ᠥᠷᠭᠡᠨ ᠲᠠᠮᠤᠴᠢ ᠶᠢᠨ ᠭᠠᠩ ᠢ ᠦᠭᠡ ᠪᠡᠷ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ - ᠵᠠᠯᠠᠢᠷᠳᠠᠢ ᠮᠥᠩᠬᠡᠲᠣᠭᠲᠠᠬᠤ Өргөн тамчийн ганг үгээр хэлэхийн аргагүй - Залайртай Мөнхтогтох
294ᠥᠷᠭᠡᠨ ᠲᠠᠮᠤᠴᠢ ᠶᠢᠨ ᠭᠠᠩ ᠢ ᠦᠭᠡ ᠪᠡᠷ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ
ᠵᠠᠯᠠᠢᠷᠳᠠᠢ ᠮᠥᠩᠬᠡᠲᠣᠭᠲᠠᠬᠤ
ᠬᠠᠮᠢᠭᠠᠰᠢ ᠪᠠᠨ ᠬᠠᠷᠠᠪᠠᠴᠤ ᠤᠪ ᠤᠯᠠᠢᠭᠠᠳ
ᠬᠠᠢᠷ ᠴᠢᠯᠠᠭᠤᠨ ᠠᠴᠠ ᠨᠢ ᠤᠲᠤᠭᠠ ᠤᠭᠤᠭᠢᠮᠠᠷ
ᠵᠦᠭ ᠪᠦᠬᠦᠨ ᠳᠦ ᠴᠠᠪ ᠴᠡᠯᠡᠢᠭᠡᠳ
ᠵᠢᠭᠦᠷᠲᠡᠨ ᠦ ᠰᠡᠭᠦᠳᠡᠷ ᠭᠠᠵᠠᠷ ᠲᠤ ᠨᠣᠴᠣᠮᠠᠷ
ᠤᠯᠠᠢᠭᠰᠠᠨ ᠵᠢᠷᠤᠭ ᠢ ᠨᠢ ᠰᠦᠯᠵᠢᠶᠡᠨ ᠡᠴᠡ ᠬᠠᠷᠠᠬᠤ ᠳᠤ
ᠤᠲᠠᠰᠤ ᠮᠢᠨᠢ ᠬᠦᠷᠲᠡᠯᠡ ᠭᠠᠷ ᠢ ᠬᠠᠯᠠᠭᠠᠬᠤ ᠰᠢᠭ᠋
ᠥᠷᠭᠡᠨ ᠲᠠᠮᠤᠴᠢ ᠶᠢᠨ ᠭᠠᠩ ᠤᠨ ᠪᠠᠢᠳᠠᠯ ᠢ
ᠦᠭᠡ ᠪᠡᠷ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ
ᠰᠥᠨᠢᠳ ᠦᠨ ᠭᠠᠩ ᠶᠡᠷᠦ ᠶᠢᠨ ᠭᠠᠩ ᠪᠢᠰᠢ
ᠭᠠᠯ ᠭᠠᠷᠠᠭ ᠢ ᠪᠣᠳᠣᠭᠳᠠᠭᠤᠯᠤᠨᠠ
ᠰᠥᠨᠢᠳ ᠦᠨ ᠮᠠᠯᠴᠢᠳ ᠡᠩ ᠦᠨ ᠬᠥᠮᠦᠰ ᠪᠢᠰᠢ
ᠭᠠᠩ ᠲᠡᠮᠦᠷ ᠢ ᠰᠠᠨᠠᠭᠳᠠᠭᠤᠯᠤᠨᠠ
ᠲᠠᠮᠤᠴᠢ ᠶᠢᠨ ᠡᠪᠡᠰᠦ ᠶᠡᠷᠦ ᠶᠢᠨ ᠡᠪᠡᠰᠦ ᠪᠢᠰᠢ
ᠴᠣᠭ ᠳᠣᠲᠣᠷᠠ ᠤᠷᠭᠤᠮᠠᠷ
ᠲᠠᠮᠤᠴᠢ ᠶᠢᠨ ᠲᠠᠯᠠ ᠡᠩ ᠦᠨ ᠨᠤᠲᠤᠭ ᠪᠢᠰᠢ
ᠭᠠᠯ ᠳᠣᠲᠣᠷᠠ ᠪᠥᠵᠢᠭᠯᠡᠮᠡᠷ
ᠰᠡᠮᠡᠷᠬᠡᠢ ᠠᠯᠴᠢᠭᠤᠷ ᠰᠢᠭ᠋ ᠬᠡᠳᠦᠨ ᠡᠭᠦᠯᠡ ᠶᠢ ᠨᠢ
ᠰᠠᠯᠬᠢ ᠲᠠᠭᠤᠭᠠᠳ ᠪᠠᠷᠠ ᠦᠭᠡᠢ
ᠰᠢᠪᠦᠭᠡᠨ ᠦ ᠦᠵᠦᠭᠦᠷ ᠰᠢᠭ᠌ ᠬᠡᠳᠦᠨ ᠡᠪᠡᠰᠦ ᠶᠢ ᠨᠢ
ᠮᠠᠯ ᠬᠥᠭᠡᠭᠡᠭᠡᠳ ᠨᠢᠳᠦ ᠦᠭᠡᠢ
ᠠᠭᠠᠭᠢᠮᠠ ᠬᠠᠯᠠᠭᠤᠨ ᠰᠥᠨᠢᠳ ᠦᠨ ᠵᠤᠨ
ᠬᠠᠲᠠᠭᠰᠠᠨ ᠪᠣᠷᠴᠠ ᠰᠢᠭ᠋ ᠬᠠᠭᠤᠷᠠᠢ
ᠠᠶᠠ᠂ ᠮᠢᠨᠦ ᠲᠠᠮᠤᠴᠢ ᠶᠢᠨ ᠲᠠᠯᠠ
ᠳᠤᠰᠤᠯ ᠪᠣᠷᠣᠭᠠᠨ ᠦᠭᠡᠢ ᠭᠠᠩ
ᠥᠷᠭᠡᠨ ᠲᠠᠮᠤᠴᠢ ᠶᠢᠨ ᠭᠠᠩ ᠤᠨ ᠪᠠᠢᠳᠠᠯ ᠢ
ᠦᠭᠡ ᠪᠡᠷ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ
ᠰᠢᠪᠡᠷᠡᠭᠡᠳ ᠣᠷᠣᠬᠤ ᠪᠣᠷᠣᠭᠠᠨ ᠤ ᠡᠭᠦᠯᠡ ᠶᠢ
ᠰᠥᠨᠢᠳ ᠤᠷᠤᠭᠤ ᠳᠥᠭᠥᠭᠦᠯᠦᠭᠡᠳ ᠥᠭᠭᠦᠭᠡᠴᠢ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠤᠠᠬᠠᠨᠰᠣᠠ᠋