ᠪᠢ ᠬᠠᠮᠢᠭᠠ ᠪᠠᠢᠨᠠ – ᠤᠶ᠋ᠢᠲᠤᠪ ᠦ᠋ᠨ ᠣᠴᠢᠨᠭᠠᠯ Би хаана байна – Ойдовийн Очингал
309ᠪᠢ ᠬᠠᠮᠢᠭᠠ ᠪᠠᠢᠨᠠ
ᠪᠢ ᠬᠠᠮᠢᠬ᠋ᠠ ᠪᠠᠢᠨᠠ
ᠥᠨᠲᠥᠷ ᠠᠭᠤᠯᠠᠰ ᠦ᠋ᠨ ᠶ᠋ᠢᠡᠨ ᠣᠷᠣᠢ ᠳᠡᠭᠡᠷᠡ ᠪᠠᠢᠨᠠ᠂
ᠦᠰᠦ ᠪᠡᠨ ᠬᠡᠶ᠋ᠢᠰᠭᠡᠨ ᠵᠣᠭᠰᠣᠵᠤ᠂ ᠠᠲᠤᠭᠤ ᠮᠠᠯ ᠦ᠋ᠨ ᠶ᠋ᠢᠡᠨ ᠮᠥᠷ ᠲᠠᠢ
ᠠᠲᠠᠷ ᠦ᠋ᠨ ᠦᠨᠦᠷ ᠲᠡᠢ ᠰᠦᠨ ᠳ᠋ᠦ᠍ ᠰᠣᠭᠲᠣᠭᠤᠷᠠᠨ ᠪᠠᠢᠨᠠ᠃
ᠪᠢ ᠬᠠᠮᠢᠬ᠋ᠠ ᠪᠠᠢᠨᠠ
ᠡᠪᠡᠰᠦ ᠲᠡᠢ ᠵᠦᠯᠭᠡ ᠨᠣᠭᠣᠭᠠᠨ ᠬᠥᠪᠴᠢ ᠪᠡᠨ ᠬᠠᠷᠠᠭᠠᠳ ᠂
ᠦᠵᠡᠰᠬᠦᠯᠡᠩᠲᠦ ᠴᠡᠴᠡᠭᠡᠰ ᠦ᠋ᠨ ᠥᠩᠭᠡ ᠶ᠋ᠢᠨ ᠡᠷᠪᠡᠬᠡᠢ ᠲᠡᠢ
ᠳᠡᠨᠵᠢᠨ ᠳᠡᠭᠡᠷᠡ ᠪᠡᠨ ᠵᠣᠭᠰᠣᠵᠤ ᠪᠠᠢᠨᠠ᠃
ᠪᠢ ᠬᠠᠮᠢᠬ᠋ᠠ ᠪᠠᠢᠨᠠ
ᠪᠥᠮᠪᠥᠷᠴᠡᠭ ᠦ᠋ᠨ ᠪᠦᠲᠦᠨ ᠵᠠᠶᠠᠬ᠋ᠠ ᠲᠠᠢ
ᠮᠣᠩᠭᠣᠯ ᠲᠠᠢ ᠪᠠᠨ ᠪᠠᠢᠨᠠ᠂
ᠮᠣᠷᠢ ᠲᠠᠢ ᠪᠠᠨ ᠠᠶᠠᠯᠠᠭᠰᠠᠨ
ᠮᠠᠯᠴᠢᠨ ᠠᠪᠤ ᠶ᠋ᠢᠨ ᠮᠥᠩᠭᠥᠨ ᠡᠮᠡᠭᠡᠯ ᠦ᠋ᠨ ᠪᠥᠭᠥᠷᠭᠡᠨ ᠳᠡᠭᠡᠷᠡ ᠪᠠᠢᠨᠠ᠃
ᠰᠠᠭᠠᠯᠢ ᠰᠦ᠋ ᠪᠡᠷ ᠡᠩᠭᠡᠷ ᠶ᠋ᠢᠡᠨ ᠮᠢᠯᠢᠶᠠᠭᠰᠠᠨ
ᠮᠠᠯᠴᠢᠨ ᠡᠵᠢ ᠶ᠋ᠢᠨ ᠰᠡᠤᠠᠬᠢᠯ ᠳ᠋ᠤᠨᠢ ᠪᠠᠢᠨᠠ᠃
ᠪᠢ ᠬᠠᠮᠢᠬ᠋ᠠ ᠪᠠᠢᠨᠠ
ᠲᠩᠷᠢ ᠭᠠᠵᠠᠷ ᠦ᠋ᠨ ᠳᠤᠮᠲᠠᠬᠢ
ᠲᠥᠭᠥᠷᠢᠭ ᠴᠠᠭᠠᠨ ᠥᠷᠭᠥᠭᠡ ᠳ᠋ᠦ᠍ ᠪᠠᠢᠨᠠ᠂
ᠦᠵᠡᠮᠵᠢ ᠶ᠋ᠢᠨ ᠰᠣᠯᠣᠩᠬ᠋ᠠ ᠢᠯᠭᠠᠷᠠᠭᠤᠯᠤᠭᠰᠠᠨ
ᠣᠯᠢᠷ ᠦ᠋ᠨ ᠳᠠᠭᠤᠨ ᠲᠠᠢ ᠠᠭᠤᠯᠠᠨ ᠳ᠋ᠠᠭᠠᠨ ᠪᠠᠢᠨᠠ᠃
ᠪᠢ ᠬᠠᠮᠢᠬ᠋ᠠ ᠪᠠᠢᠨᠠ
ᠤᠷᠤᠰᠬᠠᠯ ᠲᠠᠲᠠᠷᠠᠲᠠᠭ ᠦᠭᠡᠢ ᠭᠣᠣᠯ ᠦ᠋ᠨ ᠶ᠋ᠢᠡᠨ ᠳᠡᠷᠭᠡᠳᠡ
ᠬᠥᠬᠡᠳ ᠦ᠋ᠨ ᠠᠭᠤᠲᠠᠮ ᠬᠥᠲᠡᠭᠡ ᠪᠠᠢᠨᠠ᠃
ᠪᠢ ᠬᠠᠮᠢᠬ᠋ᠠ ᠪᠠᠢᠨᠠ
ᠳᠡᠭᠡᠳᠦ ᠮᠣᠩᠭᠣᠯ ᠦ᠋ᠨ ᠠᠯᠲᠠᠨ ᠰᠢᠷᠣᠢ᠂
ᠳᠡᠭᠡᠲᠦᠰ ᠦ᠋ᠨ ᠪᠤᠶᠠᠨᠲᠤ ᠨᠤᠲᠤᠭ ᠲᠠᠭᠠᠨ ᠪᠠᠢᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠰᠡᠬᠡᠭᠡᠷᠡᠯ᠂ ᠣᠤᠠᠬᠠᠨᠰᠣᠠ᠋