ᠰᠠᠷᠠᠨ ᠵᠡᠪᠡ – ᠵᠣᠬᠢᠶᠠᠯᠴᠢ ᠂ ᠵᠢᠷᠤᠭᠠᠴᠢ ᠲ ᠂ ᠮᠠᠨᠳᠢᠷ ( ᠲᠡᠦᠬᠡᠨ ᠲᠤᠭᠤᠵᠢ )– ᠠᠷᠪᠠᠳᠤᠭᠠᠷ ᠪᠦᠯᠦᠭ Саран зэв – Зохиолч ᠂ Зураач – Т᠂ мандир ( Түүхэн тууж ) – Аравдугаар бүлэг
242ᠰᠠᠷᠠᠨ ᠵᠡᠪᠡ - ᠠᠷᠪᠠᠳᠤᠭᠠᠷ ᠪᠦᠯᠦᠭ
ᠱᠠᠮᠳᠠᠭᠠᠢ ᠥᠪᠡᠷ ᠊ᠢ ᠪᠡᠨ ᠦᠬᠦᠭᠰᠡᠨ ᠡᠴᠡ ᠲᠣᠣᠷ ᠡ᠋ ᠪᠣᠳᠣᠵᠤ ᠶᠠᠪᠣᠯ ᠡ᠋᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠲᠡᠭᠦᠨ ᠊ᠢ ᠡᠮᠡᠭᠡᠯ ᠳᠡᠭᠡᠷ ᠡ᠋ ᠨᠢ ᠲᠠᠷᠣᠭᠣᠯᠡᠭᠠᠳ ᠬᠦᠯᠢᠴᠢᠭᠡᠭᠰᠡᠨ ᠠᠵᠢ᠃ ᠡᠨᠡ ᠪᠣᠯ ᠮᠡᠷᠭᠢᠳ ᠊ᠤᠨ ᠴᠡᠷᠢᠭ ᠊ᠤᠨ ᠮᠠᠩᠨᠠᠢ ᠶ᠋ᠢᠨ ᠴᠤᠪᠤᠭᠠ᠃ ᠡᠭᠦᠨ ᠊ᠤ ᠠᠷᠤ ᠠ᠋ᠴᠠ ᠪᠣᠳᠣᠭᠤᠯ ᠂ ᠳᠠᠯᠳᠤ –– ᠬᠠᠷ ᠠ᠋ ᠨᠠᠷ ᠊ᠤᠨ ᠵᠠᠬᠢᠷᠤᠭᠰᠠᠨ ᠬᠦᠴᠦᠷᠬᠡᠭ ᠲᠦᠮᠡᠨ ᠴᠡᠷᠢᠭ ᠰᠢᠯᠢ ᠳᠠᠷᠤᠨ ᠳᠠᠭᠠᠵᠤ ᠶᠠᠪᠤᠭᠠ ᠪᠥᠭᠡᠳ ᠦᠦᠷ ᠊ᠤᠨ ᠦᠨᠡᠭᠡᠨ ᠬᠠᠷᠠᠩᠭᠤᠢ ᠪᠠᠷ ᠰᠥᠪᠡᠭᠡᠳᠡᠢ ᠶ᠋ᠢᠨ ᠬᠥᠷᠢᠶ ᠠ᠋ ᠶ᠋ᠢ ᠳᠠᠭᠠᠷᠢᠨ ᠲᠡᠭᠰᠢᠯᠡᠬᠦ ᠤᠴᠢᠷᠲᠠᠢ᠃ ᠲᠡᠭᠡᠵᠦ ᠴᠢᠳᠠᠨᠠ ᠭᠡᠳᠡᠭ ᠲᠦ ᠱᠠᠮᠳᠠᠭᠠᠢ ᠢᠲᠡᠭᠡᠬᠦ ᠡᠴᠡ ᠦᠬᠡᠷ ᠡ᠋ ᠠᠷᠭᠠ ᠪᠠᠶ᠋ᠢᠬᠰᠠᠨ ᠦᠭᠡᠢ᠃ ᠲᠠᠶ᠋ᠢᠰᠣᠨ ᠳ᠋ᠠᠭᠠᠨ ᠢᠲᠡᠭᠡᠭᠦᠯᠬᠦ ᠶ᠋ᠢᠨ ᠲᠤᠯᠠᠳᠠ ᠰᠥᠪᠡᠭᠡᠳᠡᠢ ᠪᠠᠭᠠᠲᠤᠷ ᠴᠡᠷᠢᠭ ᠢ᠋ᠶ᠋ᠡᠨ ᠵᠠᠳᠠᠯᠠᠴᠢᠬᠠᠬᠰᠠᠨ ᠪᠠᠢᠭᠠ ᠶ᠋ᠢ ᠲᠡᠷᠡ ᠮᠡᠳᠡᠨᠡ᠃ ᠳᠠᠭᠠᠷᠢᠬᠤ ᠡᠳᠦᠷ ᠂ ᠲᠣᠪ ᠊ᠢ ᠨᠢ ᠲᠡᠷᠡ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠭᠳᠡᠬᠦ ᠤᠴᠢᠷᠲᠠᠢ ᠪᠢᠯᠡ᠃ ᠭᠡᠳᠡᠯ ᠡ᠋ ᠮᠡᠳᠡᠭᠳᠡᠬᠦ ᠨᠢ ᠪᠠᠶ᠋ᠢᠳᠣᠭᠠᠢ ᠁ ᠲᠡᠷᠡ ᠥᠪᠡᠷ ᠲᠡᠭᠡᠨ ᠥᠴᠦᠬᠡᠨ ᠊ᠴᠤ ᠰᠡᠳᠬᠢᠯ ᠵᠣᠪᠠᠭᠰᠠᠨ ᠦᠭᠡᠢ ᠂ ᠶᠠᠭᠢᠷᠠᠬᠤ ᠶᠠᠰᠤ ᠂ ᠠᠰᠬᠠᠷᠠᠬᠤ ᠴᠢᠰᠤ ᠲᠡᠳᠦᠢ ᠶᠠᠭᠣᠮ ᠡ᠋᠃ ᠬᠠᠷᠢᠨ ᠲᠡᠭᠦᠨ ᠳ᠋ᠤ᠌ ᠨᠠᠢᠳᠠᠭᠰᠠᠨ ᠵᠠᠩᠵᠤᠨ ᠬᠥᠭᠡᠷᠦᠬᠦᠢ ᠂ ᠵᠠᠩᠵᠤᠨ ᠳ᠋ᠠᠭᠠᠨ ᠢᠲᠡᠭᠡᠭᠡᠳ ᠨᠣᠶ᠋ᠢᠷᠰᠣᠵᠣ ᠪᠣᠢ ᠨᠢᠭᠡ ᠲᠦᠮᠡᠨ ᠬᠠᠯᠠᠭᠤᠨ ᠠᠮᠢ ᠬᠥᠭᠡᠷᠦᠬᠦᠢ᠃ ᠵᠠᠨᠤᠯᠲᠤ ᠲᠠᠶ᠋ᠢᠰᠣᠨ ᠨᠢ ᠲᠡᠭᠦᠨ ᠊ᠤ ᠬᠠᠵᠠᠭᠤ ᠳ᠋ᠤ᠌ ᠮᠥᠷᠥ ᠵᠡᠷᠭᠡᠴᠡᠨ ᠶᠠᠪᠤᠨᠠ᠃ ᠲᠡᠷᠡ ᠪᠣᠯ ᠬᠠᠮᠣᠭ ᠊ᠤᠨ ᠡᠭᠡᠵᠢᠭᠲᠡᠢ ᠮᠥᠴᠡ ᠳ᠋ᠦ᠍ ᠢᠯᠡᠴᠢᠯᠡᠵᠦ ᠂ ᠤᠯᠠᠮ ᠢ᠋ᠶ᠋ᠠᠷ ᠲᠠᠶ᠋ᠢᠰᠣᠨ ᠳ᠋ᠤ᠌ ᠪᠠᠷᠢᠵᠤ ᠥᠭᠭᠦᠭᠰᠡᠨ ᠪᠠᠷᠲᠠᠢ ᠰᠡᠴᠡᠨ᠃ ᠣᠳᠣ ᠲᠡᠷᠡ ᠬᠥᠮᠦᠨ ᠰᠠᠨᠠᠭᠠᠨ ᠳ᠋ᠠᠭᠠᠨ ᠬᠦᠷᠬᠦ ᠳ᠋ᠦ᠍ ᠬᠡᠳᠦᠬᠡᠨ ᠴᠠᠭ ᠯᠠ ᠦᠯᠡᠳᠡᠴᠢᠬᠡᠭᠡᠳ ᠂ ᠰᠥᠪᠡᠭᠡᠳᠡᠢ ᠵᠠᠩᠵᠤᠨ ᠊ᠤ ᠬᠠᠷ ᠠ᠋ ᠲᠣ᠊ᠭ ᠊ᠢ ᠪᠤᠯᠢᠶᠠᠭᠠᠳ ᠠᠪᠴᠢᠬᠠᠭᠰᠠᠨ ᠮᠡᠲᠦ ᠰᠡᠳᠬᠢᠯ ᠨᠢ ᠬᠥᠭᠡᠷᠴᠦ ᠂ ᠰᠢᠷᠬᠠ ᠰᠣᠷᠪᠢ ᠪᠠᠨ ᠊ᠴᠤ ᠮᠠᠷᠲᠠᠴᠢᠬᠠᠭᠠᠳ ᠶᠠᠪᠤᠭᠠ ᠨᠢ ᠡᠨᠡ᠃ ᠠ᠋ ᠬᠠᠯᠠᠭ᠃
ᠰᠥᠨᠢ ᠨᠢ ᠰᠡᠷᠢᠭᠦᠨ ᠰᠡᠪᠰᠢᠶ ᠡ᠋ ᠬᠥᠯᠥᠷᠦᠭᠰᠡᠨ ᠨᠢᠭᠤᠷ ᠊ᠢ ᠨᠢ ᠢᠯᠪᠢᠬᠦ ᠳ᠋ᠦ᠍ ᠱᠠᠮᠳᠠᠭᠠᠢ ᠬᠣᠷᠣᠰᠤᠨ ᠴᠥᠬᠥᠷᠡᠭᠰᠡᠨ ᠳ᠋ᠡᠭᠡᠨ ᠡᠷ ᠠ᠋ ᠬᠥᠮᠦᠨ ᠊ᠤ ᠬᠠᠷᠠᠮ ᠨᠢᠯᠪᠤᠰᠤ ᠶ᠋ᠢ ᠭᠠᠷᠭᠠᠵᠤ ᠂ ᠨᠢᠳᠦ ᠪᠡᠨ ᠠᠨᠢᠪᠠ᠃
ᠬᠠᠮᠤᠭ ᠪᠡᠶᠡ ᠨᠢ ᠪᠠᠲᠠᠶ᠋ᠢᠷᠠᠨ ᠴᠢᠯᠡᠪᠡᠴᠦ ᠤᠷᠢᠳᠤ ᠡᠳᠦᠷ ᠦ᠋ᠨ ᠶᠠᠪᠤᠳᠠᠯ ᠨᠢᠭᠡᠳ ᠨᠢᠭᠡᠨ ᠦᠭᠡᠢ ᠦᠵᠡᠭᠳᠡᠵᠦ᠂ ᠰᠡᠳᠬᠢᠯ ᠦ᠋ᠨ ᠬᠢᠨᠢ ᠰᠢᠨᠠᠯᠠᠭᠠ ᠶ᠋ᠢ ᠨᠡᠮᠡᠨᠡ ᠃ ᠳᠡᠷᠡᠰᠦᠨ ᠦ᠌ ᠭᠠᠵᠠᠷ ᠲᠤ᠌ ᠱᠠᠮᠲᠠᠭᠠᠢ ᠂ ᠪᠠᠷᠳᠠᠢ ᠰᠡᠴᠡᠨ ᠊ᠢ ᠬᠠᠷᠠᠭᠠᠳ ᠭᠠᠶ᠋ᠢᠬᠠᠭᠰᠠᠨ ᠪᠣᠯᠪᠠᠴᠤ ᠲᠡᠶ᠋ᠢᠮᠦ ᠤᠴᠢᠷ ᠶᠠᠪᠤᠳᠠᠯ ᠡᠭᠦᠳᠦᠨᠡ ᠭᠡᠵᠦ ᠣᠭᠲᠣ ᠪᠣᠳᠣᠭᠰᠠᠨ ᠦᠭᠡᠢ ᠃ ᠰᠡᠯᠡᠭᠦᠴᠡᠭᠰᠡᠨ ᠳ᠋ᠦ᠍ ᠤᠨᠲᠤᠭᠤᠴᠠᠯᠠ ᠭᠡᠵᠦ ᠪᠣᠳᠣᠭᠠᠳ ᠡᠮᠢᠶᠡᠵᠦ ᠪᠠᠶ᠋ᠢᠲᠠᠯᠠ ᠪᠠᠷᠳᠠᠢ ᠰᠡᠴᠡᠨ ᠰᠡᠯᠡᠮᠡ ᠪᠡᠨ ᠰᠤᠭᠤ ᠲᠡᠳᠡᠨ ᠤᠯᠠᠭᠠᠨ ᠨᠥᠮᠥᠷᠭᠡᠲᠦ ᠡᠷᠡ ᠶ᠋ᠢ ᠴᠠᠪᠴᠢᠪᠠᠰᠤ ᠴᠠᠭᠠᠳᠤᠬᠢ ᠨᠢ ᠭᠠᠷ ᠊ᠢ ᠨᠢ ᠳᠠᠭᠠᠨ ᠭᠤᠯᠲᠤᠶ᠋ᠢᠨ ᠣᠶ᠋ᠢᠴᠢᠬᠤ ᠳ᠋ᠤ᠌ ᠰᠠᠶᠢ ᠰᠡᠭᠡᠭᠡ ᠠᠪᠴᠤ ᠂ ᠰᠡᠯᠡᠮᠡ ᠪᠡᠨ ᠰᠢᠭᠦᠷᠡᠲᠡᠯᠡ ᠬᠣᠶᠠᠷ ᠭᠤᠷᠪᠠᠨ ᠮᠡᠷᠭᠢᠳ ᠴᠡᠷᠢᠭ ᠳᠠᠭᠠᠷᠢᠵᠤ ᠢᠷᠡᠭᠡᠳ ᠠᠭᠳᠠᠯᠠᠨ ᠪᠠᠷᠢᠵᠤ ᠂ ᠠᠳᠬᠤᠵᠤ ᠶᠠᠪᠤᠭᠰᠠᠨ ᠰᠠᠬᠠᠷᠢ ᠶ᠋ᠢ ᠨᠢ ᠪᠤᠯᠢᠶᠠᠵᠤ ᠠᠪᠤᠭᠠᠳ ᠪᠠᠷᠳᠠᠢ ᠳ᠋ᠤ᠌ ᠦᠭᠴᠢᠬᠡᠯᠡ ᠃ ᠬᠠᠷᠠᠮᠰᠠᠵᠤ ᠬᠠᠯᠬᠠᠯᠠᠬᠤ ᠶᠠᠮᠠᠷ ᠴᠤ᠌ ᠵᠠᠪ ᠭᠠᠷᠤᠭᠰᠠᠨ ᠦᠭᠡᠢ ᠃ ᠨᠥᠭᠥᠭᠡ ᠡᠷᠡ ᠶ᠋ᠢᠨ ᠬᠦᠵᠦᠭᠦᠦ ᠬᠣᠭᠣᠯᠠᠢ ᠴᠢᠰᠤᠨ ᠳ᠋ᠤ᠌ ᠪᠣᠳᠣᠭᠳᠠᠭᠠᠳ ᠬᠥᠳᠡᠯᠭᠡᠭᠡᠨ ᠦᠭᠡᠢ ᠬᠡᠪᠲᠡᠬᠦ ᠳ᠋ᠦ᠍ ᠨᠢᠭᠡ ᠴᠡᠷᠢᠭ ᠵᠢᠳᠠ ᠪᠠᠷ ᠢ᠋ᠶ᠋ᠠᠨ ᠬᠠᠳᠬᠤᠵᠤ ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠵᠣᠪᠬᠢ ᠶ᠋ᠢ ᠨᠢ ᠨᠡᠭᠡᠭᠡᠵᠦ ᠬᠠᠷᠠᠴᠢᠬᠠᠭᠠᠳ ᠄
–– ᠦᠬᠦᠴᠢᠬᠡᠵᠡᠢ ᠭᠡᠵᠦ ᠬᠡᠯᠡᠭ᠍ᠰᠡᠨ ᠊ᠢ ᠰᠠᠨᠠᠨᠠ ᠃ ᠲᠡᠭᠡᠬᠦ ᠳ᠋ᠦ᠍ ᠯᠡ ᠶᠠᠮᠠᠷ ᠰᠢᠦ ᠠᠶᠤᠯᠲᠠᠢ ᠠᠯᠳᠠᠭᠠ ᠬᠢᠭ᠍ᠰᠡᠨ ᠢ᠋ᠶ᠋ᠡᠨ ᠤᠬᠠᠭᠠᠷᠠᠵᠤ ᠪᠣᠰᠤᠨ ᠬᠠᠷᠠᠶ᠋ᠢᠬᠤ ᠳ᠋ᠤ᠌ ᠪᠠᠷᠲᠠᠢ ᠰᠡᠴᠡᠨ ᠬᠦᠢᠲᠡᠨ ᠢ᠋ᠶ᠋ᠡᠷ ᠢᠨᠢᠶᠡᠵᠦ ᠄
–– ᠪᠤᠤ ᠰᠠᠨᠳᠤᠷ ᠃ ᠰᠦᠪᠡᠭᠡᠳᠡᠢ ᠳ᠋ᠦ᠍ ᠥᠭᠡᠷᠡ ᠡᠯᠴᠢ ᠣᠯᠳᠠᠨᠠ ᠭᠡᠵᠦ ᠲᠣᠬᠣᠭᠤᠷᠬᠠᠵᠤ ᠪᠢᠯᠡ ᠃ ᠱᠠᠮᠲᠠᠭᠠᠢ ᠶ᠋ᠢ ᠠᠪᠤᠭᠠᠳ ᠭᠠᠷᠬᠤ ᠳ᠋ᠤ᠌ ᠳᠠᠷᠠᠰᠤ ᠵᠥᠭᠡᠭᠡᠭᠴᠢ ᠂ ᠡᠵᠡᠨ ᠦ᠌ ᠪᠡᠨ ᠬᠠᠮᠲᠤ ᠤᠯᠠᠭᠠᠨ ᠨᠥᠮᠥᠷᠭᠡᠲᠦ ᠦᠬᠦᠳᠡᠯ ᠊ᠢ ᠬᠥᠯ ᠡᠴᠡ ᠨᠢ ᠴᠢᠷᠦᠭᠡᠳ ᠴᠠᠭᠠᠱᠢ ᠪᠠᠨ ᠣᠷᠣᠵᠤ ᠪᠠᠶ᠋ᠢᠬᠰᠠᠨ ᠃ ᠬᠣᠲᠣ ᠨᠠᠷ ᠤ᠋ᠨ ᠬᠤᠪᠢ ᠳ᠋ᠤ᠌ ᠱᠠᠮᠲᠠᠭᠠᠢ ᠶ᠋ᠢ ᠪᠠᠶ᠋ᠢᠴᠠᠭᠠᠬᠤ ᠂ ᠥᠴᠢᠭ ᠠᠪᠬᠤ ᠬᠡᠷᠡᠭ ᠪᠠᠶ᠋ᠢᠬᠰᠠᠨ ᠦᠭᠡᠢ ᠃ ᠪᠠᠷᠲᠠᠢ ᠰᠡᠴᠡᠨ ᠪᠦᠭᠦᠳᠡ ᠶ᠋ᠢ ᠨᠢ ᠨᠢᠭᠡ ᠨᠢᠭᠡᠨ ᠦᠭᠡᠢ ᠳᠡᠯᠭᠡᠭᠡᠳ ᠥᠭᠪᠡ᠃ ᠱᠠᠮᠲᠠᠭᠠᠢ ᠶ᠋ᠢ ᠵᠣᠷᠢᠭᠤᠳᠠ ᠪᠠᠭᠠᠨᠠ ᠠ᠋ᠴᠠ ᠤᠶᠠᠭᠰᠠᠨ ᠲᠤᠯᠠ ᠡᠨᠡ ᠪᠦᠬᠦ ᠶᠠᠷᠢᠶᠠ ᠶ᠋ᠢ ᠠᠷᠭᠠ ᠪᠤᠶᠤ ᠰᠣᠨᠣᠰᠴᠤ ᠲᠡᠰᠴᠦ ᠶᠠᠳᠠᠬᠤ ᠳ᠋ᠠᠭᠠᠨ ᠪᠠᠷᠲᠠᠢ ᠰᠡᠴᠡᠨ ᠊ᠢ ᠬᠠᠷᠢᠶᠠᠵᠤ ᠵᠦᠬᠡᠨ ᠴᠠᠮᠨᠠᠵᠤ ᠪᠠᠶ᠋ᠢᠪᠠ ᠃ ᠡᠨᠡ ᠨᠢ ᠲᠤᠰᠠ ᠪᠣᠯᠬᠤ ᠠ᠋ᠴᠠ ᠪᠠᠨ ᠤᠰᠤ ᠪᠣᠯᠤᠭᠰᠠᠨ ᠪᠣᠯᠤᠯᠲᠠᠢ ᠂ ᠪᠠᠷᠲᠠᠢ ᠰᠡᠴᠡᠨ ᠲᠠᠴᠢᠭᠢᠨᠠᠲᠠᠯᠠ ᠢᠨᠢᠶᠡᠵᠦ ᠄
–– ᠮᠢᠨᠦ ᠦᠨᠡᠨ ᠬᠡᠯᠡᠭᠰᠡᠨ ᠡᠰᠡᠬᠦ ᠶᠢ ᠡᠨᠡ ᠲᠤᠭᠴᠢ ᠨᠤᠲᠠᠯᠠᠭᠠᠳ ᠥᠭᠴᠦ ᠪᠠᠢᠭᠠ ᠪᠢᠵᠠ ᠳ᠋ᠠ ᠭᠡᠨᠡ᠃ ᠦᠨᠡᠬᠡᠷ ᠱᠠᠮᠳᠠᠭᠠᠢ ᠶᠢᠨ ᠬᠠᠷᠠᠭᠤᠰᠠᠯ
ᠬᠣᠷᠤᠰᠤᠯ ᠳᠤ ᠡᠷᠡᠭᠡᠯᠵᠡᠬᠦ ᠬᠥᠮᠦᠨ ᠪᠠᠢᠭᠰᠠᠨ ᠦᠭᠡᠢ ᠡ᠃
–– ᠰᠦᠪᠡᠭᠡᠳᠡᠢ ᠲᠠ ᠨᠠᠷ ᠢ ᠳᠣᠪᠲᠤᠯᠬᠤ ᠶᠢ
ᠬᠦᠰᠡᠵᠦ ᠴᠡᠷᠢᠭ ᠢᠶᠡᠨ ᠵᠠᠳᠠᠯᠤᠭᠰᠠᠨ᠃ ᠲᠡᠭᠦᠨ ᠦ ᠡᠴᠦᠰ ᠦᠨ ᠨᠠᠢᠳᠠᠯᠭᠠ ᠪᠣᠯ ᠵᠥᠪᠬᠡᠨ ᠪᠢ ᠪᠠᠢᠭᠠ
ᠶᠤᠮ᠃ ᠡᠨᠡ ᠲᠤᠭᠴᠢ ( ᠪᠠᠷᠲᠠᠢ ᠲᠡᠭᠦᠨ ᠢ ᠶᠡᠷᠦ ᠨᠡᠷᠡ ᠪᠡᠷ ᠨᠢ ᠬᠡᠯᠡᠬᠦ ᠦᠭᠡᠢ ᠪᠠᠢᠭᠠ ᠶᠢ ᠦᠰᠢᠷᠬᠡᠯ
ᠭᠡᠵᠦ ᠱᠠᠮᠲᠠᠭᠠᠢ ᠦᠵᠡᠵᠦ ᠪᠠᠢᠯᠠ᠃) ᠨᠠᠮᠠᠢ᠍ᠢ ᠥᠲᠦᠭᠡᠬᠦ ᠪᠠᠢᠭᠰᠠᠨ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠣᠳᠣ ᠲᠡᠭᠦᠨ ᠢ
ᠶᠡᠷᠦ ᠳ᠋ᠡᠭᠡᠨ ᠡᠨᠡ ᠰᠥᠨᠢ ᠯᠡ ᠳᠣᠪᠲᠤᠯᠬᠤ ᠬᠡᠷᠡᠭ ᠲᠠᠢ᠃ ᠲᠠᠬᠢᠭᠠᠳ ᠵᠢᠭᠠᠬᠠᠨ ᠤᠳᠠᠪᠠᠯ ᠲᠣᠭᠣᠴᠠᠷ ᠤᠨ
ᠴᠡᠷᠢᠭ ᠬᠦᠷᠦᠭᠡᠳ ᠢᠷᠡᠨᠡ ᠭᠡᠵᠦ ᠪᠠᠷᠲᠠᠢ ᠠᠭᠠᠭᠳᠠᠨ ᠥᠭᠦᠯᠡᠵᠦ ᠪᠠᠢᠯᠠ᠃
–– ᠪᠢᠳᠡ ᠤᠷᠠᠬᠠᠨ ᠳᠤ ᠣᠷᠤᠨᠠ ᠰᠢᠦ ᠳ᠋ᠡ
ᠭᠡᠵᠦ ᠬᠣᠲᠤ ᠶᠢ ᠬᠠᠰᠢᠷᠯᠠᠬᠤ ᠳᠤ᠂
–– ᠤᠷᠠᠬᠠᠨ ᠳᠤ ᠣᠷᠤᠭᠤᠯᠬᠤ ᠶᠢᠨ ᠲᠤᠯᠠᠳᠠ
ᠤᠷᠠᠬᠠ ᠪᠠᠢᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠪᠠᠷᠲᠠᠢ ᠰᠡᠴᠡᠨ ᠬᠠᠰᠭᠢᠷᠤᠭᠠᠳ᠂
–– ᠲᠤᠭᠴᠢ ᠶᠢᠨ ᠬᠡᠯᠡ ᠢᠷᠡᠭᠰᠡᠨ ᠦᠶᠡ ᠳᠦ
ᠯᠠ ᠤᠷᠠᠬᠠ ᠶᠢ ᠪᠡᠯᠡᠳᠭᠡᠨᠡ᠃ ᠡᠰᠡ ᠲᠡᠭᠡᠪᠡᠯ ᠮᠠᠨ ᠤ ᠬᠠᠷᠠᠭᠤᠯ ᠠᠵᠢᠭᠯᠠᠨᠠ ᠰᠢᠤ ᠳ᠋ᠠ ᠭᠡᠵᠡᠢ᠃
–– ᠪᠠᠷᠲᠠᠢ ᠰᠡᠴᠡᠨ ᠤ ᠵᠥᠪ᠃ ᠡᠢᠮᠦ
ᠵᠠᠪᠰᠢᠶᠠᠨ ᠢ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠭᠠᠯ ᠬᠡᠯᠡᠵᠡᠢ᠃ ᠭᠠᠩᠰᠠᠷᠠᠨ ᠳᠣᠭᠰᠢᠷᠠᠬᠤ ᠱᠠᠮᠲᠠᠭᠠᠢ ᠶᠢᠨ
ᠳᠡᠷᠭᠡᠳᠡ ᠴᠢᠨᠠᠭᠰᠢ ᠶᠠᠷᠢᠯᠴᠠᠬᠤ ᠳᠤ ᠬᠡᠴᠡᠭᠦᠦ ᠪᠣᠯᠤᠭᠰᠠᠨ ᠲᠤᠯᠠ ᠬᠣᠲᠤ ᠲᠡᠭᠦᠨ ᠢ ᠬᠠᠵᠠᠭᠤ ᠶᠢᠨ
ᠥᠷᠭᠦᠭᠡᠨ ᠳᠦ ᠣᠷᠤᠭᠤᠯᠵᠤ ᠪᠠᠨᠳᠠᠩ ᠰᠢᠷᠡᠭᠡᠨ ᠳᠡᠭᠡᠷᠡ ᠬᠦᠯᠢᠬᠦ ᠶᠢ ᠲᠤᠰᠢᠶᠠᠵᠠᠢ᠃ ᠰᠢᠨᠡ ᠭᠢᠨᠳᠠᠨ ᠤ
ᠬᠢᠨᠢ ᠬᠠᠨᠠ ᠣᠷᠢᠶᠠᠩᠭᠤ ᠰᠦᠯᠵᠢᠮᠡᠯ ᠪᠠᠢᠭᠰᠠᠨ ᠪᠣᠯᠬᠤ ᠪᠡᠷ ᠲᠡᠳᠡᠨ ᠤ ᠶᠠᠷᠢᠶᠠ ᠱᠠᠮᠲᠠᠭᠠᠢ ᠳᠤ
ᠲᠣᠳᠤᠬᠠᠨ ᠰᠣᠨᠤᠰᠳᠠᠵᠤ ᠪᠠᠢᠪᠠ᠃
–– ᠠᠯᠠᠭᠳᠠᠭᠰᠠᠨ ᠡᠯᠴᠢ ᠬᠡᠳᠦᠢ ᠳᠦ
ᠰᠦᠪᠡᠭᠡᠳᠡᠢ ᠳᠡᠭᠡᠷᠡ ᠣᠴᠢᠬᠤ ᠪᠠᠢᠭᠰᠠᠨ ᠪᠣᠯ ᠭᠡᠵᠦ ᠬᠣᠲᠤ ᠠᠰᠠᠭᠤᠯᠠ᠃ ᠪᠠᠷᠲᠠᠢ ᠰᠡᠴᠡᠨ ᠤ
ᠬᠦᠩᠭᠢᠨᠡᠭᠰᠡᠨ ᠳᠠᠭᠤ ᠰᠣᠨᠤᠰᠳᠠᠬᠤ ᠨᠢ᠄
–– ᠮᠢᠨᠦ ᠶᠠᠪᠤᠵᠤ ᠢᠷᠡᠭᠰᠡᠨ ᠢᠶᠡᠷ ᠪᠣᠯ
ᠮᠠᠷᠭᠠᠰᠢ ᠥᠷᠯᠦᠭᠡ ᠦᠦᠷ ᠢᠶᠡᠷ ᠪᠣᠯᠪᠠ ᠤᠤ᠂ ᠭᠡᠪᠡᠴᠦ ᠲᠡᠷᠡ ᠠᠷᠠᠢ ᠬᠤᠷᠳᠤᠨ ᠳᠣᠪᠲᠤᠯᠤᠨᠠ ᠭᠡᠪᠡᠯ ᠰᠥᠨᠢ
ᠳᠦᠯᠢ ᠶᠢᠨ ᠨᠠᠭᠠᠨᠠ ᠣᠴᠢᠵᠤ ᠪᠣᠯᠬᠤ ᠶᠤᠮ᠃
–– ᠲᠡᠭᠡᠬᠦ ᠪᠡᠷ ᠰᠦᠪᠡᠭᠡᠳᠡᠢ ᠶᠠᠮᠠᠷ
ᠪᠣᠯᠪᠠᠴᠤ ᠡᠨᠡ ᠰᠥᠨᠢ ᠤᠷᠠᠬᠠ ᠵᠠᠩᠬᠠ ᠪᠡᠯᠡᠳᠭᠡᠵᠦ ᠠᠮᠵᠢᠬᠤ ᠦᠭᠡᠢ ᠭᠡᠵᠦ ᠦᠵᠡᠵᠦ ᠪᠣᠯᠬᠤ ᠤᠤ ?
–– ᠪᠡᠯᠡᠳᠬᠡᠬᠦ ᠰᠠᠨᠠᠭᠠ ᠴᠤ᠌ ᠳᠥᠷᠥᠭᠡ ᠦᠭᠡᠢ ᠪᠡᠶ᠋ᠢᠬ᠋ᠠ ᠃ ᠲᠡᠶ᠋ᠢᠮᠤ ᠣᠳᠤᠯᠲᠠ ᠬᠢᠬᠦ ᠳ᠋ᠦ᠍ ᠴᠠᠭ ᠬᠤᠭᠤᠴᠠᠭᠠᠨ ᠠ᠋ᠴᠠ ᠭᠠᠳᠠᠨᠠ ᠢᠲᠡᠭᠡᠯᠲᠢ ᠮᠡᠳᠡᠭᠡ ᠬᠡᠷᠡᠭᠲᠡᠢ ᠰᠢᠦ ᠳᠡ ᠃ ᠬᠡᠰᠡᠭ ᠪᠡᠶ᠋ᠢᠵᠠᠨᠠᠭᠠᠳ ᠬᠣᠲᠣ ᠶ᠋ᠢᠨ ᠪᠣᠳᠣᠯᠭᠠᠰᠢᠷᠠᠭᠰᠠᠨ ᠨᠠᠮᠤᠭᠤᠬᠠᠨ ᠳᠠᠭᠤ ᠰᠣᠨᠣᠰᠤᠭᠳᠠᠯᠠ ᠃
–– ᠡᠨᠡ ᠪᠣᠯ ᠪᠢᠳᠡᠨ ᠦ᠌ ᠬᠤᠪᠢ ᠵᠢᠶᠠᠭᠠᠨ ᠤ᠋ ᠡᠷᠭᠢᠯᠲᠡ ᠶ᠋ᠢᠨ ᠰᠥᠨᠢ ᠪᠣᠯᠵᠤ ᠮᠡᠳᠡᠨᠡ ᠃ ᠪᠣᠯᠬᠤ ᠴᠤ᠌ ᠪᠡᠶ᠋ᠢᠬᠠ ᠃ ᠡᠷᠬᠢᠮ ᠳᠡᠭᠦᠦ ᠨᠠᠷ ᠮᠢᠨᠢ ᠥᠴᠦᠬᠡᠨ ᠴᠦ᠍ ᠡᠷᠡᠭᠡᠯᠵᠡᠭᠡ ᠪᠢᠳᠡᠨ ᠳ᠋ᠦ᠍ ᠦᠯᠡᠳᠡᠬᠦ ᠶᠣᠰᠣ ᠦᠭᠡᠢ ᠃
–– ᠲᠡᠶ᠋ᠢᠮᠤ ᠠ᠋ ᠃ ᠡᠨᠡ ᠤᠳᠠᠭᠠ ᠭᠠᠯ ᠶᠠᠷᠢᠪᠠ ᠃ ᠲᠡᠭᠦᠨ ᠦ᠌ ᠡᠷᠡᠮᠡᠭᠡᠢ ᠳᠠᠭᠤ ᠬᠣᠶᠠᠷ ᠠᠬᠠ ᠶ᠋ᠢᠨ ᠬᠢ ᠡᠴᠡ ᠡᠷᠡᠰ ᠢᠯᠭᠠᠷᠠᠵᠤ ᠪᠡᠶ᠋ᠢᠪᠠ ᠃ ᠪᠢᠳᠡ ᠡᠨᠡ ᠭᠠᠵᠠᠷ ᠢᠷᠡᠭᠡᠳ ᠶᠠᠭ ᠠᠷᠪᠠᠨ ᠨᠢᠭᠡᠨ ᠵᠢᠯ ᠪᠣᠯᠵᠤ ᠪᠠᠶ᠋ᠢᠨᠠ ᠃ ᠭᠡᠲᠡᠯᠡ ᠲᠣᠭᠲᠠᠨᠢᠨ ᠰᠠᠭᠤᠷᠢᠰᠢᠬᠤ ᠬᠥᠷᠥᠰᠥ ᠣᠯᠳᠠᠬᠤ ᠦᠭᠡᠢ ᠬᠡᠪ ᠢ᠋ᠶ᠋ᠡᠷ ᠃ ᠬᠡᠳᠦᠢ ᠪᠣᠯᠲᠠᠯᠠ ᠬᠦᠴᠦᠯᠦᠭ ᠊ᠢ ᠴᠢᠷᠡᠶ᠋ᠢᠴᠢᠯᠠᠬᠤ ᠶᠤᠮ ᠪᠣᠢ ? ᠬᠡᠷᠪᠡ ᠪᠢᠳᠡ ᠰᠦᠪᠡᠭᠡᠲᠡᠢ ᠶ᠋ᠢᠨ ᠴᠡᠷᠢᠭ ᠊ᠢ ᠳᠠᠷᠤᠵᠤ ᠴᠢᠳᠠᠪᠠᠯ ᠣᠢ ᠶ᠋ᠢᠨ ᠢᠷᠭᠡᠳ ᠲᠦ᠍ ᠢᠲᠡᠭᠡᠯ ᠲᠥᠷᠥᠨᠡ ᠃ ᠲᠡᠨᠳᠡ ᠳᠠᠬᠢᠨ ᠪᠣᠰᠤᠯᠭᠠ ᠳᠡᠭᠳᠡᠭᠡᠵᠦ ᠪᠣᠯᠤᠨᠠ ᠃ ᠡᠷᠴᠢᠰ ᠮᠥᠷᠡᠨ ᠡᠴᠡ ᠢᠨᠠᠭᠰᠢ ᠴᠢᠯᠤᠭᠡᠲᠢ ᠵᠣᠷᠴᠢᠬᠤ ᠵᠠᠮ ᠨᠡᠬᠡᠬᠡᠭᠲᠡᠨᠠ ᠃ ᠳᠣᠪᠲᠣᠯᠬᠤ ᠬᠡᠷᠡᠭᠲᠡᠢ᠃
–– ᠰᠦᠪᠡᠭᠡᠲᠡᠢ ᠶ᠋ᠢᠨ ᠪᠣᠳᠣᠯ ᠲᠣᠳᠣᠷᠠᠭᠰᠠᠨ ᠨᠢ ᠬᠠᠮᠤᠭ ᠤ᠋ᠨ ᠭᠣᠣᠯ ᠶᠤᠮ ᠃ ( ᠴᠢᠯᠠᠭᠤᠨ ᠦᠭᠡ ᠪᠡᠨ ᠵᠥᠭᠡᠭᠡᠵᠦ ᠂ ᠲᠤᠩ ᠤᠳᠠᠭᠠᠬᠢ ᠶᠠᠷᠢᠬᠤ ᠠᠵᠠᠢ ) ᠲᠡᠷᠡ ᠨᠤᠲᠤᠭ ᠤ᠋ᠨ ᠬᠢᠨ ᠊ᠢ ᠥᠳᠥᠭᠡᠬᠦ ᠡᠴᠡ ᠡᠮᠢᠶᠡᠭᠡᠳ ᠪᠢᠳᠡᠨ ᠊ᠢ ᠳᠣᠪᠲᠣᠯᠵᠤ ᠵᠢᠷᠦᠬᠡᠯᠡᠬᠦ ᠦᠭᠡᠢ ᠪᠡᠶ᠋ᠢᠨᠠ ᠃ ᠬᠡᠷᠪᠡ ᠲᠤᠭᠤᠴᠡᠷ ᠶᠦ᠍ᠮ ᠤᠤ ᠂ ᠵᠡᠪᠡ ᠶ᠋ᠢᠨ ᠴᠡᠷᠢᠭ ᠢᠷᠡᠪᠡᠯ ᠲᠡᠷᠡ ᠠᠷᠠᠢ ᠰᠡᠶ᠋ᠢᠤᠠᠮᠩ ᠬᠥᠳᠡᠯᠬᠦ ᠪᠡᠶ᠋ᠢᠬᠠ ᠃ ᠲᠡᠷᠡ ᠴᠠᠭ ᠲᠤ᠌ ᠪᠢᠳᠡᠨ ᠦ᠌ ᠬᠦᠴᠦ ᠮᠡᠬᠦᠰᠳᠡᠨᠡ ᠃ ᠲᠡᠭᠡᠬᠦ ᠪᠡᠷ ᠠᠳᠠ ᠲᠡᠭᠦᠨ ᠦ᠌ ᠵᠠᠩᠰᠢᠯᠠᠭᠠᠴᠢ ᠰᠦᠢᠷᠡᠭᠰᠡᠨ ᠊ᠢ ᠠᠰᠢᠭᠯᠠᠬᠤ ᠠ᠋ᠴᠠ ᠳᠡᠭᠡᠷᠡ ᠵᠠᠮ ᠦᠯᠡᠳᠡᠬᠦ ᠦᠭᠡᠢ ᠯᠡ ᠪᠣᠯᠤᠯᠠ ᠳᠠ ᠃ ᠳᠠᠬᠢᠭᠠᠳ ᠬᠡᠰᠡᠭ ᠴᠢᠮᠡᠭᠡ ᠦᠭᠡᠢ ᠪᠣᠯᠪᠠ ᠃ ᠪᠠᠷᠳᠠᠢ ᠪᠡᠶᠡ ᠪᠡᠨ ᠪᠠᠷᠢᠵᠤ ᠴᠨᠡᠭᠰᠡᠨ ᠪᠣᠯᠤᠯᠲᠠᠢ ᠂ ᠬᠥᠨᠳᠡᠢ ᠳᠦᠩᠰᠦᠭᠡᠷᠬᠡᠨ ᠳᠠᠭᠤ ᠪᠠᠷ ᠄
–– ᠪᠢ ᠵᠥᠪᠬᠡᠨ ᠥᠪᠡᠷ ᠦ᠋ᠨ ᠰᠠᠨᠠᠭᠠᠨ ᠳ᠋ᠤ᠌ ᠯᠠ ᠲᠤᠯᠭᠠᠭᠤᠷᠢᠯᠠᠪᠠ ᠃ ᠠᠪᠬᠤ ᠂ ᠡᠰᠡᠬᠦ ᠨᠢ ᠲᠠ ᠪᠦᠬᠦᠨ ᠦ᠌ ᠬᠡᠷᠡᠭ ᠃ ᠰᠦᠪᠡᠬᠡᠲᠡᠢ ᠤᠳᠠᠲᠠᠯᠠ ᠢᠩᠭᠢᠵᠦ ᠵᠠᠳᠠᠭᠠᠢ ᠪᠡᠶ᠋ᠢᠬᠤ ᠦᠭᠡᠢ ᠃ ᠪᠢᠳᠡᠨ ᠢ᠋ ᠬᠥᠳᠡᠯᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯ ᠬᠦᠷᠢᠶᠡ ᠪᠡᠨ ᠴᠡᠭᠴᠡᠯᠡᠵᠦ ᠣᠷᠬᠢᠨᠠ ᠃ ᠲᠡᠷᠡ ᠴᠠᠭ ᠲᠤ᠌ ᠠᠷᠠᠢ ᠯᠠ ᠬᠡᠴᠡᠭᠦᠦ ᠪᠡᠶ᠋ᠢᠬᠤ ᠪᠣᠯᠪᠠ ᠦᠦ ᠃
ᠲᠡᠭᠡᠲᠡᠯᠡ ᠲᠡᠳᠡᠨ ᠳᠡᠭᠡᠷᠡ ᠥᠭᠡᠷᠡ ᠬᠥᠮᠦᠨ ᠢᠷᠡᠪᠡ ᠪᠣᠯᠤᠯᠲᠠᠢ᠂ ᠮᠡᠨᠳᠦ ᠠᠮᠤᠷ ᠢ᠋ᠶ᠋ᠠᠨ ᠮᠡᠳᠡᠯᠴᠡᠬᠦ ᠨᠢ ᠳᠤᠭᠤᠯᠳᠠᠬᠤ ᠳ᠋ᠤ᠌ ᠱᠠᠮᠳᠠᠭᠠᠢ ᠴᠢᠬᠢ ᠲᠠᠯᠪᠢᠨ ᠰᠣᠨᠣᠰᠤᠯᠠ᠃ ᠡᠮᠡᠭᠲᠡᠢ ᠬᠥᠮᠦᠨ ᠳᠤᠤᠭᠠᠷᠤᠯᠠ᠃ ᠲᠡᠷᠡ ᠳᠠᠭᠤ ᠲᠤᠩ ᠲᠠᠨᠢᠯ᠂ ᠲᠡᠷᠡ ᠲᠣᠰᠤᠮ ᠥᠴᠥᠭᠡᠳᠦᠷᠬᠡᠨ ᠰᠣᠨᠣᠰᠤᠭᠰᠠᠨ ᠮᠡᠲᠦ ᠰᠠᠨᠠᠭᠳᠠᠭᠠᠳ ᠱᠠᠮᠳᠠᠭᠠᠢ ᠭᠠᠢᠬᠠᠯᠠ᠃
–– ᠪᠠᠷᠳᠠᠢ ᠰᠡᠴᠡᠨ ᠳ᠋ᠦ᠍ ᠢᠲᠡᠭᠡᠬᠦ ᠦᠭᠡᠢ ᠪᠣᠯ ᠲᠠ ᠪᠦᠬᠦᠨ ᠦ᠌ ᠮᠥᠬᠥᠯ ᠦ᠋ᠨ ᠰᠢᠷᠣᠢ ᠫᠤᠷᠭᠢᠭᠦ ᠨᠢ ᠲᠡᠷᠡ ᠳᠠ᠃ ᠡᠭᠦᠯᠡᠰ ᠬᠤᠷᠠᠯᠳᠤᠵᠤ ᠠᠭᠠᠳᠠᠷ ᠵᠥᠩᠨᠡᠪᠡᠴᠦ ᠲᠡᠭᠦᠨ ᠢ᠋ ᠬᠥᠭᠡᠭᠡᠬᠦ ᠰᠠᠯᠬᠢ ᠬᠡᠵᠢᠶᠡᠳᠡ ᠪᠠᠢᠳᠠᠭ᠃ ᠱᠠᠮᠳᠠᠭᠠᠢ ᠰᠣᠴᠢᠨ ᠴᠡᠴᠡᠷᠡᠪᠡ᠃ ᠡᠨᠡ ᠪᠣᠯ ᠨᠥᠭᠥᠭᠡ ᠶᠸᠯᠸᠢᠪᠴᠢ ᠡᠮᠡ ᠶ᠋ᠢᠨ ᠳᠠᠭᠤ ᠪᠠᠢᠯᠠ᠃《 ᠬᠥᠪᠡᠭᠦᠨ ᠴᠢ ᠶᠡᠷᠦ ᠪᠤᠰᠤ ᠶ᠋ᠢᠨ ᠬᠥᠮᠦᠨ ᠪᠠᠢᠨᠠ᠃ ᠴᠢᠮᠠ ᠳ᠋ᠤ᠌ ᠡᠨᠡ ᠳᠡᠷᠡᠰᠦᠨ ᠦ᠌ ᠭᠠᠵᠠᠷ ᠪᠠᠭᠠᠳᠠᠬᠤ ᠶᠤᠮ᠃ ᠴᠢᠨᠦ ᠵᠡᠭᠦᠨ ᠭᠠᠷ ᠲᠤ᠌ ᠦᠬᠦᠯ ᠦ᠋ᠨ ᠪᠤᠭᠤᠢᠯᠢ᠂ ᠪᠠᠷᠠᠭᠤᠨ ᠭᠠᠷ ᠲᠤ᠌ ᠭᠠᠯ ᠰᠠᠴᠤᠷᠠᠭᠰᠠᠨ ᠢᠯᠳᠦ ᠪᠠᠢᠳᠠᠭ ᠶᠤᠮ ᠪᠠᠢᠨᠠ》 ᠥᠴᠥᠭᠡᠳᠦᠷ ᠳᠡᠷᠡᠰᠦᠨ ᠦ᠌ ᠭᠠᠵᠠᠷ ᠲᠤ᠌ ᠰᠠᠭᠤᠵᠤ ᠪᠠᠢᠬᠤ ᠳ᠋ᠤ᠌ ᠶᠸᠯᠸᠢᠪᠴᠢ ᠡᠮᠡ ᠲᠡᠭᠦᠨ ᠳ᠋ᠦ᠍ ᠢᠩᠭᠢᠵᠦ ᠬᠡᠯᠡᠭᠰᠡᠨ ᠪᠢᠯᠡ᠃
–– ᠵᠠ ᠶᠠᠭᠠᠬᠢᠬᠤ ᠪᠣᠢ᠃ ᠠᠷᠭᠠ ᠶ᠋ᠢ ᠠᠷᠭᠠ ᠪᠠᠷ᠃ ᠲᠡᠳᠡᠨ ᠪᠢᠳᠡᠨ ᠢ᠋ ᠳᠣᠪᠲᠣᠯᠤᠭᠤᠯᠬᠤ ᠭᠡᠵᠦ ᠬᠦᠰᠡᠭᠰᠡᠨ ᠪᠣᠯ ᠳᠣᠪᠲᠣᠯᠤᠶᠠ᠃ ᠴᠡᠷᠢᠭ ᠢ᠋ ᠬᠡᠨ ᠵᠠᠬᠢᠷᠬᠤ ᠪᠣᠢ? ᠭᠡᠵᠦ ᠬᠣᠲᠣ ᠬᠡᠯᠡᠯᠡ᠃
–– ᠪᠢ ᠣᠳᠰᠤᠭᠠᠢ ᠭᠡᠵᠦ ᠭᠠᠯ ᠬᠡᠯᠡᠪᠡ᠃
–– ᠪᠢ ᠬᠣᠰᠢᠭᠤᠴᠢ ᠪᠣᠯᠬᠤ ᠶ᠋ᠢ ᠬᠦᠰᠡᠨᠡ᠃ ( ᠡᠨᠡ ᠪᠠᠷᠲᠠᠢ ᠰᠡᠴᠡᠨ ᠪᠠᠢᠪᠠ᠃)
–– ᠪᠣᠯᠲᠤᠭᠠᠢ᠂ ᠲᠠ ᠬᠣᠶᠠᠷ ᠲᠤ᠌ ᠨᠠᠢ᠍ᠮᠠᠨ ᠮᠢᠩᠭᠠᠨ ᠴᠡᠷᠢᠭ ᠥᠭᠬᠦᠶᠡ᠃ ᠴᠢᠮᠡᠭᠡ ᠦᠭᠡᠢ ᠪᠣᠯᠴᠢᠬᠠᠯᠠ᠃ ᠭᠠᠯ᠂ ᠪᠠᠷᠲᠠᠢ ᠰᠡᠴᠡᠨ ᠨᠠᠷ ᠵᠥᠪᠯᠡᠵᠦ ᠪᠠᠢᠬᠤ ᠮᠡᠲᠦ᠃ ᠴᠢᠩᠭᠢᠲᠡᠯᠡ ᠴᠢᠯᠠᠭᠤᠨ᠄
–– ᠡᠨᠳᠡ ᠴᠡᠷᠢᠭ ᠪᠠᠷᠢᠬᠤ ᠨᠢ ᠠᠰᠢᠭ ᠦᠭᠡᠢ᠃ ᠪᠦᠬᠦ ᠬᠦᠴᠦ ᠪᠡᠨ ᠵᠠᠩᠭᠢᠳᠴᠤ ᠳᠣᠪᠲᠣᠯᠤᠭᠰᠠᠨ ᠨᠢ ᠳᠡᠭᠡᠷᠡ᠃ ᠦᠭᠡᠢ ᠪᠣᠯ ᠪᠣᠯᠢᠶᠠ᠃
–– ᠪᠢ ᠥᠪᠡᠷ ᠢ᠋ ᠪᠡᠨ ᠬᠠᠮᠠᠭᠠᠯᠠᠬᠤ ᠭᠡᠰᠡᠨ ᠦᠭᠡᠢ᠃ ᠶᠠᠮᠠᠷ ᠴᠤ᠌ ᠦᠶᠡ ᠳ᠋ᠦ᠍ ᠪᠡᠯᠡᠳᠬᠡᠯ ᠬᠦᠴᠦ ᠬᠡᠷᠡᠭᠲᠡᠢ᠃
–– ᠭᠡᠨᠡᠳᠲᠡ ᠶ᠋ᠢᠨ ᠳᠠᠭᠠᠷᠢᠯᠲᠠ ᠰᠢᠦ ᠳᠡ᠃ ᠪᠦᠬᠦ ᠴᠡᠷᠢᠭ ᠮᠣᠷᠢ ᠶ᠋ᠢ ᠭᠠᠵᠠᠷ ᠳᠡᠭᠡᠷᠡ ᠡᠴᠡ ᠨᠢ ᠤᠯᠠᠷᠢᠭᠤᠯᠤᠨ ᠬᠡᠷᠡᠭᠯᠡᠬᠦ ᠡᠴᠡ ᠪᠢᠰᠢ ᠡᠨᠳᠡ ᠡᠴᠡ ᠢᠯᠡᠭᠡᠬᠦ ᠠᠷᠭᠠ ᠪᠠᠢᠬᠤ ᠦᠭᠡᠢ᠃
–– ᠵᠠ ᠲᠡᠭᠡᠪᠡᠯ ᠪᠦᠬᠦ ᠴᠡᠷᠢᠭ ᠢ᠋ ᠠᠪᠴᠤ ᠮᠣᠷᠳᠠ᠃
–– ᠬᠠᠷᠠᠭᠤᠯ ᠬᠢᠭᠡᠳ ᠰᠢᠳᠠᠷ ᠣᠲᠣᠭ ᠤ᠋ᠨ ᠮᠢᠩᠭᠠᠨ ᠴᠡᠷᠢᠭ ᠊ᠢ ᠦᠯᠡᠳᠡᠭᠡ ᠃ ᠨᠥᠭᠥᠭᠡ ᠮᠢᠩᠭᠠᠲᠤ ᠶ᠋ᠢ ᠪᠠᠷᠲᠠᠢ ᠰᠡᠴᠡᠨ ᠠᠪᠴᠤ ᠮᠠᠩᠨᠠᠢ ᠳ᠋ᠤ᠌ ᠭᠠᠷᠤᠭᠲᠤᠨ ᠃
ᠱᠠᠮᠲᠠᠭᠠᠢ ᠬᠣᠷᠣᠰᠤᠨ ᠪᠠᠴᠢᠮᠳᠠᠭᠰᠠᠨ ᠳ᠋ᠠᠭᠠᠨ ᠪᠠᠨᠲᠠᠩ ᠊ᠢ ᠲᠣᠯᠣᠭᠠᠢ ᠪᠠᠷ ᠢ᠋ᠶ᠋ᠠᠨ ᠨᠦᠳᠦᠪᠡ ᠃ ᠡᠨᠡ ᠴᠢᠮᠡᠭᠡ ᠶ᠋ᠢ ᠠᠩᠵᠠᠭᠠᠷᠠᠭᠰᠠᠨ ᠪᠣᠯᠤᠯᠲᠠᠢ ᠬᠠᠨᠠᠨ ᠤ᠋ ᠴᠠᠭᠠᠨᠠ ᠮᠡᠷᠭᠢᠳ ᠦ᠋ᠳ ᠢᠨᠢᠶᠡᠯᠳᠦᠪᠡ ᠃ ᠡᠨᠡ ᠲᠤᠭᠴᠢ ᠶ᠋ᠢ ᠪᠢ ᠠᠪᠴᠤ ᠶᠠᠪᠤᠶᠠ ᠃ ᠳᠣᠪᠲᠣᠯᠤᠨ ᠣᠷᠣᠬᠤ ᠶ᠋ᠢᠨ ᠡᠮᠦᠨᠡ ᠲᠤᠭᠴᠢ ᠶ᠋ᠢᠨ ᠬᠢᠨᠢ ᠲᠡᠷᠢᠭᠦᠨ ᠢ᠋ᠶ᠋ᠡᠷ ᠲᠤᠭ ᠢ᠋ᠶ᠋ᠠᠨ ᠳᠠᠬᠢᠪᠠᠯ ᠮᠡᠷᠭᠢᠳ ᠦ᠋ᠨ ᠣᠩᠭᠣᠨ ᠪᠠᠶᠠᠰᠬᠤ ᠪᠣᠢ ᠊ᠢᠡ ᠭᠡᠬᠦ ᠨᠢ ᠪᠠᠷᠳᠠᠢ ᠰᠡᠴᠡᠨ ᠦ᠌ ᠳᠠᠭᠤ ᠮᠥᠨ ᠪᠠᠶ᠋ᠢᠯᠠ ᠃ ᠲᠡᠭᠡᠭᠡᠳ ᠲᠡᠳᠡ ᠭᠠᠷᠴᠤ ᠣᠳᠴᠠᠭᠠᠵᠠᠢ ᠃
ᠱᠠᠮᠲᠠᠭᠠᠢ ᠶ᠋ᠢ ᠪᠠᠨᠲᠠᠩ ᠠ᠋ᠴᠠ ᠰᠤᠯᠠᠯᠠᠨ ᠠᠪᠴᠤ ᠭᠠᠷᠬᠤ ᠳ᠋ᠤ᠌ ᠶᠡᠬᠡ ᠴᠡᠷᠢᠭ ᠬᠡᠲᠦᠶ᠋ᠢᠨᠡ ᠵᠢᠭᠳᠡᠷᠡᠨ ᠵᠢᠭᠰᠠᠭᠰᠠᠨ ᠪᠠᠶ᠋ᠢᠪᠠ ᠃ ᠨᠠᠷᠠ ᠪᠠᠷᠠᠭᠤᠨᠰᠢ ᠶᠠᠯᠢᠭ ᠦᠭᠡᠢ ᠲᠣᠩᠭᠣᠶ᠋ᠢᠵᠤ ᠂ ᠴᠡᠯᠮᠡᠭ ᠰᠠᠶᠢᠬᠠᠨ ᠮᠡᠷᠭᠢᠳ ᠦ᠋ᠨ ᠲᠤᠭ ᠬᠤᠸᠠᠷ ᠰᠡᠷᠡᠯᠵᠡᠵᠦ ᠳᠠᠪᠲᠠᠮᠠᠯ ᠬᠤᠶᠠᠭ ᠢ᠋ᠶ᠋ᠠᠨ ᠵᠡᠭᠦᠭᠰᠡᠨ ᠪᠠᠷᠲᠠᠢ ᠰᠡᠴᠡᠨ ᠣᠮᠣᠭ ᠪᠠᠷᠳᠠᠮ ᠬᠥᠨᠳᠡᠯᠢᠳᠦᠨᠡ ᠃ ᠬᠣᠣᠰ ᠢᠯᠳᠦ ᠵᠡᠭᠦᠴᠢᠭᠡᠵᠡᠢ ᠃ ᠮᠥᠨ ᠭᠠᠶ᠋ᠢᠬᠠᠭᠤᠯᠪᠠ ᠠ᠋ ᠃ ᠨᠢᠭᠡ ᠨᠢ ᠥᠪᠡᠷ ᠦ᠋ᠨ ᠬᠢᠨᠢ ᠮᠥᠨ ᠪᠠᠶ᠋ᠢᠬᠤ ᠶ᠋ᠢ ᠱᠠᠮᠲᠠᠭᠠᠢ ᠲᠠᠨᠢᠵᠤ ᠂ ᠡᠰᠡᠨ ᠮᠡᠨᠳᠦ ᠠᠲᠠᠯᠠ ᠵᠡᠪᠰᠡᠭ ᠢ᠋ᠶ᠋ᠡᠨ ᠠᠯᠳᠠᠭᠰᠠᠨ ᠳ᠋ᠠᠭᠠᠨ ᠭᠤᠳᠤᠷᠠᠭᠰᠠᠨ ᠨᠢ ᠲᠣᠢᠮᠣ ᠦᠭᠡᠢ ᠃ ᠣᠴᠢᠵᠤ ᠂ ᠣᠴᠢᠵᠤ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠢᠯᠳᠦᠨ ᠳ᠋ᠦ᠍ ᠬᠣᠷᠣᠭᠠᠭᠳᠠᠬᠤ ᠨᠢ ᠠ᠋ ᠃ ᠨᠢᠷᠤᠭᠤᠨ ᠤ᠋ ᠬᠢᠨᠢ ᠰᠢᠷᠬᠠ ᠶ᠋ᠢ ᠡᠳᠡᠭᠡᠬᠦ ᠭᠡᠵᠦ ᠱᠠᠮᠲᠠᠭᠠᠢ ᠦᠨᠡᠨ ᠭᠣᠣᠯ ᠠ᠋ᠴᠠ ᠪᠠᠨ ᠬᠢᠴᠢᠶᠡᠭᠰᠡᠨ ᠶᠤᠮᠰᠠᠨ ᠃ ᠢᠩᠭᠢᠬᠦ ᠯᠡ ᠭᠡᠵᠦ ᠬᠢᠴᠢᠶᠡᠵᠡᠢ ᠳᠡ ᠃ ᠶᠠᠭ ᠬᠥᠳᠡᠯᠬᠦ ᠶ᠋ᠢᠨ ᠡᠮᠦᠨᠡ ᠭᠠᠯ ᠳᠠᠪᠬᠢᠵᠤ ᠢᠷᠡᠭᠡᠳ ᠪᠠᠷᠲᠠᠢ ᠰᠡᠴᠡᠨ ᠳ᠋ᠦ᠍ ᠄
–– ᠠᠪᠵᠠᠢ ᠬᠠᠲᠤᠨ ᠲᠠᠨ ᠲᠠᠢ ᠬᠠᠮᠲᠤ ᠲᠡᠷᠢᠭᠦᠨ ᠡᠩᠨᠡᠭᠡᠨ ᠳ᠋ᠦ᠍ ᠳᠠᠶ᠋ᠢᠳᠤᠬᠤ ᠶ᠋ᠢ ᠬᠦᠰᠡᠵᠡᠢ ᠃ ᠠᠷᠤ ᠳ᠋ᠠᠭᠠᠨ ᠠᠪᠤᠭᠲᠤᠨ ᠭᠡᠬᠦ ᠳ᠋ᠦ᠍ ᠪᠠᠷᠲᠠᠢ ᠶᠣᠰᠣᠯᠠᠭᠠᠳ ᠄
–– ᠬᠦᠴᠦᠯᠦᠭ ᠬᠠᠨ ᠤ᠋ ᠬᠠᠲᠤᠨ ᠳᠠᠶ᠋ᠢᠴᠢᠨ ᠬᠥᠮᠦᠨ ᠭᠡᠵᠦ ᠰᠣᠨᠣᠰᠤᠭᠰᠠᠨ ᠃ ᠨᠠᠳᠠ ᠳ᠋ᠤ᠌ ᠲᠦᠰᠢᠭ ᠪᠣᠯᠬᠤ ᠪᠣᠢ ᠵᠧ ᠭᠡᠵᠡᠢ ᠃ ᠱᠠᠮᠲᠠᠭᠠᠢ ᠲᠡᠷᠡ ᠬᠥᠮᠦᠨ ᠊ᠢ ᠬᠠᠷᠠᠪᠠᠯ ᠵᠡᠭᠵᠡᠭᠡᠷ ᠭᠤᠸᠠᠯᠢᠭ ᠪᠡᠶᠡ ᠶ᠋ᠢ ᠨᠢ ᠶᠠᠭ ᠪᠠᠷᠢᠭᠰᠠᠨ ᠭᠣᠶᠣᠮᠰᠣᠭ ᠵᠤᠶ᠋ᠢᠮᠡᠯ ᠬᠤᠶᠠᠭ ᠲᠠᠢ ᠠᠭᠠᠳ ᠤᠷᠠᠨ ᠴᠤᠭᠤᠯᠪᠤᠷᠢ ᠲᠠᠢ ᠠᠯᠲᠠᠨ ᠰᠢᠷᠠᠮᠠᠯ ᠲᠣᠭᠣᠯᠭᠠᠨ ᠤ᠋ ᠪᠠᠨ ᠰᠠᠷᠠᠪᠴᠢ ᠶ᠋ᠢ ᠨᠢᠭᠤᠷ ᠢ᠋ᠶ᠋ᠠᠨ ᠪᠢᠲᠡᠭᠦᠯᠡᠨ ᠪᠠᠭᠤᠯᠭᠠᠭᠰᠠᠨ ᠲᠤᠯᠠ ᠦᠯᠦ ᠲᠠᠨᠢᠭᠳᠠᠬᠤ ᠂ ᠭᠡᠬᠦ ᠳ᠋ᠡᠭᠡᠨ ᠡᠮᠡ ᠬᠥᠮᠦᠨ ᠭᠡᠳᠡᠭ ᠨᠢ ᠮᠡᠳᠡᠭᠳᠡᠬᠦ ᠨᠢᠭᠡᠨ ᠠᠵᠤᠭᠤ ᠃
ᠮᠠᠩᠨᠠᠢ ᠶ᠋ᠢᠨ ᠰᠣᠳᠣᠨ ᠤᠷᠲᠤ ᠡᠰᠢ ᠲᠡᠢ ᠬᠥᠬᠡ ᠬᠢᠭᠢᠷᠢ ᠶ᠋ᠢ ᠨᠢᠭᠡᠨᠲᠡ ᠰᠠᠵᠢᠯᠠᠬᠤ ᠳ᠋ᠤ᠌ ᠬᠤᠶ᠋ᠢᠰᠢ ᠬᠤᠶ᠋ᠢᠰᠢ ᠪᠠᠨ ᠮᠢᠩᠭᠠᠲᠤ ᠪᠦᠷᠢ ᠶ᠋ᠢᠨ ᠡᠬᠢᠨ ᠳ᠋ᠦ᠍ ᠪᠠᠶ᠋ᠢᠬᠤ ᠢᠵᠢᠯ ᠬᠢᠭᠢᠷᠢ ᠬᠥᠳᠡᠯᠵᠦ ᠂ ᠤᠯᠠᠮ ᠢ᠋ᠶ᠋ᠠᠷ ᠶᠡᠬᠡ ᠴᠡᠷᠢᠭ ᠵᠠᠮ ᠳ᠋ᠠᠭᠠᠨ ᠭᠠᠷᠤᠯᠠ ᠃
᠁ ᠬᠠᠷᠠᠩᠭᠤᠢ ᠪᠣᠯᠬᠤ ᠶ᠋ᠢᠨ ᠡᠮᠦᠨᠡ ᠯᠡ ᠨᠢᠭᠡ ᠤᠳᠠᠭᠠ ᠭᠠᠭᠴᠠ ᠮᠥᠴᠡ ᠶ᠋ᠢᠨ ᠲᠡᠳᠦᠢ ᠵᠣᠭᠰᠣᠵᠤ ᠂ ᠡᠮᠡᠭᠡᠯ ᠢ᠋ᠶ᠋ᠡᠨ ᠠᠪᠴᠤ ᠮᠣᠷᠢᠳ ᠤ᠋ᠨ ᠨᠢᠷᠤᠭᠤ ᠶ᠋ᠢ ᠠᠮᠠᠷᠠᠭᠠᠭᠰᠠᠨ ᠠ᠋ᠴᠠ ᠥᠭᠡᠷᠡ ᠪᠡᠷ ᠰᠠᠭᠠᠲᠠᠭᠰᠠᠨ ᠦᠭᠡᠢ ᠶ᠋ᠢ ᠪᠣᠳᠣᠪᠠᠯ ᠣᠳᠣ ᠬᠥᠪᠥᠭᠡ ᠭᠣᠣᠯ ᠳ᠋ᠤ᠌ ᠲᠤᠩ ᠲᠥᠬᠥᠭᠰᠡᠨ ᠊ᠢ ᠭᠠᠳᠠᠷᠯᠠᠵᠤ ᠂ ᠱᠠᠮᠲᠠᠭᠠᠢ ᠶ᠋ᠢᠨ ᠨᠢᠷᠤᠭᠤ ᠪᠠᠷ ᠬᠦᠢᠲᠡᠨ ᠳᠠᠭᠠᠭᠠᠯᠠ ᠃ ᠬᠣᠲᠠᠯᠠ ᠬᠠᠭᠠᠨ ᠰᠢᠭ᠋ ᠬᠣᠭᠣᠯᠠᠢ ᠲᠠᠢ ᠪᠣᠯ ᠬᠠᠰᠬᠢᠷᠬᠤ ᠰᠠᠨ ᠳᠠ ᠃ ᠲᠡᠭᠦᠨ ᠦ᠌ ᠵᠣᠪᠠᠨᠢᠯ ᠊ᠢ ᠭᠠᠳᠠᠷᠯᠠᠭᠰᠠᠨ ᠠᠶᠠᠲᠠᠢ ᠬᠡᠨ ᠨᠢᠭᠡᠨ ᠨᠢ ᠱᠦᠷᠭᠦᠨ ᠬᠦᠷᠴᠦ ᠢᠷᠡᠭᠡᠳ ᠣᠷᠣᠭᠰᠢ ᠨᠢ ᠲᠠᠰᠤᠯᠤᠨ ᠬᠥᠭᠡᠭᠡᠬᠦ ᠰᠢᠭ ᠪᠣᠯᠪᠠ ᠃ ᠬᠠᠷᠠᠩᠭᠤᠢ ᠳ᠋ᠤ᠌ ᠪᠠᠷᠲᠠᠢ ᠰᠡᠴᠡᠨ ᠦ᠌ ᠲᠤᠭᠤᠯᠠᠭᠠᠨ ᠤ᠋ ᠬᠢᠯᠪᠠᠷ ᠊ᠢ ᠪᠦᠷᠦᠭ ᠪᠠᠷᠤᠭ ᠲᠠᠨᠢᠭᠰᠠᠨ ᠲᠤᠭᠴᠢ ᠴᠡᠷᠢᠭ ᠲᠡᠷᠡ ᠬᠣᠷᠣᠮ ᠳ᠋ᠤ᠌ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠴᠣᠴᠢᠵᠤ 《 ᠢᠩᠭᠢᠭᠡᠳ ᠳᠠᠭᠤᠰᠬᠤ ᠨᠢ ᠭᠡᠵᠦ ᠤᠤ 》 ᠭᠡᠰᠡᠨ ᠬᠣᠭᠣᠯᠠᠢ ᠬᠣᠷᠣᠰᠬᠠᠮᠠ ᠵᠢᠬᠡᠭᠦᠨ ᠪᠣᠳᠣᠯ ᠬᠠᠷᠪᠤᠨ ᠣᠷᠣᠵᠤ ᠢᠷᠡᠵᠡᠢ ᠃ ᠲᠡᠭᠡᠲᠡᠯᠡ ᠁