ᠰᠠᠷᠠᠨ ᠵᠡᠪᠡ – ᠵᠣᠬᠢᠶᠠᠯᠴᠢ ᠂ ᠵᠢᠷᠤᠭᠠᠴᠢ ᠲ ᠂ ᠮᠠᠨᠳᠢᠷ ( ᠲᠡᠦᠬᠡᠨ ᠲᠤᠭᠤᠵᠢ )– 12 ᠳ᠋ᠤᠭᠠᠷ ᠪᠦᠯᠦᠭ Саран зэв – Зохиолч ᠂ Зураач – Т᠂ мандир ( Түүхэн тууж ) – 12 дугаар бүлэг
288ᠰᠠᠷᠠᠨ ᠵᠡᠪᠡ - ᠠᠷᠪᠠᠨ ᠬᠣᠶᠠᠳᠤᠭᠠᠷ ᠪᠥᠯᠥᠭ
᠁ ᠭᠠᠷ ᠊ᠤᠨ ᠬᠢᠨᠢ ᠬᠦᠯᠢᠶᠡᠰᠦ ᠠᠯᠳᠠᠭᠤᠷᠠᠭᠰᠠᠨ ᠳ᠋ᠤ᠌ ᠭᠠᠶ᠋ᠢᠬᠠᠬᠰᠠᠨ ᠳ᠋ᠠᠭᠠᠨ ᠱᠠᠮᠳᠠᠭᠠᠢ ᠵᠣᠯ ᠲᠠᠢ ᠯᠠ ᠮᠣᠷᠢ ᠪᠠᠨ ᠳᠠᠪᠢᠷᠠᠴᠢᠬᠠᠭᠰᠠᠨ ᠦᠭᠡᠢ᠃ ᠭᠡᠪᠡᠴᠦ ᠰᠡᠭᠦᠯ ᠊ᠤᠨ ᠡᠳᠦᠷ ᠬᠠᠭᠠᠰ ᠊ᠤᠨ ᠠᠯᠳᠡᠭ᠍ᠠ᠋ ᠡᠨᠳᠡᠭᠳᠡᠯ ᠨᠢ ᠳᠠᠩᠴᠤ ᠬᠡᠲᠦᠷᠡᠭᠰᠡᠨ ᠲᠤᠯᠠ ᠳᠠᠬᠢᠨ ᠪᠣᠯᠭᠣᠮᠵᠢ ᠦᠭᠡᠢ ᠠᠯᠬᠤᠮ ᠬᠢᠬᠦ ᠡᠴᠡ ᠠᠶᠤᠵᠤ ᠂ ᠭᠠᠷ ᠢ᠋ᠶ᠋ᠠᠨ ᠲᠡᠷᠡᠦᠬᠡᠨ ᠳ᠋ᠡᠭᠡᠨ ᠬᠥᠳᠡᠯᠭᠡᠨ ᠴᠢᠯᠡᠭᠡ ᠶ᠋ᠢ ᠨᠢ ᠭᠠᠷᠭᠠᠵᠤ ᠂ ᠶᠠᠭᠤ ᠪᠣᠯᠬᠤ ᠶ᠋ᠢ ᠬᠦᠯᠢᠶᠡᠪᠡ᠃ ᠴᠢᠬᠢᠨ ᠳ᠋ᠦ᠍ ᠨᠢ ᠲᠠᠨᠢᠯ ᠬᠦᠩᠭᠢᠨᠡᠭᠰᠡᠨ ᠳᠠᠭᠤ ᠂ ᠲᠡᠭᠡᠬᠦ ᠳ᠋ᠡᠭᠡᠨ ᠡᠨᠡ ᠣᠳᠠᠭ᠍ᠠ᠋ ᠲᠤᠩ ᠨᠠᠮᠤᠭᠤᠬᠠᠨ ᠬᠡᠯᠡᠬᠦ ᠨᠢ ᠄
— ᠭᠠᠷ ᠢ᠋ᠶ᠋ᠠᠨ ᠤᠷᠢᠳᠠ ᠪᠠᠨ ᠠᠪ ᠭᠡᠨᠡ᠃
ᠱᠠᠮᠳᠠᠭᠠᠢ ᠡᠳᠦᠷᠵᠢᠨ ᠰᠥᠨᠢᠵᠢᠨ ᠬᠦᠯᠢᠶᠡᠨ ᠳ᠋ᠦ᠍ ᠬᠥᠰᠢᠭᠰᠡᠨ ᠮᠥᠷᠥ ᠪᠡᠨ ᠪᠣᠯᠭᠣᠮᠵᠢᠲᠠᠢ ᠲᠡᠨᠡᠶ᠋ᠢᠯᠭᠡᠨ ᠂ ᠭᠠᠷ ᠢ᠋ᠶ᠋ᠠᠨ ᠵᠤᠭᠤᠤᠬᠠᠨ ᠡᠪᠦᠳᠦᠭ ᠳᠡᠭᠡᠷ ᠡ᠋ ᠪᠡᠨ ᠲᠠᠯᠪᠢᠪᠠ᠃ ᠬᠤᠷᠤᠭᠤᠨ ᠳ᠋ᠤ᠌ ᠨᠢ ᠬᠦᠢᠲᠡᠨ ᠲᠡᠮᠦᠷ ᠬᠦᠷᠬᠦ ᠳ᠋᠊ᠤ ᠪᠠᠷᠣ᠊ᠭ ᠵᠦᠩ ᠰᠣᠪᠢᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠣᠰᠣᠨ ᠠᠪᠤᠪᠠᠯ ᠰᠠᠷᠠᠨ ᠵᠡᠪᠡ ᠪᠠᠶ᠋ᠢᠬᠤ ᠨᠢ ᠲᠡᠷᠡ᠃ ᠳᠥᠩᠭᠡᠵᠦ ᠯᠡ ᠮᠡᠳᠡᠭᠡ ᠣᠷᠣᠵᠤ ᠪᠣᠢ ᠬᠤᠷᠤᠭᠤᠨ ᠊ᠤ ᠪᠠᠨ ᠥᠨᠳᠡᠭᠡ ᠪᠡᠷ ᠰᠠᠷᠠᠨ ᠵᠡᠪᠡ ᠶ᠋ᠢᠨ ᠣᠩᠭᠢᠨ ᠳ᠋ᠤ᠌ ᠨᠠᠭᠠᠯᠳᠤᠭᠰᠠᠨ ᠦᠵᠦᠮ ᠊ᠢ ᠭᠠᠶ᠋ᠢᠬᠠᠨ ᠲᠡᠮᠲᠡᠷᠢᠭᠡᠳ ᠱᠠᠮᠳᠠᠭᠠᠢ ᠪᠠᠶᠠᠷᠯᠠᠬᠤ ᠂ ᠭᠣᠮᠣᠳᠠᠬᠤ ᠶ᠋ᠢᠨ ᠠᠯᠢᠨ ᠊ᠢ ᠮᠡᠳᠡᠬᠦ ᠪᠡᠨ ᠪᠣᠯᠢᠪᠠ᠃ ᠰᠥᠪᠡᠭᠡᠳᠡᠢ ᠪᠠᠭᠠᠲᠤᠷ ᠊ᠤᠨ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠶᠠᠭ ᠯᠠ ᠬᠣᠶᠠᠷ ᠦᠵᠦᠮ ᠂ ᠲᠡᠭᠡᠬᠦ ᠳ᠋ᠡᠭᠡᠨ ᠲᠤᠩ ᠊ᠴᠤ ᠠᠩᠵᠠᠭᠠᠷᠠᠮ ᠠ᠋ ᠦᠭᠡᠢ ᠨᠠᠭᠠᠯᠳᠤᠭᠰᠠᠨ ᠨᠢ ᠦᠯᠦ ᠮᠡᠳᠡᠬᠦ ᠬᠥᠮᠦᠨ ᠳ᠋ᠦ᠍ ᠪᠣᠯ ᠰᠠᠯᠠᠩ ᠫᠠᠯᠠᠩ ᠬᠥᠮᠦᠨ ᠊ᠤ ᠯᠠ ᠬᠢᠭᠰᠡᠨ ᠬᠡᠷᠡᠭ ᠰᠢᠭ ᠰᠠᠨᠠᠭᠳᠠᠬᠤ ᠪᠠᠷ ᠠᠵᠢ᠃ ᠲᠡᠭᠡᠭᠡᠳ ᠡᠨᠡ ᠵᠡᠪᠡ ᠶ᠋ᠢᠨ ᠡᠵᠡᠨ ᠪᠠᠷᠲᠠᠢ ᠰᠡᠴᠡᠨ ᠭᠡᠵᠦ ᠊ᠤᠤ ?
ᠮᠥᠨ ᠭᠡᠳᠡᠭ ᠢ᠋ᠶ᠋ᠡᠨ ᠨᠤᠲᠠᠯᠠᠬᠤ ᠭᠡᠰᠡᠨ ᠮᠡᠲᠦ ᠮᠡᠷᠭᠢᠳ ᠡᠷ ᠠ᠋ ᠳᠠᠬᠢᠨ ᠨᠠᠯᠠᠵᠤ ᠂ ᠰᠠᠷᠠᠨ ᠵᠡᠪᠡ ᠪᠡᠨ ᠰᠢᠪᠲᠤ ᠲᠡᠳᠡᠨ ᠠᠪᠬᠤ ᠮᠥᠷᠲᠡᠭᠡᠨ ᠄
— ᠠᠯᠮᠠᠶ᠋ᠢᠷᠠᠯ ᠦᠭᠡᠢ ᠰᠣᠨᠣᠰ᠃ ᠬᠥᠯ ᠊ᠤᠨ ᠢ᠋ᠶ᠋ᠠᠨ ᠬᠦᠯᠢᠶᠡᠰᠦ ᠶ᠋ᠢ ᠲᠠᠶ᠋ᠢᠯᠬᠣ ᠬᠡᠷᠡᠭ ᠦᠭᠡᠢ᠃ ᠣᠷᠴᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠰᠠᠢᠨ ᠠᠵᠢᠭᠯᠠ᠃ ᠪᠤᠷᠤᠭᠤ ᠳᠡᠯ ᠠ᠋ ᠶ᠋ᠢᠨ ᠤᠷᠲᠤ ᠭᠠᠨᠵᠤᠭᠠᠨ ᠳ᠋ᠤ᠌ ᠴᠢᠨᠢ ᠪᠣᠭᠣᠶ᠋ᠢᠯᠢ ᠪᠣᠢ᠃ ᠢᠯᠳᠦ ᠶ᠋ᠢ ᠳᠥᠷᠦᠭᠡᠨ ᠳ᠋ᠦ᠍ ᠬᠠᠪᠴᠢᠭᠣᠯᠣᠯ ᠠ᠋᠃( ᠦᠨᠡᠬᠡᠷ ᠵᠥᠪ ᠳᠡᠯ ᠠ᠋ ᠶ᠋ᠢᠨ ᠬᠢᠨᠢ ᠬᠥᠯ ᠭᠥᠯᠢᠮ ᠵᠠᠪᠰᠠᠷ ᠢ᠋ᠶ᠋ᠠᠷ ᠣᠪᠣᠷ ᠲᠠᠢ ᠶᠠᠭᠣᠮ ᠡ᠋ ᠰᠢᠷᠭᠤᠭᠤᠯᠬᠤ ᠮᠡᠳᠡᠭᠳᠡᠪᠡ᠃ ᠪᠠᠷᠲᠠᠢ ᠰᠡᠴᠡᠨ ᠲᠤᠩ ᠠᠳ᠋ᠭᠠᠤ ᠲᠦᠷᠭᠡᠨ ᠰᠢᠪᠡᠨᠡᠨᠡ ) ᠴᠢ ᠨᠠᠮᠠᠶ᠋ᠢ ᠬᠠᠮᠠᠭᠠᠯᠠᠨᠠ᠃ ᠠᠪᠵᠠᠢ ᠬᠠᠲᠤᠨ ᠊ᠢ ᠠᠯᠳᠠᠯ ᠦᠭᠡᠢ ᠬᠠᠷᠠ ᠭᠡᠳ ᠭᠡᠨᠡᠳᠲᠡ ᠣᠶ᠋ᠢᠷᠠᠳᠣᠬᠰᠠᠨ ᠰᠢᠭ᠋ ᠢ᠋ᠶ᠋ᠡᠨ ᠬᠣᠯᠠᠳᠠᠪᠠ᠃
ᠱᠠᠮᠲᠠᠭᠠᠢ ᠥᠴᠦᠬᠡᠨ ᠰᠡᠭᠡᠭᠡ ᠣᠷᠣᠵᠤ ᠂ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠬᠠᠷᠠᠪᠠᠯ ᠲᠡᠷᠡ ᠪᠤᠰᠤᠳ ᠠ᠋ᠴᠠ ᠠᠷᠠᠢ ᠣᠨᠴᠠᠭᠠᠶ᠋ᠢᠲᠠᠭᠣ ᠲᠠᠰᠤᠷᠠᠭᠰᠠᠨ ᠪᠣᠯᠤᠯᠲᠠᠢ ᠃ ᠠᠮᠠᠭᠠᠢ ᠱᠠᠵᠢᠭᠢᠨᠠᠨ ᠂ ᠭᠥᠯᠢᠮ ᠲᠡᠷᠳ᠋ ᠭᠡᠬᠦ ᠶ᠋ᠢ ᠰᠣᠨᠣᠰᠪᠠᠯ ᠮᠡᠷᠭᠢᠳ ᠴᠡᠷᠢᠭ ᠲᠦᠷ ᠠᠮᠠᠰᠬᠢᠵᠣ ᠪᠣᠢ ᠪᠣᠯᠤᠯᠲᠠᠢ ᠃ ᠬᠡᠳᠦᠢ ᠣᠯᠠᠨ ᠴᠡᠷᠢᠭ ᠪᠠᠶ᠋ᠢᠬ᠋ᠠ ᠪᠣᠯᠪᠠᠴᠤ ᠴᠢᠮᠡᠭᠡ ᠱᠤᠤᠭᠢᠶᠠᠨ ᠪᠠᠭᠠ ᠪᠠᠶ᠋ᠢᠬᠤ ᠨᠢ ᠠᠷᠭᠠ ᠦᠭᠡᠢ ᠯᠡ ᠲᠤᠷᠰᠢᠯᠭᠠᠲᠠᠢ ᠳᠠᠶ᠋ᠢᠴᠢᠳ ᠭᠡᠳᠡᠭ ᠊ᠢ ᠰᠠᠨᠠᠭᠤᠯᠤᠨᠠ ᠃ ᠱᠠᠮᠲᠠᠭᠠᠢ ᠶᠠᠭᠤᠨ ᠤ᠋ ᠡᠮᠦᠨᠡ ᠢᠯᠳᠦ ᠪᠡᠨ ᠰᠠᠮ ᠠᠪᠴᠤ ᠂ ᠬᠣᠷᠮᠣᠢ ᠳᠣᠣᠷᠠ ᠪᠠᠨ ᠠᠪᠴᠢᠷᠠᠨ ᠳᠠᠷᠤᠵᠤ ᠠᠪᠤᠯᠠ — ᠵᠡᠭᠦᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠡᠮᠲᠡᠷᠢᠪᠡᠯ ᠦᠨᠡᠬᠡᠷ ᠨᠠᠷᠢᠨ ᠰᠤᠷ ᠤ᠋ᠨ ᠪᠤᠭᠤᠶ᠋ᠢᠯᠢ ᠭᠠᠨᠵᠤᠭᠠ ᠪᠠᠷ ᠲᠠᠷᠣᠭᠣᠯᠣᠰᠣᠲᠠᠢ ᠪᠠᠶ᠋ᠢᠬᠤ ᠠᠵᠤᠭᠤ ᠃ ᠳᠥᠷᠪᠡᠳ ᠵᠠᠯᠠᠭᠤ ᠳ᠋ᠤ᠌ ᠡᠨᠡ ᠨᠢ ᠢᠯᠳᠦ ᠲᠡᠢ ᠨᠢ ᠲᠡᠩᠴᠡᠬᠦ ᠬᠦᠴᠦᠲᠡᠢ ᠵᠡᠪᠰᠡᠭ ᠶᠦ᠍ᠮ ᠃ ᠱᠠᠮᠲᠠᠭᠠᠢ ᠭᠠᠨᠵᠤᠭᠠᠨ ᠤ᠋ ᠵᠠᠩᠭᠢᠯᠠᠭᠠ ᠶ᠋ᠢ ᠪᠠᠷᠢᠵᠤ ᠂ ᠲᠠᠶ᠋ᠢᠯᠬᠤ ᠲᠥᠷᠥ ᠶ᠋ᠢ ᠨᠢ ᠮᠡᠳᠡᠭᠰᠡᠨ ᠦ᠌ ᠳᠠᠷᠠᠭᠠ ᠡᠮᠡᠭᠡᠯ ᠳᠡᠭᠡᠷᠡ ᠪᠡᠨ ᠴᠡᠴᠡᠷᠡᠵᠦ ᠪᠠᠷᠤᠭ ᠭᠤᠷᠪᠠᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠠᠩᠬᠠ ᠤᠳᠠᠭᠠ ᠠᠭᠤᠵᠢᠭᠤ ᠠᠮᠢᠰᠬᠤᠭᠠ ᠠᠪᠤᠪᠠ ᠃
ᠶᠠᠭ ᠡᠨᠡ ᠮᠥᠴᠡ ᠳ᠋ᠦ᠍ ᠫᠤᠤ ᠳᠡᠯᠪᠡᠷᠡᠬᠦ ᠰᠦᠷᠲᠡᠢ ᠴᠢᠮᠡᠭᠡ ᠰᠥᠨᠢ ᠶ᠋ᠢᠨ ᠨᠠᠮ ᠭᠦᠮ ᠊ᠢ ᠴᠣᠴᠢᠭᠠᠨ ᠳᠠᠭᠤᠷᠢᠰᠪᠠ ᠃ ᠫᠤᠤ ᠶ᠋ᠢᠨ ᠳᠠᠭᠤ ᠲᠠᠢ ᠤᠷᠤᠯᠳᠤᠨ ᠡᠷᠭᠢᠨ ᠲᠣᠭᠣᠷᠢᠨ ᠳ᠋ᠤ᠌ ᠭᠠᠯ ᠮᠠᠨᠠᠯᠵᠠᠨ ᠦᠦᠷ ᠦ᠋ᠨ ᠦᠨᠡᠭᠡᠨ ᠬᠠᠷᠠᠩᠭᠤᠢ ᠶ᠋ᠢ ᠪᠠᠷᠤᠭ ᠡᠳᠦᠷ ᠰᠢᠭ ᠭᠡᠷᠡᠯᠲᠦᠭᠦᠯᠦᠯᠡ ᠃ ᠮᠡᠷᠭᠢᠳ ᠳᠠᠶ᠋ᠢᠴᠢᠳ ᠶᠠᠭᠠᠷᠠᠨ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠵᠤ ᠂ ᠣᠯᠣᠮ ᠵᠢᠷᠢᠮ ᠢ᠋ᠶ᠋ᠡᠨ ᠰᠤᠯᠠᠯᠠᠭᠰᠠᠨ ᠲᠡᠳᠦᠢ ᠦᠭᠡᠢ ᠮᠣᠷᠢᠳ ᠢ᠋ᠶ᠋ᠠᠨ ᠠᠮᠠᠭᠠᠶ᠋ᠢᠪᠴᠢᠯᠠᠵᠣ ᠡᠪᠡᠰᠦ ᠬᠠᠵᠠᠭᠤᠯᠤᠭᠰᠠᠨ ᠬᠥᠮᠦᠰ ᠪᠦᠷ ᠴᠦ᠍ ᠲᠡᠪᠡᠳᠡᠵᠦ ᠪᠠᠶ᠋ᠢᠬ᠋ᠠ ᠨᠢ ᠣᠭᠵᠣᠮ ᠣᠭᠵᠣᠮ ᠭᠢᠯᠠᠯᠵᠠᠬᠤ ᠭᠠᠯ ᠤ᠋ᠨ ᠨᠥᠯᠦᠭᠡᠨ ᠳ᠋ᠦ᠍ ᠲᠣᠳᠣᠬᠠᠨ ᠬᠠᠷᠠᠭᠳᠠᠨᠠ ᠃ ᠶᠠᠮᠠᠷ ᠰᠢᠤᠬᠠᠨ ᠭᠠᠵᠠᠷ ᠢᠷᠡᠭᠡᠳ ᠪᠠᠶ᠋ᠢᠬ᠋ᠠ ᠪᠠᠨ ᠪᠠᠷᠢᠮᠵᠢᠶᠠᠯᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠬᠥᠮᠦᠰ ᠲᠦ᠍ ᠡᠨᠡ ᠬᠥᠨᠳᠡᠢ ᠲᠤᠩ ᠳᠠᠪᠴᠢᠭᠤ ᠬᠠᠷᠠᠭᠳᠠᠭᠰᠠᠨ ᠤ᠋ ᠵᠡᠷᠭᠡᠴᠡᠭᠡ ᠡᠷᠭᠢᠨ ᠲᠣᠭᠣᠷᠢᠨ ᠤ᠋ ᠪᠦᠬᠦᠢ ᠯᠡ ᠥᠨᠳᠥᠷᠯᠢᠭ ᠲᠦ᠍ ᠭᠠᠯ ᠂ ᠳᠠᠷᠢ ᠂ ᠱᠡᠦ ᠮᠠᠨᠠᠯᠵᠠᠬᠤ ᠨᠢ ᠵᠠᠢ ᠦᠭᠡᠢ ᠪᠦᠰᠡᠯᠡᠭᠳᠡᠵᠡᠢ ᠭᠡᠰᠡᠨ ᠴᠡᠷᠢᠭ ᠬᠥᠮᠦᠨ ᠦ᠌ ᠴᠡᠭᠡᠵᠢᠨ ᠳ᠋ᠦ᠍ ᠪᠠᠶ᠋ᠢᠩᠭᠤ ᠶᠠᠪᠤᠳᠠᠭ ᠠᠶᠣᠲᠠᠰᠣ ᠶ᠋ᠢ ᠰᠡᠳᠡᠷᠡᠭᠡᠵᠦ ᠤᠯᠠᠮ ᠤᠯᠠᠮ ᠬᠥᠭᠡᠷᠭᠡᠳᠡᠨ ᠲᠡᠪᠡᠷᠭᠡᠨᠡ ᠃
ᠱᠠᠮᠲᠠᠭᠠᠢ ᠳ᠋ᠤ᠌ ᠡᠨᠡ ᠪᠦᠬᠦᠨ ᠊ᠢ ᠰᠣᠨᠢᠷᠬᠠᠨ ᠰᠠᠳᠠᠭᠠᠷᠠᠬᠤ ᠵᠠᠪ ᠪᠠᠶ᠋ᠢᠬᠰᠠᠨ ᠦᠭᠡᠢ ᠃ ᠡᠵᠡᠨ ᠢ᠋ᠶ᠋ᠡᠨ ᠡᠷᠢᠪᠡ ᠃ ᠠᠰᠢᠭᠦᠢ ᠪᠠᠷᠲᠠᠢ ᠰᠡᠴᠡᠨ ᠣᠶ᠋ᠢᠷᠠᠬᠠᠨ ᠵᠣᠭᠰᠣᠨᠠ ᠃ ᠲᠡᠷᠡ ᠪᠡᠷ ᠱᠠᠮᠲᠠᠭᠠᠢ ᠶ᠋ᠢ ᠮᠠᠷᠲᠠᠭᠰᠠᠨ ᠪᠣᠯᠤᠯᠲᠠᠢ ᠂ ᠴᠠᠭᠠᠱᠢ ᠪᠠᠨ ᠬᠡᠨ ᠨᠢᠭᠡᠨ ᠊ᠢ ᠡᠷᠢᠨ ᠬᠠᠷᠠᠭᠠᠴᠢᠯᠠᠬᠤ ᠠᠵᠢ ᠃ ᠱᠠᠮᠲᠠᠭᠠᠢ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠠᠵᠢᠭᠯᠠᠪᠠᠯ ᠠᠯᠲᠠᠨ ᠳᠤᠭᠤᠯᠠᠭᠠᠲᠤ ᠵᠡᠭᠵᠡᠭᠡᠷ ᠬᠠᠲᠤᠨ ᠶᠡᠷᠦ ᠦᠵᠡᠭᠳᠡᠭᠰᠡᠨ ᠦᠭᠡᠢ ᠃
ᠬᠣᠶᠠᠳᠠᠬᠢ ᠫᠤᠤ ᠨᠢᠵᠢᠭᠢᠨᠡᠯᠡ᠃
ᠭᠠᠯᠲᠤ ᠫᠤᠤᠳᠠᠯᠭᠠ ᠤᠯᠠᠮ ᠰᠢᠷᠦᠭᠦᠰᠴᠦ᠂ ᠣᠳᠣ ᠪᠦᠷ ᠨᠢᠳᠦ ᠭᠢᠯᠪᠠᠮᠠ ᠴᠠᠭᠠᠨ᠂ ᠦᠬᠦᠯ ᠦ᠋ᠨ ᠭᠡᠮᠡᠷ ᠵᠢᠪᠡᠭᠦᠨ ᠰᠠᠭᠠᠷᠠᠯ ᠥᠩᠭᠡ ᠪᠡᠷ ᠴᠦ᠍ ᠴᠠᠬᠢᠯᠠᠬᠤ ᠪᠣᠯᠪᠠ᠃ 《 ᠳᠠᠭᠠᠭᠲᠤᠨ 》 ᠭᠡᠰᠡᠨ ᠳᠠᠭᠤ ᠡᠬᠢᠯᠡᠭᠡᠳ ᠲᠡᠷᠡ ᠨᠢᠵᠢᠭᠢᠨᠡᠭᠡᠨ ᠳᠤᠮᠳᠠ ᠰᠤᠯᠠᠬᠠᠨ ᠰᠣᠨᠣᠰᠤᠭᠳᠠᠵᠠᠢ᠃ ᠤᠳᠠᠯ ᠦᠭᠡᠢ ᠦᠢ ᠣᠯᠠᠨ ᠡᠷᠡᠰ ᠳᠠᠭᠤ ᠨᠡᠢᠯᠡᠭᠦᠯᠦᠨ《 ᠳᠠᠭᠠᠭᠲᠤᠨ᠂ ᠳᠠᠭᠠᠭᠲᠤᠨ 》 ᠭᠡᠵᠦ ᠳᠠᠭᠤᠳᠠᠬᠤ ᠳ᠋ᠤ᠌ ᠬᠠᠷᠠᠩᠭᠤᠢ ᠤᠯᠠᠮ ᠴᠤ᠌ ᠳᠠᠪᠴᠢᠳᠠᠬᠤ ᠰᠢᠭ᠋᠂ ᠳᠡᠭᠡᠷᠡ ᠨᠢ ᠬᠠᠷᠠᠩᠭᠠ ᠬᠡᠩᠭᠡᠷᠭᠡ ᠶ᠋ᠢᠨ ᠵᠢᠭᠳᠡᠬᠡᠨ ᠪᠥᠭᠡᠳ ᠬᠠᠲᠠᠭᠤ ᠰᠦᠷᠯᠢᠭ ᠬᠡᠮᠨᠡᠯ᠂ ᠢᠯᠳᠦ ᠪᠡᠷ ᠪᠠᠮᠪᠠᠢ ᠪᠠᠨ ᠳᠡᠯᠡᠳᠬᠦ ᠬᠠᠭᠠᠷᠢᠬᠤ ᠳᠠᠭᠤ ᠨᠡᠮᠡᠭᠳᠡᠵᠦ ᠪᠦᠷ ᠴᠦ᠍ ᠲᠡᠰᠬᠡᠯ ᠢ᠋ ᠠᠯᠳᠠᠭᠤᠯᠤᠮᠠᠷ ᠪᠣᠯᠤᠭᠠᠳ ᠢᠷᠡᠯᠡ᠃
ᠤᠷᠲᠤ ᠬᠦᠵᠦᠭᠦᠦ᠂ ᠥᠷᠭᠡᠨ ᠬᠡᠩᠬᠦᠳᠡᠭ ᠲᠡᠢ ᠨᠢᠳᠦ ᠭᠢᠯᠪᠠᠮᠠ ᠴᠠᠭᠠᠨ ᠠᠷᠠᠪ ᠤᠭᠰᠠᠭᠠᠨ ᠤ᠋ ᠠᠵᠢᠷᠭᠠ ᠤᠨᠤᠭᠰᠠᠨ ᠡᠷᠡ ᠬᠠᠵᠠᠭᠤ ᠪᠠᠷ ᠨᠢ ᠳᠠᠭᠤᠯᠠᠨ ᠥᠩᠭᠡᠷᠡᠭᠡᠳ ᠬᠣᠯᠠ ᠦᠭᠡᠢ ᠳᠣᠪᠣᠨ ᠳᠡᠭᠡᠷᠡ ᠭᠠᠷᠴᠤ ᠭᠠᠷ ᠢ᠋ᠶ᠋ᠠᠨ ᠡᠷᠭᠦᠬᠦ ᠳ᠋ᠦ᠍ ᠭᠠᠯ ᠭᠡᠵᠦ ᠱᠠᠮᠳᠠᠭᠠᠢ ᠲᠠᠨᠢᠯᠠ᠃ ᠣᠳᠣ ᠡᠨᠡ ᠬᠥᠮᠦᠨ᠂ ᠡᠨᠳᠡ ᠶᠠᠭᠤ ᠪᠣᠯᠬᠤ ᠶ᠋ᠢ ᠰᠢᠢᠳᠬᠦ ᠨᠢ ᠭᠡᠳᠡᠭ ᠢ᠋ ᠱᠠᠮᠳᠠᠭᠠᠢ ᠣᠢᠯᠠᠭᠠᠯᠠ᠃ ᠥᠩᠭᠡ ᠰᠣᠯᠪᠢᠭᠰᠠᠨ ᠰᠠᠴᠤᠷᠠᠭ ᠫᠤᠤᠳᠠᠯᠭᠠ ᠶ᠋ᠢᠨ ᠭᠡᠷᠡᠯ ᠳ᠋ᠦ᠍ ᠭᠠᠯ ᠨᠣᠶᠠᠨ ᠤ᠋ ᠵᠠᠯᠠᠭᠤᠬᠠᠨ ᠰᠢᠢᠳᠮᠡᠭ ᠴᠢᠷᠠᠢ ᠦᠵᠡᠰᠬᠦᠯᠡᠩᠲᠡᠢ ᠠᠲᠠᠯᠠ ᠳᠣᠭᠰᠢᠨ ᠰᠦᠷᠯᠢᠭ ᠬᠠᠷᠠᠭᠳᠠᠯᠠ᠃ ᠡᠨᠡ ᠬᠥᠮᠦᠨ ᠣᠳᠣ《 ᠦᠬᠦᠨ ᠪᠠᠢᠯᠳᠤᠶᠠ 》 ᠭᠡᠵᠦ ᠤᠷᠢᠶᠠᠯᠠᠨᠠ ᠭᠡᠳᠡᠭ ᠢ᠋ ᠱᠠᠮᠳᠠᠭᠠᠢ ᠭᠡᠨᠡᠳᠲᠡ ᠤᠬᠠᠭᠠᠷᠠᠵᠤ᠂ ᠨᠢᠷᠤᠭᠤ ᠪᠠᠷ ᠨᠢ ᠮᠣᠭᠠᠢ ᠭᠤᠯᠠᠰᠬᠤ ᠰᠢᠭ᠋ ᠬᠦᠢᠲᠡᠨ ᠣᠷᠬᠢᠨ ᠦᠰᠦ ᠨᠢ ᠪᠣᠰᠤᠯᠠ᠃ ᠬᠡᠷᠪᠡ ᠭᠠᠯ ᠨᠣᠶᠠᠨ ᠤᠷᠢᠶᠠᠯᠠᠪᠠᠰᠤ ᠡᠨᠡ ᠬᠥᠨᠳᠡᠢ ᠴᠢᠰᠤᠨ ᠨᠠᠮᠤᠭ ᠪᠣᠯᠤᠨᠠ᠃ ᠭᠡᠬᠦ ᠳ᠋ᠡᠭᠡᠨ ᠵᠥᠪᠬᠡᠨ ᠮᠡᠷᠭᠢᠳ ᠦ᠋ᠨ ᠵᠣᠷᠢᠭᠲᠤ ᠵᠠᠯᠠᠭᠤᠰ ᠤ᠋ᠨ ᠶᠠᠰᠤ᠂ ᠴᠢᠰᠤ ᠪᠠᠷ ᠬᠤᠴᠢᠭᠳᠠᠨᠠ ᠭᠡᠳᠡᠭ ᠢ᠋ ᠲᠠᠭᠠᠪᠤᠷᠢᠯᠠᠬᠤ ᠦᠭᠡᠢ ᠪᠠᠢᠬᠤ ᠠᠷᠭᠠ ᠦᠭᠡᠢ᠃ ᠤᠲᠤᠯᠳᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠴᠡᠷᠢᠭ ᠦ᠋ᠨ ᠳᠠᠭᠠᠷᠢᠯᠲᠠ ᠪᠣᠯ ᠲᠤᠯᠤᠯᠳᠤᠭᠠᠨ ᠪᠢᠰᠢ ᠴᠢᠰᠤᠲᠤ ᠬᠢᠳᠤᠯᠭᠠ ᠶ᠋ᠢ ᠯᠡ ᠥᠳᠥᠭᠡᠳᠡᠭ ᠨᠢ ᠲᠣᠭᠲᠠᠭᠰᠠᠨ ᠵᠢᠮᠡ᠃ ᠲᠡᠮᠦᠷ ᠲᠡᠷᠭᠡ ᠨᠦ᠍ᠭᠦᠳ ᠲᠦ᠍ ᠬᠡᠳᠦᠢ ᠴᠢᠨᠡᠭᠡᠨ ᠶᠡᠬᠡ ᠳᠠᠷᠢ᠂ ᠱᠡᠦ᠂ ᠪᠥᠮᠪᠥᠭᠡ ᠪᠠᠢᠭᠠ ᠶ᠋ᠢ ᠡᠳᠡ ᠨᠠᠷ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠪᠢᠯᠡ᠃
ᠪᠠᠷᠲᠠᠢ ᠰᠡᠴᠡᠨ ᠨᠤᠮᠤ ᠪᠠᠨ ᠡᠩ ᠦ᠋ᠨ ᠢ᠋ᠶ᠋ᠡᠷ ᠰᠤᠭᠤᠯᠵᠤ᠂ ᠲᠠᠮᠰᠢᠶᠠᠯᠭᠠᠵᠤ ᠪᠠᠢᠬᠤ ᠶ᠋ᠢ ᠱᠠᠮᠳᠠᠭᠠᠢ ᠠᠵᠢᠭᠯᠠᠪᠠ᠃ ᠡᠨᠡ ᠭᠡᠮ ᠦᠭᠡᠢᠬᠡᠨ ᠬᠥᠳᠡᠯᠭᠡᠭᠡᠨ ᠬᠡᠨ ᠦ᠌ ᠴᠦ᠍ ᠬᠠᠷᠠ ᠰᠡᠷᠡᠭᠡ ᠶ᠋ᠢ ᠬᠥᠳᠡᠯᠭᠡᠭᠰᠡᠨ ᠦᠭᠡᠢ᠃ ᠦᠨᠡᠨ ᠳ᠋ᠡᠭᠡᠨ ᠬᠠᠷᠠᠳᠠᠬᠤ ᠪᠠᠷ ᠰᠥᠭᠥᠭᠡ ᠲᠡᠢ ᠬᠥᠮᠦᠨ ᠴᠦ᠍ ᠣᠢᠷᠠ ᠣᠷᠴᠢᠨ ᠳ᠋ᠤ᠌ ᠯᠠᠪ ᠪᠠᠢᠭᠰᠠᠨ ᠦᠭᠡᠢ᠃ ᠴᠥᠮ ᠳᠣᠭᠳᠣᠯᠤᠨ ᠴᠢᠷᠠᠢ ᠨᠢ ᠴᠣᠩᠬᠢᠢᠭᠠᠳ ᠭᠠᠯ ᠢ᠋ ᠠᠵᠢᠬᠤ ᠮᠡᠲᠦ᠃ ᠤᠷᠲᠤ ᠥᠷᠭᠡᠨ ᠨᠢ ᠦᠯᠦ ᠮᠡᠳᠡᠭᠳᠡᠬᠦ ᠬᠥᠨᠳᠡᠢ ᠪᠢᠲᠡᠭᠦᠦ ᠠᠮᠢᠰᠬᠤᠯ ᠳ᠋ᠤ᠌ ᠳᠠᠪᠴᠢᠳᠠᠨ ᠲᠡᠷᠡ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠦᠵᠢᠭᠢᠨᠡᠭᠡᠳ ᠪᠦᠰᠡᠯᠡᠭᠰᠡᠨ ᠴᠡᠷᠢᠭ ᠦ᠋ᠳ《 ᠳᠠᠭᠠᠭᠲᠤᠨ》 ᠭᠡᠰᠡᠨ ᠰᠢᠭᠤᠷᠳᠠᠯᠭᠠ ᠦᠶᠡ ᠦᠶᠡ ᠵᠢᠵᠢᠭᠢᠨᠠᠨ ᠠᠭᠤᠯᠠ᠂ ᠵᠡᠪᠡ ᠶ᠋ᠢ ᠳᠦᠭᠦᠷᠭᠡᠨᠡ᠃
ᠭᠠᠯ ᠳᠥᠷᠦᠭᠡᠨ ᠳᠡᠭᠡᠷᠡ ᠪᠡᠨ ᠪᠣᠰᠤᠭᠠᠳ ᠤᠷᠲᠤ ᠪᠠᠷ ᠠᠮᠢᠰᠬᠤᠭᠠ ᠠᠪᠤᠪᠠ᠃ ᠠᠯᠢ ᠪᠣᠯᠬᠤ ᠣᠯᠠᠨ ᠬᠥᠮᠦᠨ ᠳ᠋ᠦ᠍ ᠳᠤᠭᠤᠯᠳᠠᠬᠤ ᠶ᠋ᠢᠨ ᠲᠤᠯᠠᠳᠠ ᠢᠩᠭᠢᠵᠦ ᠪᠠᠢᠵᠤ ᠯᠠ ᠴᠢᠩᠭᠠ ᠳᠤᠤᠭᠠᠷᠬᠤ ᠡᠴᠡ ᠪᠢᠰᠢ ᠶᠠᠭᠠᠬᠢᠬᠤ ᠪᠣᠢ᠃ ᠭᠡᠪᠡᠴᠦ ᠡᠨᠡ ᠬᠣᠷᠣᠮ ᠲᠡᠭᠦᠨ ᠦ᠌ ᠪᠣᠯᠤᠨ ᠮᠡᠷᠭᠢᠳ ᠦ᠋ᠨ ᠨᠢᠭᠡ ᠲᠦᠮᠡᠨ ᠴᠡᠷᠢᠭ ᠦ᠋ᠨ ᠬᠤᠪᠢ ᠵᠠᠶᠠᠭᠠ ᠶ᠋ᠢ ᠬᠣᠶᠠᠷ ᠲᠡᠰᠢ ᠨᠢ ᠰᠢᠢᠳᠦᠭᠡᠳ ᠥᠭᠴᠡᠢ᠃ ᠵᠡᠷᠯᠢᠭ ᠵᠥᠭᠡᠢ ᠮᠡᠲᠦ ᠰᠤᠮᠤ ᠱᠤᠩᠭᠢᠨᠠᠬᠤ ᠨᠢ ᠪᠦᠦᠷ ᠲᠦᠦᠷ ᠲᠤᠭᠤᠯᠳᠠᠭᠠᠳ ᠮᠡᠷᠭᠢᠳ ᠦ᠋ᠨ ᠵᠠᠯᠠᠭᠤ ᠨᠣᠶᠠᠨ ᠤ᠋ ᠲᠣᠯᠣᠭᠠᠢ ᠦᠭᠡᠢ ᠴᠣᠭᠴᠠᠰ ᠡᠮᠡᠭᠡᠯ ᠳᠡᠭᠡᠷᠡ ᠪᠡᠨ ᠨᠢᠭᠡᠨ ᠬᠣᠷᠣᠮ ᠬᠠᠴᠢᠨ ᠵᠢᠪᠡᠭᠦᠨ ᠠᠶᠤᠮᠰᠢᠭ᠍ᠲᠠᠢ ᠲᠣᠭᠲᠠᠭᠰᠠᠨ ᠢ᠋ᠶ᠋ᠠᠨ ᠪᠤᠷᠤᠭᠤ ᠲᠠᠯᠠ ᠤᠷᠤᠭᠤ ᠪᠠᠨ ᠭᠤᠯᠳᠤᠢᠨ ᠣᠢᠴᠢᠯᠠ᠃ 《 ᠪᠠᠷᠲᠠᠢ ᠰᠡᠴᠡᠨ ᠬᠠᠷᠪᠤᠴᠢᠬᠠᠯᠠ᠃ ᠰᠠᠷᠠᠨ ᠵᠡᠪᠡ ᠪᠠᠷ ᠯᠠ ᠢᠩᠭᠢᠵᠦ ᠬᠠᠷᠪᠤᠨᠠ 》 ᠭᠡᠵᠦ ᠬᠢᠷᠳ᠋ᠬᠢᠨ ᠪᠣᠳᠣᠭᠰᠠᠨ ᠱᠠᠮᠲᠠᠭᠠᠢ ᠣᠳᠣ ᠯᠠ ᠡᠵᠡᠨ ᠢ᠋ᠶ᠋ᠡᠨ ᠬᠠᠮᠠᠭᠠᠯᠠᠬᠤ ᠴᠠᠭ ᠪᠣᠯᠤᠭᠰᠠᠨ ᠢ᠋ ᠤᠬᠠᠭᠠᠷᠠᠵᠤ ᠢᠯᠳᠦ ᠪᠡᠨ ᠰᠤᠭᠤ ᠲᠡᠳᠡᠨ ᠮᠣᠷᠢ ᠪᠠᠨ ᠳᠠᠪᠢᠷᠠᠨ ᠤᠷᠤᠭᠰᠢᠯᠠᠪᠠ᠃ ᠡᠨᠡ ᠬᠣᠭᠣᠷᠣᠨᠳᠣ ᠪᠠᠷᠲᠠᠢ ᠰᠡᠴᠡᠨ ᠬᠡᠳᠦᠢᠨ ᠪᠠᠢᠷᠢ ᠪᠠᠨ ᠰᠣᠯᠢᠵᠤ ᠠᠮᠵᠢᠵᠠᠢ᠃ ᠱᠠᠮᠲᠠᠭᠠᠢ ᠲᠡᠭᠦᠨ ᠦ᠌ ᠳ᠋ᠠᠢ ᠬᠣᠩᠭᠣᠷ ᠮᠣᠷᠢᠨ ᠤ᠋ ᠬᠢᠨᠢ ᠴᠠᠢᠪᠤᠷ ᠰᠡᠭᠦᠯ ᠢ᠋ᠶ᠋ᠡᠷ ᠪᠠᠷᠢᠮᠵᠢᠶᠠᠯᠠᠨ ᠳᠥᠭᠥᠵᠦ ᠣᠴᠢᠲᠠᠯᠠ ᠪᠠᠷᠳᠠᠢ ᠰᠠᠨᠠᠭᠠᠨ ᠳ᠋ᠤ᠌ ᠪᠠᠭᠲᠠᠮᠠ ᠦᠭᠡᠢ ᠴᠠᠷᠭᠢᠶᠠ ᠲᠣᠳᠣ ᠳᠠᠭᠤ ᠪᠠᠷ:
— ᠮᠡᠷᠭᠢᠳ ᠠᠬᠠ ᠳᠡᠭᠦᠦ ᠨᠠᠷ ᠠ᠋᠂ ᠳᠠᠭᠠᠷᠠ ᠣᠷᠣᠶᠠ᠃ ᠭᠤᠷᠪᠠᠳᠠᠬᠢ ᠳᠠᠭᠤ ᠪᠠᠷ ᠦᠬᠦᠯ ᠢᠷᠡᠨᠡ᠃ ᠭᠠᠯᠲᠤ ᠦᠬᠦᠯ ᠢᠷᠡᠨᠡ ᠭᠡᠵᠦ ᠬᠠᠰᠬᠢᠷᠤᠯᠠ᠃
ᠰᠠᠶ᠋ᠢᠬᠠᠨ ᠤᠳᠤᠷᠢᠳᠤᠭᠴᠢ ᠪᠠᠨ ᠠᠯᠳᠠᠭᠠᠳ ᠡᠮᠬᠢ ᠵᠢᠷᠤᠮ ᠢ᠋ᠶ᠋ᠠᠨ ᠲᠣᠭᠲᠠᠭᠠᠵᠤ ᠠᠮᠵᠢᠭ᠍ᠰᠠᠨ ᠦᠭᠡᠢ ᠪᠠᠢᠲᠠᠯᠠ ᠴᠡᠷᠢᠭ ᠦ᠋ᠨ ᠭᠣᠣᠯ ᠡᠩᠨᠡᠭᠡᠨ ᠡᠴᠡ ᠴᠦᠢᠯᠡᠨ ᠲᠤᠭᠤᠯᠳᠠᠭᠰᠠᠨ ᠡᠨᠡ ᠤᠷᠢᠶᠠ ᠣᠯᠠᠩᠬᠢ ᠶ᠋ᠢ ᠪᠦᠷᠢᠮᠦᠰᠦᠨ ᠪᠠᠯᠠᠮᠠᠭᠳᠠᠭᠤᠯᠪᠠ᠃
《 ᠳᠠᠭᠠᠭᠲᠤᠨ᠂ ᠳᠠᠭᠠᠭᠲᠤᠨ 》 ᠭᠡᠰᠡᠨ ᠰᠢᠷᠭᠠᠭᠤ ᠳᠠᠭᠤᠳᠠᠯᠭᠠ ᠴᠥᠬᠥᠷᠡᠯᠲᠡ ᠦᠭᠡᠢ ᠨᠢᠵᠢᠭᠢᠨᠡᠵᠦ᠂ ᠫᠤᠤᠳᠠᠯᠭᠠ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠤᠯᠠᠮ ᠣᠢᠷᠠᠲᠤᠭᠰᠠᠨ ᠨᠢ ᠦᠬᠦᠯ ᠦ᠋ᠨ ᠲᠤᠯᠤᠯᠳᠤᠭᠠᠨ ᠡᠬᠢᠯᠡᠬᠦ ᠭᠤᠷᠪᠠᠳᠠᠬᠢ ᠫᠤᠤ ᠶ᠋ᠢᠨ ᠳᠠᠭᠤ ᠶᠠᠭᠤ ᠶᠠᠭᠤ ᠦᠭᠡᠢ ᠨᠦᠷᠭᠢᠯᠡᠬᠦ ᠭᠡᠵᠦ ᠪᠠᠢᠭᠠ ᠮᠡᠲᠦ ᠰᠡᠳᠬᠢᠭᠳᠡᠯ ᠲᠥᠷᠥᠨᠡ᠃ ᠡᠴᠦᠰ ᠦ᠋ᠨ ᠡᠴᠦᠰ ᠲᠦ᠍ ᠡᠷᠡᠭᠡᠯᠵᠡᠭᠡ᠂ ᠬᠦᠴᠢᠷᠳᠡᠯ ᠢ᠋ ᠠᠷᠠᠢ ᠭᠡᠵᠦ ᠳᠠᠪᠠᠨ ᠲᠤᠭᠤᠯᠤᠭᠰᠠᠨ 《 ᠳᠠᠭᠠᠷᠠ ᠣᠷᠣᠶᠠ ᠳ᠋ᠠ 》 ᠴᠥᠭᠡᠨ ᠬᠥᠮᠦᠨ ᠦ᠌ ᠰᠣᠨᠣᠰᠤᠭᠳᠠᠯᠠ᠃ ᠪᠠᠷᠳᠠᠢ ᠰᠡᠴᠡᠨ ᠴᠢᠷᠠᠢ ᠴᠣᠩᠬᠢᠢᠵᠤ᠂ ᠤᠷᠤᠭᠤᠯ ᠢ᠋ᠶ᠋ᠠᠨ ᠲᠠᠰᠤ ᠵᠢᠮᠢᠢᠴᠢᠬᠡᠭᠰᠡᠨ ᠪᠠᠢᠪᠠ᠃ ᠬᠣᠶᠠᠷ ᠭᠤᠷᠪᠠᠨ ᠬᠣᠷᠣᠮ ᠤ᠋ᠨ ᠳᠠᠷᠠᠭᠠ 《 ᠳᠠᠭᠠᠷᠠ ᠣᠷᠣᠶᠠ 》 ᠭᠡᠰᠡᠨ ᠴᠢᠮᠡᠭᠡ ᠠᠷᠠᠢ ᠬᠦᠴᠦᠲᠡᠢ ᠰᠣᠨᠣᠰᠳᠠᠵᠤ᠂ ᠭᠱᠠᠨ ᠪᠦᠷᠢ ᠳ᠋ᠦ᠍ ᠣᠯᠠᠨ ᠣᠠᠯᠨ ᠢ᠋ ᠳᠠᠭᠠᠭᠤᠯᠵᠤ ᠴᠢᠩᠭᠠᠷᠠᠯᠠ᠃ ᠡᠨᠡ ᠰᠠᠨᠠᠭᠠ ᠣᠷᠴᠢᠨ ᠤ᠋ ᠪᠢᠲᠡᠭᠦᠯᠢᠭ ᠨᠢᠭᠤᠴᠠᠬᠠᠢ ᠠᠶᠤᠮᠰᠢᠭ᠍ᠲᠤ ᠭᠱᠠᠨ ᠲᠠᠢ ᠳᠠᠪᠬᠤᠴᠠᠵᠤ᠂ ᠵᠠᠢᠯᠠᠰᠢ ᠦᠭᠡᠢ᠂ ᠵᠠᠢᠯᠠᠰᠢ ᠦᠭᠡᠢ ᠭᠡᠰᠡᠨ ᠨᠢᠭᠡᠨ ᠤᠬᠠᠮᠰᠠᠷ ᠥᠭᠡᠳᠡ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠲᠠᠲᠠᠬᠤ ᠠᠵᠠᠢ᠃
ᠪᠠᠷᠳᠠᠢ ᠰᠡᠴᠡᠨ ᠮᠣᠷᠢ ᠪᠠᠨ ᠭᠤᠶᠠᠳᠠᠨ ᠤᠬᠤᠰᠬᠢᠵᠦ ᠂ ᠨᠢᠭᠡᠨ ᠵᠠᠭᠤᠲᠤ ᠶ᠋ᠢᠨ ᠨᠣᠶᠠᠨ ᠤ᠋ ᠳᠡᠷᠭᠡᠳᠡ ᠣᠴᠢᠭᠠᠳ᠄
— ᠲᠤᠰᠢᠶᠠᠯ ᠢ᠋ ᠳᠠᠮᠵᠢᠭᠤᠯ ᠃ ᠪᠦᠭᠦᠳᠡ ᠲᠣᠨᠨ ᠢ᠋ᠶ᠋ᠠᠨ ᠬᠠᠶᠠ ! ᠬᠢᠵᠦ ᠵᠠᠩᠳᠤᠷᠤᠯᠠ ᠃ ᠵᠠᠭᠤᠲᠤ ᠶ᠋ᠢᠨ ᠨᠣᠶᠠᠨ ᠡᠷᠡᠭᠡᠯᠵᠡᠭᠰᠡᠨ ᠪᠣᠯᠪᠠᠴᠤ ᠲᠡᠷᠡ ᠪᠡᠷ ᠪᠠᠷᠲᠠᠢ ᠰᠡᠴᠡᠨ ᠣᠭᠲᠣ ᠲᠠᠨᠢᠬᠤ ᠦᠭᠡᠢ ᠷᠢᠨ ᠳᠡᠭᠡᠷᠡ ᠮᠡᠷᠭᠢᠳ ᠴᠡᠷᠢᠭ ᠦ᠋ᠨ ᠠᠬᠠᠯᠠᠬᠤ ᠲᠤᠰᠢᠶᠠᠯᠲᠠᠨ ᠤ᠋ ᠲᠡᠮᠳᠡᠭ ᠪᠣᠯᠬᠤ ᠲᠤᠭᠤᠯᠠᠭᠠᠨ ᠤ᠋ ᠭᠤᠷᠪᠠᠨ ᠪᠠᠭᠴᠠ ᠰᠣᠨᠣᠪᠲᠤᠷ ᠢ᠋ ᠨᠢ ᠦᠵᠡᠭᠡᠳ ᠠᠷᠭᠠ ᠪᠤᠶᠤ ᠲᠤᠰᠢᠶᠠᠯ ᠢ᠋ ᠳᠠᠪᠲᠠᠨ ᠬᠠᠰᠬᠢᠷᠤᠯᠠ᠃
ᠪᠠᠷᠲᠠᠢ ᠰᠡᠴᠡᠨ 《 ᠲᠣᠨᠨ ᠢ᠋ᠶ᠋ᠠᠨ ᠬᠡᠪᠲᠡᠭᠦᠯ 》 ᠭᠡᠵᠦ ᠲᠤᠰᠢᠶᠠᠵᠤ ᠪᠣᠯᠬᠤ ᠯᠠ ᠪᠠᠢᠪᠠ ᠃ ᠡᠨᠡ ᠨᠢ ᠡᠷᠢᠮᠦ ᠡᠮᠵᠢᠭ ᠭᠱᠠᠨ ᠳ᠋ᠤ᠌ ᠠᠷᠠᠢ ᠡᠶᠡᠷᠭᠦ ᠰᠣᠨᠣᠰᠤᠭᠳᠠᠵᠤ ᠪᠣᠯᠬᠤ ᠲᠠᠯᠠ ᠲᠠᠢ ᠃ ᠭᠡᠪᠡᠴᠦ 《 ᠬᠠᠶᠠ 》 ᠭᠡᠵᠦ ᠲᠤᠰᠢᠶᠠᠬᠤ ᠨᠢ ᠣᠭᠴᠣᠮ ᠲᠠᠰᠤ ᠴᠣᠬᠢᠬᠤ ᠬᠦᠴᠦᠲᠡᠢ ᠦᠭᠡ ᠤᠴᠢᠷ ᠂ ᠦᠷᠡ ᠳ᠋ᠦᠩ ᠢ᠋ ᠨᠢ ᠬᠤᠷᠳᠤᠨ ᠦᠵᠡᠬᠦ ᠳ᠋ᠦ᠍ ᠢᠯᠡᠭᠦᠦ ᠨᠥᠯᠥᠭᠡ ᠲᠡᠢ ᠠᠵᠢ ᠃ ᠲᠣᠨᠨ ᠢ᠋ᠶ᠋ᠠᠨ ᠬᠠᠶᠠᠭᠳᠠᠭᠰᠠᠨ ᠢ᠋ ᠦᠵᠡᠭᠰᠡᠨ ᠴᠡᠷᠢᠭ ᠡᠷᠡ ᠶ᠋ᠢᠨ ᠰᠡᠳᠬᠢᠯ ᠳ᠋ᠦ᠍ ᠲᠤᠰᠢᠶᠠᠯ ᠠ᠋ᠴᠠ ᠤᠬᠤᠷᠢᠪᠠ ᠭᠡᠬᠦ ᠪᠤᠶᠤ ᠨᠡᠷᠡ ᠲᠥᠷᠥ ᠪᠡᠨ ᠠᠯᠳᠠᠪᠠ ᠭᠡᠴᠦ ᠬᠠᠯᠠᠰᠢᠷᠠᠬᠤ ᠲᠥᠷᠥᠯᠬᠢ ᠤᠬᠠᠮᠰᠠᠷ ᠤ᠋ᠨ ᠰᠡᠭᠦᠯᠴᠢ ᠶ᠋ᠢᠨ ᠲᠤᠯᠤᠭᠠᠰᠤ ᠤᠨᠠᠳᠠᠭ ᠶᠤᠮ ᠃ ᠨᠢᠭᠡ ᠬᠥᠮᠦᠨ ᠳ᠋ᠦ᠍ ᠡᠨᠡ ᠲᠤᠰᠢᠶᠠᠯ ᠢᠩᠭᠢᠵᠦ ᠲᠣᠰᠳᠠᠭ ᠪᠣᠯ ᠶᠡᠬᠡ ᠴᠡᠷᠢᠭ ᠦ᠋ᠨ ᠬᠤᠪᠢ ᠳ᠋ᠤ᠌ ᠪᠦᠷ ᠴᠦ᠍ ᠡᠮᠭᠡᠨᠢᠯᠲᠡᠢ ᠪᠣᠯᠤᠨᠠ ᠃ ᠠᠩᠭᠢ ᠪᠦᠷᠢ ᠶ᠋ᠢ ᠢᠯᠭᠠᠵᠤ ᠂ ᠡᠮᠦᠨᠡ ᠬᠣᠢᠲᠤ ᠶ᠋ᠢ ᠴᠢᠭᠯᠡᠭᠦᠯᠦᠭᠰᠡᠨ ᠤᠬᠤᠷᠢᠬᠤ ᠳᠠᠪᠰᠢᠬᠤ ᠶ᠋ᠢ ᠲᠣᠳᠣᠷᠬᠠᠢᠯᠠᠵᠤ ᠂ ᠬᠥᠮᠦᠨ ᠦ᠌ ᠬᠢ᠂ ᠥᠪᠡᠷ ᠦ᠋ᠨ ᠬᠢ ᠶ᠋ᠢ ᠢᠯᠡᠷᠬᠡᠢᠯᠡᠳᠡᠭ ᠲᠡᠷᠡ ᠣᠯᠠᠨ ᠲᠣᠨᠨ ᠦᠭᠡᠢ ᠪᠡᠷ ᠲᠦᠮᠡ ᠴᠦ᠍ ᠪᠠᠢ᠂ ᠮᠢᠩᠭᠠ ᠴᠤ᠌ ᠪᠠᠢ ᠡᠭᠡᠭᠡ ᠯᠡ ᠢᠯᠭᠠᠭᠠ ᠦᠭᠡᠢ ᠰᠦᠷᠦᠭ ᠮᠣᠷᠢᠲᠠᠨ ᠂ ᠰᠠᠷᠢᠨ ᠳ᠋ᠠᠭᠠᠨ ᠢᠯᠳᠦ ᠂ ᠰᠠᠭᠠᠳᠠᠭ ᠲᠠᠢ ᠡᠷᠡᠴᠦᠳ ᠲᠡᠳᠦᠢ ᠶᠦ᠍ᠮ᠃ ᠲᠡᠢᠮᠦ ᠮᠢᠩᠭᠠᠨ ᠬᠥᠮᠦᠨ ᠲᠡᠢ ᠪᠠᠢᠯᠠ ᠭᠡᠬᠦ ᠳ᠋ᠦ᠍ ᠡᠷᠡᠮᠪᠡ ᠰᠠᠬᠢᠯᠭᠠ ᠲᠠᠢ ᠵᠠᠭᠤᠨ ᠴᠡᠷᠢᠭ ᠢ᠋ᠶ᠋ᠡᠷ ᠦᠯᠳᠡᠨ ᠬᠥᠭᠡᠭᠡᠵᠦ ᠪᠣᠯᠤᠨᠠ᠃ ᠮᠡᠷᠭᠢᠳ ᠦ᠋ᠨ ᠲᠣᠨᠨ ᠂ ᠬᠢᠭᠢᠷᠢ ᠂ ᠳᠠᠷᠠᠭᠠ ᠳᠠᠷᠠᠭᠠ ᠪᠠᠷ ᠤᠨᠠᠵᠤ ᠪᠠᠢᠭᠠ ᠶ᠋ᠢ ᠪᠠᠷᠲᠠᠢ ᠰᠡᠴᠡᠨ ᠰᠡᠷᠡᠮᠵᠢᠯᠡᠨ ᠬᠠᠷᠠᠵᠤ ᠪᠠᠢᠪᠠ ᠃ ᠡᠨᠡ ᠵᠠᠭᠤᠷᠠ ᠱᠠᠮᠳᠠᠭᠠᠢ ᠡᠵᠡᠨ ᠡᠴᠡ ᠪᠡᠨ ᠪᠠᠬᠠᠨ ᠬᠣᠯᠠᠳᠠᠭᠰᠠᠨ ᠴᠤ᠌ ᠥᠭ᠍ᠭᠦᠭ᠍ᠰᠡᠨ ᠡᠭᠦᠷᠭᠡ ᠶ᠋ᠢ ᠨᠢ ᠤᠮᠠᠷᠲᠠᠭᠰᠠᠨ ᠦᠭᠡᠢ ᠃ ᠭᠡᠨᠡᠳᠲᠡ ᠬᠠᠵᠠᠭᠤ ᠪᠠᠷ ᠨᠢ ᠨᠢᠭᠡᠨ ᠮᠣᠷᠢᠲᠠᠨ ᠠᠭᠠᠭ ᠠᠮᠢᠰᠬᠤᠭᠠ ᠦᠭᠡᠢ ᠥᠩᠭᠡᠷᠡᠬᠦ ᠳ᠋ᠦ᠍ ᠴᠥᠭᠡᠬᠡᠷᠡᠴᠦ ᠪᠠᠢᠭᠠ ᠭᠠᠯᠲᠤ ᠰᠤᠮᠤᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠲᠤᠭᠤᠯᠠᠭᠠᠨ ᠤ᠋ ᠨᠢ ᠠᠯᠲᠠᠨ ᠥᠩᠭᠡ ᠭᠢᠯᠪᠠᠰᠬᠢᠵᠦ᠂ ᠱᠠᠮᠳᠠᠭᠠᠢ ᠶ᠋ᠢ ᠴᠣᠴᠢᠭᠠᠪᠠ᠃ 《 ᠠᠪᠵᠠᠢ ᠬᠠᠲᠤᠨ》 ᠭᠡᠵᠦ ᠲᠡᠷᠡ ᠲᠦᠬ᠋ᠰᠢᠨ ᠪᠣᠲᠣᠭᠠᠳ ᠡᠵᠡᠨ ᠨᠢ ᠵᠥᠪᠬᠡᠨ ᠡᠨᠡ ᠬᠥᠮᠦᠨ ᠡᠴᠡ ᠯᠡ ᠰᠡᠷᠡᠮᠵᠢᠯᠡ ᠭᠡᠵᠦ ᠵᠠᠬᠢᠭᠰᠠᠨ ᠊ᠢ ᠰᠠᠨᠠᠯᠠ᠃ ᠪᠠᠷᠳᠠᠢ ᠰᠡᠴᠡᠨ ᠲᠤᠭ ᠵᠡᠪᠰᠡᠭ ᠢ᠋ᠶ᠋ᠡᠨ ᠬᠤᠷᠢᠶᠠᠵᠤ ᠴᠡᠷᠢᠭ ᠦ᠋ᠳ ᠠᠵᠢᠭᠯᠠᠨ ᠠᠯᠠᠭᠤᠷ ᠴᠢᠨᠠᠭᠰᠢᠯᠠᠵᠤ ᠪᠠᠶ᠋ᠢᠬᠰᠠᠨ ᠳᠡᠭᠡᠷᠡ ᠤᠤᠯᠠ ᠵᠠᠪᠰᠠᠷᠯᠠᠭᠰᠠᠨ ᠦᠭᠡᠢ ᠲᠡᠮᠦᠷ ᠲᠡᠷᠭᠡᠨ ᠡᠴᠡ ᠭᠠᠯ ᠬᠠᠷᠪᠤᠬᠤ ᠨᠢ ᠪᠠᠷᠤᠭ ᠵᠣᠭᠰᠣᠭᠰᠠᠨ ᠲᠤᠯᠠ ᠡᠨᠡ ᠶᠡᠬᠡ ᠦᠢᠮᠡᠭᠡᠨ ᠳᠤᠮᠲᠠᠭᠤᠷ ᠵᠢᠤᠠᠬᠦᠯᠡᠨ ᠳᠠᠪᠬᠢᠵᠤ ᠪᠠᠶ᠋ᠢᠬ᠋ᠠ ᠭᠠᠭᠴᠠ ᠮᠣᠷᠢᠲᠠᠨ ᠊ᠢ ᠴᠡᠷᠢᠭ ᠦ᠋ᠳ ᠦ᠋ᠨ ᠬᠡᠨ ᠨᠢ ᠴᠦ᠍ ᠬᠣᠷᠢᠭᠯᠠᠵᠤ ᠰᠠᠭᠠᠲᠠᠭᠤᠯᠬᠤ ᠶ᠋ᠢ ᠬᠦᠰᠡᠬ᠋ᠰᠡᠨ ᠦᠭᠡᠢ᠃ ᠲᠡᠲᠡᠨ ᠪ ᠬᠤᠪᠢ ᠳ᠋ᠤ᠌ ᠳᠣᠣᠷᠠ ᠪᠦᠷᠢ ᠪᠡᠨ ᠰᠠᠨᠠᠭᠠᠰᠢᠷᠠᠨ ᠵᠣᠪᠠᠨᠢᠬᠤ ᠤᠴᠢᠷ ᠰᠢᠯᠲᠠᠭᠠᠨ ᠮᠤᠩᠲᠠᠬᠤ ᠦᠭᠡᠢ ᠪᠠᠶ᠋ᠢᠬᠰᠠᠨ ᠠ᠋ᠴᠠ ᠴᠤ᠌ ᠲᠡᠭᠡᠬ᠋ᠰᠡᠨ ᠪᠠᠶ᠋ᠢᠵᠤ ᠪᠣᠯᠤᠨᠠ᠃ ᠠᠪᠵᠠᠢ ᠬᠠᠲᠤᠨ ᠪ ᠴᠢᠭᠢᠷᠠᠭ ᠭᠠᠷ ᠲᠠᠭᠠᠨ ᠤᠨᠵᠢᠭᠤᠯᠤᠰᠬᠢᠨ ᠪᠠᠷᠢᠭᠰᠠᠨ ᠨᠠᠷᠢᠬᠠᠨ ᠮᠢᠰᠢᠷ ᠪᠣᠯᠣᠳ ᠢᠯᠳᠦ ᠶ᠋ᠢᠨ ᠦᠵᠦᠭᠦᠷ ᠬᠡᠨ ᠪ ᠴᠡᠭᠡᠵᠢ ᠤᠷᠤᠭᠤ ᠴᠢᠬᠡᠯᠡᠬᠦ ᠶ᠋ᠢ ᠭᠠᠭᠴᠠᠬᠠᠨ ᠱᠠᠮᠲᠠᠭᠠᠢ ᠯᠠ ᠮᠡᠲᠡᠵᠦ ᠪᠠᠶ᠋ᠢᠯᠠ᠃ ᠲᠤᠭᠴᠢ ᠴᠡᠷᠢᠭ ᠪᠤᠭᠤᠶ᠋ᠢᠯᠢ ᠪᠠᠨ ᠠᠪᠴᠤ ᠨᠢᠭᠡᠨᠲᠡ ᠳᠠᠯᠠᠯᠤᠮᠠᠭᠴᠠ ᠰᠢᠳᠡᠵᠦ ᠣᠷᠬᠢᠪᠠ᠃ ᠰᠤᠮᠤᠨ ᠮᠣᠭᠠᠢ ᠮᠡᠲᠦ ᠳᠠᠭᠤᠯᠠᠨ ᠢᠰᠬᠡᠷᠦᠬ᠋ᠰᠡᠨ ᠪᠤᠭᠤᠶ᠋ᠢᠯᠢ ᠨᠢ ᠬᠦᠷᠬᠦ ᠶᠣᠰᠣᠲᠠᠢ ᠭᠠᠵᠠᠷ ᠲᠠᠭᠠᠨ ᠬᠥᠷᠤᠮᠡᠬ᠋ᠴᠡ ᠱᠠᠮᠲᠠᠭᠠᠢ ᠮᠣᠷᠢ ᠪᠠᠨ ᠳᠠᠪᠢᠷᠠᠨ ᠡᠷᠭᠢᠭᠦᠯᠪᠡ᠃ ᠠᠷᠤ ᠳ᠋ᠠᠭᠠᠨ ᠳᠥᠷᠥᠭᠡ ᠭᠥᠯᠢᠮ ᠲᠠᠴᠢᠭᠢᠨᠠᠵᠤ᠂ ᠪᠢᠲᠡᠭᠦᠬᠡᠨ ᠯᠦᠭ ᠭᠡᠬᠦ ᠴᠢᠮᠡᠭᠡ ᠰᠣᠨᠣᠰᠴᠤ᠂ ᠪᠠᠷᠲᠠᠢ ᠰᠡᠴᠡᠨ ᠴᠣᠴᠢᠨ ᠡᠷᠭᠢᠪᠡᠯ ᠴᠡᠭᠡᠵᠢ ᠪᠡᠷ ᠢ᠋ᠶ᠋ᠡᠨ ᠪᠤᠭᠤᠶ᠋ᠢᠯᠢᠲᠠᠭᠤᠯᠤᠭᠰᠠᠨ ᠠᠪᠵᠠᠢ ᠬᠠᠲᠤᠨ ᠡᠮᠡᠭᠡᠯ ᠳᠡᠭᠡᠷᠡ ᠡᠴᠡ ᠪᠡᠨ ᠲᠠᠲᠠᠭᠲᠠᠨ ᠢᠯᠳᠦ ᠪᠡᠨ ᠠᠯᠠᠲᠠᠭᠰᠠᠨ ᠪᠣᠯᠪᠠᠴᠤ ᠥᠨᠲᠡᠶ᠋ᠢᠨ ᠰᠠᠭᠤᠭᠠᠳ ᠴᠢᠪᠴᠢᠷᠠᠭᠰᠠᠨ ᠪᠤᠭᠤᠶ᠋ᠢᠯᠢ ᠪᠠᠨ ᠰᠤᠯᠠᠯᠠᠬᠤ ᠭᠡᠵᠦ ᠤᠷᠤᠯᠲᠤᠵᠤ ᠪᠠᠶ᠋ᠢᠪᠠ᠃
— ᠠᠯᠢ ᠪᠣᠢ ᠳᠠᠶ᠋ᠢᠴᠢᠳ ᠠ᠋᠃ ᠡᠨᠡ ᠬᠥᠮᠦᠨ ᠊ᠢ ᠬᠦᠯᠢᠵᠦ ᠣᠷᠭᠢ ᠭᠡᠵᠦ ᠪᠠᠷᠳᠠᠢ ᠰᠡᠴᠡᠨ ᠲᠤᠰᠢᠶᠠᠬᠤ ᠳ᠋ᠤ᠌ ᠭᠠᠶ᠋ᠢᠬᠠᠯᠴᠠᠨ ᠵᠣᠭᠰᠣᠭᠰᠠᠨ ᠬᠡᠲᠤᠨ ᠮᠡᠷᠭᠢᠳ ᠡᠷᠡ ᠤᠬᠤᠰᠬᠢᠵᠦ᠂ ᠵᠣᠯ ᠦᠭᠡᠢ ᠬᠠᠲᠤᠨ ᠊ᠢ ᠡᠪᠲᠡᠶ᠋ᠢᠬᠡᠨ ᠪᠣᠭᠣᠭᠠᠳ ᠲᠠᠯᠪᠢᠴᠢᠬᠠᠯᠠ᠃
— ᠱᠠᠮᠲᠠᠭᠠᠢ᠂ ᠴᠢ ᠮᠢᠨᠦ ᠠᠮᠢᠨ ᠳ᠋ᠤ᠌ ᠣᠷᠣᠯᠠ᠃ ᠣᠳᠣ ᠪᠢᠳᠡ ᠡᠵᠡᠨ᠂ ᠵᠠᠷᠤᠴᠠ ᠪᠤᠰᠤ ᠪᠣᠯᠪᠠ ᠭᠡᠵᠦ ᠪᠠᠷᠲᠠᠢ ᠬᠡᠯᠡᠭᠡᠳ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠬᠠᠷᠠᠵᠤ᠂《 ᠴᠢ ᠠᠪᠵᠠᠢ ᠬᠠᠲᠤᠨ ᠊ᠢ ᠬᠠᠮᠠᠭᠠᠯᠠᠨ ᠬᠦᠷᠢᠶᠡᠨ ᠳ᠋ᠦ᠍ ᠠᠪᠠᠴᠢ᠃ ᠤᠲᠠᠬᠤ ᠦᠭᠡᠢ ᠦᠦᠷ ᠴᠠᠶ᠋ᠢᠬᠤ ᠨᠢ᠃ ᠡᠨᠳᠡ ᠴᠦ᠍ ᠠᠵᠢᠯ ᠭᠡᠵᠦ ᠣᠨᠲᠣᠷᠤᠨᠠ ᠳᠠ》 ᠭᠡᠵᠡᠢ᠃