5-5ᠲᠤᠪᠲᠠᠨᠨᠢᠮᠠ ᠶ᠋ᠢᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠪᠣᠳᠣ ᠡᠪᠡᠳᠴᠢᠨ
303ᠲᠠᠪᠤ᠂ ᠪᠣᠳᠣ ᠡᠪᠡᠳᠴᠢᠨ
ᠨᠢᠶᠠᠨ ᠬᠠᠯᠠᠭᠤᠨ᠂ ᠬᠢᠵᠢᠭ ᠡᠪᠡᠳᠴᠢᠨ ᠶᠡᠷᠦ ᠬᠢᠭᠡᠳ ᠢᠯᠠᠩᠭᠤᠶᠠ ᠪᠣᠳᠣ ᠬᠢᠵᠢᠭ ᠪᠣᠯ ᠮᠠᠰᠢ ᠡᠲᠡᠭᠡᠳ ᠲᠤᠯᠠ ᠬᠠᠷᠠ ᠨᠢ ᠬᠠᠯᠳᠠᠪᠤᠷᠢᠯᠠᠬᠤ ᠲᠦᠷᠭᠡᠨ᠂ ᠴᠠᠭᠠᠨ ᠨᠢ ᠬᠠᠯᠳᠠᠪᠤᠷᠢᠯᠠᠬᠤ ᠤᠳᠠᠭᠠᠨ᠂ ᠬᠠᠷᠠ ᠪᠣᠳᠣ ᠶ᠋ᠢᠨ ᠵᠦᠢᠯ ᠠᠯᠢᠨ ᠪᠣᠯᠪᠠᠴᠤ ᠬᠢᠯᠪᠠᠷᠬᠠᠨ ᠬᠠᠯᠳᠠᠪᠤᠷᠢᠯᠠᠵᠤ ᠂ ᠡᠳᠡᠭᠡᠬᠦᠶᠡ ᠪᠡᠷᠬᠡ᠂ ᠦᠬᠦᠬᠦ ᠨᠢ ᠣᠯᠠᠨ᠂ ᠲᠡᠶ᠋ᠢᠮᠦ ᠡᠴᠡ ᠰᠡᠷᠭᠡᠶ᠋ᠢᠯᠡᠬᠦ ᠪᠠ ᠠᠨᠠᠭᠠᠬᠤ ᠶ᠋ᠢᠨ ᠠᠷᠭᠠ ᠳ᠋ᠤᠷ ᠰᠢᠮᠳᠠᠭᠲᠤᠨ᠃
ᠰᠠᠬᠢᠬᠤ ᠠᠷᠭᠠ ᠨᠢ᠄ ᠮᠦᠽᠢ ᠂ ᠵᠢᠭᠠᠷ᠂ ᠰᠢᠩᠭᠦᠨ᠂ ᠵᠤᠭᠠᠩ ᠂ ᠴᠠᠭᠠᠨ ᠽᠠᠨᠳᠠᠨ᠂ ᠢᠮᠠᠭᠠᠨ ᠥᠭᠡᠬᠦ᠂ ᠴᠢᠰᠤ᠂ ᠶᠦᠩᠭᠠᠷ ( ᠴᠠᠭᠠᠨ ᠺᠠᠴᠢ )᠂ ᠶᠸᠷᠮᠠ᠂ ᠴᠠᠭᠠᠨ ᠰᠠᠷᠢᠮᠰᠠᠭ᠂ ᠰᠡᠯᠲᠡ ᠶ᠋ᠢ ᠪᠣᠭᠣᠳᠠᠭ ᠬᠢᠵᠦ ᠵᠡᠭᠦᠪᠡᠰᠦ ᠪᠣᠳᠣ ᠬᠢᠵᠢᠭ ᠪᠦᠬᠦᠨ ᠊ᠢ ᠰᠡᠷᠭᠡᠶ᠋ᠢᠯᠡᠵᠦ ᠴᠢᠳᠠᠬᠤ ᠶᠤᠮ᠃ ᠡᠪᠡᠳᠴᠢᠨ ᠲᠡᠭᠦᠨ ᠦ᠌ ᠢᠯᠭᠠᠯ ᠊ᠢ ᠣᠯᠠᠨᠲᠠ ᠠᠶ᠋ᠢᠯᠠᠲᠤᠬᠰᠠᠨ ᠪᠣᠯᠪᠠᠴᠤ ᠬᠤᠷᠢᠶᠠᠪᠠᠰᠤ ᠴᠠᠭᠠᠨ ᠬᠠᠷᠠ ᠬᠣᠶᠠᠷ ᠲᠤ᠌ ᠬᠤᠷᠢᠶᠠᠭᠳᠠᠮᠤᠢ ᠃ ᠴᠠᠭᠠᠨ ᠨᠢ ᠪᠡᠶᠡ ᠳ᠋ᠦ᠍ ᠭᠠᠷᠴᠤ ᠳᠠᠭᠤᠰᠪᠠᠰᠤ ᠳᠠᠬᠢᠨ ᠦᠯᠦ ᠭᠠᠷᠤᠮᠤᠢ᠃ ᠬᠠᠷᠠ ᠳ᠋ᠤᠨᠢ ᠦᠬᠡᠷ ᠦ᠋ᠨ ᠰᠢᠯᠢ ᠮᠡᠲᠦ ᠬᠠᠪᠤᠳᠬᠤ᠂ ᠬᠠᠴᠢᠭ ( ᠱᠠᠯᠵᠠ ) ᠨᠠᠭᠠᠯᠳᠤᠭᠰᠠᠨ ᠮᠡᠲᠦ᠂ ᠵᠡᠰ ᠬᠠᠳᠠᠭᠠᠰᠤ ᠶ᠋ᠢᠨ ᠭᠤᠤᠷᠰᠤ ᠮᠡᠲᠦ᠂ ᠪᠡᠶᠡ ᠬᠠᠪᠤᠳᠬᠤ ᠂ ᠤᠯᠠᠭᠠᠨ ᠰᠤᠳᠠᠰᠤᠲᠤ ᠬᠠᠪᠲᠠᠭᠠᠢ ᠬᠠᠷᠠ ᠨᠠᠭᠠᠯᠲᠤᠩᠭᠤᠢ ᠪᠣᠳᠣ ᠂ ᠵᠠᠯᠢᠲᠤ ᠬᠠᠷᠠ ᠪᠣᠳᠣ ᠲᠡᠷᠢᠭᠦᠲᠡᠨ ᠣᠯᠠᠨ ᠨᠣᠮᠯᠠᠪᠠᠢ᠃ ᠡᠳᠡᠭᠡᠷ ᠦ᠋ᠨ ᠲᠣᠰᠪᠣᠷᠢ ᠳ᠋ᠤ᠌ ᠴᠤ᠌ ᠬᠦᠴᠦᠨ ᠶᠡᠬᠡ᠂ ᠬᠦᠴᠦᠨ ᠪᠠᠭᠠ ᠭᠡᠵᠦ ᠬᠣᠶᠠᠷ ᠪᠠᠶ᠋ᠢᠬᠤ ᠭᠡᠮᠡᠨ ᠮᠡᠷᠭᠡᠳ ᠨᠣᠮᠯᠠᠭᠰᠠᠨ ᠪᠢᠯᠡ᠃
ᠲᠡᠭᠦᠨ ᠦ᠌ ᠰᠢᠨᠵᠢ ᠳ᠋ᠦ᠍ ᠶᠡᠷᠦ ᠬᠢᠭᠡᠳ ᠢᠯᠭᠠᠪᠤᠷᠢᠲᠠᠢ ᠭᠡᠵᠦ ᠬᠣᠶᠠᠷ ᠪᠣᠢ ᠃
ᠶᠡᠷᠦ ᠶ᠋ᠢᠨ ᠰᠢᠨᠵᠢ ᠨᠢ᠄ ᠲᠣᠯᠣᠭᠠᠢ ᠡᠪᠡᠳᠬᠦ ᠪᠠ ᠡᠷᠭᠢᠬᠦ᠂ ᠬᠣᠭᠣᠰᠣᠨ ᠢ᠋ᠶ᠋ᠠᠷ ᠣᠭᠰᠢᠬᠤ᠂ ᠵᠢᠬᠡᠭᠦᠴᠡᠬᠦ᠂ ᠰᠢᠳᠦ ᠪᠡᠨ ᠬᠠᠪᠢᠷᠬᠤ᠂ ᠵᠢᠷᠦᠬᠡ ᠳᠣᠯᠭᠢᠰᠴᠤ ᠳᠠᠭᠠᠷᠠᠳᠠᠰᠤ ᠬᠥᠷᠥᠮᠦᠢ ᠃ ᠨᠢᠳᠦ ᠪᠦᠷᠬᠦᠯᠵᠡᠨ ᠤᠯᠠᠶ᠋ᠢᠬᠤ ᠪᠤᠶᠤ ᠨᠢᠯᠪᠤᠰᠤ ᠴᠠᠶ᠋ᠢᠯᠠᠬᠤ᠂ ᠰᠢᠷᠠ ᠪᠠᠷ ᠪᠥᠭᠡᠯᠵᠢᠬᠦ᠂ ᠭᠤᠶᠠ ᠪᠡᠯᠬᠡᠭᠦᠰᠦ ᠬᠢᠭᠡᠳ ᠶᠠᠰᠤ ᠦᠯᠡᠮᠵᠢ ᠡᠪᠡᠳᠬᠦ᠂ ᠲᠠᠪᠤ᠂ ᠭᠤᠷᠪᠠᠨ ᠡᠳᠦᠷ ᠲᠦ᠍ ᠪᠦᠯᠢᠶᠡᠨ ᠭᠠᠵᠠᠷ ᠤ᠋ᠨ ᠪᠣᠳᠣ ( ᠴᠡᠴᠡᠭ) ᠨᠢ ᠨᠡᠪᠴᠢᠷᠡᠨᠡ᠃ ᠲᠡᠷᠡ ᠴᠠᠭ ᠊ᠢ ᠳᠣᠲᠣᠷ ᠤ᠋ᠨ ᠬᠠᠯᠠᠭᠤᠨ ᠬᠡᠮᠡᠬᠦ ᠪᠣᠯᠠᠢ ᠃ ᠡᠳᠡᠭᠡᠷ ᠪᠦᠬᠦᠨ ᠪᠣᠳᠣ ᠡᠪᠡᠳᠴᠢᠨ ᠦ᠌ ᠶᠡᠷᠦ ᠶ᠋ᠢᠨ ᠪᠡᠯᠭᠡ ᠴᠢᠨᠠᠷ ᠮᠥᠨ ᠃ ᠢᠯᠠᠩᠭᠤᠶᠠ ᠪᠣᠳᠣ ᠬᠢᠵᠢᠭ ᠪᠣᠯ ᠲᠣᠯᠣᠭᠠᠢ᠂ ᠪᠡᠶᠡ ᠪᠦᠬᠦᠨ ᠡᠪᠡᠳᠴᠦ ᠂ ᠤᠷᠢᠳ ᠢ᠋ᠶ᠋ᠠᠷ ᠰᠤᠭᠤ᠂ ᠴᠠᠪᠢᠨ ᠤ᠋ ᠬᠣᠩᠬᠣᠷ ᠦ᠋ᠳ ᠲᠦ᠍ ᠨᠡᠪᠴᠢᠷᠡᠬᠦ᠂ ᠡᠨᠡ ᠡᠪᠡᠳᠴᠢᠨ ᠳᠣᠲᠣᠭᠰᠢᠯᠠᠪᠠᠰᠤ ᠮᠢᠬᠠ ᠰᠤᠳᠠᠰᠤ ᠵᠤᠵᠠᠭᠠᠷᠠᠵᠤ ᠨᠢᠳᠦᠨ ᠦ᠌ ᠥᠩᠭᠡ ᠴᠢᠰᠤ ᠠᠳᠠᠯᠢ ᠪᠣᠯᠤᠨᠠ᠂ ᠰᠠᠷᠨᠢᠬᠤ ᠶ᠋ᠢᠨ ᠵᠦᠢᠯ ᠪᠣᠯ ᠥᠴᠦᠬᠡᠨ ᠲᠦᠭᠡᠬᠦ ᠶᠦ᠍ᠮ ᠃ ᠡᠷᠬᠡᠲᠡᠨ ᠲᠣᠳᠣᠷᠬᠠᠢ ᠦᠭᠡᠢ᠂ ᠠᠮᠠ ᠬᠠᠲᠠᠵᠤ ᠰᠢᠳᠦ ᠰᠢᠷᠠᠯᠠᠬᠤ ᠪᠣᠯᠠᠢ᠃ ᠢᠯᠭᠠᠵᠤ ᠰᠢᠨᠵᠢᠯᠡᠪᠡᠰᠦ ᠳᠣᠣᠷᠠᠬᠢ ᠮᠡᠲᠦ᠄
( ᠨᠢᠭᠡ ) ᠪᠣᠳᠣ ᠡᠪᠡᠳᠴᠢᠨ ᠦᠬᠡᠷ ᠦ᠋ᠨ ᠰᠢᠯᠢ ᠮᠡᠲᠦ ᠬᠠᠪᠤᠳᠬᠤ
ᠠᠩᠬᠠ ᠰᠠᠷᠨᠢᠬᠤ ᠳ᠋ᠠᠭᠠᠨ ᠬᠠᠪᠲᠠᠭᠠᠢ ᠬᠠᠪᠲᠠᠭᠠᠢ ᠨᠠᠪᠴᠢ ᠰᠢᠭ᠋ ᠵᠠᠯᠭᠠᠯᠳᠤᠵᠤ ᠪᠠᠶ᠋ᠢᠬᠤ ᠂ ᠭᠠᠳᠠᠭᠰᠢ ᠦᠯᠦ ᠭᠠᠷᠪᠠᠰᠤ ᠶᠡᠬᠡ ᠡᠪᠡᠷᠰᠢᠶᠡᠯᠡᠵᠦ ᠂ ᠬᠠᠮᠤᠭ ᠪᠡᠶᠡ ᠨᠢ ᠬᠠᠪᠤᠳᠬᠤ ᠂ ᠬᠠᠷᠠ ᠰᠢᠷᠠ ᠤᠰᠤᠨ ᠤ᠋ ᠭᠡᠮ ᠪᠦᠬᠦᠨ ᠬᠤᠷᠠᠭᠰᠠᠨ ᠠ᠋ᠴᠠ ᠡᠭᠦᠰᠦᠨᠡ᠃
ᠬᠦᠴᠦᠨ ᠶᠡᠬᠡ ᠨᠢ᠄ ᠡᠪᠡᠷᠰᠢᠶᠡᠯ ᠶᠡᠬᠡ ᠪᠥᠭᠡᠳ ᠬᠣᠭᠣᠯᠠᠢ ᠬᠠᠭᠠᠭᠳᠠᠬᠤ ᠂ ᠭᠠᠳᠠᠷ ᠳᠣᠲᠣᠷ ᠦᠭᠡᠢ ᠪᠡᠶᠡ ᠪᠦᠬᠦᠨ ᠬᠠᠪᠤᠳᠬᠤ ᠪᠥᠭᠡᠳ ᠳᠣᠲᠣᠷᠠ ᠠ᠋ᠴᠠ ᠴᠡᠴᠡᠷᠡᠬᠦ ᠪᠠ ᠶᠡᠬᠡ ᠲᠠᠭᠠᠷᠠᠬᠤ ᠪᠣᠯᠤᠨᠠ᠃
ᠬᠦᠴᠦᠨ ᠪᠠᠭᠠ ᠨᠢ᠄ ᠡᠪᠡᠷᠰᠢᠶᠡᠯ ᠪᠣᠯᠤᠨ ᠪᠡᠶᠡ ᠬᠠᠪᠤᠤᠠᠬᠤ ᠨᠢ ᠪᠠᠭᠠ᠂ ᠬᠣᠭᠣᠯᠠᠢ ᠶ᠋ᠢᠨ ᠣᠶ᠋ᠢᠷᠠᠯᠴᠠᠭᠠ ᠭᠦᠪᠲᠦᠷᠦᠦ ᠭᠠᠷᠬᠤ᠂ ᠡᠨᠡ ᠪᠣᠯ ᠨᠢᠶᠠᠨ ᠬᠢᠭᠡᠳ ᠬᠠᠯᠠᠭᠤᠨ ᠪ ᠬᠦᠴᠦᠨ ᠪᠠᠭᠠ᠃
( ᠬᠣᠶᠠᠷ) ᠴᠢᠰᠤ ᠨᠢ ᠬᠠᠲᠠᠭᠰᠠᠨ ᠬᠠᠴᠢᠭ( ᠱᠠᠯᠵᠠ) ᠨᠠᠭᠠᠯᠲᠤᠬᠰᠠᠨ ᠮᠡᠲᠦ
ᠤᠯᠠᠭᠠᠨ ᠪᠥᠭᠡᠳ ᠵᠤᠵᠠᠭᠠᠨ᠂ ᠡᠨᠡ ᠪᠣᠯ ᠴᠢᠰᠤᠨ ᠠ᠋ᠴᠠ ᠪᠣᠯᠤᠭᠰᠠᠨ ᠡᠪᠡᠤᠠᠴᠢᠨ ᠪ ᠵᠦᠢᠯ ᠮᠥᠨ᠃
ᠬᠦᠴᠦᠨ ᠶᠡᠬᠡ ᠨᠢ᠄ ᠪᠡᠶᠡ ᠬᠥᠰᠢᠵᠦ ᠬᠥᠯᠥᠷᠡᠬᠦ ᠰᠢᠭ ᠪᠣᠯᠬᠤ᠂ ᠪᠡᠶᠡ ᠴᠡᠴᠡᠷᠡᠨ᠂ ᠡᠪᠡᠷᠰᠢᠶᠡᠯ ᠬᠠᠤᠠᠬᠤᠯᠠᠭᠠ ᠨᠢ ᠮᠠᠰᠢ ᠶᠡᠬᠡ᠂ ᠤᠯᠠᠭᠠᠨ ᠭᠦᠪᠲᠦᠷᠦᠦ ᠳᠣᠪᠣᠶ᠋ᠢᠵᠤ ᠭᠠᠷᠬᠤ᠂ ᠠᠮᠠ ᠬᠠᠮᠠᠷ ᠠ᠋ᠴᠠ ᠴᠢᠰᠤ ᠴᠤᠪᠤᠷᠠᠨ᠂ ᠴᠢᠬᠢᠨ ᠪ ᠰᠣᠨᠣᠷ ᠳᠣᠷᠣᠶ᠋ᠢᠲᠠᠬᠤ᠂ ᠡᠬᠡᠨᠡᠷ ᠬᠥᠮᠦᠨ ᠪᠣᠯᠪᠠᠰᠤ ᠰᠤᠲᠠᠯ ᠤ᠋ᠨ ᠠᠮᠠ ᠨᠡᠭᠡᠭᠡᠭᠳᠡᠪᠡᠯ ᠤᠮᠠᠢ ᠠ᠋ᠴᠠ ᠴᠢᠰᠤ ᠴᠤᠪᠤᠷᠠᠵᠤ᠂ ᠪᠡᠶᠡ ᠬᠦᠨᠲᠦᠷᠡᠨ᠂ ᠳᠡᠮᠡᠢ ᠪᠠᠯᠠᠢ ᠣᠯᠠᠨ ᠵᠡᠭᠦᠲᠦᠯᠡᠬᠦ᠂ ᠲᠣᠯᠣᠭᠠᠢ ᠡᠪᠡᠤᠠᠬᠦ᠂ ᠠᠮᠠ ᠭᠠᠰᠢᠭᠤᠷᠠᠨ ᠪᠥᠭᠡᠯᠵᠢᠰᠦ ᠬᠦᠷᠬᠦ᠃
ᠬᠦᠴᠦᠨ ᠪᠠᠭᠠ ᠨᠢ᠄ ᠪᠣᠷᠣ ᠭᠦᠪᠲᠦᠷᠦᠦ ᠲᠠᠷᠬᠠᠭᠰᠠᠨ ᠲᠡᠲᠦᠢ ᠭᠠᠷᠤᠨᠠ᠃
(ᠭᠤᠷᠪᠠ) ᠭᠤᠤᠷᠰᠤᠲᠤ ᠵᠡᠰ ᠬᠠᠲᠠᠭᠠᠰᠤ ᠮᠡᠲᠦ
ᠬᠦᠴᠦᠨ ᠶᠡᠬᠡ ᠨᠢ᠄ ᠲᠣᠯᠣᠭᠠᠢ ᠡᠪᠡᠤᠠᠬᠦ᠂ ᠪᠡᠶᠡ ᠨᠢ ᠳᠣᠲᠣᠷᠠ ᠠ᠋ᠴᠠ ᠴᠡᠴᠡᠷᠡᠨᠡ᠃ ᠭᠦᠪᠲᠦᠷᠦᠦ ᠨᠢ ᠬᠠᠷᠠᠪᠲᠤᠷ ᠪᠥᠭᠡᠳ ᠬᠠᠪᠲᠠᠭᠠᠢ᠂ ᠲᠦᠭᠡᠬᠦ ᠨᠢ ᠪᠠᠶᠠᠨ ᠳ᠋ᠤᠷ ᠵᠠᠢ ᠦᠭᠡᠢ ᠭᠠᠷᠬᠤ ᠲᠤᠯᠠ ᠮᠠᠰᠢᠳᠠ ᠠᠶᠤᠯᠲᠠᠢ᠃
ᠬᠦᠴᠦᠨ ᠪᠠᠭᠠ ᠨᠢ᠄ ᠪᠡᠶᠡ ᠬᠦᠨᠲᠦᠷᠡᠵᠦ᠂ ᠦᠨᠦᠷ ᠦᠮᠡᠬᠡᠢ᠂ ᠠᠮᠠ ᠬᠡᠯᠡ ᠰᠢᠷᠦᠭᠦᠨ᠂ ᠭᠦᠪᠲᠦᠷᠦᠦ ᠶ᠋ᠢᠨ ᠬᠡᠰᠡᠭ ᠨᠢ ᠥᠴᠦᠬᠡᠨ ᠪᠥᠭᠡᠳ ᠰᠤᠲᠠᠯ ᠨᠢ ᠨᠠᠷᠢᠨ᠂ ᠪᠡᠶᠡ ᠶ᠋ᠢᠨ ᠶᠡᠬᠡᠩᠬᠢ ᠬᠡᠰᠡᠭ ᠲᠦ᠍ ᠲᠠᠷᠬᠠᠬᠤ ᠲᠡᠲᠦᠢ ᠭᠠᠷᠬᠤ᠂ ᠪᠡᠶᠡ ᠬᠠᠪᠤᠤᠠᠴᠤ ᠡᠮ ᠢ᠋ᠶ᠋ᠡᠷ ᠡᠰᠡ ᠭᠠᠲᠠᠬᠰᠢᠯᠠᠪᠠᠰᠤ ᠳᠣᠯᠣᠭᠠ ᠬᠣᠨᠣᠭ ᠲᠤ᠌ ᠦᠬᠦᠨᠡ᠃
( ᠳᠥᠷᠪᠡ) ᠭᠤᠷᠮᠤᠰᠤᠨ ᠬᠠᠷᠠ ᠪᠣᠳᠣ ᠬᠢᠵᠢᠭ
ᠪᠣᠳᠣ ᠭᠠᠲᠠᠬᠰᠢᠯᠠᠬᠤ ᠦᠭᠡᠢ ᠪᠡᠶᠡ ᠬᠠᠪᠤᠤᠠᠴᠤ᠂ ᠡᠪᠡᠷᠰᠢᠶᠡᠯᠡᠨ ᠬᠠᠤᠠᠬᠤᠯᠠᠬᠤ ᠨᠢ ᠶᠡᠬᠡ᠂ ᠲᠣᠯᠣᠭᠠᠢ ᠡᠪᠡᠤᠠᠴᠦ᠂ ᠮᠡᠲᠡᠷᠡᠯ ᠪᠠᠯᠠᠷᠠᠨ᠂ ᠲᠠᠮᠢᠷ ᠪᠠᠷᠠᠬᠲᠠᠬᠤ᠂ ᠥᠤᠠᠬᠡᠨ ᠬᠠᠲᠠᠬᠤ᠂ ᠡᠰᠡᠪᠡᠰᠦ ᠰᠠᠭᠤᠯᠭᠠᠬᠤ᠂ ᠪᠡᠶᠡ ᠶᠡᠬᠡ ᠬᠠᠯᠠᠭᠤᠷᠠᠬᠤ᠂ ᠬᠥᠯᠥᠰᠥ᠂ ᠨᠣᠶ᠋ᠢᠷ ᠨᠢ ᠲᠠᠭᠰᠢ ᠦᠭᠡᠢ ᠪᠥᠭᠡᠳ ᠬᠢᠵᠢᠭ ᠡᠪᠡᠤᠠᠴᠢᠨ ᠪ ᠰᠢᠨᠵᠢ ᠪᠦᠬᠦᠨ ᠡᠭᠦᠨ ᠳ᠋ᠦ᠍ ᠭᠠᠷᠬᠤ ᠲᠤᠯᠠ ᠠᠨᠠᠭᠠᠬᠤ ᠶ᠋ᠢᠨ ᠴᠢᠯᠥᠭᠡ ᠰᠤᠯᠠᠤᠠᠬᠠᠬᠤ ᠶ᠋ᠢᠨ ᠵᠠᠪ ᠦᠯᠦ ᠭᠠᠷᠭᠠᠨ ᠠᠮᠢᠨ ᠯᠤᠭᠠ ᠬᠠᠷᠰᠢᠯᠠᠮᠤᠢ᠃
ᠬᠦᠴᠦᠨ ᠪᠠᠭᠠ ᠨᠢ᠄ ᠪᠣᠯᠪᠠᠰᠤᠷᠠᠬᠤ ᠶ᠋ᠢᠨ ᠤᠷᠢᠳ ᠰᠢᠨᠵᠢ ᠪᠦᠬᠦᠨ ᠲᠣᠲᠣᠷᠬᠠᠢ᠂ ᠰᠡᠭᠦᠯ ᠳ᠋ᠡᠭᠡᠨ ᠭᠦᠪᠳᠦᠷᠦᠦ ᠪᠣᠯᠬᠤ ᠲᠤᠯᠠ ᠠᠨᠠᠭᠠᠬᠤ ᠶ᠋ᠢ ᠭᠢᠴᠢᠶᠡᠭᠲᠦᠨ᠃ ᠤᠯᠠᠭᠠᠨ ᠱᠤᠭᠤᠮ ᠠᠨᠤ ᠭᠦᠪᠳᠦᠷᠦᠦ ᠦᠯᠦ ᠭᠠᠷᠪᠠᠰᠤ ᠲᠠᠪᠤ ᠬᠣᠨᠣᠭ ᠲᠤ᠌ ᠦᠬᠦᠨᠡ᠃ ᠡᠨᠡ ᠪᠣᠯ ᠪᠠᠳᠬᠠᠨ ᠴᠢᠰᠤᠨ ᠠ᠋ᠴᠠ ᠪᠣᠯᠤᠭᠰᠠᠨ ᠶᠤᠮ᠃
( ᠲᠠᠪᠤ) ᠶᠡᠬᠡ ᠬᠦᠴᠦᠲᠦ ᠪᠣᠳᠣ ᠤᠯᠠᠭᠠᠨ ᠳᠠᠪᠬᠤᠷᠯᠢᠭ
ᠪᠦᠬᠦ ᠪᠡᠶᠡ ᠳ᠋ᠦ᠍ᠨᠢ ᠴᠢᠰᠤ ᠪᠠᠷ ᠰᠦᠷᠴᠢᠭᠰᠡᠨ ᠠᠲᠠᠯᠢ᠂ ᠠᠮᠠ ᠬᠠᠮᠠᠷ ᠠ᠋ᠴᠠ ᠴᠢᠰᠤ ᠴᠤᠪᠤᠷᠠᠬᠤ᠂ ᠠᠮᠢᠰᠬᠤᠯ ᠴᠢᠬᠤᠯᠲᠠᠨ᠂ ᠡᠷᠬᠡᠲᠡᠨ ᠪᠠᠯᠠᠷᠠᠬᠤ᠂ ᠭᠦᠪᠳᠦᠷᠦᠦ ᠦᠯᠦ ᠭᠠᠷᠪᠠᠰᠤ ᠡᠷᠯᠢᠭ ᠦ᠋ᠨ ᠣᠷᠣᠨ ᠳ᠋ᠤ᠌ ᠣᠲᠤᠮᠤᠢ᠃
ᠬᠦᠴᠦᠨ ᠪᠠᠭᠠ ᠳᠠᠪᠬᠤᠷᠯᠢᠭ ᠨᠢ᠄ ᠭᠦᠪᠳᠦᠷᠦᠦ ᠪᠣᠯᠵᠤ ᠭᠠᠷᠬᠤ ᠲᠤᠯᠠ ᠡᠭᠦᠨ ᠊ᠢ ᠵᠠᠰᠠᠬᠤ ᠠᠷᠭᠠ ᠶ᠋ᠢ ᠭᠦᠨ ᠡᠴᠡ ᠭᠦᠨ ᠮᠠᠰᠢᠳᠠ ᠡᠷᠬᠢᠮᠯᠡ᠃
( ᠵᠢᠷᠭᠤᠭᠠ) ᠬᠠᠪᠲᠠᠭᠠᠢ ᠬᠠᠷᠠ ᠪᠣᠳᠣ
ᠢᠲᠡᠭᠡ ᠦᠭᠡᠷᠢ ᠦᠯᠦ ᠲᠠᠲᠠᠪᠠᠰᠤ ᠶᠢᠰᠦ ᠬᠣᠨᠣᠭ ᠲᠤ᠌ ᠦᠬᠦᠨᠡ᠃ ᠡᠨᠡ ᠪᠣᠯ ᠬᠡᠢ᠂ ᠰᠢᠷᠠ ᠠ᠋ᠴᠠ ᠪᠣᠯᠤᠭᠰᠠᠨ ᠶᠤᠮ᠃
ᠬᠦᠴᠦᠨ ᠶᠡᠬᠡ ᠨᠢ᠄ ᠬᠠᠷᠠ ᠪᠣᠳᠣ ᠶ᠋ᠢᠨ ᠬᠠᠪᠲᠠᠭᠠᠢ ᠳᠡᠯᠭᠡᠷᠡᠬᠦᠶᠡ ᠥᠭᠡᠷᠢ ᠡᠰᠡ ᠪᠣᠯᠵᠤ᠂ ᠳᠡᠮᠡᠢ ᠪᠠᠯᠠᠢ ᠴᠠᠯᠴᠢᠨ ᠥᠭᠦᠯᠡᠬᠦ᠂ ᠮᠡᠲᠡᠷᠡᠯ ᠠᠯᠲᠠᠵᠤ ᠲᠦᠷᠭᠡᠨ ᠠᠮᠢ ᠶ᠋ᠢ ᠨᠢ ᠠᠯᠲᠠᠭᠤᠯᠤᠮᠤᠢ᠃
ᠬᠦᠴᠦᠨ ᠪᠠᠭᠠ ᠨᠢ᠄ ᠭᠠᠷ ᠬᠥᠯ ᠰᠢᠮᠰᠢᠷᠡᠨ ᠡᠪᠡᠤᠠᠬᠦ᠂ ᠬᠠᠪ ᠬᠠᠷᠠ ᠭᠦᠪᠳᠦᠷᠦᠦ ᠨᠢ ᠪᠥᠭᠡᠮ ᠪᠥᠭᠡᠮ ᠢ᠋ᠶ᠋ᠡᠷ ᠭᠠᠷᠬᠤ᠂ ᠦᠭᠡᠷᠢ ᠲᠠᠲᠠᠪᠠᠰᠤ ᠨᠢᠭᠡ ᠨᠢᠭᠡ ᠪᠡᠷ ᠴᠣᠭᠣᠷᠠᠬᠤ ᠶ᠋ᠢᠨ ᠲᠡᠲᠦᠢ᠃
( ᠳᠣᠯᠣᠭᠠ) ᠵᠠᠯᠢᠲᠤ ᠳᠣᠭᠰᠢᠨ ᠬᠠᠷᠠ ᠪᠣᠳᠣ
ᠡᠭᠦᠨ ᠊ᠢ ᠪᠠᠰᠠ《 ᠬᠥᠮᠦᠨ ᠢᠲᠡᠭᠴᠢ ᠬᠠᠷᠠ 》ᠭᠡᠵᠦ ᠬᠡᠯᠡᠲᠡᠭ᠋᠂ ᠪᠠᠮᠪᠠᠢ ᠪᠤᠶᠤ ᠲᠦᠷᠭᠡᠨ ᠬᠦᠷᠳᠦ ᠠᠲᠠᠯᠢ ᠭᠦᠪᠳᠦᠷᠦᠦ ᠬᠠᠮᠢᠭᠠ ᠭᠠᠷᠬᠤ ᠮᠠᠭᠠᠳ ᠦᠭᠡᠢ᠃ ᠴᠡᠭᠡᠵᠢᠨ ᠳ᠋ᠦ᠍ ᠭᠠᠷᠪᠠᠰᠤ ᠠᠶᠤᠯᠲᠠᠢ᠃ ᠭᠦᠪᠳᠦᠷᠦᠦ ᠶ᠋ᠢᠨ《 ᠰᠡᠭᠦᠯ ᠦ᠋ᠨ ᠴᠢᠮᠡᠭ》 ᠭᠡᠲᠡᠭ᠋ ᠴᠦ᠍ ᠡᠨᠡ ᠮᠥᠨ ᠪᠥᠭᠡᠳ ᠡᠨᠡ ᠨᠢ ᠮᠠᠰᠢᠳᠠ ᠬᠦᠴᠦᠨ ᠶᠡᠬᠡ ᠡᠪᠡᠤᠠᠴᠢᠨ ᠮᠥᠨ ᠪᠣᠯᠠᠢ᠃
ᠬᠦᠴᠦᠨ ᠪᠠᠭᠠ ᠨᠢ᠄ ᠴᠢᠨᠠᠭᠰᠠᠨ ᠪᠤᠷᠴᠠᠭ ᠠᠲᠠᠯᠢ ᠵᠢᠵᠢᠭ ᠣᠯᠠᠨ ᠭᠦᠪᠳᠦᠷᠦᠦ ᠪᠡᠷ ᠲᠣᠭᠣᠷᠢᠨ ᠭᠠᠷᠤᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠦᠯᠵᠡᠢᠪᠠᠭᠠᠳᠤᠷ
ᠬᠢᠨᠠᠭᠰᠠᠨ ᠨᠢ᠄ ᠭᠠᠷᠮᠠ ᠣᠳᠬᠠᠨᠰᠤᠠ