ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – ᠬᠤᠪᠢᠯᠪᠤᠷᠢ ᠶ᠋ᠢᠨ ᠠᠶ᠋ᠢᠮᠠᠭ 2 Ертөнцийн гурав – Хувилбарын аймаг 2
4430ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – ᠬᠤᠪᠢᠯᠪᠤᠷᠢ ᠶ᠋ᠢᠨ ᠠᠶ᠋ᠢᠮᠠᠭ 2
ᠳᠥᠷᠪᠡᠨ ᠬᠤᠷᠲᠤᠨ
ᠬᠠᠷᠪᠤᠭᠰᠠᠨ ᠰᠤᠮᠤ ᠨᠢᠭᠡ ᠬᠤᠷᠲᠤᠨ
ᠬᠠᠷᠠᠭᠰᠠᠨ ᠨᠢᠲᠦ ᠨᠢᠭᠡ ᠬᠤᠷᠲᠤᠨ
ᠰᠠᠢᠨ ᠮᠣᠷᠢ ᠨᠢᠭᠡ ᠬᠤᠷᠲᠤᠨ
ᠰᠠᠨᠠᠭᠰᠠᠨ ᠰᠠᠨᠠᠬ᠋ᠠ ᠨᠢᠭᠡ ᠬᠤᠷᠲᠤᠨ
ᠳᠥᠷᠪᠡᠨ ᠰᠢᠷᠦᠭᠦᠨ
ᠲᠡᠮᠦᠷ ᠲᠦ ᠬᠠᠤᠷᠠᠢ ᠰᠢᠷᠦᠭᠦᠨ
ᠲᠦᠷᠦ ᠳᠦ ᠡᠯᠴᠢ ᠰᠢᠷᠦᠭᠦᠨ
ᠲᠥᠷᠥᠯ ᠳᠦ ᠰᠠᠭᠠᠲᠠᠭ ᠰᠢᠷᠦᠭᠦᠨ
ᠲᠥᠬᠦᠮ ᠳᠦ ᠵᠠᠷᠠᠬ᠋ᠠ ᠰᠢᠷᠦᠭᠦᠨ
ᠳᠥᠷᠪᠡᠨ ᠬᠠᠭᠤᠷᠮᠠᠴᠢ
ᠥᠯᠦ ᠪᠦᠲᠦᠭᠡᠭᠴᠢ ᠦᠭᠡ ᠪᠡᠷ ᠶ᠋ᠢᠠᠨ ᠬᠠᠭᠤᠷᠮᠠᠴᠢ
ᠦᠨᠡᠭᠡ ᠰᠡᠭᠦᠯ ᠶ᠋ᠢᠡᠷ ᠶ᠋ᠢᠡᠨ ᠬᠠᠭᠤᠷᠮᠠᠴᠢ
ᠵᠣᠭᠣᠰ ᠠ᠋ᠴᠠ ᠪᠣᠯᠤᠭᠰᠠᠨ ᠢᠨᠠᠭ ᠬᠠᠭᠤᠷᠮᠠᠴᠢ
ᠵᠠᠯᠬᠠᠭᠤ ᠠ᠋ᠴᠠ ᠪᠣᠯᠤᠭᠰᠠᠨ ᠡᠪᠡᠤᠠᠴᠢᠨ ᠬᠠᠭᠤᠷᠮᠠᠴᠢ
ᠳᠥᠷᠪᠡᠨ ᠮᠠᠭᠤ
ᠬᠣᠶᠠᠷ ᠦᠵᠦᠭᠦᠷ ᠲᠡᠢ ᠬᠣᠩᠰᠢᠶᠠᠷ ᠮᠠᠭᠤ
ᠬᠤᠷᠤᠭᠤ ᠬᠢᠮᠤᠰᠤ ᠲᠠᠢ ᠬᠥᠮᠦᠨ ᠮᠠᠭᠤ
ᠬᠣᠶ᠋ᠢᠬᠤᠷ ᠵᠠᠩ ᠲᠠᠢ ᠡᠬᠡᠨᠡᠷ ᠮᠠᠭᠤ
ᠬᠣᠪᠲᠣᠭ ᠵᠠᠩ ᠲᠠᠢ ᠨᠣᠶᠠᠳ ᠮᠠᠭᠤ
ᠳᠥᠷᠪᠡᠨ ᠮᠥᠩᠬᠡ
ᠠᠭᠤᠯᠠ ᠬᠠᠲᠠ ᠶᠢᠷᠲᠢᠨᠴᠦ ᠳᠦ ᠮᠥᠩᠬᠡ
ᠤᠲᠤᠨ ᠭᠠᠷᠠᠭ ᠤᠭᠲᠠᠷᠭᠤᠢ ᠳᠦ ᠮᠥᠩᠬᠡ
ᠤᠯᠠᠭᠠᠨ ᠨᠠᠷᠠ ᠣᠷᠴᠢᠯᠠᠩ ᠳᠦ ᠮᠥᠩᠬᠡ
ᠤᠰᠤ ᠰᠢᠷᠥᠢ ᠭᠠᠯᠠᠪ ᠲᠤ ᠮᠥᠩᠬᠡ
ᠳᠥᠷᠪᠡᠨ ᠤᠲᠠᠭᠠᠨ
ᠶᠠᠪᠤᠬᠤ ᠳᠦ ᠬᠥᠯ ᠤᠲᠠᠭᠠᠨ
ᠶᠠᠭᠠᠷᠠᠬᠤ ᠳᠦ ᠴᠠᠭ ᠤᠲᠠᠭᠠᠨ
ᠬᠦᠰᠡᠬᠦ ᠳᠦ ᠪᠡᠶᠡᠯᠡᠯ ᠤᠲᠠᠭᠠᠨ
ᠬᠥᠭᠵᠢᠭᠡᠬᠦ ᠳᠦ ᠭᠠᠯ ᠤᠲᠠᠭᠠᠨ
ᠳᠥᠷᠪᠡᠨ ᠶᠡᠬᠡ
ᠠᠭᠰᠢᠷᠠᠭᠰᠠᠨ ᠬᠥᠮᠦᠨ ᠪ ᠰᠣᠯᠢᠭᠤ ᠨᠢ ᠶᠡᠬᠡ
ᠠᠷᠢᠬᠢᠲᠠᠭᠰᠠᠨ ᠬᠥᠮᠦᠨ ᠪ ᠭᠠᠯᠵᠠᠭᠤ ᠨᠢ ᠶᠡᠬᠡ
ᠠᠯᠢᠶᠠ ᠬᠥᠮᠦᠨ ᠪ ᠱᠣᠭ ᠨᠢ ᠶᠡᠬᠡ
ᠠᠯᠵᠠᠭᠤ ᠬᠥᠮᠦᠨ ᠪ ᠨᠣᠶ᠋ᠢᠷ ᠨᠢ ᠶᠡᠬᠡ
ᠳᠥᠷᠪᠡᠨ ᠣᠬᠢ
ᠭᠠᠨᠲᠢᠬ ᠭᠡᠭᠴᠢ ᠴᠢᠯᠠᠭᠤᠨ ᠪ ᠣᠬᠢ
ᠭᠠᠩ ᠭᠡᠭᠴᠢ ᠲᠡᠮᠦᠷ ᠦ᠋ᠨ ᠣᠬᠢ
ᠭᠠᠰ ᠭᠡᠭᠴᠢ ᠠᠭᠤᠷ ᠦ᠋ᠨ ᠣᠬᠢ
ᠭᠠᠷ ᠭᠡᠭᠴᠢ ᠡᠷᠬᠡᠲᠡᠨ ᠪ ᠣᠬᠢ
ᠳᠥᠷᠪᠡᠨ ᠡᠯᠲᠡᠩ
ᠡᠵᠡᠨ ᠦᠭᠡᠢ ᠠᠷᠠᠳ ᠡᠯᠲᠡᠩ
ᠡᠴᠢᠭᠡ ᠦᠭᠡᠢ ᠬᠦᠦ ᠡᠯᠲᠡᠩ
ᠡᠷᠡ ᠦᠭᠡᠢ ᠡᠮᠡ ᠡᠯᠲᠡᠩ
ᠡᠬᠡ ᠦᠭᠡᠢ ᠬᠡᠦᠬᠡᠳ ᠡᠯᠲᠡᠩ
ᠳᠥᠷᠪᠡᠨ ᠴᠤᠭᠯᠠᠬ᠋ᠠ
ᠨᠣᠶᠠᠳ ᠦ᠋ᠨ ᠴᠤᠭᠯᠠᠬ᠋ᠠ ᠶᠠᠮᠤᠨ ᠳᠡᠭᠡᠷᠡ
ᠨᠣᠬᠠᠢ ᠶ᠋ᠢᠨ ᠴᠤᠭᠯᠠᠬ᠋ᠠ ᠶᠠᠰᠤᠨ ᠳᠡᠭᠡᠷᠡ
ᠡᠮᠡᠰ ᠦ᠋ᠨ ᠴᠤᠭᠯᠠᠬ᠋ᠠ ᠴᠠᠢ ᠳᠡᠭᠡᠷᠡ
ᠡᠯᠵᠢᠭᠡᠨ ᠪ ᠴᠤᠭᠯᠠᠬ᠋ᠠ ᠦᠨᠡᠰᠦᠨ ᠳᠡᠭᠡᠷᠡ
ᠳᠥᠷᠪᠡᠨ ᠦᠭᠡᠢ
ᠬᠤᠤᠠᠲᠤᠭ ᠦ᠋ᠨ ᠤᠰᠤᠨ ᠳᠦ ᠵᠢᠭᠠᠰᠤ ᠦᠭᠡᠢ
ᠬᠠᠭᠤᠴᠢ ᠦᠭᠡᠨ ᠳᠦ ᠬᠤᠲᠠᠯ ᠦᠭᠡᠢ
ᠬᠤᠷᠮᠤᠰᠲᠠ ᠲᠩᠷᠢ ᠳᠦ ᠱᠠᠲᠤ ᠦᠭᠡᠢ
ᠬᠣᠪᠠᠬᠠᠢ ᠮᠤᠲᠤᠨ ᠳᠦ ᠨᠠᠪᠴᠢ ᠦᠭᠡᠢ
ᠳᠥᠷᠪᠡᠨ ᠶᠠᠩᠰᠢᠶᠠ
ᠬᠥᠷᠢᠮ ᠬᠥᠭᠡᠭᠡᠭᠰᠡᠨ ᠯᠠᠮᠠ ᠶᠠᠩᠰᠢᠶᠠ
ᠵᠣᠪᠠᠯᠬ᠋ᠠ ᠢᠳᠡᠭᠰᠡᠨ ᠨᠣᠬᠠᠢ ᠶᠠᠩᠰᠢᠶᠠ
ᠬᠥᠭᠰᠢᠨ ᠨᠣᠬᠠᠢ ᠬᠣᠲᠠ ᠶ᠋ᠢᠨ ᠶᠠᠩᠰᠢᠶᠠ
ᠬᠥᠭᠰᠢᠨ ᠴᠢᠪᠠᠭᠠᠨᠴᠠ ᠭᠡᠷ ᠦ᠋ᠨ ᠶᠠᠩᠰᠢᠶᠠ
ᠳᠦᠷᠪᠡᠨ ᠪᠤᠶᠠᠨ
ᠥᠯᠥᠰᠦᠨ ᠴᠠᠩᠭᠠᠭᠰᠠᠳ ᠢ ᠲᠡᠵᠢᠭᠡᠪᠡᠯ ᠪᠤᠶᠠᠨ
ᠦᠨᠦᠴᠢᠨ ᠪᠡᠯᠪᠡᠰᠦᠨ ᠢ ᠲᠡᠳᠬᠦᠪᠡᠯ ᠪᠤᠶᠠᠨ
ᠦᠭᠡᠶ᠋ᠢᠭᠦᠦ ᠶᠠᠳᠠᠭᠤ ᠶ᠋ᠢ ᠲᠤᠰᠠᠯᠠᠪᠠᠯ ᠪᠤᠶᠠᠨ
ᠡᠪᠡᠳᠴᠦ ᠵᠣᠪᠠᠭᠰᠠᠨ ᠢ ᠡᠨᠡᠷᠢᠪᠡᠯ ᠪᠤᠶᠠᠨ
ᠳᠦᠷᠪᠡᠨ ᠴᠣᠯᠭᠣᠢ
ᠠᠷᠢᠬᠢ ᠦᠭᠡᠢ ᠬᠤᠷᠢᠮ ᠴᠤᠯᠭᠤᠢ
ᠠᠯᠴᠢᠭᠤᠷ ᠦᠭᠡᠢ ᠬᠡᠦᠬᠡᠨ ᠴᠤᠯᠭᠤᠢ
ᠠᠶᠠᠭᠠ ᠦᠭᠡᠢ ᠯᠠᠮᠠ ᠴᠤᠯᠭᠤᠢ
ᠠᠷᠠᠴᠠ ᠦᠭᠡᠢ ᠵᠤᠨ ᠴᠤᠯᠭᠤᠢ
ᠳᠦᠷᠪᠡᠨ ᠬᠠᠷᠰᠢ
ᠰᠢᠪᠡᠨᠡᠭᠡ ᠦᠭᠡ ᠪᠦᠯᠬᠦᠮᠳᠡᠯ ᠳᠦ ᠬᠠᠷᠰᠢ
ᠰᠢᠪᠠᠷ ᠪᠣᠷᠣᠭᠠ ᠳᠡᠪᠡᠯ ᠳ᠋ᠦ᠍ ᠬᠠᠷᠰᠢ
ᠶᠡᠬᠡ ᠰᠠᠨᠠᠭᠠ ᠪᠡᠶᠡ ᠳᠦ ᠬᠠᠷᠰᠢ
ᠢᠰᠡᠭᠡᠢ ᠬᠠᠪᠲᠠᠭᠠ ᠲᠡᠰᠢᠶᠡ ᠳᠦ ᠬᠠᠷᠰᠢ
ᠳᠦᠷᠪᠡᠨ ᠴᠣᠭᠣᠷᠣᠬᠠᠢ
ᠣᠷᠣᠬᠤ ᠲᠡᠭᠷᠢ ᠶ᠋ᠢᠨ ᠣᠷᠣᠢ ᠴᠣᠭᠣᠷᠣᠬᠠᠢ
ᠣᠷᠣᠭᠰᠠᠨ ᠪᠤᠤᠷᠠ ᠶ᠋ᠢᠨ ᠰᠢᠯᠢ ᠴᠣᠭᠣᠷᠣᠬᠠᠢ
ᠣᠢ ᠪᠣᠯᠤᠭᠠ ᠬᠡᠦᠬᠡᠳ ᠤᠨ ᠵᠤᠯᠠᠢ ᠴᠣᠭᠣᠷᠣᠬᠠᠢ
ᠦᠬᠢᠨ ᠬᠥᠮᠦᠨ ᠦ ᠴᠢᠬᠢ ᠴᠣᠭᠣᠷᠣᠬᠠᠢ
ᠳᠥᠷᠪᠡᠨ ᠬᠣᠯᠪᠣᠭᠠᠲᠠᠢ
ᠬᠦᠬᠡ ᠰᠢᠷᠠ ᠪᠣᠳᠣᠭ ᠤᠨ ᠬᠣᠯᠪᠣᠭᠠᠲᠠᠢ
ᠬᠥᠪᠡᠭᠦᠳ ᠦᠬᠢᠳ ᠤᠷᠤᠭ ᠤᠨ ᠬᠣᠯᠪᠣᠭᠠᠲᠠᠢ
ᠬᠦᠭᠵᠢᠯ ᠰᠣᠶᠣᠯ ᠬᠦᠳᠡᠯᠮᠦᠷᠢ ᠶ᠋ᠢᠨ ᠬᠣᠯᠪᠣᠭᠠᠲᠠᠢ
ᠬᠥᠮᠦᠨ ᠮᠠᠯ ᠠᠮᠢᠳᠤᠷᠠᠯ ᠤᠨ ᠬᠣᠯᠪᠣᠭᠠᠲᠠᠢ
ᠳᠦᠷᠪᠡᠨ ᠢᠯᠭᠠᠪᠤᠷᠢᠲᠠᠢ
ᠬᠠᠷᠠ ᠴᠠᠭᠠᠨ ᠦᠩᠭᠡ ᠶ᠋ᠢᠨ ᠢᠯᠭᠠᠪᠤᠷᠢᠲᠠᠢ
ᠬᠠᠲᠠᠭᠤ ᠵᠥᠭᠡᠯᠡᠨ ᠴᠢᠨᠠᠷ ᠤᠨ ᠢᠯᠭᠠᠪᠤᠷᠢᠲᠠᠢ
ᠬᠠᠶ᠋ᠢᠷᠠ ᠬᠣᠷᠣᠰᠤᠯ ᠦᠨᠳᠦᠰᠦᠨ ᠢᠯᠭᠠᠪᠤᠷᠢᠲᠠᠢ
ᠬᠠᠯᠠᠭᠤᠨ ᠬᠦᠢᠲᠡᠨ ᠬᠡᠮᠵᠢᠭᠦᠷ ᠦᠨ ᠢᠯᠭᠠᠪᠤᠷᠢᠲᠠᠢ
ᠳᠦᠷᠪᠡᠨ ᠤᠷᠲᠤ
ᠬᠣᠪᠴᠢ ᠬᠥᠮᠦᠨ ᠦ ᠬᠣᠩᠰᠢᠶᠠᠷ ᠤᠷᠲᠤ
ᠬᠣᠤᠷᠲᠤ ᠮᠣᠭᠠᠢ ᠶ᠋ᠢᠨ ᠬᠡᠯᠡ ᠤᠷᠲᠤ
ᠬᠤᠯᠠᠭᠠᠶ᠋ᠢᠴᠢ ᠬᠥᠮᠦᠨ ᠦ ᠭᠠᠷ ᠤᠷᠲᠤ
ᠬᠤᠯᠠᠭᠠᠶ᠋ᠢᠴᠢ ᠨᠣᠬᠠᠢ ᠶ᠋ᠢᠨ ᠰᠢᠳᠦ ᠤᠷᠲᠤ
ᠳᠦᠷᠪᠡᠨ ᠬᠡᠷᠡᠭᠲᠡᠢ
ᠠᠲᠠᠭᠠᠲᠠᠨ ᠢ ᠳᠠᠷᠤᠬᠤ ᠳᠤ ᠠᠷᠭᠠ ᠬᠡᠷᠡᠭᠲᠡᠢ
ᠠᠮᠢᠳᠤᠷᠠᠯ ᠢ ᠣᠯᠬᠤ ᠳᠤ ᠠᠵᠢᠯ ᠬᠡᠷᠡᠭᠲᠡᠢ
ᠣᠶᠣᠳᠠᠯ ᠣᠶᠣᠬᠤ ᠳᠤ ᠵᠡᠭᠦᠦ ᠬᠡᠷᠡᠭᠲᠡᠢ
ᠣᠯᠠᠨ ᠲᠠᠢ ᠨᠦᠬᠦᠷᠯᠡᠬᠦ ᠳᠦ ᠰᠡᠳᠬᠢᠯ ᠬᠡᠷᠡᠭᠲᠡᠢ
ᠳᠦᠷᠪᠡᠨ ᠵᠦᠢ
ᠠᠷᠢᠶᠠᠲᠠᠨ ᠢ ᠠᠷᠭᠠ ᠪᠠᠷ ᠪᠠᠷᠢᠬᠤ ᠵᠦᠢ
ᠠᠳᠤᠭᠤ ᠶ᠋ᠢ ᠤᠷᠭᠠ ᠪᠠᠷ ᠤᠷᠭᠠᠯᠠᠬᠤ ᠵᠦᠢ
ᠠᠵᠢᠯ ᠢ ᠤᠬᠠᠭᠠᠨ ᠢᠶ᠋ᠠᠷ ᠬᠢᠬᠦ ᠵᠦᠢ
ᠠᠰᠠᠭᠤᠳᠠᠯ ᠢ ᠰᠤᠳᠤᠯᠤᠯ ᠢᠶ᠋ᠠᠷ ᠰᠡᠶ᠋ᠢᠳᠪᠦᠷᠢᠯᠡᠬᠦ ᠵᠦᠢ
ᠳᠦᠷᠪᠡᠨ ᠬᠡᠷᠡᠭᠲᠡᠢ
ᠠᠵᠤ ᠠᠮᠢᠳᠤᠷᠠᠯ ᠳᠤ ᠲᠥᠯᠥᠪᠯᠡᠭᠡ ᠬᠡᠷᠡᠭᠲᠡᠢ
ᠠᠵᠢᠯ ᠦᠢᠯᠡᠰ ᠲᠦ ᠲᠤᠷᠰᠢᠯᠭᠠ ᠬᠡᠷᠡᠭᠲᠡᠢ
ᠮᠠᠯ ᠬᠠᠷᠢᠭᠤᠯᠬᠤ ᠳᠤ ᠠᠷᠭᠠ ᠬᠡᠷᠡᠭᠲᠡᠢ
ᠮᠠᠭᠠᠳ ᠢ ᠣᠯᠬᠤ ᠳᠤ ᠪᠠᠷᠢᠮᠲᠠ ᠬᠡᠷᠡᠭᠲᠡᠢ
ᠳᠦᠷᠪᠡᠨ ᠦᠭᠡᠢ
ᠠᠪᠤ ᠶ᠋ᠢᠨ ᠬᠡᠦᠬᠡᠳ ᠠᠳᠠᠯᠢ ᠦᠭᠡᠢ
ᠠᠷᠪᠠᠨ ᠬᠤᠷᠤᠭᠤ ᠲᠡᠭᠰᠢ ᠦᠭᠡᠢ
ᠬᠥᠮᠦᠨ ᠪᠦᠷᠢ ᠠᠳᠠᠯᠢ ᠦᠭᠡᠢ
ᠬᠦᠯᠦᠭ ᠪᠦᠷᠢ ᠵᠢᠷᠣᠭᠠ ᠦᠭᠡᠢ
ᠳᠦᠷᠪᠡᠨ ᠳᠠᠭᠠᠨᠠ
ᠵᠠᠭᠠᠨ ᠬᠡᠳᠦᠢ ᠲᠣᠮᠣ ᠪᠣᠯᠪᠠᠴᠤ ᠵᠠᠮ ᠤᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠵᠠᠩᠵᠤᠨ ᠬᠡᠳᠦᠢ ᠴᠢᠳᠠᠯ ᠲᠠᠢ ᠪᠣᠯᠪᠠᠴᠤ ᠬᠠᠤᠯᠢ ᠶ᠋ᠢᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠭᠠᠩ ᠬᠡᠳᠦᠢ ᠬᠠᠲᠠᠭᠤ ᠪᠣᠯᠪᠠᠴᠤ ᠭᠠᠯ ᠤᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠭᠠᠩᠭᠠ ᠮᠦᠷᠡᠨ ᠪᠣᠯᠪᠠᠴᠤ ᠭᠠᠵᠠᠷ ᠤᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠳᠥᠷᠪᠡᠨ ᠦᠭᠡᠢ
ᠴᠠᠭ ᠴᠠᠭ ᠶ᠋ᠢᠠᠷ ᠶ᠋ᠢᠠᠨ ᠪᠠᠶ᠋ᠢᠲᠠᠭ ᠦᠭᠡᠢ
ᠴᠠᠬᠢᠯᠲᠠᠭ ᠬᠥᠬᠡ ᠪᠡᠷ ᠶ᠋ᠢᠡᠨ ᠪᠠᠶ᠋ᠢᠲᠠᠭ ᠦᠭᠡᠢ
ᠥᠩᠭᠡ ᠥᠩᠭᠡ ᠪᠡᠷ ᠶ᠋ᠢᠠᠨ ᠪᠠᠶ᠋ᠢᠲᠠᠭ ᠦᠭᠡᠢ
ᠡᠪᠡᠰᠦ ᠬᠥᠬᠡ ᠪᠡᠷ ᠶ᠋ᠢᠡᠨ ᠪᠠᠶ᠋ᠢᠲᠠᠭ ᠦᠭᠡᠢ
ᠳᠥᠷᠪᠡᠨ ᠨᠢᠭᠡ
ᠠᠶ᠋ᠢᠯ ᠠᠶ᠋ᠢᠮᠠᠭ ᠦ᠋ᠨ ᠦᠭᠡ ᠨᠢ ᠨᠢᠭᠡ
ᠠᠨᠵᠢᠰᠤᠨ ᠦᠬᠡᠷ ᠦ᠋ᠨ ᠲᠥᠷᠥ ᠨᠢ ᠨᠢᠭᠡ
ᠠᠲᠤᠭᠤ ᠮᠠᠯ ᠦ᠋ᠨ ᠪᠡᠯᠴᠢᠭᠡᠷ ᠨᠢ ᠨᠢᠭᠡ
ᠠᠬᠠ ᠳᠡᠭᠦᠦ ᠶ᠋ᠢᠨ ᠥᠮᠴᠢ ᠨᠢ ᠨᠢᠭᠡ
ᠳᠥᠷᠪᠡᠨ ᠮᠡᠲᠡᠬᠦ ᠦᠭᠡᠢ
ᠬᠥᠮᠦᠨ ᠪᠡᠶᠡ ᠪᠡᠨ ᠨᠢᠭᠡ ᠮᠡᠲᠡᠬᠦ ᠦᠭᠡᠢ
ᠬᠦᠷᠡᠨᠡ ᠦᠮᠡᠬᠡᠢ ᠪᠡᠨ ᠨᠢᠭᠡ ᠮᠡᠲᠡᠬᠦ ᠦᠭᠡᠢ
ᠮᠣᠭᠠᠢ ᠮᠥᠷ ᠶ᠋ᠢᠡᠨ ᠨᠢᠭᠡ ᠮᠡᠲᠡᠬᠦ ᠦᠭᠡᠢ
ᠮᠤᠤᠷ ᠵᠠᠩ ᠶ᠋ᠢᠠᠨ ᠨᠢᠭᠡ ᠮᠡᠲᠡᠬᠦ ᠦᠭᠡᠢ
ᠳᠥᠷᠪᠡᠨ ᠬᠡᠴᠡᠭᠦᠦ
ᠬᠠᠶ᠋ᠢᠷᠠᠲᠠᠢ ᠡᠬᠡᠨᠡᠷ ᠦ᠋ᠨ ᠰᠡᠵᠢᠭ᠌ᠯᠡᠬᠦ ᠨᠢ ᠬᠡᠴᠡᠭᠦᠦ
ᠬᠠᠯᠠ ᠲᠠᠢ ᠬᠠᠲᠠᠮ ᠦ᠋ᠨ ᠬᠠᠯᠠ ᠨᠢ ᠬᠡᠴᠡᠭᠦᠦ
ᠪᠣᠲᠣᠭᠣ ᠲᠠᠢ ᠢᠩᠭᠡ ᠶ᠋ᠢᠨ ᠪᠤᠶ᠋ᠢᠯᠠᠬᠤ ᠨᠢ ᠬᠡᠴᠡᠭᠦᠦ
ᠪᠤᠬᠠᠨᠲᠠᠢ ᠪᠢᠷᠠᠭᠤ ᠶ᠋ᠢᠨ ᠠᠭᠠᠰᠢᠯᠠᠬᠤ ᠨᠢ ᠬᠡᠴᠡᠭᠦᠦ
ᠳᠥᠷᠪᠡᠨ ᠴᠢᠬᠤᠯᠠ
ᠡᠷᠡ ᠪᠡᠶᠡ ᠳ᠋ᠤᠷ ᠠᠮᠢ ᠨᠢᠭᠡ ᠴᠢᠬᠤᠯᠠ
ᠡᠨᠡ ᠨᠠᠰᠤᠨ ᠳ᠋ᠤᠷ ᠦᠢᠯᠡᠰ ᠨᠢᠭᠡ ᠴᠢᠬᠤᠯᠠ
ᠡᠷᠡᠮᠡᠬᠡᠢ ᠬᠦᠴᠦᠨ ᠳ᠋ᠤᠷ ᠡᠷᠲᠡᠮ ᠨᠢᠭᠡ ᠴᠢᠬᠤᠯᠠ
ᠡᠷᠢᠯ ᠬᠦᠰᠡᠯ ᠳ᠋ᠤᠷ ᠵᠣᠷᠢᠬ ᠨᠢᠭᠡ ᠴᠢᠬᠤᠯᠠ
ᠳᠥᠷᠪᠡᠨ ᠰᠠᠶ᠋ᠢᠬᠠᠨ
ᠡᠳ᠋ ᠮᠥᠩᠭᠥ ᠨᠢᠭᠡ ᠰᠠᠶ᠋ᠢᠬᠠᠨ
ᠡᠷᠴᠢ ᠵᠣᠷᠢᠬ ᠨᠢᠭᠡ ᠰᠠᠶ᠋ᠢᠬᠠᠨ
ᠡᠷᠢᠯ ᠬᠦᠰᠡᠯ ᠨᠢᠭᠡ ᠰᠠᠶ᠋ᠢᠬᠠᠨ
ᠡᠷᠬᠡ ᠴᠢᠯᠥᠭᠡ ᠨᠢᠭᠡ ᠰᠠᠶ᠋ᠢᠬᠠᠨ
ᠳᠥᠷᠪᠡᠨ ᠰᠠᠶ᠋ᠢᠬᠠᠨ
ᠤᠷᠭᠤᠮᠠᠯ ᠦ᠋ᠨ ᠳᠣᠲᠣᠷᠠ ᠴᠡᠴᠡᠭ ᠰᠠᠶ᠋ᠢᠬᠠᠨ
ᠤᠴᠢᠷ ᠦ᠋ᠨ ᠳᠣᠲᠣᠷᠠ ᠶᠣᠰᠣ ᠰᠠᠶ᠋ᠢᠬᠠᠨ
ᠬᠥᠲᠡᠯᠬᠦ ᠠᠮᠢᠲᠠᠨ ᠳᠦ ᠬᠥᠮᠦᠨ ᠰᠠᠶ᠋ᠢᠬᠠᠨ
ᠬᠥᠮᠦᠵᠢᠬᠦ ᠨᠠᠰᠤᠨ ᠳᠦ ᠬᠡᠦᠬᠡᠳ ᠰᠠᠶ᠋ᠢᠬᠠᠨ
ᠳᠥᠷᠪᠡᠨ ᠰᠤᠯᠠ
ᠬᠠᠵᠠᠭᠠᠷ ᠦᠭᠡᠢ ᠮᠣᠷᠢ ᠨᠢᠭᠡ ᠰᠤᠯᠠ
ᠬᠠᠲᠠᠮ ᠦᠭᠡᠢ ᠪᠡᠷᠢ ᠨᠢᠭᠡ ᠰᠤᠯᠠ
ᠳᠠᠪᠤᠰᠤ ᠦᠭᠡᠢ ᠴᠠᠢ ᠨᠢᠭᠡ ᠰᠤᠯᠠ
ᠳᠠᠪᠠᠷᠬᠠᠢ ᠦᠭᠡᠢ ᠬᠤᠶ᠋ᠢᠴᠢᠩ ᠨᠢᠭᠡ ᠰᠤᠯᠠ
ᠳᠥᠷᠪᠡᠨ ᠴᠢᠮᠡᠭ
ᠠᠭᠤᠯᠠᠨ ᠳᠡᠭᠡᠷᠡ ᠨᠠᠷᠠᠰᠤ ᠴᠢᠮᠡᠭ
ᠤᠷᠭᠤᠮᠠᠯ ᠦ᠋ᠨ ᠳᠤᠮᠳᠠ ᠴᠡᠴᠡᠭ ᠴᠢᠮᠡᠭ
ᠤᠷᠢ ᠨᠠᠰᠤᠨ ᠳᠦ ᠮᠡᠲᠡᠯᠭᠡ ᠴᠢᠮᠡᠭ
ᠤᠷᠠᠨ ᠮᠡᠷᠭᠡᠵᠢᠯ ᠪᠡᠶᠡ ᠳᠦ ᠴᠢᠮᠡᠭ
ᠳᠥᠷᠪᠡᠨ ᠰᠠᠶ᠋ᠢᠬᠠᠨ
ᠵᠥᠭᠡᠭᠡᠵᠦ ᠪᠠᠭᠤᠬᠤ ᠳᠦ ᠵᠦᠯᠭᠡ ᠰᠠᠶ᠋ᠢᠬᠠᠨ
ᠵᠥᠪᠯᠡᠵᠦ ᠶᠠᠷᠢᠬᠤ ᠳᠦ ᠠᠪᠤ ᠰᠠᠶ᠋ᠢᠬᠠᠨ
ᠡᠷᠭᠢᠵᠦ ᠪᠠᠭᠤᠬᠤ ᠳᠦ ᠡᠵᠢ ᠰᠠᠶ᠋ᠢᠬᠠᠨ
ᠡᠷᠭᠢᠭᠦᠯᠵᠦ ᠮᠥᠯᠵᠢᠬᠦ ᠳᠦ ᠬᠦᠵᠦᠭᠦᠦ ᠰᠠᠶ᠋ᠢᠬᠠᠨ
ᠳᠥᠷᠪᠡᠨ ᠵᠢᠮᠰᠡᠭ
ᠰᠠᠭᠠᠲᠠᠭ ᠨᠤᠮᠤ ᠡᠷᠡ ᠶ᠋ᠢᠨ ᠵᠢᠮᠰᠡᠭ
ᠰᠠᠭᠯᠠᠭᠠᠷ ᠮᠣᠲᠣ ᠠᠭᠤᠯᠠ ᠶ᠋ᠢᠨ ᠵᠢᠮᠰᠡᠭ
ᠰᠠᠵᠢᠯᠬ᠋ᠠ ᠰᠦᠢᠬᠡ ᠡᠮᠡ ᠶ᠋ᠢᠨ ᠵᠢᠮᠰᠡᠭ
ᠰᠠᠢᠨ ᠡᠬᠡᠨᠡᠷ ᠭᠡᠷ ᠦ᠋ᠨ ᠵᠢᠮᠰᠡᠭ
ᠳᠥᠷᠪᠡᠨ ᠴᠢᠮᠡᠭ
ᠣᠭᠲᠠᠷᠭᠤᠢ ᠶ᠋ᠢᠨ ᠳᠤᠮᠳᠠ ᠣᠲᠣ ᠴᠢᠮᠡᠭ
ᠣᠷᠭᠢᠯ ᠳᠦ ᠮᠠᠴᠤᠬᠤ ᠳᠦ ᠡᠷᠲᠡᠮ ᠴᠢᠮᠡᠭ
ᠤᠰᠤᠨ ᠳᠣᠲᠣᠷᠠ ᠰᠤᠪᠤᠳ ᠴᠢᠮᠡᠭ
ᠣᠶᠤᠨ ᠰᠠᠨᠠᠭᠠᠨ ᠳᠦ ᠤᠬᠠᠭᠠᠨ ᠴᠢᠮᠡᠭ
ᠲᠠᠪᠤᠨ ᠲᠣᠭᠰᠢᠨ
ᠡᠪᠡᠰᠦᠨ ᠳᠦ ᠣᠷᠣᠭᠰᠠᠨ ᠲᠦᠢᠮᠡᠷ ᠲᠣᠭᠰᠢᠨ
ᠡᠮᠡᠭᠡᠯ ᠶ᠋ᠢᠡᠨ ᠬᠥᠨᠭᠭᠡᠯᠡᠭᠰᠡᠨ ᠮᠣᠷᠢ ᠲᠣᠭᠰᠢᠨ
ᠡᠷᠬᠢ ᠪᠡᠨ ᠬᠠᠯᠢᠬᠰᠠᠨ ᠤᠰᠤ ᠲᠣᠭᠰᠢᠨ
ᠡᠵᠡᠨ ᠶ᠋ᠢᠡᠨ ᠠᠶᠤᠯᠭᠠᠭᠰᠠᠨ ᠠᠯᠪᠠᠲᠤ ᠲᠣᠭᠰᠢᠨ
ᠡᠷᠡ ᠪᠡᠨ ᠡᠵᠡᠯᠡᠭᠰᠡᠨ ᠡᠬᠡᠨᠡᠷ ᠲᠣᠭᠰᠢᠨ
ᠲᠠᠪᠤᠨ ᠠᠷᠢᠭᠤᠨ
ᠡᠨᠡᠷᠢᠯᠲᠦ ᠡᠵᠢ ᠶ᠋ᠢᠨ ᠰᠦ᠋ ᠨᠢᠭᠡ ᠠᠷᠢᠭᠤᠨ
ᠡᠴᠢᠭᠡ ᠬᠦᠮᠦᠨ ᠪ ᠰᠡᠤᠠᠬᠢᠯ ᠨᠢᠭᠡ ᠠᠷᠢᠭᠤᠨ
ᠡᠷᠲᠡᠮᠲᠦ ᠪᠠᠭᠰᠢ ᠶ᠋ᠢᠨ ᠰᠤᠷᠭᠠᠯ ᠨᠢᠭᠡ ᠠᠷᠢᠭᠤᠨ
ᠡᠬᠡ ᠣᠷᠣᠨᠴᠢ ᠶ᠋ᠢᠨ ᠵᠢᠤᠠᠬᠦᠯ ᠨᠢᠭᠡ ᠠᠷᠢᠭᠤᠨ
ᠡᠷᠬᠡ ᠴᠢᠯᠥᠭᠡᠨ ᠪ ᠬᠦᠰᠡᠯ ᠨᠢᠭᠡ ᠠᠷᠢᠭᠤᠨ
ᠲᠠᠪᠤᠨ ᠭᠡᠭᠡᠬᠡᠨ
ᠰᠠᠷᠠᠭᠤᠯ ᠰᠥᠨᠢ ᠶ᠋ᠢᠨ ᠰᠠᠷᠠ ᠭᠡᠭᠡᠬᠡᠨ
ᠰᠠᠢᠨ ᠬᠦᠮᠦᠨ ᠪ ᠰᠠᠨᠠᠬ᠋ᠠ ᠭᠡᠭᠡᠬᠡᠨ
ᠭᠡᠭᠡᠪᠴᠢ ᠲᠤᠩᠭᠠᠯᠠᠭ ᠭᠡᠷ ᠭᠡᠭᠡᠬᠡᠨ
ᠭᠡᠮ ᠦᠭᠡᠢ ᠨᠣᠶᠠᠨ ᠭᠡᠭᠡᠬᠡᠨ
ᠬᠬᠢᠷ ᠦᠭᠡᠢ ᠲᠣᠯᠢ ᠭᠡᠭᠡᠬᠡᠨ
ᠲᠠᠪᠤᠨ ᠬᠦᠴᠦᠲᠡᠢ
ᠠᠭᠯᠠᠭ ᠠᠭᠤᠯᠠᠨ ᠳᠦ ᠠᠷᠰᠯᠠᠨ ᠬᠦᠴᠦᠲᠡᠢ
ᠠᠷᠬ᠋ᠠ ᠤᠬᠠᠭᠠᠨᠲᠤ ᠬᠦᠮᠦᠨ ᠬᠦᠴᠦᠲᠡᠢ
ᠪᠠᠯᠠᠷ ᠣᠢ ᠳᠦ ᠪᠠᠷᠰ ᠬᠦᠴᠦᠲᠡᠢ
ᠪᠠᠶ᠋ᠢᠯᠲᠤᠵᠤ ᠲᠤᠯᠤᠯᠲᠤᠬᠤ ᠳᠦ ᠵᠡᠪᠰᠡᠭ ᠬᠦᠴᠦᠲᠡᠢ
ᠪᠠᠭᠠᠲᠤᠷ ᠡᠷᠡ ᠳᠦ ᠪᠣᠲᠣᠯᠬ᠋ᠠ ᠬᠦᠴᠦᠲᠡᠢ
ᠲᠠᠪᠤᠨ ᠨᠣᠭᠣᠭᠠᠨ
ᠤᠷᠭᠤᠮᠠᠯ ᠪᠣᠲᠠᠰ ᠦ᠋ᠨ ᠨᠠᠪᠴᠢ ᠨᠢᠭᠡ ᠨᠣᠭᠣᠭᠠᠨ
ᠣᠭ᠌ᠶᠤ ᠪᠣᠯᠣᠷ ᠦ᠋ᠨ ᠴᠣᠭᠴᠠ ᠨᠢᠭᠡ ᠨᠣᠭᠣᠭᠠᠨ
ᠤᠰᠤᠲᠤ ᠨᠠᠭᠤᠷ ᠦ᠋ᠨ ᠴᠡᠭᠡᠯ ᠨᠢᠭᠡ ᠨᠣᠭᠣᠭᠠᠨ
ᠥᠩᠭᠡᠲᠦ ᠰᠣᠯᠣᠩᠬ᠋ᠠ ᠶ᠋ᠢᠨ ᠡᠮᠵᠢᠶᠡᠷᠢ ᠨᠢᠭᠡ ᠨᠣᠭᠣᠭᠠᠨ
ᠥᠨᠲᠥᠷ ᠠᠭᠤᠯᠠ ᠶ᠋ᠢᠨ ᠨᠠᠷᠠᠰᠤ ᠨᠢᠭᠡ ᠨᠣᠭᠣᠭᠠᠨ
ᠲᠠᠪᠤᠨ ᠠᠶᠤᠯ
ᠭᠠᠯᠵᠠᠭᠤ ᠲᠣᠭᠰᠢᠨ ᠭᠠᠯ ᠦ᠋ᠨ ᠠᠶᠤᠯ
ᠭᠠᠷᠤᠵᠠ ᠶᠡᠬᠡᠲᠦ ᠤᠰᠤᠨ ᠪ ᠠᠶᠤᠯ
ᠭᠠᠰᠠᠯᠠᠩ ᠵᠣᠪᠠᠯᠠᠩᠲᠤ ᠳᠠᠶ᠋ᠢᠨ ᠪ ᠠᠶᠤᠯ
ᠭᠠᠢ ᠶᠡᠬᠡᠲᠦ ᠬᠣᠷᠣᠬᠠᠢ ᠶ᠋ᠢᠨ ᠠᠶᠤᠯ
ᠭᠠᠴᠠᠭᠠᠨ ᠵᠣᠪᠠᠭᠠᠬᠤ ᠳᠦ ᠡᠪᠡᠤᠠᠴᠢᠨ ᠪ ᠠᠶᠤᠯ
ᠵᠢᠷᠭᠤᠭᠠᠨ ᠮᠠᠭᠤ
ᠬᠣᠶᠠᠷ ᠦᠵᠦᠭᠦᠷ ᠲᠡᠢ ᠬᠣᠩᠰᠢᠶᠠᠷ ᠮᠠᠭᠤ
ᠬᠤᠷᠤᠭᠤ ᠬᠢᠮᠤᠰᠤ ᠲᠠᠢ ᠬᠤᠯᠠᠭᠠᠶ᠋ᠢᠴᠢ ᠮᠠᠭᠤ
ᠬᠤᠶᠠᠯᠢ ᠵᠠᠩ ᠲᠠᠢ ᠡᠬᠡᠨᠡᠷ ᠮᠠᠭᠤ
ᠬᠣᠪᠲᠣᠭ ᠰᠠᠨᠠᠬ᠋ᠠ ᠲᠠᠢ ᠨᠣᠶᠠᠳ ᠮᠠᠭᠤ
ᠬᠤᠯᠵᠢᠨ ᠠᠷᠬ᠋ᠠ ᠲᠠᠢ ᠠᠮᠢᠲᠠᠨ ᠮᠠᠭᠤ
ᠬᠣᠣᠷᠲᠤ ᠮᠡᠬᠡ ᠲᠡᠢ ᠬᠦᠮᠦᠨ ᠮᠠᠭᠤ
ᠲᠠᠪᠤᠨ ᠵᠠᠰᠠᠯ
ᠡᠮᠡᠭᠡᠯ ᠬᠠᠵᠠᠭᠠᠷ ᠮᠣᠷᠢᠨ ᠪ ᠵᠠᠰᠠᠯ
ᠡᠭᠡᠮᠦᠭ ᠰᠦᠢᠬᠡ ᠴᠢᠬᠢᠨ ᠪ ᠵᠠᠰᠠᠯ
ᠡᠷᠲᠡᠮ ᠨᠣᠮ ᠪᠡᠶᠡ ᠶ᠋ᠢᠨ ᠵᠠᠰᠠᠯ
ᠡᠷᠲᠡᠨᠢ ᠮᠥᠩᠭᠥ ᠠᠮᠢᠲᠤᠷᠠᠯ ᠦ᠋ᠨ ᠵᠠᠰᠠᠯ
ᠡᠶᠡ ᠨᠠᠶ᠋ᠢᠷ ᠨᠥᠬᠥᠷᠯᠡᠯ ᠦ᠋ᠨ ᠵᠠᠰᠠᠯ
ᠵᠢᠷᠭᠤᠭᠠᠨ ᠪᠥᠬᠡ
ᠠᠯᠪᠠᠨ ᠵᠠᠷᠤᠴᠠ ᠶ᠋ᠢᠨ ᠠᠮᠠ ᠨᠢ ᠪᠥᠬᠡ
ᠠᠯᠠᠭᠰᠠᠨ ᠲᠠᠷᠪᠠᠭᠠᠨ ᠪ ᠵᠡᠪᠡᠵᠢ ᠨᠢ ᠪᠥᠬᠡ
ᠢᠴᠠᠬᠦ ᠦᠭᠡᠢ ᠬᠥᠮᠦᠨ ᠪ ᠨᠢᠭᠤᠷ ᠨᠢ ᠪᠥᠬᠡ
ᠦᠬᠦᠬᠦ ᠦᠭᠡᠢ ᠮᠠᠯ ᠦ᠋ᠨ ᠠᠮᠢ ᠨᠢ ᠪᠥᠬᠡ
ᠬᠦᠮᠦᠨ ᠪ ᠮᠣᠷᠢ ᠶ᠋ᠢᠨ ᠨᠢᠷᠤᠭᠤ ᠨᠢ ᠪᠥᠬᠡ
ᠬᠦᠷᠭᠡᠨ ᠬᠦᠮᠦᠨ ᠪ ᠬᠦᠵᠦᠭᠦᠦ ᠨᠢ ᠪᠥᠬᠡ
ᠳᠦᠷᠪᠡᠨ ᠬᠤᠷᠴᠠ
ᠡᠭᠦᠯᠡ ᠡᠴᠡ ᠭᠠᠷᠤᠭᠰᠠᠨ ᠨᠠᠷᠠ ᠬᠤᠷᠴᠠ
ᠡᠭᠦᠲᠡ ᠡᠴᠡ ᠭᠠᠷᠤᠭᠰᠠᠨ ᠪᠣᠱᠣᠭᠣ ᠬᠤᠷᠴᠠ
ᠦᠬᠦᠬᠦ ᠬᠦᠮᠦᠨ ᠪ ᠨᠢᠲᠦ ᠬᠤᠷᠴᠠ
ᠦᠭᠡᠶ᠋ᠢᠷᠡᠬᠦ ᠬᠥᠮᠦᠨ ᠪ ᠰᠢᠲᠦ ᠬᠤᠷᠴᠠ
ᠵᠢᠷᠭᠤᠭᠠᠨ ᠭᠦᠢᠴᠡᠤᠠᠬᠡᠬᠦ
ᠡᠴᠢᠭᠡ ᠡᠬᠡ ᠶ᠋ᠢ ᠡᠯᠪᠡᠷᠢᠯ ᠶ᠋ᠢᠡᠷ ᠭᠦᠢᠴᠡᠤᠠᠬᠡᠬᠦ
ᠡᠪᠦᠭᠡᠳ ᠬᠥᠭᠰᠢᠳ ᠊ᠢ ᠬᠦᠨᠲᠦᠯᠡᠯ ᠶ᠋ᠢᠡᠷ ᠭᠦᠢᠴᠡᠤᠠᠬᠡᠬᠦ
ᠡᠩ ᠦ᠋ᠨ ᠬᠥᠮᠦᠰ ᠊ᠢ ᠨᠠᠶ᠋ᠢᠷ ᠶ᠋ᠢᠠᠷ ᠭᠦᠢᠴᠡᠤᠠᠬᠡᠬᠦ
ᠠᠬᠠ ᠶᠡᠬᠡᠰ ᠊ᠢ ᠳᠡᠭᠦᠦᠴᠢᠯᠡᠯ ᠶ᠋ᠢᠡᠷ ᠭᠦᠢᠴᠡᠤᠠᠬᠡᠬᠦ
ᠠᠲᠠᠯᠢ ᠵᠡᠷᠭᠡ ᠶ᠋ᠢ ᠡᠶᠡᠯᠳᠡᠭ ᠶ᠋ᠢᠡᠷ ᠭᠦᠢᠴᠡᠤᠠᠬᠡᠬᠦ
ᠠᠯᠤᠰ ᠬᠣᠯᠠ ᠶ᠋ᠢ ᠰᠡᠤᠠᠬᠢᠯ ᠶ᠋ᠢᠡᠷ ᠭᠦᠢᠴᠡᠤᠠᠬᠡᠬᠦ
ᠳᠥᠷᠪᠡᠨ ᠪᠡᠷᠬᠡ
ᠥᠪᠡᠷ ᠶ᠋ᠢᠡᠨ ᠡᠰᠡ ᠬᠢᠴᠢᠶᠡᠪᠡᠰᠦ ᠪᠤᠰᠤᠳ ᠊ᠢ ᠰᠤᠷᠭᠠᠬᠤ ᠪᠡᠷᠬᠡ
ᠦᠨᠡᠨ ᠬᠤᠲᠠᠯ ᠊ᠢ ᠡᠰᠡ ᠢᠯᠭᠠᠪᠠᠰᠤ ᠦᠢᠯᠡᠰ ᠪᠦᠲᠦᠭᠡᠬᠦ ᠪᠡᠷᠬᠡ
ᠥᠭᠯᠢᠭᠡ ᠵᠠᠷᠤᠯᠬ᠋ᠠ ᠶ᠋ᠢ ᠡᠰᠡ ᠲᠡᠬ᠋ᠰᠢᠯᠡᠪᠡᠰᠦ ᠡᠳ᠋ ᠲᠡᠢ ᠪᠣᠯᠬᠤ ᠪᠡᠷᠬᠡ
ᠥᠪᠡᠷ ᠪᠤᠰᠤᠳ ᠊ᠢ ᠡᠰᠡ ᠠᠲᠠᠯᠢᠤᠠᠬᠠᠪᠠᠰᠤ ᠪᠤᠶᠠᠨᠲᠠᠢ ᠪᠣᠯᠬᠤ ᠪᠡᠷᠬᠡ
ᠨᠠᠢ᠍ᠮᠠᠨ ᠣᠯᠠᠨ
ᠰᠠᠢᠨ ᠬᠥᠮᠦᠨ ᠳᠦ ᠲᠠᠯᠠ ᠨᠢᠭᠡ ᠣᠯᠠᠨ
ᠮᠠᠭᠤ ᠬᠥᠮᠦᠨ ᠳᠦ ᠶᠠᠯᠠ ᠨᠢᠭᠡ ᠣᠯᠠᠨ
ᠰᠠᠢᠨ ᠶᠠᠪᠤᠬᠤ ᠳᠦ ᠰᠠᠶ᠋ᠢᠳ ᠨᠢᠭᠡ ᠣᠯᠠᠨ
ᠰᠠᠭᠠᠷ ᠶᠠᠪᠤᠬᠤ ᠳᠦ ᠳᠠᠶ᠋ᠢᠰᠤᠨ ᠨᠢᠭᠡ ᠣᠯᠠᠨ
ᠡᠴᠡᠭᠰᠡᠨ ᠮᠣᠷᠢᠨ ᠳᠦ ᠲᠠᠰᠢᠭᠤᠷ ᠨᠢᠭᠡ ᠣᠯᠠᠨ
ᠶᠠᠲᠠᠭᠰᠠᠨ ᠬᠥᠮᠦᠨ ᠳᠦ ᠨᠣᠶᠠᠨ ᠨᠢᠭᠡ ᠣᠯᠠᠨ
ᠡᠲᠦᠷ ᠦ᠋ᠨ ᠬᠣᠭᠣᠯᠠᠨ ᠳᠦ ᠡᠵᠡᠨ ᠨᠢᠭᠡ ᠣᠯᠠᠨ
ᠥᠨᠥᠴᠢᠨ ᠬᠥᠮᠦᠨ ᠳᠦ ᠵᠠᠩᠲᠤᠷᠤᠭᠴᠢ ᠨᠢᠭᠡ ᠣᠯᠠᠨ
ᠨᠠᠢ᠍ᠮᠠᠨ ᠬᠠᠷᠠ
ᠳᠡᠭᠡᠭᠦᠷ ᠡᠷᠭᠢᠴᠡᠬᠦ ᠬᠡᠷᠢᠶᠡ ᠬᠠᠷᠠ
ᠳᠡᠯᠡᠬᠡᠢ ᠳᠦ ᠪᠠᠶ᠋ᠢᠬ᠋ᠠ ᠭᠠᠬᠠᠢ ᠬᠠᠷᠠ
ᠳ᠋ᠸᠩ ᠦᠭᠡᠢ ᠪᠠᠶ᠋ᠢᠰᠢᠩ ᠬᠠᠷᠠ
ᠳᠡᠪᠢᠭᠦᠷ ᠦᠭᠡᠢ ᠪᠤᠲᠠᠬ᠋ᠠ ᠬᠠᠷᠠ
ᠵᠤᠤᠬᠠᠨ ᠳᠣᠲᠣᠷᠠᠬᠢ ᠬᠥ ᠬᠠᠷᠠ
ᠵᠤᠯᠠᠨ ᠳᠣᠲᠣᠷᠠᠬᠢ ᠪᠠᠤᠠᠮᠠ ᠬᠠᠷᠠ
ᠰᠦ᠋ ᠦᠭᠡᠢ ᠴᠠᠢ ᠬᠠᠷᠠ
ᠰᠦᠵᠢᠭ ᠦᠭᠡᠢ ᠰᠡᠤᠠᠬᠢᠯ ᠬᠠᠷᠠ
ᠶᠢᠰᠦᠨ ᠤᠯᠠᠭᠠᠨ
ᠵᠢᠩᠰᠡᠲᠦ ᠮᠠᠯᠠᠭᠠᠢ ᠶ᠋ᠢᠨ ᠵᠠᠯᠠᠬ᠋ᠠ ᠤᠯᠠᠭᠠᠨ
ᠲᠡᠷᠢᠭᠦᠨ ᠲᠠᠶ᠋ᠢᠵᠢ ᠶ᠋ᠢᠨ ᠵᠢᠩᠰᠡ ᠤᠯᠠᠭᠠᠨ
ᠵᠢᠷᠠᠨ ᠰᠠᠶ᠋ᠢᠳ ᠦ᠋ᠨ ᠵᠠᠯᠠᠬ᠋ᠠ ᠤᠯᠠᠭᠠᠨ
ᠵᠠᠭᠤᠲᠠᠭ ᠨᠣᠬᠠᠢ ᠶ᠋ᠢᠨ ᠠᠮᠠ ᠤᠯᠠᠭᠠᠨ
ᠵᠠᠭᠤᠲᠠᠭ ᠪᠤᠤᠷᠠ ᠶ᠋ᠢᠨ ᠰᠢᠯᠢ ᠤᠯᠠᠭᠠᠨ
ᠠᠯᠠᠭᠰᠠᠨ ᠮᠠᠯ ᠦ᠋ᠨ ᠴᠢᠰᠤ ᠤᠯᠠᠭᠠᠨ
ᠠᠯᠠᠭᠠᠴᠢ ᠬᠥᠮᠦᠨ ᠪ ᠭᠠᠨᠵᠤᠬ᠋ᠠ ᠤᠯᠠᠭᠠᠨ
ᠬᠠᠲᠠ ᠲᠠᠢ ᠭᠠᠵᠠᠷ ᠦ᠋ᠨ ᠦᠨᠡᠭᠡ ᠤᠯᠠᠭᠠᠨ
ᠮᠣᠲᠣ ᠲᠠᠢ ᠭᠠᠵᠠᠷ ᠦ᠋ᠨ ᠵᠣᠲᠣᠭ ᠤᠯᠠᠭᠠᠨ
( ᠬᠠᠯᠬᠠ ᠳᠦ)
ᠶᠢᠰᠦᠨ ᠤᠯᠠᠭᠠᠨ
ᠤᠷᠭᠤᠬᠤ ᠨᠠᠷᠠᠨ ᠪ ᠭᠡᠷᠡᠯ ᠨᠢᠭᠡ ᠤᠯᠠᠭᠠᠨ
ᠠᠯᠢᠮᠠ ᠵᠢᠮᠢᠰ ᠦ᠋ᠨ ᠬᠠᠴᠠᠷ ᠨᠢᠭᠡ ᠤᠯᠠᠭᠠᠨ
ᠠᠯᠪᠠᠨ ᠲᠠᠮᠠᠬ᠋ᠠ ᠶ᠋ᠢᠨ ᠦᠰᠦᠭ ᠨᠢᠭᠡ ᠤᠯᠠᠭᠠᠨ
ᠡᠷᠡᠭᠴᠢᠨ ᠲᠠᠬᠢᠶᠠ ᠶ᠋ᠢᠨ ᠴᠡᠴᠡᠭ ᠨᠢᠭᠡ ᠤᠯᠠᠭᠠᠨ
ᠡᠭᠡᠮᠦᠭ ᠰᠦᠢᠬᠡ ᠶ᠋ᠢᠨ ᠱ᠌ᠢᠷᠦ ᠨᠢᠭᠡ ᠤᠯᠠᠭᠠᠨ
ᠵᠡᠭᠡᠷᠲᠡ ᠮᠣᠷᠢᠨ ᠪ ᠵᠢᠰᠦ ᠨᠢᠭᠡ ᠤᠯᠠᠭᠠᠨ
ᠵᠢᠲᠠ ᠰᠡᠷᠡᠭᠡ ᠶ᠋ᠢᠨ ᠵᠠᠯᠠᠬ᠋ᠠ ᠨᠢᠭᠡ ᠤᠯᠠᠭᠠᠨ
ᠵᠢᠩᠰᠡᠲᠦ ᠮᠠᠯᠠᠭᠠᠢ ᠶ᠋ᠢᠨ ᠣᠲᠣᠬ᠋ᠠ ᠨᠢᠭᠡ ᠤᠯᠠᠭᠠᠨ
ᠵᠠᠭᠤᠲᠠᠭ ᠨᠣᠬᠠᠢ ᠶ᠋ᠢᠨ ᠠᠮᠠ ᠨᠢᠭᠡ ᠤᠯᠠᠭᠠᠨ
( ᠬᠣᠷᠴᠢᠨ ᠳᠦ)
ᠠᠷᠪᠠᠨ ᠴᠠᠭᠠᠨ
ᠴᠠᠭ ᠦ᠋ᠨ ᠬᠤᠷᠠ ᠳᠦ ᠴᠠᠰᠤ ᠨᠢᠭᠡ ᠴᠠᠭᠠᠨ
ᠴᠡᠪᠡᠷ ᠪᠠᠶ᠋ᠢᠰᠢᠩ ᠦ᠋ᠨ ᠬᠡᠷᠡᠮ ᠨᠢᠭᠡ ᠴᠠᠭᠠᠨ
ᠴᠡᠯᠡᠭᠡᠷ ᠲᠠᠯᠠ ᠳᠦ ᠬᠣᠨᠢ ᠨᠢᠭᠡ ᠴᠠᠭᠠᠨ
ᠴᠡᠪᠡᠷ ᠢᠲᠡᠭᠡᠨ ᠳᠦ ᠰᠦ᠋ ᠨᠢᠭᠡ ᠴᠠᠭᠠᠨ
ᠴᠢᠯᠠᠭᠤᠨ ᠰᠠᠪᠠ ᠳᠦ ᠱᠠᠭᠠᠵᠠᠩ ᠨᠢᠭᠡ ᠴᠠᠭᠠᠨ
ᠴᠡᠩᠭᠡᠯ ᠪᠡᠯᠭᠡ ᠳᠦ ᠬᠠᠲᠠᠭ ᠨᠢᠭᠡ ᠴᠠᠭᠠᠨ
ᠴᠢᠩ ᠵᠢᠷᠤᠮᠲᠠᠨ ᠤ ᠰᠡᠳᠬᠢᠯ ᠨᠢᠭᠡ ᠴᠠᠭᠠᠨ
ᠴᠠᠪ ᠪᠤᠳᠠᠭᠠᠨ ᠳᠤ ᠭᠤᠯᠢᠷ ᠨᠢᠭᠡ ᠴᠠᠭᠠᠨ
ᠴᠢᠮᠡᠭ ᠭᠣᠶᠣᠯᠠᠯ ᠳᠤ ᠣᠣᠠ ᠨᠢᠭᠡ ᠴᠠᠭᠠᠨ
ᠴᠠᠭᠠᠰᠤ ᠨᠣᠮ ᠤᠨ ᠥᠩᠭᠡ ᠨᠢᠭᠡ ᠴᠠᠭᠠᠨ
ᠠᠷᠪᠠᠨ ᠴᠢᠮᠡᠭ
ᠠᠭᠯᠠᠭ ᠠᠭᠤᠯᠠᠨ ᠳᠤ ᠮᠣᠳᠣ ᠴᠢᠮᠡᠭ
ᠠᠭᠤᠳᠠᠮ ᠲᠠᠯᠠ ᠳᠤ ᠮᠠᠯ ᠴᠢᠮᠡᠭ
ᠡᠷᠳᠡᠨᠢ ᠴᠢᠯᠠᠭᠤ ᠠᠭᠤᠯᠠᠨ ᠳᠤ ᠴᠢᠮᠡᠭ
ᠡᠶᠡᠯᠳᠡᠭ ᠵᠠᠩ ᠬᠥᠮᠦᠨ ᠤ ᠴᠢᠮᠡᠭ
ᠬᠣᠨᠢᠴᠢᠨ ᠬᠥᠮᠦᠨ ᠳᠤ ᠤᠷᠭᠠ ᠴᠢᠮᠡᠭ
ᠬᠣᠷᠢᠮᠴᠢ ᠬᠥᠮᠦᠨ ᠳᠤ ᠬᠤᠪᠴᠠᠰᠤ ᠴᠢᠮᠡᠭ
ᠰᠠᠶ᠋ᠢᠬᠠᠨ ᠬᠡᠦᠬᠡᠨ ᠭᠡᠷ ᠤᠨ ᠴᠢᠮᠡᠭ
ᠰᠠᠭᠰᠠᠭᠠᠷ ᠮᠣᠳᠣ ᠠᠶ᠋ᠢᠯ ᠤᠨ ᠴᠢᠮᠡᠭ
ᠲᠡᠮᠡᠭᠡ ᠭᠣᠪᠢ ᠶ᠋ᠢᠨ ᠴᠢᠮᠡᠭ
ᠲᠡᠷᠭᠡ ᠬᠣᠲᠠᠨ ᠤ ᠴᠢᠮᠡᠭ
ᠠᠷᠪᠠᠨ ᠵᠢᠮᠰᠡᠭ
ᠬᠣᠨᠢ ᠢᠮᠠᠭᠠ ᠬᠣᠲᠠ ᠶ᠋ᠢᠨ ᠵᠢᠮᠰᠡᠭ
ᠬᠤᠯᠤᠰᠤ ᠵᠡᠭᠡᠰᠦ ᠨᠠᠭᠤᠷ ᠤᠨ ᠵᠢᠮᠰᠡᠭ
ᠴᠡᠴᠡᠭ ᠬᠤᠸᠠᠷ ᠬᠡᠭᠡᠷᠡ ᠶ᠋ᠢᠨ ᠵᠢᠮᠰᠡᠭ
ᠴᠡᠩᠭᠡᠭ ᠨᠠᠭᠤᠷ ᠨᠤᠲᠤᠭ ᠤᠨ ᠵᠢᠮᠰᠡᠭ
ᠠᠳᠤᠭᠤ ᠮᠠᠯ ᠲᠠᠯᠠ ᠶ᠋ᠢᠨ ᠵᠢᠮᠰᠡᠭ
ᠠᠯᠲᠠ ᠮᠥᠩᠭᠥ ᠠᠮᠢᠳᠤᠷᠠᠯ ᠤᠨ ᠵᠢᠮᠰᠡᠭ
ᠣᠢ ᠮᠣᠳᠣ ᠠᠶ᠋ᠢᠯ ᠤᠨ ᠵᠢᠮᠰᠡᠭ
ᠣᠳᠣ ᠭᠠᠷᠠᠭ ᠣᠭᠲᠠᠷᠭᠤᠢ ᠶ᠋ᠢᠨ ᠵᠢᠮᠰᠡᠭ
ᠲᠠᠪᠤᠨ ᠲᠠᠷᠢᠶᠠ ᠲᠠᠯᠠ ᠶ᠋ᠢᠨ ᠵᠢᠮᠰᠡᠭ
ᠲᠠᠩᠰᠤᠭ ᠲᠠᠷᠢᠶᠠ ᠨᠤᠲᠤᠭ ᠤᠨ ᠵᠢᠮᠰᠡᠭ
ᠠᠷᠪᠠᠨ ᠬᠣᠶᠠᠷ ᠰᠠᠢᠨ
ᠡᠷᠬᠡ ᠪᠡᠷᠬᠡ ᠬᠣᠶᠠᠷ ᠢ ᠬᠢᠨᠠᠪᠠᠰᠤ ᠰᠠᠢᠨ
ᠡᠷᠳᠡᠮ ᠪᠢᠯᠢᠭ ᠬᠣᠶᠠᠷ ᠢ ᠰᠤᠷᠪᠠᠰᠤ ᠰᠠᠢᠨ
ᠡᠷᠬᠢᠮ ᠳᠡᠭᠡᠳᠦ ᠶ᠋ᠢ ᠲᠠᠨᠢᠪᠠᠰᠤ ᠰᠠᠢᠨ
ᠡᠴᠢᠭᠡ ᠡᠬᠡ ᠶ᠋ᠢᠨ ᠵᠢᠷᠤᠮ ᠢ ᠬᠢᠨᠠᠪᠠᠰᠤ ᠰᠠᠢᠨ
ᠥᠭᠦᠯᠡᠵᠦ ᠬᠡᠯᠡᠯᠴᠡᠬᠦ ᠲᠣᠳᠣᠷᠬᠠᠢ ᠪᠣᠯᠪᠠᠰᠤ ᠰᠠᠢᠨ
ᠥᠨᠳᠥᠷ ᠪᠣᠭᠣᠨᠢ ᠳ᠋ᠤᠷ ᠲᠡᠩᠴᠡᠭᠦᠯᠦᠨ ᠴᠢᠳᠠᠪᠠᠰᠤ ᠰᠠᠢᠨ
ᠦᠯᠦ ᠪᠣᠯᠬᠤ ᠶ᠋ᠢ ᠭᠡᠭᠡᠨ ᠴᠢᠳᠠᠪᠠᠰᠤ ᠰᠠᠢᠨ
ᠦᠷᠭᠦᠯᠵᠢ ᠪᠤᠶᠠᠨ ᠲᠠᠢ ᠰᠡᠳᠬᠢᠯ ᠢᠶ᠋ᠠᠷ ᠶᠠᠪᠤᠪᠠᠰᠤ ᠰᠠᠢᠨ
ᠳᠡᠭᠡᠷᠡ ᠳᠣᠣᠷᠠᠬᠢ ᠶ᠋ᠢ ᠢᠯᠭᠠᠨ ᠮᠡᠳᠡᠪᠡᠰᠦ ᠰᠠᠢᠨ
ᠳᠡᠭᠡᠳᠦ ᠶ᠋ᠢ ᠬᠦᠨᠳᠦᠯᠡᠨ ᠵᠢᠳᠬᠦᠪᠡᠰᠦ ᠰᠠᠢᠨ
ᠳᠡᠭᠡᠳᠦ ᠳᠣᠣᠷᠠᠳᠤ ᠢᠯᠭᠠᠯ ᠦᠭᠡᠢ ᠥᠷᠥᠰᠢᠶᠡᠪᠡᠰᠦ ᠰᠠᠢᠨ
ᠳᠡᠮᠡᠢ ᠮᠠᠭᠤ ᠶ᠋ᠢ ᠬᠠᠷᠢᠶᠠᠵᠤ ᠴᠢᠳᠠᠪᠠᠰᠤ ᠰᠠᠢᠨ
( ᠬᠢᠩᠭᠠᠨ ᠠᠶ᠋ᠢᠮᠠᠭ ᠲᠤ )
ᠠᠷᠪᠠᠨ ᠲᠠᠪᠤᠨ ᠰᠠᠢᠨ
ᠪᠠᠷᠳᠠᠮ ᠣᠮᠣᠭ ᠤᠨ ᠪᠠᠭᠠ ᠨᠢ ᠨᠢᠭᠡ ᠰᠠᠢᠨ
ᠪᠠᠭᠠᠰᠤᠨ ᠣᠪᠣᠭᠠ ᠶ᠋ᠢᠨ ᠶᠡᠬᠡ ᠨᠢ ᠨᠢᠭᠡ ᠰᠠᠢᠨ
ᠪᠢᠴᠢᠭ ᠡᠷᠳᠡᠮ ᠤᠨ ᠭᠦᠨ ᠨᠢ ᠨᠢᠭᠡ ᠰᠠᠢᠨ
ᠭᠡᠷ ᠤᠨ ᠡᠭᠦᠳᠡ ᠶ᠋ᠢᠨ ᠭᠡᠳᠡᠭᠡᠷ ᠨᠢ ᠨᠢᠭᠡ ᠰᠠᠢᠨ
ᠭᠡᠷ ᠤᠨ ᠡᠵᠡᠨ ᠤ ᠪᠥᠭᠲᠦᠭᠡᠷ ᠨᠢ ᠨᠢᠭᠡ ᠰᠠᠢᠨ
ᠭᠡᠷᠭᠡᠢ ᠬᠥᠮᠦᠨ ᠤ ᠨᠣᠮᠣᠬᠠᠨ ᠨᠢ ᠨᠢᠭᠡ ᠰᠠᠢᠨ
ᠬᠥᠯᠳᠡᠭᠦᠦ ᠭᠠᠵᠠᠷ ᠲᠤ᠌ ᠯᠠᠩᠲᠤ ᠨᠢᠭᠡ ᠰᠠᠢᠨ
ᠬᠥᠭᠰᠢᠨ ᠬᠥᠮᠦᠨ ᠳᠤ ᠮᠠᠨᠲᠠᠤ ᠨᠢᠭᠡ ᠰᠠᠢᠨ
ᠬᠥᠰᠢᠭᠦᠨ ᠨᠣᠭᠣᠭᠠ ᠳᠤ ᠲᠠᠰᠢᠭᠤᠷ ᠨᠢᠭᠡ ᠰᠠᠢᠨ
ᠡᠪᠡᠰᠦ ᠲᠡᠭᠡᠭᠡᠬᠦ ᠳᠤ ᠥᠨᠳᠥᠷ ᠨᠢ ᠨᠢᠭᠡ ᠰᠠᠢᠨ
ᠡᠮᠦᠰᠴᠦ ᠵᠡᠭᠦᠬᠦ ᠳᠤ ᠴᠡᠪᠡᠷ ᠨᠢ ᠨᠢᠭᠡ ᠰᠠᠢᠨ
ᠡᠷᠡ ᠬᠥᠮᠦᠨ ᠳᠤ ᠴᠢᠳᠠᠯ ᠲᠠᠢ ᠨᠢ ᠨᠢᠭᠡ ᠰᠠᠢᠨ
ᠥᠩᠭᠡ ᠵᠢᠰᠦ ᠶ᠋ᠢ ᠲᠠᠨᠢᠬᠰᠠᠨ ᠨᠢ ᠨᠢᠭᠡ ᠰᠠᠢᠨ
ᠥᠪᠡᠷ ᠪᠤᠰᠤᠳ ᠢ ᠰᠢᠨᠵᠢᠭᠰᠡᠨ ᠨᠢ ᠨᠢᠭᠡ ᠰᠠᠢᠨ
ᠦᠨᠡᠨ ᠬᠤᠳᠠᠯ ᠢ ᠢᠯᠭᠠᠭᠰᠠᠨ ᠨᠢ ᠨᠢᠭᠡ ᠰᠠᠢᠨ
ᠵᠢᠷᠠᠨ ᠰᠠᠶ᠋ᠢᠬᠠᠨ
ᠠᠷᠪᠠᠨ ᠲᠠᠪᠤᠨ ᠤ ᠰᠠᠷᠠ ᠯᠠ ᠰᠠᠶ᠋ᠢᠬᠠᠨ
ᠠᠷᠴᠢᠵᠤ ᠲᠠᠯᠪᠢᠬᠰᠠᠨ ᠲᠣᠯᠢ ᠯᠠ ᠰᠠᠶ᠋ᠢᠬᠠᠨ
ᠠᠪᠤ ᠡᠵᠢ ᠶ᠋ᠢᠨ ᠵᠢᠷᠤᠮ ᠯᠠ ᠰᠠᠶ᠋ᠢᠬᠠᠨ
ᠠᠬᠠ ᠵᠠᠬᠠᠰ ᠦ᠋ᠨ ᠡᠨᠡᠷᠢᠯ ᠯᠡ ᠰᠠᠶ᠋ᠢᠬᠠᠨ
ᠨᠠᠢ᠍ᠮᠠᠨ ᠰᠠᠷᠠ ᠶ᠋ᠢᠨ ᠨᠠᠷᠠ ᠯᠠ ᠰᠠᠶ᠋ᠢᠬᠠᠨ
ᠨᠠᠪᠴᠢ ᠴᠡᠴᠡᠭ ᠦ᠋ᠨ ᠳᠡᠯᠭᠡᠷᠡᠬᠦ ᠯᠡ ᠰᠠᠶ᠋ᠢᠬᠠᠨ
ᠨᠠᠷᠠᠨ ᠪ ᠲᠠᠯᠠ ᠳᠦ ᠰᠠᠭᠤᠬᠤᠶᠠ ᠰᠠᠶ᠋ᠢᠬᠠᠨ
ᠨᠠᠮᠲᠠᠢ ᠶ᠋ᠢᠨ ᠰᠢᠯᠢ ᠳᠡᠭᠡᠷᠡ ᠭᠠᠷᠬᠤᠶᠠ ᠰᠠᠶ᠋ᠢᠬᠠᠨ
ᠨᠠᠭᠤᠷ ᠲᠤ ᠤᠷᠭᠤᠭᠰᠠᠨ ᠬᠤᠯᠤᠰᠤ ᠰᠠᠶ᠋ᠢᠬᠠᠨ
ᠨᠤᠲᠤᠭᠯᠠᠵᠤ ᠰᠤᠷᠤᠭᠰᠠᠨ ᠭᠠᠵᠠᠷ ᠰᠠᠶ᠋ᠢᠬᠠᠨ
ᠰᠦᠮᠪᠦᠷ ᠠᠭᠤᠯᠠ ᠶ᠋ᠢᠨ ᠥᠩᠭᠡ ᠰᠠᠶ᠋ᠢᠬᠠᠨ
ᠰᠦᠨ ᠳᠠᠯᠠᠢ ᠶ᠋ᠢᠨ ᠤᠰᠤ ᠰᠠᠶ᠋ᠢᠬᠠᠨ
ᠰᠡᠩᠬᠡᠷᠡᠭᠦᠯᠬᠦ ᠤᠬᠠᠭᠠᠨ ᠰᠠᠶ᠋ᠢᠬᠠᠨ
ᠰᠡᠨᠭᠭᠢᠭᠰᠡᠨ ᠣᠷᠲᠣᠨ ᠰᠠᠶ᠋ᠢᠬᠠᠨ
ᠭᠠᠲᠠᠭᠠᠲᠤ ᠳᠠᠯᠠᠢ ᠶ᠋ᠢᠨ ᠤᠰᠤ ᠰᠠᠶ᠋ᠢᠬᠠᠨ
ᠭᠠᠷᠤᠲᠢ ᠰᠢᠪᠠᠭᠤᠨ ᠪ ᠳᠠᠭᠤᠨ ᠰᠠᠶ᠋ᠢᠬᠠᠨ
ᠬᠠᠯᠢᠵᠤ ᠨᠢᠰᠬᠦ ᠰᠢᠪᠠᠭᠤ ᠰᠠᠶ᠋ᠢᠬᠠᠨ
ᠬᠠᠮᠤᠭ ᠠᠮᠢᠲᠠᠨ ᠪ ᠬᠠᠷᠢᠬᠤ ᠨᠢ ᠰᠠᠶ᠋ᠢᠬᠠᠨ
ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢᠨ ᠵᠤᠯᠠ ᠯᠠ ᠰᠠᠶ᠋ᠢᠬᠠᠨ
ᠬᠠᠩᠭᠠᠢ ᠯᠠ ᠵᠠᠮ ᠳ᠋ᠠᠭᠠᠨ ᠨᠥᠬᠥᠷ ᠰᠠᠶ᠋ᠢᠬᠠᠨ
ᠬᠠᠷᠠᠬᠤ ᠳᠦ ᠨᠢᠲᠦ ᠯᠡ ᠰᠠᠶ᠋ᠢᠬᠠᠨ
ᠬᠠᠵᠠᠬᠤ ᠳᠦ ᠰᠢᠲᠦ ᠯᠡ ᠰᠠᠶ᠋ᠢᠬᠠᠨ
ᠠᠬᠠ ᠳᠡᠭᠦᠦ ᠨᠡᠷ ᠦ᠋ᠨ ᠣᠯᠠᠨ ᠰᠠᠶ᠋ᠢᠬᠠᠨ
ᠠᠮᠠᠷᠠᠭ ᠨᠥᠬᠥᠳ ᠦ᠋ᠨ ᠢᠨᠠᠭ ᠨᠢ ᠰᠠᠶ᠋ᠢᠬᠠᠨ
ᠠᠷᠠᠵᠠ ᠬᠣᠣᠷᠠᠵᠠ ᠶ᠋ᠢᠨ ᠦᠨᠦᠷ ᠨᠢ ᠰᠠᠶ᠋ᠢᠬᠠᠨ
ᠠᠷᠴᠢᠭᠠᠳ ᠲᠠᠯᠪᠢᠬᠰᠠᠨ ᠦᠩᠭᠡ ᠨᠢ ᠰᠠᠶ᠋ᠢᠬᠠᠨ
ᠠᠷᠴᠠ ᠽᠠᠨᠲᠠᠨ ᠪ ᠦᠨᠦᠷ ᠨᠢ ᠰᠠᠶ᠋ᠢᠬᠠᠨ
ᠠᠷᠴᠢᠵᠤ ᠱᠦᠷᠭᠦᠭᠰᠡᠨ ᠲᠠᠬᠢᠯ ᠨᠢ ᠰᠠᠶ᠋ᠢᠬᠠᠨ
ᠠᠨᠲᠠᠯᠠᠬᠤ ᠳᠦ ᠠᠬᠠ ᠳᠡᠭᠦᠦ ᠰᠠᠶ᠋ᠢᠬᠠᠨ
ᠠᠮᠲᠠᠯᠠᠬᠤ ᠳᠦ ᠰᠢᠬᠢᠷ ᠯᠡ ᠰᠠᠶ᠋ᠢᠬᠠᠨ
ᠬᠣᠶᠠᠷ ᠳᠠᠯᠠᠪᠴᠢ ᠨᠢᠰᠬᠦ ᠳᠦ ᠰᠠᠶ᠋ᠢᠬᠠᠨ
ᠬᠣᠯᠠ ᠵᠠᠮ ᠳᠦ ᠶᠠᠪᠤᠬᠤᠶᠠ ᠰᠠᠶ᠋ᠢᠬᠠᠨ
ᠵᠠᠮ ᠦ᠋ᠨ ᠬᠠᠵᠠᠭᠤ ᠳᠦ ᠤᠰᠤ ᠰᠠᠶ᠋ᠢᠬᠠᠨ
ᠵᠢᠭᠠᠬᠠᠨ ᠪᠠᠶ᠋ᠢᠬᠤ ᠳᠦ ᠵᠢᠰᠦ ᠰᠠᠶ᠋ᠢᠬᠠᠨ
ᠤᠲᠠ ᠮᠣᠲᠣᠨ ᠪ ᠰᠣᠶᠣᠬ᠋ᠠ ᠰᠠᠶ᠋ᠢᠬᠠᠨ
ᠤᠴᠠᠷᠠᠬᠤ ᠳᠦ ᠨᠥᠬᠥᠷ ᠰᠠᠶ᠋ᠢᠬᠠᠨ
ᠰᠠᠢᠨ ᠮᠣᠷᠢᠨ ᠪ ᠰᠠᠶ᠋ᠢᠪᠤᠷ ᠰᠠᠶ᠋ᠢᠬᠠᠨ
ᠰᠠᠢᠨ ᠶᠠᠪᠤᠬᠤ ᠳᠦ ᠨᠥᠬᠥᠷ ᠰᠠᠶ᠋ᠢᠬᠠᠨ
ᠪᠠᠷᠲᠠᠮ ᠣᠮᠣᠭ ᠦ᠋ᠨ ᠪᠠᠬ᠋ᠠ ᠨᠢ ᠰᠠᠶ᠋ᠢᠬᠠᠨ
ᠪᠠᠶᠠᠰᠬᠤᠯᠠᠩ ᠰᠡᠷᠭᠦᠯᠡᠩ ᠦ᠋ᠨ ᠶᠡᠬᠡ ᠨᠢ ᠰᠠᠶ᠋ᠢᠬᠠᠨ
ᠨᠠᠷᠠᠨ ᠪ ᠭᠡᠷᠡᠯ ᠮᠠᠨᠲᠤᠬᠤ ᠳᠦ ᠰᠠᠶ᠋ᠢᠬᠠᠨ
ᠨᠠᠪᠴᠢ ᠴᠡᠴᠡᠭ ᠳᠡᠯᠭᠡᠷᠡᠬᠦ ᠳᠦ ᠰᠠᠶ᠋ᠢᠬᠠᠨ
ᠠᠲᠠᠷ ᠲᠠᠯᠠ ᠳᠦ ᠠᠲᠤᠭᠤ ᠰᠠᠶ᠋ᠢᠬᠠᠨ
ᠠᠪᠤ ᠡᠵᠢ ᠶ᠋ᠢᠨ ᠠᠴᠢᠯᠠᠯ ᠰᠠᠶ᠋ᠢᠬᠠᠨ
ᠲᠤᠨᠤᠮᠠᠯ ᠨᠠᠭᠤᠷ ᠦ᠋ᠨ ᠲᠤᠩᠭᠠᠯᠠᠭ ᠨᠢ ᠰᠠᠶ᠋ᠢᠬᠠᠨ
ᠲᠣᠯᠢ ᠰᠢᠯ ᠦ᠋ᠨ ᠲᠣᠲᠣᠬᠠᠨ ᠨᠢ ᠰᠠᠶ᠋ᠢᠬᠠᠨ
ᠵᠢᠷᠪᠢᠯᠵᠡᠨ ᠭᠦᠶᠦᠭᠰᠡᠨ ᠵᠡᠭᠡᠷᠡ ᠰᠠᠶ᠋ᠢᠬᠠᠨ
ᠮᠢᠷᠠᠯᠵᠠᠨ ᠬᠥᠪᠪᠦᠯᠵᠡᠬᠦ ᠵᠡᠷᠭᠡᠯᠭᠡᠨ ᠰᠠᠶ᠋ᠢᠬᠠᠨ
ᠪᠠᠭᠰᠢ ᠬᠥᠮᠦᠨ ᠪ ᠰᠤᠷᠭᠠᠯ ᠨᠢ ᠰᠠᠶ᠋ᠢᠬᠠᠨ
ᠪᠠᠭᠠᠴᠤᠳ ᠬᠡᠦᠬᠡᠳ ᠦ᠋ᠨ ᠵᠠᠩ ᠨᠢ ᠰᠠᠶ᠋ᠢᠬᠠᠨ
ᠭᠠᠯ ᠰᠢᠷᠠ ᠦᠩᠭᠡ ᠯᠡ ᠰᠠᠶ᠋ᠢᠬᠠᠨ
ᠭᠠᠯᠪᠠᠷ ᠽᠠᠨᠲᠠᠨ ᠪ ᠦᠨᠦᠷ ᠨᠢ ᠰᠠᠶ᠋ᠢᠬᠠᠨ
ᠬᠠᠲᠠᠷᠢᠬᠤ ᠮᠣᠷᠢᠨ ᠪ ᠲᠣᠭᠣᠰᠣ ᠰᠠᠶ᠋ᠢᠬᠠᠨ
ᠭᠠᠭᠴᠠ ᠬᠣᠩᠭᠣᠷ ᠦ᠋ᠨ ᠰᠡᠤᠠᠬᠢᠯ ᠨᠢ ᠰᠠᠶ᠋ᠢᠬᠠᠨ
ᠡᠷᠭᠢᠵᠦ ᠨᠢᠰᠬᠦ ᠡᠷᠪᠡᠬᠡᠢ ᠯᠡ ᠰᠠᠶ᠋ᠢᠬᠠᠨ
ᠡᠭᠡᠴᠢ ᠳᠡᠭᠦᠦ ᠨᠡᠷ ᠦ᠋ᠨ ᠬᠠᠮᠲᠤ ᠰᠠᠶ᠋ᠢᠬᠠᠨ
ᠪᠣᠷᠣ ᠲᠡᠮᠡᠭᠡᠨ ᠪ ᠪᠤᠷᠠᠨᠲᠠᠭ ᠰᠠᠶ᠋ᠢᠬᠠᠨ
ᠪᠤᠭᠤᠷᠤᠯ ᠠᠪᠤ ᠶ᠋ᠢᠨ ᠰᠤᠷᠭᠠᠯ ᠰᠠᠶ᠋ᠢᠬᠠᠨ
ᠪᠡᠷᠬᠡᠰᠢᠶᠡᠯ ᠊ᠢ ᠳᠠᠪᠠᠬᠤ ᠳᠦ ᠬᠦᠴᠦ ᠰᠠᠶ᠋ᠢᠬᠠᠨ
ᠪᠣᠲᠣᠵᠤ ᠰᠡᠤᠠᠬᠢᠬᠦ ᠳᠦ ᠣᠶᠤᠨ ᠰᠠᠶ᠋ᠢᠬᠠᠨ
( 《 ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠮᠢᠩᠭᠠᠨ ᠳᠠᠭᠤᠤ 》)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠶᠤᠨᠲᠤᠨᠠᠯ ᠂ ᠳ᠋ᠦᠩ ᠹᠸᠩ ᠂ ᠠᠯᠲᠠᠨᠲᠦᠶᠠᠭᠠ ᠂ ᠬᠠᠷᠠᠨᠤᠳ ᠲᠤᠶᠠᠭᠠ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠳᠠᠴᠢ ᠤᠷᠠᠨᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ᠂ ᠬᠠᠷᠠᠨᠤᠳ ᠲᠤᠶᠠᠭᠠ