ᠤᠷᠤᠯᠳᠤᠭᠠᠨ - ᠯᠢᠭᠳᠡᠨ Уралдаан - Лигдэн
246ᠤᠷᠤᠯᠳᠤᠭᠠᠨ
ᠤᠷᠲᠤ ᠶ᠋ᠢᠨ ᠤᠷᠤᠯᠳᠤᠭᠠᠨ ᠤ᠋ ᠤᠲᠠᠰᠤᠨ ᠳᠡᠭᠡᠭᠦᠷ ᠲᠦᠷᠭᠡᠨ ᠲᠠᠤᠯᠠᠢ ᠲᠣᠩᠭᠣᠰ ᠲᠣᠩᠭᠣᠰ ᠦᠰᠦᠷᠬᠦ ᠳ᠋ᠦ᠍ ᠦᠬᠡᠷ ᠲᠡᠷᠭᠡ ᠠᠯᠭᠤᠷ ᠨᠡᠭᠦᠨᠡ ᠃
ᠦᠬᠡᠷ ᠨᠢᠭᠡ ᠠᠯᠬᠤᠬᠤ ᠳ᠋ᠤ᠌ ᠲᠠᠤᠯᠠᠢ ᠠᠷᠪᠠ ᠦᠰᠦᠷᠦᠨᠡ ᠃
ᠲᠠᠤᠯᠠᠢ ᠡᠷᠭᠢᠨ ᠡᠷᠭᠢᠨ ᠬᠠᠷᠠᠭᠠᠳ ᠡᠷᠲᠡᠭᠡᠷ ᠰᠡᠭᠦᠯ ᠢ᠋ᠶ᠋ᠡᠨ ᠭᠣᠳᠣᠯᠵᠠᠭᠤᠯᠤᠨᠠ ᠂ ᠡᠮᠵᠡᠭ ᠲᠡᠢ ᠰᠡᠲᠡᠷᠬᠡᠢ ᠤᠷᠤᠭᠤᠯ ᠨᠢ ᠡᠷᠡᠦᠨ ᠳ᠋ᠡᠭᠡᠨ ᠭᠤᠷᠪᠠ ᠬᠤᠪᠢᠶᠠᠭᠳᠠᠭᠠᠳ ᠡᠵᠢ ᠡᠴᠡ ᠪᠡᠨ ᠠᠪᠴᠤ ᠲᠥᠷᠥᠭᠰᠡᠨ ᠲᠠᠪᠤ ᠭᠤᠷᠪᠠᠨ ᠰᠠᠬᠠᠯ ᠨᠢ ᠡᠰᠢ ᠳᠠᠰᠢ ᠰᠡᠷᠪᠡᠯᠵᠡᠨ ᠡᠯᠡᠭᠯᠡᠭᠰᠡᠨ ᠢᠨᠢᠶᠡᠯ ᠢ᠋ᠶ᠋ᠡᠷ ᠱᠥᠷᠪᠥᠯᠵᠡᠨᠡ ᠃
ᠮᠣᠩᠭᠣᠯ ᠲᠡᠷᠭᠡᠨ ᠦ᠌ ᠮᠣᠳᠣᠨ ᠬᠦᠷᠳᠦ ᠨᠠᠭᠠᠨᠠ ᠴᠠᠭᠠᠨᠠ ᠪᠠᠨ ᠡᠷᠭᠢᠨ ᠨᠠᠷᠠ ᠰᠠᠷᠠ ᠰᠢᠭ᠋ ᠤᠳᠠᠭᠠᠨ ᠪᠠᠢᠨᠠ ᠃
ᠵᠢᠭᠳᠡ ᠠᠯᠬᠤᠭᠠ ᠪᠠᠷ ᠵᠠᠮ ᠤ᠋ᠨ ᠬᠦᠵᠦᠭᠦᠦ ᠶ᠋ᠢ ᠡᠯᠡᠭᠡᠵᠦ ᠵᠢᠩᠬᠢᠨᠢ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠵᠠᠪᠠᠯ ᠲᠡᠷᠢᠭᠦᠯᠡᠬᠦ ᠢᠲᠡᠭᠡᠯ ᠲᠡᠢ ᠦᠬᠡᠷ ᠲᠡᠷᠭᠡ ᠃
ᠵᠠᠮ ᠵᠥᠪ ᠭᠤᠢᠪᠢᠬᠤ ᠦᠭᠡᠢ ᠂ ᠵᠣᠷᠢᠭ ᠬᠠᠲᠠᠭᠤ ᠰᠢᠨᠲᠠᠷᠠᠬᠤ ᠦᠭᠡᠢ ᠂ ᠨᠠᠷᠠ ᠰᠢᠩᠭᠡᠲᠡᠯᠡ ᠵᠢᠳᠬᠦᠵᠦ ᠰᠠᠷᠠ ᠭᠠᠷᠲᠠᠯᠠ ᠮᠡᠷᠡᠢᠯᠡ ᠂ ᠣᠭᠲᠠᠷᠭᠤᠢ ᠳ᠋ᠤ᠌ ᠣᠳᠣᠳ ᠲᠦᠭᠡᠯᠡ ᠂ ᠣᠬᠣᠷ ᠰᠡᠭᠦᠯᠳᠡᠳ ᠵᠢᠷᠭᠠᠯᠠ ᠂ ᠦᠬᠡᠷ ᠲᠡᠷᠭᠡ ᠮᠠᠷᠭᠠᠰᠢ ᠳ᠋ᠤ᠌ ᠢᠲᠡᠭᠡᠭᠡᠳ ᠵᠢᠳᠬᠦᠭᠰᠡᠭᠡᠷ ᠁
1983 .9