5-8ᠲᠣᠪᠳᠠᠨᠨᠢᠮᠠ ᠶ᠋ᠢᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠨᠢᠶᠠᠨ ᠬᠢᠵᠢᠭ
328ᠲᠣᠪᠳᠠᠨᠨᠢᠮᠠ ᠶ᠋ᠢᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠨᠢᠶᠠᠨ ᠬᠢᠵᠢᠭ
ᠨᠠᠢ᠍ᠮᠠ᠂ ᠨᠢᠶᠠᠨ ᠬᠢᠵᠢᠭ
ᠨᠢᠶᠠᠨ ᠬᠢᠵᠢᠭ ᠬᠡᠮᠡᠬᠦ ᠨᠢ᠄ ᠨᠢᠶᠠᠨ ᠬᠠᠯᠠᠭᠤᠨ ᠬᠡᠢ ᠯᠦ᠍ᠭᠡ ᠬᠣᠷᠣᠬᠠᠢ ᠰᠢᠷᠠ ᠤᠰᠤ ᠬᠠᠪᠰᠤᠷᠤᠯᠳᠤᠭᠰᠠᠨ ᠡᠪᠡᠳᠴᠢᠨ ᠦ᠌ ᠵᠦᠢᠯ ᠪᠥᠭᠡᠳ ᠰᠠᠯᠬᠢᠨ ᠦᠨᠦᠷ ᠲᠡᠷᠢᠭᠦᠲᠡᠨ ᠡᠴᠡ ᠬᠠᠯᠳᠠᠪᠤᠷᠢᠯᠠᠬᠤ ᠲᠤᠯᠠ ᠭᠠᠮᠰᠢᠭ ᠡᠪᠡᠳᠴᠢᠨ ᠬᠡᠮᠡᠳᠡᠭ᠃ ᠲᠥᠪᠡᠳ᠂ ᠮᠣᠩᠭᠣᠯ᠂ ᠬᠢᠲᠠᠳ ᠣᠷᠣᠨ ᠨᠤᠭᠤᠳ ᠲᠤ᠌ ᠡᠯᠪᠡᠭ ᠪᠠᠢᠳᠠᠭ ᠲᠤᠯᠠ ᠪᠠᠷᠪᠠᠳᠠ ᠶ᠋ᠢᠨ ᠡᠪᠡᠳᠴᠢᠨ ᠭᠡᠮᠡᠨ ᠠᠯᠳᠠᠷᠰᠢᠪᠠ᠃
ᠲᠤᠰᠤᠭᠰᠠᠨ ᠳᠠᠷᠤᠢ ᠬᠦᠴᠦ ᠪᠠᠷᠠᠭᠳᠠᠵᠤ᠂ ᠵᠣᠪᠠᠯᠠᠩ ᠤ᠋ᠨ ᠬᠦᠴᠦᠨ ᠶᠡᠬᠡ ᠲᠤᠯᠠ ᠡᠳᠡᠭᠡᠬᠦ ᠨᠢ ᠴᠥᠭᠡᠨ ᠪᠣᠯᠬᠣᠷ ᠳ᠋ᠧᠷᠢ ᠳ᠋ᠧᠷᠢ ᠬᠣᠣ ᠭᠡᠵᠦ ᠬᠡᠯᠡᠳᠡᠭ᠃ ᠲᠡᠭᠦᠨ ᠳ᠋ᠦ᠍ ᠲᠤᠬᠠᠢᠯᠠᠭᠰᠠᠨ ᠶᠡᠷᠦᠨᠳᠡᠭ ᠢ᠋ ᠡᠰᠡ ᠤᠴᠠᠷᠠᠭᠤᠯᠪᠠᠰᠤ ᠡᠮ᠂ ᠵᠠᠰᠠᠯ ᠠᠯᠢᠨ ᠴᠤ᠌ ᠡᠪᠡᠳᠴᠢᠨ ᠦ᠌ ᠨᠥᠬᠥᠷ ᠪᠣᠯᠤᠮᠤᠢ᠃ ᠰᠢᠯᠲᠠᠭᠠᠨ ᠨᠢ ᠭᠤᠷᠪᠠᠨ ᠬᠣᠣᠷ ᠡᠴᠡ ᠡᠭᠦᠰᠦᠭᠰᠡᠨ ᠨᠠᠢ᠍ᠮᠠᠨ ᠠᠢᠮᠠᠭ ᠤ᠋ᠨ ᠠᠳᠠ ᠪᠣᠯᠠᠢ᠃
ᠨᠥᠬᠥᠴᠡᠯ ᠨᠢ᠄ ᠬᠡᠷᠴᠡᠭᠡᠢ ᠲᠣᠭᠰᠢᠨ ᠴᠥᠪ ᠴᠠᠭ ᠤ᠋ᠨ ᠬᠥᠮᠦᠨ ᠨᠢ ᠲᠠᠩᠭᠠᠷᠢᠭ ᠦᠯᠦ ᠰᠠᠬᠢᠭᠰᠠᠨ ᠠ᠋ᠴᠠ ᠨᠢᠶᠠᠨ ᠲᠣᠭᠰᠢᠨ ᠬᠢᠵᠢᠭ ᠡᠪᠡᠳᠴᠢᠨ ᠡᠭᠦᠰᠳᠡᠭ᠃
ᠪᠠᠭᠤᠬᠤ ᠭᠠᠵᠠᠷ ᠤ᠋ᠨ ᠡᠷᠬᠡ ᠪᠡᠷ ᠨᠡᠷᠡ ᠨᠢ ᠲᠣᠰᠪᠣᠷᠢ ᠪᠥᠭᠡᠳ ᠲᠣᠯᠣᠭᠠᠢ ᠳ᠋ᠤ᠌ ᠪᠠᠭᠤᠪᠠᠰᠤ ᠲᠠᠷᠢᠬᠢᠨ ᠬᠠᠳᠬᠤᠯᠠᠭᠠ᠂ ᠬᠣᠳᠣᠭᠣᠳᠣᠨ ᠳ᠋ᠤ᠌ ᠪᠠᠭᠤᠪᠠᠰᠤ ᠨᠢᠶᠠᠨ ᠴᠠᠩᠬᠠ᠂ ᠭᠡᠳᠡᠰᠦᠨ ᠳ᠋ᠦ᠍ ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ᠂ ᠰᠢᠷᠪᠦᠰᠦᠨ ᠳ᠋ᠦ᠍ ᠰᠢᠯᠢ ᠲᠠᠲᠠᠬᠤ᠂ ᠰᠥᠰᠥᠨ ᠳ᠋ᠦ᠍ ᠪᠠᠭᠤᠪᠠᠰᠤ ᠰᠤᠳᠠᠯ ᠳ᠋ᠤ᠌ ᠭᠦᠶᠦᠬᠦ᠂ ᠭᠠᠯᠵᠠᠭᠤ ᠬᠢᠵᠢᠭ᠂ ᠳ᠋ᠧᠷᠢ ᠳ᠋ᠧᠷᠢ ᠬᠣᠣ᠂ ᠴᠢᠬᠢᠨ ᠰᠤᠳᠠᠯ ᠦᠯᠢᠶᠡᠬᠦ᠂ ᠲᠠᠩᠭᠠᠷᠢᠭ ᠤ᠋ᠨ ᠡᠪᠡᠷ ᠬᠡᠮᠡᠬᠦ ᠲᠡᠷᠢᠭᠦᠲᠡᠨ᠂ ᠲᠣᠪᠴᠢᠯᠠᠪᠠᠰᠤ ᠨᠡᠷᠡᠯᠡᠵᠦ ᠦᠯᠦ ᠭᠦᠢᠴᠡᠬᠦ ᠡᠪᠡᠳᠴᠢᠨ ᠦ᠌ ᠵᠦᠢᠯ ᠣᠯᠠᠨ ᠢ᠋ᠶ᠋ᠠᠷ ᠠᠮᠢᠲᠠᠨ ᠤ᠋ ᠠᠮᠢ ᠨᠠᠰᠤ ᠶ᠋ᠢ ᠬᠥᠨᠥᠭᠡᠨ ᠦᠢᠯᠡᠳᠬᠦ ᠲᠤᠯᠠ ᠡᠮᠴᠢ ᠨᠠᠷ ᠴᠤ᠌ ᠥᠪᠡᠷ ᠢ᠋ᠶ᠋ᠡᠨ ᠬᠢᠵᠢᠭ ᠦ᠋ᠨ ᠰᠡᠷᠭᠡᠢᠯᠡᠯᠲᠡ ᠬᠢᠬᠦ ᠬᠡᠷᠡᠭᠲᠡᠢ᠃
ᠨᠢᠶᠠᠨ ᠬᠢᠵᠢᠭ ᠦ᠋ᠨ ᠶᠡᠷᠦ ᠶ᠋ᠢᠨ ᠰᠢᠨᠵᠢ᠄ ᠥᠨᠢ ᠤᠳᠠᠭᠠᠨ ᠳᠠᠭᠠᠷᠠᠳᠠᠰᠤ ᠬᠦᠷᠬᠦ᠂ ᠠᠮᠠ ᠭᠠᠰᠢᠭᠤᠷᠠᠨ᠂ ᠲᠣᠯᠣᠭᠠᠢ ᠡᠪᠡᠳᠬᠦ᠂ ᠪᠡᠷᠬᠡᠰᠢᠶᠡᠨ ᠵᠠᠯᠬᠠᠭᠤᠷᠠᠬᠤ᠂ ᠠᠷᠠᠰᠤ ᠵᠢᠮᠵᠢᠭᠢᠨᠡᠨ᠂ ᠪᠡᠶᠡ ᠬᠦᠨᠳᠦᠷᠡᠬᠦ᠂ ᠪᠤᠯᠴᠢᠩ ᠢ᠋ᠶ᠋ᠠᠨ ᠦᠯᠦ ᠳᠠᠭᠠᠭᠠᠨ ᠴᠡᠴᠡᠷᠡᠬᠦ ᠪᠥᠭᠡᠳ ᠵᠡᠭᠦᠳᠦᠨ ᠳ᠋ᠦ᠍ ᠡᠬᠡᠨᠡᠷ᠂ ᠪᠠᠨᠳᠢ᠂ ᠡᠷᠳᠡᠨᠢ ᠶ᠋ᠢᠨ ᠵᠦᠢᠯ ᠲᠡᠷᠢᠭᠦᠲᠡᠨ ᠢ᠋ ᠵᠡᠭᠦᠳᠦᠯᠡᠬᠦ ᠪᠥᠭᠡᠳ ᠰᠡᠳᠬᠢᠯ ᠡᠨᠳᠡᠭᠦᠷᠡᠵᠦ᠂ ᠢᠳᠡᠭᠡᠨ ᠦ᠌ ᠠᠮᠲᠠ ᠶ᠋ᠢ ᠦᠯᠦ ᠮᠡᠳᠡᠨ᠂ ᠪᠥᠭᠡᠷᠡ ᠪᠡᠯᠬᠡᠭᠦᠰᠦ᠂ ᠦᠶᠡ ᠮᠥᠴᠡ ᠡᠪᠡᠳᠬᠦ᠂ ᠰᠤᠳᠠᠯ ᠨᠢ ᠴᠡᠴᠡᠷᠡᠵᠦ ᠤᠷᠪᠠᠵᠤ ᠬᠤᠪᠢᠷᠠᠬᠤ ᠨᠢ ᠣᠯᠠᠨ᠂ ᠰᠢᠭᠡᠰᠦᠨ ᠥᠩᠭᠡ ᠤᠯᠠᠪᠤᠷ ᠬᠠᠷᠠ᠂ ᠦᠨᠦᠷ ᠠᠭᠤᠷ ᠶᠡᠬᠡ᠃
ᠬᠦᠴᠦᠨ ᠶᠡᠬᠡ ᠨᠢ ᠡᠪᠡᠳᠦᠮᠡᠭᠴᠡ ᠮᠡᠳᠡᠷᠡᠯ ᠡᠨᠳᠡᠭᠦᠷᠡᠨᠡ᠃ ᠬᠦᠴᠦᠨ ᠪᠠᠭᠠ ᠨᠢ ᠰᠡᠷᠡᠮᠵᠢ ᠦᠭᠡᠢ᠂ ᠳᠡᠪᠢᠰᠬᠡᠷ ᠲᠦ᠍ ᠨᠠᠭᠠᠯᠳᠤᠨᠠ᠃ ᠴᠡᠭᠡᠷᠯᠡᠬᠦ ᠨᠢ᠄ ᠴᠠᠭᠠᠨ ᠢᠳᠡᠭᠡᠨ᠂ ᠠᠮᠲᠠᠯᠢᠭ᠂ ᠮᠢᠬᠠ᠂ ᠢᠰᠬᠦᠯᠡᠩ ᠢ᠋ ᠬᠣᠣᠷ ᠠᠳᠠᠯᠢ ᠲᠡᠪᠴᠢ᠃ ᠲᠡᠭᠦᠨ ᠢ᠋ ᠦᠵᠡᠬᠦ᠂ ᠬᠦᠷᠦᠯᠴᠡᠬᠦ᠂ ᠠᠰᠠᠭᠤᠬᠤ ᠪᠠᠷ ᠲᠠᠨᠢᠨ ᠪᠠᠷᠢᠬᠤ ᠪᠡᠷᠬᠡ᠃ ᠡᠪᠡᠳᠴᠢᠲᠡᠨ ᠢ᠋ ᠠᠮᠤᠷᠵᠢᠭᠤᠯᠬᠤ ᠡᠮ ᠦ᠋ᠨ ᠨᠠᠢᠷᠠᠯᠭᠠ ᠨᠢ᠄ ᠽᠠᠨᠳᠠᠨ᠂ ᠭᠢᠸᠠᠩ᠂ ᠵᠤᠭᠠᠩ᠂ ᠭᠦᠷᠭᠦᠮ᠂ ᠪᠠᠷᠠᠬᠱᠤᠢ᠍ᠨ᠂ ᠪᠣᠩᠭᠠᠷ᠂ ᠵᠢᠭᠠᠷ᠂ ᠬᠠᠷᠠ ᠬᠥᠬᠥᠯ᠂ ᠬᠠᠷᠠ ᠳ᠋ᠠᠭᠱᠠ᠂ ᠽᠢᠮᠪᠠ᠂ ᠮᠠᠨᠴᠢᠨ᠂ ᠠᠮᠤᠷᠵᠢᠭᠤᠯᠤᠭᠴᠢ ᠪᠦᠷᠦᠨᠠᠭ᠋᠂ ᠳᠣᠭᠣᠯᠭᠠᠭᠴᠢ ᠲᠠᠷᠨᠤ ᠪᠥᠭᠡᠳ ᠳᠡᠭᠡᠳᠦ ᠶᠣᠰᠣᠨ ᠤ᠋ ᠶᠡᠬᠡ ᠰᠢᠷᠠ ᠡᠮ ᠭᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠢ᠋ᠶ᠋ᠠᠷ ᠭᠤᠷᠮᠤᠰᠤᠨ ᠬᠢᠵᠢᠭ᠂ ᠤᠩᠭᠠᠷᠢᠯ ᠡᠪᠡᠳᠴᠢᠨ᠂ ᠨᠢᠳᠦ ᠰᠢᠷᠠᠯᠠᠬᠤ᠂ ᠦᠬᠦᠳᠬᠢᠨ ᠤᠨᠠᠬᠤ᠂ ᠬᠢᠵᠢᠭ ᠦ᠋ᠨ ᠵᠦᠢᠯ ᠳᠠᠪᠬᠤᠷᠯᠠᠨ ᠣᠪᠣᠭᠠᠷᠠᠭᠰᠠᠨ᠂ ᠴᠢᠰᠤ ᠰᠢᠷᠠ ᠰᠤᠳᠠᠯ ᠳ᠋ᠤ᠌ ᠭᠦᠶᠦᠬᠦ ᠲᠡᠷᠢᠭᠦᠲᠡᠨ ᠨᠢᠶᠠᠨ ᠡᠪᠡᠳᠴᠢᠨ ᠪᠦᠬᠦᠨ ᠳ᠋ᠦ᠍ ᠬᠣᠴᠣᠷᠤᠯ ᠦᠭᠡᠢ ᠡᠨᠡ ᠦᠯᠡᠮᠵᠢ᠃ ᠢᠯᠠᠩᠭᠤᠶᠠ ᠨᠢᠶᠠᠨ ᠬᠠᠯᠠᠭᠤᠨ ᠬᠠᠪᠰᠤᠷᠤᠯᠳᠤᠭᠰᠠᠨ᠂ ᠪᠣᠯᠪᠠᠰᠤᠷᠠᠭᠰᠠᠨ ᠪᠠ ᠡᠰᠡ ᠪᠣᠯᠪᠠᠰᠤᠷᠠᠭᠰᠠᠨ᠂ ᠦᠯᠦ ᠲᠠᠨᠢᠭᠳᠠᠬᠤ᠂ ᠬᠦᠴᠦᠨ ᠶᠡᠬᠡ ᠡᠪᠡᠳᠴᠢᠨ ᠳ᠋ᠦ᠍ ᠦᠯᠡᠮᠵᠢ ᠰᠠᠢᠨ ᠬᠡᠮᠡᠮᠦᠢ᠃
ᠳᠠᠭᠢᠨᠠᠰ ᠤ᠋ᠨ ᠭᠠᠯ ᠰᠤᠮᠤ ᠨᠢ᠄ ᠮᠠᠨᠴᠢᠨ᠂ ᠱᠣᠳᠠᠭ᠂ ᠵᠠᠼᠠ᠂ ᠵᠠᠩᠸᠠ᠂ ᠵᠠᠼᠠᠯ( ᠬᠢᠲᠠᠳ ᠰᠢᠩᠬᠤ)᠂ ᠵᠢᠭᠠᠷ ᠵᠢᠷᠭᠤᠭᠠ ᠶ᠋ᠢ ᠬᠤᠪᠢ ᠲᠡᠭᠰᠢ ᠨᠢᠭᠲᠠ ᠲᠠᠯᠬᠠᠳᠠᠭᠠᠳ ᠮᠠᠨᠴᠢᠨ ᠤ᠋ ᠦᠷᠡ ᠶ᠋ᠢᠨ ᠲᠡᠳᠦᠢ ᠷᠢᠯᠦ ᠬᠢᠵᠦ᠂ ᠲᠠᠪᠤ᠂ ᠳᠣᠯᠣᠭᠠ᠂ ᠶᠢᠰᠦ ᠵᠡᠷᠭᠡ ᠡᠪᠡᠳᠴᠢᠨ ᠦ᠌ ᠬᠦᠴᠦ᠂ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠢ᠋ ᠵᠢᠱ᠌ᠢᠵᠦ ᠥᠭᠪᠡᠰᠦ ᠰᠠᠬᠤᠤ ᠪᠣᠭᠣᠮᠠ ᠬᠠᠳᠬᠤᠯᠠᠭᠠ ᠲᠡᠷᠢᠭᠦᠲᠡᠨ ᠨᠢᠶᠠᠨ ᠤ᠋ ᠵᠦᠢᠯ ᠢ᠋ ᠬᠣᠴᠣᠷᠤᠯ ᠦᠭᠡᠢ ᠳᠠᠷᠤᠬᠤ ᠭᠠᠢᠬᠠᠮᠰᠢᠭᠲᠤ ᠵᠡᠪᠰᠡᠭ ᠮᠥᠨ᠃
ᠮᠠᠨᠴᠢᠨ᠂ ᠱᠣᠳᠠᠭ᠂ ᠠᠷᠤ ᠭᠤᠷᠪᠠ ᠶ᠋ᠢ ᠬᠤᠪᠢ ᠰᠠᠴᠠᠭᠤ ᠸᠴᠢᠷ ᠭᠤᠷᠪᠠ ᠶ᠋ᠢᠨ ᠨᠠᠢᠷᠠᠯᠭᠠ ᠳᠡᠭᠡᠷᠡᠬᠢ ᠯᠦ᠍ᠭᠡ ᠠᠳᠠᠯᠢ᠂ ᠡᠰᠡᠪᠡᠰᠦ ᠮᠠᠨᠴᠢᠨ᠂ ᠱᠦᠭᠼᠧᠷ᠂ ᠵᠢᠭᠠᠷ᠂ ᠬᠥᠬᠥᠯ᠂ ᠳ᠋ᠠᠭᠱᠠ᠂ ᠪᠦᠷᠦᠨᠠᠭ᠋᠂ ᠳ᠋ᠣᠩᠷᠣᠢ᠂ ᠱᠠᠴᠢᠨ᠂ ᠱᠣᠳᠠᠭ᠂ ᠠᠷᠤᠷᠠ ᠶ᠋ᠢᠨ ᠬᠠᠭᠠᠨ ᠤ᠋ ᠨᠠᠢᠷᠠᠯᠭᠠ ᠡᠭᠦᠨ ᠢ᠋ᠶ᠋ᠡᠷ ᠬᠢᠵᠢᠭ ᠡᠪᠡᠳᠴᠢᠨ ᠢ᠋ ᠬᠣᠴᠣᠷᠤᠯ ᠦᠭᠡᠢ ᠳᠠᠷᠤᠭᠴᠢ ᠸᠴᠢᠷ ᠮᠥᠨ᠂᠂ ᠮᠠᠨᠴᠢᠨ᠂ ᠵᠢᠭᠠᠷ᠂ ᠬᠥᠬᠥᠯ᠂ ᠷᠸᠵᠠᠭ᠋᠂ ᠱᠠᠴᠢᠨ᠂ ᠵᠤᠭᠠᠩ᠂ ᠭᠦᠷᠭᠦᠮ᠂ ᠭᠢᠸᠠᠩ᠂ ᠴᠦᠷᠼᠡ᠂ ᠲᠠᠷᠨᠤ᠂ ᠱᠣᠳᠠᠭ᠂ ᠳ᠋ᠦᠷᠵᠢᠳ᠂ ᠠᠷᠤᠷᠠ ᠨᠤᠭᠤᠳ ᠢ᠋ ᠦᠨᠦᠷᠲᠦ ᠤᠰᠤ ᠪᠠᠷ ᠮᠦᠬᠦᠯᠢᠭᠳᠡᠭᠰᠡᠨ ᠷᡁᠠᠬᠪᠤ —13 ( ᠲᠣᠭᠰᠢᠨ—13) ᠤ᠋ ᠨᠠᠢᠷᠠᠯᠭᠠ ᠪᠠᠷ ᠬᠠᠯᠠᠭᠤᠨ᠂ ᠨᠢᠶᠠᠨ᠂ ᠬᠢᠵᠢᠭ ᠶᠡᠷᠦ ᠬᠢᠭᠡᠳ ᠢᠯᠠᠩᠭᠤᠶᠠ ᠤᠩᠭᠠᠷᠢᠯ ᠬᠢᠵᠢᠭ ᠡᠪᠡᠳᠴᠢᠨ ᠪᠦᠬᠦᠨ ᠢ᠋ ᠬᠠᠲᠠᠭᠤ ᠪᠠᠷ ᠵᠠᠮ ᠠ᠋ᠴᠠ ᠨᠢ ᠪᠤᠴᠠᠭᠠᠬᠤ ᠶᠤᠮ᠃
ᠮᠠᠨᠴᠢᠨ1 ᠴᠢᠨ᠂ ᠴᠦᠷᠼᠡ2 ᠴᠢᠨ᠂ ᠷᠸᠵᠠᠭ᠋3 ᠴᠢᠨ᠂ ᠲᠠᠷᠨᠤ4 ᠴᠢᠨ ᠢ᠋ ᠨᠠᠢ᠍ᠮᠠᠨ ᠨᠠᠰᠤᠲᠤ ᠶ᠋ᠢᠨ ᠰᠢᠭᠡᠰᠦᠨ ᠳ᠋ᠦ᠍ ᠮᠦᠬᠦᠯᠢᠭᠳᠡᠵᠦ ᠣᠯᠠᠨ ᠴᠥᠭᠡᠨ ᠢ᠋ ᠡᠪᠡᠳᠴᠢᠨ ᠦ᠌ ᠬᠦᠴᠦ ᠯᠦ᠍ᠭᠡ ᠲᠣᠬᠢᠷᠠᠭᠤᠯᠤᠨ ᠥᠭᠪᠡᠯ ᠳᠥᠷᠪᠡᠨ ᠵᠠᠭᠤᠨ ᠳᠥᠷᠪᠡᠨ ᠡᠪᠡᠳᠴᠢᠨ ᠢ᠋ ᠳᠠᠷᠤᠨ ᠦᠢᠯᠡᠳᠦᠮᠦᠢ᠃ ᠲᠤᠬᠠᠢᠯᠠᠨ ᠨᠢᠶᠠᠨ ᠡᠪᠡᠳᠴᠢᠨ ᠢ᠋ ᠬᠣᠴᠣᠷᠤᠯ ᠦᠭᠡᠢ ᠳᠠᠷᠤᠬᠤ ᠶ᠋ᠢᠨ ᠳᠡᠭᠡᠳᠦ ᠪᠣᠯᠠᠢ᠃
( ᠨᠢᠭᠡ) ᠨᠢᠶᠠᠨ ᠬᠢᠵᠢᠭ ᠭᠤᠷᠮᠤᠰᠤᠨ ᠬᠠᠷᠠ
ᠨᠢᠶᠠᠨ ᠬᠠᠯᠠᠭᠤᠨ ᠬᠡᠢ ᠭᠤᠷᠪᠠ ᠨᠢᠭᠡᠳᠦᠨ ᠡᠷᠴᠢᠯᠡᠭᠰᠡᠨ ᠪᠥᠭᠡᠳ ᠲᠡᠭᠦᠨ ᠦ᠌ ᠰᠢᠨᠵᠢ᠄
ᠡᠬᠢᠯᠡᠭᠡᠳ ᠰᠡᠳᠬᠢᠯ ᠦᠯᠦ ᠪᠡᠶᠡᠰᠦᠨ᠂ ᠲᠣᠯᠣᠭᠠᠢ ᠡᠪᠡᠳᠬᠦ᠂ ᠠᠮᠠ ᠨᠢ ᠭᠠᠰᠢᠭᠤᠷᠠᠨ᠂ ᠰᠡᠳᠬᠢᠯ ᠳᠣᠯᠭᠢᠰᠴᠤ᠂ ᠪᠡᠶᠡ ᠴᠡᠴᠡᠷᠡᠨᠡ᠃ ᠰᠤᠳᠠᠯ ᠨᠢ ᠳᠡᠭᠡᠷᠡ ᠪᠡᠨ ᠵᠢᠪᠦᠩᠬᠡᠢ᠂ ᠳᠣᠣᠷᠠ ᠪᠠᠨ ᠡᠷᠴᠢᠮᠲᠡᠢ ᠪᠥᠭᠡᠳ ᠴᠡᠴᠡᠷᠡᠬᠦ᠂ ᠰᠢᠭᠡᠰᠦᠨ ᠦ᠌ ᠥᠩᠭᠡ ᠨᠢ ᠬᠠᠷᠠ᠂ ᠠᠭᠤᠷ ᠨᠢ ᠶᠡᠬᠡ ᠦᠢᠮᠡᠯᠳᠦᠵᠦ᠂ ᠢᠵᠠᠮᠠᠭ᠋ ᠨᠢ ᠬᠢᠮᠤᠷᠠᠯᠳᠤᠨᠠ᠃ ᠬᠦᠷᠦᠯᠴᠡᠬᠦ ᠨᠢ ᠲᠡᠰᠴᠦ ᠶᠠᠳᠠᠨ᠂ ᠡᠰᠡᠪᠡᠰᠦ ᠮᠡᠯᠡᠷᠡᠵᠦ᠂ ᠮᠡᠳᠡᠭᠡ ᠠᠯᠳᠠᠬᠤ᠂ ᠬᠡᠯᠡ ᠨᠢ ᠤᠯᠠᠢᠵᠤ ᠳᠡᠭᠡᠷᠡ ᠨᠢ ᠴᠠᠭᠠᠨ ᠲᠣᠯᠪᠣ ᠭᠠᠷᠬᠤ᠂ ᠬᠡᠯᠡᠨ ᠦ᠌ ᠳᠣᠲᠣᠷᠠ ᠬᠥᠨᠳᠡᠢ ᠶ᠋ᠢᠨ ᠮᠢᠬᠠᠨ ᠥᠩᠭᠡ ᠰᠢᠷᠠᠯᠠᠬᠤ᠂ ᠪᠣᠯᠪᠠᠰᠤᠷᠠᠬᠤ ᠶ᠋ᠢᠨ ᠴᠢᠯᠥᠭᠡ ᠦᠭᠡᠢ ᠵᠢᠷᠭᠤᠭᠠ᠂ ᠳᠣᠯᠣᠭᠠ ᠬᠣᠨᠣᠭ ᠲᠤ᠌ ᠦᠬᠦᠮᠦᠢ᠃
ᠠᠨᠠᠭᠠᠬᠤ ᠠᠷᠭᠠ ᠨᠢ᠄ ᠮᠠᠨᠴᠢᠨ᠂ ᠷᠡᠳᠤᠭ᠌᠂ ᠱᠦᠭᠼᠧᠷ᠂ ᠪᠦᠷᠦᠨᠠᠭ᠋᠂ ᠵᠢᠭᠠᠷ᠂ ᠬᠥᠬᠥᠯ᠂ ᠬᠠᠷᠠ ᠱᠣᠳᠠᠭ᠂ ᠳ᠋ᠠᠭᠱᠠ᠂ ᠯᠢᠭᠠᠳᠤᠷ᠂ ᠰᠢᠷᠠ ᠥᠩᠭᠡᠲᠦ ᠠᠷᠤᠷᠠ᠂ ᠱᠠᠴᠢᠨ ᠨᠤᠭᠤᠳ ᠢ᠋ᠶ᠋ᠠᠷ ᠬᠠᠷᠠ ᠶ᠋ᠢᠨ ᠴᠢᠭᠤᠯᠭᠠᠨ ᠢ᠋ ᠬᠣᠴᠣᠷᠤᠯ ᠦᠭᠡᠢ ᠳᠠᠷᠤᠵᠤ ᠦᠢᠯᠡᠳᠦᠮᠦᠢ᠃ ᠡᠨᠡ ᠨᠠᠢᠷᠠᠯᠭᠠ ᠶ᠋ᠢᠨ ᠠᠢᠮᠠᠭ ᠬᠢᠭᠡᠳ ᠳᠡᠭᠡᠷᠡ ᠨᠣᠮᠯᠠᠭᠰᠠᠨ ᠠᠮᠤᠷᠵᠢᠭᠤᠯᠤᠭᠴᠢ ᠡᠮ ᠦ᠋ᠳ ᠦ᠋ᠨ ᠠᠯᠢᠨ ᠢ᠋ᠶ᠋ᠠᠷ ᠡᠪᠡᠳᠴᠢᠨ ᠲᠤᠰᠤᠭᠰᠠᠨ ᠳᠠᠷᠤᠢ ᠨᠢᠶᠠᠨ ᠤ᠋ ᠠᠭᠤᠯᠠ ᠶ᠋ᠢ ᠬᠡᠮᠬᠡᠯᠬᠦ ᠲᠤᠯᠠ ᠬᠡᠳᠦᠨ ᠤᠳᠠᠭᠠ ᠰᠢᠲᠦᠭᠦᠯ᠃ ᠡᠪᠡᠳᠴᠢᠨ ᠦ᠌ ᠢᠯᠭᠠᠯ᠂ ᠳᠥᠷᠪᠡᠨ ᠮᠠᠬᠠᠪᠣᠳ ᠤ᠋ᠨ ᠬᠦᠴᠦᠨ ᠲᠡᠭᠦᠰ ᠲᠡᠷᠢᠭᠦᠲᠡᠨ ᠦ᠌ ᠰᠢᠨᠵᠢ ᠬᠢᠭᠡᠳ ᠵᠠᠰᠠᠬᠤ ᠠᠷᠭᠠ ᠶ᠋ᠢ ᠨᠢᠭᠲᠠ ᠮᠡᠳᠡᠬᠦ ᠬᠡᠷᠡᠭᠲᠡᠢ ᠲᠤᠯᠠ ᠳᠡᠭᠡᠳᠦ ᠶ᠋ᠢᠨ ᠤᠪᠠᠳᠢᠰ ᠡᠷᠳᠡᠨᠢ ᠭᠠᠷᠬᠤ ᠶ᠋ᠢᠨ ᠣᠷᠣᠨ᠂ ᠰᠤᠪᠤᠳ ᠡᠷᠢᠬᠡᠰ ᠲᠡᠷᠢᠭᠦᠲᠡᠨ ᠳ᠋ᠦ᠍ ᠠᠵᠢᠶᠠᠷᠪᠠᠰᠤ ᠮᠡᠳᠡᠮᠦᠢ᠃
( ᠬᠣᠶᠠᠷ) ᠠᠮᠠ ᠠᠷᠵᠠᠢᠬᠤ ᠡᠪᠡᠳᠴᠢᠨ
ᠲᠠᠪᠤᠨ ᠴᠥᠪ ᠦ᠋ᠨ ᠮᠠᠭᠤ ᠴᠠᠭ ᠪᠣᠯᠬᠤ ᠶ᠋ᠢᠨ ᠦᠶᠡᠰ《 ᠠᠮᠠ ᠠᠷᠵᠠᠢᠬᠤ》 ᠬᠡᠮᠡᠬᠦ ᠠᠶᠤᠯᠲᠠᠢ ᠮᠠᠭᠤ ᠡᠪᠡᠳᠴᠢᠨ ᠭᠠᠷᠬᠤ ᠭᠡᠮᠡᠨ ᠡᠰᠢ ᠦᠵᠡᠭᠦᠯᠦᠭᠰᠡᠨ ᠳ᠋ᠦ᠍ ᠵᠢᠭᠠᠭᠰᠠᠨ᠃ ᠡᠪᠡᠳᠴᠢᠨ ᠲᠡᠭᠦᠨ ᠳ᠋ᠦ᠍ ᠬᠦᠴᠦᠨ ᠶᠡᠬᠡ ᠪᠠᠭᠠ ᠬᠣᠶᠠᠷ ᠢᠯᠭᠠᠭᠰᠠᠨ ᠤ᠋ ᠲᠡᠳᠡᠭᠡᠷ ᠦ᠋ᠨ ᠲᠣᠰᠪᠣᠷᠢ ᠳ᠋ᠤ᠌ ᠴᠤ᠌ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠣᠶᠠᠷ ᠵᠦᠢᠯ ᠪᠠᠢᠳᠠᠭ᠃ ᠮᠠᠰᠢ ᠬᠦᠴᠦ ᠶᠡᠬᠡᠲᠡᠢ ᠨᠢ ᠡᠪᠡᠳᠬᠦ ᠶ᠋ᠢᠨ ᠴᠢᠯᠥᠭᠡ ᠦᠭᠡᠢ ᠦᠬᠦᠮᠦᠢ᠃ ᠲᠡᠢᠮᠦ ᠡᠴᠡ ᠲᠡᠭᠦᠨ ᠢ᠋ ᠦᠢᠮᠡᠵᠦ ᠤᠨᠠᠬᠤ ᠡᠪᠡᠳᠴᠢᠨ ᠭᠡᠮᠡᠨ ᠠᠢᠯᠠᠳᠪᠠ᠃ ᠭᠦᠶᠦᠵᠦ ᠤᠨᠠᠬᠤ ᠬᠠᠷᠠ ᠭᠡᠮᠡᠨ ᠨᠡᠷᠡᠢᠳᠦᠭᠰᠡᠨ ᠴᠦ᠍ ᠪᠠᠢᠮᠤᠢ᠃ ᠰᠢᠯᠢ ᠲᠠᠲᠠᠵᠤ᠂ ᠰᠢᠳᠦ ᠠᠷᠵᠠᠢᠬᠤ ᠢᠨᠢᠶᠡᠬᠦ ᠠᠳᠠᠯᠢ ᠭᠡᠨᠡᠳᠲᠡ ᠦᠬᠦᠬᠦ ᠪᠦᠬᠦᠨ ᠳ᠋ᠦ᠍ ᠭᠠᠮᠰᠢᠭ ᠲᠡᠮᠡᠴᠡᠯᠳᠦᠵᠦ ᠢᠷᠡᠬᠦ ᠲᠤᠯᠠ ᠡᠨᠳᠡᠭᠦᠷᠡᠬᠦ ᠭᠠᠵᠠᠷ ᠦᠭᠡᠢ᠃ ᠡᠨᠡ ᠡᠪᠡᠳᠴᠢᠨ ᠬᠢᠷᠢ ᠮᠡᠲᠦ ᠬᠦᠴᠦ ᠪᠠᠭᠠ ᠪᠣᠯᠪᠠᠴᠤ ᠶᠡᠷᠦᠨᠳᠡᠭ ᠡᠰᠡ ᠰᠢᠲᠦᠭᠦᠯᠪᠡᠰᠦ ᠵᠢᠷᠭᠤᠭᠠ᠂ ᠳᠣᠯᠣᠭᠠ ᠬᠣᠨᠣᠭ ᠤ᠋ᠨ ᠳᠣᠲᠣᠷᠠ ᠦᠬᠦᠨᠡ᠃
ᠰᠢᠨᠵᠢ ᠬᠢᠭᠡᠳ ᠢᠯᠡᠷᠡᠯ ᠨᠢ᠄ ᠨᠢᠶᠠᠨ ᠬᠠᠯᠠᠭᠤᠨ ᠶᠡᠷᠦ ᠮᠡᠲᠦ ᠪᠥᠭᠡᠳ ᠰᠡᠳᠬᠢᠯ ᠦᠯᠦ ᠪᠡᠶᠡᠰᠴᠦ᠂ ᠪᠡᠶᠡ ᠶ᠋ᠢᠨ ᠬᠦᠴᠦᠨ ᠳᠠᠷᠤᠢ ᠠᠯᠳᠠᠷᠠᠬᠤ᠂ ᠰᠢᠭᠡᠰᠦ ᠨᠢ ᠴᠢᠰᠤ ᠪᠤᠶᠤ ᠬᠠᠷᠠ ᠲᠣᠰᠣ ᠮᠡᠲᠦ ᠭᠠᠷᠬᠤ ᠪᠣᠯᠠᠢ᠃ ᠬᠠᠯᠠᠭᠤᠨ ᠬᠦᠴᠦᠲᠡᠢ ᠨᠢ᠄ ᠪᠡᠶᠡ ᠬᠠᠯᠠᠭᠤᠷᠠᠨ᠂ ᠲᠣᠯᠣᠭᠠᠢ ᠡᠪᠡᠳᠬᠦ᠃ ᠬᠦᠢᠲᠡᠨ ᠬᠦᠴᠦᠲᠡᠢ ᠨᠢ᠄ ᠪᠡᠶᠡ ᠨᠢ ᠴᠢᠯᠠᠭᠤ ᠮᠡᠲᠦ ᠬᠥᠷᠥᠬᠦ᠂ ᠬᠣᠳᠣᠭᠣᠳᠣ ᠣᠯᠣᠭᠠᠢ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠡᠪᠡᠳᠬᠦ ᠪᠥᠭᠡᠳ ᠴᠠᠩᠬᠠ ᠬᠥᠳᠡᠯᠬᠦ᠂ ᠠᠯᠢ ᠨᠢ ᠴᠦ᠍ ᠰᠢᠯᠢ ᠲᠠᠲᠠᠬᠤ ᠵᠡᠷᠭᠡ ᠪᠡᠷ ᠭᠣᠣᠯᠰᠠᠬᠤ ᠪᠣᠯᠠᠢ᠃ ᠬᠠᠶᠠ ᠵᠠᠷᠢᠮ ᠨᠢᠭᠡ ᠨᠢ ᠳᠣᠲᠣᠭᠰᠢ ᠪᠥᠬᠥᠢᠬᠦ ᠴᠦ᠍ ᠪᠠᠢᠮᠤᠢ᠃
ᠡᠮ ᠨᠢ᠄ ᠤᠷᠢᠳ ᠢ᠋ᠶ᠋ᠠᠷ ᠵᠢᠭᠠᠷ᠂ ᠬᠥᠬᠥᠯ᠂ ᠪᠦᠷᠦᠨᠠᠭ᠋᠂ ᠭᠠᠬᠠᠢ ᠶ᠋ᠢᠨ ᠬᠣᠷᠭᠣᠯ᠂ ᠵᠠᠵᠢᠭ᠋᠂ ᠽᠣᠳ᠂ ᠳ᠋ᠠᠭᠱᠠ ᠶ᠋ᠢᠨ ᠳᠠᠩ ᠢ᠋ ᠴᠢᠯᠥᠭᠡ ᠪᠠᠢᠪᠠᠯ ᠬᠡᠳᠦᠨᠲᠡ ᠰᠢᠲᠦᠭᠦᠯᠪᠡᠰᠦ ᠣᠨᠢᠰᠣ ᠮᠥᠨ᠃ ᠴᠢᠯᠥᠭᠡ ᠦᠭᠡᠢ ᠳ᠋ᠦ᠍ ᠡᠪᠡᠳᠴᠢᠯᠡᠮᠡᠭᠴᠡ ᠷᠢᠳᠤᠭ᠋᠂ ᠵᠢᠭᠠᠷ᠂ ᠷᠢᠨᠴᠢᠨ( ᠪᠠᠭᠠᠰᠤ)ᠢ ᠨᠠᠢᠷᠠᠭᠤᠯᠵᠤ ᠦᠨᠦᠷᠲᠦ ᠤᠰᠤ ᠪᠠᠷ ᠳᠠᠷᠤᠭᠤᠯᠵᠤ ᠨᠢᠭᠡ ᠡᠳᠦᠷ ᠲᠦ᠍ ᠭᠤᠷᠪᠠᠨ ᠤᠳᠠᠭᠠ ᠥᠭ᠃ ᠡᠰᠡᠬᠦᠯᠡ ᠭᠠᠷᠤᠳᠢ—5 ᠤ᠋ ᠳᠡᠭᠡᠷᠡ ᠪᠦᠷᠦᠨᠠᠭ᠂ ᠫᠦᠷᠨᠠᠭ᠋᠂ ᠬᠡᠷᠢᠶᠡᠨ ᠮᠢᠬᠠ ᠶ᠋ᠢ ᠨᠡᠮᠡᠵᠦ ᠬᠡᠳᠦᠨᠲᠡ ᠥᠭᠪᠡᠰᠦ ᠲᠤᠰᠠᠲᠠᠢ᠂ ᠡᠰᠡᠬᠦᠯᠡ ᠳᠣᠭᠰᠢᠨ ᠪᠦᠬᠦᠨ ᠢ᠋ ᠨᠣᠮᠣᠬᠠᠳᠬᠠᠭᠴᠢ ᠶ᠋ᠢᠨ ᠨᠠᠢᠷᠠᠯᠭᠠ᠂ ᠠᠷᠤᠷᠠ᠂ ᠽᠢᠮᠪᠠ᠂ ᠵᠢᠭᠠᠷ᠂ ᠳ᠋ᠠᠭᠱᠠ᠂ ᠬᠥᠬᠥᠯ᠂ ᠷᠦᠳᠠ᠂ ᠱᠣᠳᠠᠭ᠂ ᠠᠷᠤ ᠰᠸᠷᠳᠣᠭ᠋᠂ ᠪᠣᠩᠭᠠᠷ᠂ ᠳ᠋ᠢᠭᠳᠠ᠂ ᠭᠢᠸᠠᠩ᠂ ᠱᠦᠭᠼᠧᠷ᠂ ᠪᠠᠷᠠᠬᠱᠦ᠋ᠨ ᠢ᠋ ᠨᠠᠢᠷᠠᠭᠤᠯᠵᠤ ᠦᠨᠦᠷᠲᠦ ᠤᠰᠤ ᠪᠠᠷ ᠳᠠᠷᠤᠭᠤᠯ᠃ ᠨᠢᠶᠠᠨ ᠬᠠᠯᠠᠭᠤᠨ ᠶᠡᠷᠦ ᠬᠢᠭᠡᠳ ᠰᠠᠬᠤᠤ᠂ ᠪᠣᠭᠣᠮᠠ᠂ ᠣᠬᠣᠷ ᠬᠠᠳᠬᠤᠯᠠᠭᠠ ᠬᠢᠭᠡᠳ ᠢᠯᠠᠩᠭᠤᠶᠠ ᠭᠦᠶᠦᠵᠦ ᠤᠨᠠᠬᠤ ᠬᠠᠷᠠ ᠶ᠋ᠢᠨ ᠶᠡᠷᠦᠨᠳᠡᠭ ᠮᠥᠨ᠃ ᠥᠭᠡᠷᠡ ᠪᠠᠰᠠ ᠷᡁᠬᠠᠪᠤ—13 ᠲᠡᠷᠢᠭᠦᠲᠡᠨ ᠢ᠋ᠶ᠋ᠡᠷ ᠲᠤᠭᠤᠯᠭᠠ᠃ ᠡᠨᠡ ᠡᠪᠡᠳᠴᠢᠨ ᠶᠡᠬᠡ ᠬᠦᠴᠢᠷᠲᠡᠢ ᠡᠳᠡᠭᠡᠬᠦᠶᠡ ᠪᠡᠷᠬᠡ ᠭᠡᠮᠡᠨ ᠠᠢᠯᠠᠳᠤᠭᠰᠠᠨ ᠪᠣᠯᠪᠠᠴᠤ᠂ ᠳ᠋ᠣᠩᠷᠣᠢ᠂ ᠪᠡᠯᠳᠦᠭ᠂ ᠮᠠᠲᠠᠷ ᠤ᠋ᠨ ᠴᠢᠰᠤ᠂ ᠵᠢᠭᠠᠷ᠂ ᠳ᠋ᠣᠮᠷᡁᠢ ᠶ᠋ᠢ ᠨᠠᠢᠷᠠᠭᠤᠯᠤᠨ ᠣᠭᠣᠲᠣᠨᠠ ᠶ᠋ᠢᠨ ᠬᠣᠷᠭᠣᠯ ᠤ᠋ᠨ ᠲᠡᠳᠦᠢ ᠷᠢᠯᠦᠳᠡᠵᠦ᠂ ᠰᠠᠢᠨ ᠰᠢᠩᠬᠤ᠂ ᠵᠣᠭᠯᠠᠮᠠ ᠪᠠᠷ ᠬᠤᠪᠴᠠᠯᠠᠵᠤ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠦᠭᠪᠡᠰᠦ ᠪᠤᠯᠴᠢᠩ ᠤᠷᠪᠠᠬᠤ᠂ ᠳᠣᠲᠣᠷ ᠪᠣᠭᠣᠮᠠ᠂ ᠰᠠᠬᠤᠤ᠂ ᠪᠣᠭᠣᠮᠠ᠂ ᠬᠠᠳᠬᠤᠯᠠᠭᠠ ᠲᠡᠷᠢᠭᠦᠲᠡᠨ ᠴᠠᠭ ᠤ᠋ᠨ ᠮᠠᠭᠤ ᠡᠪᠡᠳᠴᠢᠨ᠂ ᠨᠢᠶᠠᠨ ᠤ᠋ ᠵᠦᠢᠯ ᠦ᠋ᠳ ᠲᠦ᠍ ᠡᠭᠦᠨ ᠲᠡᠢ ᠰᠠᠴᠠᠭᠤ ᠶᠡᠷᠦᠨᠳᠡᠭ ᠴᠤᠬᠠᠭ᠋ ᠲᠤᠯᠠ ᠵᠢᠷᠦᠬᠡᠨ ᠳ᠋ᠡᠭᠡᠨ ᠬᠠᠳᠠᠭᠠᠯᠠᠭᠲᠤᠨ᠃
ᠵᠠᠰᠠᠯ ᠳ᠋ᠤᠷ ᠡᠪᠡᠳᠴᠢᠲᠡᠨ ᠦ᠌ ᠬᠥᠮᠥᠰᠬᠡ ᠶ᠋ᠢᠨ ᠵᠠᠪᠰᠠᠷ ᠢ᠋ ᠵᠡᠭᠦᠦ ᠪᠡᠷ ᠬᠠᠳᠬᠤᠵᠤ ᠴᠢᠰᠤ ᠭᠠᠷᠭᠠᠪᠠᠰᠤ ᠬᠦᠴᠦᠨ ᠨᠢ ᠶᠡᠬᠡ ᠪᠣᠯᠪᠠᠴᠤ ᠡᠳᠡᠭᠡᠷᠡᠮᠦᠢ᠃ ᠬᠦᠵᠦᠭᠦᠦ ᠬᠥᠰᠢᠵᠦ ᠰᠢᠯᠢ ᠲᠡᠳᠡᠨ᠂ ᠴᠡᠭᠡᠵᠢ ᠪᠡᠷ ᠡᠪᠡᠳᠪᠡᠰᠦ ᠰᠢᠯᠢ ᠶ᠋ᠢᠨ ᠬᠣᠩᠬᠣᠷ ᠬᠢᠭᠡᠳ ᠵᠢᠷᠭᠤᠭᠠ᠂ ᠳᠣᠯᠣᠳᠤᠭᠠᠷ ᠦᠶᠡᠰ ᠢ᠋ ᠨᠢ ᠲᠥᠭᠡᠨᠡ᠃
ᠢᠯᠠᠩᠭᠤᠶᠠ ᠨᠢᠶᠠᠨ ᠡᠪᠡᠳᠴᠢᠨ ᠦ᠌ ᠬᠣᠣᠷ ᠳᠡᠢᠯᠦᠩᠭᠦᠢ ᠪᠡᠷ ᠪᠠᠷᠠᠭᠳᠠᠪᠠᠰᠤ ᠬᠡᠯᠡᠨ ᠦ᠌ ᠳᠣᠣᠷᠠᠬᠢ ᠬᠣᠶᠠᠷ ᠰᠤᠳᠠᠯ ᠣᠯᠠᠩᠬᠢ ᠨᠢ ᠳᠡᠯᠭᠡᠷᠡᠨᠡ᠃ ᠲᠡᠭᠦᠨ ᠢ᠋ ᠬᠣᠣᠷ ᠦᠭᠡᠢ ᠬᠤᠷᠴᠠ ᠮᠡᠰᠡ ᠪᠡᠷ ᠴᠣᠭᠣᠯᠬᠤ ᠶ᠋ᠢᠨ ᠦᠶᠡᠰ ᠮᠥᠩᠭᠥᠨ ᠴᠢᠯᠠᠭᠤᠨ ᠥᠩᠭᠡ ᠠᠳᠠᠯᠢ ᠴᠢᠰᠤ ᠠᠷᠪᠢᠨ ᠭᠠᠷᠪᠠᠯ ᠡᠳᠡᠭᠡᠬᠦ ᠨᠢ ᠬᠢᠯᠪᠠᠷ᠃ ᠡᠰᠡ ᠭᠠᠷᠪᠠᠰᠤ ᠴᠠᠭ ᠥᠩᠭᠡᠷᠡᠭᠰᠡᠨ ᠪᠥᠭᠡᠳ ᠦᠯᠦ ᠡᠳᠡᠭᠡᠬᠦ ᠶ᠋ᠢᠨ ᠲᠤᠯᠠ ᠡᠪᠡᠳᠦᠭᠰᠡᠨ ᠳᠠᠷᠤᠢ ᠬᠠᠨᠠᠪᠠᠰᠤ ᠣᠨᠢᠰᠣ ᠲᠠᠢ᠃ ᠭᠠᠳᠠᠷ ᠠᠮᠢᠰᠬᠤᠯ ᠲᠠᠰᠤᠷᠠᠪᠠᠴᠤ ᠵᠠᠷᠢᠮ ᠨᠢᠭᠡᠨ ᠨᠢ ᠡᠳᠡᠭᠡᠬᠦ ᠭᠡᠮᠡᠨ ᠠᠢᠯᠠᠳᠪᠠ᠃
ᠨᠢᠶᠠᠨ ᠤ᠋ ᠵᠦᠢᠯ ᠳ᠋ᠦ᠍ᠷ᠄ ᠬᠠᠨᠠᠬᠤ ᠶ᠋ᠢ ᠬᠣᠷᠢᠭᠰᠠᠨ ᠪᠣᠯᠪᠠᠴᠤ ᠡᠨᠡ ᠪᠣᠯ ᠡᠪᠡᠳᠬᠦ ᠶ᠋ᠢᠨ ᠴᠢᠯᠥᠭᠡ ᠦᠭᠡᠢ ᠦᠬᠦᠬᠦ ᠲᠤᠯᠠ ᠱᠤᠩᠭᠤᠴᠢᠨ ᠤᠨᠠᠬᠤ᠂ ᠳᠣᠲᠣᠷᠠ ᠪᠣᠭᠣᠮᠠ᠂ ᠪᠤᠯᠴᠢᠩ ᠤᠷᠪᠠᠬᠤ᠂ ᠨᠢᠶᠠᠨ ᠴᠠᠩᠬᠠ ᠳᠥᠷᠪᠡ ᠶ᠋ᠢ ᠵᠠᠰᠠᠬᠤ ᠠᠷᠭᠠ᠂ ᠵᠠᠰᠠᠯ ᠤ᠋ᠨ ᠲᠤᠢᠯ ᠨᠢ ᠮᠥᠨ ᠪᠣᠯᠠᠢ᠃ ᠠᠨᠠᠭᠠᠬᠤ ᠴᠢᠯᠥᠭᠡ ᠪᠠᠢᠬᠤ ᠨᠤᠭᠤᠳ ᠲᠤ᠌ ᠬᠤᠷᠢᠶᠠᠭᠰᠠᠨ ᠶᠤᠮ᠃
( ᠭᠤᠷᠪᠠ) ᠰᠢᠷᠠ ᠰᠤᠳᠠᠯ ᠳ᠋ᠤ᠌ ᠭᠦᠶᠦᠬᠦ
ᠰᠢᠷᠠ ᠰᠤᠳᠠᠯ ᠳ᠋ᠤ᠌ ᠭᠦᠶᠦᠬᠦ᠂ ᠭᠤᠷᠮᠤᠰᠤᠨ ᠬᠠᠷᠠ ᠡᠪᠡᠳᠴᠢᠨ ᠪᠣᠯ ᠡᠯᠢᠭᠡ᠂ ᠰᠥᠰᠥᠨ ᠣᠷᠣᠨ ᠳ᠋ᠤ᠌ ᠪᠠᠭᠤᠭᠰᠠᠨ ᠡᠪᠡᠳᠴᠢᠨ ᠮᠥᠨ ᠪᠥᠭᠡᠳ ᠡᠭᠦᠨ ᠦ᠌ ᠰᠢᠨᠵᠢ ᠶ᠋ᠢᠨ ᠣᠯᠠᠩᠬᠢ ᠨᠢ ᠭᠤᠷᠮᠤᠰᠤᠨ ᠬᠠᠷᠠ ᠶ᠋ᠢᠨ ᠰᠢᠨᠵᠢ ᠲᠡᠢ ᠠᠳᠠᠯᠢ ᠪᠣᠯᠪᠠᠴᠤ᠂ ᠡᠭᠦᠨ ᠢ᠋ ᠪᠣᠯᠪᠠᠰᠤᠷᠠᠬᠤ ᠶ᠋ᠢᠨ ᠦᠶᠡᠰ᠂ ᠮᠸᠷᡁᠢ( ᠬᠥᠮᠦᠨ ᠦ᠌ ᠰᠥᠰᠥ)᠂ ᠳ᠋ᠣᠮᠷᡁᠢ᠂ ᠵᠢᠭᠠᠷ᠂ ᠪᠣᠩᠭᠠᠷ᠂ ᠭᠦᠷᠦᠢ᠂ ᠴᠦᠮᠢᠨ᠂ ᠪᠠᠷᠠᠬᠱᠦ᠋ᠨ᠂ ᠶᠦᠩᠸᠠ ᠨᠤᠭᠦᠳ ᠢ᠋ ᠨᠠᠢ᠍ᠮᠠᠨ ᠨᠠᠰᠤᠲᠤ ᠶ᠋ᠢᠨ ᠰᠢᠭᠡᠰᠦᠨ ᠳ᠋ᠦ᠍ ᠨᠠᠢᠷᠠᠭᠤᠯᠵᠤ ᠳᠣᠲᠣᠷᠠ ᠠ᠋ᠴᠠ ᠨᠢ ᠥᠭ᠃ ᠪᠣᠯᠪᠠᠰᠤᠷᠠᠭᠤᠯᠤᠭᠴᠢ ᠳᠠᠩ ᠯᠤᠭᠠ ᠬᠠᠪᠰᠤᠷᠤᠭᠤᠯᠪᠠᠰᠤ ᠰᠠᠢᠨ᠂ ᠡᠰᠡᠬᠦᠯᠡ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ ᠶ᠋ᠢᠨ ᠮᠢᠬᠠ ᠶ᠋ᠢ ᠦᠨᠢᠶᠡᠨ ᠰᠦᠨ ᠳ᠋ᠦ᠍ ᠲᠠᠯᠪᠢᠵᠤ ᠦᠭᠪᠡᠰᠦ ᠪᠠᠶᠠᠨ ᠳ᠋ᠤ᠌ ᠰᠠᠷᠨᠢᠬᠤ ᠪᠥᠭᠡᠳ ᠲᠠᠷᠬᠠᠭᠰᠠᠨ ᠢ᠋ ᠬᠤᠷᠢᠶᠠᠮᠤᠢ᠃ ᠲᠡᠭᠦᠨ ᠦ᠌ ᠬᠣᠢᠨᠠ ᠳ᠋ᠦᠷᠵᠢᠳ᠂ ᠲᠠᠷᠨᠤ᠂ ᠷᠸᠵᠠᠭ᠋᠂ ᠶᠠᠵᠢᠮᠠ᠂ ᠤᠨᠪᠤ᠂ ᠷᡁᠳᠪᠤ᠂ ᠵᠸᠷᠸᠠ ᠶ᠋ᠢᠨ ᠬᠠᠨᠳᠠ ᠨᠤᠭᠤᠳ ᠢ᠋ ᠨᠠᠢᠷᠠᠭᠤᠯᠤᠭᠰᠠᠨ ᠲᠤᠭᠤᠯᠭᠠ ᠪᠠᠷ ᠠᠷᠢᠭᠤᠳᠬᠠᠪᠠᠰᠤ ᠤᠪᠠᠳᠢᠰ ᠤ᠋ᠨ ᠣᠨᠢᠰᠣ ᠮᠥᠨ᠃
ᠪᠡᠶᠡ ᠨᠢ ᠠᠯᠲᠠᠨ ᠬᠥᠷᠥᠭ ᠮᠡᠲᠦ ᠪᠣᠯᠪᠠᠰᠤ ᠰᠠᠭᠠᠭ ᠤ᠋ᠨ ᠭᠤᠯᠢᠷ ᠢ᠋ ᠤᠰᠤᠨ ᠳ᠋ᠤ᠌ ᠨᠤᠬᠤᠵᠤ᠂ ᠲᠡᠷᠭᠡᠨ ᠦ᠌ ᠲᠣᠯᠣᠭᠠᠢ ᠬᠡᠯᠪᠡᠷᠢᠲᠡᠢ ᠵᠠᠰᠠᠵᠤ᠂ ᠡᠪᠡᠳᠴᠢᠲᠡᠨ ᠦ᠌ ᠬᠦᠢᠰᠦᠨ ᠳᠡᠭᠡᠷᠡ ᠨᠠᠭᠠᠯᠳᠤᠭᠤᠯ᠃ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠬᠢᠲᠠᠳ ᠰᠢᠷᠠ ᠴᠠᠭᠠᠰᠤ ᠶ᠋ᠢ ᠣᠷᠢᠶᠠᠨ ᠭᠣᠣᠯ ᠬᠢᠵᠦ ᠬᠤᠩᠯᠠ ᠶ᠋ᠢᠨ ᠲᠣᠰᠣ ᠶ᠋ᠢ ᠳᠦᠷᠭᠢᠨ ᠰᠢᠲᠠᠭᠠᠵᠤ ᠭᠣᠣᠯ ᠨᠢ ᠪᠠᠷᠠᠬᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠰᠢᠷᠠ ᠥᠩᠭᠡ ᠨᠢ ᠬᠦᠢᠰᠦᠨ ᠨᠦᠬᠡ ᠪᠡᠷ ᠭᠠᠷᠬᠤ ᠪᠣᠯᠤᠨᠠ᠃ ᠲᠡᠭᠦᠨᠴᠢᠯᠡᠨ ᠨᠢᠳᠦ ᠬᠢᠭᠡᠳ ᠬᠠᠮᠠᠷ ᠤ᠋ᠨ ᠨᠦᠬᠡ ᠲᠡᠷᠢᠭᠦᠲᠡᠨ ᠳ᠋ᠦ᠍ ᠴᠦ᠍ ᠦᠢᠯᠡᠳ᠃ ᠲᠡᠷᠡ ᠮᠡᠲᠦ ᠣᠯᠠᠨᠲᠠ ᠦᠢᠯᠡᠳᠪᠡᠰᠦ ᠮᠢᠬᠠ ᠠᠷᠠᠰᠤᠨ ᠳ᠋ᠤ᠌ ᠲᠠᠷᠬᠠᠭᠰᠠᠨ ᠰᠢᠷᠠ ᠶ᠋ᠢ ᠬᠣᠴᠣᠷᠤᠯ ᠦᠭᠡᠢ ᠭᠠᠷᠭᠠᠨ ᠦᠢᠯᠡᠳᠦᠮᠦᠢ᠃
( ᠳᠥᠷᠪᠡ) ᠲᠠᠷᠢᠬᠢᠨ ᠬᠠᠳᠬᠤᠯᠠᠭᠠ
ᠲᠠᠷᠢᠬᠢᠨ ᠬᠠᠳᠬᠤᠯᠠᠭᠠ ᠶ᠋ᠢᠨ ᠰᠢᠨᠵᠢ᠄ ᠨᠢᠶᠠᠨ ᠬᠠᠯᠠᠭᠤᠨ ᠶᠡᠷᠦ ᠯᠦ᠍ᠭᠡ ᠠᠳᠠᠯᠢ᠃ ᠢᠯᠠᠩᠭᠤᠶᠠ ᠲᠠᠷᠢᠬᠢ ᠬᠠᠳᠬᠤᠯᠠᠬᠤ ᠪᠥᠭᠡᠳ ᠬᠠᠮᠠᠷ ᠠ᠋ᠴᠠ ᠴᠢᠰᠤ ᠴᠤᠪᠤᠷᠠᠬᠤ᠂ ᠲᠡᠭᠦᠨ ᠳ᠋ᠦ᠍ ᠶᠡᠷᠦᠨᠳᠡᠭ ᠢ᠋ ᠲᠦᠷᠭᠡᠨ ᠡᠰᠡ ᠰᠢᠲᠦᠭᠦᠯᠪᠡᠰᠦ ᠴᠠᠭ ᠠ᠋ᠴᠠ ᠥᠩᠭᠡᠷᠡᠨ ᠭᠠᠯᠵᠠᠭᠤᠷᠠᠬᠤ ᠪᠥᠭᠡᠳ ᠠᠮᠢᠨ ᠳ᠋ᠤᠷ ᠪᠤᠯᠢᠶᠠᠯᠳᠤᠮᠤᠢ᠃
ᠡᠮ ᠨᠢ᠄ ᠠᠩᠬᠠᠨ ᠳ᠋ᠤᠷ ᠮᠢᠲ᠋ᠤᠳ( ᠬᠥᠮᠦᠨ ᠦ᠌ ᠭᠠᠪᠠᠯᠠ)᠂ ᠪᠦᠷᠦᠢ᠍ᠷᠦᠢ᠂ ᠴᠠᠭᠠᠨ ᠳᠠᠩᠫᠤᠷᠤᠮ᠂ ᠬᠠᠷᠠ ᠱᠢᠪᠠᠭ᠋᠂ ᠬᠥᠬᠥᠯ ᠦ᠋ᠨ ᠳᠠᠩ ᠢ᠋ ᠬᠡᠳᠦᠨᠲᠡ ᠰᠢᠲᠦᠭᠦᠯᠦᠭᠰᠡᠨ ᠦ᠌ ᠬᠣᠢᠨᠠ ᠳ᠋ᠦᠮᠪᠦᠷᠸᠷᠡᠯ᠂ ᠴᠠᠭᠠᠨ ᠳᠠᠩᠫᠤᠷᠤᠮ᠂ ᠵᠢᠭᠠᠷ᠂ ᠬᠥᠬᠥᠯ᠂ ᠰᠢᠩᠭᠦᠨ᠂ ᠱᠤᠳᠠᠭ᠂ ᠯᠠᠩᠲ᠋ᠠᠩᠼᠸ᠂ ᠮᠦᠽᠢ᠂ ᠪᠤᠭᠤ ᠶ᠋ᠢᠨ ᠥᠭᠡᠬᠦ᠂ ᠦᠯᠴᠦ᠂ ᠵᠢᠳᠠᠩᠭᠠ᠂ ᠯᠤᠤ ᠶ᠋ᠢᠨ ᠶᠠᠰᠤ᠂ ᠬᠥᠮᠦᠨ ᠦ᠌ ᠬᠠᠭᠤᠴᠢᠨ ᠭᠠᠪᠠᠯᠠ᠂ ᠳ᠋ᠢᠭᠳᠡ ᠨᠤᠭᠦᠳ ᠦ᠋ᠨ ᠳᠡᠭᠡᠷᠡᠬᠢ ᠬᠣᠶᠠᠷ ᠢ᠋ ᠡᠷᠬᠢᠮᠯᠡᠨ ᠳᠣᠲᠣᠷᠠ ᠠ᠋ᠴᠠ ᠥᠭᠴᠦ ᠤᠲᠤᠭᠠ ᠪᠠᠷ ᠨᠢ ᠣᠲᠣᠰᠤᠭᠠᠢ᠃ ᠳᠠᠩᠫᠤᠷᠤᠮ ᠤ᠋ᠨ ᠬᠠᠨᠳᠠ᠂ ᠢᠮᠠᠭᠠᠨ ᠴᠢᠰᠤ᠂ ᠵᠠᠼᠤᠢ ᠶ᠋ᠢ ᠨᠠᠢᠷᠠᠭᠤᠯᠤᠭᠰᠠᠨ ᠪᠦᠬᠦᠨᠡ ᠲᠤᠰᠠ ᠲᠡᠭᠦᠯᠳᠡᠷ ᠢ᠋ᠶ᠋ᠡᠷ ᠲᠠᠷᠢᠬᠢᠨ ᠬᠠᠳᠬᠤᠯᠠᠭᠠ᠂ ᠨᠢᠶᠠᠨ ᠬᠢᠵᠢᠭ᠂ ᠴᠠᠭᠠᠨ ᠬᠤᠶᠠᠩ ᠬᠡᠢ ᠬᠠᠪᠰᠤᠷᠤᠯᠳᠤᠭᠰᠠᠨ ᠲᠡᠷᠢᠭᠦᠲᠡᠨ ᠲᠠᠨᠢᠭᠳᠠᠬᠤ ᠳ᠋ᠤ᠌ ᠪᠡᠷᠬᠡ ᠲᠣᠯᠣᠭᠠᠢ ᠶ᠋ᠢᠨ ᠡᠪᠡᠳᠴᠢᠨ ᠶᠡᠷᠦ ᠳ᠋ᠦ᠍ ᠲᠤᠰᠠᠯᠠᠬᠤ ᠠᠨᠤ ᠭᠠᠢᠬᠠᠮᠰᠢᠭ᠋ ᠪᠣᠯᠠᠢ᠃
( ᠲᠠᠪᠤ) ᠨᠢᠳᠦᠨ ᠬᠢᠵᠢᠭ
ᠨᠢᠳᠦᠨ ᠬᠢᠵᠢᠭ ᠢᠨᠤ ᠥᠯᠵᠡᠢ ᠪᠤᠰᠤ ᠭᠠᠷᠬᠤ ᠨᠢ ᠤᠷᠢᠳ ᠤ᠋ᠨ ᠢᠷᠣᠠ※ ᠮᠥᠨ᠃
ᠡᠮ ᠨᠢ᠄ ᠪᠠᠩᠽᠢ—12 ᠬᠤᠪᠢ ᠲᠡᠭᠦᠯᠳᠡᠷ ᠦ᠋ᠨ ᠳᠡᠭᠡᠷᠡ ᠭᠦᠷᠭᠦᠮ᠂ ᠠᠸᠠ᠂ ᠲᠡᠮᠦᠷ ᠮᠣᠭᠠᠢ ᠶ᠋ᠢ ᠨᠡᠮᠡᠪᠡᠰᠦ ᠴᠢᠳᠠᠮᠤᠢ᠃
( ᠵᠢᠷᠭᠤᠭᠠ) ᠴᠢᠬᠢᠨ ᠰᠤᠳᠠᠰᠤ ᠦᠯᠢᠶᠡᠭᠳᠡᠬᠦ
ᠴᠢᠬᠢᠨ ᠰᠤᠳᠠᠰᠤ ᠦᠯᠢᠶᠡᠭᠳᠡᠬᠦ ᠨᠢ᠄ ᠴᠢᠬᠢᠨ ᠦ᠌ ᠤᠭ ᠢ᠋ᠶ᠋ᠠᠷ ᠯᠤᠭᠰᠢᠵᠤ ᠬᠠᠳᠬᠤᠯᠠᠬᠤ᠂ ᠬᠦᠴᠦᠨ ᠪᠠᠭᠠ ᠨᠢ ᠭᠡᠮ ᠦᠭᠡᠢ᠂ ᠬᠦᠴᠦᠨ ᠶᠡᠬᠡ ᠨᠢ ᠴᠢᠬᠢ ᠳᠦᠯᠡᠢᠷᠡᠬᠦ᠂ ᠡᠰᠡᠪᠡᠰᠦ ᠪᠠᠷᠪᠠᠳᠠ ᠶ᠋ᠢᠨ ᠡᠪᠡᠳᠴᠢᠨ ᠪᠣᠯᠬᠤ ᠪᠤᠶᠤ ᠭᠡᠨᠡᠳᠲᠡ ᠬᠠᠪᠤᠳᠴᠤ ᠳᠣᠲᠣᠭᠰᠢ ᠠᠯᠳᠠᠭᠳᠠᠪᠠᠰᠤ ᠦᠬᠦᠬᠦ ᠴᠦ᠍ ᠪᠣᠢ᠃ ᠡᠭᠦᠨ ᠳ᠋ᠦ᠍ ᠭᠠᠷᠤᠳᠢ—5 ᠤ᠋ ᠳᠡᠭᠡᠷᠡ ᠬᠥᠬᠥᠯ᠂ ᠳ᠋ᠠᠭᠱᠠ᠂ ᠦᠯᠴᠦ᠂ ᠰᠸᠼᠤᠸᠠ ᠨᠡᠮᠡᠨ ᠦᠭᠪᠡᠰᠦ ᠲᠤᠰᠠᠯᠠᠨᠠ᠃
( ᠳᠣᠯᠣᠭᠠ) ᠰᠠᠬᠤᠤ
ᠨᠢᠶᠠᠨ ᠡᠪᠡᠳᠴᠢᠨ ᠬᠣᠭᠣᠯᠠᠢ ᠳ᠋ᠤ᠌ ᠪᠠᠭᠤᠪᠠᠰᠤ ᠰᠠᠬᠤᠤ ᠬᠡᠮᠡᠬᠦ ᠪᠥᠭᠡᠳ ᠢᠯᠭᠠᠯ ᠳ᠋ᠤ᠌ ᠡᠷᠡ ᠡᠮᠡ ᠲᠡᠷᠢᠭᠦᠲᠡᠨ ᠣᠯᠠᠨ ᠪᠠᠢᠬᠤ᠂ ᠠᠯᠢᠨ ᠴᠤ᠌ ᠨᠢᠶᠠᠨ ᠡᠪᠡᠳᠴᠢᠲᠡᠨ ᠦ᠌ ᠠᠮᠠᠨ ᠤ᠋ ᠦᠨᠦᠷ ᠲᠣᠰᠪᠠᠰᠤ ᠬᠠᠯᠳᠠᠮᠤᠢ᠃
ᠡᠮ ᠨᠢ᠄ ᠡᠬᠢᠯᠡᠭᠡᠳ ᠬᠥᠬᠥᠯ᠂ ᠬᠠᠷᠠ ᠱᠢᠪᠠᠬ ᠤ᠋ᠨ ᠳᠠᠩ ᠢ᠋ ᠥᠭᠭᠦᠭᠰᠡᠨ ᠦ᠌ ᠳᠠᠷᠠᠭᠠ ᠭᠠᠷᠤᠳᠢ—5 ᠪᠤᠶᠤ ᠪᠠᠩᠽᠢ—12 ᠣᠨ ᠳᠡᠭᠡᠷᠡ ᠯᠢᠰᠢ ᠶ᠋ᠢ ᠡᠷᠬᠢᠮᠯᠡᠨ᠂ ᠮᠣᠷᠢᠨ ᠰᠢᠷᠠᠯᠵᠢ ᠶ᠋ᠢᠨ ᠳᠠᠩ ᠢ᠋ᠶ᠋ᠠᠷ ᠳᠠᠷᠤᠭᠤᠯ᠃
( ᠨᠠᠢ᠍ᠮᠠ) ᠪᠣᠭᠣᠮᠠ
ᠪᠣᠭᠣᠮᠠ ᠡᠪᠡᠳᠴᠢᠨ ᠦ᠌ ᠰᠢᠯᠲᠠᠭᠠᠨ ᠨᠥᠬᠥᠴᠡᠯ ᠨᠢ ᠨᠢᠶᠠᠨ ᠡᠪᠡᠳᠴᠢᠨ ᠦ᠌ ᠶᠡᠷᠦ ᠯᠦ᠍ᠭᠡ ᠠᠳᠠᠯᠢ ᠪᠣᠯᠪᠠᠴᠤ ᠡᠨᠡ ᠢᠨᠤ ᠰᠠᠯᠬᠢᠨ᠂ ᠦᠨᠦᠷ ᠲᠡᠷᠢᠭᠦᠲᠡᠨ ᠢ᠋ᠶ᠋ᠡᠷ ᠬᠠᠯᠳᠠᠬᠤ ᠨᠢ ᠴᠥᠭᠡᠬᠡᠨ᠂ ᠰᠢᠭᠡᠰᠦᠨ ᠥᠩᠭᠡ ᠬᠠᠷᠠ ᠪᠥᠭᠡᠳ ᠳᠡᠭᠡᠷᠡ ᠪᠡᠨ ᠲᠤᠩᠭᠠᠯᠠᠭ᠂ ᠢᠷᠣᠭᠠᠷ ᠲᠠᠭᠠᠨ ᠪᠤᠯᠠᠩᠭᠢᠷ ᠠᠭᠤᠷ ᠪᠦᠷᠬᠦᠵᠦ᠂ ᠢᠵᠠᠮᠠᠭ᠋ ᠨᠢ ᠬᠢᠮᠤᠷᠠᠯᠳᠤᠪᠠᠰᠤ ᠮᠠᠭᠠᠳ ᠪᠣᠭᠣᠮᠠ ᠮᠥᠨ᠃
ᠡᠮ ᠨᠢ᠄ ᠵᠢᠭᠠᠷ᠂ ᠬᠥᠬᠥᠯ᠂ ᠰᠢᠩᠭᠦᠨ ᠭᠤᠷᠪᠠ ᠶ᠋ᠢ ᠨᠠᠢᠷᠠᠭᠤᠯᠤᠭᠰᠠᠨ ᠨᠣᠵᠢᠳ ᠰᠦᠮ( ᠭᠠᠯᠵᠠᠭᠤᠷᠠᠭᠤᠯᠤᠭᠴᠢ ᠭᠤᠷᠪᠠ) ᠭᠡᠮᠡᠨ ᠪᠣᠭᠣᠮᠠ ᠶ᠋ᠢᠨ ᠡᠪᠡᠳᠴᠢᠨ ᠪᠦᠬᠦᠨ ᠢ᠋ ᠠᠷᠢᠯᠭᠠᠬᠤ ᠶ᠋ᠢᠨ ᠳᠡᠭᠡᠳᠦ ᠡᠮ ᠮᠥᠨ᠃ ᠦᠯᠴᠦ—18 ᠤ᠋ ᠨᠠᠢᠷᠠᠯᠭᠠ ᠶ᠋ᠢ ᠡᠳᠡᠭᠡᠷᠡᠲᠡᠯᠡ ᠥᠭ᠃ ᠪᠠᠰᠠ ᠵᠢᠭᠠᠰᠤ᠂ ᠮᠣᠭᠠᠢ ᠶ᠋ᠢᠨ ᠰᠡᠭᠦᠯ ᠠᠳᠠᠯᠢ᠂ ᠴᠢᠴᠢᠭᠦᠷ ᠬᠣᠷᠣᠬᠠᠢ( ᠳᠥᠷᠪᠡᠨ ᠵᠢᠭᠦᠷᠲᠦ ᠡᠷᠪᠡᠬᠡᠢ ᠮᠡᠲᠦ)᠂ ᠠᠭᠠᠯᠵᠢ ᠶ᠋ᠢᠨ ᠬᠥᠯ ᠠᠳᠠᠯᠢ᠂ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ ᠶ᠋ᠢᠨ ᠡᠪᠡᠷ᠂ ᠮᠡᠯᠡᠬᠡᠢ ᠶ᠋ᠢᠨ ᠠᠷᠤ ᠠᠳᠠᠯᠢ᠂ ᠰᠢᠨᠠᠭᠠᠨ ᠬᠣᠷᠣᠬᠠᠢ ᠶ᠋ᠢᠨ ᠲᠣᠯᠣᠭᠠᠢ᠂ ᠵᠠᠯᠠᠭᠤ ᠡᠬᠡᠨᠡᠷ ᠦ᠋ᠨ ᠬᠥᠬᠥ ᠮᠡᠲᠦ ᠶ᠋ᠢ ᠭᠣᠣᠯ ᠳ᠋ᠤᠨᠢ ᠲᠤᠰ ᠲᠤᠰ ᠲᠥᠭᠡᠨᠡ᠃ ᠭᠠᠯ ᠪᠣᠭᠣᠮᠠ ᠠ᠋ᠴᠠ ᠪᠤᠰᠤᠳ ᠢ᠋ ᠭᠠᠯ ᠢ᠋ᠶ᠋ᠠᠷ ᠲᠥᠭᠡᠨᠡᠬᠦ ᠨᠢ ᠣᠨᠢᠰᠣ ᠲᠠᠢ᠃ ᠢᠳᠡᠭᠡᠨ ᠳ᠋ᠦ᠍ᠷ ᠴᠠᠭᠠᠨ᠂ ᠠᠮᠲᠠᠯᠢᠭ᠂ ᠢᠯᠵᠢᠷᠬᠡᠢ᠂ ᠢᠰᠬᠦᠯᠡᠩ᠂ ᠬᠠᠯᠠᠭᠤᠨ ᠲᠡᠷᠢᠭᠦᠲᠡᠨ ᠢ᠋ ᠲᠡᠪᠴᠢ᠃ ᠶᠠᠪᠤᠳᠠᠯ ᠮᠥᠷ ᠲᠣᠷ ᠲᠠᠴᠢᠶᠠᠯᠳᠤᠬᠤ᠂ ᠡᠳᠦᠷ ᠤᠨᠲᠠᠬᠤ᠂ ᠬᠠᠲᠠᠭᠤ ᠬᠦᠴᠦᠯᠡᠬᠦ᠂ ᠮᠣᠷᠢ ᠤᠨᠤᠬᠤ᠂ ᠤᠰᠤ ᠭᠠᠲᠤᠯᠬᠤ ᠶ᠋ᠢ ᠰᠠᠬᠤᠤ ᠪᠣᠭᠣᠮᠠ ᠬᠣᠶᠠᠷ ᠲᠤ᠌ ᠴᠡᠭᠡᠷᠯᠡ᠃
( ᠶᠢᠰᠦ) ᠣᠬᠣᠷ ᠬᠠᠳᠬᠤᠯᠠᠭᠠ
ᠣᠬᠣᠷ ᠬᠠᠳᠬᠤᠯᠠᠭᠠ ᠡᠪᠡᠳᠴᠢᠨ ᠦ᠌ ᠶᠡᠷᠦ ᠶ᠋ᠢᠨ ᠰᠢᠨᠵᠢ ᠨᠢ ᠨᠢᠶᠠᠨ ᠲᠠᠢ ᠠᠳᠠᠯᠢ᠃ ᠰᠤᠳᠠᠯ ᠨᠢ ᠣᠬᠣᠷ ᠪᠥᠭᠡᠳ ᠦᠶᠡ ᠦᠶᠡ ᠣᠯᠠᠨ ᠯᠤᠭᠰᠢᠨᠠ᠃ ᠬᠠᠲᠠᠭᠤ ᠳᠣᠭᠰᠢᠨ ᠤ᠋ ᠰᠢᠭᠡᠰᠦᠨ ᠥᠩᠭᠡ ᠨᠢ ᠤᠯᠠᠪᠤᠷ ᠰᠢᠷᠠ᠂ ᠦᠨᠦᠷ ᠠᠭᠤᠷ ᠶᠡᠬᠡ᠂ ᠡᠰᠡᠬᠦᠯᠡ ᠪᠣᠷᠣ ᠤᠲᠤᠭᠠᠨ ᠤ᠋ ᠥᠩᠭᠡ ᠠᠳᠠᠯᠢ ᠭᠠᠷᠬᠤ᠂ ᠢᠯᠭᠠᠯ ᠨᠢ ᠴᠢᠰᠤᠨ ᠬᠠᠳᠬᠤᠯᠠᠭᠠ ᠪᠣᠯ ᠪᠠᠷᠠᠭᠤᠨ ᠲᠠᠯᠠ᠂ ᠨᠢᠶᠠᠨ ᠬᠠᠳᠬᠤᠯᠠᠭᠠ ᠪᠣᠯ ᠵᠡᠭᠦᠨ ᠲᠠᠯᠠ ᠪᠠᠷ᠂ ᠬᠡᠢ ᠬᠠᠳᠬᠤᠯᠠᠭᠠ ᠪᠣᠯ ᠬᠠᠮᠢᠭᠠ ᠴᠤ᠌ ᠮᠠᠭᠠᠳ ᠦᠭᠡᠢ᠃
ᠰᠡᠷᠭᠡᠢᠯᠡᠬᠦ ᠠᠷᠭᠠ ᠨᠢ᠄ ᠭᠠᠪᠤᠷ᠂ ᠬᠥᠬᠥᠯ᠂ ᠳᠠᠪᠤᠰᠤ᠂ ᠮᠦᠽᠢ ᠶ᠋ᠢ ᠵᠡᠭᠦᠨ ᠮᠥᠷᠦᠨ ᠳ᠋ᠦ᠍ᠨᠢ ᠵᠡᠭᠦᠯᠭᠡ᠃
ᠵᠠᠰᠠᠬᠤ ᠠᠷᠭᠠ᠄ ᠯᠢᠳᠡᠷᠢ᠂ ᠽᠣᠳ᠂ ᠠᠷᠤᠷᠠ ᠶ᠋ᠢᠨ ᠳᠠᠩ᠂ ᠪᠠᠩᠽᠢ—12᠂ ᠬᠠᠯᠠᠵᠠᠢᠳᠠᠪ ᠲᠡᠷᠢᠭᠦᠲᠡᠨ ᠢ᠋ ᠠᠯᠢᠨ ᠳ᠋ᠤ᠌ ᠶᠠᠭᠤ ᠬᠡᠷᠡᠭᠯᠡᠬᠦ ᠶᠡᠷᠦᠨᠳᠡᠭ ᠢ᠋ ᠪᠤᠰᠤᠳ ᠠ᠋ᠴᠠ ᠮᠡᠳᠡᠭᠲᠦᠨ᠃
( ᠠᠷᠪᠠ) ᠨᠢᠶᠠᠨ ᠴᠠᠩᠬᠠ
ᠨᠢᠶᠠᠨ ᠴᠠᠩᠬᠠ ᠶ᠋ᠢᠨ ᠰᠢᠯᠲᠠᠭᠠᠨ ᠨᠢ ᠳᠡᠭᠡᠷᠡᠬᠢ ᠲᠡᠢ ᠠᠳᠠᠯᠢ᠂ ᠨᠥᠬᠥᠴᠡᠯ ᠨᠢ ᠡᠰᠡ ᠰᠢᠩᠭᠡᠭᠰᠡᠨ᠂ ᠬᠥᠯᠥᠷᠡᠵᠦ ᠲᠠᠭᠠᠷᠠᠭᠰᠠᠨ ᠵᠡᠷᠭᠡ ᠡᠴᠡ ᠪᠣᠯᠵᠤ᠂ ᠲᠡᠭᠦᠨ ᠳ᠋ᠦ᠍ ᠬᠦᠴᠦᠨ ᠶᠡᠬᠡ ᠨᠢ ᠡᠪᠡᠳᠦᠭᠰᠡᠨ ᠳᠠᠷᠤᠢ ᠬᠣᠳᠣᠭᠣᠳᠣᠨ ᠠ᠋ᠴᠠ ᠪᠥᠭᠡᠯᠵᠢᠨ᠂ ᠰᠠᠯᠠᠢᠷᠠᠬᠰᠠᠨ ᠤᠰᠤ ᠭᠠᠷᠪᠠᠰᠤ ᠦᠬᠦᠨᠡ᠃ ᠬᠦᠴᠦᠨ ᠳᠤᠮᠳᠠ ᠨᠢ ᠬᠣᠳᠣᠭᠣᠳᠣ ᠶᠡᠬᠡ ᠡᠪᠡᠷᠰᠢᠶᠡᠵᠦ᠂ ᠮᠤᠰᠬᠢᠷᠠᠬᠤ᠂ ᠰᠤᠳᠠᠯ ᠤ᠋ᠨ ᠬᠦᠴᠦᠨ ᠪᠠᠭᠤᠷᠠᠬᠤ᠂ ᠰᠣᠷᠮᠤᠤᠰᠤ ᠤᠷᠤᠭᠤ ᠰᠢᠷᠢᠯᠳᠦᠬᠦ᠂ ᠳᠡᠭᠡᠭᠰᠢ ᠪᠥᠭᠡᠯᠵᠢᠨ᠂ ᠳᠣᠷᠣᠭᠰᠢ ᠰᠠᠭᠤᠯᠭᠠᠵᠤ᠂ ᠪᠤᠯᠴᠢᠩ ᠤᠷᠪᠠᠬᠤ᠂ ᠰᠢᠷᠠ ᠦᠰᠦ ᠨᠢᠴᠤᠬᠤ᠂ ᠡᠨᠡ ᠢᠨᠤ ᠭᠦᠶᠦᠵᠦ ᠤᠨᠠᠬᠤ ᠬᠠᠷᠠ ᠶ᠋ᠢᠨ ᠢᠵᠠᠭᠤᠷ ᠮᠥᠨ ᠲᠤᠯᠠ ᠰᠢᠲᠦ ᠨᠢ ᠠᠷᠵᠠᠢᠨ ᠢᠨᠢᠶᠡᠬᠦ ᠠᠳᠠᠯᠢ ᠪᠠᠷ ᠦᠬᠦᠬᠦ ᠴᠦ᠍ ᠪᠠᠢᠮᠤᠢ᠃ ᠬᠦᠴᠦᠨ ᠪᠠᠭᠠ ᠨᠢ ᠬᠣᠳᠣᠭᠣᠳᠣᠨ ᠳ᠋ᠤ᠌ ᠬᠣᠷᠣᠬᠠᠢ ᠳᠦᠭᠦᠷᠦᠭᠰᠡᠨ ᠰᠢᠭ ᠪᠣᠯᠬᠤ᠂ ᠡᠪᠡᠳᠦᠨ ᠬᠠᠳᠬᠤᠯᠠᠬᠤ᠂ ᠵᠠᠷᠢᠮ ᠳ᠋ᠠᠭᠠᠨ ᠬᠠᠲᠠᠭᠤᠷᠠᠨ ᠦᠢᠯᠡᠳᠬᠦ ᠪᠥᠭᠡᠳ ᠤᠰᠤ ᠠᠳᠠᠯᠢ ᠰᠠᠭᠤᠯᠭᠠᠬᠤ᠂ ᠨᠢᠶᠠᠨ ᠳ᠋ᠤ᠌ ᠬᠣᠣᠷ ᠲᠠᠢ ᠢᠳᠡᠭᠡᠨ ᠢ᠋ ᠰᠢᠲᠦᠭᠰᠡᠨ ᠡᠴᠡ ᠤᠷᠤᠭᠤ ᠣᠳᠪᠠᠰᠤ ᠨᠢᠶᠠᠨ ᠴᠠᠩᠬᠠ ᠮᠥᠨ ᠲᠤᠯᠠ ᠪᠦᠬᠦᠨ ᠳ᠋ᠦ᠍ ᠭᠠᠮᠰᠢᠭ ᠢᠷᠡᠮᠦᠢ᠃
ᠡᠮ ᠨᠢ᠄ ᠬᠠᠷᠠ ᠭᠠᠪᠤᠷ᠂ ᠪᠠᠷᠠᠬᠱᠦᠢ᠍ᠨ᠂ ᠫᠦᠷᠮᠦᠩ ᠦ᠋ᠨ ᠳᠠᠩ ᠢ᠋ ᠥᠭᠭᠦᠭᠡᠳ ᠭᠠᠷᠤᠳᠢ—5᠂ ᠠᠷᠤᠷᠠ—10 ᠬᠢᠭᠡᠳ ᠷᡁᠬᠠᠪᠤ—13 ᠵᠡᠷᠭᠡ ᠶ᠋ᠢᠨ ᠲᠤᠭᠤᠯᠭᠠ ᠪᠠᠷ ᠠᠷᠢᠯᠭᠠ᠃ ᠪᠠᠰᠠ ᠳᠠᠯᠠᠢ ᠶ᠋ᠢᠨ ᠳᠠᠪᠤᠰᠤ᠂ ᠭᠣᠯᠣᠮᠲᠠ ᠶ᠋ᠢᠨ ᠰᠢᠷᠣᠢ ᠲᠠᠢ ᠨᠠᠢᠷᠠᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠴᠠᠩᠬᠠ ᠶ᠋ᠢ ᠬᠣᠴᠣᠷᠤᠯ ᠦᠭᠡᠢ ᠠᠷᠢᠯᠭᠠᠨᠠ᠃
( ᠠᠷᠪᠠᠨ ᠨᠢᠭᠡ) ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ
ᠨᠢᠶᠠᠨ ᠡᠪᠡᠳᠴᠢᠨ ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ ᠳ᠋ᠤ᠌ ᠢᠯᠭᠠᠯ ᠣᠯᠠᠨ ᠪᠠᠢᠬᠤ ᠪᠣᠯᠪᠠᠴᠤ ᠦᠰᠦᠭ ᠣᠯᠠᠳᠠᠬᠤ ᠠ᠋ᠴᠠ ᠬᠢᠴᠢᠶᠡᠵᠦ ᠡᠨᠳᠡ ᠡᠰᠡ ᠪᠢᠴᠢᠪᠡᠢ᠃
ᠶᠡᠷᠦ ᠶ᠋ᠢᠨ ᠰᠢᠨᠵᠢ᠄ ᠳᠥᠷᠪᠡᠨ ᠮᠥᠴᠢ᠂ ᠭᠡᠳᠡᠰᠦ ᠡᠪᠡᠳᠴᠦ᠂ ᠰᠠᠭᠤᠯᠭᠠᠬᠤ᠂ ᠰᠤᠳᠠᠯ ᠨᠢ ᠨᠠᠷᠢᠨ ᠡᠷᠴᠢᠮᠲᠡᠢ᠂ ᠲᠦᠷᠭᠡᠨ᠂ ᠵᠠᠷᠢᠮ ᠦᠶᠡᠰ ᠲᠦ᠍ ᠴᠡᠴᠡᠷᠡᠬᠦ᠂ ᠰᠢᠭᠡᠰᠦ ᠨᠢ ᠤᠯᠠᠭᠠᠨ᠂ ᠦᠨᠦᠷ ᠦᠮᠡᠬᠡᠢ᠂ ᠠᠭᠤᠷ ᠶᠡᠬᠡ᠂ ᠢᠵᠠᠮᠠᠭ᠋ ᠨᠢ ᠮᠠᠰᠢ ᠵᠤᠵᠠᠭᠠᠨ ᠪᠥᠭᠡᠳ ᠬᠠᠯᠠᠭᠤᠨ ᠳ᠋ᠤᠷ ᠤᠷᠪᠠᠬᠤ᠂ ᠲᠡᠷᠡ ᠴᠦ᠍ ᠵᠢᠷᠦᠬᠡᠨ ᠳ᠋ᠦ᠍ᠷ ᠪᠠᠭᠤᠪᠠᠰᠤ ᠲᠠᠮᠢᠷ ᠤ᠋ᠨ ᠴᠢᠰᠤ ᠠᠳᠠᠯᠢ᠃ ᠠᠭᠤᠰᠬᠢᠨ ᠳ᠋ᠤ᠌ ᠪᠠᠭᠤᠪᠠᠰᠤ ᠥᠩᠭᠡ ᠨᠢ ᠴᠠᠭᠠᠨ ᠰᠢᠷᠠ ᠰᠡᠪᠰᠡᠭᠡᠷ ᠬᠥᠭᠡᠰᠦ ᠲᠡᠢ ᠪᠡᠷ ᠰᠠᠭᠤᠯᠭᠠᠬᠤ᠂ ᠡᠯᠢᠭᠡᠨ ᠳ᠋ᠦ᠍ ᠪᠠᠭᠤᠪᠠᠰᠤ ᠬᠠᠷᠠ ᠴᠢᠰᠤ ᠲᠠᠢ᠂ ᠳᠡᠯᠢᠭᠦᠨ ᠳ᠋ᠦ᠍ ᠪᠠᠭᠤᠪᠠᠰᠤ ᠤᠲᠤᠭᠠᠨ ᠤ᠋ ᠰᠢᠭᠦᠰᠦ ᠠᠳᠠᠯᠢ᠂ ᠪᠥᠭᠡᠷᠡᠨ ᠳ᠋ᠦ᠍ ᠪᠠᠭᠤᠪᠠᠰᠤ ᠢᠯᠵᠢᠷᠬᠡᠢ ᠮᠢᠬᠠ ᠠᠳᠠᠯᠢ ᠪᠠᠷ ᠰᠠᠭᠤᠯᠭᠠᠬᠤ᠂ ᠬᠣᠳᠣᠭᠣᠳᠣᠨ ᠠ᠋ᠴᠠ ᠰᠠᠭᠤᠯᠭᠠᠪᠠᠰᠤ ᠭᠤᠯᠢᠷ ᠠᠳᠠᠯᠢ᠂ ᠣᠯᠣᠭᠠᠢ ᠠ᠋ᠴᠠ ᠰᠠᠭᠤᠯᠭᠠᠪᠠᠰᠤ ᠨᠣᠭᠣᠭᠠᠨ᠂ ᠰᠥᠰᠥᠨ ᠡᠴᠡ ᠰᠠᠭᠤᠯᠭᠠᠪᠠᠰᠤ ᠥᠪᠡᠷ ᠦ᠋ᠨ ᠥᠩᠭᠡ ᠪᠡᠷ᠂ ᠭᠡᠳᠡᠰᠦᠨ ᠡᠴᠡ ᠲᠠᠷᠢᠬᠢ ᠠᠳᠠᠯᠢ᠂ ᠳᠠᠪᠤᠰᠠᠩ ᠠ᠋ᠴᠠ ᠰᠠᠯᠢᠰᠤ ᠨᠢ ᠳᠣᠪᠣᠢᠵᠤ ᠰᠣᠯᠣᠩᠭᠠ ᠠᠳᠠᠯᠢ᠃
ᠡᠮ ᠨᠢ᠄ ᠡᠬᠢᠯᠡᠭᠡᠳ ᠢᠨᠳᠠᠷᠠ—4 ᠳᠠᠩ ᠢ᠋ ᠥᠭ᠃ ᠨᠢᠭᠡ ᠱᠸᠩ ᠰᠢᠭᠡᠰᠦ ᠶ᠋ᠢ ᠪᠤᠴᠠᠯᠭᠠᠭᠠᠳ ᠨᠢᠭᠡ ᠪᠢᠲᠡᠭᠦᠦ ᠶ᠋ᠢᠨ ᠬᠢᠷᠢ ᠦᠯᠡᠳᠡᠭᠡᠭᠡᠳ ᠳᠣᠲᠣᠷᠠ ᠨᠢ ᠤᠷᠲᠤ ᠬᠣᠰᠢᠭᠤᠲᠤ ᠠᠷᠤᠷᠠ ᠳᠥᠷᠪᠡ ᠶ᠋ᠢ ᠨᠢᠭᠲᠠ ᠲᠠᠯᠬᠠᠳᠠᠨ ᠦᠭᠪᠡᠰᠦ ᠰᠢᠨᠡ ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ ᠶ᠋ᠢ ᠬᠦᠴᠦᠲᠦ ᠠᠷᠭᠠ ᠪᠠᠷ ᠠᠮᠤᠷᠵᠢᠭᠤᠯᠬᠤ ᠭᠠᠭᠴᠠᠭᠠᠷ ᠴᠢᠳᠠᠭᠴᠢ ᠨᠢᠭᠤᠴᠠ ᠡᠮ ᠪᠣᠯᠤᠨᠠ᠃ ᠷᡁᠬᠠᠳᠠᠰᠠᠩᠮᠠ( ᠠᠷᠢᠭᠤᠨ ᠴᠢᠰᠤ) ᠶ᠋ᠢ ᠳᠣᠲᠣᠷᠠ ᠥᠭᠪᠡᠰᠦ ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠦᠬᠦᠬᠦ ᠦᠭᠡᠢ ᠶᠦᠮ᠃ ᠲᠠᠤᠯᠠᠢ ᠶ᠋ᠢᠨ ᠲᠠᠷᠢᠬᠢ ᠴᠤ᠌ ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ ᠳ᠋ᠤ᠌ ᠲᠤᠰᠠᠲᠠᠢ᠃ ᠪᠠᠰᠠ ᠶᠡᠷᠦᠨᠳᠡᠭ ᠡᠮ᠂ ᠰᠡᠷᠭᠡᠢᠯᠡᠬᠦ ᠶᠣᠰᠣ ᠲᠡᠷᠢᠭᠦᠲᠡᠨ ᠢ᠋ ᠪᠤᠰᠤᠳ ᠠ᠋ᠴᠠ ᠨᠢᠭᠲᠠᠯᠠᠨ ᠮᠡᠳᠡᠵᠦ ᠦᠢᠯᠡᠳᠬᠦ ᠬᠡᠷᠡᠭᠲᠡᠢ᠃
( ᠠᠷᠪᠠᠨ ᠬᠣᠶᠠᠷ) ᠨᠢᠶᠠᠨ ᠡᠪᠡᠳᠴᠢᠨ ᠠᠷᠭᠠ ᠦᠭᠡᠢ
ᠨᠢᠶᠠᠨ ᠡᠪᠡᠳᠴᠢᠨ ᠠᠷᠭᠠ ᠦᠭᠡᠢ ᠬᠡᠮᠡᠬᠦ ᠶ᠋ᠢᠨ ᠰᠢᠯᠲᠠᠭᠠᠨ ᠨᠥᠬᠥᠴᠡᠯ ᠳᠡᠭᠡᠷᠡᠬᠢ ᠲᠡᠢ ᠠᠳᠠᠯᠢ᠃
ᠭᠠᠳᠠᠷ ᠰᠢᠨᠵᠢ᠄ ᠪᠥᠭᠡᠷᠡᠨ ᠰᠤᠳᠠᠰᠤ ᠤᠰᠤᠨ ᠰᠤᠳᠠᠰᠤ᠂ ᠲᠡᠷᠢᠭᠦᠲᠡᠨ ᠬᠠᠮᠢᠭᠠ ᠣᠷᠣᠰᠢᠭᠰᠠᠨ ᠰᠤᠳᠠᠰᠤ ᠶ᠋ᠢᠨ ᠳᠡᠭᠡᠷᠡ ᠳᠣᠪᠣᠢᠵᠤ ᠬᠠᠪᠤᠳᠤᠮᠤᠢ᠃
ᠵᠠᠰᠠᠬᠤ ᠠᠷᠭᠠ᠄ ᠡᠬᠢᠯᠡᠭᠡᠳ ᠪᠤᠷᠤᠭᠤᠯᠠᠬᠤ ᠵᠠᠮ ᠢ᠋ ᠬᠠᠭᠠᠬᠤ ᠲᠤᠯᠠ ᠬᠦᠢᠰᠦ ᠪᠡᠯᠬᠡᠭᠦᠰᠦ ᠵᠡᠷᠭᠡ ᠨᠢᠶᠠᠨ ᠤ᠋ ᠡᠮᠵᠡᠭ ᠭᠠᠵᠠᠷ ᠪᠦᠬᠦᠨ ᠬᠢᠭᠡᠳ ᠬᠠᠮᠢᠭᠠ ᠬᠠᠪᠤᠳᠤᠭᠰᠠᠨ ᠰᠤᠳᠠᠰᠤᠨ ᠳᠡᠭᠡᠷᠡ ᠬᠦ᠌᠂ ᠵᠢᠭᠠᠷ᠂ ᠨᠣᠬᠠᠢ ᠭᠠᠬᠠᠢ ᠶ᠋ᠢᠨ ᠬᠣᠷᠭᠣᠯ ᠢ᠋ ᠰᠠᠢᠲᠤᠷ ᠨᠤᠬᠤᠭᠰᠠᠨ ᠲᠠᠯᠬᠠ ᠪᠠᠷ ᠳᠤᠰᠤᠯ ᠦᠢᠯᠡᠳ᠃ ᠬᠥᠬᠥᠯ᠂ ᠱᠣᠳᠠᠭ᠂ ᠵᠢᠭᠠᠷ ᠢ᠋ ᠪᠤᠴᠠᠯᠭᠠᠭᠰᠠᠨ ᠳᠠᠩ ᠢ᠋ ᠥᠭ᠃ ᠠᠷᠤᠷᠠ ᠭᠤᠷᠪᠠᠨ ᠬᠤᠪᠢ᠂ ᠮᠠᠨᠴᠢᠨ ᠲᠡᠭᠦᠨ ᠦ᠌ ᠳᠥᠷᠪᠡᠨ ᠬᠤᠪᠢ᠂ ᠵᠠᠼᠤᠸᠠ ᠲᠡᠭᠦᠨ ᠲᠡᠢ ᠰᠠᠴᠠᠭᠤ᠂ ᠵᠢᠭᠠᠷ᠂ ᠬᠥᠬᠥᠯ᠂ ᠱᠣᠳᠠᠭ᠂ ᠬᠠᠷᠠ ᠰᠢᠪᠡᠭ᠂ ᠪᠦᠷᠦᠨᠠᠭ ᠤ᠋ᠨ ᠦᠨᠳᠦᠰᠦ ᠨᠤᠭᠦᠳ ᠢ᠋ ᠰᠠᠢᠲᠤᠷ ᠨᠤᠬᠤᠵᠤ ᠨᠠᠢ᠍ᠮᠠᠨ ᠨᠠᠰᠤᠲᠤ ᠶ᠋ᠢᠨ ᠰᠢᠭᠡᠰᠦᠨ ᠳ᠋ᠦ᠍ ᠮᠦᠬᠦᠯᠢᠭᠳᠡᠵᠦ᠂ ᠤᠤᠭᠤᠬᠤ ᠲᠣᠭᠠ ᠶ᠋ᠢ ᠡᠪᠡᠳᠴᠢᠨ ᠦ᠌ ᠬᠦᠴᠦᠨ ᠲᠠᠮᠢᠷ ᠢ᠋ ᠵᠢᠱ᠌ᠢᠵᠦ ᠥᠭᠭᠦᠭᠡᠳ ᠬᠤᠪᠴᠠᠰᠤ ᠪᠠᠷ ᠬᠣᠴᠢ᠃ ᠠᠮᠤᠷᠯᠢᠭᠤᠯᠤᠭᠴᠢ ᠡᠮ ᠢ᠋ᠶ᠋ᠡᠷ ᠡᠰᠡ ᠴᠢᠳᠠᠪᠠᠰᠤ ᠲᠤᠭᠤᠯᠭᠠ ᠪᠠᠷ ᠠᠷᠢᠭᠤᠳᠬᠠ᠃
( ᠠᠷᠪᠠᠨ ᠭᠤᠷᠪᠠ) ᠪᠤᠯᠴᠢᠩ ᠤᠷᠪᠠᠬᠤ
ᠪᠤᠯᠴᠢᠩ ᠤᠷᠪᠠᠬᠤ ᠡᠪᠡᠳᠴᠢᠨ ᠦ᠌ ᠢᠯᠭᠠᠯ ᠳ᠋ᠤ᠌ ᠳᠥᠷᠪᠡᠨ ᠵᠦᠢᠯ ᠪᠣᠢ᠃ ᠶᠡᠷᠦ ᠶ᠋ᠢᠨ ᠰᠢᠨᠵᠢ᠄ ᠲᠣᠯᠣᠭᠠᠢ ᠡᠪᠡᠳᠴᠦ ᠮᠢᠬᠠ ᠨᠢ ᠬᠠᠲᠠᠭᠤᠷᠠᠭᠠᠳ ᠪᠦᠬᠦᠨ ᠢ᠋ᠶ᠋ᠡᠷ ᠡᠪᠡᠳᠴᠦ ᠪᠥᠭᠡᠯᠵᠢᠵᠦ ᠰᠠᠭᠤᠯᠭᠠᠬᠤ ᠪᠥᠭᠡᠳ ᠪᠤᠯᠴᠢᠩ ᠤ᠋ᠳ ᠤᠷᠪᠠᠮᠤᠢ᠃ ᠮᠠᠰᠢ ᠶᠡᠬᠡ ᠬᠦᠴᠦᠲᠡᠢ ᠨᠢ᠄ ᠭᠡᠨᠡᠳᠲᠡ ᠠᠮᠢᠨ ᠳ᠋ᠤ᠌ ᠲᠡᠮᠡᠴᠡᠯᠳᠦᠬᠦ᠂ ᠵᠠᠷᠢᠮ ᠤ᠋ᠳ ᠨᠢ ᠡᠪᠡᠳᠴᠢᠯᠡᠬᠦ ᠦᠭᠡᠢ ᠪᠡᠷ ᠰᠢᠳᠦ ᠪᠡᠨ ᠢᠷᠵᠠᠢᠨ ᠦᠬᠦᠬᠦ ᠴᠦ᠍ ᠪᠣᠢ᠃
ᠡᠮ ᠨᠢ᠄ ᠡᠬᠢᠯᠡᠭᠡᠳ ᠬᠠᠷᠠ ᠰᠢᠪᠠᠭ᠂ ᠬᠥᠬᠥᠯ ᠦ᠋ᠨ ᠳᠠᠩ ᠢ᠋ ᠬᠡᠳᠦᠨ ᠤᠳᠠᠭᠠ ᠰᠢᠲᠦᠭᠦᠯᠪᠡᠰᠦ ᠡᠨᠡ ᠡᠪᠡᠳᠴᠢᠨ ᠪᠤᠴᠠᠬᠤ ᠴᠤ᠌ ᠪᠠᠢᠮᠤᠢ᠃ ᠶᠡᠷᠦ ᠶ᠋ᠢᠨ ᠡᠮ ᠨᠢ᠄ ᠽᠠᠳᠢ᠂ ᠬᠥᠬᠥᠯ᠂ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ᠂ ᠵᠢᠭᠠᠷ᠂ ᠵᠤᠭᠠᠩ᠂ ᠭᠦᠷᠭᠦᠮ᠂ ᠰᠢᠩᠭᠦᠨ᠂ ᠰᠣᠯᠣᠩᠭᠠ ᠶ᠋ᠢᠨ ᠮᠢᠬᠠ ᠨᠤᠭᠤᠳ ᠢ᠋ ᠰᠠᠢᠲᠤᠷ ᠨᠤᠬᠤᠵᠤ ᠨᠢᠯᠬᠠᠰ ᠤ᠋ᠨ ᠰᠢᠭᠡᠰᠦ ᠪᠡᠷ ᠳᠠᠷᠤᠭᠤᠯᠵᠤ ᠦᠭᠪᠡᠰᠦ ᠡᠳᠡᠭᠡᠷᠡᠬᠦ ᠨᠢ ᠰᠡᠵᠢᠭ ᠦᠭᠡᠢ ᠪᠣᠯᠠᠢ᠃
( ᠠᠷᠪᠠᠨ ᠳᠥᠷᠪᠡ) ᠳᠣᠲᠣᠷ ᠪᠣᠭᠣᠮᠠ
ᠨᠢᠶᠠᠨ ᠡᠪᠡᠳᠴᠢᠨ ᠴᠤᠯᠤ ᠰᠠᠪᠠᠨ ᠳ᠋ᠤ᠌ ᠪᠠᠭᠤᠪᠠᠰᠤ ᠳᠣᠲᠣᠷ ᠪᠣᠭᠣᠮᠠ ᠬᠡᠮᠡᠮᠦᠢ᠃ ᠠᠮᠢᠨ ᠰᠤᠳᠠᠰᠤᠨᠠ ᠪᠠᠭᠤᠪᠠᠰᠤ ᠬᠡᠯᠡᠭᠡᠢᠷᠡᠨ᠂ ᠤᠷᠤᠭᠤᠯ ᠢᠷᠪᠠᠢᠨ᠂ ᠪᠡᠶᠡ ᠲᠠᠲᠠᠯᠳᠤᠵᠤ᠂ ᠰᠢᠯᠢ ᠬᠥᠰᠢᠬᠦ ᠪᠠ ᠬᠥᠯᠥᠰᠥ ᠤᠰᠤ ᠮᠡᠲᠦ ᠴᠤᠪᠤᠷᠠᠬᠤ᠂ ᠴᠢᠰᠤ ᠪᠠᠷ ᠪᠥᠭᠡᠯᠵᠢᠵᠦ ᠰᠠᠭᠤᠯᠭᠠᠪᠠᠰᠤ ᠳᠣᠯᠣᠭᠠ ᠬᠣᠨᠣᠭ ᠲᠤ᠌ ᠦᠬᠦᠬᠦ᠂ ᠡᠯᠢᠭᠡᠨ ᠳ᠋ᠦ᠍ ᠪᠠᠭᠤᠪᠠᠰᠤ ᠨᠢᠳᠦ ᠤᠯᠠᠢᠨ᠂ ᠠᠮᠢᠰᠬᠤᠯ ᠳᠣᠭᠰᠢᠷᠠᠨ ᠢᠨᠴᠠᠭᠯᠠᠬᠤ᠂ ᠥᠷᠥᠴᠡ ᠶ᠋ᠢ ᠨᠢ ᠬᠢᠲᠤᠭᠠ ᠪᠠᠷ ᠬᠡᠷᠴᠢᠬᠦ ᠮᠡᠲᠦ ᠰᠠᠨᠠᠭᠳᠠᠨ᠂ ᠬᠠᠮᠠᠷ ᠠ᠋ᠴᠠ ᠨᠢ ᠴᠢᠰᠤ ᠭᠠᠷᠤᠭᠰᠠᠨ ᠬᠣᠢᠨᠠ ᠰᠢᠨᠵᠢ ᠳᠣᠷᠣᠢᠲᠠᠪᠠᠰᠤ ᠭᠤᠷᠪᠠ ᠬᠣᠨᠣᠭ ᠲᠤ᠌ ᠦᠬᠦᠨᠡ᠃ ᠪᠥᠭᠡᠷᠡᠨ ᠳ᠋ᠦ᠍ ᠪᠠᠭᠤᠪᠠᠰᠤ ᠴᠠᠩᠬᠠ ᠪᠣᠯᠵᠤ ᠬᠥᠯ ᠨᠢ ᠡᠪᠡᠳᠦᠨ᠂ ᠵᠢᠭᠢᠵᠦ ᠠᠲᠤᠷᠢᠬᠤ ᠳ᠋ᠤ᠌ ᠪᠡᠷᠬᠡᠳᠡᠨᠡ᠃ ᠥᠴᠦᠬᠡᠨ ᠲᠣᠯᠪᠣ ᠪᠠᠶᠠᠨ ᠳ᠋ᠤᠨᠢ ᠲᠦᠭᠡᠭᠡᠵᠦ᠂ ᠰᠢᠭᠡᠰᠦ ᠨᠢ ᠴᠠᠪᠳᠠᠬᠰᠢᠨ᠂ ᠣᠯᠠᠨᠲᠠ ᠵᠣᠭᠢᠰᠴᠤ᠂ ᠴᠢᠰᠤ ᠴᠤᠪᠤᠷᠠᠨ ᠬᠠᠳᠬᠤᠯᠠᠭᠠ ᠡᠰᠡ ᠳᠠᠪᠰᠢᠪᠠᠰᠤ ᠭᠤᠷᠪᠠ ᠬᠣᠨᠣᠭ ᠲᠤ᠌ ᠦᠬᠦᠨᠡ᠃ ᠰᠠᠪᠠᠨ ᠳ᠋ᠤ᠌ ᠪᠠᠭᠤᠪᠠᠰᠤ ᠬᠦᠢᠰᠦᠨ ᠳᠣᠣᠷᠠ ᠦᠢᠮᠡᠯᠴᠡᠨ ᠬᠠᠳᠬᠤᠯᠠᠵᠤ᠂ ᠶᠠᠰᠤ ᠦᠶᠡᠰ ᠰᠢᠮᠰᠢᠷᠡᠬᠦ᠂ ᠰᠠᠭᠤᠯᠭᠠᠬᠤ ᠪᠥᠭᠡᠳ ᠳᠠᠭᠤᠨ ᠬᠣᠯᠠᠳᠠᠬᠤ᠂ ᠰᠢᠭᠡᠰᠦ ᠨᠢ ᠪᠣᠭᠣᠭᠳᠠᠨ ᠴᠢᠰᠤ ᠪᠠᠷ ᠰᠠᠭᠤᠯᠭᠠᠪᠠᠰᠤ ᠦᠬᠦᠨᠡ᠃ ᠬᠠᠮᠢᠭᠠ ᠪᠠᠭᠤᠪᠠᠴᠤ ᠬᠣᠭᠣᠯᠠᠢ ᠬᠠᠭᠠᠭᠳᠠᠬᠤ ᠨᠢ ᠣᠯᠠᠨ᠃ ᠲᠠᠩᠫᠤᠷᠤᠮ ᠤ᠋ᠨ ᠦᠨᠡᠰᠦ᠂ ᠪᠦᠷᠦᠨᠠᠭ ᠲᠤ᠌ ᠵᠢᠭᠠᠷ ᠲᠠᠪᠯᠠᠭᠰᠠᠨ ᠤᠶᠠᠨ ᠪᠦᠯᠢᠶᠡᠨ ᠳᠠᠩ ᠢ᠋ ᠳᠠᠬᠢᠨ ᠳᠠᠬᠢᠨ ᠥᠭᠴᠦ᠂ ᠠᠮᠢᠨ ᠰᠤᠳᠠᠯ ᠳ᠋ᠤ᠌ ᠪᠠᠭᠤᠪᠠᠰᠤ ᠬᠠᠷᠠ ᠰᠢᠪᠡᠭ᠂ ᠵᠢᠭᠠᠷ᠂ ᠱᠣᠳᠠᠭ ᠢ᠋ ᠨᠠᠢᠷᠠᠭᠤᠯᠵᠤ ᠥᠭ᠂ ᠬᠠᠳᠬᠤᠯᠠᠬᠤ ᠭᠠᠵᠠᠷ ᠲᠤ᠌ ᠱᠣᠳᠠᠭ᠂ ᠪᠠᠩᠭᠦᠢ᠂ ᠵᠢᠭᠠᠷ ᠢ᠋ ᠰᠥᠷᠴᠢ᠃ ᠡᠯᠢᠭᠡᠨ ᠳ᠋ᠦ᠍ ᠪᠠᠭᠤᠪᠠᠰᠤ ᠶᠡᠷᠦᠨᠳᠡᠭ ᠦ᠋ᠨ ᠳᠠᠩ ᠢ᠋ ᠥᠭᠴᠦ ᠰᠦᠷᠴᠢᠬᠦ ᠬᠢᠭᠡᠳ ᠵᠤᠮᠤᠤ( ᠡᠮᠡ ᠸᠠᠭᠠᠷ)( ᠬᠠᠭᠤᠴᠢᠨ ᠤ᠋ ᠰᠦᠮᠡ ᠪᠠᠢᠰᠢᠩ ᠤ᠋ᠨ ᠣᠷᠣᠢ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠸᠠᠭᠠᠷ ᠤ᠋ᠨ ᠳᠡᠭᠡᠭᠰᠢ ᠬᠠᠨᠳᠤᠭᠰᠠᠨ ᠡᠮᠡ᠂ ᠳᠣᠭᠣᠭᠰᠢ ᠬᠠᠨᠳᠤᠭᠰᠠᠨ ᠢ᠋ ᠡᠷᠡ ᠸᠠᠭᠠᠷ ᠭᠡᠳᠡᠭ)᠂ ᠰᠠᠷᠠᠤᠨᠠᠭ᠋᠂ ᠪᠠᠴᠠ( ᠲᠣᠰᠣᠨ ᠲᠥᠮᠦᠰᠦᠨ ᠡᠴᠡ ᠲᠣᠰᠣ ᠭᠠᠷᠭᠠᠬᠤ ᠰᠢᠭᠠᠷᠤ)᠂ ᠰᠢᠭᠡᠰᠦ ᠪᠡᠷ ᠵᠢᠩᠨᠡᠬᠦ ᠪᠠ ᠲᠣᠰᠣᠨ ᠰᠢᠭᠠᠷᠤ᠂ ᠴᠠᠭᠠᠨ ᠰᠠᠷᠢᠮᠰᠠᠭ᠋᠂ ᠰᠢᠪᠠᠭᠤᠨ ᠪᠠᠭᠠᠰᠤ ᠶ᠋ᠢ ᠪᠠᠭᠰᠤᠷᠴᠤ ᠵᠢᠩᠨᠡᠲᠦᠭᠡᠢ᠃ ᠰᠠᠪᠠᠨ ᠳ᠋ᠤ᠌ ᠪᠠᠭᠤᠪᠠᠰᠤ ᠶᠡᠷᠦᠨᠳᠡᠭ ᠦ᠋ᠨ ᠳᠠᠩ ᠢ᠋ ᠥᠭᠴᠦ ᠰᠦᠷᠴᠢᠯᠭᠡ᠂ ᠵᠢᠩᠨᠡᠯᠭᠡ ᠶ᠋ᠢ ᠦᠢᠯᠡᠳ᠃ ᠫᠦᠷᠮᠦᠩ ᠢ᠋ ᠬᠦᠴᠦᠨ ᠲᠡᠭᠦᠯᠳᠡᠷ ᠲᠦᠯᠡᠭᠰᠡᠨ ᠦᠨᠡᠰᠦ ᠶ᠋ᠢ ᠮᠦᠬᠦᠯᠢᠭᠳᠡᠵᠦ᠂ ᠡᠨᠡ ᠦᠶᠡᠰ ᠲᠦ᠍ ᠳᠠᠩ ᠢ᠋ᠶ᠋ᠠᠷ ᠳᠠᠷᠤᠭᠤᠯ᠃ ᠪᠦᠬᠦᠨ ᠳ᠋ᠦ᠍ ᠤᠰᠤᠨ ᠤ᠋ ᠪᠣᠭ᠋※ ᠵᠡᠭᠦᠨᠰᠢ ᠬᠠᠨᠳᠤᠭᠰᠠᠨ ᠬᠤᠯᠤᠭᠠᠨᠠ ᠶ᠋ᠢᠨ ᠨᠦᠬᠡᠨ ᠦ᠌ ᠰᠢᠷᠣᠢ ᠪᠠᠷ ᠵᠢᠩᠨᠡ᠃ ᠶᠡᠷᠦ ᠶ᠋ᠢᠨ ᠡᠮ ᠨᠢ᠄ ᠴᠠᠭᠠᠨ ᠲᠠᠩᠫᠤᠷᠤᠮ ᠤ᠋ᠨ ᠦᠨᠳᠦᠰᠦ ᠦᠷᠡ ᠶ᠋ᠢ ᠬᠦᠴᠦᠲᠡᠢ ᠲᠦᠯᠡᠭᠰᠡᠨ ᠦᠨᠡᠰᠦ᠂ ᠵᠢᠭᠠᠷ᠂ ᠦᠯᠴᠦ᠂ ᠮᠦᠽᠢ ᠳ᠋ᠣᠸᠤᠠ᠂ ᠵᠠᠼᠠ᠂ ᠮᠠᠨᠴᠢᠨ᠂ ᠳᠠᠩᠫᠤᠷᠤᠮ᠂ ᠯᠠᠩᠲ᠋ᠠᠩᠼᠢ᠂ ᠱᠣᠳᠠᠭ᠂ ᠽᠢᠮᠪᠡ᠂ ᠬᠥᠬᠥᠯ᠂ ᠪᠦᠷᠦᠨᠡᠭ᠂ ᠵᠢᠳᠠᠩᠭᠠ᠂ ᠮᠠᠷᠦᠢ᠍ᠽᠧ᠂ ᠴᠠᠭᠠᠨ ᠰᠠᠷᠢᠮᠰᠠᠭ᠂ ᠰᠢᠩᠭᠦᠨ᠂ ᠶᠸᠷᠮᠡ᠂ ᠴᠠᠬᠢᠯᠳᠠᠭ ᠤ᠋ᠨ ᠦᠷᠡ ᠨᠤᠭᠦᠳ ᠢ᠋ ᠮᠦᠬᠦᠯᠢᠭᠳᠡᠵᠦ ᠦᠭᠪᠡᠰᠦ ᠨᠢᠶᠠᠨ ᠡᠪᠡᠳᠴᠢᠨ ᠢ᠋ ᠳᠠᠷᠤᠮᠤᠢ᠃
( ᠠᠷᠪᠠᠨ ᠲᠠᠪᠤ) ᠨᠢᠶᠠᠨ ᠴᠢᠭᠢᠬᠠ
ᠨᠢᠶᠠᠨ ᠴᠢᠭᠢᠬᠠ ᠶ᠋ᠢᠨ ᠰᠢᠯᠲᠠᠭᠠᠨ ᠨᠥᠬᠥᠴᠡᠯ ᠨᠢ ᠨᠢᠶᠠᠨ ᠬᠢᠵᠢᠭ ᠯᠦ᠍ᠭᠡ ᠠᠳᠠᠯᠢ᠂ ᠢᠯᠭᠠᠯ ᠨᠢ ᠡᠨᠡ ᠦᠶᠡᠰ ᠭᠠᠳᠠᠷ ᠳᠣᠲᠣᠷ ᠬᠣᠶᠠᠷ ᠲᠤ᠌ ᠬᠤᠪᠢᠶᠠᠨᠠ᠃
ᠵᠠᠰᠠᠬᠤ ᠠᠷᠭᠠ᠄ ᠠᠯᠢ ᠣᠢᠷᠠ ᠰᠤᠳᠠᠯ ᠢ᠋ ᠬᠠᠨᠠᠵᠤ᠂ ᠮᠠᠭᠤ ᠴᠢᠰᠤ ᠶ᠋ᠢ ᠭᠠᠷᠭᠠ᠃
ᠬᠡᠷᠡᠭᠯᠡᠬᠦ ᠡᠮ᠄ ᠷᡁᠬᠠᠪᠤ—13᠂ ᠭᠠᠷᠤᠳᠢ—5 ᠲᠡᠷᠢᠭᠦᠲᠡᠨ ᠲᠤᠰᠠᠲᠠᠢ᠃
( ᠠᠷᠪᠠᠨ ᠵᠢᠷᠭᠤᠭᠠ) ᠪᠤᠯᠴᠢᠷᠬᠠᠢ
ᠪᠤᠯᠴᠢᠷᠬᠠᠢ ᠶ᠋ᠢᠨ ᠰᠢᠯᠲᠠᠭᠠᠨ ᠨᠥᠬᠥᠴᠡᠯ ᠶᠡᠷᠦ ᠯᠦ᠍ᠭᠡ ᠠᠳᠠᠯᠢ ᠪᠣᠯᠪᠠᠴᠤ ᠨᠥᠬᠥᠴᠡᠯ ᠨᠢ ᠬᠠᠲᠠᠭᠤ ᠬᠦᠴᠦᠯᠡᠬᠦ ᠲᠡᠷᠢᠭᠦᠲᠡᠨ ᠢ᠋ᠶ᠋ᠡᠷ ᠬᠡᠢ ᠴᠢᠰᠤ ᠬᠢᠮᠤᠷᠠᠭᠰᠠᠨ ᠶᠤᠮ᠃ ᠢᠯᠭᠠᠯ ᠨᠢ ᠨᠠᠢ᠍ᠮᠠ ᠪᠣᠢ᠃ ᠪᠤᠰᠤᠳ ᠠ᠋ᠴᠠ ᠬᠠᠯᠳᠠᠪᠤᠷᠢᠯᠠᠬᠤ ᠨᠢ ᠣᠯᠠᠨ᠃
ᠬᠡᠷᠡᠭᠯᠡᠬᠦ ᠡᠮ᠄ ᠭᠠᠷᠤᠳᠢ—5 ᠤ᠋ ᠳᠡᠭᠡᠷᠡ ᠦᠯᠴᠦ᠂ ᠳ᠋ᠠᠭᠱᠠ᠂ ᠬᠥᠬᠥᠯ᠂ ᠰᠸᠩᠳᠡᠩ ᠢ᠋ ᠨᠡᠮᠡᠵᠦ ᠳᠠᠷᠠᠰᠤ ᠪᠠᠷ ᠳᠠᠷᠤᠭᠤᠯ᠃ ᠡᠰᠡᠬᠦᠯᠡ ᠬᠣᠣᠷᠲᠤ ᠬᠣᠷᠣᠬᠠᠢ᠂ ᠪᠡᠷᠡᠮᠬᠢ※ ᠶ᠋ᠢᠨ ᠣᠷᠣᠰᠢᠭᠰᠠᠨ ᠰᠢᠷᠣᠢ ᠶ᠋ᠢ ᠬᠠᠪᠤᠳᠠᠷ ᠲᠤ᠌ ᠳᠦᠷᠭᠢᠪᠡᠰᠦ ᠠᠮᠤᠷᠯᠢᠮᠤᠢ᠃
( ᠠᠷᠪᠠᠨ ᠳᠣᠯᠣᠭᠠ) ᠭᠠᠯ ᠨᠠᠮᠤᠰᠤ
ᠭᠠᠯ ᠨᠠᠮᠤᠰᠤ ᠪᠤᠶᠤ ᠣᠴᠢᠲᠤ ᠬᠦᠷᠳᠦ ᠬᠡᠮᠡᠨᠡᠮ᠃ ᠰᠢᠯᠲᠠᠭᠠᠨ ᠨᠢ ᠨᠢᠶᠠᠨ ᠬᠠᠯᠠᠭᠤᠨ ᠶᠡᠷᠦ ᠯᠦ᠍ᠭᠡ ᠠᠳᠠᠯᠢ ᠪᠥᠭᠡᠳ ᠨᠥᠬᠥᠴᠡᠯ ᠨᠢ ᠰᠢᠷᠠ ᠤᠰᠤᠨ ᠬᠠᠯᠠᠭᠤᠨ ᠢ᠋ ᠬᠡᠢ ᠪᠡᠷ ᠦᠯᠢᠶᠡᠭᠰᠡᠨ ᠳ᠋ᠦ᠍᠄ ᠦᠯᠴᠦ—18 ᠬᠢᠭᠡᠳ ᠭᠠᠷᠤᠳᠢ—5 ᠶ᠋ᠢ ᠬᠡᠮᠵᠢᠶᠡ ᠲᠡᠭᠦᠯᠲᠡᠢ ᠥᠭ᠃ ᠭᠠᠳᠠᠨᠠ ᠠ᠋ᠴᠠ ᠵᠠᠼᠠ᠂ ᠶᠦᠩᠭᠠᠷ᠂ ᠱᠣᠳᠠᠭ ᠭᠤᠷᠪᠠ ᠶ᠋ᠢ ᠠᠢᠷᠠᠭ᠋ ᠲᠠᠷᠠᠭ ᠠᠯᠢ ᠪᠣᠯᠬᠤ ᠪᠠᠷ ᠵᠢᠭᠤᠷᠠᠵᠤ ᠳᠦᠷᠭᠢᠭᠡᠳ ᠨᠠᠷᠠᠨ ᠳ᠋ᠤ᠌ ᠰᠢᠷᠠᠭᠲᠤᠨ᠃
( ᠠᠷᠪᠠᠨ ᠨᠠᠢ᠍ᠮᠠ) ᠮᠤᠬᠤᠷ ᠮᠣᠬᠲᠤᠰ
ᠮᠤᠬᠤᠷ ᠮᠣᠬᠲᠣᠰ ᠤ᠋ᠨ ᠮᠥᠨ ᠴᠢᠨᠠᠷ ᠨᠢ ᠶᠡᠷᠦ ᠶ᠋ᠢᠨ ᠨᠢᠶᠠᠨ ᠲᠠᠢ ᠠᠳᠠᠯᠢ᠃ ᠰᠢᠨᠵᠢ ᠨᠢ᠄ ᠬᠦᠵᠦᠭᠦᠦ᠂ ᠬᠣᠭᠣᠯᠠᠢ᠂ ᠰᠢᠯᠢ ᠶ᠋ᠢᠨ ᠣᠢᠷᠠᠯᠴᠠᠭᠠ ᠳ᠋ᠤ᠌ ᠥᠨᠳᠡᠭᠡ ᠠᠳᠠᠯᠢ ᠬᠠᠪᠤᠳᠠᠷ ᠭᠠᠷᠴᠤ ᠨᠥᠬᠥᠴᠡᠯ ᠤᠴᠠᠷᠠᠪᠠᠰᠤ ᠡᠪᠡᠷᠰᠢᠶᠡᠯ ᠬᠠᠳᠬᠤᠯᠠᠭᠠ ᠨᠢ ᠶᠡᠬᠡᠳᠴᠦ ᠠᠮᠢᠨ ᠳ᠋ᠤ᠌ ᠲᠡᠮᠡᠴᠡᠯ ᠭᠠᠷᠤᠨᠠ᠃ ᠭᠠᠷᠤᠳᠢ—5 ᠳᠡᠭᠡᠷᠡ ᠬᠥᠬᠥᠯ ᠢ᠋ ᠨᠡᠮᠡᠵᠦ ᠦᠭᠪᠡᠰᠦ ᠲᠤᠰᠠᠲᠠᠢ᠃ ᠰᠦᠷᠴᠢᠬᠦ ᠡᠮ᠄ ᠴᠦᠷᠽᠡ᠂ ᠲᠠᠷᠨᠤ᠂ ᠮᠠᠨᠴᠢᠨ ᠨᠤᠭᠤᠳ ᠢ᠋ ᠦᠨᠢᠶᠡᠨ ᠰᠦᠨ ᠳ᠋ᠦ᠍ ᠡᠭᠡᠳᠡᠮ ᠦ᠋ᠨ ᠲᠡᠳᠦᠢ ᠪᠤᠴᠠᠯᠭᠠᠭᠰᠠᠨ ᠳᠡᠪᠲᠦᠭᠡᠯᠭᠡ ᠶ᠋ᠢ ᠬᠢᠪᠡᠰᠦ ᠰᠠᠢᠨ᠃
( ᠠᠷᠪᠠ ᠶᠢᠰᠦ) ᠬᠠᠲᠠᠭᠢ
ᠬᠠᠲᠠᠭᠢ ᠡᠪᠡᠳᠴᠢᠨ ᠳ᠋ᠦ᠍ ᠵᠠᠴᠤᠢ᠍ᠩ—5 ᠤ᠋ ᠳᠡᠭᠡᠷᠡ ᠦᠯᠴᠦ᠂ ᠮᠦᠽᠢ᠂ ᠬᠥᠬᠥᠯ᠂ ᠵᠢᠷᠭᠤᠭᠠᠨ ᠰᠠᠢᠨ᠂ ᠰᠢᠷᠠ ᠤᠰᠤᠨ ᠭᠤᠷᠪᠠᠨ ᠡᠮ ᠦ᠋ᠳ ᠢ᠋ ᠨᠠᠢ᠍ᠮᠠᠨ ᠨᠠᠰᠤᠲᠤ ᠶ᠋ᠢᠨ ᠰᠢᠭᠡᠰᠦ ᠪᠡᠷ ᠳᠠᠷᠤᠭᠤᠯᠵᠤ ᠥᠭᠪᠡᠰᠦ ᠮᠠᠭᠠᠳ ᠲᠤᠰᠠᠯᠠᠮᠤᠢ᠃ ᠬᠡᠷᠪᠡ ᠡᠰᠡ ᠲᠤᠰᠠᠯᠠᠪᠠᠰᠤ ᠲᠠᠭᠲᠠᠭᠠ᠂ ᠬᠠᠬᠢᠯᠠᠭ᠋᠂ ᠦᠨᠡᠭᠡ᠂ ᠴᠢᠨᠣᠠ᠂ ᠲᠠᠤᠯᠠᠢ᠂ ᠬᠤᠯᠤᠭᠠᠨᠠ ᠶ᠋ᠢᠨ ᠬᠣᠷᠭᠣᠯ ᠤ᠋ᠳ ᠢ᠋ ᠨᠠᠢᠷᠠᠭᠤᠯᠤᠭᠰᠠᠨ ᠶᠠᠪᠤᠷᠤᠨ—6 ᠤ᠋ ᠰᠢᠪᠠᠭᠠᠰᠤ ᠪᠠᠷ ᠥᠭᠡᠷᠢ ᠶ᠋ᠢ ᠲᠠᠲᠠᠭᠤᠯᠤᠨ ᠴᠤᠭᠤᠯᠪᠠᠰᠤ ᠲᠦᠷᠭᠡᠨ ᠡᠳᠡᠭᠡᠷᠡᠨᠡ᠃
( ᠬᠣᠷᠢ) ᠨᠢᠶᠠᠨ ᠰᠢᠷᠠ ᠬᠡᠢ ᠳ᠋ᠦ᠍ ᠬᠤᠪᠢᠷᠠᠬᠤ
ᠨᠢᠶᠠᠨ ᠡᠪᠡᠳᠴᠢᠨ ᠰᠢᠷᠠ ᠬᠡᠢ ᠳ᠋ᠦ᠍ ᠬᠤᠪᠢᠶᠠᠭᠰᠠᠨ ᠬᠡᠮᠡᠬᠦ ᠢᠨᠤ᠄ ᠢᠯᠵᠢᠷᠬᠡᠢ ᠮᠢᠬᠠ᠂ ᠤᠳᠠᠭᠰᠠᠨ ᠠᠷᠢᠬᠢ ᠲᠡᠷᠢᠭᠦᠲᠡᠨ ᠢ᠋ᠶ᠋ᠡᠷ ᠨᠥᠬᠥᠴᠡᠯ ᠪᠣᠯᠵᠤ ᠳᠠᠷᠤᠢ ᠴᠤᠯᠤ ᠰᠠᠪᠠᠨ ᠳ᠋ᠤ᠌ ᠪᠠᠭᠤᠪᠠᠰᠤ ᠲᠦᠷᠭᠡᠨ ᠬᠣᠣᠷᠯᠠᠬᠤ ᠪᠣᠯᠠᠢ᠃ ᠲᠡᠭᠦᠨ ᠳ᠋ᠦ᠍ ᠰᠸᠪᠤᠢ᠍ᠷᠦ᠂ ᠪᠢᠪᠢᠯᠢᠩ᠂ ᠠᠷᠤᠷᠠ᠂ ᠭᠦᠷᠭᠦᠮ᠂ ᠴᠦᠮᠡᠨ ᠨᠤᠭᠦᠳ ᠢ᠋ ᠨᠢᠵᠡᠭᠡᠳ ᠭᠡᠮ᠂ ᠱᠠᠴᠢᠨ᠂ ᠰᠢᠩᠭᠦᠨ᠂ ᠽᠠᠳᠢ᠂ ᠵᠢᠭᠠᠷ ᠢ᠋ ᠨᠡᠮᠡᠵᠦ ᠪᠤᠷᠴᠠᠭ ᠤ᠋ᠨ ᠲᠡᠳᠦᠢ ᠮᠥᠬᠥᠯᠢᠭ ᠢ᠋ ᠠᠷᠢᠬᠢ ᠪᠠᠷ ᠳᠠᠷᠤᠭᠤᠯᠵᠤ ᠦᠭᠪᠡᠰᠦ ᠲᠤᠰᠠᠯᠠᠨᠠ᠃
( ᠬᠣᠷᠢᠨ ᠨᠢᠭᠡ) ᠨᠢᠶᠠᠨ ᠡᠪᠡᠳᠴᠢᠨ ᠬᠣᠩᠬᠣᠢᠨ ᠢᠳᠡᠭᠳᠡᠬᠦ
ᠨᠢᠶᠠᠨ ᠡᠪᠡᠳᠴᠢᠨ ᠬᠣᠩᠬᠣᠢᠨ ᠢᠳᠡᠭᠳᠡᠬᠦ ᠬᠡᠮᠡᠬᠦ ᠨᠢ᠄ ᠨᠢᠶᠠᠨ ᠤ᠋ ᠶᠡᠷᠦ ᠶ᠋ᠢᠨ ᠰᠢᠨᠵᠢ ᠳᠡᠭᠡᠷᠡ ᠵᠠᠭᠠᠲᠤᠨᠠᠬᠤ᠂ ᠨᠠᠷᠢᠨ ᠭᠦᠪᠳᠦᠷᠦᠦ ᠬᠣᠭᠯᠠᠵᠤ ᠪᠠᠢᠬᠤ᠂ ᠲᠡᠨᠳᠡᠴᠡ ᠰᠢᠷᠬᠠ ᠪᠣᠯᠵᠤ ᠡᠪᠡᠷᠰᠢᠶᠡᠯ ᠬᠠᠳᠬᠤᠯᠠᠭᠠ ᠶᠡᠬᠡ ᠪᠥᠭᠡᠳ ᠬᠠᠯᠠᠭᠤᠷᠠᠨ ᠪᠣᠯᠪᠠᠰᠤᠷᠠᠪᠠᠰᠤ ᠭᠠᠳᠠᠨᠠ ᠠ᠋ᠴᠠ ᠢᠯᠪᠤᠷᠠᠬᠤ ᠪᠥᠭᠡᠳ ᠶᠠᠷᠠᠰᠢᠵᠤ ᠣᠳᠬᠤ ᠲᠤᠯᠠ ᠬᠢᠴᠢᠶᠡᠨ ᠵᠢᠱ᠌ᠢᠵᠦ ᠵᠠᠰᠠᠨ ᠦᠢᠯᠡᠳ᠃ ᠪᠣᠯᠪᠠᠰᠤᠷᠠᠭᠤᠯᠬᠤ ᠳᠠᠩ ᠤ᠋ᠳ ᠢ᠋ ᠤᠬᠠᠭᠠᠨ ᠢ᠋ᠶ᠋ᠠᠷ ᠵᠢᠱ᠌ᠢᠵᠦ ᠥᠭ᠃ ᠶᠠᠷᠠᠰᠢᠪᠠᠰᠤ ᠭᠠᠳᠠᠷ ᠰᠢᠷᠬᠠᠨ ᠳ᠋ᠤ᠌ ᠵᠢᠭᠠᠰᠤᠨ ᠰᠥᠰᠥ᠂ ᠲᠠᠷᠪᠠᠭᠠ᠂ ᠥᠳᠥᠭᠡ᠂ ᠴᠢᠨᠣᠠ ᠶ᠋ᠢᠨ ᠰᠥᠰᠥ ᠨᠤᠭᠦᠳ ᠢ᠋ ᠤᠰᠤᠨ ᠳ᠋ᠤ᠌ ᠵᠢᠭᠤᠷᠠᠵᠤ ᠲᠦᠷᠬᠢ᠃ ᠰᠢᠷᠬᠠ ᠶ᠋ᠢᠨ ᠵᠠᠬᠠ ᠶ᠋ᠢ ᠲᠣᠭᠣᠷᠢᠭᠤᠯᠤᠨ ᠱᠣᠳᠠᠭ᠂᠂ ᠵᠢᠭᠠᠷ᠂ ᠬᠥᠬᠥᠯ᠂ ᠮᠢᠩᠵᠡᠨ᠂ ᠳ᠋ᠠᠭᠱᠠ ᠨᠤᠭᠤᠳ ᠢ᠋ ᠠᠢᠷᠠᠭ ᠲᠤ᠌ ᠨᠠᠢᠷᠠᠭᠤᠯᠵᠤ ᠲᠦᠷᠬᠢ᠃
( ᠬᠣᠷᠢᠨ ᠬᠣᠶᠠᠷ) ᠨᠢᠶᠠᠨ ᠬᠤᠯᠠᠭᠠᠢ ᠡᠪᠡᠳᠴᠢᠨ
ᠨᠢᠶᠠᠨ ᠬᠤᠯᠠᠭᠠᠢ ᠡᠪᠡᠳᠴᠢᠨ ᠢᠨᠤ᠄ ᠰᠤᠳᠠᠯ ᠡᠷᠴᠢᠮᠲᠡᠢ᠂ ᠰᠢᠭᠡᠰᠦᠨ ᠥᠩᠭᠡ ᠤᠯᠠᠭᠠᠨ᠂ ᠶᠡᠬᠡ ᠤᠮᠳᠠᠭᠠᠰᠬᠤ ᠪᠥᠭᠡᠳ ᠵᠠᠷᠢᠮ ᠦᠶᠡ ᠰᠡᠪᠰᠡᠭᠡᠷ ᠴᠠᠷ ᠲᠠᠢ ᠬᠠᠨᠢᠶᠠᠵᠤ᠂ ᠪᠣᠯᠪᠠᠰᠤᠷᠠᠪᠠᠰᠤ ᠪᠣᠢ ᠪᠦᠬᠦᠢ ᠰᠢᠷᠠ ᠤᠰᠤᠨ ᠤ᠋ ᠨᠦᠬᠡᠨ ᠳ᠋ᠦ᠍ ᠭᠡᠴᠢ( ᠭᠠᠢᠮᠤ) ᠶ᠋ᠢᠨ ᠲᠡᠳᠦᠢ ᠤᠯᠠᠭᠠᠨ ᠲᠣᠯᠪᠣ ᠲᠦᠭᠡᠮᠡᠯ ᠪᠣᠯᠬᠤ ᠳ᠋ᠤ᠌ ᠭᠠᠷᠤᠳᠢ ᠶ᠋ᠢᠨ ᠵᠢᠷᠦᠬᠡ᠂ ᠴᠢᠰᠤ᠂ ᠰᠤᠳᠠᠰᠤ᠂ ᠰᠢᠷᠪᠥᠰᠥ( ᠭᠠᠷᠤᠳᠢ ᠶ᠋ᠢᠨ ᠵᠢᠷᠦᠬᠡ ᠨᠢ ᠮᠠᠨᠴᠢᠨ᠂ ᠴᠢᠰᠤ ᠨᠢ ᠯᠠᠷᠽᠢ᠂ ᠶᠠᠰᠤ ᠨᠢ ᠷᠦᠳᠠ᠂ ᠰᠤᠳᠠᠰᠤ ᠰᠢᠷᠪᠥᠰᠥ ᠨᠢ ᠱᠣᠳᠠᠭ᠂ ᠮᠢᠬᠠ ᠨᠢ ᠠᠷᠤᠷᠠ)᠂ ᠮᠢᠬᠠ ᠨᠤᠭᠤᠳ ᠤ᠋ᠨ ᠬᠤᠪᠢ ᠶ᠋ᠢ ᠨᠢᠭᠡ᠂ ᠬᠣᠶᠠᠷ᠂ ᠭᠤᠷᠪᠠ᠂ ᠳᠥᠷᠪᠡ ᠬᠢᠭᠡᠳ ᠳᠥᠷᠪᠡᠨ ᠦ᠌ ᠬᠠᠭᠠᠰ ᠤ᠋ᠨ ᠳᠡᠭᠡᠷᠡ ᠭᠢᠸᠠᠩ᠂ ᠬᠥᠬᠥᠯ᠂ ᠳ᠋ᠠᠭᠱᠠ᠂ ᠪᠣᠩᠭᠠᠷ ᠤ᠋ᠳ ᠤ᠋ᠨ ᠬᠤᠪᠢ ᠶ᠋ᠢ ᠨᠢᠵᠡᠭᠡᠳ ᠨᠡᠮᠡᠵᠦ ᠰᠠᠢᠲᠤᠷ ᠨᠤᠬᠤᠭᠠᠳ ᠬᠦᠢᠲᠡᠨ ᠤᠰᠤ ᠪᠠᠷ ᠳᠠᠷᠤᠭᠤᠯᠵᠤ ᠥᠭᠪᠡᠰᠦ ᠡᠪᠡᠳᠴᠢᠨ ᠲᠡᠭᠦᠨ ᠦ᠌ ᠶᠡᠷᠦᠨᠳᠡᠭ ᠮᠥᠨ ᠭᠡᠮᠡᠨ ᠨᠣᠮᠯᠠᠭᠰᠠᠨ᠃ ᠰᠦᠷᠴᠢᠬᠦ ᠡᠮ᠄ ᠡᠪᠦᠯ ᠦ᠋ᠨ ᠴᠠᠭ ᠪᠣᠯᠪᠠᠰᠤ ᠲᠠᠷᠨᠤ ᠶ᠋ᠢᠨ ᠦᠨᠳᠦᠰᠦ᠂ ᠵᠤᠨ ᠤ᠋ ᠴᠠᠭ ᠪᠣᠯ ᠨᠠᠪᠴᠢ ᠶ᠋ᠢ ᠰᠠᠢᠲᠤᠷ ᠨᠤᠬᠤᠵᠤ ᠰᠦᠷᠴᠢᠪᠡᠯ ᠡᠪᠡᠷᠰᠢᠶᠡᠯᠡᠨ ᠬᠠᠳᠬᠤᠯᠠᠬᠤ ᠶ᠋ᠢ ᠳᠠᠷᠤᠮᠤᠢ᠃ ᠢᠯᠵᠢᠷᠬᠡᠢ ᠮᠢᠬᠠ ᠶ᠋ᠢ ᠭᠠᠷᠭᠠᠬᠤ ᠪᠥᠭᠡᠳ ᠨᠢᠯᠬᠠ ᠮᠢᠬᠠ ᠶ᠋ᠢ ᠲᠡᠵᠢᠭᠡᠨ ᠦᠢᠯᠡᠳᠦᠮᠦᠢ᠃
( ᠬᠣᠷᠢᠨ ᠭᠤᠷᠪᠠ) ᠶᠣᠯᠮᠣ( ᠰᠢᠭᠦᠷᠡᠬᠦ ᠬᠠᠪᠤᠳᠠᠷ)
ᠶᠣᠯᠮᠣ ᠡᠪᠡᠳᠴᠢᠨ ᠬᠡᠮᠡᠬᠦ ᠨᠢ᠄ ᠶᠡᠷᠦ ᠶ᠋ᠢᠨ ᠰᠢᠨᠵᠢ ᠨᠢ ᠬᠢᠵᠢᠭ ᠠᠳᠠᠯᠢ ᠪᠣᠯᠪᠠᠴᠤ ᠪᠠᠶᠠᠨ ᠳ᠋ᠤ᠌ ᠭᠦᠪᠳᠦᠷᠦᠦ ᠳᠠᠷᠬᠠᠨ᠂ ᠬᠠᠪᠤᠳᠠᠷ ᠭᠠᠷᠴᠤ᠂ ᠤᠰᠤ ᠴᠤᠪᠤᠷᠠᠨ᠂ ᠶᠡᠬᠡᠳᠡ ᠬᠠᠪᠤᠳᠤᠨ ᠡᠪᠡᠷᠰᠢᠶᠡᠯ ᠥᠴᠦᠬᠡᠨ᠂ ᠰᠢᠷᠠ ᠤᠰᠤ ᠴᠤᠪᠤᠷᠠᠬᠤ᠂ ᠬᠡᠢ ᠦᠯᠢᠶᠡᠪᠡᠰᠦ ᠪᠡᠶᠡ ᠶ᠋ᠢᠨ ᠭᠡᠰᠢᠭᠦᠦ ᠪᠦᠭᠦᠳᠡ ᠬᠠᠪᠤᠳᠤᠨᠠ᠃
ᠶᠡᠷᠦ ᠶ᠋ᠢᠨ ᠬᠡᠷᠡᠭᠯᠡᠬᠦ ᠡᠮ᠄ ᠳ᠋ᠦᠳᠽᠢᠯᠤᠮᠠ᠂ ᠰᠢᠩᠭᠦᠨ᠂ ᠵᠢᠭᠠᠷ ᠭᠤᠷᠪᠠ ᠶ᠋ᠢ ᠨᠠᠢ᠍ᠮᠠᠨ ᠨᠠᠰᠤᠲᠤ ᠶ᠋ᠢᠨ ᠰᠢᠭᠡᠰᠦ ᠪᠡᠷ ᠳᠠᠷᠤᠭᠤᠯᠪᠠᠰᠤ ᠡᠳᠡᠭᠡᠵᠦ ᠪᠣᠯᠬᠤ ᠶᠤᠮ᠃
ᠥᠪᠡᠷᠮᠢᠴᠡ ᠲᠠᠷᠬᠠᠮᠠᠯ ᠶᠣᠯᠮᠣ ᠡᠪᠡᠳᠴᠢᠨ ᠢᠨᠤ᠄ ᠤᠰᠤ ᠴᠤᠪᠤᠷᠠᠬᠤ ᠳ᠋ᠤ᠌ ᠤᠤᠭᠤᠬᠤ ᠡᠮ ᠳᠡᠭᠡᠷᠡᠬᠢ ᠲᠡᠢ ᠠᠳᠠᠯᠢ᠂ ᠶᠸᠷᠮᠡ ᠬᠢᠭᠡᠳ ᠡᠪᠡᠷ᠂ ᠶᠠᠰᠤ᠂ ᠮᠣᠷᠢᠨ ᠲᠤᠭᠤᠷᠠᠢ᠂ ᠮᠣᠷᠢᠨ ᠬᠤᠯᠤᠩᠰᠤ ᠶ᠋ᠢ ᠲᠦᠯᠡᠭᠰᠡᠨ ᠦᠨᠡᠰᠦ ᠶ᠋ᠢ ᠨᠡᠮᠡᠵᠦ᠂ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠭᠤᠯᠢᠷ ᠲᠠᠢ ᠵᠢᠭᠤᠷᠠᠵᠤ ᠨᠠᠭᠠᠭᠠᠳ ᠴᠠᠭᠠᠰᠤᠨ ᠭᠤᠤᠷᠰᠤ ᠦᠢᠯᠡᠳ᠃ ᠬᠡᠢ ᠦᠯᠢᠶᠡᠭᠰᠡᠨ ᠳ᠋ᠦ᠍ ᠴᠦ᠍ ᠤᠤᠭᠤᠬᠤ ᠡᠮ ᠨᠢ ᠤᠷᠢᠳ ᠯᠤᠭᠠ ᠠᠳᠠᠯᠢ᠃ ᠪᠠᠷᠠᠬᠱᠤᠢ᠍ᠨ᠂ ᠳ᠋ᠦᠷᠸᠠ᠂ ᠬᠢᠲᠠᠷᠤᠤ ᠶ᠋ᠢᠨ ᠲᠠᠷᠢᠬᠢᠨ ᠰᠢᠭᠦᠰᠦ᠂ ᠭᠠᠵᠠᠷ ᠤ᠋ᠨ ᠬᠥᠷᠥᠰᠥ ᠶ᠋ᠢ ᠲᠦᠭᠦᠬᠡᠢ ᠭᠤᠯᠢᠷ ᠤ᠋ᠨ ᠰᠢᠭᠦᠰᠦᠨ ᠳ᠋ᠦ᠍ ᠵᠢᠭᠤᠷᠠᠵᠤ ᠳᠠᠷᠤ᠃ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠤᠷᠢᠳᠴᠢᠯᠠᠨ ᠴᠠᠭᠠᠰᠤᠨ ᠭᠤᠤᠷᠰᠤ ᠦᠢᠯᠡᠳ᠃
ᠢᠳᠡᠭᠡᠨ ᠦ᠌ ᠴᠡᠭᠡᠷᠯᠡᠯ᠄ ᠴᠠᠭᠠᠨ ᠢᠳᠡᠭᠡᠨ᠂ ᠢᠰᠬᠦᠯᠡᠩ᠂ ᠰᠣᠩᠭᠢᠨᠠ᠂ ᠰᠠᠷᠢᠮᠰᠠᠭ᠂ ᠵᠢᠭᠠᠰᠤᠨ ᠮᠢᠬᠠ ᠶ᠋ᠢ ᠲᠡᠪᠴᠢ᠃
( ᠬᠣᠷᠢᠨ ᠳᠥᠷᠪᠡ) ᠨᠢᠶᠠᠨ ᠡᠪᠡᠳᠴᠢᠨ ᠲᠣᠯᠣᠭᠠᠢ ᠶ᠋ᠢᠨ ᠬᠠᠪᠤᠳᠠᠷ
ᠨᠢᠶᠠᠨ ᠡᠪᠡᠳᠴᠢᠨ ᠲᠣᠯᠣᠭᠠᠢ ᠶ᠋ᠢᠨ ᠬᠠᠪᠤᠳᠠᠷ ᠠᠨᠤ᠄ ᠨᠢᠶᠠᠨ ᠬᠢᠵᠢᠭ ᠶᠡᠷᠦ ᠯᠦ᠍ᠭᠡ ᠠᠳᠠᠯᠢ ᠪᠣᠯᠪᠠᠴᠤ ᠨᠢᠭᠤᠷ ᠤ᠋ᠨ ᠠᠯᠢ ᠨᠢᠭᠡᠨ ᠬᠤᠪᠢ ᠳ᠋ᠤ᠌ ᠮᠠᠭᠠᠳ ᠦᠭᠡᠢ ᠮᠠᠭᠠᠵᠢᠭᠤᠷ ᠭᠠᠷᠤᠭᠰᠠᠨ ᠬᠣᠢᠨᠠ ᠭᠡᠨᠡᠳᠲᠡ ᠬᠠᠪᠤᠳᠠᠷ ᠪᠣᠯᠵᠤ ᠬᠣᠭᠣᠯᠠᠢ ᠳ᠋ᠤ᠌ ᠬᠦᠷᠪᠡᠰᠦ ᠦᠬᠦᠬᠦ ᠪᠣᠯᠠᠢ᠃ ᠵᠠᠷᠢᠮ ᠬᠦᠴᠦᠨ ᠶᠡᠬᠡ ᠲᠡᠢ ᠨᠢ ᠨᠢᠭᠡ ᠡᠳᠦᠷ ᠳᠣᠲᠣᠷᠠ ᠦᠬᠦᠬᠦ᠂ ᠲᠡᠭᠦᠨ ᠡᠴᠡ ᠪᠤᠰᠤ ᠣᠯᠠᠩᠬᠢ ᠨᠢ ᠭᠤᠷᠪᠠ᠂ ᠳᠥᠷᠪᠡ᠂ ᠲᠠᠪᠤ ᠬᠣᠨᠣᠭ ᠲᠤ᠌ ᠦᠬᠦᠨᠡ᠃ ᠡᠩ ᠲᠡᠷᠢᠭᠦᠨ ᠳ᠋ᠦ᠍ ᠮᠠᠨᠤ—4 ᠳᠠᠩ ᠲᠡᠷᠢᠭᠦᠲᠡᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠳᠠᠩ ᠢ᠋ ᠬᠡᠳᠦᠨ ᠤᠳᠠᠭᠠ ᠥᠭᠭᠦᠭᠰᠡᠨ ᠬᠣᠢᠨᠠ᠂ ᠬᠥᠯᠥᠰᠥ ᠭᠠᠷᠪᠠᠰᠤ ᠮᠠᠰᠢ ᠰᠠᠢᠨ᠃ ᠭᠠᠷᠤᠳᠢ—5 ᠶ᠋ᠢ ᠬᠡᠮᠵᠢᠶᠡ ᠲᠡᠭᠦᠯᠲᠡᠢ ᠥᠭᠪᠡᠰᠦ ᠡᠳᠡᠭᠡᠵᠦ ᠪᠣᠯᠤᠮᠤᠢ᠃ ᠰᠦᠷᠴᠢᠬᠦ ᠡᠮ᠄ ᠶᠸᠷᠮᠡ᠂ ᠬᠤᠵᠢᠷ᠂ ᠳ᠋ᠠᠭᠱᠠ᠂ ᠴᠦᠷᠽᠡ᠂ ᠳ᠋ᠦᠷᠦᠡ᠂ ᠡᠪᠡᠷ ᠦ᠋ᠨ ᠬᠢᠷᠪᠤᠰᠤ ᠰᠡᠯᠲᠡ ᠶ᠋ᠢ ᠬᠥᠮᠦᠨ ᠦ᠌ ᠰᠦᠨ ᠳ᠋ᠦ᠍ ᠵᠢᠭᠤᠷᠠᠵᠤ ᠬᠠᠪᠤᠳᠠᠷ ᠲᠤ᠌ ᠳᠦᠷᠭᠢᠪᠡᠰᠦ ᠲᠤᠰᠠᠲᠠᠢ᠃
( ᠬᠣᠷᠢᠨ ᠲᠠᠪᠤ) ᠲᠠᠩᠭᠠᠷᠢᠭ ᠤ᠋ᠨ ᠡᠪᠡᠷ
ᠲᠠᠩᠭᠠᠷᠢᠭ ᠤ᠋ᠨ ᠡᠪᠡᠷ ᠦ᠋ᠨ ᠣᠭ᠋ ᠢᠷᠡᠯᠲᠡ ᠶ᠋ᠢᠨ ᠲᠤᠬᠠᠢ᠄
ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠶ᠋ᠢᠨ ᠬᠦᠴᠦᠨ ᠴᠢᠳᠠᠯ ᠢ᠋ᠶ᠋ᠠᠨ ᠲᠡᠩᠴᠡᠨ ᠮᠥᠷᠥᠢᠴᠡᠬᠦ ᠦᠶᠡᠰ᠂ ᠭᠠᠳᠠᠭᠠᠳᠤ ᠲᠡᠷᠰᠬᠦᠳ ᠢ᠋ᠶ᠋ᠡᠷ ᠬᠠᠷᠠ ᠠᠮᠢᠲᠠᠨ ᠤ᠋ ᠡᠪᠡᠷ ᠳᠣᠲᠣᠷᠠ ᠡᠪᠡᠳᠴᠢᠨ ᠦ᠌ ᠡᠵᠡᠳ ᠢ᠋ ᠬᠢᠮᠤᠷᠠᠭᠤᠯᠤᠨ ᠦᠢᠯᠡᠳᠬᠦ ᠬᠦᠷᠳᠦ ᠣᠷᠣᠭᠤᠯᠵᠤ᠂ ᠪᠦᠲᠦᠭᠡᠯ ᠬᠢᠭᠰᠡᠨ ᠦ᠌ ᠬᠣᠣᠷ ᠢ᠋ᠶ᠋ᠠᠷ ᠠᠪᠢᠳᠠᠷᠮᠠ ᠶ᠋ᠢᠨ ᠬᠠᠷᠠ ᠲᠠᠩᠭᠠᠷᠢᠭ ᠢ᠋ ᠬᠢᠮᠤᠷᠠᠭᠤᠯᠤᠭᠰᠠᠨ ᠨᠥᠬᠥᠴᠡᠯ ᠢ᠋ᠶ᠋ᠡᠷ ᠭᠠᠷᠤᠭᠰᠠᠨ ᠲᠤᠯᠠ ᠡᠭᠦᠨ ᠦ᠌ ᠨᠡᠷᠡ ᠶ᠋ᠢ ᠲᠠᠩᠭᠠᠷᠢᠭ᠋ ᠬᠢᠮᠤᠷᠠᠭᠰᠠᠨ ᠭᠡᠬᠦ ᠪᠤᠶᠤ ᠲᠠᠩᠭᠠᠷᠢᠭ ᠤ᠋ᠨ ᠡᠪᠡᠷ ᠡᠪᠡᠳᠴᠢᠨ ᠭᠡᠮᠡᠨ ᠠᠢᠯᠠᠳᠪᠠ᠃
ᠲᠡᠭᠦᠨ ᠦ᠌ ᠰᠢᠯᠲᠠᠭᠠᠨ ᠨᠥᠬᠥᠴᠡᠯ ᠨᠢᠶᠠᠨ ᠬᠢᠵᠢᠭ ᠶᠡᠷᠦ ᠯᠦ᠍ᠭᠡ ᠠᠳᠠᠯᠢ ᠴᠤ᠌ ᠭᠠᠳᠠᠷ ᠰᠢᠨᠵᠢ᠄ ᠶᠠᠰᠤ᠂ ᠦᠶᠡᠰ᠂ ᠲᠣᠯᠣᠭᠠᠢ ᠬᠢᠭᠡᠳ ᠭᠤᠶᠠ ᠪᠡᠯᠬᠡᠭᠦᠰᠦ ᠪᠡᠷ ᠡᠪᠡᠳᠬᠦ᠂ ᠳᠣᠲᠣᠷ ᠰᠢᠨᠵᠢ᠄
ᠰᠤᠳᠠᠯ ᠨᠢ ᠪᠦᠳᠦᠭᠦᠨ ᠪᠥᠭᠡᠳ ᠳᠡᠯᠭᠡᠷᠡᠵᠦ᠂ ᠬᠥᠯᠪᠡᠷᠢᠩᠭᠦᠢ᠂ ᠰᠢᠭᠡᠰᠦᠨ ᠥᠩᠭᠡ ᠨᠢ ᠪᠣᠷᠣ ᠪᠥᠭᠡᠳ ᠢᠵᠠᠮᠠᠭ ᠨᠢ ᠪᠤᠭᠡᠮᠨᠡᠷᠡᠨ ᠬᠤᠢᠯᠠᠷᠠᠵᠤ᠂ ᠨᠢᠳᠦᠨ ᠳ᠋ᠦ᠍ ᠴᠢᠰᠤᠨ ᠵᠢᠷᠤᠭ ᠭᠠᠷᠬᠤ ᠪᠥᠭᠡᠳ ᠴᠢᠷᠮᠡᠬᠦᠶᠡ ᠪᠡᠷᠬᠡ᠃ ᠨᠢᠭᠤᠴᠠ ᠰᠢᠨᠵᠢ ᠨᠢ᠄ ᠨᠣᠢᠷ ᠦᠭᠡᠢ᠂ ᠡᠷᠢᠶᠡᠯᠵᠡᠨ ᠳᠦᠢᠷᠡᠵᠦ ᠴᠢᠬᠢ ᠳᠦᠯᠡᠢᠷᠡᠬᠦ᠃ ᠭᠠᠳᠠᠷ᠂ ᠳᠣᠲᠣᠷ᠂ ᠨᠢᠭᠤᠴᠠ ᠰᠢᠨᠵᠢ ᠡᠳᠡᠭᠡᠷ ᠪᠦᠬᠦᠨ ᠪᠦᠷᠢᠳᠪᠡᠰᠦ ᠡᠨᠳᠡᠭᠦᠷᠡᠯ ᠦᠭᠡᠢ ᠲᠠᠩᠭᠠᠷᠢᠭ ᠤ᠋ᠨ ᠡᠪᠡᠷ ᠭᠡᠮᠡᠨ ᠲᠠᠨᠢᠨ ᠪᠠᠷᠢᠵᠤ᠂ ᠵᠠᠰᠠᠬᠤ ᠠᠷᠭᠠ ᠳ᠋ᠤ᠌ ᠰᠢᠮᠳᠠᠭᠲᠤᠨ᠃
ᠬᠡᠷᠡᠭᠯᠡᠬᠦ ᠡᠮ᠄ ᠵᠢᠭᠠᠷ᠂ ᠬᠥᠬᠥᠯ᠂ ᠳ᠋ᠠᠭᠱᠠ᠂ ᠭᠦᠷᠭᠦᠮ᠂ ᠳ᠋ᠢᠭᠳᠡ᠂ ᠰᠸᠪᠢᠮᠸᠳᠤᠭ᠋᠂ ᠰᠧᠩᠳᠧᠩ᠂ ᠵᠢᠷᠤᠠ᠂ ᠯᠢᠳᠡᠷᠢ᠂ ᠭᠠᠨᠳᠠᠭᠠᠷᠢ᠂ ᠠᠷᠤᠷᠠ᠂ ᠪᠠᠷᠠᠬᠱᠤᠢ᠍ᠨ ᠨᠤᠭᠤᠳ ᠢ᠋ ᠵᠡᠷᠭᠡ ᠪᠡᠷ ᠥᠰᠬᠡᠵᠦ᠂ ᠤᠬᠠᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠵᠢᠱ᠌ᠢᠵᠦ ᠬᠥᠯᠭᠡ ᠶ᠋ᠢ ᠬᠤᠪᠢᠯᠤᠭᠤᠯ᠃ ᠪᠠᠰᠠ ᠠᠭᠠᠷᠤ᠂ ᠽᠢᠮᠪᠠ᠂ ᠮᠠᠨᠴᠢᠨ᠂ ᠵᠤᠭᠠᠩ᠂ ᠽᠠᠳᠢ᠂ ᠭᠣᠨᠢᠶᠣᠳ᠂ ᠰᠥᠭᠮᠸᠯ᠂ ᠰᠡᠯᠲᠡ ᠶ᠋ᠢ ᠠᠷᠢᠬᠢ ᠬᠢᠭᠡᠳ ᠶᠠᠰᠤᠨ ᠱᠥᠯᠥ᠂ ᠬᠠᠯᠠᠭᠤᠨ ᠤᠰᠤ ᠲᠡᠷᠢᠭᠦᠲᠡᠨ ᠦ᠌ ᠬᠥᠯᠭᠡ ᠪᠡᠷ ᠳᠠᠷᠤᠭᠤᠯᠪᠠᠰᠤ ᠡᠪᠡᠳᠴᠢᠨ ᠡᠭᠦᠨ ᠦ᠌ ᠶᠡᠷᠦᠨᠳᠡᠭ ᠮᠥᠨ ᠭᠡᠮᠡᠨ ᠨᠣᠮᠯᠠᠭᠰᠠᠨ ᠪᠢᠯᠡ᠃ ᠬᠡᠢ ᠳ᠋ᠦ᠍ ᠽᠠᠳᠢ᠂ ᠰᠢᠷᠠ ᠳ᠋ᠤ᠌ ᠳ᠋ᠢᠭᠳᠡ᠂ ᠪᠠᠳᠬᠠᠨ ᠳ᠋ᠤ᠌ ᠨᠠᠯᠢᠱᠠᠮ( ᠫᠣᠸᠠᠷᠢ) ᠴᠢᠰᠤᠨ ᠳ᠋ᠤ᠌ ᠵᠦᠷᠦᠷᠠ᠂ ᠰᠢᠷᠠ ᠤᠰᠤᠨ ᠬᠤᠪᠢ ᠶᠡᠬᠡ ᠪᠣᠯ ᠰᠧᠩᠳᠧᠩ ᠢ᠋ ᠨᠡᠮᠡᠨ ᠦᠢᠯᠡᠳ᠃ ᠬᠡᠢ ᠶ᠋ᠢᠨ ᠰᠢᠨᠵᠢ ᠲᠡᠭᠦᠰᠪᠡᠰᠦ ᠦᠶᠡᠰ ᠦ᠋ᠨ ᠨᠢᠭᠤᠴᠠ ᠶ᠋ᠢ ᠲᠥᠭᠡᠨᠡᠬᠦ ᠪᠠ ᠲᠦᠷᠬᠢᠵᠦ ᠢᠯᠢᠬᠦ ᠶ᠋ᠢ ᠦᠢᠯᠡᠳᠬᠦ ᠢᠨᠤ ᠮᠡᠷᠭᠡᠳ ᠦ᠋ᠨ ᠶᠣᠰᠣ ᠮᠥᠨ᠃
ᠡᠨᠡᠯᠭᠡᠭᠴᠢ ᠨᠢᠶᠠᠨ ᠡᠪᠡᠳᠴᠢᠨ ᠦ᠌ ᠭᠣᠳᠮᠠᠺᠠ※ ᠶ᠋ᠢᠨ ᠲᠦᠢᠮᠡᠷ ᠲᠦ᠍
ᠡᠷᠬᠢᠮ ᠮᠡᠷᠭᠡᠳ ᠦ᠋ᠨ ᠲᠤᠰᠬᠠᠢ ᠨᠣᠮᠯᠠᠯ ᠳᠠᠯᠠᠢ ᠮᠡᠲᠦ ᠪᠣᠯᠪᠠᠴᠤ
ᠡᠨᠳᠡ ᠢᠨᠤ ᠤᠤᠭᠤᠴᠢ ᠶ᠋ᠢᠨ ᠲᠡᠳᠦᠢ ᠷᠠᠰᠢᠶᠠᠨ ᠢ᠋ ᠪᠠᠷᠢᠪᠠᠢ
ᠡᠨᠡᠯᠦᠭᠳᠡᠭᠰᠡᠨ ᠠᠮᠢᠲᠠᠨ ᠨᠤᠭᠤᠳ ᠠᠮᠤᠷᠵᠢᠬᠤ ᠪᠣᠯᠲᠤᠭᠠᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠦᠯᠵᠡᠢᠪᠠᠭᠠᠳᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ