ᠬᠡᠦᠬᠡᠳ ᠦᠨ ᠰᠡᠳᠬᠢᠯ – ᠤ᠂ ᠴᠣᠯᠮᠣᠨ Хүүхдийн сэтгэл – О ᠂ Цолмон
298ᠬᠡᠦᠬᠡᠳ ᠦᠨ ᠰᠡᠳᠬᠢᠯ ᠁
ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠳ᠋ᠤ᠌ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠬᠠᠮᠤᠭ ᠠ᠋ᠴᠠ ᠬᠥᠭᠡᠷᠦᠬᠦᠢ ᠃
ᠦᠨᠡᠨ ᠬᠥᠭᠡᠷᠦᠬᠦᠢ !
ᠳᠡᠭᠳᠡᠵᠦ ᠪᠠᠢᠭᠠ ᠨᠠᠷᠠ ᠶ᠋ᠢ ᠵᠢᠭᠠᠭᠠᠳ ᠳᠡᠪᠡᠭᠡᠷᠴᠦ ᠢᠷᠡᠭᠡᠳ ᠪᠠᠶᠠᠷᠯᠠᠯᠴᠠᠨᠠ ᠂ ᠳᠡᠪᠳᠡᠷᠢᠵᠦ ᠪᠠᠢᠭᠠ ᠠᠩᠭᠠᠬᠠᠢ ᠪᠠᠷᠢᠭᠠᠳ ᠦᠰᠦᠷᠦᠭᠡᠳ ᠢᠨᠢᠶᠡᠴᠢᠨᠡ᠂ ᠳᠡᠯᠭᠡᠷᠡᠵᠦ ᠪᠠᠢᠭᠠ ᠴᠣᠮᠣᠷᠯᠢᠭ ᠢ᠋ ᠦᠵᠡᠭᠡᠳ ᠳᠡᠷᠭᠡᠳᠡ ᠨᠢ ᠵᠣᠭᠰᠣᠭᠠᠳ ᠮᠦᠰᠢᠶᠡᠴᠢᠨᠡ ᠁
ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠳ᠋ᠤ᠌ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠯᠡ ᠬᠥᠭᠡᠷᠦᠬᠦᠢ
ᠦᠨᠡᠨ ᠬᠥᠭᠡᠷᠦᠬᠦᠢ ᠳᠡ!
ᠲᠠᠯᠠ ᠶ᠋ᠢᠨ ᠴᠡᠴᠡᠭ ᠳᠡᠯᠭᠡᠷᠡᠬᠦ ᠦᠭᠡᠢ ᠭᠡᠳ ᠵᠠᠬᠠ ᠳ᠋ᠤ᠌ ᠬᠠᠷᠠᠭᠠᠳ ᠣᠬᠢᠯᠠᠴᠢᠬᠠᠨᠠ ᠂ ᠴᠠᠭᠠᠰᠤᠨ ᠰᠢᠪᠠᠭᠤ ᠪᠠᠨ ᠠᠯᠳᠠᠯᠠ ᠭᠡᠳ ᠬᠣᠢᠨᠠ ᠠ᠋ᠴᠠ ᠨᠢ ᠰᠢᠷᠲᠡᠭᠡᠳ ᠬᠠᠷᠠᠮᠰᠠᠴᠢᠨᠠ ᠂ ᠡᠷᠪᠡᠬᠡᠢ ᠶ᠋ᠢ ᠠᠢᠯᠤ ᠭᠡᠳ ᠬᠤᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠵᠢᠭᠠᠭᠠᠳ ᠡᠯᠡᠭᠯᠡᠴᠢᠬᠡᠨᠡ ᠃ ᠬᠠᠯᠲᠠᠷ ᠳᠠᠭᠠ ᠳ᠋ᠠᠭᠠᠨ ᠬᠠᠶᠠᠭᠳᠠᠯᠠ ᠭᠡᠳ ᠬᠠᠮᠲᠤ ᠨᠠᠢᠵᠢ ᠠ᠋ᠴᠠ ᠪᠠᠨ ᠢᠴᠢᠴᠢᠨᠡ ᠁
ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠬᠥᠭᠡᠷᠦᠬᠦᠢ !
ᠦᠨᠡᠨ ᠬᠥᠭᠡᠷᠦᠬᠦᠢ !
2
ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠳ᠋ᠤ᠌ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠯᠡ ᠬᠥᠭᠡᠷᠦᠬᠦᠢ ᠬᠠᠮᠤᠭ ᠠ᠋ᠴᠠ ᠬᠥᠭᠡᠷᠦᠬᠦᠢ !
ᠬᠠᠢᠷᠠ ᠨᠠᠢᠷ ᠦᠭᠡᠢ ᠠᠮᠢᠳᠤᠷᠠᠯ ᠤ᠋ᠨ ᠴᠣᠬᠣᠷ ᠬᠢᠷᠠᠭᠤ ᠠᠯᠢᠨ ᠳ᠋ᠤᠨᠢ ᠪᠣᠯᠪᠠᠴᠤ ᠲᠠᠭᠤᠭᠰᠠᠨ ᠦᠭᠡᠢ ᠤᠴᠢᠷ ᠂ ᠬᠠᠯᠠ ᠲᠠᠮᠤ ᠲᠠᠢ ᠠᠮᠢᠳᠤᠷᠠᠯ ᠤ᠋ᠨ ᠵᠠᠮ ᠳᠡᠭᠡᠷᠡ ᠠᠯᠢ ᠨᠢ ᠪᠣᠯᠪᠠᠴᠤ ᠲᠥᠭᠡᠷᠢᠭᠰᠡᠨ ᠦᠭᠡᠢ ᠤᠴᠢᠷ ᠂ ᠰᠡᠳᠬᠢᠯ ᠨᠢ ᠠᠯᠠᠭ ᠦᠭᠡᠢ ᠬᠥᠭᠡᠷᠦᠬᠦᠢ! ᠰᠠᠨᠠᠭᠠ ᠨᠢ ᠬᠬᠢᠷ ᠦᠭᠡᠢ ᠬᠥᠭᠡᠷᠦᠬᠦᠢ!
3
ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠦᠨᠡᠨ ᠬᠥᠭᠡᠷᠦᠬᠦᠢ !
ᠴᠡᠯᠭᠡᠷᠡᠵᠦ ᠪᠠᠢᠭᠠ ᠠᠷᠤ ᠶ᠋ᠢᠨ ᠭᠣᠪᠢ ᠳ᠋ᠤ᠌ ᠴᠠᠬᠢᠷᠮᠠ ᠪᠠᠷ ᠬᠦᠷᠦᠭᠰᠡᠨ ᠲᠠᠰᠢᠭᠤᠷ ᠢ᠋ᠶ᠋ᠠᠨ ᠭᠡᠭᠡᠬᠦ ᠶ᠋ᠢᠨ ᠦᠶᠡ ᠳ᠋ᠦ᠍ ᠴᠠᠭᠠᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠳᠣᠲᠣᠷᠠ ᠨᠢ ᠪᠤᠤ ᠭᠡᠭᠡᠴᠢᠬᠡ ᠳᠡ ᠁
4
ᠬᠥᠮᠦᠨ ᠦ᠌ ᠶᠢᠷᠲᠢᠨᠴᠦ ᠳ᠋ᠦ᠍ ᠬᠡᠦᠬᠡᠳ ᠦ᠋ᠨ ᠰᠥᠭᠡᠯ ᠯᠡ ᠬᠥᠭᠡᠷᠦᠬᠦᠢ!
ᠰᠢᠬᠢᠷ ᠢᠳᠡᠨᠡ ᠭᠡᠳ ᠤᠬᠢᠯᠠᠴᠢᠨᠠ᠃ ᠨᠠᠭᠠᠳᠤᠮ ᠦᠭᠬᠦᠯᠡ ᠭᠡᠳ ᠢᠨᠢᠶᠡᠴᠢᠨᠡ᠃ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠭᠡᠭᠡᠭᠰᠡᠨ ᠦᠭᠡᠢ ᠴᠦ᠍ ᠪᠣᠯᠤᠭᠠᠰᠠᠢ ᠪᠢ ! ᠴᠢᠩᠭᠢᠪᠡᠯ ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠤ᠋ᠨ ᠬᠥᠭᠡᠷᠦᠬᠦᠢ ᠪᠢᠰᠢᠦ ? ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠯᠡ ᠬᠥᠭᠡᠷᠦᠬᠦᠢ !ᠦᠨᠡᠨ ᠬᠥᠭᠡᠷᠦᠬᠦᠢ ! ᠁