠦᠭᠡ ᠶᠡᠬᠡ ᠴᠤᠭᠯᠠᠭᠤᠯᠪᠠᠯ
ᠶᠡᠬᠡ ᠵᠤᠳ ᠪᠣᠯᠬᠤ᠂
ᠮᠣᠭᠠᠢ ᠵᠠᠮ ᠬᠦᠨᠲᠡᠯᠡᠨ ᠭᠠᠷᠪᠠᠯ
ᠶᠡᠬᠡ ᠪᠣᠷᠣᠭᠠᠨ ᠣᠷᠣᠨᠠ᠃
ᠭᠠᠬᠠᠢ ᠡᠭᠦᠷ ᠵᠦᠭ ᠶ᠋ᠢᠡᠨ ᠡᠪᠡᠰᠦ ᠵᠥᠭᠡᠭᠡᠵᠦ ᠪᠠᠶ᠋ᠢᠪᠠᠯ
ᠲᠩᠷᠢ ᠮᠠᠭᠤᠲᠠᠨᠠ᠃
ᠭᠠᠷᠬᠤ ᠨᠠᠷᠠ ᠤᠯᠠᠶ᠋ᠢᠪᠠᠯ ᠭᠠᠩ ᠪᠣᠯᠬᠤ ᠶ᠋ᠢᠨ ᠲᠡᠮᠲᠡᠭ᠂
ᠭᠠᠷᠤᠨ ᠣᠷᠣᠨ ᠭᠢᠩᠰᠢᠪᠡᠯ ᠭᠠᠮᠰᠢᠭ ᠪᠣᠯᠬᠤ ᠶ᠋ᠢᠨ ᠲᠡᠮᠲᠡᠭ᠃
ᠣᠷᠣᠢ ᠶ᠋ᠢᠨ ᠨᠠᠷᠠ ᠤᠯᠠᠶ᠋ᠢᠪᠠᠯ ᠤᠰᠤ ᠪᠣᠷᠣᠭᠠᠨ ᠪ ᠲᠡᠮᠲᠡᠭ᠂
ᠤᠨᠲᠠᠵᠤ ᠬᠡᠪᠲᠡᠬᠦ ᠳ᠋ᠡᠭᠡᠨ ᠳᠠᠭᠤᠯᠠᠪᠠᠯ ᠤᠷᠰᠢᠭ ᠢᠷᠡᠬᠦ ᠶ᠋ᠢᠨ ᠲᠡᠮᠲᠡᠭ᠃
ᠰᠤᠷᠠᠭ ᠲᠠᠯᠪᠢᠪᠠᠯ ᠮᠠᠯ ᠣᠯᠲᠠᠨᠠ᠂
ᠰᠣᠯᠣᠩᠬ᠋ᠠ ᠲᠠᠲᠠᠪᠠᠯ ᠪᠣᠷᠣᠭᠠᠨ ᠵᠣᠭᠰᠣᠨᠠ᠃
ᠬᠠᠪᠤᠷ ᠴᠠᠭ ᠤᠭᠤᠯᠢ ᠰᠢᠪᠠᠭᠤ ᠭᠦᠦᠭᠡᠶ᠋ᠢᠯᠡᠨ ᠳᠤᠤᠭᠠᠷᠪᠠᠯ
ᠴᠠᠭ ᠠᠭᠤᠷ ᠵᠣᠬᠢᠷᠠᠮᠵᠢ ᠲᠠᠢ ᠪᠣᠯᠬᠤ᠂
ᠮᠤᠤᠷ ᠨᠢᠭᠤᠷ ᠶ᠋ᠢᠠᠨ ᠤᠭᠢᠶᠠᠭᠠᠳ ᠪᠠᠶ᠋ᠢᠪᠠᠯ ᠲᠤᠩᠭᠠᠯᠠᠭ ᠡᠲᠦᠷ ᠪᠣᠯᠤᠨᠠ᠂
ᠰᠢᠨᠡ ᠶ᠋ᠢᠨ ᠨᠢᠭᠡᠨ ᠳ᠋ᠤ᠌ ᠲᠩᠷᠢ ᠮᠠᠭᠤᠬᠠᠶ᠋ᠢᠷᠠᠪᠠᠯ
ᠳᠡᠭᠡᠷᠡ ᠬᠠᠭᠠᠰ ᠰᠠᠷᠠ ᠮᠠᠭᠤᠬᠠᠶ᠋ᠢᠷᠠᠨᠠ᠃
ᠠᠷᠪᠠᠨ ᠲᠠᠪᠤᠨ ᠳ᠋ᠤ᠌ ᠮᠠᠭᠤᠬᠠᠶ᠋ᠢᠷᠠᠪᠠᠯ
ᠳᠣᠣᠷᠠ ᠬᠠᠭᠠᠰ ᠰᠠᠷᠠ ᠮᠠᠭᠤᠬᠠᠶ᠋ᠢᠷᠠᠨᠠ᠃
ᠬᠠᠪᠤᠷ ᠦ᠋ᠨ ᠭᠤᠷᠪᠠᠨ ᠰᠠᠷᠠ ᠳ᠋ᠤ᠌
ᠬᠠᠭᠠᠨ ᠪ ᠬᠠᠲᠤᠨ ᠪ ᠪᠠᠭᠤᠤ ᠰᠤᠯᠠᠷᠠᠨᠠ᠂
ᠬᠠᠷᠢᠶᠠᠴᠠᠢ ᠭᠡᠷ ᠦ᠋ᠨ ᠨᠢᠷᠤᠭᠤᠨ ᠳ᠋ᠤ᠌ ᠡᠭᠦᠷ ᠵᠠᠰᠠᠪᠠᠯ
ᠲᠡᠷᠡ ᠠᠶ᠋ᠢᠯ ᠳ᠋ᠤ᠌ ᠨᠢᠭᠡ ᠵᠢᠯ ᠡᠪᠡᠤᠠᠴᠢᠨ ᠲᠤᠰᠬᠤ ᠦᠭᠡᠢ᠃
ᠲᠣᠭᠤᠨᠤᠨ ᠳᠡᠭᠡᠭᠦᠷ ᠰᠢᠪᠠᠭᠤᠨ ᠰᠡᠭᠦᠲᠡᠷ ᠭᠡᠷ ᠲᠤ ᠲᠤᠰᠪᠠᠯ᠂
ᠲᠡᠷᠡ ᠠᠶ᠋ᠢᠯ ᠳ᠋ᠤ᠌ ᠭᠡᠶ᠋ᠢᠴᠢᠨ ᠢᠷᠡᠨᠡ᠃
ᠵᠤᠳ ᠦ᠋ᠨ ᠮᠠᠯ ᠢ ᠤᠷᠤᠭᠤ ᠡᠷᠢ!
ᠵᠤᠨ ᠪ ᠮᠠᠯ ᠢ ᠥᠭᠡᠳᠡ ᠡᠷᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠣᠤᠠᠨᠠᠮᠲᠣᠷᠵᠢ ᠶ᠋ᠢᠨ ᠪᠠᠶᠠᠠᠠᠭᠤᠯᠠ
ᠦᠰᠦᠭ ᠬᠢᠨᠠᠭᠴᠢ᠄ ᠣᠤᠠᠬᠠᠨᠰᠸ᠋ᠠ