ᠬᠤᠳᠳᠤᠭ ᠤᠨ ᠮᠡᠯᠡᠬᠡᠢ – ᠯ᠂ ᠪᠠᠳᠠᠷᠴᠢ Худгийн мэлхий – Л ᠂ Бадарч
284ᠬᠤᠳᠳᠤᠭ ᠤᠨ ᠮᠡᠯᠡᠬᠡᠢ
ᠭᠦᠨ ᠶᠡᠬᠡ ᠳᠠᠯᠠᠢ ᠶ᠋ᠢᠨ ᠲᠡᠷᠲᠡᠭᠡ
ᠲᠣᠩ ᠪᠠᠬ᠋ᠠ ᠠᠷᠠᠯ ᠣᠷᠣᠰᠢᠵᠠᠢ᠃
ᠲᠡᠷᠡ ᠪᠢᠴᠢᠬᠠᠨ ᠠᠷᠠᠯ ᠦ᠋ᠨ ᠳᠤᠮᠳᠠ
ᠴᠣᠷ ᠭᠠᠭᠴᠠᠬᠠᠨ ᠬᠤᠤᠠᠲᠤᠭ ᠪᠠᠶ᠋ᠢᠪᠠ᠃
ᠡᠨᠡ ᠬᠤᠤᠠᠲᠤᠭ ᠦ᠋ᠨ ᠤᠰᠤ ᠦᠮᠡᠬᠡᠢ
ᠡᠵᠡᠨ ᠨᠢ ᠬᠣᠣᠷᠲᠤ ᠬᠠᠷᠠ ᠮᠡᠯᠡᠬᠡᠢ
ᠬᠣᠣᠰ ᠦᠭᠡᠢ ᠬᠡᠷᠴᠡᠭᠡᠢ ᠰᠢᠨᠤᠬᠠᠢ
ᠪᠠᠯᠠᠢ ᠲᠡᠨᠡᠭ ᠠᠶᠤᠮᠠᠬᠠᠢ
ᠪᠠᠷᠲᠠᠮ ᠨᠡᠷᠡᠯᠬᠡᠦ ᠪᠤᠭᠤᠯᠬᠠᠢ
ᠰᠢᠯᠦᠬᠡᠢ ᠮᠡᠯᠡᠬᠡᠢ ᠪᠠᠷᠬᠢᠷᠠᠵᠤ
ᠰᠢᠯᠦᠭ ᠬᠣᠯᠪᠣᠨ ᠳᠠᠭᠤᠯᠠᠭᠰᠠᠨ ᠨᠢ
ᠨᠠᠳᠠ ᠡᠴᠡ ᠮᠤᠨᠲᠠᠭ ᠠᠮᠢᠲᠠᠨ
ᠨᠠᠷᠠ ᠲᠠᠢ ᠬᠣᠷᠸ᠋ᠠ ᠳ᠋ᠤ᠌ ᠪᠠᠶ᠋ᠢᠬᠤ ᠦᠭᠡᠢ
ᠮᠢᠨᠦ ᠬᠤᠤᠠᠲᠤᠭ ᠡᠴᠡ ᠲᠣᠮᠣ ᠶᠠᠭᠤᠮᠠ
ᠬᠥᠮᠦᠨ ᠪ ᠳᠡᠯᠡᠬᠡᠢ ᠳ᠋ᠤ᠌ ᠪᠠᠶ᠋ᠢᠬᠤ ᠦᠭᠡᠢ
ᠠᠭᠤᠤ ᠴᠤ᠌ ᠮᠡᠯᠡᠬᠡᠢ ᠳ᠋ᠡ ᠬᠦ᠋
ᠮᠡᠯᠡᠬᠡᠢ ᠬᠤᠤᠠᠲᠤᠭ ᠬᠣᠶᠠᠷ
ᠳᠡᠯᠡᠬᠡᠢ ᠳ᠋ᠤ᠌ ᠬᠣᠣᠰ ᠦᠭᠡᠢ ᠬᠣᠶᠠᠷ
ᠭᠠᠶ᠋ᠢᠬᠠᠯ ᠪᠢᠳᠡ ᠬᠣᠶᠠᠷ ᠢ
ᠭᠠᠵᠠᠷ ᠳᠡᠯᠡᠬᠡᠢ ᠳᠠᠭᠠᠭᠠᠯ ᠦᠭᠡᠢ
ᠬᠡᠲᠡᠷᠭᠦ ᠪᠢᠲᠡᠭᠡᠢ ᠤᠨᠠᠭᠠᠰᠠᠢ!
ᠭᠡᠨᠡᠤᠠᠲᠡ ᠪᠤᠤ ᠴᠥᠮᠥᠷᠡᠭᠡᠰᠠᠢ!
ᠭᠠᠭᠴᠠ ᠯᠠ ᠠᠶᠤᠬᠤ ᠶᠠᠭᠤᠮᠠ ᠲᠡᠷᠡ
ᠭᠠᠵᠠᠷ ᠯᠠ ᠪᠤᠤ ᠴᠥᠮᠥᠷᠡ ᠭᠡᠨᠡ᠃
ᠮᠡᠯᠡᠬᠡᠢ ᠴᠢᠯᠡᠲᠡᠯᠡ ᠪᠡᠨ ᠳᠠᠭᠤᠯᠠᠭᠠᠳ
ᠦᠮᠡᠬᠡᠢ ᠬᠤᠤᠠᠲᠤᠭ ᠲᠠᠭᠠᠨ ᠴᠡᠴᠡᠷᠡᠭᠡᠳ
ᠴᠥᠮᠥᠷᠡᠬᠦ ᠪᠤᠢ ᠭᠡᠵᠦ ᠠᠶᠤᠭᠠᠳ
ᠴᠦᠭᠴᠤᠶ᠋ᠢᠵᠤ ᠰᠠᠭᠤᠲᠠᠯᠠ ᠭᠡᠨᠡᠤᠠᠲᠡ
《 ᠠᠪᠤᠷᠭᠤ 》ᠬᠤᠤᠠᠲᠤᠭ ᠦ᠋ᠨ ᠬᠢᠨᠢ ᠠᠮᠠᠰᠠᠷ ᠲᠤ
ᠠᠶ᠋ᠢᠯᠴᠢᠨ ᠲᠠᠭᠲᠠᠬ᠋ᠠ ᠢᠷᠡᠵᠡᠢ᠃
ᠲᠠᠭᠲᠠᠬ᠋ᠠ ᠶ᠋ᠢ ᠮᠡᠯᠡᠬᠡᠢ ᠥᠵᠡᠭᠡᠳ
ᠳᠠᠬ᠋ᠠ ᠦᠭᠡᠢ ᠢᠷᠪᠠᠶ᠋ᠢᠵᠤ ᠰᠢᠷᠪᠢᠭᠡᠳ
ᠠᠯᠠᠭᠠᠨ ᠤ ᠴᠢᠨᠡᠭᠡᠨ ᠠᠮᠢᠲᠠᠨ
ᠠᠯᠢ ᠭᠠᠵᠠᠷ ᠡᠴᠡ ᠢᠷᠡᠪᠡ?
ᠠᠪᠤᠷᠭᠤ ᠶᠡᠬᠡ ᠨᠠᠳᠠ ᠡᠴᠡ
ᠠᠶᠤᠬᠤ ᠦᠭᠡᠢ ᠪᠠᠶ᠋ᠢᠨᠠ ᠤᠤ ᠭᠡᠪᠡ᠃
ᠲᠠᠭᠲᠠᠬ᠋ᠠ ᠰᠢᠪᠠᠭᠤ ᠢᠨᠢᠶᠡᠵᠦ
ᠲᠠᠶ᠋ᠢᠪᠣᠩ ᠳᠠᠷᠤᠤ ᠬᠡᠯᠡᠭᠰᠡᠨ ᠨᠢ᠄
ᠲᠠᠨ ᠪ ᠪᠡᠶᠡ ᠯᠠᠭᠱᠠᠨ
ᠲᠠᠶ᠋ᠢᠪᠤᠩ ᠠᠮᠤᠷ ᠪᠠᠶ᠋ᠢᠨᠠ ᠤᠤ?
ᠡᠩ ᠦ᠋ᠨ ᠳᠠᠯᠠᠢ ᠡᠴᠡ ᠪᠢ
ᠡᠨᠳᠡ ᠬᠦᠷᠴᠦ ᠢᠷᠡᠯᠡ ᠭᠡᠪᠡ᠃
ᠮᠡᠯᠡᠬᠡᠢ ᠱᠠᠯ ᠱᠠᠯ ᠴᠡᠴᠡᠷᠡᠵᠦ
ᠮᠡᠭᠲᠡᠵᠦ ᠫᠠᠯ ᠫᠠᠯ ᠳᠤᠤᠭᠠᠷᠴᠤ
ᠡᠩ ᠦ᠋ᠨ ᠲᠡᠷᠡ ᠳᠠᠯᠠᠢ ᠴᠢᠨᠢ
ᠡᠨᠡ ᠮᠢᠨᠦ ᠬᠤᠤᠠᠲᠤᠭ ᠦ᠋ᠨ
ᠳᠥᠷᠪᠡᠨ ᠪ ᠨᠢᠭᠡ ᠬᠤᠪᠢ ᠳ᠋ᠤ᠌
ᠳᠥᠩᠭᠡᠭᠡᠳ ᠬᠦᠷᠴᠦ ᠴᠢᠲᠠᠬᠤ ᠦᠦ
ᠲᠠ ᠲᠡᠨᠡᠭ ᠪᠠᠶ᠋ᠢᠨᠠ ᠭᠡᠵᠦ
ᠲᠠᠭᠲᠠᠬ᠋ᠠ ᠰᠢᠪᠠᠭᠤ ᠬᠡᠯᠡᠪᠡ᠃
ᠬᠣᠶᠠᠷ ᠦ᠋ᠨ ᠨᠢᠭᠡ ᠳ᠋ᠤ᠌ ᠬᠥᠷᠬᠥ ᠤᠤ ᠭᠡᠵᠦ
ᠬᠣᠪᠲᠣᠭ ᠮᠡᠯᠡᠬᠡᠢ ᠠᠰᠠᠭᠤᠪᠠ᠃
ᠬᠡᠬᠦᠷᠵᠡᠬᠡᠨᠠ ᠰᠢᠪᠠᠭᠤ ᠮᠥᠰᠢᠶᠡᠵᠦ
ᠬᠦᠷᠦᠨᠡ ᠭᠡᠵᠦ ᠬᠡᠯᠡᠪᠡ᠃
ᠪᠠᠷᠲᠠᠮ ᠮᠡᠯᠡᠬᠡᠢ ᠭᠠᠶ᠋ᠢᠬᠠᠵᠤ
ᠪᠠᠰᠠ ᠲᠠᠬᠢᠨ ᠠᠰᠠᠭᠤᠭᠰᠠᠨ ᠨᠢ᠄
ᠳᠥᠷᠪᠡᠨ ᠤ ᠨᠢᠭᠡ ᠬᠤᠪᠢ ᠳ᠋ᠤ᠌
ᠳᠥᠩᠭᠡᠭᠡᠳ ᠬᠦᠷᠴᠦ ᠴᠢᠲᠠᠬᠤ ᠦᠦ
ᠡᠭᠦᠨ ᠡᠴᠡ ᠴᠢᠨᠢ ᠪᠦᠷ ᠶᠡᠬᠡ
ᠦᠨᠡᠨᠴᠢ ᠲᠠᠭᠲᠠᠬ᠋ᠠ ᠬᠡᠯᠡᠪᠡ᠃
ᠲᠡᠨᠡᠭ ᠮᠡᠯᠡᠬᠡᠢ ᠬᠣᠷᠣᠰᠴᠤ
ᠲᠡᠰᠭᠡᠯ ᠦᠭᠡᠢ ᠶᠡᠬᠡ ᠠᠭᠤᠷᠯᠠᠵᠤ
ᠲᠡᠭᠡᠪᠡᠯ ᠪᠦᠬᠦ ᠬᠤᠤᠠᠲᠤᠭ ᠲᠠᠢ ᠮᠢᠨᠢ
ᠲᠡᠷᠡ ᠳᠠᠯᠠᠢ ᠲᠡᠩᠴᠡᠬᠦ ᠦᠦ ᠭᠡᠪᠡ᠃
ᠲᠠᠭᠲᠠᠬ᠋ᠠ ᠰᠢᠪᠠᠭᠤ ᠢᠨᠢᠶᠡᠵᠦ
ᠲᠠᠶ᠋ᠢᠪᠤᠩ ᠶ᠋ᠢᠠᠷ ᠲᠡᠭᠦᠨ ᠳ᠋ᠤ᠌ ᠬᠡᠯᠡᠭᠰᠡᠨ ᠨᠢ
ᠡᠩᠬᠡ ᠶ᠋ᠢᠨ ᠥᠷᠭᠡᠨ ᠳᠠᠯᠠᠢ ᠶ᠋ᠢ
ᠡᠨᠡ ᠬᠤᠤᠠᠲᠤᠭ ᠲᠠᠢ ᠵᠦᠢᠷᠯᠡᠰᠢ ᠦᠭᠡᠢ
ᠲᠡᠷᠡ ᠳᠠᠯᠠᠢ ᠰᠢᠭ᠋ ᠶᠡᠬᠡ ᠶᠠᠭᠤᠮᠠ
ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠪᠠᠶ᠋ᠢᠬᠤ ᠦᠭᠡᠢ
ᠰᠢᠯᠦᠬᠡᠢ ᠮᠡᠯᠡᠬᠡᠢ ᠬᠣᠷᠣᠰᠴᠤ
ᠰᠢᠳᠦ ᠦᠭᠡᠢ ᠠᠮᠠ ᠪᠠᠨ ᠠᠩᠭᠠᠶ᠋ᠢᠵᠤ
ᠱᠠᠯ ᠬᠤᠳᠠᠯ ᠱᠠᠯ ᠬᠤᠳᠠᠯ ᠭᠡᠵᠦ
ᠱᠠᠯ ᠱᠠᠯ ᠴᠡᠴᠡᠷᠡᠵᠦ ᠠᠭᠤᠷᠯᠠᠪᠠ᠃
ᠰᠢᠨᠡ ᠳᠠᠶ᠋ᠢᠨ ᠪ ᠡᠰᠡᠷᠭᠦ
ᠡᠩᠬᠡ ᠲᠠᠶ᠋ᠢᠪᠤᠩ ᠦ᠋ᠨ ᠬᠦᠴᠦ ᠨᠢ
ᠰᠢᠷᠭᠢᠭᠰᠡᠨ ᠬᠤᠤᠠᠲᠤᠭ ᠦ᠋ᠨ ᠳᠡᠷᠭᠡᠳᠡ
ᠳᠠᠯᠠᠢ ᠶ᠋ᠢᠨ ᠤᠰᠤ ᠰᠢᠭ᠋ ᠶᠡᠬᠡ ᠶᠤᠮ
ᠠᠰᠤᠷᠤ ᠶᠡᠬᠡ ᠡᠨᠡ ᠬᠦᠴᠦ ᠶ᠋ᠢ
ᠠᠩᠵᠢᠶᠠᠷᠠᠳᠠᠭ ᠦᠭᠡᠢ ᠳᠠᠶ᠋ᠢᠨᠴᠢᠳ
ᠦᠮᠡᠬᠡᠢ ᠬᠤᠤᠠᠲᠤᠭ ᠦ᠋ᠨ ᠮᠡᠯᠡᠬᠡᠢ ᠡᠴᠡ
ᠥᠭᠡᠷᠡ ᠴᠤ᠌ ᠶᠠᠭᠤ ᠪᠠᠶ᠋ᠢᠬᠤ ᠪᠤᠢ ᠳ᠋ᠠ?
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ
2023 ᠣᠨ ᠪ 7 ᠰᠠᠷᠠ ᠶ᠋ᠢᠨ 5 ᠤ ᠡᠳᠦᠷ