ᠰᠢᠯᠦᠭ ᠮᠢᠨᠢ ᠪᠣᠰ - ᠠᠷᠲᠠᠢ Шүлэг минь бос - Артай
252ᠰᠢᠯᠦᠭ ᠮᠢᠨᠢ ᠪᠣᠰ
ᠰᠢᠯᠦᠭ ᠮᠢᠨᠢ ᠪᠣᠰ !
ᠬᠥᠶᠢ ᠂ ᠥᠷᠯᠥᠭᠡ ᠪᠣᠯᠴᠢᠬᠠᠵᠤ ᠰᠢᠦ!
ᠪᠣᠰ! ᠪᠣᠰ!
ᠨᠠᠷᠠ ᠤᠨᠲᠠᠭᠠᠳ ᠪᠣᠰᠴᠢᠬᠠᠯᠠ ᠃
ᠨᠠᠪᠴᠢ ᠤᠨᠲᠠᠭᠠᠳ ᠪᠣᠰᠴᠢᠬᠠᠯᠠ ᠃
ᠨᠠᠭᠠᠳᠤ ᠵᠠᠯᠠ ᠳᠡᠭᠡᠷᠡ ᠬᠣᠨᠣᠭᠰᠠᠨ ᠮᠠᠨᠠᠨ ᠴᠦ᠍
ᠨᠠᠭᠠᠳᠬᠤ ᠪᠠᠷ ᠪᠣᠰᠤᠭᠠᠳ ᠶᠠᠪᠤᠴᠢᠬᠠᠯᠠ ᠃
ᠥᠷᠯᠥᠭᠡ ᠪᠣᠯᠴᠢᠬᠠᠵᠠᠢ᠃
ᠥᠷᠭᠡᠨ ᠲᠠᠯᠠ ᠪᠣᠰᠴᠢᠬᠠᠵᠠᠢ ᠃
ᠥᠷᠭᠥᠭᠡ ᠴᠠᠭᠠᠨ ᠭᠡᠷ ᠦ᠋ᠨ ᠮᠢᠨᠢ
ᠥᠩᠭᠡ ᠨᠢ ᠴᠡᠩᠬᠡᠷ ᠤᠲᠤᠭᠠ ᠴᠤ᠌
ᠥᠭᠡᠳᠡ ᠪᠡᠨ ᠪᠣᠰᠤᠭᠠᠨ ᠶᠠᠪᠤᠵᠤ ᠪᠠᠢᠨᠠ ᠃
ᠡᠮᠦᠨᠡ ᠠᠢᠯ ᠤ᠋ᠨ ᠳᠠᠯᠠᠨ ᠨᠠᠰᠤ ᠲᠠᠢ
ᠡᠪᠦᠭᠡᠨ ᠲᠠᠮᠪᠠ ᠴᠤ᠌ ᠪᠣᠰᠴᠢᠭᠠᠳ
ᠥᠷᠥᠭᠡᠯ ᠲᠡᠢ ᠮᠣᠷᠢᠨ ᠳ᠋ᠠᠭᠠᠨ ᠶᠠᠪᠤᠵᠤ ᠪᠠᠢᠨᠠ ᠃
ᠰᠦ ᠪᠣᠰᠤᠭᠠᠳ ᠰᠠᠭᠤᠯᠠᠭᠠ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠨᠠ ᠃
ᠰᠦᠷᠦᠭ ᠪᠣᠰᠤᠭᠠᠳ ᠪᠡᠯᠴᠢᠭᠡᠷ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠨᠠ ᠃
ᠰᠢᠭᠦᠳᠡᠷᠢ ᠪᠣᠰᠤᠭᠠᠳ ᠨᠠᠷᠠ ᠥᠭᠡᠳᠡ ᠶᠠᠪᠤᠵᠤ ᠪᠠᠢᠨᠠ ᠃
ᠰᠡᠳᠬᠢᠯ ᠪᠣᠰᠤᠭᠠᠳ ᠠᠵᠢᠯ ᠥᠭᠡᠳᠡ ᠶᠠᠪᠤᠵᠤ ᠪᠠᠢᠨᠠ ᠃
ᠰᠢᠯᠦᠭ ᠮᠢᠨᠢ ᠴᠢ ᠪᠣᠰ ᠂ ᠪᠣᠰ !
ᠦᠭᠡᠢ ᠶᠡᠷᠦᠨᠢ ᠱᠠᠯᠠᠪᠬᠠᠨ ᠪᠣᠰ ᠭᠡᠮ ᠂
ᠥᠷᠯᠥᠭᠡ ᠪᠣᠯᠴᠢᠬᠠᠵᠤ ᠰᠢᠦ ᠪᠣᠰ !