ᠮᠡᠷᠭᠡᠨ ᠭᠡᠭᠡᠨ ᠤ ᠰᠤᠷᠭᠠᠯМэргэн гэгээний сургаал
599ᠮᠡᠷᠭᠡᠨ ᠭᠡᠭᠡᠨ ᠤ ᠰᠤᠷᠭᠠᠯ
ᠠᠯᠠᠭᠠᠨ ᠴᠢᠨᠡᠭᠡᠨ ᠬᠠᠷᠠᠭᠳᠠᠬᠤ ᠨᠠᠷᠠᠨ ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢ ᠭᠡᠢᠭᠦᠯᠵᠦ
ᠠᠭᠤᠤ ᠪᠣᠯᠤᠭᠰᠠᠨ ᠲᠦᠮᠡᠨ ᠪᠣᠳᠠᠰ ᠳᠡᠷᠡᠨ ᠦ᠌ ᠬᠦᠴᠦᠨ ᠳ᠋ᠦ᠍ᠷ ᠠᠮᠢᠯᠠᠬᠤ
ᠣᠷᠴᠢᠯᠠᠩ ᠳ᠋ᠤᠷ ᠲᠥᠷᠥᠭᠰᠡᠨ ᠪᠡᠶᠡᠰ ᠡᠷᠬᠢᠮ ᠳᠡᠭᠡᠳᠦ ᠲᠤᠯᠠ ᠳᠠᠭᠠᠨ
ᠠᠯᠠᠭ ᠰᠠᠢᠬᠠᠨ ᠪᠠᠢᠭᠠᠯᠢ ᠪᠠᠨ ᠬᠠᠢᠷᠠᠯᠠᠵᠤ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠰᠠᠢᠰᠠᠨ ᠴᠢᠨᠡᠭᠡᠨ ᠬᠠᠷᠠᠭᠳᠠᠬᠤ ᠨᠠᠷᠠᠨ ᠰᠠᠪᠠ ᠶᠢᠷᠲᠢᠨᠴᠦ ᠶ᠋ᠢ ᠭᠡᠢᠭᠦᠯᠵᠦ
ᠰᠠᠶᠠ ᠲᠦᠮᠡᠨ ᠠᠮᠢᠲᠠᠨ ᠭᠣᠣᠯᠳᠠᠨ ᠳᠡᠷᠡᠨ ᠦ᠌ ᠬᠦᠴᠦᠨ ᠳ᠋ᠦ᠍ᠷ ᠠᠮᠢᠯᠠᠬᠤ
ᠰᠠᠢᠵᠢᠷᠠᠵᠤ ᠶᠠᠪᠤᠬᠤ ᠬᠥᠮᠦᠨ ᠪᠡᠶᠡᠰ ᠰᠡᠴᠡᠨ ᠮᠡᠷᠭᠡᠨ ᠲᠤᠯᠠ ᠳᠠᠭᠠᠨ
ᠰᠢᠷᠬᠡᠭ ᠨᠠᠷᠢᠨ ᠠᠮᠢᠲᠠᠨ ᠢ᠋ ᠴᠢ ᠬᠠᠢᠷᠠᠯᠠᠵᠤ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠭᠠᠷ ᠴᠢᠨᠢ ᠬᠡᠳᠦᠢ ᠥᠨᠳᠥᠷ ᠪᠣᠯᠪᠠᠴᠤ ᠲᠡᠭᠷᠢ ᠶᠢ ᠦᠯᠦ ᠲᠤᠯᠬᠤ
ᠭᠠᠭᠴᠠ ᠪᠡᠶᠡ ᠴᠢᠨᠢ ᠰᠠᠢᠨ ᠪᠣᠯᠪᠠᠴᠤ ᠭᠠᠯᠪᠠ ᠶᠢ ᠦᠯᠦ ᠰᠠᠬᠢᠬᠤ
ᠭᠠᠰᠠᠯᠠᠩ ᠵᠣᠪᠠᠯᠠᠩ ᠵᠢᠷᠭᠠᠯ ᠪᠠᠶᠠᠷ ᠡᠭᠡᠯᠵᠢᠯᠡᠵᠦ ᠮᠡᠳᠡᠬᠦ ᠲᠤᠯᠠ ᠳᠠᠭᠠᠨ
ᠭᠠᠢᠬᠠᠮᠰᠢᠭ ᠰᠠᠢᠬᠠᠨ ᠰᠡᠳᠬᠢᠯ ᠢ᠋ ᠳᠡᠭᠡᠵᠢᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠬᠥᠯ ᠴᠢᠨᠢ ᠬᠡᠳᠦᠢ ᠥᠨᠳᠥᠷ ᠪᠣᠯᠪᠠᠴᠤ ᠬᠥᠷᠥᠰᠥ ᠶᠢ ᠦᠯᠦ ᠨᠡᠪᠲᠡᠯᠬᠦ
ᠬᠥᠮᠦᠨ ᠪᠡᠶᠡ ᠴᠢᠨᠢ ᠰᠠᠢᠨ ᠪᠣᠯᠪᠠᠴᠤ ᠬᠣᠷᠸ᠋ᠠ ᠶᠢ ᠦᠯᠦ ᠰᠠᠬᠢᠬᠤ
ᠬᠠᠢᠷᠠ ᠢᠨᠠᠭ ᠬᠣᠷᠣᠰᠤᠯ ᠵᠠᠨᠤᠯ ᠬᠣᠣᠰᠯᠠᠵᠤ ᠮᠡᠳᠡᠬᠦ ᠲᠤᠯᠠ ᠳᠠᠭᠠᠨ
ᠬᠠᠢᠷᠠᠯᠲᠠᠢ ᠰᠠᠢᠬᠠᠨ ᠵᠢᠷᠤᠮ ᠢ᠋ ᠳᠡᠭᠡᠵᠢᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠠᠯᠲᠠ ᠮᠥᠩᠭᠥ ᠴᠢᠨᠢ ᠡᠯᠳᠡᠩ ᠪᠣᠯᠪᠠᠴᠤ ᠠᠪᠰᠠᠨ ᠳ᠋ᠤ᠌ ᠦᠯᠦ ᠬᠦᠨᠡᠰᠦ
ᠠᠪᠤ ᠡᠵᠢ ᠴᠢᠨᠢ ᠪᠠᠢᠭᠠ ᠪᠣᠯᠪᠠᠴᠤ ᠠᠰᠢᠳᠠ ᠦᠯᠦ ᠰᠠᠬᠢᠬᠤ
ᠠᠩᠭᠢᠵᠢᠷᠠᠵᠤ ᠰᠠᠯᠬᠤ ᠶᠢᠨ ᠤᠴᠠᠷᠠᠯ ᠭᠡᠭᠴᠢ ᠠᠳᠠᠪᠠᠰᠢ ᠲᠤᠯᠠ ᠳᠠᠭᠠᠨ
ᠠᠴᠢᠯᠠᠯᠲᠤ ᠰᠠᠢᠬᠠᠨ ᠵᠢᠷᠤᠮ ᠢ᠋ ᠳᠡᠭᠡᠵᠢᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠡᠳ᠋ ᠮᠥᠩᠭᠥ ᠴᠢᠨᠢ ᠡᠯᠳᠡᠩ ᠪᠣᠯᠪᠠᠴᠤ ᠡᠷᠯᠢᠭ ᠲᠦ᠍ ᠦᠯᠦ ᠬᠦᠨᠡᠰᠦ
ᠡᠵᠢ ᠠᠪᠤ ᠴᠢᠨᠢ ᠪᠠᠢᠭᠠ ᠪᠣᠯᠪᠠᠴᠤ ᠡᠷᠯᠢᠭ ᠲᠦ᠍ ᠦᠯᠦ ᠳᠠᠭᠠᠬᠤ
ᠡᠰᠡᠨᠢᠵᠦ ᠰᠠᠯᠬᠤ ᠶ᠋ᠢᠨ ᠤᠴᠠᠷᠠᠯ ᠭᠡᠭᠴᠢ ᠡᠷᠬᠡᠪᠰᠢ ᠦᠨᠡᠨ ᠲᠤᠯᠠ ᠳᠠᠭᠠᠨ
ᠡᠯᠪᠡᠷᠢᠯᠲᠦ ᠰᠠᠢᠬᠠᠨ ᠵᠢᠷᠤᠮ ᠢ᠋ ᠳᠡᠭᠡᠵᠢᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠪᠠᠶᠠᠨ ᠨᠣᠶᠠᠨ ᠶᠠᠪᠤᠯᠠ ᠭᠡᠳ ᠪᠠᠷᠳᠠᠮ ᠪᠢᠲᠡᠭᠡᠢ ᠠᠭᠠᠰᠢᠯᠠ
ᠪᠠᠬᠠᠨ ᠲᠣᠣᠷᠲᠤ ᠶᠠᠪᠤᠯᠠ ᠭᠡᠳ ᠪᠠᠰᠠᠴᠤ ᠪᠢᠲᠡᠭᠡᠢ ᠭᠤᠳᠤᠷᠠ
ᠪᠠᠶᠠᠨ ᠪᠣᠯᠣᠨ ᠶᠠᠳᠠᠭᠤ ᠭᠡᠭᠴᠢ ᠬᠡᠨ ᠦ ᠪᠡᠶᠡᠰ ᠲᠦ ᠮᠠᠭᠠᠳ ᠲᠤᠯᠠ ᠳᠠᠭᠠᠨ
ᠪᠠᠷᠤᠭᠲᠠᠢᠬᠠᠨ ᠳᠠᠷᠤᠤ ᠵᠠᠩ ᠢ᠋ ᠪᠠᠷᠢᠵᠤ ᠶᠠᠪᠤᠬᠤ ᠴᠢᠬᠤᠯᠠ᠃
ᠪᠠᠷᠰ ᠪᠠᠷᠢᠳᠠᠭ ᠨᠣᠬᠠᠢ ᠪᠣᠯᠪᠠᠴᠤ ᠭᠥᠯᠥᠭᠡ ᠪᠠᠢᠮᠠᠨ ᠥᠰᠴᠦ
ᠪᠠᠭᠠᠲᠤᠷ ᠬᠦᠴᠦᠲᠡᠢ ᠠᠪᠤᠷᠭᠤ ᠪᠣᠯᠪᠠᠴᠤ ᠬᠡᠦᠬᠡᠳ ᠪᠠᠢᠮᠠᠨ ᠪᠣᠢᠵᠢᠵᠤ
ᠪᠠᠭᠠᠲᠤᠷ ᠪᠣᠯᠤᠨ ᠪᠠᠭᠤᠷᠠᠢ ᠭᠡᠭᠴᠢ ᠬᠡᠨ ᠦ᠌ ᠪᠡᠶᠡᠰ ᠲᠦ᠍ ᠮᠠᠭᠠᠳ ᠲᠤᠯᠠ ᠳᠠᠭᠠᠨ
ᠪᠢᠰᠢᠷᠡᠯᠲᠡᠢ ᠳᠠᠷᠤᠤ ᠵᠠᠩ ᠢ ᠡᠷᠬᠢᠮᠯᠡᠵᠦ ᠶᠠᠪᠤᠬᠤ ᠴᠢᠬᠤᠯᠠ᠃
ᠥᠩᠭᠡ ᠭᠡᠭᠴᠢ ᠳ᠋ᠦ᠍ ᠰᠢᠨᠤᠪᠠᠰᠤ ᠶᠠᠰᠤ ᠶ᠋ᠢ ᠬᠤᠰᠤᠬᠤ ᠬᠢᠲᠤᠭᠠ
ᠠᠷᠢᠬᠢ ᠭᠡᠭᠴᠢ ᠠᠬᠠᠳᠠᠪᠠᠰᠤ ᠤᠬᠠᠭᠠᠨ ᠢ᠋ ᠲᠥᠭᠡᠷᠢᠭᠦᠯᠬᠦ ᠢᠳᠡᠭᠡᠨ
ᠠᠯᠲᠠᠨ ᠪᠡᠶᠡ ᠭᠡᠭᠡᠨ ᠨᠠᠰᠤ ᠠᠷᠢᠭᠤᠨ ᠳᠡᠭᠡᠷᠡ ᠪᠡᠨ ᠬᠡᠪᠡᠷᠡᠭ ᠲᠤᠯᠠ
ᠠᠨᠳᠠᠭᠤ ᠪᠣᠯᠤᠨ ᠣᠰᠣᠯ ᠭᠠᠷᠬᠤ ᠶ᠋ᠢ ᠰᠡᠷᠡᠮᠵᠢᠯᠡᠨ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠰᠠᠨᠠᠭᠠ ᠭᠡᠭᠴᠢ ᠳᠠᠪᠰᠢᠭᠤᠷᠠᠪᠠᠰᠤ ᠦᠨᠡᠨ ᠢ᠋ ᠠᠯᠳᠠᠭᠤᠯᠬᠤ ᠨᠦᠬᠡ
ᠰᠠᠨᠠᠯ ᠭᠡᠭᠴᠢ ᠠᠬᠠᠳᠠᠪᠠᠰᠤ ᠵᠠᠨᠤᠯ ᠪᠣᠯᠬᠤ ᠶ᠋ᠢᠨ ᠤᠷᠢᠲᠠᠯ
ᠵᠢᠷᠭᠠᠯ ᠭᠡᠭᠴᠢ ᠬᠡᠲᠦᠷᠡᠪᠡᠰᠦ ᠵᠣᠪᠠᠯᠠᠩ ᠢᠷᠡᠬᠦ ᠶ᠋ᠢᠨ ᠪᠡᠯᠭᠡ
ᠽᠠᠮᠪᠤᠯᠢᠩ ᠤᠨ ᠰᠠᠢᠨ ᠰᠠᠢᠬᠠᠨ ᠢ᠋ ᠡᠷᠬᠢᠮᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠬᠤᠯᠠᠭᠠᠢᠴᠢ ᠪᠣᠯᠤᠨ ᠬᠤᠳᠠᠯᠴᠢ ᠭᠡᠭᠴᠢ ᠪᠤᠷᠤᠭᠤ ᠪᠣᠳᠣᠯ ᠤᠨ ᠬᠢᠳᠡᠯ
ᠬᠤᠶᠠᠯᠢᠴᠢ ᠪᠣᠯᠤᠨ ᠲᠠᠩᠬᠠᠢ ᠭᠡᠭᠴᠢ ᠵᠥᠷᠢᠭᠦᠦ ᠪᠣᠳᠣᠯ ᠤᠨ ᠪᠠᠷᠢᠲᠠᠯ
ᠬᠡᠷᠡᠭᠦᠯᠴᠢ ᠪᠠ ᠶᠣᠷᠤᠯᠠᠯ ᠣᠯᠠᠨ ᠭᠡᠭᠴᠢ ᠠᠨᠳᠠᠭᠤ ᠪᠣᠳᠣᠯ ᠤᠨ ᠠᠪᠲᠠᠯ
ᠬᠣᠷᠸ᠋ᠠ ᠶ᠋ᠢᠨ ᠮᠠᠭᠤ ᠮᠠᠭᠤᠬᠠᠢ ᠶ᠋ᠢ ᠰᠡᠷᠡᠮᠵᠢᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠲᠦᠮᠡ ᠶ᠋ᠢᠨ ᠲᠣᠭᠠ ᠴᠢᠨᠢ ᠡᠯᠳᠡᠩ ᠪᠣᠯᠪᠠᠴᠤ ᠨᠢᠭᠡ ᠡᠴᠡ ᠡᠬᠢᠯᠡᠨ ᠲᠣᠭᠠᠯᠠᠬᠤ
ᠲᠠᠷᠢᠶᠠ ᠮᠠᠯ ᠴᠢᠨᠢ ᠴᠥᠭᠡᠨ ᠪᠣᠯᠪᠠᠴᠤ ᠡᠷᠲᠡᠯᠡᠵᠦ ᠣᠷᠣᠢᠯᠠᠨ ᠴᠢᠷᠮᠠᠢᠬᠤ
ᠲᠠᠷᠢᠵᠤ ᠲᠡᠵᠢᠭᠡᠬᠦ ᠦᠢᠯᠡᠰ ᠲᠦ᠍ ᠴᠤ᠌ ᠳᠠᠮ ᠤᠬᠠᠭᠳᠠ ᠬᠡᠷᠡᠭᠲᠡᠢ
ᠳᠡᠯᠭᠡᠷᠡᠩᠭᠦᠢ ᠢᠷᠠᠭᠤ ᠰᠤᠷᠲᠠᠯ ᠢ᠋ ᠳᠡᠭᠡᠵᠢᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠬᠣᠶᠠᠷ ᠡᠷᠭᠢ ᠪᠡᠨ ᠲᠤᠷᠰᠢᠵᠤ ᠪᠠᠢᠮᠠᠨ ᠨᠢᠭᠡᠨ ᠭᠣᠣᠯ ᠪᠦᠳᠦᠭᠦ
ᠬᠣᠨᠵᠢᠶᠠ ᠣᠯᠬᠤ ᠪᠠᠨ ᠢᠲᠡᠭᠡᠵᠦ ᠪᠠᠢᠮᠠᠨ ᠨᠢᠭᠡᠨ ᠮᠠᠢᠮᠠᠢ ᠪᠦᠳᠦᠭᠦ
ᠬᠡᠮᠵᠢᠶᠡ ᠪᠣᠯᠤᠨ ᠬᠢᠵᠠᠭᠠᠷ ᠭᠡᠭᠴᠢ ᠬᠡᠵᠢᠶᠡ ᠦᠶᠡᠰ ᠲᠦ᠍ ᠴᠤ᠌ ᠪᠠᠢᠬᠤ ᠲᠤᠯᠠ ᠳ᠋ᠠᠭᠠᠨ
ᠬᠦᠨᠳᠦᠳᠬᠡᠯᠲᠦ ᠳᠠᠷᠤᠤᠬᠠᠨ ᠸᠠᠩ ᠢ᠋ ᠳᠡᠭᠡᠵᠢᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠠᠶᠠᠨ ᠤ᠋ ᠵᠠᠮ ᠴᠠᠢ ᠬᠣᠯᠠ ᠪᠣᠯᠪᠠᠴᠤ ᠠᠶᠠᠯᠠᠵᠤ ᠪᠠᠢᠮᠠᠨ ᠬᠦᠷᠬᠦ
ᠠᠵᠢᠯ ᠬᠢᠬᠦ ᠳᠦ ᠠᠯᠵᠢᠶᠠᠬᠤ ᠪᠣᠯᠪᠠᠴᠤ ᠠᠰᠢᠭ ᠢ ᠨᠢ ᠳᠠᠷᠠᠭᠠ ᠣᠯᠬᠤ
ᠠᠮᠢᠳᠤᠷᠠᠯ ᠪᠣᠯᠤᠨ ᠶᠠᠪᠤᠳᠠᠯ ᠭᠡᠭᠴᠢ ᠠᠷᠰᠠᠷ ᠪᠠᠢᠳᠠᠭ ᠲᠤᠯᠠ ᠳᠠᠭᠠᠨ
ᠠᠵᠢᠯᠴᠢ ᠪᠣᠷᠣᠭᠵᠢᠭᠤᠨ ᠰᠤᠷᠲᠠᠯ ᠢ᠋ ᠡᠷᠬᠢᠮᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃
ᠠᠨᠠᠪᠠᠳ ᠶᠡᠬᠡ ᠳᠠᠯᠠᠢ ᠶ᠋ᠢ ᠣᠩᠭᠣᠴᠠ ᠪᠠᠢᠮᠠᠨ ᠭᠡᠲᠦᠯᠬᠦ
ᠤᠴᠠᠷᠠᠭᠰᠠᠨ ᠬᠦᠴᠢᠷ ᠪᠡᠷᠬᠡ ᠶᠢ ᠡᠳ᠋ᠯᠡᠵᠦ ᠪᠠᠢᠮᠠᠨ ᠥᠩᠭᠡᠷᠡᠬᠦ
ᠡᠷᠳᠡᠮ ᠴᠢᠳᠠᠪᠤᠷᠢ ᠦᠢᠯᠡᠰ ᠪᠦᠲᠦᠭᠡᠬᠦ ᠬᠡᠨ ᠤ ᠪᠡᠶᠡᠰ ᠲᠦ᠍ ᠴᠤ᠌ ᠡᠷᠬᠢᠮ
ᠤᠬᠠᠭᠠᠨ ᠵᠣᠷᠢᠭ ᠢ᠋ᠶ᠋ᠠᠷ ᠪᠡᠶᠡ ᠪᠡᠨ ᠵᠠᠰᠠᠵᠤ ᠥᠭᠡᠳᠡᠯᠡᠵᠦ ᠶᠠᠪᠤᠬᠤ ᠠᠵᠢᠶᠠᠮᠤ᠃