ᠠᠯᠤᠩᠭᠤᠸᠠ ᠡᠬᠡ ᠶᠢᠨ ᠰᠤᠷᠭᠠᠯ-ᠰ ᠰᠠᠷᠠᠨᠲᠤᠶᠠᠭᠠАлангоо эхийн сургаал-с сарантуяа
529ᠠᠯᠤᠩᠭᠤᠸᠠ ᠡᠬᠡ ᠶᠢᠨ ᠰᠤᠷᠭᠠᠯ
ᠦᠯᠢᠭᠡᠷ ᠤᠩᠰᠢᠭᠰᠠᠨ ᠨᠢ᠄ ᠰ ᠰᠠᠷᠠᠨᠲᠤᠶᠠᠭᠠ
ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠠᠯᠳᠠᠷᠲᠤ ᠵᠦᠴᠦᠭᠡᠴᠢᠨ
ᠵᠠ᠂ ᠪᠢ ᠥᠨᠥᠳᠥᠷ ᠲᠠ ᠪᠦᠬᠦᠨ ᠳ᠋ᠦ᠍ ᠮᠣᠩᠭᠣᠯ ᠤ᠋ᠨ ᠲᠡᠦᠬᠡᠨ ᠳ᠋ᠦ᠍ ᠮᠥᠩᠬᠡᠷᠡᠭᠰᠡᠨ ᠦᠨᠡᠲᠦ ᠰᠤᠷᠭᠠᠯ ᠤ᠋ᠨ ᠲᠤᠬᠠᠢ ᠶᠠᠷᠢᠵᠤ ᠥᠭᠬᠦ ᠪᠣᠯᠤᠨᠠ᠃
ᠡᠨᠡ ᠪᠣᠯ ᠤᠬᠠᠭᠠᠨᠲᠤ ᠰᠡᠴᠡᠨ ᠮᠡᠷᠭᠡᠨ ᠠᠯᠤᠩᠭᠤᠸᠠ ᠡᠬᠡ ᠶ᠋ᠢᠨ ᠰᠤᠷᠭᠠᠯ ᠶᠤᠮ᠃
ᠠᠯᠤᠩᠭᠤᠸᠠ ᠡᠬᠡ ᠮᠠᠨᠢ ᠲᠠᠪᠤᠨ ᠰᠠᠢᠬᠠᠨ ᠬᠦᠦ ᠲᠡᠢ ᠪᠠᠢᠵᠠᠢ᠃ᠭᠡᠲᠡᠯᠡ ᠲᠡᠷᠡ ᠬᠡᠦᠬᠡᠳ ᠦ᠋ᠳ ᠨᠢ ᠬᠣᠭᠣᠷᠣᠨᠳᠣ ᠪᠠᠨ ᠲᠠᠭᠠᠷᠠᠬᠤ ᠦᠭᠡᠢ ᠬᠡᠷᠡᠯᠳᠦᠵᠦ ᠮᠠᠭᠤᠳᠠᠯᠴᠠᠭᠠᠳ ᠡᠪ ᠲᠦᠨᠵᠢᠨ ᠡᠪᠳᠡᠷᠡᠯᠴᠡᠳᠡᠭ ᠪᠠᠢᠪᠠ᠃ ᠡᠨᠡ ᠶ᠋ᠢ ᠬᠠᠷᠠᠭᠰᠠᠨ ᠠᠯᠤᠩᠭᠤᠸᠠ ᠡᠬᠡ ᠶᠠᠭᠠᠬᠢᠵᠤ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠡᠪ ᠲᠡᠢ ᠨᠠᠢᠷ ᠲᠠᠢ ᠪᠠᠢᠯᠭᠠᠬᠤ ᠪᠣᠢ ᠭᠡᠵᠦ ᠪᠣᠳᠣᠭᠰᠠᠭᠠᠷ ᠨᠢᠭᠡ ᠠᠷᠭᠠ ᠣᠯᠵᠠᠢ᠃ᠢᠩᠭᠢᠭᠡᠳ ᠬᠠᠪᠤᠷ ᠤ᠋ᠨ ᠰᠠᠢᠬᠠᠨ ᠡᠳᠦᠷ ᠲᠣᠭᠣᠭᠠ ᠳᠦᠭᠦᠷᠡᠩ ᠮᠢᠬᠠ ᠴᠢᠨᠠᠭᠠᠳ ᠬᠡᠦᠬᠡᠳ ᠦ᠋ᠳ ᠲᠦ᠍ ᠪᠡᠨ ᠢᠳᠡᠭᠦᠯᠦᠭᠡᠳ ᠳᠠᠷᠠᠭᠠ ᠨᠢ ᠬᠥᠮᠦᠨ ᠨᠢᠭᠡ ᠪᠦᠷᠢ ᠳ᠋ᠦ᠍ ᠭᠠᠭᠴᠠ ᠰᠤᠮᠤ ᠦᠭᠭᠦᠭᠡᠳ《ᠵᠠ᠂ ᠬᠡᠦᠬᠡᠳ ᠦ᠋ᠳ ᠮᠢᠨᠢ ᠡᠨᠡ ᠰᠤᠮᠤ ᠶ᠋ᠢ ᠲᠠ ᠨᠠᠷ ᠬᠤᠭᠤᠯ ᠳᠠ》 ᠭᠡᠵᠦ ᠭᠡᠨᠡ ᠭᠡᠲᠡᠯᠡ ᠠᠬᠠ ᠳᠡᠭᠦᠦ ᠲᠠᠪᠤᠭᠤᠯᠠ ᠭᠠᠭᠴᠠ ᠭᠠᠭᠴᠠ ᠰᠤᠮᠤ ᠪᠠᠷᠢᠭᠰᠠᠨ ᠢ᠋ᠶ᠋ᠠᠨ ᠮᠠᠰᠢ ᠬᠢᠯᠪᠠᠷᠬᠠᠨ《ᠳᠡᠰ》 ᠬᠢᠲᠡᠯᠡ ᠨᠢ ᠬᠤᠭᠤᠯᠴᠢᠬᠠᠵᠠᠢ ᠭᠡᠨᠡ᠃ ᠲᠡᠭᠡᠩᠭᠦᠲᠡ ᠠᠯᠤᠩᠭᠤᠸᠠ ᠡᠬᠡ ᠳᠠᠬᠢᠨ ᠲᠠᠪᠤᠨ ᠰᠤᠮᠤ ᠪᠠᠨ ᠨᠡᠢᠯᠡᠭᠦᠯᠵᠦ ᠪᠠᠭᠴᠠᠯᠠᠭᠠᠳ᠄《ᠵᠠ ᠬᠡᠦᠬᠡᠳ ᠦ᠋ᠳ ᠮᠢᠨᠢ ᠣᠳᠣ ᠲᠠ ᠨᠠᠷ ᠡᠨᠡ ᠪᠠᠭᠴᠠᠯᠠᠭᠰᠠᠨ ᠲᠠᠪᠤᠨ ᠰᠤᠮᠤ ᠶ᠋ᠢ ᠬᠤᠭᠤᠯᠤᠭᠠᠳ ᠦᠵᠡ ᠳᠡ》 ᠭᠡᠵᠦ ᠬᠥᠪᠡᠭᠦᠳ ᠲᠦ᠍ ᠪᠡᠨ ᠬᠡᠯᠡᠵᠦ ᠭᠡᠨᠡ᠃
ᠠᠬᠠ ᠳᠡᠭᠦᠦ ᠲᠠᠪᠤ ᠲᠦᠷᠦᠭᠦᠴᠢ ᠶ᠋ᠢᠨ ᠬᠤᠭᠤᠯᠤᠭᠰᠠᠨ ᠰᠢᠭ᠋ ᠢ᠋ᠶ᠋ᠡᠨ ᠬᠤᠭᠤᠯᠴᠢᠬᠠᠬᠤ ᠶᠤᠮ ᠰᠢᠭ᠋ ᠪᠣᠳᠣᠭᠠᠳ ᠶᠡᠬᠡ ᠯᠡ ᠪᠠᠷᠳᠠᠮ ᠣᠷᠣᠯᠳᠣᠭᠰᠠᠨ ᠪᠣᠯᠪᠠᠴᠤ ᠬᠦᠴᠦ ᠪᠡᠨ ᠮᠣᠬᠣᠲᠠᠯᠠ ᠣᠷᠣᠯᠳᠣᠭᠠᠳ ᠬᠤᠭᠤᠯᠵᠤ ᠡᠰᠡ ᠴᠢᠳᠠᠪᠠ ᠭᠡᠨᠡ ᠲᠡᠭᠡᠬᠦ ᠳ᠋ᠦ᠍ ᠨᠢ ᠠᠯᠤᠩᠭᠤᠸᠠ ᠡᠬᠡ᠄ ᠵᠠ᠂ ᠬᠥᠪᠡᠭᠦᠳ ᠮᠢᠨᠢ ᠲᠠ ᠨᠠᠷ ᠬᠠᠷᠠᠵᠤ ᠪᠠᠢᠭᠠ ᠪᠢᠵᠡ᠂ᠲᠠ ᠨᠠᠷ ᠪᠣᠯ ᠮᠢᠨᠦ ᠨᠢᠭᠡᠨ ᠬᠡᠪᠡᠯᠢ ᠡᠴᠡ ᠲᠥᠷᠥᠭᠰᠡᠨ ᠠᠮᠢ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦ ᠨᠠᠷ ᠪᠢᠯᠡ᠃ ᠲᠡᠭᠡᠬᠦ ᠪᠡᠷ ᠬᠣᠭᠣᠷᠣᠨᠳᠣ ᠪᠠᠨ ᠳᠠᠢᠰᠤᠩᠨᠠᠵᠤ ᠭᠠᠭᠴᠠ ᠭᠠᠭᠴᠠ ᠪᠠᠷ ᠶᠠᠪᠤᠬᠤ ᠶᠤᠮ ᠪᠣᠯ ᠲᠦᠷᠦᠭᠦᠴᠢ ᠶ᠋ᠢᠨ ᠨᠢᠭᠡ ᠰᠤᠮᠤ ᠰᠢᠭ᠋ ᠪᠤᠰᠤᠳ ᠲᠤ᠌ ᠠᠮᠠᠷᠬᠠᠨ ᠳᠡᠢᠯᠦᠭᠳᠡᠬᠦ ᠪᠣᠯᠤᠨᠠ᠃ ᠬᠠᠷᠢᠨ ᠪᠠᠭᠴᠠᠯᠠᠭᠰᠠᠨ ᠲᠠᠪᠤᠨ ᠰᠤᠮᠤ ᠰᠢᠭ᠋ ᠬᠣᠭᠣᠷᠣᠨᠳᠣ ᠪᠠᠨ ᠪᠠᠲᠤ ᠪᠥᠬᠡ ᠪᠠᠢᠬᠤ ᠶᠤᠮ ᠪᠣᠯ ᠬᠠᠷᠢᠯᠴᠠᠨ ᠪᠡᠶᠡ ᠪᠡᠶᠡ ᠳ᠋ᠦ᠍ ᠪᠡᠨ ᠲᠤᠰᠠᠯᠠᠵᠤ ᠡᠪ ᠲᠡᠢ ᠨᠠᠢᠷ ᠲᠠᠢ ᠶᠠᠪᠤᠪᠠᠯ ᠬᠡᠨ ᠳ᠋ᠦ᠍ ᠴᠤ᠌ ᠡᠰᠡ ᠳᠡᠢᠯᠦᠭᠳᠡᠨᠡ ᠭᠡᠵᠦ ᠬᠡᠦᠬᠡᠳ ᠦ᠋ᠳ ᠲᠦ᠍ ᠪᠡᠨ ᠰᠤᠷᠭᠠᠭᠰᠠᠨ ᠶᠤᠮ ᠪᠠᠢᠵᠠᠢ᠃ ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠠᠯᠤᠩᠭᠤᠸᠠ ᠡᠬᠡ ᠶ᠋ᠢᠨ ᠬᠥᠪᠡᠭᠦᠳ ᠡᠬᠡ ᠶ᠋ᠢᠨ ᠢᠶᠡᠨ ᠰᠤᠷᠭᠠᠯ ᠢ᠋ ᠮᠦᠩᠭᠡᠳᠡ ᠪᠣᠳᠣᠵᠤ ᠬᠣᠭᠣᠷᠣᠨᠳᠣ ᠪᠠᠨ ᠡᠪ ᠲᠡᠢ ᠨᠠᠢᠷ ᠲᠠᠢ ᠪᠠᠢᠵᠤ ᠬᠠᠷᠢᠯᠴᠠᠨ ᠲᠤᠰᠠᠯᠠᠯᠴᠠᠵᠤ ᠬᠦᠴᠦ ᠪᠡᠨ ᠨᠢᠭᠡᠳᠬᠡᠭᠰᠡᠭᠡᠷ ᠮᠣᠩᠭᠣᠯ ᠤ᠋ᠨ ᠪᠦᠷ ᠲᠠᠷᠬᠠᠢ ᠪᠤᠲᠠᠷᠬᠠᠢ ᠣᠯᠠᠨ ᠠᠢᠮᠠᠭ ᠤ᠋ᠳ ᠢ᠋ ᠨᠢᠭᠡᠳᠬᠡᠵᠦ ᠪᠦᠷ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠬᠥᠭᠵᠢᠨ ᠪᠠᠳᠠᠷᠠᠬᠤ ᠬᠦᠴᠦᠨ ᠦ᠌ ᠬᠢᠨᠢ ᠪᠠᠲᠤ ᠰᠠᠭᠤᠷᠢ ᠪᠣᠯᠤᠭᠰᠠᠨ ᠭᠡᠳᠡᠭ᠃
ᠵᠠ᠂ ᠮᠢᠨᠦ ᠬᠡᠦᠬᠡᠳ ᠦ᠋ᠳ ᠣᠢᠯᠠᠭᠠᠪᠠ ᠤᠤ ? ᠣᠢᠯᠠᠭᠠᠭᠰᠠᠨ ᠤᠤ ? ᠶᠡᠬᠡ ᠰᠠᠢᠨ ᠪᠠᠢᠨᠠ᠂ ᠪᠢᠯᠢᠭᠦᠨᠠ ᠣᠢᠯᠭᠠᠭᠰᠠᠨ ᠤᠤ!ᠮᠢᠨᠦ ᠬᠦᠦ ᠠ᠂ ᠵᠠ᠃ ᠭᠠᠭᠴᠠ ᠭᠠᠭᠴᠠ ᠪᠠᠷ ᠶᠠᠪᠤᠬᠤ ᠶᠤᠮ ᠪᠣᠯ ᠭᠠᠷ ᠤ᠋ᠨ ᠠᠶᠠᠰ ᠢ᠋ᠶ᠋ᠠᠷ ᠯᠠ ᠬᠤᠭᠤᠷᠴᠢᠬᠠᠨᠠ᠃ ᠣᠯᠠᠭᠤᠯᠠ ᠪᠠᠨ ᠪᠦᠷ ᠢᠩᠭᠢᠭᠡᠳ ᠬᠠᠮᠲᠤ ᠳ᠋ᠤ᠌ ᠪᠠᠨ ᠬᠦᠴᠦ ᠪᠡᠨ ᠨᠢᠭᠡᠳᠬᠡᠵᠦ ᠶᠠᠪᠤᠪᠠᠯ ᠣᠷᠴᠢᠯᠠᠩ ᠤ᠋ᠨ ᠣᠷᠣᠢ ᠳ᠋ᠤ᠌ ᠴᠤ᠌ ᠬᠦᠷᠴᠦ ᠪᠣᠯᠤᠨᠠ ᠭᠡᠰᠡᠨ ᠦᠭᠡ᠃ ᠵᠠ᠂ᠢᠩᠭᠢᠭᠡᠳ ᠡᠨᠡ ᠬᠦ᠌ ᠠᠯᠤᠩᠭᠤᠸᠠ ᠡᠬᠡ ᠶ᠋ᠢᠨ ᠰᠤᠷᠭᠠᠯ ᠢ᠋ᠶ᠋ᠠᠷ ᠡᠨᠡ ᠦᠳᠡᠰᠢ ᠶ᠋ᠢᠨ ᠰᠤᠷᠭᠠᠯ ᠳᠣᠮᠣᠭ ᠢ᠋ᠶ᠋ᠠᠨ ᠵᠢᠷᠭᠠᠭᠠᠶᠠ ᠳᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ᠭᠠᠸᠠ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠭᠠᠸᠠ
ᠬᠢᠨᠠᠭᠴᠢ ᠪᠠᠭᠰᠢ᠄ ᠠᠯᠲᠠᠡᠠᠭᠤᠯᠠ ᠂ ᠢᠷᠡᠭᠡᠳᠦᠢ᠂ ᠪᠠᠶᠠᠷᠴᠡᠴᠡᠭ᠂ ᠭᠠᠷᠮᠠ