ᠡᠬᠡ ᠶᠢᠨ ᠰᠡᠳᠬᠢᠯ- ᠫᠤᠩᠰᠤᠭ ᠦᠨ ᠪᠠᠳᠠᠷᠴᠢЭхийн сэтгэл-понсгийн бадарч
873ᠡᠬᠡ ᠶᠢᠨ ᠰᠡᠳᠬᠢᠯ
ᠫᠤᠩᠰᠤᠭ ᠊ᠤᠨ ᠪᠠᠳᠠᠷᠴᠢ
ᠡᠵᠢ ᠨᠢ ᠮᠠᠭᠤ ᠬᠦᠦ ᠪᠡᠨ ᠦᠬᠦᠵᠡᠢ ᠭᠡᠵᠦ ᠵᠡᠭᠦᠳᠦᠯᠡᠯᠡ
ᠡᠢᠮᠦ ᠠᠶᠤᠮᠠᠷ ᠵᠡᠭᠦᠳᠦ ᠨᠠᠶᠨ ᠨᠠᠰᠤᠯᠠᠬᠤ ᠳ᠋ᠤ᠌ ᠪᠠᠨ ᠵᠡᠭᠦᠳᠦᠯᠡᠯᠡ ᠦᠭᠡᠢ ᠳᠡ
ᠰᠠᠭᠠᠯᠢ ᠰᠦᠨ ᠳ᠋ᠦ᠍ ᠪᠡᠨ ᠳᠡᠪᠡᠯᠵᠡᠵᠦ ᠶᠠᠪᠤᠭᠰᠠᠨ ᠴᠤ᠌
ᠰᠠᠨᠠᠭᠠ ᠰᠡᠳᠬᠢᠯ ᠮᠢᠨᠢ ᠭᠡᠭᠡᠯᠵᠡᠵᠦ ᠪᠠᠢᠭᠰᠠᠨ ᠴᠤ᠌
ᠰᠠᠷᠨᠢᠬᠤ ᠪᠣᠳᠣᠯ ᠊ᠤᠨ ᠦᠵᠦᠭᠦᠷ ᠡᠴᠡ
ᠮᠢᠨᠦ ᠬᠦᠦ ᠭᠠᠷᠬᠤ ᠦᠭᠡᠢ ᠶᠦᠮ ᠠ᠋
ᠰᠠᠢᠬᠠᠨ ᠰᠢᠯᠦᠭ ᠪᠢᠴᠢᠵᠦ ᠭᠡᠨᠡ ᠠ᠋᠂ ᠮᠢᠨᠦ ᠬᠦᠦ
ᠠᠮᠢᠲᠠᠨ ᠬᠥᠮᠦᠨ ᠤᠩᠰᠢᠵᠤ ᠪᠠᠢᠨᠠ
ᠰᠠᠢᠬᠠᠨ ᠳᠠᠭᠤᠤ ᠵᠣᠬᠢᠶᠠᠵᠤ ᠭᠡᠨᠡ ᠠ᠋᠂ ᠮᠢᠨᠦ ᠬᠦᠦ
ᠷᠠᠳᠢᠣ᠋ ᠪᠠᠷ ᠳᠠᠭᠤᠯᠠᠵᠤ ᠪᠠᠢᠨᠠ
ᠰᠠᠢᠨ ᠶᠠᠪᠤᠨᠠ ᠭᠡᠨᠡ᠂ ᠮᠢᠨᠦ ᠬᠦᠦ
ᠠᠶᠠᠨ ᠵᠠᠮ ᠊ᠤᠨ ᠬᠥᠮᠦᠨ ᠬᠡᠯᠡᠵᠦ ᠪᠠᠢᠨᠠ
ᠮᠭᠤ ᠶᠠᠪᠤᠨᠠ ᠭᠡᠨᠡ᠂ ᠮᠢᠨᠦ ᠬᠦᠦ
ᠠᠮᠠᠨ ᠊ᠤ ᠵᠤᠭᠠ ᠶᠠᠷᠢᠵᠤ ᠪᠠᠢᠨᠠ
ᠠᠯᠢ ᠨᠢ ᠴᠦ᠍ ᠡᠵᠢ ᠳ᠋ᠦ᠍ ᠨᠢ ᠢᠯᠭᠠᠭᠠ ᠦᠭᠡᠢ ᠳᠡ
ᠠᠮᠢᠳᠤ ᠶᠠᠪᠤᠭᠠ ᠴᠢᠨᠢ ᠡᠵᠢ ᠳ᠋ᠦ᠍ ᠪᠡᠨ
ᠠᠯᠳᠠᠷ ᠴᠢᠨᠢ ᠶᠦᠮ ᠰᠢᠦ ᠳᠡ
ᠡᠵᠢ ᠨᠢ ᠬᠦᠦ ᠪᠡᠨ ᠶᠡᠬᠡ ᠰᠠᠨᠠᠬᠤ ᠶᠤᠮ ᠠ᠋
ᠠᠷᠤᠭ ᠰᠠᠪᠠᠷ ᠬᠣᠶᠠᠷ ᠢ᠋ᠶ᠋ᠠᠨ ᠵᠥᠷᠢᠭᠦᠯᠦᠨ ᠪᠠᠢᠵᠤ ᠪᠣᠳᠣᠬᠤ ᠶᠤᠮ
ᠠᠷᠭᠠᠯ ᠴᠢᠯᠠᠭᠤ ᠬᠣᠶᠠᠷ ᠢ᠋ ᠠᠨᠳᠠᠭᠤᠷᠠᠨ ᠲᠡᠭᠦᠵᠦ ᠰᠠᠨᠠᠬᠤ ᠶᠤᠮ
ᠠᠯᠠᠭᠠ ᠠ᠋ ᠮᠢᠨᠦ ᠬᠦᠦ ᠠᠯᠠᠭᠠ
ᠲᠡᠮᠡᠭᠡ ᠲᠡᠮᠡᠭᠡ ᠴᠠᠭᠠᠨ ᠡᠭᠦᠯᠡ ᠶ᠋ᠢ
ᠲᠡᠨᠳᠡ ᠪᠡᠨ ᠴᠠᠷᠴᠠᠲᠠᠯᠠ ᠪᠢ ᠬᠠᠷᠠᠯᠠ
ᠲᠡᠭᠷᠢ ᠶ᠋ᠢᠨ ᠶᠠᠭᠠᠨ ᠬᠠᠶᠠᠭᠠ ᠶ᠋ᠢ
ᠴᠠᠪ ᠰᠠᠭᠤᠲᠠᠯᠠ ᠰᠢᠷᠲᠡᠯᠡ
ᠡᠵᠢ ᠳ᠋ᠦ᠍ ᠪᠡᠨ ᠢᠷᠡᠭᠰᠡᠨ ᠦᠭᠡᠢ
ᠬᠥᠮᠦᠨ ᠦ᠌ ᠬᠦᠦ ᠡᠵᠢ ᠳ᠋ᠦ᠍ ᠪᠡᠨ ᠢᠷᠡᠵᠦ ᠭᠡᠨᠡ
ᠭᠣᠣᠯ ᠤᠰᠤ ᠪᠠᠷ ᠨᠢᠭᠡ ᠨᠠᠢᠷ ᠨᠠᠭᠠᠳᠤᠮ ᠪᠣᠯᠵᠤ ᠪᠠᠢᠨᠠ
ᠮᠢᠨᠦ ᠬᠦᠦ ᠪᠣᠯᠬᠣᠷ ᠱᠣᠷᠣᠩ ᠳ᠋ᠤ᠌ ᠣᠷᠣᠵᠤ ᠭᠡᠨᠡ
ᠭᠣᠣᠯ ᠢ᠋ ᠮᠢᠨᠢ ᠭᠣᠬᠠᠳᠠᠨ ᠬᠡᠯᠡᠵᠦ ᠪᠠᠢᠨᠠ
ᠠ᠂ ᠶᠠᠭᠠᠬᠢᠳᠠᠭ ᠶᠤᠮ᠂ ᠣᠷᠣᠭᠠ ᠯᠠ ᠪᠢᠵᠡ
ᠭᠠᠳᠠᠭᠰᠢ ᠪᠠᠨ ᠪᠢ ᠬᠦᠦ ᠪᠡᠨ ᠥᠮᠥᠭᠡᠷᠡᠯᠡ
ᠠᠮᠠ ᠨᠢ ᠴᠠᠩᠭᠠᠵᠤ ᠪᠠᠢᠭᠠ ᠳᠠ
ᠳᠣᠲᠣᠭᠰᠢ ᠪᠠᠨ ᠪᠢ ᠥᠮᠥᠯᠵᠡᠯᠡ
ᠮᠢᠨᠦ ᠬᠦᠦ ᠴᠢᠨᠢ ᠡᠵᠢ ᠶ᠋ᠢ ᠪᠡᠨ
ᠭᠠᠯ ᠰᠢᠭ᠋ ᠵᠠᠯᠠᠭᠤ ᠶᠠᠪᠤᠬᠤ ᠳ᠋ᠤ᠌
ᠦᠰᠦᠷᠦᠭᠰᠡᠨ ᠣᠴᠢ ᠮᠢᠨᠢ ᠶᠦᠮ ᠰᠠᠨ
ᠮᠢᠨᠦ ᠬᠦᠦ ᠴᠢᠨᠢ ᠡᠵᠢ ᠶ᠋ᠢ ᠪᠡᠨ
ᠭᠠᠭᠴᠨ ᠪᠡᠶᠡ ᠽᠠᠨᠳᠠᠨ ᠶᠠᠪᠤᠬᠤ ᠳ᠋ᠤ᠌
ᠲᠠᠰᠤᠷᠠᠭᠰᠠᠨ ᠨᠠᠪᠴᠢ ᠮᠢᠨᠢ ᠶᠦᠮ ᠰᠠᠨ
ᠠᠯᠠᠭ ᠪᠦᠮᠪᠤᠯᠢ ᠡᠷᠳᠡᠨᠢ ᠠᠯᠠᠭᠠᠨ ᠳᠡᠭᠡᠷᠡ ᠪᠠᠢᠨᠠ ᠭᠡᠵᠦ
ᠵᠥᠩᠨᠡᠭᠦᠯᠵᠦ ᠢᠷᠡᠭᠰᠡᠨ ᠭᠠᠭᠴᠨ ᠬᠦᠦ ᠮᠢᠨᠢ ᠶᠦᠮ ᠰᠠᠨ
ᠠᠯᠲᠠᠨ ᠪᠥᠭᠡᠵᠢ ᠭᠠᠵᠠᠷ ᠠ᠋ᠴᠠ ᠣᠯᠤᠭᠠᠳ
ᠠᠮᠠᠨ ᠳ᠋ᠤ᠌ ᠪᠠᠨ ᠡᠮᠬᠦᠲᠡᠯᠡ ᠵᠠᠯᠭᠢᠴᠢᠬᠠᠯᠠ ᠭᠡᠵᠦ
ᠵᠡᠭᠦᠳᠦᠯᠡᠵᠦ ᠣᠯᠳᠠᠭᠰᠠᠨ ᠭᠠᠭᠴᠨ ᠦᠷᠡ ᠮᠢᠨᠢ ᠶᠦᠮ ᠰᠠᠨ
ᠶᠠᠳᠠᠵᠤ ᠶᠠᠪᠤᠭᠠ ᠶᠤᠮ ᠪᠣᠯ᠂ ᠮᠢᠨᠦ ᠬᠦᠦ
ᠲᠡᠨᠦᠵᠦ ᠶᠠᠪᠤᠭᠠᠳ ᠶᠠᠭᠤ ᠬᠢᠬᠦ ᠪᠣᠢ᠂ ᠡᠵᠢ ᠳ᠋ᠦ᠍ ᠪᠡᠨ ᠬᠦᠷᠦᠭᠡᠳ ᠢᠷᠡ
ᠶᠠᠳᠠᠷᠠᠵᠤ ᠶᠠᠪᠤᠭᠠ ᠶᠤᠮ ᠪᠣᠯ᠂ ᠮᠢᠨᠦ ᠬᠦᠦ
ᠲᠡᠨᠳᠡ ᠪᠠᠢᠭᠠᠳ ᠶᠠᠭᠠᠬᠢᠬᠤ ᠨᠢ ᠪᠣᠢ᠂ ᠡᠵᠢ ᠳ᠋ᠦ᠍ ᠪᠡᠨ ᠯᠡ ᠬᠦᠷᠦᠭᠡᠳ ᠢᠷᠡ
ᠬᠥᠮᠦᠨ ᠦ᠌ ᠨᠢᠳᠦᠨ ᠳ᠋ᠦ᠍ ᠪᠣᠯ ᠬᠥᠭᠡᠴᠦ ᠬᠠᠳᠠ ᠰᠢᠭ᠋
ᠬᠥᠬᠡ ᠲᠣᠯᠣᠭᠠᠢᠲᠠᠢ ᠬᠥᠭᠰᠢᠨ ᠬᠦᠦ ᠮᠢᠨᠢ
ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠨᠢᠳᠦᠨ ᠳ᠋ᠦ᠍ ᠪᠣᠯ ᠮᠠᠨᠴᠤᠢ ᠳ᠋ᠤ᠌ ᠪᠠᠨ ᠳᠡᠷᠪᠡᠯᠵᠡᠬᠦ
ᠮᠢᠨᠳᠠᠰᠤ ᠴᠠᠭᠠᠨ ᠬᠦᠦ ᠮᠢᠨᠢ᠂ ᠡᠵᠢ ᠳ᠋ᠦ᠍ ᠪᠡᠨ ᠢᠷᠡ ᠠ᠋
ᠬᠥᠬᠥ ᠪᠡᠷ ᠢ᠋ᠶ᠋ᠡᠨ ᠴᠢᠮᠠ ᠶ᠋ᠢ ᠳᠡᠯᠯᠡᠶᠡ
ᠦᠬᠦᠬᠦ ᠪᠡᠷ ᠢ᠋ᠶ᠋ᠡᠨ ᠴᠢᠮᠠ ᠶ᠋ᠢ ᠠᠶᠤᠯᠭᠠᠶᠠ
ᠮᠢᠨᠦ ᠬᠦᠦ ᠡᠵᠢ ᠳ᠋ᠦ᠍ ᠪᠡᠨ ᠢᠷᠡ ᠠ᠋
ᠤᠬᠠᠭᠠᠨᠲᠠᠢ ᠳᠠ ᠮᠢᠨᠦ ᠬᠦᠦ
ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ
ᠤᠨᠠᠭᠠ ᠰᠢᠭ᠋ ᠡᠵᠢ ᠳ᠋ᠦ᠍ ᠪᠡᠨ ᠳᠠᠪᠬᠢᠭᠠᠳ ᠢᠷᠡ
ᠭᠤᠷᠤᠢ ᠭᠤᠷᠤᠢ ᠭᠣᠷᠣᠢ
ᠬᠥᠷᠪᠡᠭᠦᠯᠦᠭᠰᠡᠨ ᠨᠢ᠄ ᠬᠠᠰᠴᠢᠮᠡᠭ