ᠠᠯᠲᠠᠨ ᠰᠢᠷᠭᠠᠯ ᠨᠠᠮᠤᠷ - ᠴᠡᠩᠬᠡᠯᠲᠦ Алтан шаргал намар - Цэнхэлт
312ᠠᠯᠲᠠᠨ ᠰᠢᠷᠭᠠᠯ ᠨᠠᠮᠤᠷ
1
ᠥᠷᠯᠥᠭᠡ ᠂ ᠨᠢᠮᠭᠡᠨ ᠱᠠ ᠢᠷᠠᠯᠵᠠᠨ ᠲᠠᠳᠠᠯᠳᠠᠬᠤ ᠰᠢᠭ᠋ ᠰᠡᠩᠰᠡᠨ ᠪᠣᠷᠣᠭᠠᠨ ᠰᠢᠪᠡᠷᠡᠵᠦ ᠪᠠᠢᠯᠠ ᠃
ᠪᠢ ᠡᠮᠦᠨᠡᠰᠢ ᠪᠤᠴᠠᠬᠤ ᠠᠶᠠᠨ ᠤ᠋ ᠰᠢᠪᠠᠭᠤ ᠶ᠋ᠢ ᠭᠡᠭᠡᠪᠴᠢ ᠪᠡᠨ ᠰᠡᠬᠦᠨ ᠪᠠᠷᠠᠯᠠᠵᠤ ᠪᠠᠢᠲᠠᠯᠠ ᠂ ᠳᠡᠭᠡᠷᠡ ᠡᠴᠡ ᠤᠨᠠᠭᠰᠠᠨ ᠮᠣᠳᠣᠨ ᠨᠠᠪᠴᠢ ᠂ ᠳᠡᠷᠭᠡᠳᠡ ᠮᠢᠨᠢ ᠪᠠᠭᠤᠯᠠ᠃ ᠠᠪᠤᠭᠠᠳ ᠦᠵᠡᠭᠰᠡᠨ ᠴᠢᠨᠢ ᠪᠣᠯᠪᠠᠰᠤᠷᠠᠭᠰᠠᠨ ᠰᠠᠢᠬᠠᠨ ᠦᠨᠦᠷ ᠲᠡᠢ ᠂ ᠰᠢᠷᠠᠪᠲᠤᠷ ᠤᠯᠠᠭᠠᠨ ᠨᠠᠪᠴᠢ ᠪᠠᠢᠯᠠ ᠃
ᠠ ᠂ ᠪᠠᠢᠭᠠᠯᠢ ᠡᠬᠡ ᠨᠠᠳᠠ ᠨᠠᠮᠤᠷ ᠤ᠋ᠨ ᠵᠠᠬᠢᠳᠠᠯ ᠢ᠋ ᠠᠪᠴᠢᠷᠠᠵᠤ ᠦᠭᠬᠦᠯᠡ ᠃
2
ᠨᠠᠮᠤᠷ ᠭᠡᠭᠴᠢ ᠰᠠᠢᠬᠠᠨ ᠤᠯᠠᠷᠢᠯ ᠶᠤᠮ ––
ᠤᠷᠢᠨ ᠬᠠᠪᠤᠷ ᠨᠢ ᠬᠤᠸᠠᠷ ᠴᠡᠴᠡᠭ ᠦ᠋ᠨ ᠬᠠᠩᠬᠤᠯᠤᠮᠠ ᠦᠨᠦᠷ ᠢ᠋ ᠬᠥᠮᠦᠰ ᠲᠦ᠍ ᠠᠪᠴᠢᠷᠠᠵᠤ ᠥᠭᠬᠦ ᠪᠡᠷ ᠦᠯᠦ ᠪᠠᠷᠠᠨ ᠂ ᠨᠡᠩ ᠴᠢᠬᠤᠯᠠ ᠨᠢ ᠨᠠᠬᠢᠶᠠ ᠰᠣᠶᠣᠭᠠ ᠬᠦᠪᠦᠷᠡᠨ ᠤᠷᠭᠤᠬᠤ ᠤᠯᠠᠷᠢᠯ ᠪᠣᠯᠬᠤ ᠶᠤᠮ᠃ ᠭᠡᠲᠡᠯᠡ ᠂ ᠬᠢᠷᠠᠭᠤᠲᠤ ᠨᠠᠮᠤᠷ ᠨᠢ ᠨᠠᠢᠭᠤᠨ ᠬᠡᠢᠰᠬᠦ ᠨᠠᠪᠴᠢ ᠴᠡᠴᠡᠭ ᠢ᠋ ᠵᠤᠯᠭᠠᠷᠠᠭᠤᠯᠵᠤ ᠂ ᠨᠠᠩᠵᠢᠳ ᠰᠠᠢᠬᠠᠨ ᠦᠷᠡ ᠵᠢᠮᠢᠰ ᠪᠣᠯᠪᠠᠰᠤᠷᠠᠭᠤᠯᠳᠠᠭ ᠬᠤᠸᠠᠷ ᠴᠡᠴᠡᠭ ᠦ᠋ᠨ ᠬᠣᠭᠣᠰᠣᠨ ᠦᠵᠡᠮᠵᠢ ᠶ᠋ᠢ ᠭᠠᠢᠬᠠᠭᠤᠯᠬᠤ ᠠ᠋ᠴᠠ ᠂ ᠬᠣᠷᠣᠭᠠ ᠪᠢᠯᠬᠠᠮᠠ ᠦᠷᠡ ᠵᠢᠮᠢᠰ ᠣᠪᠣᠭᠠᠯᠠᠭᠰᠠᠨ ᠨᠢ ᠬᠤᠪᠢ ᠦᠭᠡᠢ ᠰᠠᠢᠬᠠᠨ !
ᠬᠥᠮᠦᠰ ᠦ᠋ᠨ ᠠᠮᠢ ᠨᠠᠰᠤ ᠭᠡᠭᠴᠢ ᠮᠥᠨ ᠬᠠᠪᠤᠷ ᠲᠠᠢ ᠨᠠᠮᠤᠷ ᠲᠠᠢ ᠠᠵᠢ ᠃ ᠠᠮᠢ ᠨᠠᠰᠤᠨ ᠤ᠋ ᠬᠠᠪᠤᠷ ᠲᠤ᠌ ᠨᠠᠬᠢᠶᠠ ᠰᠣᠶᠣᠭᠠ ᠰᠠᠭᠤᠯᠭᠠᠨ ᠲᠠᠷᠢᠪᠠᠯ ᠂ ᠠᠮᠢ ᠨᠠᠰᠤᠨ ᠤ᠋ ᠪᠠᠨ ᠬᠢᠷᠠᠭᠤᠲᠤ ᠨᠠᠮᠤᠷ ᠲᠤ᠌ ᠪᠣᠯᠪᠠᠰᠤᠷᠠᠭᠰᠠᠨ ᠰᠠᠢᠬᠠᠨ ᠦᠷᠡ ᠵᠢᠮᠢᠰ ᠣᠯᠵᠤ ᠪᠣᠯᠳᠠᠭ ᠶᠤᠮ ᠃
ᠲᠡᠭᠡᠬᠦ ᠳ᠋ᠡᠭᠡᠨ ᠪᠢ ᠤᠷᠢᠨ ᠬᠠᠪᠤᠷ ᠴᠡᠴᠡᠷᠯᠢᠭ ᠲᠦ᠍ ᠵᠤᠭᠠᠴᠠᠨ ᠦᠵᠡᠮᠵᠢ ᠰᠣᠨᠢᠷᠬᠠᠨ ᠴᠡᠴᠡᠭ ᠲᠡᠭᠦᠭᠰᠡᠨ ᠡᠴᠡ ᠬᠢᠷᠠᠭᠤᠲᠤ ᠨᠠᠮᠤᠷ ᠠᠲᠠᠷ ᠬᠡᠭᠡᠷᠡ ᠦᠷᠡ ᠠᠷᠢᠯᠭᠠᠵᠤ ᠵᠢᠮᠢᠰ ᠲᠡᠭᠦᠬᠦ ᠨᠢ ᠰᠠᠢᠬᠠᠨ ᠭᠡᠵᠦ ᠪᠣᠳᠣᠳᠠᠭ ᠃
3
ᠨᠠᠮᠤᠷ ᠭᠡᠭᠴᠢ ᠮᠥᠨ ᠡᠬᠢᠯᠡᠯᠲᠡ ᠶ᠋ᠢᠨ ᠤᠯᠠᠷᠢᠯ ᠶᠤᠮ —
ᠬᠢᠷᠠᠭᠤᠲᠤ ᠨᠠᠮᠤᠷ ᠤ᠋ᠨ ᠡᠷᠬᠢᠮ ᠨᠢ ᠴᠡᠴᠡᠭ ᠢ᠋ ᠵᠤᠯᠭᠠᠷᠠᠭᠤᠯᠵᠤ ᠨᠠᠪᠴᠢ ᠶ᠋ᠢ ᠬᠡᠢᠰᠬᠡᠭᠡᠳ ᠦᠷᠡ ᠵᠢᠮᠢᠰ ᠢ᠋ ᠪᠣᠯᠪᠠᠰᠤᠷᠠᠭᠤᠯᠬᠤ ᠳ᠋ᠤ᠌ ᠯᠠ ᠪᠠᠢᠬᠤ ᠪᠢᠰᠢ ᠂ ᠨᠡᠩ ᠴᠢᠬᠤᠯᠠ ᠨᠢ ᠬᠠᠷᠢᠨ ᠦᠷᠡ ᠵᠢᠮᠢᠰ ᠢ᠋ ᠬᠥᠷᠥᠰᠥᠨ ᠳ᠋ᠦ᠍ ᠤᠨᠠᠭᠠᠵᠤ ᠂ ᠤᠷᠢᠨ ᠬᠠᠪᠤᠷ ᠰᠢᠨᠡ ᠰᠦᠶᠡ ᠶ᠋ᠢ ᠠᠮᠢᠯᠠᠭᠤᠯᠬᠤ ᠳ᠋ᠤ᠌ ᠪᠠᠢᠳᠠᠭ᠃ ᠡᠭᠦᠨᠴᠡ ᠨᠢᠭᠡ ᠮᠥᠬᠥᠯᠢᠭ ᠦᠷᠡ ᠰᠢᠨᠡ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠡᠭᠡᠯᠡᠵᠦ ᠰᠢᠨᠲᠠᠷᠠᠰᠢ ᠦᠭᠡᠢ ᠲᠡᠮᠡᠴᠡᠳᠡᠭ ᠃
ᠠᠮᠢᠳᠤᠷᠠᠯ ᠭᠡᠵᠦ ᠡᠢᠮᠦ ᠯᠡ ᠶᠦ᠍ᠮ ᠂ ᠠᠮᠵᠢᠯᠲᠠ ᠣᠯᠤᠭᠰᠠᠨ ᠨᠢ ᠰᠢᠨᠡ ᠡᠬᠢᠯᠡᠯᠲᠡ ᠶ᠋ᠢ ᠲᠤᠩᠬᠠᠯᠠᠵᠦ ᠪᠠᠢᠬᠤ ᠶᠤᠮ ᠃
4
ᠨᠠᠮᠤᠷ ᠭᠡᠭᠴᠢ ᠠᠯᠲᠠᠨ ᠰᠢᠷᠭᠠᠯ ᠬᠥᠭᠵᠢᠶᠡᠨᠲᠦ ᠤᠯᠠᠷᠢᠯ ᠶᠤᠮ ––
ᠮᠠᠨ ᠤ᠋ ᠨᠤᠲᠤᠭ ᠲᠤ᠌ ᠨᠠᠮᠤᠷ ᠪᠣᠯᠤᠭᠰᠠᠭᠠᠷ ᠯᠠ ᠡᠪᠡᠰᠦ ᠰᠢᠷᠠᠯᠵᠢ ᠴᠤ᠌ ᠦᠵᠡᠮᠵᠢ ᠪᠡᠨ ᠰᠣᠯᠢᠭᠠᠳ ᠠᠯᠲᠠᠨ ᠰᠢᠷᠭᠠᠯ ᠥᠩᠭᠡᠲᠡᠢ ᠃ ᠦᠷᠡ ᠵᠢᠮᠢᠰ ᠴᠦ᠍ ᠪᠣᠯᠪᠠᠰᠤᠷᠠᠵᠤ ᠬᠦᠢᠴᠡᠭᠡᠳ ᠠᠯᠲᠠᠨ ᠰᠢᠷᠭᠠᠯ ᠥᠩᠭᠡᠲᠡᠢ ᠃ ᠦᠷᠢᠶᠡ ᠬᠦᠯᠦᠭ ᠴᠦ᠍ ᠰᠡᠭᠦᠯ ᠢ᠋ᠶ᠋ᠡᠨ ᠭᠤᠳᠤᠢᠯᠭᠠᠪᠠᠯ ᠠᠯᠲᠠᠨ ᠰᠢᠷᠭᠠᠯ ᠥᠩᠭᠡᠲᠡᠢ᠃ ᠥᠷᠥᠮᠡ ᠵᠥᠭᠡᠬᠡᠢ ᠴᠦ᠍ ᠨᠠᠷᠠᠨ ᠳ᠋ᠤ᠌ ᠡᠭᠡᠭᠡᠳᠡᠭᠳ ᠠᠯᠲᠠᠨ ᠰᠢᠷᠭᠠᠯ ᠥᠩᠭᠡᠲᠡᠢ ᠃ ᠦᠷᠡ ᠲᠠᠷᠢᠳᠠᠭ ᠲᠠᠷᠢᠶᠠᠴᠢᠳ ᠦᠲᠦᠷᠮᠡ ᠠᠪᠤᠭᠠᠳ ᠶᠠᠭᠠᠷᠠᠯᠲᠠᠢ ᠪᠥᠭᠡᠳ ᠬᠥᠭᠵᠢᠶᠡᠨᠲᠡᠢ᠃ ᠥᠷᠥᠮᠡ ᠬᠥᠭᠡᠷᠦᠭᠦᠯᠳᠡᠭ ᠮᠠᠯᠴᠢᠳ ᠴᠤ᠌ ᠡᠪᠡᠰᠦ ᠬᠤᠷᠢᠶᠠᠭᠠᠳ ᠪᠠᠶᠠᠷᠲᠠᠢ ᠪᠥᠭᠡᠳ ᠪᠠᠴᠢᠮᠳᠠᠭᠤ ᠃ ᠠᠯᠲᠠᠨ ᠲᠠᠯᠠ ᠶ᠋ᠢᠨ ᠥᠷᠥᠴᠡᠨ ᠳ᠋ᠦ᠍ ᠲᠡᠷᠭᠡᠴᠢᠳ ᠦ᠋ᠨ ᠳᠠᠭᠤᠤ ᠬᠠᠩᠭᠢᠨᠠᠭᠠᠳ ᠃ ᠠᠯᠤᠰ ᠨᠤᠲᠤᠭ ᠤ᠋ᠨ ᠭᠣᠪᠢ ᠳ᠋ᠤ᠌ ᠠᠭᠲᠠᠨ ᠤ᠋ ᠲᠦᠪᠦᠷᠭᠡᠨ ᠲᠠᠴᠢᠭᠢᠨᠠᠭᠠᠳ ᠃
5
ᠨᠠᠮᠤᠷ ᠭᠡᠭᠴᠢ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶ᠋ᠢᠨ ᠤᠯᠠᠷᠢᠯ ᠶᠤᠮ ––
ᠪᠤᠷᠴᠠᠭ ᠲᠠᠷᠢᠭᠰᠠᠨ ᠨᠢ ᠪᠤᠯᠲᠠᠷᠠᠵᠤ ᠬᠠᠭᠠᠷᠠᠭᠰᠠᠨ ᠦᠷᠡ ᠶ᠋ᠢ ᠨᠢ ᠡᠭᠦᠷᠬᠦ ᠪᠠᠨ ᠯᠠ ᠮᠡᠳᠡ᠃ ᠡᠭᠡᠵᠡᠭᠡᠢ ᠬᠢᠭᠰᠡᠳ ᠨᠢ ᠡᠬᠡᠭᠦᠨ ᠠᠮᠲᠠᠲᠠᠢ ᠠᠢᠷᠠᠭ ᠢ᠋ᠶ᠋ᠠᠨ ᠨᠠᠢᠷᠠᠬᠤ ᠪᠠᠨ ᠯᠠ ᠮᠡᠳᠡ ᠃
ᠨᠠᠮᠤᠷ ᠭᠡᠭᠴᠢ ᠮᠥᠨ ᠱᠠᠩᠨᠠᠯ ᠣᠯᠭᠣᠬᠤ ᠤᠯᠠᠷᠢᠯ ᠶᠤᠮ ––
ᠰᠢᠷᠭᠠᠭᠤ ᠬᠥᠳᠡᠯᠮᠦᠷᠢᠯᠡᠭᠰᠡᠳ ᠪᠦᠬᠦᠨ ᠢᠷᠡᠵᠦ ᠱᠠᠩᠨᠠᠯ ᠢ᠋ᠶ᠋ᠠᠨ ᠠᠪᠤᠭᠠᠴᠢ –– ᠭᠡᠵᠦ ᠠᠯᠲᠠᠨ ᠰᠢᠷᠭᠠᠯ ᠲᠠᠷᠢᠶᠠ ᠂ ᠥᠭᠡᠬᠦᠨ ᠪᠥᠮᠪᠥᠭᠡᠯᠢᠭ ᠰᠦᠷᠦᠭ ᠂ ᠥᠨᠳᠥᠷ ᠳᠠᠭᠤᠨ ᠢ᠋ᠶ᠋ᠠᠷ ᠬᠠᠰᠬᠢᠷᠴᠤ ᠪᠠᠢᠬᠤ ᠰᠢᠭ᠋ ᠦᠵᠡᠭᠰᠡᠨ ᠪᠣᠯᠭᠠᠨ ᠤ᠋ ᠬᠣᠷᠣᠬᠠᠢ ᠶ᠋ᠢ ᠬᠥᠳᠡᠯᠭᠡᠨᠡ ᠃
ᠭᠡᠪᠡᠴᠦ ᠂ ᠰᠢᠷᠭᠠᠯ ᠨᠠᠮᠤᠷ ᠪᠤᠰᠤᠳ ᠤ᠋ᠨ ᠦᠷᠡ ᠵᠢᠮᠢᠰ ᠢ᠋ ᠪᠠᠬᠠᠷᠬᠠᠨ ᠬᠠᠷᠠᠬᠤ ᠪᠠᠷ ᠢ᠋ᠶ᠋ᠠᠨ ᠤᠷᠢᠨ ᠬᠠᠪᠤᠷ ᠰᠢᠷᠭᠠᠭᠤ ᠬᠥᠳᠡᠯᠮᠦᠷᠢᠯᠡᠬᠦ ᠨᠢ ᠳᠡᠭᠡᠷᠡ ᠭᠡᠵᠦ ᠪᠣᠳᠣᠳᠠᠭ ᠃
ᠠ ! ᠠᠯᠲᠠ ᠰᠢᠷᠭᠠᠯ ᠨᠠᠮᠤᠷ ᠥᠩᠭᠡᠪᠴᠢ ᠭᠣᠶᠣ ᠴᠡᠴᠡᠭ ᠬᠤᠸᠠᠷ ᠢ᠋ ᠵᠤᠯᠭᠠᠷᠠᠭᠤᠯᠵᠤ ᠂ ᠦᠨᠡᠨᠬᠦ ᠰᠠᠢᠬᠠᠨ ᠦᠷᠡ ᠵᠢᠮᠢᠰ ᠢᠯᠡᠷᠡᠭᠦᠯᠳᠡᠭ ᠶᠣᠰᠣᠲᠠᠢ ᠠᠯᠲᠠᠨ ᠰᠢᠷᠭᠠᠯ ᠤᠯᠠᠷᠢᠯ ᠠ᠋ !