5-6ᠲᠣᠪᠳᠠᠨᠨᠢᠮᠠ ᠶ᠋ᠢᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠤᠯᠠᠭᠠᠨ ᠨᠣᠳ᠂ ᠲᠣᠮᠣᠭᠣ ᠲᠠᠭᠰᠢᠭᠤᠷ
260ᠤᠯᠠᠭᠠᠨ ᠨᠣᠳ᠂ ᠲᠣᠮᠣᠭᠣ ᠲᠠᠭᠰᠢᠭᠤᠷ
ᠵᠢᠷᠭᠤᠭᠠ᠂ ᠤᠯᠠᠭᠠᠨ ᠨᠣᠳ
ᠤᠯᠠᠭᠠᠨ ᠨᠣᠳ ᠤ᠋ᠨ ᠰᠢᠯᠲᠠᠭᠠᠨ ᠨᠢ ᠬᠢᠵᠢᠭ ᠬᠠᠯᠠᠭᠤᠨ ᠶᠡᠷᠦ ᠯᠦ᠍ᠭᠡ ᠠᠳᠠᠯᠢ᠂ ᠰᠤᠳᠠᠯ ᠰᠢᠭᠡᠰᠦ ᠨᠢ ᠮᠠᠭᠠᠳ ᠦᠭᠡᠢ᠃ ᠮᠢᠬᠠᠨ ᠤ᠋ ᠥᠩᠭᠡ ᠤᠯᠠᠭᠠᠨ᠂ ᠨᠢᠷᠤᠭᠤᠨ ᠳᠡᠭᠡᠷᠡ ᠤᠯᠠᠭᠠᠨ ᠲᠣᠯᠪᠣ ᠭᠠᠷᠴᠤ᠂ ᠨᠢᠳᠦᠨ ᠰᠤᠳᠠᠯ ᠤᠯᠠᠢᠬᠤ᠂ ᠭᠦᠪᠳᠦᠷᠦᠦ ᠨᠢ ᠨᠢᠭᠡ ᠬᠣᠨᠣᠭ ᠥᠩᠭᠡᠷᠡᠪᠡᠯ ᠳᠡᠢᠯᠦᠩᠭᠦᠢ ᠨᠢ ᠬᠠᠲᠠᠬᠤ ᠪᠣᠯᠠᠢ᠃
ᠢᠯᠭᠠᠯ ᠨᠢ᠄ ᠬᠠᠷᠠ ᠴᠠᠭᠠᠨ᠂ ᠠᠯᠠᠭ ᠭᠡᠵᠦ ᠭᠤᠷᠪᠠ ᠪᠠᠢᠳᠠᠭ᠋᠃
ᠵᠠᠰᠠᠬᠤ ᠠᠷᠭᠠ᠄ ᠪᠤᠴᠠᠯᠤᠭᠰᠠᠨ ᠤᠰᠤ᠂ ᠮᠠᠨᠤ—4 ᠳᠠᠩ ᠢ᠋ ᠰᠢᠲᠦᠭᠦᠯ᠂ ᠴᠢᠰᠤ ᠰᠢᠷᠠ ᠶ᠋ᠢᠨ ᠬᠤᠪᠢ ᠶᠡᠬᠡ ᠳ᠋ᠦ᠍ᠨᠢ ᠭᠤᠷᠪᠠᠨ ᠦᠷᠡ᠂ ᠬᠥᠬᠥᠯ ᠦ᠋ᠨ ᠳᠠᠩ᠂ ᠪᠠᠩᠽᠢ—12᠂ ᠦᠯᠴᠦ(ᠮᠥᠩᠭᠥᠨ ᠤᠰᠤᠨ) ᠤ᠋ ᠨᠠᠢᠷᠠᠯᠲᠠ ᠲᠡᠷᠢᠭᠦᠲᠡᠨ ᠦ᠌ ᠵᠣᠬᠢᠰ ᠢ᠋ ᠦᠵᠡᠨ ᠠᠳᠠᠯᠢᠳᠬᠠᠨ ᠨᠠᠢᠷᠠᠭᠤᠯᠵᠤ᠂ ᠶᠡᠷᠦ ᠶ᠋ᠢᠨ ᠬᠠᠯᠠᠭᠤᠨ ᠮᠡᠲᠦ ᠵᠠᠰᠠᠭᠲᠤᠨ᠃
ᠳᠣᠯᠣᠭᠠ᠂ ᠲᠣᠮᠣᠭᠣ ᠲᠠᠭᠰᠢᠭᠤᠷ
ᠬᠠᠨᠢᠶᠠᠳᠤ ᠶ᠋ᠢᠨ ᠰᠢᠯᠲᠠᠭᠠᠨ ᠨᠢ᠄ ᠶᠡᠷᠦ ᠶ᠋ᠢᠨ ᠬᠢᠵᠢᠭ ᠯᠦ᠍ᠭᠡ ᠠᠳᠠᠯᠢ᠂ ᠲᠡᠷᠡ ᠴᠦ᠍ ᠬᠠᠮᠠᠷ ᠤ᠋ᠨ ᠨᠦᠬᠡ᠂ ᠪᠠᠷᠠᠭᠤᠨ ᠵᠡᠭᠦᠨ ᠷᠣᠮᠠ᠂ ᠵᠠᠩᠮᠠ ᠬᠣᠶᠠᠷ᠂ ᠳᠣᠷᠣᠭᠰᠢ ᠬᠠᠨᠳᠤᠭᠰᠠᠨ ᠠᠮᠠᠰᠠᠷ ᠨᠢ ᠵᠡᠰ ᠪᠦᠷᠢᠶᠡ ᠮᠡᠲᠦ ᠣᠩᠭᠣᠢᠵᠤ᠂ ᠲᠡᠭᠦᠨᠡ ᠠᠷᠢᠭᠤᠨ ᠪᠤᠰᠤ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠶᠠᠪᠤᠳᠠᠯ ᠬᠣᠯᠢᠯᠳᠤᠭᠰᠠᠨ ᠪᠠ ᠬᠥᠯᠥᠰᠥ ᠰᠢᠪᠡᠭᠰᠡᠨ᠂ ᠦᠨᠦᠷ ᠲᠤᠰᠤᠭᠰᠠᠨ ᠨᠥᠬᠥᠴᠡᠯ ᠡᠴᠡ ᠮᠥᠨ ᠬᠦ᠌ ᠲᠡᠷᠡ ᠰᠤᠳᠠᠯ ᠬᠠᠨᠢᠶᠠᠳᠤᠨ ᠳ᠋ᠤ᠌ ᠪᠠᠭᠤᠭᠰᠠᠨ ᠲᠤᠯᠠ ᠲᠣᠮᠣᠭᠣ ᠲᠠᠭᠰᠢᠭᠤᠷ ᠭᠡᠮᠡᠨ ᠨᠡᠷᠡᠢᠳᠪᠡ᠃
ᠵᠠᠰᠠᠬᠤ ᠠᠷᠭᠠ ᠨᠢ᠄ ᠯᠢᠳᠡᠷᠢ᠂ ᠭᠤᠷᠪᠠᠨ ᠦᠷᠡ᠂ ᠳ᠋ᠢᠭᠳᠡ᠂ ᠮᠠᠨᠤ᠂ ᠬᠤᠩᠯᠧᠨ ᠦ᠌ ᠳᠠᠩ ᠢ᠋ ᠥᠭᠴᠦ ᠬᠥᠯᠥᠰᠥ ᠭᠠᠷᠭᠠ᠃ ᠬᠠᠯᠠᠭᠤᠨ ᠢ᠋ ᠪᠣᠯᠪᠠᠰᠤᠷᠠᠭᠤᠯᠬᠤ ᠪᠠ ᠨᠢᠲᠤᠯᠬᠤ ᠶ᠋ᠢ ᠬᠠᠮᠲᠤᠷᠠᠭᠤᠯᠤᠨ ᠦᠢᠯᠡᠳ᠃ ᠲᠣᠮᠣᠭᠣ ᠬᠠᠨᠢᠶᠠᠳᠤ ᠶ᠋ᠢ ᠶᠡᠷᠦ ᠶ᠋ᠢᠨ ᠬᠢᠵᠢᠭ ᠡᠪᠡᠳᠴᠢᠨ ᠮᠡᠲᠦ ᠵᠠᠰᠠᠭᠲᠤᠨ᠃ ᠬᠠᠮᠠᠷ ᠤ᠋ᠨ ᠬᠠᠨᠢᠶᠠᠳᠤ ᠬᠥᠳᠡᠯᠪᠡᠰᠦ ᠠᠷᠪᠠᠢ ᠶ᠋ᠢᠨ ᠠᠭᠤᠷ ᠤ᠋ᠨ ᠵᠢᠩ ᠢ᠋ ᠣᠯᠠᠨᠲᠠ ᠦᠢᠯᠡᠳ᠃ ᠬᠥᠬᠥᠯ᠂ ᠬᠥᠬᠡ ᠶᠤᠷᠤᠭ᠋᠂ ᠠᠷᠤᠷᠠ᠂ ᠠᠷᠨᠠᠭ᠋᠂ ᠯᠠᠩᠲ᠋ᠠᠩᠼᠢ ᠶ᠋ᠢ ᠬᠣᠯᠢᠵᠤ ᠬᠠᠮᠠᠷ ᠢ᠋ᠶ᠋ᠠᠷ ᠣᠲᠣᠪᠠᠰᠤ ᠬᠠᠮᠠᠷ ᠤ᠋ᠨ ᠤᠰᠤ ᠵᠣᠭᠰᠣᠬᠤ᠂ ᠢᠳᠡᠭᠡᠨ ᠶᠠᠪᠤᠳᠠᠯ ᠢ᠋ ᠶᠡᠷᠦ ᠶ᠋ᠢᠨ ᠬᠠᠯᠠᠭᠤᠨ ᠮᠡᠲᠦ ᠮᠡᠳᠡᠵᠦ ᠦᠢᠯᠡᠳ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠦᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠭᠰᠠᠨ ᠨᠢ᠄ ᠣᠳᠬᠠᠨᠰᠤᠠ