ᠰᠣᠶᠣᠯ - ᠠᠷᠲᠠᠢ Соёл - Артай
452ᠰᠣᠶᠣᠯ
1
《 ᠠᠪᠤ ᠨᠢ ᠨᠢᠭᠡ ᠨᠠᠰᠤᠨ ᠳ᠋ᠠᠭᠠᠨ ᠬᠠᠮᠢᠭᠠ ᠶᠠᠪᠤᠭᠰᠠᠨ ᠦᠭᠡᠢ ᠶᠤᠮ ? ᠤᠲᠠᠢ ᠪᠠᠰᠠ ᠬᠦᠷᠦᠭᠰᠡᠨ ᠂ ᠡᠦᠲᠦ ᠴᠦ᠍ ᠭᠣᠮᠣᠳᠠᠯ ᠦᠭᠡᠢ ᠠ᠋ ! 》ᠭᠡᠵᠦ ᠨᠢᠭᠡ ᠡᠪᠦᠭᠡᠨ ᠭᠠᠶ᠋ᠢᠬᠠᠭᠤᠯᠤᠨᠠ ᠂
ᠰᠣᠶᠣᠯ ᠦᠭᠡᠢ ᠶ᠋ᠢᠨ ᠬᠢ᠃
ᠠᠷᠠᠭᠠ ᠪᠠᠨ ᠬᠦᠷᠲᠡᠯᠡ ᠵᠡᠪᠰᠡᠭᠯᠡᠭᠰᠡᠨ ᠳᠠᠢᠰᠤᠨ ᠤ᠋ ᠰᠤᠮᠤ ᠥᠭᠡᠳᠡ ᠂ 《ᠠᠯᠠ ᠠ᠋ ! 》 ᠭᠡᠳ ᠠᠷᠪᠠᠨ ᠰᠠᠯᠠᠭᠠ ᠴᠡᠷᠢᠭ ᠢ᠋ᠶ᠋ᠡᠨ ᠬᠤᠷᠤᠢᠯᠳᠤᠵᠤ ᠣᠷᠣᠭᠠᠳ ᠠᠯᠠᠭᠳᠠᠴᠢᠬᠠᠵᠠᠢ ᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠂ ᠲᠤᠢᠯ ᠤ᠋ᠨ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠢ᠋ᠶ᠋ᠠᠷ ᠃
ᠰᠣᠶᠣᠯ ᠦᠭᠡᠢ ᠶ᠋ᠢᠨ ᠬᠢ᠃
ᠮᠣᠩᠭᠣᠯ ᠭᠡᠷ ᠲᠦ᠍ ᠳᠥᠷᠪᠡᠨ ᠬᠡᠦᠬᠡᠳ ᠭᠤᠷᠪᠠᠨ ᠪᠠᠨᠲᠣᠣᠲ᠋ ᠢ᠋ ᠴᠢᠷᠦᠴᠢᠭᠡᠳ ᠴᠢᠴᠧ ᠪᠣᠯᠭᠠᠵᠤ ᠨᠠᠭᠠᠳᠴᠤ ᠪᠠᠢᠬᠤ ᠶ᠋ᠢ ᠪᠢ ᠦᠵᠡᠯᠡ ᠃
ᠡᠨᠡ ᠪᠠᠶᠠᠨ ᠤ᠋ ᠬᠢ ᠪᠢᠰᠢ ᠃
ᠮᠠᠷᠭᠠᠰᠢ ᠶ᠋ᠢᠨ ᠨᠠᠶ᠋ᠢᠷ ᠲᠤ᠌ ᠮᠠᠨᠠᠭᠠᠷᠠᠵᠤ ᠪᠠᠢᠲᠠᠯᠠ ᠲᠣᠰᠣᠯᠠᠭᠤᠷ ᠨᠢ ᠬᠥᠨᠳᠡᠢᠷᠡᠭᠡᠳ ᠮᠣᠲ᠋ᠣᠷ ᠨᠢ ᠵᠣᠭᠰᠣᠴᠢᠬᠠᠵᠠᠢ᠃ ᠮᠠᠨ ᠤ᠋ ᠬᠥᠮᠦᠨ ᠲᠡᠷᠡ ᠮᠠᠭᠤ ᠶᠠᠭᠤᠮᠠ ᠶ᠋ᠢ ᠭᠠᠭᠴᠠᠬᠠᠨ ᠡᠭᠦᠷᠦᠭᠡᠳ ᠬᠠᠭᠠᠰ ᠵᠠᠮ ᠠ᠋ᠴᠠ ᠪᠠᠨ ᠬᠠᠷᠢᠭᠠᠳ ᠢᠷᠡᠴᠢᠬᠡᠵᠡᠢ ᠃
ᠡᠨᠡ ᠴᠢᠳᠠᠯ ᠲᠠᠢ ᠶ᠋ᠢᠨ ᠬᠢ ᠪᠢᠰᠢ ᠃
2
《ᠵᠣᠪᠠᠯᠠᠩ ᠪᠣᠯᠠᠢ ᠂ ᠵᠣᠪᠠᠯᠠᠩ ᠁》 ᠭᠡᠵᠦ ᠴᠢᠨ ᠱᠢ ᠬᠤᠸᠠᠩ ᠤ᠋ᠨ ᠰᠦᠨᠡᠰᠦ ᠵᠡᠭᠡᠯᠢ ᠶ᠋ᠢᠨ ᠨᠣᠪᠰᠢᠨ ᠳᠣᠲᠣᠷᠠ ᠠ᠋ᠴᠠ ᠤᠬᠢᠯᠠᠭ ᠠᠯᠳᠠᠵᠠᠢ ᠃
《 ᠡᠪᠦᠭᠡ ᠪᠠᠭᠰᠢ ᠶᠠᠭᠤᠨ ᠳ᠋ᠤ᠌ ᠵᠣᠪᠠᠪᠠ? 》 ᠭᠡᠵᠦ ᠬᠣᠬᠢᠮᠠᠢ ᠶᠠᠰᠤᠨ ᠲᠣᠯᠣᠭᠠᠢ ᠵᠢᠶᠠᠩ ᠴᠢᠩ ᠦ᠋ᠨ ᠰᠦᠨᠡᠰᠦ ᠪᠥᠮᠪᠥᠷᠢᠵᠦ ᠢᠷᠡᠭᠡᠳ ᠠᠰᠠᠭᠤᠵᠠᠢ ᠃
《ᠮᠤᠩᠬᠠᠭ ᠠᠷᠠᠳ ᠢ᠋ ᠵᠠᠷᠤᠵᠤ ᠪᠣᠯᠤᠮᠤᠢ᠂ ᠮᠡᠳᠡᠭᠦᠯᠵᠦ ᠡᠰᠡ ᠪᠣᠯᠤᠮᠤᠢ ᠃ ᠮᠤᠤᠰᠠᠢᠨ ᠠᠮᠢᠲᠠᠳ ᠡᠦᠲᠦ ᠪᠦᠷ ᠪᠢᠴᠢᠭ ᠪᠢᠯᠢᠭ ᠲᠡᠢ ᠪᠣᠯᠵᠤ ᠠᠮᠤᠢ ᠃ ᠡᠨᠡ ᠴᠢᠨᠢ ᠠᠶᠤᠯ ᠪᠣᠯᠠᠢ ᠂ ᠠᠶᠤᠯ ᠁ 》 ᠭᠡᠵᠦ ᠴᠢᠨ ᠦ ᠰᠦᠨᠡᠰᠦ ᠭᠤᠩᠰᠢᠵᠠᠢ ᠃
《 ᠠᠶᠤᠯ ᠁ᠠᠶᠤᠯ ᠢ ᠴᠢᠨᠢ ᠮᠡᠳᠡᠭᠡᠳ ᠯᠡ ᠪᠢ ᠠᠷᠪᠠᠨ ᠵᠢᠯ ᠢᠶᠡᠷ ᠁ 》 ᠭᠡᠳ ᠬᠣᠬᠢᠮᠠᠢ ᠶᠠᠰᠤᠨ ᠲᠣᠯᠣᠭᠠᠢ ᠴᠠᠰᠢ ᠬᠡᠯᠡᠵᠦ ᠴᠢᠳᠠᠯ ᠦᠭᠡᠢ ᠮᠡᠭᠰᠢᠵᠡᠢ ᠃
《 ᠨᠠᠮᠠᠶ᠋ᠢ ᠲᠡᠳᠡ ᠂ ᠴᠠᠭᠠᠵᠠ ᠶ᠋ᠢᠨ ᠭᠠᠵᠠᠷ ᠠᠪᠠᠴᠢᠵᠤ ᠫᠤᠤᠳᠠᠵᠤ ᠠᠯᠠᠬᠤ ᠪᠠᠷ ᠪᠠᠢᠨᠠ ᠰᠢᠦ 》 ᠭᠡᠵᠦ ᠠᠭᠤᠰᠬᠢᠨ ᠤ᠋ ᠰᠦᠷᠢᠶᠡ ᠪᠠᠺᠲ᠋ᠧᠷᠢ ᠲᠠᠭᠵᠢᠪᠠ ᠃
《 ᠲᠡᠳᠡ ᠭᠡᠳᠡᠭ ᠴᠢᠨᠢ ᠬᠡᠨ ᠪᠣᠢ? ᠶᠠᠭᠠᠬᠢᠭᠰᠠᠨ ᠠᠢᠬᠤᠪᠲᠤᠷ ᠶᠤᠮ?》 ᠭᠡᠵᠦ ᠬᠡᠷᠦᠬᠦ ᠡᠪᠡᠳᠴᠢᠨ ᠦ᠌ ᠪᠠᠺᠲ᠋ᠧᠷᠢ ᠶᠢᠨ ᠵᠢᠷᠦᠬᠡ ᠨᠢ ᠲᠦᠭᠰᠢᠪᠡ ᠃
《ᠬᠡᠨ ᠪᠠᠢᠬᠤᠪ ᠂ ᠰᠣᠶᠣᠯ!》
《ᠠ ⁈ 》
《 ᠶᠠᠭᠠᠬᠢᠳᠠᠭ ᠪᠢᠯᠡ? ᠯᠠᠮᠠ ᠭᠤᠷᠪᠠᠨ ᠡᠷᠳᠡᠨᠢ 》
《 ᠪᠠᠢᠵᠠ ᠂ ᠪᠠᠢᠵᠠ ᠁ ᠣᠳᠣ ᠬᠥᠳᠡᠭᠡ ᠶᠠᠪᠤᠶᠠ᠂ ᠮᠣᠩᠭᠣᠯ ᠭᠡᠷ ᠲᠦ ᠣᠴᠢᠶᠠ ᠂ ᠲᠡᠨᠳᠡ ᠭᠠᠢᠭᠤᠢ ᠪᠠᠢᠬᠤ ᠁ 》
《 ᠮᠢᠨᠦ ᠨᠠᠢᠵᠢ ᠨᠠᠷ ᠥᠭᠡᠷᠡ ᠭᠠᠵᠠᠷ ᠪᠦᠷ ᠥᠩᠭᠡ ᠭᠡᠷᠡᠯ ᠲᠡᠢ ᠶᠠᠪᠤᠵᠤ ᠪᠠᠢᠨᠠ ᠂ ᠬᠥᠳᠡᠯᠮᠦᠷᠢᠯᠡᠭᠡᠳ ᠃ ᠪᠢ ᠯᠡ ᠠᠳᠠ ᠪᠠᠨ ᠦᠬᠦᠭᠰᠡᠨ ᠶᠤᠮ ᠰᠢᠭ ᠬᠡᠪᠲᠡᠭᠡᠳ 》 ᠭᠡᠵᠦ ᠡᠯᠡᠰᠦᠨ ᠦ᠌ ᠡᠷᠳᠡᠨᠢ ᠭᠣᠮᠣᠳᠠᠯ ᠢ᠋ᠶ᠋ᠠᠨ ᠲᠣᠭᠠᠴᠢᠯᠠ ᠃
《 ᠴᠢ ᠪᠠᠢᠲᠤᠭᠠᠢ ᠂ ᠨᠠᠮᠠᠶ᠋ᠢ ᠬᠢᠷᠢ ᠨᠢ ᠰᠠᠶᠢ ᠰᠠᠶᠢ ᠠ᠋ᠴᠠ ᠯᠠ ᠣᠢᠰᠢᠶᠠᠵᠤ ᠪᠠᠢᠨᠠ ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠪᠠᠰᠠ ᠢᠲᠡᠭᠡᠯ ᠮᠠᠭᠤᠳᠠᠶ ᠶᠤᠮ ᠪᠢᠯᠡ 》 ᠭᠡᠵᠦ ᠨᠠᠷᠠᠨ ᠤ᠋ ᠡᠨᠧᠷᠭᠢ ᠲᠣᠨᠢᠷᠬᠠᠵᠠᠢ ᠃
《 ᠲᠠ ᠬᠣᠶᠠᠷ ᠪᠤᠤ ᠱᠤᠤᠭᠢᠯᠳᠤᠭᠠᠳ ᠪᠠᠢ ᠂ ᠪᠢ ᠣᠳᠣ ᠭᠤᠴᠢ ᠭᠠᠷᠤᠯᠠ ᠂ ᠪᠠᠰᠠ ᠬᠤᠷᠢᠮᠯᠠᠭᠠ ᠦᠭᠡᠢ 》 ᠭᠡᠵᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠲᠠᠢᠯᠪᠤᠷᠢᠯᠠᠭᠳᠠᠭᠠ ᠦᠭᠡᠢ ᠣᠨᠢᠰᠣᠭᠠ ᠬᠡᠲᠡᠷᠯᠡᠴᠢᠭᠡᠪᠡ ᠃
3
ᠤᠳᠬᠠ ᠶᠢᠨ ᠰᠣᠬᠣᠷ ᠪᠣᠯ ᠪᠠᠯᠠᠷ ᠤ᠋ᠨ ᠬᠠᠷᠠᠩᠭᠤᠢ ᠭᠠᠩᠭᠠ
ᠰᠤᠷᠭᠠᠭᠤᠯᠢ ᠪᠣᠯ ᠬᠥᠭᠥᠷᠭᠡ
ᠰᠣᠶᠣᠯ ᠡᠨᠡ ᠬᠥᠭᠥᠷᠭᠡ ᠪᠡᠷ ᠲᠠᠯᠠ ᠳ᠋ᠤ᠌ ᠂ ᠲᠠᠷᠢᠬᠢᠨ ᠳ᠋ᠤ᠌ ᠢᠷᠡᠳᠡᠭ ᠃
ᠭᠠᠭᠴᠠ ᠮᠣᠳᠣᠨ ᠬᠥᠭᠥᠷᠭᠡ ᠪᠡᠷ ᠶᠠᠭᠠᠬᠢᠬᠤᠪ
ᠭᠠᠵᠠᠷ ᠪᠦᠬᠦᠨ ᠳ᠋ᠦ᠍ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠭᠠᠴᠢᠭᠳᠠᠵᠤ ᠪᠠᠢᠭᠠ ᠪᠣᠢᠳᠠ ᠪᠥᠭᠯᠡᠭᠦᠦ ᠬᠣᠲᠠ ᠤᠰᠤ ᠤᠷᠤᠭᠤ ᠂
ᠭᠠᠷ ᠤ᠋ᠨ ᠦᠰᠦᠭ ᠢ᠋ᠶ᠋ᠡᠨ ᠵᠢᠷᠤᠵᠤ ᠴᠢᠳᠠᠬᠤ ᠦᠭᠡᠢ ᠳᠣᠭᠣᠭᠢᠯᠠᠭᠤᠯᠵᠤ ᠪᠠᠢᠭᠠ ᠵᠠᠯᠠᠭᠤ ᠤᠷᠤᠭᠤ
ᠬᠥᠭᠥᠷᠭᠡ ᠲᠠᠯᠪᠢᠶᠠ ! ᠬᠥᠭᠥᠷᠭᠡ ᠲᠠᠯᠪᠢᠵᠠᠭᠠᠶᠠ !
4
ᠶᠠᠭᠤ ᠪᠤᠷᠤᠭᠤ ?
《 ᠰᠡᠪ ᠯᠠ ᠭᠡᠪᠡᠯ ᠲᠡᠷᠡ ᠮᠠᠭᠤ ᠡᠷᠢᠶᠡᠨ ᠴᠣᠬᠣᠷ ᠢ᠋ᠶ᠋ᠠᠨ ᠪᠠᠷᠢᠭᠠᠳ ᠰᠠᠭᠤᠴᠢᠬᠠᠨᠠ !》 ᠭᠡᠳ ᠪᠢᠴᠢᠭ ᠢ᠋ ᠪᠤᠯᠢᠶᠠᠭᠠᠳ ᠰᠢᠳᠡᠳᠡᠭ ᠴᠢᠨᠢ ᠪᠤᠷᠤᠭᠤ ᠂
《 ᠰᠠᠪᠠᠷ ᠠᠪᠤᠭᠠᠳ ᠶᠠᠪᠤ ! ᠡᠮᠦᠨᠡ ᠬᠣᠩᠬᠣᠷ ᠤ᠋ᠨ ᠠᠳᠤᠭᠤᠨ ᠤ᠋ ᠵᠣᠭᠰᠣᠭᠠᠯ ᠢ᠋ ᠥᠭᠡᠷᠡ ᠬᠥᠮᠦᠨ ᠲᠡᠭᠦᠴᠢᠬᠡᠯᠡ 》ᠭᠡᠳ ᠬᠦᠦ ᠪᠡᠨ ᠬᠥᠭᠡᠭᠡᠭᠡᠳ ᠭᠠᠷᠭᠠᠳᠠᠭ ᠴᠢᠨᠢ ᠪᠤᠷᠤᠭᠤ ᠃
《ᠬᠡᠦᠬᠡᠨ ᠶᠠᠭᠤᠮᠠ ᠪᠢᠴᠢᠭ ᠲᠡᠢ ᠪᠣᠯᠤᠭᠠᠳ ᠶᠠᠭᠠᠬᠢᠬᠤᠪ 》 ᠭᠡᠵᠦ ᠪᠣᠳᠣᠳᠠᠭ ᠴᠢᠨᠢ ᠪᠤᠷᠤᠭᠤ ᠃
《ᠬᠥᠮᠦᠨ ᠳ᠋ᠦ᠍ ᠣᠴᠢᠬᠤ ᠠ᠋ᠴᠠ ᠨᠢ ᠡᠮᠦᠨᠡ ᠠᠮᠵᠢᠵᠤ ᠵᠠᠷᠤᠶᠠ 》ᠭᠡᠳ ᠰᠤᠷᠭᠠᠭᠤᠯᠢ ᠠ᠋ᠴᠠ ᠨᠢ ᠵᠣᠭᠰᠣᠭᠠᠳᠠᠭ ᠴᠢᠨᠢ ᠪᠤᠷᠤᠭᠤ ᠃
《 x.y ᠪᠡᠷ ᠠᠮᠢ ᠪᠠᠨ ᠲᠡᠵᠢᠭᠡᠨᠡ ᠦᠦ ᠂ ᠶᠠᠮᠠᠷ ? 》 ᠭᠡᠳ ᠠᠭᠰᠤᠷᠳᠠᠭ ᠴᠢᠨᠢ ᠪᠤᠷᠤᠭᠤ ᠃
ᠠᠮᠢ ᠠᠮᠢ ᠪᠠᠨ ᠲᠡᠵᠢᠭᠡᠬᠦ ᠶᠢ ᠨᠢ ᠮᠡᠳᠡᠳᠡᠭ ᠦᠭᠡᠢ ᠴᠢᠨᠢ ᠨᠡᠩ ᠪᠤᠷᠤᠭᠤ ᠃
ᠶᠠᠭᠤ ᠪᠤᠷᠤᠭᠤ ?
ᠬᠡᠦᠬᠡᠳ ᠦ᠋ᠨ ᠨᠢᠳᠦ ᠶ᠋ᠢ ᠰᠣᠬᠣᠯᠠᠳᠠᠭ ᠴᠢᠨᠢ ᠪᠤᠷᠤᠭᠤ! ᠢᠷᠡᠭᠡᠳᠦᠢ ᠶ᠋ᠢᠨ ᠳᠠᠯᠠᠪᠴᠢ ᠶ᠋ᠢ ᠬᠤᠭᠤᠯᠳᠠᠭ ᠴᠢᠨᠢ ᠪᠤᠷᠤᠭᠤ ᠃
5
《ᠨᠣᠮ ᠪᠣᠯ ᠶᠢᠷᠲᠢᠨᠴᠦ ᠶ᠋ᠢ ᠬᠠᠷᠠᠬᠤ ᠴᠣᠩᠬᠣ 》
ᠮᠠᠨᠠᠢᠬᠢᠨ ᠤ᠋ ᠳ᠋ᠤ᠌ ᠡᠦᠲᠦ
ᠨᠣᠮ ᠴᠥᠭᠡᠨ ᠪᠠᠢᠨᠠ ᠃
ᠯᠣᠩᠬᠣ ᠠᠷᠪᠢᠨ ᠪᠠᠢᠨᠠ ᠃
ᠬᠣᠲᠠ ᠬᠥᠳᠡᠭᠡ ᠦᠭᠡᠢ
ᠬᠣᠷᠭᠣ ᠲᠠᠪᠰᠠᠭ ᠦᠭᠡᠢ
ᠣᠲᠣᠷ ᠰᠠᠭᠤᠷᠢᠨ ᠦᠭᠡᠢ
ᠴᠠᠭᠠᠨ ᠰᠣᠶᠣᠯ ᠂ ᠬᠠᠷᠠ ᠠᠷᠢᠬᠢ ᠰᠢᠭ᠋
ᠴᠢᠮᠠᠯᠠᠭᠳᠠᠵᠤ ᠂ ᠬᠠᠢᠷᠠᠯᠠᠭᠳᠠᠵᠤ
ᠴᠢᠳᠠᠯ ᠰᠢᠯᠭᠠᠬᠤ ᠪᠠᠷᠢᠮᠵᠢᠶᠠ ᠨᠢ ᠪᠣᠯᠵᠤ
ᠨᠢ᠋ᠮᠡᠠ ᠵᠣᠪᠬᠢᠰ ᠲᠤ ᠲᠦᠭᠡᠮᠡᠯᠵᠡᠳᠦᠭᠡᠢ !
ᠨᠠᠭᠠᠳᠤ ᠵᠠᠬᠠ ᠳ᠋ᠠᠭᠠᠨ ᠃