ᠪᠠᠶᠠᠷ ᠤᠨ ᠣᠩᠭᠣᠳ – ᠴ ᠂ ᠠᠯᠠᠭᠰᠠᠢ Баярын онгод – Ч ᠂ Алагсай
279ᠪᠠᠶᠠᠷ ᠤᠨ ᠣᠩᠭᠣᠳ
( ᠱᠤᠭ ᠥᠭᠦᠯᠡᠯᠭᠡ )
- ᠪᠠᠶ᠋ᠢᠨᠠ ᠤᠤ ?
- ᠪᠠᠶ᠋ᠢᠨᠠ ᠬᠡᠨ ᠪᠤᠢ ?
- ᠴᠢ ᠪᠦᠷ ᠲᠠᠨᠢᠬᠤ ᠪᠠᠨ ᠪᠠᠶ᠋ᠢᠴᠢᠬᠠ ᠤᠤ ?
- ᠥ ᠠᠭᠤᠴᠢᠯᠠᠭᠠᠷᠠᠢ
- ᠵᠠ ᠶᠠᠮᠠᠷ ᠰᠤᠨᠢᠨ ᠲᠠᠢ ?
- ᠠᠵᠢᠯ ᠳᠠᠭᠠᠨ ᠢᠷᠡᠴᠢᠬᠡᠬᠡᠳ ᠯᠠ ᠰᠠᠭᠤᠵᠤ ᠪᠠᠶ᠋ᠢᠨᠠ᠂ ᠳᠠᠶ᠋ᠢᠯᠤᠨ ᠮᠠᠶ᠋ᠢᠯᠤᠨ ᠬᠤᠷᠠᠯ ᠮᠤᠷᠠᠯ ᠭᠡᠳ ᠭᠠᠭᠴᠠ ᠥᠭᠡ ᠰᠤᠯᠢᠬᠤ ᠵᠠᠪ ᠤᠯᠳᠠᠬᠤ ᠥᠭᠡᠢ ᠶᠤᠮ᠃
- ᠲᠡᠶ᠋ᠢᠮᠦ ᠠ᠋᠂ ᠨᠠᠶ᠋ᠢᠵᠠ ᠨᠢ ᠴᠤ᠌ ᠭᠡᠰᠡᠨ ᠮᠦᠨ ᠲᠡᠷᠡ᠂ ᠠᠵᠢᠯ ᠳᠤ ᠲᠠᠷᠤᠭᠠᠰᠤ ᠲᠠᠢ ᠯᠠ ᠨᠢᠭᠡ ᠶᠠᠭᠤᠮᠠ ᠪᠠᠶ᠋ᠢᠬᠤ᠂ ᠳᠤᠪᠴᠢ ᠪᠠᠨ ᠴᠤ᠌ ᠲᠤᠷᠭᠤᠬᠤ ᠵᠠᠪ ᠠᠯᠠᠭᠠ᠃
- ᠠᠷᠭᠠ ᠥᠭᠡᠢ ᠡ ! ᠵᠠ ᠲᠡᠭᠡᠭᠡᠳ ᠰᠤᠨᠢᠨ ᠶᠡᠬᠡᠳᠡᠢ ᠪᠢᠵᠡ !
- ᠰᠤᠨᠢᠨ ᠠᠴᠠ ᠰᠤᠶᠤᠭᠠ ᠰᠠᠶᠢ ᠢᠷᠡᠭᠡᠳ ᠁
- ᠲᠡᠭᠡᠪᠡᠯ ᠲᠠ ᠬᠤᠶᠠᠷ ᠶᠡᠭᠡ ᠬᠦᠭᠵᠢᠯᠳᠡᠢ ᠪᠠᠶ᠋ᠢᠭᠠ ᠶᠤᠮ ᠰᠢᠭ᠋ ᠪᠤᠢ !
- ᠵᠠ ᠶᠠᠷᠰᠢᠭ ᠳ᠋ᠠ ᠂ ᠬᠢ ᠬᠢ ᠬᠢ !
- ᠬᠥᠱ᠌ᠢ᠂ ᠤᠭ᠌ᠶᠤ ᠨᠠᠶ᠋ᠢᠵᠠ ᠠ᠋᠂ ᠰᠤᠶᠤᠭᠠ ᠴᠢᠮᠠ ᠳᠤ ᠮᠡᠨᠳᠦ ᠬᠦᠷᠭᠡᠵᠤ ᠪᠠᠶ᠋ᠢᠨᠠ᠃
- ᠪᠠᠶᠠᠷᠯᠠᠯᠠ᠂ ᠲᠠ ᠬᠤᠶᠠᠷ ᠢ ᠪᠡᠨ ᠦᠨᠦᠰᠦᠶᠡ᠂ ᠰᠤᠨᠢᠨ ᠶᠠᠭᠤᠮᠠ ᠶᠠᠷᠢ ᠯᠠ ᠳ᠋ᠠ᠂ ᠪᠠᠶᠠᠷ ᠢᠶ᠋ᠠᠷ ᠶᠠᠭᠠᠬᠢᠬᠤ ᠭᠡᠵᠤ ᠪᠠᠶ᠋ᠢᠨᠠ?
- ᠪᠠᠶᠠᠷ ᠢᠶ᠋ᠠᠷ ᠤᠤ? ᠶᠠᠭᠠᠭᠢᠳᠠᠭ ᠪᠢᠯᠠ ᠳ᠋ᠠ ᠂ ᠲᠡᠶ᠋ᠢᠮᠥ ᠬᠦ᠋᠃
- ᠴᠢᠮᠠ ᠳᠤ ᠴᠤ᠌ ᠪᠠᠰᠠ ᠬᠡᠯᠡᠪᠡᠯ ᠶᠠᠭᠤᠮᠠ ᠪᠤᠢ ᠰᠢᠤ ᠬᠦ᠋᠃
- ᠶᠠᠭᠠᠭᠢᠯᠠ ᠭᠡᠵᠤ ᠳ᠋ᠠ ᠨᠠᠶ᠋ᠢᠵᠠ ᠮᠢᠨᠢ ᠲᠤᠭᠯᠠᠵᠤ ᠪᠠᠶ᠋ᠢᠨᠠ ᠃
- ᠪᠠᠶᠠᠷ ᠢᠶ᠋ᠠᠷ ᠶᠤᠰᠤᠳᠠᠢ ᠭᠤᠶᠤ ᠨᠡᠶ᠋ᠢᠯᠡᠨᠡ ᠰᠢᠤ᠃
- ᠢᠱᠢ᠂ ᠲᠡᠭᠡᠯᠭᠦᠢ ᠶᠠᠭᠠᠭᠢᠬᠤᠪ
- ᠡᠷᠲᠡ ᠳᠦ ᠮᠦᠨ ᠰᠠᠶᠢᠬᠠᠨ ᠨᠡᠶ᠋ᠢᠯᠡᠭᠰᠡᠨ ᠰᠢᠤ ᠳ᠋ᠸ!
- ᠬᠡᠯᠡᠭᠡᠳ ᠶᠠᠭᠠᠬᠢᠬᠤᠪ
- ᠶᠠᠭ ᠯᠠ ᠲᠡᠷᠡ ᠰᠢᠭ᠌ ᠢᠶ᠋ᠠᠨ ᠰᠢᠤ!
- ᠤᠳᠤ ᠠᠴᠠ ᠪᠡᠯᠡᠳᠬᠡᠬᠦ ᠥᠭᠡᠢ ᠪᠤᠯ ᠣᠷᠣᠶ᠋ᠢᠳᠠᠨᠠ᠃
- ᠲᠡᠭᠡᠭᠡᠳ ᠶᠠᠭᠠᠬᠢᠬᠤ ᠭᠡᠵᠤ
- ᠰᠠᠨᠠᠭᠠ ᠨᠡᠶ᠋ᠢᠯᠡᠪᠡᠯ ᠰᠠᠷᠠ ᠶᠢᠨ ᠴᠠᠯᠢᠩ ᠴᠤ᠌ ᠶᠠᠭᠠᠬᠢᠳᠠᠭ ᠶᠤᠮ ᠪᠤᠢ?
- ᠰᠤᠶᠤᠭᠠ ᠴᠢ ᠮᠦᠩᠬᠦ ᠬᠤᠷᠢᠶᠠᠭᠠᠷᠠᠢ!
- ᠲᠡᠷᠡ ᠪᠡᠯᠡᠨ᠂ ᠬᠠᠷᠢᠨ ᠴᠢ ᠁ ᠵᠠ ᠳᠠᠷᠠᠭᠠ ᠬᠡᠯᠡᠶᠡ᠃
- ᠲᠡᠷᠡ ᠴᠢᠨᠢ ᠵᠢᠭᠠᠬᠠᠨ ᠠᠪᠤᠭᠤᠷᠢ ᠲᠠᠢ ᠬᠡᠷᠡᠭ ᠪᠠᠶ᠋ᠢᠨᠠ ᠳ᠋ᠠ
- ᠴᠢᠮᠠ ᠳᠤ ᠨᠠᠶ᠋ᠢᠳᠠᠯᠠ ᠰᠢᠤ !
- ᠵᠠ ᠶᠠᠷᠰᠢᠭ ᠳ᠋ᠠ᠃
- ᠬᠥᠱ᠌ᠢ᠂ ᠭᠤᠷᠪᠠᠭᠤᠯᠠ ᠪᠠᠨ ᠡᠷᠢᠶᠡᠨ ᠳᠠᠩ ᠳᠡᠪᠡᠯ ᠡᠮᠦᠰᠦᠨᠡ ᠰᠢᠤ!
- ᠶᠠᠭᠤ ᠪᠠᠷ ᠬᠢᠬᠦ ᠪᠤᠢ?
- ᠪᠢ ᠰᠠ ᠲᠠᠢ ᠲᠤᠷᠭᠠ ᠨᠠᠶ᠋ᠢᠵᠠ ᠳᠠᠭᠠᠨ ᠵᠠᠬᠢᠴᠢᠬᠠᠭᠰᠠᠨ᠃
- ᠭᠤᠶᠤ ᠶᠤᠮ ᠤᠤ?
- ᠶᠤᠰᠤᠲᠠᠢ ᠭᠤᠶᠤ ᠂ ᠮᠤᠳᠤ ᠤᠷᠢᠶᠠᠭᠰᠠᠨ ᠮᠤᠭᠠᠢ ᠶᠢᠨ ᠵᠢᠷᠤᠭ ᠲᠠᠢ ᠶᠠᠭᠤᠮᠠ ᠪᠠᠶ᠋ᠢᠨᠠ ᠪᠢᠯᠡ᠃
- ᠠᠮᠢᠲᠠᠨ ᠮᠤᠭᠠᠢ ᠰᠢᠭ᠋ ᠬᠡᠬᠦ ᠪᠤᠯᠪᠠ ᠤᠤ?
- ᠦᠪᠡᠷ ᠲᠤᠨᠢ ᠤᠯᠳᠠᠬᠤ ᠥᠬᠡᠢ ᠪᠤᠯᠬᠤᠷ ᠠᠲᠠᠭᠠᠷᠬᠠᠭᠰᠠᠨ ᠶᠠᠭᠤᠮᠠ ᠨᠤᠭᠤᠳ ᠯᠠ ᠲᠡᠭᠡᠨᠡ ᠪᠠᠶ᠋ᠢᠬᠠ᠃
- ᠶᠤᠰᠤᠲᠠᠢ ᠰᠤᠨᠢᠨ ᠪᠠᠶ᠋ᠢᠬᠤ ᠥᠭᠡᠢ ᠤᠤ᠂ ᠦᠭᠡᠷᠡ ᠲᠡᠶ᠋ᠢᠮᠦ ᠬᠤᠪᠴᠠᠰᠤ ᠲᠠᠢ ᠭᠡᠤᠭᠡᠨ ᠨᠣᠭᠥᠳ ᠶᠠᠭᠠᠬᠢᠭᠰᠠᠨ ᠴᠤ᠌ ᠪᠠᠶ᠋ᠢᠬᠤ ᠥᠬᠡᠢ᠃
- ᠨᠡᠭᠡᠷᠡᠨ ᠰᠤᠨᠢᠨ ᠴᠤ᠌᠂ ᠰᠤᠳᠤᠨ ᠴᠤ᠌ ᠪᠠᠶ᠋ᠢᠨᠠ ᠪᠠᠶ᠋ᠢᠬᠤ ᠰᠢᠤ!
- ᠲᠡᠶ᠋ᠢᠮᠥ ᠡ ᠲᠡᠶ᠋ᠢᠮᠦ !
- ᠵᠠ ᠲᠡᠭᠡᠭᠡᠳ ᠰᠤᠨᠢᠨ ᠶᠠᠭᠤᠮᠠ ᠶᠠᠷᠢ ᠯᠠ ᠳ᠋ᠠ !
- ᠨᠠᠶ᠋ᠢᠵᠠ ᠨᠢ ᠨᠢᠭᠡ ᠪᠤᠯᠠᠭᠠᠨ ᠮᠠᠯᠠᠭᠠᠢ ᠠᠪᠤᠭᠰᠠᠨ᠃
- ᠬᠥᠱ᠌ᠢ ᠬᠡᠵᠢᠶᠡ ᠲᠡᠷᠡ ᠪᠤᠢ?
- ᠦᠴᠦᠭᠡᠳᠥᠷ
- ᠬᠡᠨ ᠡᠴᠡ?
- ᠨᠠᠶ᠋ᠢᠵᠠ ᠡᠴᠡ ᠪᠡᠨ
- ᠬᠡᠳᠦ ᠪᠡᠷ ᠲᠡᠷᠡ ᠪᠤᠢ?
- ᠬᠢᠮᠳᠡ ᠠᠪᠤᠭᠰᠠᠨ
- ᠨᠠᠳᠠ ᠳᠤ ᠠᠪᠤᠪᠠ ᠤᠤ ᠴᠢ?
- ᠭᠠᠭᠴᠠᠬᠠᠨ ᠪᠠᠶ᠋ᠢᠭᠰᠠᠨ ᠶᠤᠮ
- ᠶᠠᠭᠠᠭᠢᠭᠰᠠᠨ ᠮᠠᠭᠤᠬᠠᠢ ᠰᠠᠨᠠᠭᠠ ᠲᠠᠢ ᠶᠤᠮ ᠪᠤᠢ?
- ᠬᠥᠱ᠌ᠢ᠂ ᠲᠡᠷᠡ ᠴᠢᠨᠢ ᠶᠠᠮᠠᠷ ᠦᠩᠭᠡ ᠲᠠᠢ ᠶᠤᠮ ᠪᠤᠢ?
- ᠴᠠᠭᠠᠨ
- ᠶᠤᠰᠤᠲᠠᠢ ᠮᠤᠤᠳ᠋① ᠰᠢᠤ!
- ᠬᠡᠲᠦᠨ ᠷᠠᠽᠮᠸ᠋ᠷ ( ᠬᠡᠮᠵᠢᠶᠡ ) ᠪᠤᠢ?
- ᠨᠠᠳᠠ ᠶᠠᠭ ᠯᠠ ᠲᠠᠭᠠᠷᠠᠭᠰᠠᠨ᠃
- ᠲᠡᠭᠡᠪᠡᠯ ᠨᠠᠳᠠ ᠳᠤ ᠴᠤ᠌ ᠪᠠᠰᠠ ᠲᠠᠭᠠᠷᠠᠨᠠ ᠳ᠋ᠠ !
- ᠲᠠᠭᠠᠷᠠᠨᠠ ᠲᠠᠭᠠᠷᠠᠨᠠ
- ᠥᠰᠥ ᠨᠢ ᠦᠳᠬᠡᠨ ᠶᠤᠮ ᠤᠤ᠂ ᠰᠢᠩᠭᠡᠨ ᠶᠤᠮ ᠤᠤ?
- ᠦᠳᠬᠡᠨ ᠭᠢᠯᠭᠠᠨᠠᠬᠤ ᠰᠤᠷ ᠲᠠᠢ ᠁
- ᠬᠡ᠂ ᠶᠤᠰᠤᠲᠠᠢ ᠰᠠᠶ᠋ᠢᠬᠠᠨ ᠠᠵᠢᠷᠭᠠᠨ ᠪᠤᠯᠠᠭᠠ ᠪᠠᠶ᠋ᠢᠨᠠ᠂ ᠭᠠᠭᠴᠠ ᠨᠢᠭᠡ ᠪᠤᠭᠤᠷᠤᠯ ᠥᠰᠥᠲᠠᠢ ᠪᠤᠯ ᠶᠤᠰᠤᠲᠠᠢ ᠨᠢᠭᠡᠳᠦᠭᠡᠷ ᠵᠡᠷᠭᠡ ᠶᠢᠨ ᠠᠵᠢᠷᠭᠠ ᠪᠠᠶ᠋ᠢᠳᠠᠭ ᠶᠤᠮ᠃
- ᠠᠯᠢᠪ᠂ ᠨᠡᠭᠡᠷᠡᠨ ᠲᠡᠶ᠋ᠢᠮᠦ ᠪᠤᠭᠤᠷᠤᠯ ᠥᠰᠥᠲᠡᠢ ᠶᠤᠮ ᠪᠠᠶ᠋ᠢᠨᠠ᠃
- ᠮᠢᠨᠤ ᠨᠠᠶ᠋ᠢᠵᠠ ᠨᠠᠭᠠᠳᠤᠬᠢ ᠪᠠᠨ ᠡᠪᠦᠭᠡᠨ ᠳᠡᠬᠡᠨ ᠦᠭᠭᠦᠴᠢᠭᠡ ᠯᠠ ᠳ᠋ᠠ᠂ ᠴᠢᠮᠡ ᠰᠢᠭ᠋ ᠴᠠᠭᠠᠨ ᠬᠥᠮᠥᠨ ᠳᠦ ᠤᠯᠴᠠᠶ᠋ᠢᠵᠤ ᠴᠠᠶ᠋ᠢᠭᠠᠳ ᠵᠤᠬᠢᠬᠤ ᠥᠬᠡᠢ ᠳ᠋ᠠ!
- ᠥᠬᠡᠢ ᠶᠡᠷᠥ ᠴᠢᠮᠠ ᠳᠤ ᠵᠤᠬᠢᠬᠤ ᠶᠤᠮ ᠤᠤ?
- ᠨᠠᠶ᠋ᠢᠵᠠ ᠨᠢ ᠮᠣᠣᠳ᠋ᠯᠠᠬᠤ ᠭᠡᠰᠡᠨ ᠶᠤᠮ᠂ ᠴᠢ ᠮᠡᠳᠡᠨᠡ ᠰᠢᠤ ᠳ᠋ᠠ᠂ ᠬᠥᠱ᠌ᠢ ᠨᠠᠶ᠋ᠢᠵᠠ ᠨᠢ ᠨᠢᠭᠡ ᠭᠤᠶᠤ ᠬᠠᠷᠠ ᠰᠡᠭᠥᠯ ᠠᠪᠤᠭᠰᠠᠨ᠂ ᠨᠠᠭᠠᠳᠤ ᠴᠠᠭᠠᠨ ᠮᠠᠯᠠᠭᠠᠢ ᠶᠢᠨ ᠴᠢᠨᠢ ᠭᠤᠤᠯ ᠳᠤ ᠬᠠᠳᠬᠤᠪᠠᠯ ᠲᠡᠶ᠋ᠢᠮᠦ ᠮᠠᠯᠠᠭᠠᠢ ᠲᠠᠢ ᠬᠥᠮᠥᠨ ᠪᠠᠶᠠᠷ ᠢᠶ᠋ᠠᠷ ᠯᠠᠪ ᠪᠠᠶ᠋ᠢᠬᠤ ᠥᠬᠡᠢ ᠪᠠᠶ᠋ᠢᠬᠠ!
- ᠬᠥᠱ᠌ᠢ ᠲᠡᠭᠡᠪᠡᠯ ᠴᠢ ᠨᠠᠳᠠ ᠳᠤ ᠲᠡᠷᠡ ᠭᠤᠶᠤ ᠰᠡᠭᠥᠯ ᠢᠶ᠋ᠠᠨ ᠦᠭᠭᠥᠴᠢᠭᠡ ᠯᠠ ᠳ᠋ᠠ᠂ ᠨᠠᠶ᠋ᠢᠵᠠ ᠨᠢ ᠶᠤᠰᠤᠲᠠᠢ ᠥᠨᠡ ᠬᠠᠶ᠋ᠢᠷᠠᠯᠠᠬᠤ ᠥᠭᠡᠢ᠃
- ᠶᠠᠭᠠᠭᠢᠯᠠ ᠭᠡᠵᠡᠢ᠂ ᠪᠢ ᠥᠨᠡ ᠪᠡᠷ ᠵᠤᠳᠤᠵᠤ ᠠᠷᠠᠢ ᠭᠡᠵᠤ ᠤᠯᠵᠤ ᠠᠪᠤᠭᠰᠠᠨ ᠶᠤᠮ᠂ ᠴᠢᠮᠠ ᠶᠢ ᠮᠠᠯᠠᠭᠠᠢ ᠪᠠᠨ ᠦᠭᠬᠥ ᠥᠭᠡᠢ ᠪᠤᠯ ᠰᠢᠨᠡ ᠫᠡᠯᠢᠲ᠋᠊ᠦ᠌ ( ᠳᠤᠯᠠᠭᠠᠨ ᠬᠤᠪᠴᠠᠰᠤ ) ᠶ᠋ᠢᠨ ᠢᠶ᠋ᠠᠨ ᠵᠠᠬᠠᠨ ᠳᠡᠭᠡᠷᠡ ᠲᠡᠷᠡ ᠰᠡᠭᠥᠯ ᠢᠶ᠋ᠠᠨ ᠬᠠᠳᠠᠨᠠ᠂ ᠰᠡᠭᠥᠯ ᠬᠠᠳᠠᠳᠠᠭ ᠮᠤᠤᠳ᠋ ᠭᠠᠷᠤᠭᠰᠠᠨ ᠰᠢᠤ ᠳ᠋ᠠ!
- ᠲᠡᠷᠡ ᠰᠡᠭᠥᠯ ᠴᠢᠨᠢ ᠶᠠᠮᠠᠷ ᠶᠠᠩᠵᠤ ᠲᠠᠢ ᠪᠤᠢ?
- ᠶᠤᠰᠤᠲᠠᠢ ᠰᠠᠶ᠋ᠢᠬᠠᠨ ᠬᠠᠷᠠ ᠪᠤᠭᠤᠷᠤᠯ ᠦᠩᠭᠡᠲᠡᠢ᠃
- ᠶᠠᠮᠠᠷ ᠭᠤᠶᠤ ᠶᠤᠮ ᠪᠤᠢ᠂ ᠯᠠᠪ ᠭᠠᠳᠠᠭᠠᠳᠤ ᠰᠡᠭᠥᠯ ᠪᠠᠶ᠋ᠢᠬᠠ ᠳ᠋ᠠ!
- ᠲᠡᠭᠡᠯᠭᠥᠢ ᠶᠠᠭᠠᠭᠢᠬᠤᠪ᠂ ᠭᠠᠳᠠᠭᠠᠳᠤ ᠵᠤᠷᠠᠮᠠᠨ ᠤ ᠰᠡᠭᠥᠯ ᠭᠡᠵᠤ ᠨᠠᠳᠠ ᠬᠥᠮᠥᠨ ᠬᠡᠯᠡᠭᠰᠡᠨ ᠶᠤᠮ᠃
- ᠬᠥᠶᠢ᠂ ᠴᠢ ᠫᠠᠯᠢᠲ᠋ᠤ᠋ ᠠᠪᠤᠭᠰᠠᠨ ᠭᠡᠪᠡ ᠤᠤ?
- ᠲᠡᠭᠡᠭᠰᠡᠨ
- ᠶᠠᠮᠠᠷ ᠫᠠᠯᠢᠲ᠋ᠤ᠋ ᠪᠤᠢ?
- ᠥᠨᠡᠭᠡᠨ ᠵᠠᠬᠠ ᠲᠠᠢ ᠶᠤᠰᠤᠲᠠᠢ ᠭᠤᠶᠤ ᠫᠠᠯᠢᠲ᠋ᠤ᠋
- ᠠ᠂ ᠶᠠᠭᠤ ᠭᠡᠨᠡ᠂ ᠳᠤᠭᠤᠯᠳᠠᠬᠤ ᠥᠭᠡᠢ ᠪᠠᠶ᠋ᠢᠨᠠ᠃
- ᠥᠨᠡᠭᠡᠨ ᠵᠠᠬᠠ ᠲᠠᠢ ᠫᠠᠯᠢᠲ᠋ᠤ᠋
- ᠶᠠᠭᠤ ᠭᠡᠨᠡ᠂ ᠮᠦᠩᠭᠥᠨ ᠵᠠᠬᠠ ᠲᠠᠢ ᠭᠡᠨᠡ ᠤᠤ?
- ᠲᠡᠶ᠋ᠢᠮᠦ ᠡ ᠲᠡᠶ᠋ᠢᠮᠦ!
- ᠬᠥᠱ᠌ᠢ᠂ ᠰᠤᠶᠤᠭᠠ ᠴᠢ ᠲᠤᠭᠤᠯᠪᠠ ᠤᠤ? ᠴᠠᠭᠠᠨᠠ ᠴᠢᠨᠢ ᠮᠦᠩᠭᠦᠨ ᠵᠠᠬᠠ ᠲᠠᠢ ᠫᠠᠯᠢᠲ᠋ᠤ᠋ ᠭᠠᠷᠴᠤ ᠪᠠᠶ᠋ᠢᠨᠠ ᠭᠡᠨᠡ᠃
- ᠠ᠂ ᠶᠠᠮᠠᠷ ᠰᠤᠨᠢᠨ ᠶᠠᠭᠤᠮᠠ ᠪᠤᠢ? ᠶᠤᠰᠤᠲᠠᠢ ᠮᠤᠤᠳ᠋ ᠤᠨ ᠶᠠᠭᠤᠮᠠ ᠪᠠᠶ᠋ᠢᠨᠠ᠃
- ᠪᠠᠶ᠋ᠢᠨᠠ ᠤᠤ ᠤᠤᠶᠤ ᠪᠠᠶ᠋ᠢᠨᠠ ᠤᠤ ᠂ ᠤᠤᠶᠤ ᠠ᠋?
- ᠪᠠᠶ᠋ᠢᠨᠠ ᠪᠠᠶ᠋ᠢᠨᠠ᠃
- ᠬᠥᠱ᠌ᠢ᠂ ᠴᠢ ᠲᠡᠷᠡ ᠫᠠᠯᠢᠲ᠋ᠤ᠋ ᠪᠠᠨ ᠬᠠᠮᠢᠭᠠ ᠠᠴᠠ ᠠᠪᠤᠭᠰᠠᠨ ᠶᠤᠮ ᠪᠤᠢ?
- ᠪᠠᠷᠠᠭᠤᠨ ᠭᠦᠬᠡ ᠬᠠᠭᠠᠯᠭᠠᠲᠤ ᠠᠴᠠ᠃
- ᠤᠳᠤ ᠪᠠᠶ᠋ᠢᠭᠠ ᠪᠤᠯ ᠤᠤ?
- ᠪᠠᠷᠤᠭ ᠯᠠ ᠳᠠᠭᠤᠰᠤᠭᠰᠠᠨ ᠪᠠᠶ᠋ᠢᠬᠠ᠃
- ᠠᠯᠢᠪ᠂ ᠰᠤᠤᠶᠤ ᠲᠥᠷᠭᠡᠯᠡᠭᠡᠷᠡᠢ! ᠲᠠᠭᠤᠰᠬᠤ ᠠᠴᠠ ᠨᠢ ᠡᠮᠥᠨᠡ ᠠᠪᠤᠶᠠ ᠭᠡᠭᠰᠡᠭᠡᠷ ᠰᠠᠨᠳᠤᠷᠤᠨ ᠭᠠᠷᠪᠠ᠃
ᠳᠤᠤᠶᠤ᠂ ᠰᠤᠤᠶᠤ ᠬᠤᠶᠠᠷ ᠪᠠᠷᠤᠭ ᠯᠠ ᠭᠥᠶᠥᠭᠰᠡᠭᠡᠷ ᠦᠨᠦᠬᠢ ᠳᠡᠯᠭᠡᠭᠥᠷ ᠲᠦ ᠤᠴᠢᠵᠤ ᠬᠤᠳᠠᠯᠳᠤᠭᠴᠢ ᠠᠴᠠ ᠨᠢ᠄
- ᠬᠥᠱ᠌ᠢ ᠬᠥᠮᠥᠨ ᠭᠤᠸᠠᠢ᠂ ᠲᠠᠨ ᠤ ᠳᠤ ᠮᠦᠩᠭᠥᠨ ᠵᠠᠬᠠ ᠲᠠᠢ ᠫᠠᠯᠢᠲ᠋ᠤ᠋ ᠭᠠᠷᠤᠭᠰᠠᠨ ᠭᠡᠨᠡ ᠥᠵᠡᠭᠥᠯᠥᠭᠡᠴᠢ ᠭᠡᠬᠥ ᠳᠦ᠄
- ᠮᠦᠩᠭᠥᠨ ᠵᠠᠬᠠ ᠲᠠᠢ ᠭᠡᠨᠡ ᠤᠤ? ᠶᠠᠭᠠᠬᠢᠭᠰᠠᠨ ᠰᠤᠨᠢᠨ ᠶᠠᠭᠤᠮᠠ ᠶᠠᠷᠢᠳᠠᠭ ᠤᠯᠤᠰ ᠪᠤᠢ ᠭᠡᠵᠤ ᠬᠤᠳᠠᠯᠳᠤᠭᠴᠢ ᠲᠤᠭᠤᠬᠢ ᠲᠠᠢ ᠢᠨᠢᠶᠡᠪᠡ᠃
- ᠶᠠᠭᠤᠨ ᠴᠤ᠌ ᠠᠭᠠᠯᠢ ᠥᠬᠡᠢ ᠬᠥᠮᠥᠨ ᠪᠤᠢ᠂ ᠲᠡᠭᠡᠭᠡᠳ ᠪᠠᠶ᠋ᠢᠬᠤ ᠥᠬᠡᠢ ᠬᠡᠷᠡᠭ ᠤᠤ?
- ᠪᠠᠶ᠋ᠢᠬᠤ ᠨᠢ ᠪᠠᠶ᠋ᠢᠲᠤᠭᠠᠢ᠂ ᠲᠤᠭᠤᠯᠤᠭᠠ ᠴᠤ᠌ ᠥᠬᠡᠢ ᠶᠠᠭᠤᠮᠠ ᠪᠠᠶ᠋ᠢᠨᠠ᠃
- ᠲᠠᠨ ᠤ ᠡᠨᠡ ᠳᠡᠯᠭᠡᠭᠥᠷ ᠡᠴᠡ ᠬᠥᠮᠥᠨ ᠠᠪᠤᠭᠰᠠᠨ ᠪᠠᠶ᠋ᠢᠨᠠ ᠰᠢᠤ ᠳ᠋ᠠ᠂ ᠭᠠᠭᠴᠠ ᠶᠢ ᠦᠭ ᠯᠡ ᠳ᠋ᠠ᠂ ᠭᠤᠶᠤᠵᠤ ᠪᠠᠶ᠋ᠢᠨᠠ᠃
- ᠥᠨᠡᠭᠡᠷ ᠪᠠᠶ᠋ᠢᠬᠤ ᠥᠭᠡᠢ᠂ ᠪᠠᠶ᠋ᠢᠨᠠ ᠭᠡᠳᠡᠭ ᠲᠦ ᠴᠤ᠌ ᠢᠲᠡᠭᠡᠬᠥ ᠥᠬᠡᠢ ᠪᠠᠶ᠋ᠢᠨᠠ᠃
- ᠥᠭᠡᠢ ᠶᠡᠷᠥ᠂ ᠮᠤᠤᠳ᠋ ᠭᠡᠳᠡᠭ ᠴᠢᠨᠢ ᠲᠠ ᠨᠠᠷ ᠤᠨ ᠳᠤᠷᠠ ᠶᠢᠨ ᠶᠠᠭᠤᠮᠠ ᠪᠢᠰᠢ᠂ ᠬᠤᠪᠢᠷᠠᠵᠤ ᠦᠭᠡᠷᠡᠴᠢᠯᠡᠭᠳᠡᠵᠦ ᠪᠠᠶ᠋ᠢᠳᠠᠭ ᠵᠢᠮᠠ ᠬᠠᠤᠯᠢ ᠲᠠᠢ ᠶᠤᠮ᠃
- ᠠᠭᠤᠴᠢᠯᠠᠭᠠᠷᠠᠢ ᠪᠠᠶ᠋ᠢᠪᠠᠯ ᠥᠭᠭᠥᠯ ᠥᠭᠡᠢ ᠶᠠᠭᠠᠭᠢᠬᠤ ᠪᠤᠢ?
- ᠲᠡᠭᠡᠪᠡᠯ ᠠᠷᠤ ᠶᠢᠨ ᠢᠶ᠋ᠠᠨ ᠬᠠᠭᠠᠯᠭᠠ ᠪᠠᠷ ᠦᠭᠴᠢᠭᠡ ᠯᠠ ᠳ᠋ᠠ!
- ᠲᠠ ᠨᠠᠷ ᠲᠤ ᠬᠡᠯᠡᠬᠥ ᠥᠭᠡ ᠳᠠᠩᠴᠤ ᠠᠯᠠᠭᠠ᠂ ᠲᠥᠷᠥᠭᠥᠨ ᠪᠠᠰᠠ ᠨᠢᠭᠡ ᠬᠡᠤᠬᠡᠨ ᠭᠠᠳᠠᠭᠠᠳᠤ ᠵᠤᠷᠠᠮᠠᠨ ᠤ ᠬᠠᠷᠠ ᠰᠡᠭᠥᠯ ᠪᠠᠶ᠋ᠢᠨᠠ ᠤᠤ? ᠭᠡᠵᠤ ᠶᠠᠪᠤᠭᠰᠠᠨ᠂ ᠶᠠᠭᠠᠭᠢᠭᠰᠠᠨ ᠲᠤᠭᠤᠬᠢ ᠲᠠᠢ ᠡᠮᠡᠰ ᠪᠤᠢ᠂ ᠡᠨᠡ ᠴᠢᠨᠢ ᠠᠯᠪᠠᠨ ᠭᠠᠵᠠᠷ ᠰᠢᠤ᠃
- ᠶᠠᠪᠤᠶᠠ ᠳᠤᠤᠶᠤ ᠠ᠋᠂ ᠡᠳᠡᠨ ᠲᠠᠢ ᠢᠩᠬᠢᠵᠤ ᠪᠠᠶ᠋ᠢᠳᠠᠭ ᠴᠠᠭ ᠠᠯᠠᠭᠠ!
- ᠲᠡᠭᠡᠶᠡ᠂ ᠶᠠᠭᠠᠭᠢᠭᠰᠠᠨ ᠮᠠᠶᠢᠭ ᠲᠠᠢ ᠬᠠᠷᠠ ᠬᠥᠮᠥᠨ ᠭᠤᠸᠠᠢ ᠪᠤᠢ ᠭᠡᠳ ᠪᠠᠰᠠ ᠬᠠᠭᠠᠯᠭᠠ ᠳᠠᠰᠤ ᠬᠠᠶᠠᠪᠠ᠃
- ᠤᠳᠤ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠬᠤ ᠪᠤᠢ?
- ᠤᠭ᠌ᠶᠤ ᠳᠡᠭᠡᠷᠡ ᠤᠴᠢᠬᠤ ᠤᠤ?
- ᠶᠠᠷᠰᠢᠭ ᠪᠠᠶ᠋ᠢᠨᠠ ᠳ᠋ᠠ᠂ ᠨᠢᠭᠡ ᠮᠠᠭᠤ ᠫᠠᠯᠢᠲ᠋ᠤ᠋ ᠠᠪᠤᠭᠰᠠᠨ ᠢᠶ᠋ᠠᠷ ᠢᠶ᠋ᠠᠨ ᠶᠡᠬᠡ ᠶᠠᠭᠤᠮᠠ ᠪᠤᠯᠵᠤ ᠪᠠᠶ᠋ᠢᠨᠠ ᠪᠢᠯᠡ᠃ ᠲᠡᠭᠥᠨ ᠡᠴᠡ ᠭᠤᠶᠤᠬᠤ ᠥᠭᠡᠢ᠂ ᠶᠠᠮᠠᠷ ᠴᠤ᠌ ᠪᠠᠶ᠋ᠢᠭᠰᠠᠨ ᠲᠡᠳᠡᠨ ᠦ ᠤᠯᠵᠤ ᠡᠮᠦᠰᠦᠭᠡ ᠥᠭᠡᠢ ᠫᠠᠯᠢᠲ᠋ᠤ᠋ ᠶᠢ ᠯᠠ ᠪᠠᠶᠠᠷ ᠢᠶ᠋ᠠᠷ ᠡᠮᠦᠰᠦᠨᠡ ᠳ᠋ᠠ ᠭᠡᠭᠰᠡᠭᠡᠷ ᠰᠤᠭᠤᠳᠠᠯᠴᠠᠨ ᠪᠠᠷᠠᠭᠤᠨ ᠵᠥᠭ ᠡᠷᠭᠢᠪᠡ᠃
ᠠᠯᠪᠠ ᠠᠵᠢᠯ ᠢᠶ᠋ᠠᠨ ᠴᠤ᠌ ᠮᠠᠷᠲᠠᠨ ᠡᠳᠥᠷᠵᠢᠨ ᠡᠷᠢᠯ ᠳᠦ ᠭᠠᠷᠴᠤ ᠮᠠᠨᠠᠷᠠᠭᠠᠭᠰᠠᠨ ᠡᠨᠡ ᠬᠡᠤᠬᠡᠨ ᠨᠣᠭᠥᠳ ᠬᠠᠮᠢᠭᠠᠭᠤᠷ ᠶᠠᠪᠤᠵᠤ᠂ ᠬᠠᠮᠢᠭᠠ ᠤᠴᠢᠵᠤ ᠭᠡᠷᠬᠢᠭᠰᠡᠨ ᠢ ᠪᠤᠤ ᠮᠡᠳᠡ᠂ ᠠᠢ ᠳ᠋ᠠ ᠡᠨᠡ ᠬᠡᠤᠬᠡᠨ ᠨᠣᠭᠥᠳ ᠤᠤ! ᠤᠩᠭᠤᠳ ᠨᠢ ᠤᠷᠤᠬᠤ ᠪᠠᠷ ᠮᠦᠨ ᠴᠤ᠌ ᠁
– – – –
① ᠮᠤᠤᠳ᠋ – ᠳᠡᠯᠭᠡᠷᠡᠮᠡᠯ ᠂ ᠴᠠᠭ ᠦᠶᠡ ᠶᠢᠨ ᠥᠩᠭᠡ ᠶᠢ ᠳᠠᠭᠠᠬᠤ
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠣᠯᠮᠣᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠭᠠᠸᠠ
2023 ᠣᠨ ᠪ 7 ᠰᠠᠷᠠ ᠶ᠋ᠢᠨ 4