ᠨᠥᠬᠦᠳ ᠦᠨ ᠬᠠᠢᠷᠠ - ᠠᠷᠲᠠᠢ Нөхдийн хайр - Артай
418ᠨᠥᠬᠦᠳ ᠦᠨ ᠬᠠᠢᠷᠠ
ᠨᠥᠬᠥᠳ ᠦ᠋ᠨ ᠬᠠᠢᠷᠠ ᠨᠥᠬᠥᠳ ᠦ᠋ᠨ ᠬᠠᠢᠷᠠ — ᠬᠢᠵᠠᠭᠠᠷ ᠦᠭᠡᠢ ᠭᠦᠨ ᠴᠡᠩᠬᠡᠷ ᠣᠭᠲᠠᠷᠭᠤᠢ ᠃ ᠭᠡᠷᠡᠯ ᠲᠣᠨᠣᠭᠰᠠᠨ ᠡᠷᠡᠭᠦᠯ ᠠᠭᠠᠷ ᠃
ᠪᠢ ᠳᠠᠯᠠᠪᠴᠢ ᠪᠠᠨ ᠳᠡᠪᠢᠵᠦ ᠂ ᠲᠡᠭᠦᠨ ᠦ᠌ ᠳᠤᠮᠳᠠᠭᠤᠷ ᠵᠢᠷᠭᠢᠵᠦ ᠶᠠᠪᠤᠯᠠ ᠃
ᠨᠥᠬᠥᠳ ᠦ᠋ᠨ ᠬᠠᠢᠷᠠ — ᠰᠡᠭᠦᠳᠡᠷ ᠬᠦᠷᠲᠡᠯᠡ ᠬᠣᠷᠰᠢᠮᠠᠷ ᠤᠰᠤ ᠦᠭᠡᠢ ᠴᠦᠯ ᠦ᠋ᠨ ᠴᠠᠭᠠᠨᠠ ᠮᠡᠯᠲᠡᠯᠵᠡᠬᠦ ᠷᠠᠰᠢᠶᠠᠨ ᠪᠣᠯᠣᠷ ᠨᠠᠭᠤᠷ ᠃
ᠪᠢ ᠲᠡᠭᠦᠨ ᠦ᠌ ᠲᠥᠯᠥᠭᠡ ᠠᠮᠢ ᠲᠠᠯᠪᠢᠨ ᠭᠦᠶᠦᠵᠦ ᠶᠠᠪᠤᠯᠠ ᠃
ᠪᠢ ᠬᠥᠮᠦᠨ ᠪᠣᠯᠵᠤ ᠲᠥᠷᠥᠭᠡᠳ ᠂ ᠨᠥᠬᠥᠳ ᠦ᠋ᠨ ᠬᠠᠢᠷᠠ ᠪᠠᠷ ᠪᠢ ᠬᠥᠮᠦᠨ ᠪᠣᠯᠵᠤ ᠶᠠᠪᠤᠯᠠ ᠃
ᠮᠢᠨᠦ ᠨᠥᠬᠥᠳ ᠦ᠋ᠨ ᠬᠠᠢᠷᠠ ᠂ ᠮᠢᠨᠦ ᠰᠡᠳᠬᠢᠯ ᠦ᠋ᠨ ᠲᠠᠶᠠᠭ᠂ ᠮᠢᠨᠦ ᠢᠷᠡᠭᠡᠳᠦᠢ ᠶ᠋ᠢᠨ ᠬᠠᠶᠢᠭ᠋ ᠪᠠᠢᠯᠠ᠃
ᠰᠠᠢᠨ ᠨᠥᠬᠥᠳ ᠦ᠋ᠨ ᠬᠠᠢᠷᠠ ᠪᠠᠢᠭᠰᠠᠨ ᠠ᠋ᠴᠠ
ᠰᠠᠢᠬᠠᠨ ᠪᠣᠯᠤᠭᠰᠠᠨ ᠳᠡᠯᠡᠬᠡᠢ ᠪᠠᠢᠵᠠᠢ ᠃
ᠰᠠᠢᠨ ᠨᠥᠬᠥᠳ ᠦ᠋ᠨ ᠨᠠᠢᠷ ᠪᠠᠢᠭᠰᠠᠨ ᠠ᠋ᠴᠠ
ᠰᠠᠢᠬᠠᠨ ᠳᠡᠯᠡᠬᠡᠢ ᠬᠠᠢᠷᠠ ᠪᠣᠯᠵᠠᠢ ᠃
ᠦᠬᠦᠯ ᠠᠶᠤᠮᠠᠷ ᠪᠢᠰᠢ ᠂
ᠦᠨᠡᠭᠡᠨ ᠱᠤᠯᠤᠮ ᠠᠶᠤᠮᠠᠷ ᠪᠢᠰᠢ ᠂
ᠭᠠᠯ ᠢ᠋ᠶ᠋ᠠᠷ ᠰᠢᠷᠠᠬᠤ ᠴᠤ᠌ ᠠᠶᠤᠮᠠᠷ ᠪᠢᠰᠢ ᠠ᠋
ᠭᠠᠭᠴᠠᠭᠠᠷᠳᠠᠬᠤ ᠯᠠ ᠠᠶᠤᠮᠠᠷ ᠶᠤᠮ ᠰᠢᠦ!
ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠳ᠋ᠤ᠌
ᠬᠥᠯ ᠲᠡᠢ ᠪᠠᠶ᠋ᠢᠭᠠᠳ ᠭᠢᠰᠬᠢᠬᠦ ᠭᠠᠵᠠᠷ ᠦᠭᠡᠢ ᠬᠥᠮᠦᠨ ᠪᠣᠯ
ᠨᠥᠬᠥᠷ ᠦᠭᠡᠢ ᠬᠥᠮᠦᠨ ᠂ ᠨᠥᠬᠥᠳ ᠦᠭᠡᠢ ᠬᠥᠮᠦᠨ ᠃
ᠨᠥᠬᠥᠬᠦ ᠶ᠋ᠢᠨ ᠠᠷᠭᠠ ᠦᠭᠡᠢ ᠨᠣᠣᠷᠬᠠᠢ ᠰᠡᠳᠬᠢᠯ ᠲᠡᠢ ᠬᠥᠮᠦᠨ ᠃
ᠪᠢ ᠤᠬᠠᠭᠠᠨ ᠦᠭᠡᠢ ᠶᠠᠪᠤᠭᠰᠠᠨ ᠃
ᠪᠢ ᠨᠥᠬᠥᠳ ᠢ᠋ᠶ᠋ᠡᠨ ᠭᠣᠮᠣᠳᠠᠪᠠᠯ ᠭᠣᠮᠣᠳᠠᠭᠠᠮᠠᠷ ᠶᠠᠪᠤᠭᠰᠠᠨ ᠃
ᠲᠡᠭᠡᠬᠦ ᠳ᠋ᠦ᠍ ᠮᠢᠨᠦ ᠨᠥᠬᠥᠳ ᠭᠣᠮᠣᠳᠠᠭᠠ ᠦᠭᠡᠢ ᠂
ᠲᠡᠨᠢᠭᠡᠷ ᠳᠠᠯᠠᠢ ᠳ᠋ᠤ᠌ ᠲᠡᠷᠡ ᠬᠡᠳᠦᠨ ᠳᠤᠰᠤᠯ ᠂ ᠶᠠᠭᠤᠮᠠ ᠪᠣᠯᠤᠭᠠ ᠦᠭᠡᠢ ᠃
ᠵᠢᠭᠠᠰᠤ ᠪᠠᠨ ᠡᠷᠭᠢ ᠳᠡᠭᠡᠷᠡ ᠭᠠᠷᠭᠠᠵᠤ ᠰᠢᠳᠡᠭᠡ ᠦᠭᠡᠢ ᠃
ᠵᠢᠭᠠᠰᠤ ᠨᠢ ᠪᠢ ᠪᠠᠢᠭᠰᠠᠨ᠃
ᠪᠢᠳᠡ ᠨᠥᠬᠥᠳ ᠃
ᠪᠢᠳᠡ ᠨᠢᠭᠡ ᠨᠢᠭᠡ ᠪᠡᠨ ᠲᠦᠰᠢᠵᠦ ᠶᠠᠪᠤᠨᠠ ᠃
ᠪᠢᠳᠡᠨ ᠦ᠌ ᠰᠡᠳᠬᠢᠯ ᠴᠦ᠍ ᠨᠢᠭᠡ ᠨᠢᠭᠡ ᠪᠡᠨ ᠲᠦᠰᠢᠵᠦ ᠶᠠᠪᠤᠨᠠ ᠃
ᠪᠢᠳᠡᠨ ᠦ᠌ ᠵᠢᠷᠭᠠᠯ ᠴᠤ᠌ ᠨᠢᠭᠡ ᠨᠢᠭᠡ ᠪᠡᠨ ᠲᠦᠰᠢᠵᠦ ᠶᠠᠪᠤᠨᠠ ᠃
ᠰᠡᠭᠡᠭᠡ ᠦᠭᠡᠢ ᠬᠡᠪᠲᠡᠬᠦ ᠳ᠋ᠡᠭᠡᠨ ᠶᠡᠭᠦᠯᠡᠭᠦᠯᠦᠭᠰᠡᠨ ᠳᠡᠭᠦᠵᠢᠯᠡᠭᠦᠷ ᠯᠣᠩᠬᠣ ᠲᠠᠢ ᠡᠮ ᠦ᠋ᠨ ᠳᠤᠰᠤᠯ — ᠮᠢᠨᠦ ᠨᠥᠬᠥᠳ ᠦ᠋ᠨ ᠬᠠᠢᠷᠠ ᠃
ᠰᠡᠭᠡᠬᠡᠯᠵᠡᠵᠦ ᠭᠦᠶᠦᠬᠦ ᠳ᠋ᠡᠭᠡᠨ ᠰᠣᠨᠣᠰᠤᠭᠰᠠᠨ ᠂ ᠲᠡᠭᠡᠭᠡᠳ ᠡᠰᠡ ᠯᠡ ᠭᠡᠵᠦ ᠰᠡᠭᠦᠯ ᠳ᠋ᠦ᠍ᠨᠢ ᠪᠣᠳᠣᠭᠳᠠᠭᠤᠯᠤᠭᠰᠠᠨ ᠲᠡᠷᠡ ᠠᠯᠲᠠᠨ ᠲᠣᠣᠨᠢᠯ ᠲᠠᠢ ᠰᠡᠷᠡᠮᠵᠢ ᠶ᠋ᠢᠨ ᠬᠣᠩᠬᠣ — ᠮᠢᠨᠦ ᠨᠥᠬᠥᠳ ᠦ᠋ᠨ ᠬᠠᠢᠷᠠ ᠃
ᠰᠡᠳᠬᠢᠯ ᠦ᠋ᠨ ᠭᠠᠩ ᠲᠠᠢᠯᠵᠤ ᠂ ᠬᠥᠮᠦᠨ ᠦ᠌ ᠵᠢᠷᠭᠠᠯ ᠤᠷᠭᠤᠭᠤᠯᠤᠭᠰᠠᠨ ᠡᠨᠡ ᠠᠶᠠᠷᠬᠠᠨ ᠰᠡᠩᠰᠡᠷᠡᠬᠦ ᠵᠥᠭᠡᠯᠡᠨ ᠪᠣᠷᠣᠭᠠ — ᠮᠢᠨᠦ ᠨᠥᠬᠥᠳ ᠦ᠋ᠨ ᠬᠠᠢᠷᠠ ᠃
ᠰᠡᠲᠦᠪ ᠦ᠋ᠨ ᠬᠠᠲᠠᠭᠤ ᠶ᠋ᠢ ᠲᠤᠯᠭᠠᠵᠤ ᠂ ᠮᠢᠨᠦ ᠳᠤᠮᠳᠠᠭᠤᠷ 《 ᠯᠣᠩᠬᠣ 》 ᠶ᠋ᠢ 《 ᠠᠯᠪᠠ》 ᠪᠠᠷ ᠳᠦᠭᠦᠷᠭᠡᠭᠰᠡᠨ ᠡᠨᠡ ᠠᠢᠬᠤᠪᠲᠤᠷ 《 ᠮᠠᠭᠤᠬᠠᠢ ᠰᠢᠯᠭᠠᠯᠲᠠ 》 — ᠮᠢᠨᠦ ᠨᠥᠬᠥᠳ ᠦ᠋ᠨ ᠬᠠᠢᠷᠠ᠃
ᠪᠢ ᠶᠠᠭᠤᠨ ᠠ᠋ᠴᠠ ᠠᠶᠤᠬᠤᠪ ᠂
ᠪᠢ ᠨᠥᠬᠥᠳ ᠲᠡᠢ ᠬᠥᠮᠦᠨ !