ᠴᠢᠩᠭᠢᠰ ᠬᠠᠭᠠᠨ ᠤ᠋ ᠦᠨᠡᠨᠴᠢ ᠨᠣᠬᠠᠢ ᠵᠡᠪᠡ Чингис хааны үнэнч нохой Зэв
1064 ᠵᠡᠪᠡ ᠶ᠋ᠢᠨ ᠵᠢᠩᠬᠢᠨᠢ ᠨᠡᠷᠡ ᠶ᠋ᠢ ᠵᠢᠷᠭᠤᠭᠠᠲᠠᠢ ᠭᠡᠳᠡᠭ᠃ ᠤᠤᠯ ᠨᠢ ᠲᠠᠢᠴᠢᠭᠤᠳ ᠠᠢᠮᠠᠭ ᠤ᠋ᠨ ᠬᠠᠷᠢᠶᠠᠲᠤ ᠮᠡᠷᠭᠡᠨ ᠬᠠᠷᠪᠤᠭᠠᠴᠢ ᠬᠥᠮᠦᠨ ᠪᠠᠢᠵᠠᠢ᠃ 1201 ᠣᠨ ᠳ᠋ᠤ᠌ ᠪᠣᠯᠤᠭᠰᠠᠨ ᠬᠦᠢᠲᠡᠨ ᠦ᠌ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠲᠠᠢᠴᠢᠭᠤᠳ ᠠᠢᠮᠠᠭ ᠢ᠋ ᠪᠦᠷᠢᠨ ᠢᠯᠠᠭᠰᠠᠨ ᠪᠣᠯᠪᠠᠴᠤ ᠬᠠᠷᠢᠨ ᠥᠪᠡᠷ ᠦ᠋ᠨ ᠬᠦᠵᠦᠭᠦᠨ ᠳ᠋ᠦ᠍ ᠵᠡᠪᠡ ᠶ᠋ᠢᠨ ᠰᠢᠷᠬᠠ ᠠᠪᠴᠠᠢ᠃ ᠪᠠᠢᠯᠳᠤᠭᠠᠨ ᠤ᠋ ᠳᠠᠷᠠᠭᠠ ᠰᠣᠷᠬᠣᠨᠱᠠᠷ᠂ ᠵᠡᠪᠡ ᠨᠠᠷ ᠲᠡᠮᠦᠵᠢᠨ ᠳ᠋ᠦ᠍ ᠣᠯᠵᠠᠯᠠᠭᠳᠠᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ ᠲᠡᠳᠡᠨ ᠡᠴᠡ ᠬᠦᠵᠦᠭᠦᠦ ᠶ᠋ᠢ ᠨᠢ ᠬᠠᠷᠪᠤᠭᠰᠠᠨ ᠬᠥᠮᠦᠨ ᠬᠡᠨ ᠪᠣᠯᠬᠤ ᠶ᠋ᠢ ᠠᠰᠠᠭᠤᠭᠰᠠᠨ ᠳ᠋ᠤ᠌ ᠵᠢᠷᠭᠤᠭᠠᠲᠠᠢ ᠪᠣᠰᠴᠤ ᠥᠪᠡᠷ ᠢ᠋ᠶ᠋ᠡᠨ ᠬᠠᠷᠪᠤᠭᠰᠠᠨ ᠢ᠋ᠶ᠋ᠠᠨ ᠦᠨᠡᠨ ᠮᠥᠨ ᠢ᠋ᠶ᠋ᠡᠷ ᠨᠢ ᠬᠡᠯᠡᠵᠦ ᠬᠡᠷᠪᠡ ᠠᠮᠢ ᠶ᠋ᠢ ᠨᠢ ᠥᠷᠥᠰᠢᠶᠡᠪᠡᠯ ᠦᠨᠡᠨᠴᠢ ᠪᠡᠷ ᠵᠢᠳᠬᠦᠬᠦ ᠪᠡᠨ ᠢᠯᠡᠳᠬᠡᠭᠰᠡᠨ ᠪᠠᠢᠨᠠ᠃ ᠴᠢᠩᠭᠢᠰ ᠬᠠᠭᠠᠨ ᠲᠡᠭᠦᠨ ᠦ᠌ ᠰᠢᠳᠤᠷᠭᠤ ᠵᠠᠩ ᠴᠢᠨᠠᠷ ᠢ᠋ ᠶᠡᠬᠡᠳᠡ ᠦᠨᠡᠯᠡᠵᠦ ᠵᠢᠷᠭᠤᠭᠠᠲᠠᠢ ᠨᠡᠷᠡ ᠶ᠋ᠢ ᠨᠢ ᠬᠠᠯᠠᠵᠤ 《ᠵᠡᠪᠡ》 ᠬᠡᠮᠡᠬᠦ ᠨᠡᠷᠡ ᠰᠣᠶᠣᠷᠬᠠᠵᠤ᠂ ᠰᠢᠳᠠᠷ ᠦᠢᠯᠡᠴᠢᠯᠡᠨ ᠶᠠᠪᠤᠬᠤ ᠶ᠋ᠢ ᠵᠠᠷᠯᠢᠭ ᠪᠣᠯᠭᠠᠵᠠᠢ᠃ ᠡᠢᠨᠬᠦ ᠵᠡᠪᠡ ᠪᠠᠷᠠ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠳᠡᠷᠭᠡᠳᠡ ᠦᠢᠯᠡᠴᠢᠯᠡᠵᠦ ᠠᠷᠪᠠᠲᠤ ᠶ᠋ᠢᠨ ᠨᠣᠶᠠᠨ᠂ ᠵᠠᠭᠤᠲᠤ ᠶ᠋ᠢᠨ ᠨᠣᠶᠠᠨ ᠪᠣᠯᠵᠤ 1206 ᠣᠨ ᠶᠡᠬᠡ ᠮᠣᠩᠭᠣᠯ ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨ ᠤ᠋ ᠳᠠᠷᠠᠭᠠ ᠮᠢᠩᠭᠠᠲᠤ ᠶ᠋ᠢᠨ ᠨᠣᠶᠠᠨ ᠢ᠋ᠶ᠋ᠠᠷ ᠲᠣᠮᠢᠯᠠᠭᠳᠠᠵᠠᠢ᠃
ᠵᠢᠷᠭᠤᠭᠠᠲᠠᠢ ᠪᠤᠶᠤ ᠵᠡᠪᠡ ᠨᠢ ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠠᠯᠳᠠᠷᠲᠠᠢ ᠲᠣᠮᠣ ᠵᠠᠩᠵᠤᠨ ᠶᠤᠮ᠃ ᠵᠡᠪᠡ ᠬᠡᠮᠡᠬᠦ ᠲᠣᠮᠣ ᠵᠠᠩᠵᠤᠨ ᠨᠢ ᠶᠠᠫᠣᠨ ᠲᠠᠩᠭᠢᠰ ᠠ᠋ᠴᠠ ᠬᠠᠷᠠ ᠲᠠᠩᠭᠢᠰ ᠬᠦᠷᠲᠡᠯᠡᠬᠢ ᠠᠯᠲᠠᠨ ᠤᠯᠤᠰ ᠬᠠᠷᠠ ᠬᠢᠳᠠᠨ ᠬᠣᠷᠧᠽᠮ ᠢᠷᠡᠨ ᠪᠠᠭᠠᠳ ᠲᠤ᠌ ᠠᠽᠧᠷᠪᠠᠢᠵᠠᠨ᠂ ᠬᠦᠷᠦᠵᠦ᠂ ᠪᠣᠯᠭᠠᠷᠢ᠂ ᠺᠢᠫᠴᠠᠺ ᠣᠷᠣᠰ ᠵᠡᠷᠭᠡ ᠤᠯᠤᠰ ᠣᠷᠣᠨ ᠨᠤᠭᠤᠳ ᠢ᠋ ᠪᠠᠢᠭᠠᠯ ᠤ᠋ᠨ ᠬᠠᠮᠤᠭ ᠤ᠋ᠨ ᠬᠦᠨᠳᠦ ᠬᠡᠴᠡᠭᠦᠦ ᠭᠠᠵᠠᠷ ᠢ᠋ᠶ᠋ᠠᠷ ᠶᠠᠪᠤᠵᠤ ᠪᠠᠢᠯᠳᠤᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠰᠢᠯᠢᠳᠡᠭ ᠵᠠᠩᠵᠤᠳ ᠤ᠋ᠨ ᠨᠢᠭᠡ ᠪᠡᠷ ᠨᠡᠷᠡᠯᠡᠭᠳᠡᠬᠦ ᠪᠣᠯᠤᠭᠰᠠᠨ ᠠᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ ᠤ᠋ 4 ᠬᠣᠰᠢᠭᠤᠴᠢ᠂ 9 ᠥᠷᠯᠥᠭ ᠦ᠋ᠨ ᠨᠢᠭᠡ ᠮᠠᠩᠯᠠᠢ ᠴᠡᠷᠢᠭ ᠦ᠋ᠨ ᠠᠩᠭᠢ ᠶ᠋ᠢᠨ ᠵᠠᠬᠢᠷᠤᠭᠴᠢ ᠪᠠᠢᠵᠠᠢ᠃ ᠲᠠᠯᠠ ᠨᠤᠲᠤᠭ ᠤ᠋ᠨ ᠨᠡᠭᠦᠳᠡᠯᠴᠢᠳ ᠦ᠋ᠨ ᠬᠠᠮᠤᠭ ᠤ᠋ᠨ ᠭᠣᠣᠯ ᠵᠡᠪᠰᠡᠭ ᠪᠣᠯᠬᠤ ᠨᠤᠮᠤ ᠰᠤᠮᠤ ᠶ᠋ᠢ ᠳᠡᠭᠡᠳᠦ ᠵᠡᠷᠭᠡ ᠪᠡᠷ ᠲᠡᠭᠦᠰ ᠬᠡᠮᠵᠢᠶᠡᠨ ᠳ᠋ᠦ᠍ ᠡᠵᠡᠮᠰᠢᠭᠰᠡᠨ ᠡᠷᠬᠡ ᠶ᠋ᠢᠨ ᠮᠡᠷᠭᠡᠨ ᠬᠠᠷᠪᠤᠭᠠᠴᠢ ᠪᠠᠭᠠᠲᠤᠷ ᠵᠠᠩᠵᠤᠨ ᠠᠵᠠᠢ᠃ ᠡᠷᠡᠯᠬᠡᠭ ᠪᠠᠭᠠᠲᠤᠷ ᠮᠥᠷᠲᠡᠭᠡᠨ ᠠᠷᠭᠠ ᠤᠬᠠᠭᠠᠨ ᠶᠡᠬᠡ ᠲᠡᠢ ᠴᠡᠷᠢᠭ ᠦ᠋ᠨ ᠡᠷᠳᠡᠮᠲᠡᠨ᠂ ᠤᠯᠤᠰ ᠲᠥᠷᠥ ᠶ᠋ᠢᠨ ᠵᠢᠳᠬᠦᠯᠲᠡᠨ ᠶᠦᠮ᠃ ᠳᠡᠯᠡᠬᠡᠢ ᠶ᠋ᠢᠨ №1 ᠵᠠᠩᠵᠤᠳ ᠤ᠋ᠨ ᠵᠠᠩᠵᠤᠨ ᠭᠡᠵᠦ ᠨᠡᠷᠡᠯᠡᠭᠳᠡᠭᠰᠡᠨ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠨᠢ ᠵᠡᠪᠡ ᠵᠠᠩᠵᠤᠨ ᠤ᠋ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ ᠠᠯᠲᠠᠨ ᠤᠯᠤᠰ ᠬᠣᠷᠧᠽᠮ ᠳᠤᠮᠳᠠᠳᠤ ᠠᠽᠢᠶᠠ ᠺᠠᠰᠫ ᠤ᠋ᠨ ᠲᠠᠩᠭᠢᠰ ᠢ᠋ ᠲᠣᠭᠣᠷᠢᠨ ᠪᠠᠢᠯᠳᠤᠵᠤ ᠪᠠᠢᠬᠤ ᠳ᠋ᠤ᠌ ᠪᠠᠨ ᠲᠡᠭᠦᠨ ᠦ᠌ ᠴᠡᠷᠢᠭ ᠲᠡᠢᠨ ᠦ᠌ ᠤᠬᠠᠭᠠᠨ ᠢ᠋ ᠰᠤᠷᠤᠯᠴᠠᠨ ᠠᠯᠳᠠᠷ ᠨᠡᠷᠡ ᠳ᠋ᠦ᠍ ᠬᠦᠷᠴᠡᠢ᠃ ᠲᠡᠭᠦᠨ ᠦ᠌ ᠲᠥᠷᠥᠭᠰᠡᠨ ᠣᠨ ᠨᠢ ᠲᠣᠳᠣᠷᠬᠠᠢ ᠦᠭᠡᠢ ᠪᠠᠢᠳᠠᠭ ᠴᠤ᠌ ᠴᠢᠩᠭᠢᠰ ᠬᠠᠭᠠᠨ ᠲᠠᠢ ᠨᠠᠰᠤ ᠣᠢᠷᠠᠯᠴᠠᠭᠠ ᠪᠠᠢᠭᠰᠠᠨ ᠭᠡᠵᠦ ᠦᠵᠡᠳᠡᠭ ᠪᠥᠭᠡᠳ 1223 ᠣᠨ ᠤ᠋ 5 ᠰᠠᠷᠠ ᠶ᠋ᠢᠨ 23 ᠳ᠋ᠤ᠌ ᠨᠠᠰᠤ ᠪᠠᠷᠠᠭᠰᠠᠨ ᠭᠡᠰᠡᠨ ᠮᠡᠳᠡᠭᠡ ᠪᠠᠢᠳᠠᠭ᠃
ᠵᠡᠪᠡ ᠵᠠᠩᠵᠤᠨ ᠢ᠋ ᠫᠧᠷᠰ ᠡᠴᠡ ᠡᠬᠢᠯᠡᠭᠡᠳ 5 ᠬᠡᠯᠡ ᠮᠡᠳᠡᠳᠡᠭ ᠪᠠᠢᠭᠰᠠᠨ ᠭᠡᠵᠦ ᠲᠡᠦᠬᠡᠴᠢᠳ ᠦᠵᠡᠳᠡᠭ ᠪᠠᠢᠭᠰᠠᠨ ᠪᠥᠭᠡᠳ ᠢᠷᠠᠭᠤ ᠠᠯᠳᠠᠷᠲᠤ ᠠᠶᠠᠨ ᠲᠡᠢᠨ ᠨᠦ᠍ᠭᠦᠳ ᠦ᠋ᠨ ᠦᠶᠡ ᠪᠡᠷ ᠲᠤᠬᠠᠢ ᠶ᠋ᠢᠨ ᠤᠯᠤᠰ ᠤ᠋ᠨ ᠰᠣᠶᠣᠯ᠂ ᠠᠷᠠᠳ ᠲᠦᠮᠡᠨ᠂ ᠴᠡᠷᠢᠭ ᠵᠡᠪᠰᠡᠭ ᠵᠡᠷᠭᠡ ᠪᠦᠬᠦᠢᠯᠡ ᠮᠡᠳᠡᠭᠡᠯᠡᠯ ᠢ᠋ ᠰᠤᠳᠤᠯᠳᠠᠭ ᠪᠠᠢᠭᠰᠠᠨ ᠠ᠋ᠴᠠ ᠨᠢ ᠦᠵᠡᠵᠦ᠂ 5 ᠬᠡᠯᠡ ᠪᠡᠷ ᠴᠢᠯᠥᠭᠡᠲᠡᠢ ᠶᠠᠷᠢᠳᠠᠭ ᠪᠠᠢᠭᠰᠠᠨ ᠭᠡᠬᠦ ᠲᠠᠭᠠᠮᠠᠭᠯᠠᠯ᠂ ᠰᠠᠨᠠᠭᠠ ᠶ᠋ᠢ ᠳᠡᠪᠰᠢᠭᠦᠯᠳᠡᠭ ᠪᠠᠢᠨᠠ᠃