ᠪᠦᠯᠬᠦᠮᠳᠡᠯ ᠪᠦᠬᠦᠨ ᠡᠴᠡ ᠰᠠᠢᠬᠠᠨ - ᠯᠢᠭᠳᠡᠨ Бүлхэмдэл бүхнээс сайхан - Лигдэн
275ᠪᠦᠯᠬᠦᠮᠳᠡᠯ ᠪᠦᠬᠦᠨ ᠡᠴᠡ ᠰᠠᠢᠬᠠᠨ
ᠰᠠᠷᠠᠭᠤᠯ ᠤ᠋ᠨ ᠰᠤᠷᠪᠤᠯᠵᠢ ᠨᠢ ᠨᠠᠷᠠᠨ ᠳ᠋ᠤ᠌ ᠪᠣᠢ
ᠰᠠᠢᠬᠠᠨ ᠤ᠋ ᠴᠥᠮᠡ ᠨᠢ ᠪᠦᠯᠬᠦᠮᠳᠡᠯ ᠳ᠋ᠦ᠍ ᠪᠣᠢ
ᠪᠦᠯᠬᠦᠮᠳᠡᠯ !
ᠦᠨᠡᠨ ᠶᠣᠰᠣᠨ ᠤ᠋ ᠬᠠᠮᠤᠭ ᠤ᠋ᠨ ᠴᠢᠳᠠᠯ ᠲᠠᠢ ᠮᠡᠷᠭᠡᠨ ᠬᠦᠦ ᠨᠢ ᠃
ᠪᠦᠯᠬᠦᠮᠳᠡᠯ ᠰᠠᠢᠬᠠᠨ ᠃
ᠰᠠᠢᠬᠠᠨ ᠪᠦᠯᠬᠦᠮᠳᠡᠯ ᠰᠠᠢᠬᠠᠨ ᠃
ᠪᠦᠯᠬᠦᠮᠳᠡᠯ ᠪᠣᠯ ᠰᠠᠢᠨ ᠰᠠᠢᠬᠠᠨ ᠤ᠋ ᠲᠡᠷᠭᠡᠯ ᠰᠠᠷᠠ ᠃
ᠲᠥᠭᠥᠷᠢᠭ ᠴᠠᠭᠠᠨ ᠭᠡᠷ ᠲᠡᠭᠡᠨ ᠳᠠᠭᠤ ᠨᠢᠭᠡᠲᠡᠢ ᠬᠦᠦᠷᠨᠢᠨ᠂ ᠲᠤᠯᠭᠠᠨ ᠭᠠᠯ ᠨᠢ ᠲᠣᠭᠣᠨᠣᠨ ᠳ᠋ᠠᠭᠠᠨ ᠲᠤᠯᠲᠠᠯᠠ ᠳᠦᠷᠡᠯᠵᠡᠨ ᠪᠠᠢᠨᠠ ᠂ ᠬᠡᠴᠢᠨᠡᠨ ᠰᠠᠢᠬᠠᠨ ᠡᠯᠢᠭᠡᠰᠡᠭ ᠳᠣᠲᠣᠨᠣ ᠪᠣᠢ –– ᠪᠦᠯᠬᠦᠮᠳᠡᠯ ᠲᠡᠨᠳᠡ ᠪᠣᠢ ᠃
ᠲᠦᠮᠡᠨ ᠴᠠᠭᠠᠨ ᠬᠣᠨᠢᠳ ᠴᠡᠯ ᠨᠣᠭᠣᠭᠠᠨ ᠵᠦᠯᠭᠡᠨ ᠳᠡᠭᠡᠷᠡ ᠢᠳᠡᠰᠢᠯᠡᠨᠡ ᠂ ᠵᠢᠰᠦ ᠨᠢ ᠴᠦ᠍ ᠢᠵᠢᠯ᠂ ᠵᠦᠭᠯᠡᠬᠦ ᠨᠢ ᠴᠦ᠍ ᠢᠵᠢᠯ ᠶᠠᠭᠠᠬᠢᠭᠰᠠᠨ ᠲᠠᠭᠠᠲᠠᠢ ᠲᠣᠭᠲᠠᠭᠤᠨ ᠪᠣᠢ –– ᠪᠦᠯᠬᠦᠮᠳᠡᠯ ᠲᠡᠨᠳᠡ ᠪᠣᠢ ᠃
ᠴᠡᠩᠬᠡᠷ ᠬᠥᠬᠡ ᠲᠡᠭᠷᠢ ᠳ᠋ᠦ᠍ ᠰᠦᠷᠦᠭ ᠲᠠᠭᠲᠠᠭᠠ ᠪᠥᠵᠢᠭᠯᠡᠨ ᠨᠢᠰᠦᠨᠡ ᠂ ᠬᠠᠨᠳᠤᠯᠭᠠ ᠨᠢ ᠴᠦ᠍ ᠠᠳᠠᠯᠢ ᠂ ᠬᠠᠯᠢᠯᠲᠠ ᠨᠢ ᠴᠦ᠍ ᠠᠳᠠᠯᠢ ᠂ ᠶᠠᠭᠤᠲᠠᠢ ᠨᠠᠢᠷᠰᠠᠭ ᠲᠡᠨᠢᠭᠦᠨ ᠪᠣᠢ –– ᠪᠦᠯᠬᠦᠮᠳᠡᠯ ᠲᠡᠨᠳᠡ ᠪᠣᠢ ᠃
ᠬᠠᠷᠠᠩᠭᠤᠢ ᠬᠠᠷᠭᠢᠰ ᠂ ᠬᠠᠷᠰᠢ ᠰᠠᠭᠠᠳ ᠢ᠋ ᠬᠠᠭᠠ ᠨᠢᠷᠭᠡᠭᠴᠢ ᠠᠶᠤᠩᠭᠠ ᠪᠣᠯ ᠪᠦᠯᠬᠦᠮᠳᠡᠯ ᠃ ᠠᠯᠢᠪᠠ ᠶ᠋ᠢ ᠢᠯᠠᠬᠤ ᠴᠣᠷ ᠤ᠋ᠨ ᠭᠠᠭᠴᠠ ᠮᠥᠩᠬᠡ ᠶ᠋ᠢᠨ ᠬᠤᠷᠴᠠ ᠰᠡᠯᠡᠮᠡ ᠪᠣᠯ ᠪᠦᠯᠬᠦᠮᠳᠡᠯ᠃
ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠤ᠋ᠨ ᠪᠠᠶᠠᠷ ᠤ᠋ᠨ ᠨᠠᠷᠠ ᠂ ᠵᠢᠷᠭᠠᠯ ᠤ᠋ᠨ ᠰᠠᠷᠠ ᠂ ᠥᠨᠢᠷ ᠦ᠋ᠨ ᠡᠦᠲᠦ ᠲᠡᠢ ᠪᠣᠯᠭᠠᠨ ᠰᠠᠢᠨ ᠢ᠋ ᠦᠨᠳᠦᠰᠦᠯᠡᠭᠦᠯᠵᠦ ᠰᠠᠢᠬᠠᠨ ᠢ᠋ ᠴᠡᠴᠡᠭᠯᠡᠭᠦᠯᠦᠭᠡᠳ ᠦᠷ ᠴᠠᠢᠯᠭᠠᠳᠠᠭ ᠃
ᠢᠯᠠᠯᠲᠠ ᠭᠡᠳᠡᠭ ᠵᠣᠷᠢᠯᠲᠠ ᠶ᠋ᠢᠨ ᠵᠣᠯ ᠵᠢᠷᠭᠠᠯᠲᠤ ᠵᠢᠮᠢᠰ ᠲᠦ᠍ ᠢᠵᠠᠭᠤᠷ ᠠ᠋ᠴᠠ ᠪᠠᠨ ᠠᠪᠤᠭᠠᠳ ᠬᠥᠮᠦᠰ ᠳᠤᠷᠠ ᠲᠠᠢ ᠪᠣᠯᠬᠣᠷ ᠲᠡᠭᠦᠨ ᠦ᠌ ᠵᠦᠭ ᠰᠠᠷᠪᠠᠢᠵᠤ ᠢᠷᠠᠭᠤ ᠬᠦᠰᠡᠯ ᠦ᠋ᠨ ᠤᠷᠭᠠ ᠪᠠᠨ ᠬᠠᠶᠠᠭᠰᠠᠭᠠᠷ ᠢᠷᠡᠯᠡ ᠃
ᠡᠩᠬᠦᠷᠡᠢ ᠬᠠᠢᠷᠠᠲᠤ ᠡᠬᠡ ᠣᠷᠣᠨ ᠤ᠋ ᠡᠯᠡᠰᠦ ᠮᠠᠩᠬᠠᠨ ᠨᠤᠲᠤᠭ ᠮᠢᠨᠢ ᠦᠢ ᠲᠦᠮᠡᠨ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠪᠦᠪᠡᠢᠯᠡᠨ ᠥᠰᠬᠡᠵᠦ ᠪᠥᠷᠲᠥᠯᠵᠡᠬᠦ ᠠᠯᠤᠰ ᠤ᠋ᠨ ᠪᠠᠷᠠ ᠶ᠋ᠢ ᠲᠠᠨᠢᠭᠤᠯᠤᠭᠠᠳ ᠪᠦᠯᠢ ᠣᠯᠠᠨ ᠲᠠᠢ ᠡᠨᠡ ᠭᠡᠷ ᠢ᠋ ᠪᠦᠷᠢᠯᠳᠦᠭᠦᠯᠦᠨ ᠪᠥᠭᠡᠮᠨᠡᠷᠡᠭᠦᠯᠦᠭᠰᠡᠨ ᠃
ᠪᠦᠲᠦᠬᠦ ᠶ᠋ᠢᠨ ᠬᠦᠴᠦ ᠂ ᠢᠯᠠᠬᠤ ᠶ᠋ᠢᠨ ᠨᠢᠳᠤᠷᠭᠠ ᠂ ᠲᠠᠨᠢᠬᠤ ᠶ᠋ᠢᠨ ᠨᠢᠳᠦ ᠂ ᠵᠣᠭᠰᠣᠬᠤ ᠶ᠋ᠢᠨ ᠨᠢᠷᠤᠭᠤ ᠃ ᠮᠠᠨ ᠤ᠋ ᠪᠦᠯᠬᠦᠮᠳᠡᠯ ᠣᠶᠤᠨ ᠰᠠᠨᠠᠭᠠᠨ ᠤ᠋ ᠭᠡᠷᠡᠯ ᠭᠢᠯᠪᠠᠭᠠ ᠬᠠᠢᠷᠠ ᠪᠠᠷ ᠰᠦᠯᠵᠢᠭᠰᠡᠨ ᠤᠷᠠᠨ ᠲᠣᠣᠷ ᠤᠢᠳᠬᠠᠷ ᠭᠤᠨᠢᠭ ᠮᠠᠨᠠᠨ ᠪᠤᠳᠠᠩ ᠢ᠋ ᠦᠯᠳᠡᠭᠴᠢ ᠬᠠᠪᠤᠷ ᠤ᠋ᠨ ᠰᠠᠯᠬᠢ ᠃ ᠪᠠᠶᠠᠷ ᠵᠢᠷᠭᠠᠯ ᠤ᠋ᠨ ᠤᠨᠳᠤᠷᠤᠭ ᠳᠠᠯᠠᠩ ᠠ᠋ᠴᠠ ᠰᠦ ᠰᠠᠳᠠᠭᠠᠨᠠᠭᠤᠯᠳᠠᠭ ᠶᠤᠮ ᠠ᠋ ᠃
ᠱᠠᠭᠠᠵᠠᠭᠠᠢ ᠴᠤᠭᠯᠠᠵᠤ ᠰᠠᠭᠤᠭᠰᠠᠨ ᠤ᠋ ᠰᠠᠢᠨ ᠢ᠋ᠶ᠋ᠠᠷ ᠢᠯᠠᠭᠠᠳ ᠥᠷᠯᠥᠭᠡ ᠪᠦᠷᠢ ᠢᠯᠠᠯᠲᠠ ᠪᠠᠨ ᠪᠡᠶᠡᠰᠦᠨ ᠳᠠᠭᠤᠯᠠᠨᠠᠮ ᠃ ᠪᠠᠷᠰ ᠴᠤᠪᠤᠵᠤ ᠶᠠᠪᠤᠭᠰᠠᠨ ᠤ᠋ ᠭᠠᠢ ᠪᠠᠷ ᠢᠯᠠᠭᠳᠠᠭᠠᠳ ᠂ ᠦᠳᠡᠰᠢ ᠪᠦᠷᠢ ᠥᠨᠥᠴᠢᠷᠡᠯ ᠦ᠋ᠨ ᠳᠤᠮᠳᠠ ᠤᠢᠳᠬᠠᠷᠯᠠᠨᠠᠮ᠃ ᠡᠨᠡ ᠶᠢᠷᠲᠢᠨᠴᠦ ᠶ᠋ᠢᠨ ᠢᠴᠢᠭᠦᠷᠢ ᠪᠣᠯᠤᠭᠰᠠᠨ ᠡᠯᠡᠰᠦ ᠮᠠᠩᠬᠠ ᠶ᠋ᠢ ᠨᠡᠩ ᠶᠠᠭᠤᠨ ᠥᠭᠦᠯᠡᠬᠦ ᠠᠵᠢ ?
ᠵᠥᠭᠡᠢ ᠵᠦᠭ ᠪᠦᠷᠢ ᠪᠤᠲᠠᠷᠠᠨ ᠨᠢᠰᠪᠡᠴᠦ ᠪᠠᠯ ᠴᠤᠭᠯᠠᠭᠤᠯᠬᠤ ᠶ᠋ᠢᠨ ᠲᠥᠯᠥᠭᠡ ᠵᠦᠳᠡᠷᠡᠯ ᠲᠡᠢ ᠠᠵᠢᠯᠯᠠᠨᠠ ᠂ ᠠᠮᠢᠳᠤᠷᠠᠯ ᠤ᠋ᠨ ᠠᠮᠲᠠ ᠶ᠋ᠢ ᠪᠦᠯᠬᠦᠮᠳᠡᠯ ᠦ᠋ᠨ ᠰᠢᠮᠡ ᠰᠢᠭᠦᠰᠦ ᠪᠡᠷ ᠪᠦᠷᠢᠯᠳᠦᠭᠦᠯᠦᠨᠡ ᠃
ᠡᠨᠡ ᠳᠡᠯᠡᠬᠡᠢ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠮᠠᠭᠤᠬᠠᠢ ᠡᠴᠡᠩᠬᠡᠢ ᠴᠢᠳᠬᠥᠷ ᠲᠥᠷᠥᠭᠦᠯᠦᠨ ᠦᠬᠦᠯ ᠮᠥᠬᠥᠯ ᠢᠯᠠᠭᠳᠠᠯ ᠢ᠋ ᠥᠨᠳᠡᠭᠡᠯᠡᠭᠦᠯᠦᠭᠡᠳ ᠪᠦᠷᠢᠯᠬᠦ ᠶ᠋ᠢᠨ ᠰᠢᠨᠵᠢ ᠶ᠋ᠢ ᠪᠦᠷᠢᠯᠳᠦᠭᠦᠯᠳᠡᠭ ᠨᠢ ᠵᠥᠨᠥᠭ ᠲᠡᠨᠡᠭ ᠬᠠᠭᠠᠴᠠᠯ ᠂ ᠵᠦᠬᠡᠯᠲᠡᠢ ᠮᠠᠭᠤ ᠬᠠᠭᠠᠴᠠᠯ ᠃
ᠨᠢᠭᠤᠷ ᠨᠢᠭᠤᠷ ᠢ᠋ᠶ᠋ᠠᠨ ᠵᠤᠯᠭᠠ ᠵᠤᠯᠭᠠ ᠮᠠᠭᠠᠵᠢᠯᠠᠨ ᠨᠢᠳᠦ ᠨᠢᠳᠦ ᠪᠡᠨ ᠪᠦᠯᠳᠦ ᠪᠦᠯᠳᠦ ᠴᠢᠴᠢᠯᠡᠨ ᠨᠢᠭᠡ ᠨᠢᠭᠡ ᠪᠡᠨ ᠬᠡᠮᠬᠡ ᠬᠡᠮᠬᠡ ᠬᠠᠵᠠᠪᠠᠯ ᠭᠣᠯᠣᠮᠲᠠ ᠬᠠᠷᠠᠯᠠᠬᠤ ᠳ᠋ᠤ᠌ ᠣᠢᠷᠠᠬᠠᠨ ᠃ ᠦᠭᠡ ᠨᠢ ᠨᠢᠭᠡ ᠪᠢᠰᠢ ᠪᠣᠯ ᠥᠭᠡᠳᠡᠯᠡᠬᠦ ᠦᠭᠡᠢ ᠂ ᠥᠩᠭᠡ ᠨᠢ ᠢᠵᠢᠯ ᠪᠢᠰᠢ ᠪᠣᠯ ᠥᠷᠭᠡᠵᠢᠬᠦ ᠦᠭᠡᠢ᠃
ᠡᠨᠳᠡ ᠡᠪ ᠦ᠋ᠨ ᠴᠠᠪᠠᠤ ᠡᠩᠬᠡ ᠶ᠋ᠢᠨ ᠬᠡᠯᠬᠢᠶᠡ ᠬᠡᠷᠡᠭ ᠲᠡᠢ ᠃
ᠲᠡᠷᠡ ᠬᠠᠮᠢᠭᠠ ᠠ᠋ᠴᠠ ᠡᠨᠳᠡ ᠢᠷᠡᠬᠦ ᠪᠣᠯ ?
ᠪᠣᠷᠣᠭᠠᠨ ᠤ᠋ ᠳᠤᠰᠤᠯ ᠰᠢᠭ᠋ ᠲᠡᠭᠷᠢ ᠡᠴᠡ ᠪᠠᠭᠤᠬᠤ ᠭᠡᠵᠦ ᠦᠦ ?
ᠪᠤᠯᠠᠭ ᠤ᠋ᠨ ᠤᠰᠤ ᠰᠢᠭ᠋ ᠭᠠᠵᠠᠷ ᠠ᠋ᠴᠠ ᠤᠨᠳᠤᠷᠬᠤ ᠭᠡᠵᠦ ᠦᠦ ?
ᠰᠡᠳᠬᠢᠯ ᠡᠴᠡ ᠯᠡ ᠂ ᠰᠡᠳᠬᠢᠯ ᠢ᠋ᠶ᠋ᠡᠷ ᠯᠡ !
ᠠᠯᠢᠮᠠᠳ ᠳᠠᠯᠠᠢ ᠭᠡᠭᠴᠢ ᠳᠤᠰᠤᠯ ᠤᠰᠤᠨ ᠤ᠋ ᠨᠡᠢᠯᠡᠪᠦᠷᠢ ᠃
ᠠᠷᠠᠳ ᠲᠦᠮᠡᠨ ᠭᠡᠭᠴᠢ ᠣᠯᠠᠨ ᠬᠥᠮᠦᠨ ᠦ᠌ ᠨᠡᠢᠯᠡᠪᠦᠷᠢ ᠃
ᠶᠠᠭᠤᠨ ᠳ᠋ᠤ᠌ ᠨᠡᠢᠯᠡᠭᠰᠡᠨ ᠶᠦ᠍ᠮ ᠪᠣᠯ ᠠ᠋ ?
ᠠᠮᠢᠳᠤᠷᠠᠬᠤ ᠣᠷᠣᠰᠢᠬᠤ ᠶ᠋ᠢᠨ ᠠᠯᠢ ᠠᠯᠢᠨ ᠤ᠋ ᠬᠢᠨᠢ ᠱᠠᠭᠠᠷᠳᠠᠯᠭᠠ ᠠ᠋ᠴᠠ ᠃
1883 .8 ᠬᠥᠬᠡᠬᠣᠲᠠᠨᠠ