ᠠᠮᠢᠳᠤᠷᠠᠯ ᠤᠨ ᠠᠰᠠᠷᠠᠭᠴᠢ - ᠯᠢᠭᠳᠡᠨ Амьдралын асрагч - Лигдэн
285ᠠᠮᠢᠳᠤᠷᠠᠯ ᠤᠨ ᠠᠰᠠᠷᠠᠭᠴᠢ
ᠮᠣᠩᠭᠣᠯ ᠬᠡᠦᠬᠡᠨ ᠪᠣᠯ ᠲᠡᠭᠦᠨ ᠦ᠌ ᠨᠢᠭᠡ ᠠᠰᠠᠷᠠᠭᠴᠢ ᠶᠤᠮ ᠃
ᠢᠨᠢᠶᠡᠪᠡᠯ ᠴᠡᠴᠡᠭ ᠃
ᠬᠥᠭᠵᠢᠪᠡᠯ ᠭᠠᠯ ᠃
ᠬᠥᠳᠡᠯᠪᠡᠯ ᠤᠰᠤ ᠃
ᠭᠠᠷᠪᠠᠯ ᠲᠠᠯᠠ ᠶ᠋ᠢᠨ ᠴᠢᠮᠡᠭ ᠃
ᠣᠷᠣᠪᠠᠯ ᠭᠡᠷ ᠦ᠋ᠨ ᠴᠢᠮᠡᠭ ᠃
ᠦᠵᠡᠪᠡᠯ ᠨᠢᠳᠦᠨ ᠦ᠌ ᠴᠢᠮᠡᠭ
ᠰᠣᠨᠣᠰᠪᠠᠯ ᠴᠢᠬᠢᠨ ᠦ᠌ ᠴᠢᠮᠡᠭ ᠃
ᠪᠣᠳᠣᠪᠠᠯ ᠰᠡᠳᠬᠢᠯ ᠦ᠋ᠨ ᠴᠢᠮᠡᠭ ᠃
ᠰᠠᠢᠬᠠᠨ ᠵᠢᠰᠦ ᠨᠢ ᠢᠨᠢᠶᠡᠯ ᠢ᠋ᠶ᠋ᠡᠷ ᠴᠠᠯᠭᠢᠯᠠᠨ ᠂ ᠰᠠᠢᠬᠠᠨ ᠰᠠᠨᠠᠭᠠ ᠨᠢ ᠰᠦ ᠪᠡᠷ ᠴᠠᠯᠭᠢᠯᠠᠨ ᠂ ᠰᠢᠢᠳᠪᠦᠷᠢ ᠵᠣᠷᠢᠭ ᠨᠢ ᠢᠲᠡᠭᠡᠯ ᠢ᠋ᠶ᠋ᠡᠷ ᠴᠠᠯᠭᠢᠯᠠᠨᠠ ᠃
ᠦᠨᠡᠨᠴᠢ ᠰᠢᠳᠤᠷᠭᠤ ᠠᠷᠢᠭᠤᠨ ᠴᠠᠭᠠᠨ ᠥᠳᠥ ᠰᠥᠳᠥ᠃ ᠰᠠᠢᠨ ᠰᠠᠢᠬᠠᠨ ᠢ᠋ᠶ᠋ᠠᠷ ᠤᠭᠠᠯᠵᠠᠯᠠᠨ ᠮᠠᠲᠠᠷᠠᠭᠰᠠᠨ ᠳᠠᠪᠠᠯᠭᠠᠨᠲᠤ ᠠᠮᠢᠳᠤᠷᠠᠯ ᠤ᠋ᠨ ᠳᠤᠮᠳᠠᠭᠤᠷ ᠳᠡᠯᠭᠡᠨ ᠬᠠᠯᠢᠨ ᠨᠢᠰᠦᠨᠡ ᠃ ᠵᠣᠯ ᠵᠢᠷᠭᠠᠯ ᠤ᠋ᠨ ᠪᠣᠯᠣᠷ ᠵᠡᠷᠭᠡᠯᠭᠡᠨ ᠬᠣᠷᠭᠣᠢ ᠰᠣᠯᠣᠩᠭᠠ ᠶ᠋ᠢᠨ ᠳᠤᠮᠳᠠᠭᠤᠷ ᠬᠥᠪᠦᠯᠵᠡᠨ ᠤᠷᠤᠰᠤᠨᠠ ᠃
ᠤᠷᠢ ᠵᠥᠭᠡᠯᠡᠨ ᠡᠷᠬᠢᠮ ᠨᠠᠨᠳᠢᠨ ᠡᠷᠡᠮᠡᠯᠵᠡᠯᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠡᠬᠡ ᠨᠤᠲᠤᠭ ᠢ᠋ᠶ᠋ᠠᠨ ᠡᠮᠵᠢᠶᠡᠷᠢᠯᠡᠨ ᠦᠵᠡᠭᠦᠯᠡᠩ ᠵᠢᠷᠤᠭ ᠬᠠᠳᠬᠤᠮᠠᠯᠯᠠᠨᠠ᠃
ᠦᠬᠦᠭᠰᠡᠨ ᠳᠡᠯᠡᠬᠡᠢ ᠶ᠋ᠢ ᠴᠦ᠍ ᠦᠭᠡ ᠲᠡᠢ ᠪᠣᠯᠭᠠᠵᠤ᠂ ᠢᠴᠡᠭᠡᠯᠡᠭᠰᠡᠨ ᠵᠢᠷᠦᠬᠡ ᠶ᠋ᠢ ᠴᠦ᠍ ᠢᠯᠴᠢ ᠲᠡᠢ ᠪᠣᠯᠭᠠᠵᠤ ᠂ ᠦᠵᠢᠷᠡᠭᠰᠡᠨ ᠮᠣᠳᠣ ᠶ᠋ᠢ ᠴᠦ᠍ ᠵᠢᠮᠢᠰ ᠲᠡᠢ ᠪᠣᠯᠭᠠᠳᠠᠭ ᠠᠪᠤᠷᠭᠤ ᠶᠡᠬᠡ ᠪᠠᠢᠭᠠᠯᠢ ᠨᠡᠢᠭᠡᠮ ᠦ᠋ᠨ ᠬᠦᠴᠦᠨ ᠲᠡᠳᠡᠨ ᠳ᠋ᠦ᠍ ᠪᠣᠢ ᠃ ᠰᠡᠳᠬᠢᠯ ᠦ᠋ᠨ ᠮᠥᠰᠥ ᠶ᠋ᠢ ᠬᠠᠢᠯᠤᠭᠤᠯᠳᠠᠭ ᠬᠠᠪᠤᠷ ᠤ᠋ᠨ ᠨᠠᠷᠠ ᠭᠡᠭᠴᠢ ᠮᠣᠩᠭᠣᠯ ᠬᠡᠦᠬᠡᠨ ᠦ᠌ ᠠᠷᠢᠭᠤᠨ ᠴᠠᠭᠠᠨ ᠰᠡᠳᠬᠢᠯ ᠪᠠᠢᠭᠠ᠃
ᠴᠣᠯᠮᠣᠨ ᠲᠠᠢ ᠴᠣᠭ ᠪᠣᠰᠴᠤ᠂ ᠨᠠᠷᠠ ᠲᠠᠢ ᠵᠡᠷᠭᠡ ᠮᠠᠨᠳᠤᠵᠤ᠂ ᠰᠠᠷᠠ ᠲᠠᠢ ᠬᠠᠮᠲᠤ ᠵᠢᠷᠭᠠᠳᠠᠭ᠃
ᠨᠣᠭᠣᠭᠠᠨ ᠤᠨᠢᠶᠠᠷ ᠤ᠋ᠨ ᠳᠤᠮᠳᠠ ᠨᠠᠢᠭᠤᠰᠬᠢᠨ ᠴᠠᠭᠠᠨ ᠮᠠᠨᠠᠨ ᠤ᠋ ᠳᠤᠮᠳᠠ ᠴᠡᠢᠯᠡᠰᠬᠢᠨ ᠲᠠᠯᠠ ᠶ᠋ᠢᠨ ᠴᠡᠩᠬᠡᠷ ᠬᠡᠪᠢᠰ ᠦ᠋ᠨ ᠳᠡᠭᠡᠭᠦᠷ ᠥᠷᠯᠥᠭᠡ ᠪᠦᠷᠢ ᠶᠢᠷᠲᠢᠨᠴᠦ ᠶ᠋ᠢ ᠤᠶᠠᠩᠭᠠ ᠪᠠᠷ ᠤᠷᠢᠨ ᠰᠦ ᠪᠡᠷ ᠮᠢᠯᠢᠶᠠᠵᠤ ᠠᠮᠢᠳᠤᠷᠠᠯ ᠢ᠋ ᠨᠠᠷᠠᠨ ᠤ᠋ ᠳᠣᠣᠷᠠ ᠵᠣᠯ ᠵᠢᠷᠭᠠᠯ ᠢ᠋ᠶ᠋ᠠᠷ ᠳᠡᠯᠭᠡᠨᠡ᠃
ᠠᠷᠢᠭᠤᠨ ᠴᠠᠭᠠᠨ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠣᠢᠷᠠᠲᠤᠨ ᠶᠠᠪᠤᠨᠠ᠂ ᠣᠬᠣᠷ ᠭᠡᠵᠢᠭᠡ ᠨᠢ ᠰᠠᠵᠢᠯᠠᠰᠬᠢᠨ ᠤᠷᠲᠤ ᠲᠡᠷᠯᠢᠭ ᠨᠢ ᠨᠠᠮᠢᠷᠠᠰᠬᠢᠨ᠂ ᠨᠠᠷᠠ ᠬᠤᠷᠠ ᠬᠥᠳᠡᠯᠮᠦᠷᠢ ᠭᠤᠷᠪᠠ ᠠ᠋ᠴᠠ ᠥᠭᠭᠥᠭᠰᠡᠨ ᠰᠠᠢᠬᠠᠨ ᠮᠣᠩᠭᠣᠯ ᠥᠭᠡᠳᠡ ᠵᠢᠰᠦ ᠨᠢ ᠨᠠᠭᠠᠳᠤ ᠶᠢᠷᠲᠢᠨᠴᠦ ᠶ᠋ᠢ ᠮᠥᠩᠬᠡ ᠭᠡᠢᠭᠦᠯᠦᠨᠡ᠃
ᠡᠨᠡ ᠦᠨᠳᠦᠰᠦ ᠡᠷᠡᠮᠡᠯᠵᠡᠯᠡᠯ ᠦ᠋ᠨ ᠴᠣᠮᠣᠷᠯᠢᠭ ᠃
1983 .12