ᠤᠶᠠᠩᠬ᠋ᠠ ᠰᠠᠨᠠᠭᠠᠨ ᠪ ᠤᠬᠠᠭᠠᠷᠠᠯ - ᠲ ᠂ ᠭᠣᠮᠪᠣᠵᠠᠪ Уянга санааны ухаарал - Т ᠂ Гомбожав
241ᠤᠶᠠᠩᠬ᠋ᠠ ᠰᠠᠨᠠᠭᠠᠨ ᠪ ᠤᠬᠠᠭᠠᠷᠠᠯ
1
ᠶᠠᠭᠤᠨ ᠳᠦ ᠰᠢᠯᠦᠭ ᠪᠢᠴᠢᠯᠡ ? ᠭᠡᠬᠦ ᠪᠣᠯ ᠨᠠᠲᠠ ᠤᠷᠤᠭᠤ ᠴᠢᠭᠯᠡᠬᠦ ᠮᠥᠩᠬᠡ ᠶ᠋ᠢᠨ ᠰᠢᠨᠡ ᠠᠰᠠᠭᠤᠯᠲᠠ ᠶᠤᠮ ᠃
ᠪᠣᠲᠣᠬᠤ ᠳᠦ 《 ᠬᠠᠶ᠋ᠢᠷᠠ ᠨᠢ ᠥᠪᠡᠷ ᠦ᠋ᠨ ᠢᠯᠡ ᠲᠣᠲᠣᠷᠬᠠᠢ ᠬᠠᠨᠲᠤᠰᠢ ᠪᠠᠨ ᠣᠯᠤᠬ᠋ᠠ ᠦᠭᠡᠢ ᠪᠤᠶᠤ ᠨᠢᠭᠡᠨᠲᠡ ᠪᠤᠰᠤᠳ ᠳᠤᠷᠠᠰᠢᠯ ᠳᠦ ᠵᠣᠷᠢᠭᠤᠯᠤᠭᠳᠠᠭᠰᠠᠨ ᠪᠠᠶ᠋ᠢᠪᠠᠯ ᠂ ᠪᠢᠲᠡ ᠳᠠᠷᠤᠢ ᠲᠡᠷᠡᠬᠦ ᠰᠥᠨᠥᠵᠦ ᠤᠨᠲᠠᠷᠠᠭᠰᠠᠨ ᠳᠣᠭᠳᠣᠯᠤᠯ ᠰᠡᠤᠠᠬᠢᠯᠭᠡᠨ ᠪ ᠬᠢᠨᠢ ᠳᠥᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠣᠪᠬᠢᠰ ᠤᠷᠤᠭᠤ ᠰᠦᠷᠴᠢᠨ ᠳᠡᠯᠪᠡᠷᠡᠬᠦ ᠶ᠋ᠢ ᠣᠯᠵᠤ ᠦᠵᠡᠬᠦ ᠪᠣᠯᠤᠨᠠ ᠃ ᠡᠭᠦᠨ ᠳᠦ ᠵᠠᠷᠢᠮ ᠨᠢ ᠱᠠᠰᠢᠨ ᠰᠢᠲᠦᠯᠭᠡ ᠳᠦ ᠪᠡᠶᠡ ᠪᠡᠨ ᠵᠣᠷᠢᠭᠤᠯᠵᠤ ᠂ ᠵᠠᠷᠢᠮ ᠨᠢ ᠨᠡᠶ᠋ᠢᠭᠡᠮ ᠦ᠋ᠨ ᠲᠡᠤᠠᠬᠦᠮᠵᠢ ᠲᠦᠭᠡᠮᠡᠯ ᠬᠠᠶ᠋ᠢᠷᠠ ᠳᠦ ᠤᠷᠮᠠᠰᠢᠨ ᠂ ᠵᠠᠷᠢᠮ ᠨᠢ ᠵᠥᠭᠡᠯᠡᠨ ᠪᠠᠭᠤᠷᠠᠢ ᠠᠮᠢᠲᠠᠨ ᠊ᠢ ᠬᠠᠶ᠋ᠢᠷᠠᠯᠠᠬᠤ ᠪᠣᠯᠲᠠᠭ ᠃ ᠭᠡᠲᠡᠯᠡ ᠂ ᠬᠠᠮᠤᠭ ᠠ᠋ᠴᠠ ᠠᠵᠠ ᠲᠠᠢ ᠪᠠᠶ᠋ᠢᠲᠠᠭ ᠨᠢ ᠬᠠᠰᠢᠯᠠ ᠪᠠᠶ᠋ᠢᠭᠠᠯᠢ ᠪᠠ ᠤᠷᠠᠯᠢᠬ ᠊ᠢ ᠬᠠᠶ᠋ᠢᠷᠠᠯᠠᠬᠤ ᠶᠠᠪᠤᠲᠠᠯ ᠪᠣᠯᠤᠨᠠ ᠡ 》 ᠭᠡᠬᠦ C ᠰᠠᠨᠲ᠋ᠠᠶᠠᠨᠠ ᠶ᠋ᠢᠨ ᠡᠨᠡ ᠦᠭᠡ ᠠᠵᠠ ᠪᠤᠰᠤ ᠴᠠᠭ ᠦ᠋ᠨ ᠵᠣᠯ ᠪᠤᠰᠤ ᠨᠠᠮᠠᠶ᠋ᠢ ᠲᠠᠶ᠋ᠢᠯᠪᠤᠷᠢᠯᠠᠬᠤ ᠯᠡ ᠪᠢᠵᠡ ᠠ᠋ !
ᠭᠡᠶᠡ ᠯᠠ ᠬᠣᠭᠣᠰᠲᠠᠯ ᠤᠶ᠋ᠢᠤᠠᠬᠠᠷ ᠬᠣᠷᠣᠰᠤᠯ ᠪᠢᠲᠡᠭᠦᠷᠡᠯ ᠶ᠋ᠢᠡᠨ ᠶᠡᠭᠦᠯᠡᠨ ᠰᠢᠪᠡᠨᠡᠬᠦ ᠭᠡᠵᠦ ᠴᠡᠴᠡᠷᠡᠩᠬᠡᠨ ᠰᠠᠷᠪᠠᠶ᠋ᠢᠬᠰᠠᠨ ᠮᠢᠨᠦ ᠤᠬᠠᠭᠠᠨ ᠪᠣᠲᠣᠯ ᠳᠦ ᠢᠷᠠᠭᠤ ᠨᠠᠶ᠋ᠢᠷᠠᠭ ᠦ᠋ᠨ ᠦᠵᠡᠭᠳᠡᠬᠦ ᠦᠭᠡᠢ ᠶᠣᠩᠬᠣᠷ ᠳᠣᠭᠳᠣᠯᠬᠤ ᠰᠢᠦ ᠯᠠ ᠪᠣᠯᠤᠭᠰᠠᠨ ᠨᠢ ᠦᠨᠡᠨᠲᠠᠢ ᠴᠦ᠍ ᠪᠢᠯᠡ ᠃
2
ᠰᠢᠯᠦᠭ ᠪᠢᠴᠢᠬᠦ ᠰᠠᠨ ᠭᠡᠵᠦ ᠰᠥᠨᠢ ᠬᠠᠭᠠᠰ ᠪᠣᠯᠲᠠᠯᠠ ᠰᠠᠭᠤᠲᠠᠭ ᠯᠡ ᠪᠠᠶ᠋ᠢᠭᠰᠠᠨ ᠮᠢᠨᠢ ᠭᠠᠯ ᠵᠠᠯᠠᠭᠤ ᠠᠷᠪᠠᠨ ᠨᠠᠢ᠍ᠮᠠ ᠶ᠋ᠢᠨ ᠠᠲᠠ ᠲᠠᠢ ᠰᠠᠶ᠋ᠢᠬᠠᠨ ᠴᠠᠭ ᠯᠡ ᠪᠠᠶ᠋ᠢᠵᠠᠢ ᠰᠢᠦ ᠃ ᠭᠠᠭᠴᠠᠬᠦ ᠂ ᠲᠡᠲᠡᠭᠡᠷ ᠡᠲᠦᠷ ᠦ᠋ᠳ ᠦ᠋ᠨ ᠥᠯ ᠬᠣᠭᠣᠯᠠ ᠠ᠋ᠴᠠ ᠪᠦᠱᠦᠭᠦᠷᠬᠡᠵᠦ ᠶᠠᠪᠤᠭᠰᠠᠨ ᠤᠶᠠᠩᠭᠠᠷᠠᠯ ᠂ ᠤᠨᠲᠠᠬᠤ ᠨᠣᠶ᠋ᠢᠷ ᠶ᠋ᠢᠠᠨ ᠮᠠᠷᠲᠠᠵᠤ ᠰᠠᠭᠤᠭᠰᠠᠨ ᠪᠤᠬᠢᠨᠢᠲᠤᠯ ᠦ᠋ᠳ ᠮᠢᠨᠢ ᠪᠣᠷᠣᠭᠠᠯᠠᠵᠤ ᠴᠢᠲᠠᠬ᠋ᠠ ᠦᠭᠡᠢ ᠡᠭᠦᠯᠡ ᠂ ᠨᠢᠰᠴᠦ ᠳᠡᠶ᠋ᠢᠯᠦᠭᠡ ᠦᠭᠡᠢ ᠳᠡᠪᠳᠡᠷᠢᠯ ᠪᠣᠯᠤᠭᠰᠠᠨ ᠨᠢ ᠬᠠᠷᠠᠮᠰᠠᠯᠲᠠᠢ ᠡ ᠃ ᠲᠡᠷᠡ ᠨᠢ ᠶᠣᠰᠣᠲᠠᠢ ᠯᠠ ᠤᠰᠤ ᠦᠵᠡᠭᠡ ᠦᠭᠡᠢ ᠬᠡᠦᠬᠡᠳ ᠦ᠋ᠨ ᠪᠡᠶᠡ ᠨᠤᠷᠠᠬᠤ ᠦᠭᠡᠢ ᠤᠮᠪᠠᠯᠲᠠ ᠪᠠᠶ᠋ᠢᠬᠰᠠᠨ ᠶ᠋ᠢᠠᠷ ᠪᠢ ᠰᠠᠢᠢ ᠦᠭᠡ ᠶ᠋ᠢᠨ ᠲᠡᠭᠦᠪᠦᠷᠢ ᠶ᠋ᠢᠨ ᠡᠭᠦᠳᠡᠨ ᠨᠦᠬᠡ ᠪᠡᠷ ᠭᠤᠯᠭᠤᠵᠤ ᠭᠠᠷᠤᠭᠠᠳ ᠦᠯᠢᠭᠡᠷ ᠨᠣᠮ ᠦ᠋ᠨ ᠬᠠᠭᠤᠲᠠᠰᠤᠨ ᠵᠠᠪᠰᠠᠷ ᠤᠷᠤᠭᠤ ᠪᠠᠲᠢᠷ ᠦ᠋ᠨ ᠠᠶᠠᠬ᠋ᠠ ᠪᠠᠨ ᠰᠣᠩᠭᠣᠵᠤ ᠪᠢᠯᠡ ᠃ ᠲᠡᠭᠡᠬᠦ ᠳᠦ ᠪᠣᠶ᠋ᠢᠲᠠ ᠬᠥᠲᠡᠭᠡ ᠶ᠋ᠢᠨ ᠪᠣᠷᠣ ᠬᠦᠦ ᠨᠠᠲᠠ ᠴᠠᠭ ᠦᠶᠡ ᠳᠠᠩᠴᠤ ᠬᠠᠬᠢᠷ ᠬᠠᠷᠠᠮᠴᠢ ᠪᠠᠶ᠋ᠢᠵᠤ ᠂ ᠵᠥᠪᠬᠡᠨ ᠥᠪᠡᠷ ᠊ᠢ ᠪᠡᠨ ᠥᠨᠲᠥᠷ ᠡᠷᠭᠦᠭᠦᠯᠦᠭᠰᠡᠨ ᠦᠨᠡ ᠬᠢᠮᠲᠠᠬᠠᠨ ᠨᠤᠮ ᠰᠡᠳᠬᠦᠯ ᠢᠶ᠋ᠡᠨ ᠪᠠᠷᠢᠭᠤᠯᠵᠤ ᠪᠢᠯᠡ ᠃ ᠭᠠᠯ ᠤᠯᠠᠭᠠᠨ ᠨᠠᠷᠠ ᠪᠠ ᠲᠤᠭ ᠤᠨ ᠳᠠᠭᠤᠯᠠᠯ ᠢᠶ᠋ᠠᠷ ᠳᠥᠭᠥᠷᠥᠭᠰᠡᠨ ᠲᠡᠳᠡᠭᠡᠷ ᠴᠥᠭᠡᠪᠦᠷᠢ ᠬᠡᠳᠦᠨ ᠨᠣᠮ ᠰᠡᠤᠠᠬᠦᠯ ᠦ᠋ᠳ ᠨᠢ ᠤᠶᠠᠩᠬ᠋ᠠ ᠰᠠᠨᠠᠭᠠᠨ ᠪ ᠮᠢᠨᠢ ᠥᠷᠪᠥᠭᠡᠷ ᠰᠢᠷᠠ ᠭᠡᠵᠢᠭᠡ ᠶ᠋ᠢ ᠬᠤᠶ᠋ᠢᠬᠠᠯᠠᠵᠤ ᠪᠠᠶ᠋ᠢᠬᠰᠠᠨ ᠊ᠢ ᠨᠢ ᠪᠢ ᠮᠡᠲᠡᠵᠦ ᠴᠢᠲᠠᠬ᠋ᠠ ᠦᠭᠡᠢ ᠂ ᠬᠠᠷᠢᠨ ᠲᠡᠭᠦᠨ ᠊ᠢ ᠡᠨᠡ ᠳᠡᠯᠡᠬᠡᠢ ᠶ᠋ᠢᠨ ᠣᠶᠤᠨ ᠪᠣᠯᠪᠠᠰᠤᠨ ᠪ ᠬᠤᠷᠢᠶᠠᠩᠭᠤᠢ ᠂ ᠤᠬᠠᠭᠠᠨ ᠪᠣᠲᠣᠯ ᠦ᠋ᠨ ᠳᠠᠷᠳᠠᠩ ᠴᠢᠭᠯᠡᠯ ᠭᠡᠵᠦ ᠡᠨᠲᠡᠭᠦᠷᠡᠭᠰᠡᠨ ᠨᠢ ᠬᠥᠭᠡᠷᠦᠬᠦᠢ ᠡ ᠃ ᠪᠢ ᠲᠡᠭᠡᠭᠡᠳ ᠯᠡ ᠲᠦᠮᠡᠨ ᠪ ᠬᠥᠯ ᠊ᠢ ᠲᠤᠱᠠᠨ ᠪᠣᠭᠣᠭᠰᠠᠨ ᠮᠣᠲᠣᠨ ᠱᠠᠬᠠᠢ ᠶ᠋ᠢ ᠣᠷᠴᠢᠯᠠᠩ ᠠᠶᠠᠯᠠᠬᠤ ᠶ᠋ᠢᠨ ᠳᠥᠷᠥᠭᠡ ᠭᠡᠵᠦ ᠰᠠᠨᠠᠨ ᠂ ᠤᠯᠠᠮ ᠶᠠᠪᠤᠬᠤ ᠳ᠋ᠤᠨᠢ ᠡᠵᠡᠭᠦᠶ᠋ᠢᠷᠡᠬᠦ ᠨᠢᠭᠡ ᠵᠠᠮ ᠢ ᠣᠷᠭᠢᠯ ᠳᠦ ᠠᠪᠠᠴᠢᠬᠤ ᠰᠣᠯᠣᠩᠬ᠋ᠠ ᠭᠡᠵᠦ ᠢᠲᠡᠭᠡᠨ ᠂ ᠰᠤᠷ ᠦᠭᠡᠢ ᠪᠡᠯᠴᠢᠭᠡᠷ ᠳᠡᠭᠡᠷᠡ ᠰᠦᠷᠦᠭ ᠶ᠋ᠢᠡᠨ ᠬᠣᠷᠢᠵᠤ ᠯᠡ ᠰᠠᠭᠤᠭᠰᠠᠨ ᠶᠤᠮ ᠡ !
ᠡᠨᠡ ᠨᠢᠯᠬᠠᠬᠠᠨ ᠣᠰᠣᠯ ᠪᠣᠯ ᠮᠢᠨᠦ ᠪᠠᠷᠠᠭᠤᠨ ᠨᠢᠲᠦᠨ ᠪ ᠵᠣᠪᠬᠢᠨ ᠳᠣᠣᠷᠠᠬᠢ ᠬᠠᠷᠠ ᠮᠡᠩᠭᠡ ᠶᠤᠮ ᠃
ᠬᠣᠷᠸ᠋ᠠ ᠶ᠋ᠢᠨ ᠵᠢᠷᠦᠬᠡ ᠰᠠᠪᠠᠴᠢᠨ ᠴᠣᠬᠢᠯᠵᠤ ᠂ ᠬᠣᠨᠣᠭ ᠡᠲᠦᠷ ᠥᠩᠭᠡᠷᠡᠬᠦ ᠳᠣᠳᠣᠮ ᠮᠢᠨᠦ 《 ᠥᠪᠡᠷ ᠪᠢ 》 ᠶ᠋ᠢᠨ ᠤᠶᠠᠩᠬ᠋ᠠ ᠰᠠᠨᠠᠬ᠋ᠠ ᠤᠯᠠᠮ ᠤᠯᠠᠮ ᠶ᠋ᠢᠠᠷ ᠨᠠᠲᠠ ᠠ᠋ᠴᠠ ᠰᠡᠭᠦᠷᠡᠰᠦᠯᠡᠨ ᠵᠠᠶ᠋ᠢᠲᠠᠵᠤ ᠂ ᠰᠦᠭ ᠰᠦᠨᠡᠰᠦ ᠦᠭᠡᠢ ᠪᠠᠶ᠋ᠢᠭᠠᠯᠢ ᠶ᠋ᠢᠨ ᠪᠣᠲᠠᠰ ᠦᠵᠡᠭᠳᠡᠯ ᠦ᠋ᠳ ᠂ ᠨᠠᠲᠠ ᠲᠠᠮᠤᠯᠠᠭᠲᠠᠬᠤ ᠳᠤᠷᠠ ᠦᠭᠡᠢ ᠡᠬᠡ ᠪᠢᠴᠢᠭ᠋ ᠦ᠋ᠨ ᠮᠢᠨᠢ ᠴᠠᠭᠠᠰᠤ ᠶ᠋ᠢ ᠰᠥᠨᠢ ᠪᠣᠯᠭᠠᠨ ᠣᠬᠢᠯᠠᠭᠤᠯᠵᠤ ᠯᠡ ᠪᠠᠶ᠋ᠢᠯᠠ ᠃ ᠡᠨᠡᠬᠦ ᠨᠢᠭᠦᠯ ᠬᠢᠯᠢᠨᠴᠡ ᠲᠡᠢ ᠪᠢ ᠬᠡᠲᠦᠨ ᠵᠢᠯ ᠶ᠋ᠢᠡᠷ ᠡᠶᠡᠷᠡᠵᠦ ᠂ ᠤᠷᠲᠤ ᠬᠤᠭᠤᠴᠠᠬ᠋ᠠ ᠪᠠᠷ ᠬᠠᠷᠠ ᠳᠠᠷᠤᠵᠤ ᠂ ᠵᠡᠭᠦᠲᠦ ᠣᠯᠠᠨ ᠲᠠᠢ ᠵᠠᠯᠠᠭᠤ ᠨᠠᠰᠤ ᠬᠢᠭᠡᠳ ᠵᠡᠷᠭᠡᠯᠭᠡᠨ ᠮᠡᠲᠦᠬᠡᠨ ᠤᠶᠠᠩᠬ᠋ᠠ ᠰᠠᠨᠠᠬ᠋ᠠ ᠪᠠᠨ ᠨᠥᠬᠥᠵᠦ ᠴᠢᠲᠠᠮᠠ ᠦᠭᠡᠢ ᠳᠡᠯᠭᠡᠵᠦ ᠪᠢᠯᠡ ᠃
3
ᠬᠠᠷᠠ ᠳᠠᠷᠤᠭᠰᠠᠨ ᠤ ᠳᠠᠷᠠᠭᠠᠬᠢ ᠰᠡᠷᠢᠯ ᠨᠢ ᠲᠥᠢᠯᠪᠥᠷᠢ ᠦᠭᠡᠢ ᠪᠠᠶ᠋ᠢᠳᠠᠭ ᠰᠠᠨᠵᠠᠢ᠃ ᠠᠬᠤᠢ ᠪᠠ ᠵᠡᠭᠥᠳᠥᠨ ᠦ ᠵᠠᠪᠬᠠᠶ᠋ᠢᠷᠠᠯ ᠢᠶ᠋ᠠᠷ ᠶᠢᠯᠸᠢᠲᠤ ᠤᠷᠤᠰᠢᠬᠤᠢ ᠵᠢᠷᠮᠥᠰᠥᠯᠡᠨ᠂ ᠡᠵᠡᠨ ᠪᠡᠶᠡ ᠪᠡᠨ ᠡᠷᠢᠯ ᠪᠠ ᠲᠦᠭᠡᠷᠢᠯ ᠦᠨ ᠲᠠᠨᠢᠯ ᠪᠤᠰᠤ ᠬᠤᠷᠤᠠ ᠳ᠋ᠤ᠌ ᠲᠡᠨᠥᠭᠥᠯᠥᠨ ᠵᠢᠳᠬᠥᠭᠥᠯᠳᠡᠭ ᠨᠢ ᠨᠡᠷᠡ ᠪᠡᠨ ᠤᠯᠤᠭᠠ ᠦᠭᠡᠢ ᠵᠢᠮᠠ ᠶᠤᠰᠤ ᠴᠦ᠍ ᠮᠠᠭᠠᠳ ᠦᠭᠡᠢ ᠡ !
ᠡᠨᠳᠡ ᠭᠠᠶ᠋ᠢᠬᠠᠮᠰᠢᠭ᠋ ᠪᠦᠳᠦᠬᠦ ᠶᠢᠨ ᠪᠤᠯᠤᠮᠵᠢ ᠨᠤᠭᠤᠳ ᠵᠢᠭᠠᠰᠤᠨ ᠠᠮᠠ ᠪᠠᠨ ᠠᠩᠭᠠᠯᠵᠠᠵᠤ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠭᠡᠲᠡᠯᠡ᠂ ᠨᠠᠳᠠ ᠦᠭᠶᠦᠭᠡ ᠪᠠᠶ᠋ᠢᠭᠰᠠᠨ ᠦᠭᠡᠢ᠂ ᠪᠠᠶ᠋ᠢᠭᠰᠠᠨ ᠨᠢ ᠵᠦᠪᠬᠡᠨ ᠬᠠᠷᠠ ᠳᠠᠷᠤᠭᠰᠠᠨ ᠤ ᠳᠠᠷᠠᠭᠠᠬᠢ ᠶᠢᠯᠸᠢᠲᠦ ᠤᠷᠤᠰᠢᠬᠤᠢ ᠶᠢᠨ ᠲᠡᠳᠦᠢ ᠯᠠ ᠶᠤᠮ᠃ ᠪᠢ ᠤᠶᠤᠨᠴᠢ ᠪᠤᠳᠤᠯ ᠤᠨ ᠰᠡᠷᠡᠭᠦᠨ ᠴᠡᠯᠮᠡᠭ᠂ ᠤᠶᠠᠩᠭᠠ ᠰᠠᠨᠠᠭᠠᠨ ᠤ ᠨᠦᠰᠡᠷ ᠨᠣᠶ᠋ᠢᠷᠮᠤᠭ ᠢᠶ᠋ᠠᠷ ᠢᠶ᠋ᠠᠨ ᠳᠠᠯᠳᠠᠷᠭᠢᠯᠠᠨ ᠠᠯᠬᠤᠵᠤ᠂ ᠪᠦᠳᠦᠭᠡᠵᠤ ᠶᠠᠪᠤᠭᠰᠠᠳ ᠤᠨ ᠬᠥᠯ ᠦᠨ ᠮᠦᠷ ᠳᠡᠭᠡᠷᠡ ᠪᠤᠷᠪᠢ ᠪᠠᠷ ᠢᠶ᠋ᠠᠨ ᠡᠬᠢᠯᠡᠭᠰᠡᠨ ᠪᠢᠯᠡ᠃ ᠲᠡᠭᠡᠬᠦᠯᠡᠷ ᠨᠢ ᠡᠨᠡ ᠳᠡᠯᠡᠬᠡᠢ ᠨᠠᠳᠠ ᠪᠡᠯᠡᠳᠬᠡᠯ ᠪᠥᠷᠢᠨ ᠳᠤᠭᠤᠭᠠᠨ ᠭᠡᠷ ᠰᠢᠭ᠌ ᠯᠠ ᠰᠠᠨᠠᠭᠳᠠᠵᠤ᠂ ᠪᠢ ᠵᠦᠪᠬᠡᠨ ᠳᠤᠰᠤ ᠳᠠᠪᠤᠰᠤ ᠬᠢᠭᠡᠳ ᠲᠤᠭᠤᠭᠠ ᠰᠢᠨᠠᠭᠠᠨ ᠤ ᠬᠤᠭᠤᠷᠤᠨᠳᠤᠬᠢ ᠮᠸᠬᠠᠨᠢᠭ ᠭᠦᠳᠡᠯᠭᠡᠭᠡᠨ ᠪᠤᠯᠪᠠ᠃ ᠡᠭᠦᠨ ᠦ ᠳ᠋ᠥᠩ ᠳ᠋ᠤ᠌ 《 ᠤᠷᠭᠤᠵᠤ ᠭᠦᠢᠴᠡᠭᠡ ᠦᠭᠡᠢ ᠰᠡᠳᠬᠢᠯ ᠦᠨ ᠵᠡᠯᠡ ᠳᠦ᠂ ᠤᠰᠤᠩᠲᠠᠨ ᠳᠡᠭᠦᠵᠢᠯᠡᠭᠰᠡᠨ ᠬᠡᠳᠦᠨ ᠵᠢᠮᠢᠰ ᠁ 》 ᠮᠢᠨᠢ ᠤᠯᠠᠷᠢᠯ ᠢᠶ᠋ᠠᠨ ᠳᠠᠭᠠᠨ ᠪᠤᠯᠪᠠᠰᠤᠷᠠᠵᠤ ᠴᠢᠳᠠᠭᠠ ᠦᠭᠡᠢ᠂ ᠤᠳᠠᠭᠠᠨ ᠡᠳᠦᠷ ᠢᠶ᠋ᠠᠷ ᠬᠦᠬᠡᠷᠡᠵᠤ ᠯᠠ ᠪᠠᠶ᠋ᠢᠯᠠ᠃
ᠢᠷᠠᠭᠤ ᠨᠠᠶ᠋ᠢᠷᠠᠭ ᠤᠨ ᠰᠡᠳᠬᠢᠯ ᠨᠢᠯᠬᠠᠷᠠᠮᠠ ᠬᠤᠷᠤᠠ ᠳ᠋ᠤ᠌ ᠬᠡᠷᠡᠮ ᠳᠦᠰᠢᠬᠦ ᠨᠢ ᠬᠥᠯ ᠳᠦ ᠤᠷᠤᠬᠤ ᠶᠢᠨ ᠡᠷᠬᠡᠪᠰᠢ ᠁ ᠭᠡᠯᠡ ᠴᠦ᠍ ᠲᠡᠷᠡ ᠨᠢ ᠭ᠌ᠱᠠᠨ ᠵᠠᠭᠤᠷᠠ ᠯᠠ ᠪᠠᠶ᠋ᠢᠬᠤ ᠤᠴᠢᠷ ᠲᠠᠢ᠂ ᠡᠰᠡ ᠲᠡᠭᠡᠪᠡᠯ᠂ ᠲᠡᠷᠡ ᠨᠢ ᠬᠡᠷᠡᠮ ᠳᠦᠰᠢᠭᠰᠡᠨ ᠳᠥᠷᠢ ᠳᠡᠳᠦᠢ ᠪᠡᠷ ᠢᠶ᠋ᠠᠨ ᠴᠠᠷᠴᠠᠨ᠂ ᠬᠡᠷᠡᠮ ᠳᠡᠭᠡᠷᠡᠬᠢ ᠵᠢᠷᠤᠭ ᠪᠤᠶᠤ ᠨᠦᠬᠦᠭᠡᠰᠦ ᠪᠤᠯᠵᠤ ᠳᠠᠭᠤᠰᠳᠠᠭ᠃ ᠡᠨᠡ ᠨᠢ ᠲᠤᠷᠤᠢ ᠲᠦᠷᠦᠵᠤ ᠤᠷᠤᠢ ᠤᠬᠠᠭᠠᠷᠠᠭᠰᠠᠨ ᠨᠠᠳᠠ ᠢᠷᠡᠭᠡᠳᠦᠢ ᠶᠢᠨ ᠭᠢᠴᠢᠶᠡᠯ ᠪᠠᠶ᠋ᠢᠭᠰᠠᠨ ᠲᠤᠯᠠ ᠪᠢ ᠮᠦᠨ ᠯᠠ ᠳᠤᠰᠤ ᠳᠠᠪᠤᠰᠤ ᠬᠢᠭᠡᠳ ᠲᠤᠭᠤᠭᠠ ᠰᠢᠨᠠᠭᠠᠨ ᠤ ᠬᠤᠭᠤᠷᠤᠨᠳᠤᠬᠢ ᠮᠸ᠋ᠬᠠᠨᠢᠭ ᠬᠦᠳᠡᠯᠭᠡᠭᠡᠨ ᠳᠡᠬᠡᠨ ᠰᠡᠷᠢᠰᠢ ᠦᠭᠡᠢ ᠤᠨᠲᠠᠨ 《 ᠬᠠᠮᠤᠭ ᠬᠠᠯᠠᠭᠤᠨ ᠬᠠᠶ᠋ᠢᠷᠠ ᠭᠥᠰᠡᠯᠡᠩ ᠦᠨ ᠳᠠᠭᠤᠤ ᠪᠠᠨ/ ᠬᠠᠩᠭᠢᠨᠠᠲᠠᠯᠠ ᠳᠠᠭᠤᠯᠠᠭᠠᠳ ᠠᠮᠢᠳᠤᠷᠠᠯ ᠤᠨ ᠦᠭᠡᠳᠡ ᠡᠴᠡ ᠠᠯᠬᠤᠵᠤ ᠪᠠᠶ᠋ᠢᠨᠠ 》 ᠯᠠ ᠭᠡᠵᠤ ᠲᠥᠷᠥ᠂ ᠨᠡᠶ᠋ᠢᠭᠡᠮ᠂ ᠠᠮᠢᠳᠤᠷᠠᠯ ᠭᠤᠷᠪᠠ ᠳᠠᠭᠠᠨ ᠳᠤᠩ ᠲᠥᠭᠥᠬᠡᠢ ᠴᠠᠯᠭᠢᠵᠤ ᠶᠠᠪᠤᠵᠠᠢ᠃
ᠡᠨᠳᠡ ᠡᠴᠡ ᠪᠢ ᠦᠷᠪᠦᠭᠡᠷ ᠰᠢᠷᠠ ᠭᠡᠵᠢᠭᠡᠨ ᠳᠡᠬᠡᠨ ᠰᠡᠮ ᠤᠯᠤᠬᠰᠠᠨ ᠲᠡᠳᠦᠢ ᠯᠠ ᠪᠤᠶᠤ !
4
ᠤᠬᠠᠭᠠᠨ ᠪᠤᠳᠤᠯ ᠳᠠᠭᠠᠨ ᠡᠵᠡᠨ ᠰᠠᠭᠤᠬᠤ ᠰᠠᠶ᠋ᠢᠬᠠᠨ ᠴᠠᠭ ᠪᠠ ᠤᠶᠠᠩᠭᠠ ᠰᠠᠨᠠᠭᠠᠨ ᠳᠠᠭᠠᠨ ᠡᠷᠬᠡ ᠮᠡᠳᠡᠬᠦ ᠰᠠᠷᠠᠭᠤᠯᠬᠠᠨ ᠶᠢᠷᠳᠢᠨᠴᠤ ᠲᠠᠢ ᠨᠠᠮᠠᠢ᠍ᠢ ᠠᠭᠤᠯᠵᠠᠭᠤᠯᠤᠭᠰᠠᠨ ᠨᠢ ᠮᠢᠨᠤ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠨᠤᠮ ᠤᠨ ᠰᠠᠩ ᠬᠢᠭᠡᠳ ᠨᠠᠮᠠᠢ᠍ᠢ ᠥᠷᠬᠥᠢ ᠰᠢᠭᠦᠨ ᠲᠤᠶᠠᠴᠢᠳᠠᠭ ᠪᠠᠭᠰᠢ ᠨᠠᠷ ᠨᠦᠬᠦᠳ ᠨᠠᠷ ᠮᠢᠨᠢ ᠶᠤᠮ᠃ ᠡᠬᠡ ᠤᠷᠤᠨ ᠤ ᠮᠢᠨᠢ ᠴᠤᠤᠵᠢ ᠪᠠᠨ ᠠᠯᠳᠠᠷᠠᠭᠠᠭᠰᠠᠨ ᠡᠭᠦᠳᠡ ᠪᠡᠷ ᠰᠡᠪᠡᠯᠵᠡᠨ ᠢᠷᠡᠭᠰᠡᠨ ᠠᠯᠤᠰ ᠳᠠᠯᠠᠢ ᠶᠢᠨ ᠰᠠᠯᠬᠢ᠂ ᠤᠯᠤᠰ ᠳᠠᠶᠠᠭᠠᠷ ᠤᠨ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠲᠡᠨᠡᠭᠰᠢᠷᠡᠭᠰᠡᠨ ᠤᠶᠠᠩᠭᠠ ᠰᠠᠨᠠᠭᠠᠨ ᠤ ᠰᠡᠷᠢᠭᠡᠯ ᠦᠨ ᠴᠢᠮᠡᠭᠡ ᠨᠢ ᠮᠢᠨᠤ ᠬᠦᠷᠦᠰᠦᠨ ᠦ ᠳᠤᠤᠷᠠᠬᠢ ᠵᠡᠭᠦᠳᠦ ᠶᠢ ᠬᠦᠭᠡᠷᠡᠬᠦ ᠶᠢᠨ ᠠᠲᠠᠭᠠᠷᠬᠠᠯ ᠢᠶ᠋ᠠᠷ ᠳᠥᠭᠥᠷᠬᠡᠨ᠂ ᠨᠠᠮᠠᠢ᠍ᠢ ᠠᠮᠢᠳᠤᠷᠠᠯ ᠂ ᠠᠬᠤᠢ᠂ ᠲᠡᠤᠬᠡ᠂ ᠢᠷᠡᠭᠡᠳᠥᠢ ᠶᠢᠨ ᠠᠭᠤᠯᠵᠠᠭᠠᠨ ᠳᠡᠭᠡᠷᠡ ᠵᠤᠭᠰᠤᠴᠠ ᠪᠠᠨ ᠤᠯᠬᠤ ᠶᠢ ᠰᠢᠬᠠᠮᠳᠠᠭᠤᠯᠵᠤ᠂ 《 ᠠᠯᠢᠪᠠ ᠪᠦᠬᠦᠨ ᠢᠶ᠋ᠠᠨ/ ᠠᠬᠢᠭᠠᠳ ᠨᠢᠭᠡ ᠤᠳᠠᠭᠠ/ ᠠᠰᠠᠭᠤᠯᠲᠠ ᠶᠢᠨ ᠲᠡᠮᠳᠡᠭ ᠢᠶ᠋ᠠᠷ ᠴᠡᠭᠴᠡᠯᠡᠬᠦ 》ᠠᠵᠢᠯ ᠤᠷᠤᠭᠤ ᠤᠷᠮᠠᠲᠠᠶ᠋ᠢᠬᠠᠨ ᠤᠴᠢᠷᠯᠠᠭᠤᠯᠵᠤ ᠪᠢᠯᠡ᠃ ᠡᠨᠡ ᠬᠢᠷᠢ ᠳᠦ ᠪᠢ ᠰᠠᠶᠢ ᠠᠯᠤᠰ ᠲᠢᠪ ᠢ ᠳᠤᠩᠰᠤᠯᠭᠠᠵᠤ ᠶᠠᠪᠤᠬᠤ ᠠᠭᠲᠠ ᠶᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠢᠰᠬᠡᠷᠴᠤ ᠪᠤᠶ᠋ᠢᠵᠢᠬᠰᠠᠨ ᠤᠮᠠᠷᠠᠳᠠᠬᠢᠨ ᠤ ᠤᠶᠠᠩᠭᠠ ᠰᠠᠨᠠᠭᠠ ᠮᠢᠨᠢ ᠮᠠᠨᠳᠤᠯ ᠪᠠᠭᠤᠷᠠᠯ ᠤᠨ ᠬᠤᠶᠠᠷ ᠲᠤᠶ᠋ᠢᠯ ᠢ ᠳᠠᠮᠵᠢᠭᠠᠳ ᠬᠤᠨ ᠤ ᠠᠮᠢᠰᠬᠤᠭᠠ ᠨᠢ ᠬᠥᠷᠲᠡᠯᠡ ᠭᠠᠵᠠᠷ ᠳᠠᠷᠤᠨ ᠴᠢᠯᠠᠭᠤᠵᠢᠬᠤ ᠶᠢ ᠰᠡᠷᠢᠭᠰᠡᠨ ᠰᠢᠭ᠌ ᠢᠶ᠋ᠠᠨ ᠬᠠᠷᠠᠵᠤ᠂ ᠡᠨᠡ ᠴᠠᠭ ᠤᠨ ᠮᠤᠩᠭᠤᠯ ᠬᠥᠮᠥᠨ ᠡᠷᠬᠡᠪᠰᠢ ᠦᠩᠭᠡᠷᠡᠭᠰᠡᠨ᠂ ᠤᠳᠤ᠂ ᠢᠷᠡᠭᠡᠳᠦᠢ ᠶᠢᠨ ᠴᠠᠭ ᠵᠠᠢ ᠳᠤᠮᠳᠠ ᠬᠥᠨ ᠪᠤᠳᠤᠯᠭᠠᠰᠢᠷᠠᠯ᠂ ᠰᠦᠭᠡᠷᠬᠡᠭ ᠲᠤᠩᠭᠠᠯᠲᠠ᠂ ᠬᠤᠯᠠᠴᠢ ᠰᠠᠨᠠᠭᠠᠰᠢᠷᠠᠯ ᠢᠶ᠋ᠠᠷ ᠥᠨᠳᠥᠰᠥᠲᠡᠨ ᠦ ᠪᠡᠨ ᠥᠵᠡᠯ ᠰᠠᠨᠠᠭᠠ᠂ ᠦᠪ ᠰᠤᠶᠤᠯ᠂ ᠬᠤᠪᠢ ᠵᠠᠶᠠᠭᠠᠨ ᠳᠤ ᠬᠠᠷᠢᠭᠤᠴᠠᠬᠤ ᠶᠢᠨ ᠤᠴᠢᠷ ᠢ ᠬᠠᠭᠵᠠᠷᠠᠬᠤ ᠴᠠᠰᠤᠨ ᠤ ᠳᠤᠤᠷᠠᠬᠢ ᠡᠬᠡ ᠭᠠᠵᠠᠷ ᠰᠢᠭ᠋ ᠢᠶ᠋ᠠᠨ ᠢᠳᠡᠭ ᠢᠳᠡᠭ ᠢᠶ᠋ᠠᠷ ᠲᠠᠨᠢᠯᠠ᠃ ᠮᠦᠨ᠂ ᠠᠷᠢᠰᠲ᠋ᠤᠲ᠋ᠸᠯ ᠤᠨ᠄ 《 ᠵᠤᠬᠢᠬᠤ ᠤᠳᠬᠠᠨ ᠠᠴᠠ ᠶᠠᠷᠢᠪᠠᠯ᠂ ᠵᠦᠪᠬᠡᠨ ᠬᠦᠭᠵᠢᠮ ᠬᠢᠭᠡᠳ ᠢᠷᠠᠭᠤ ᠨᠠᠶ᠋ᠢᠷᠠᠭ ᠯᠠ ᠰᠠᠶᠢ ᠤᠷᠮᠠ ᠰᠡᠳᠬᠢᠯᠭᠡᠨ ᠦ ᠵᠥᠢᠯᠡᠰ ᠢ ᠢᠯᠡᠳᠬᠡᠵᠤ ᠴᠢᠳᠠᠳᠠᠭ 》 ᠭᠡᠳᠡᠭ ᠥᠭᠡ ᠲᠠᠢ ᠲᠠᠨᠢᠮᠠᠷᠬᠠᠨ ᠣᠶ᠋ᠢᠷᠠᠳᠴᠤ᠂ ᠤᠶᠠᠩᠭᠠ ᠰᠠᠨᠠᠭᠠᠨ ᠤ ᠭᠤᠤᠠ ᠴᠠᠭᠠᠨ ᠪᠡᠶᠡ ᠡᠴᠡ ᠥᠶᠡ ᠥᠶᠡ ᠶᠢᠨ ᠬᠥᠮᠥᠰ ᠦᠨ ᠡᠮᠥᠰᠬᠡᠵᠤ ᠤᠷᠬᠢᠭᠰᠠᠨ ᠬᠤᠶᠠᠭ ᠲᠤᠭᠤᠯᠭᠠ᠂ ᠬᠤᠪᠴᠠᠰᠤ ᠵᠡᠮᠰᠡᠭ ᠢ ᠨᠢᠭᠡ ᠨᠢᠭᠡ ᠪᠡᠷ ᠱᠠᠭᠠᠯᠵᠤ ᠡᠬᠢᠯᠡᠭᠰᠡᠨ ᠶᠤᠮ᠃ ᠲᠡᠭᠡᠬᠦ ᠳᠦ᠂ ᠢᠷᠠᠭᠤ ᠨᠠᠶ᠋ᠢᠷᠠᠭ ᠤᠨ ᠤᠭ ᠴᠢᠨᠠᠷ ᠨᠢ ᠤᠶᠠᠩᠭᠠ ᠰᠠᠨᠠᠭᠠ ᠯᠠ ᠪᠠᠶ᠋ᠢᠵᠢ ᠳ᠋ᠠ ᠭᠡᠬᠦ ᠪᠤᠳᠤᠯ ᠬᠠᠶᠠᠬᠠᠨ ᠪᠢᠰᠢ ᠭᠢᠯᠠᠰᠬᠤ ᠪᠤᠯᠵᠤ᠂ ᠨᠠᠮᠠᠢ᠍ᠢ ᠂ ᠤᠷᠲᠤ ᠤᠳᠠᠭᠠᠨ ᠡᠳᠦᠷ ᠬᠤᠨᠤᠭ ᠤᠨ ᠴᠠᠭᠠᠨᠠ ᠮᠠᠷᠲᠠᠵᠤ ᠤᠷᠬᠢᠭᠰᠠᠨ 《 ᠦᠪᠡᠷ ᠪᠢ 》ᠪᠡᠨ ᠡᠷᠢᠬᠦ ᠶᠢᠨ ᠪᠡᠷᠬᠡ ᠠᠶᠠᠨ ᠤᠷᠤᠭᠤ ᠴᠡᠯ ᠨᠤᠭᠤᠭᠠᠨ ᠬᠡᠶ᠋ᠢᠷᠬᠡᠭᠦᠯᠵᠦ ᠪᠢᠯᠡ᠃ ᠲᠡᠭᠡᠭᠡᠳ ᠯᠠ ᠪᠢ ᠄《 ᠮᠠᠨᠠᠨ ᠲᠠᠢ ᠤᠨᠢᠰᠤᠭᠠ ᠲᠠᠭᠠᠯᠴᠠᠨ/ ᠮᠢᠨᠤ ᠨᠢᠳᠦ/ ᠤᠨᠠᠭᠰᠠᠨ ᠰᠢᠭᠥᠳᠡᠷᠢ ᠶᠢᠨ ᠨᠣᠶ᠋ᠢᠲᠠᠨ ᠰᠤᠷᠠᠭ ᠢᠶ᠋ᠠᠷ / ᠬᠥᠰᠡᠯ ᠦᠨ ᠲᠦᠭᠦᠷᠢᠭᠬᠢᠨ ᠨᠠᠷᠠ ᠨᠦᠬᠦᠵᠤ/ ᠬᠤᠯᠠ ᠶᠢᠨ ᠬᠤᠯᠠ ᠳᠤ/ ᠬᠣᠯᠠ ᠶ᠋ᠢᠨ ᠬᠣᠯᠠ ᠳ᠋ᠤ᠌ / ᠬᠠᠷᠠᠴᠠ/ ᠲᠦᠮᠡᠨ ᠭᠠᠷ ᠢᠶ᠋ᠠᠨ ᠰᠤᠩᠭᠠᠨ/ ᠬᠠᠮᠤᠭ ᠤᠨ ᠬᠥᠨᠳᠥ ᠨᠢᠭᠡ ᠢᠨᠢᠶᠡᠳᠥ ᠶᠢᠨ ᠳᠦᠯᠦᠭᠡ/ ᠬᠠᠲᠠᠭᠤ ᠪᠤᠳᠤᠯ/ ᠠᠭᠤᠯᠠᠨ ᠤᠷᠤᠢ ᠳᠠᠪᠠᠯᠠ ᠁ 》 ᠭᠡᠵᠤ ᠡᠰᠢᠨ ᠡᠴᠡ ᠪᠡᠨ ᠳᠠᠰᠤᠷᠠᠨ ᠱᠤᠤᠭᠢᠭᠰᠠᠨ ᠶᠤᠮ ᠠ᠋ !
5
《 ᠥᠪᠡᠷ ᠲᠡᠢ ᠪᠡᠨ ᠪᠢ \ ᠲᠢᠪ ᠠᠯᠤᠰᠯᠠᠨ ᠵᠠᠶ᠋ᠢᠲᠠᠵᠤ \ ᠲᠩ ᠵᠢᠵᠢᠭᠷᠡᠭᠦᠯᠦᠨ ᠤᠶ᠋ᠢᠷᠠᠤᠠᠬᠤ 》 ᠳᠣᠳᠣᠮ ᠶ᠋ᠢᠠᠨ ᠪᠣᠲᠠᠰ ᠦ᠋ᠨ ᠬᠢᠵᠠᠭᠠᠷᠲᠤ ᠶᠢᠷᠲᠢᠨᠴᠤ ᠠ᠋ᠴᠠ ᠤᠶᠠᠩᠬ᠋ᠠ ᠰᠠᠨᠠᠭᠠᠨ ᠪ ᠬᠢᠵᠠᠭᠠᠷ ᠦᠭᠡᠢ ᠬᠣᠷᠸ᠋ᠠ ᠤᠷᠤᠭᠤ ᠪᠠᠬᠠᠲᠠᠢ ᠭᠡᠭᠴᠢ ᠵᠢᠭᠤᠲᠠᠭᠰᠠᠨ ᠶᠤᠮ ᠃ ᠮᠢᠨᠦ ᠬᠡᠪᠷᠡᠩᠬᠡᠨ ᠪᠡᠬᠢᠯᠡᠯᠲᠡ ᠡᠴᠡ ᠣᠷᠣᠰᠢᠬᠤᠢ ᠶ᠋ᠢᠨ ᠬᠡᠯᠪᠡᠷᠢ ᠣᠨᠴᠠᠯᠢᠬ ᠢᠯᠠᠭᠲᠠᠨ ᠤᠬᠤᠷᠢᠬᠤ ᠶ᠋ᠢᠨ ᠵᠡᠷᠭᠡᠪᠡᠷ ᠲᠡᠭᠦᠨ ᠪ ᠥᠨᠢ ᠮᠥᠩᠬᠡ ᠶ᠋ᠢᠨ ᠠᠭᠤᠯᠬ᠋ᠠ ᠴᠢᠨᠠᠷ ᠨᠢ ᠤᠯᠠᠮ ᠴᠠᠭᠠᠨᠠ ᠠ᠋ᠴᠠ ᠪᠠᠨ ᠴᠤᠬᠤᠯᠵᠠᠵᠤ ᠂ ᠨᠠᠮᠠᠶ᠋ᠢ ᠂ ᠢᠷᠠᠭᠤ ᠨᠠᠶ᠋ᠢᠷᠠᠭ ᠪᠣᠯ ᠤᠶᠠᠩᠬ᠋ᠠ ᠰᠠᠨᠠᠭᠠᠨ ᠤ ᠲᠡᠭᠰᠢᠳᠬᠡᠯ ᠪᠢᠯᠡ ᠭᠡᠬᠦ ᠵᠥᠪ ᠡᠨᠲᠡᠭᠦᠷᠡᠯ ᠤᠷᠤᠭᠤ ᠢᠲᠡ ᠨᠤᠲᠤᠷᠤᠭᠰᠠᠨ ᠪᠢᠯᠡ ᠃ ᠪᠢ ᠲᠡᠭᠡᠭᠡᠳ ᠯᠡ ᠣᠷᠣᠨ ᠴᠠᠭᠲᠤ ᠬᠣᠷᠸ᠋ᠠ ᠬᠢᠭᠡᠳ ᠣᠷᠣᠨ ᠴᠠᠭ ᠦᠭᠡᠢ ᠬᠣᠷᠸ᠋ᠠ ᠶ᠋ᠢᠨ ᠲᠤᠶ᠋ᠢᠯ ᠦᠭᠡᠢ ᠴᠢᠯᠥᠭᠡᠨ ᠳ᠋ᠦ᠍ ᠣᠷᠣᠰᠢᠬᠤᠢ ᠶ᠋ᠢᠨ ᠬᠠᠷᠠᠮᠴᠢ ᠬᠢᠵᠠᠭᠠᠷ ᠂ ᠠᠮᠢ ᠠᠮᠢᠳᠤᠷᠠᠯ ᠤᠨ ᠬᠦᠰᠡᠯ ᠬᠥᠭᠡᠭᠡᠴᠡᠯᠲᠦᠯ ᠂ ᠠᠯᠤᠰ ᠬᠣᠵᠢᠮ ᠦ᠋ᠨ ᠪᠦᠷᠦᠭ᠋ ᠪᠠᠯᠠᠷᠬᠠᠢ ᠪᠠᠷ ᠵᠢᠷᠮᠦᠰᠦᠯᠡᠭᠰᠡᠨ ᠭᠤᠨᠢᠬ ᠤᠶ᠋ᠢᠰᠤᠯ ᠂ ᠢᠨᠢᠶᠡᠯ ᠬᠥᠭᠰᠦᠯ᠂ ᠢᠲᠡᠭᠡᠯ ᠬᠥᠭᠡᠭᠡᠴᠡᠯᠲᠦᠯ ᠂ ᠮᠤᠬᠤᠷᠲᠠᠯ ᠪᠣᠲᠣᠯᠭᠠᠰᠢᠷᠠᠯ ᠶ᠋ᠢᠠᠨ ᠦᠨᠢ ᠮᠥᠩᠬᠡ ᠶ᠋ᠢᠨ ᠦᠨᠡ ᠴᠠᠨᠠ ᠪᠣᠯᠭᠠᠬᠤ ᠪᠠᠷ ᠪᠦᠲᠦᠨ ᠪᠦᠲᠦᠨ ᠡᠲᠦᠷ ᠰᠥᠨᠢ ᠶ᠋ᠢ ᠪᠡᠨ ᠨᠠᠷᠠ ᠰᠠᠷᠠ ᠲᠠᠢ ᠨᠢ ᠰᠢᠬᠡᠤᠠᠬᠡᠯᠡ ᠃
ᠣᠶᠤᠨ ᠪᠣᠯᠪᠠᠰᠤᠨ ᠠ᠋ᠴᠠ ᠪᠠᠨ ᠬᠠᠪᠢ ᠦᠭᠡᠢ ᠠᠬᠢᠮᠠᠭ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠪ ᠤᠶᠠᠩᠬ᠋ᠠ ᠰᠠᠨᠠᠬ᠋ᠠ ᠪᠣᠯ ᠬᠠᠷᠢᠴᠠᠯᠠᠰᠢ ᠦᠭᠡᠢ ᠦᠨᠢ ᠮᠥᠩᠬᠡ ᠶ᠋ᠢᠨ ᠬᠡᠢ ᠠᠭᠠᠷ ᠶᠤᠮ ᠃ ᠲᠡᠭᠡᠬᠦ ᠪᠡᠷ ᠨᠢ ᠬᠠᠮᠠᠷ ᠲᠣᠬᠢᠶᠠᠬᠤ ᠮᠡᠲᠦ ᠶ᠋ᠢᠨ ᠠᠯᠢᠪᠠ ᠬᠦᠴᠤᠷᠬᠡᠭᠯᠡᠯ ᠲᠡᠨᠡᠭᠯᠡᠯ ᠪᠦᠬᠦᠨ ᠨᠢ ᠬᠠᠨᠠ ᠦᠭᠡᠢ ᠠᠭᠠᠷ ᠳᠤᠮᠳᠠᠬᠢ ᠴᠣᠩᠬᠣ ᠯᠠ ᠲᠡᠲᠦᠢ ᠱᠣᠭ ᠲᠠᠢ ᠶᠤᠮ ᠃ ᠲᠡᠭᠦᠨ ᠊ᠢ ᠲᠠᠨᠢᠨ ᠮᠡᠲᠡᠷᠡᠬᠦ ᠶ᠋ᠢᠨ ᠬᠠᠮᠲᠤ ᠲᠠᠨᠢᠨ ᠮᠡᠳᠡᠷᠡᠭᠳᠡᠬᠦ ᠪᠣᠯ ᠢᠷᠠᠭᠤ ᠨᠠᠶ᠋ᠢᠷᠠᠭᠴᠢ ᠶ᠋ᠢᠨ ᠵᠣᠯ ᠪᠤᠶᠤ !
6
ᠡᠨᠡ ᠵᠠᠭᠤᠨ ᠪ ᠰᠢᠷᠣᠢ ᠪᠦᠷᠦᠢ ᠬᠢᠭᠡᠳ ᠢᠷᠡᠬᠦ ᠵᠠᠭᠤᠨ ᠤ ᠶᠠᠭᠠᠨ ᠲᠤᠶᠠᠬ᠋ᠠ ᠪᠣᠯ ᠨᠠᠮᠠᠶ᠋ᠢ ᠰᠠᠭᠤᠷᠢ ᠦᠭᠡᠢ ᠥᠨᠲᠡᠯᠵᠡᠭᠦᠯᠬᠦ ᠬᠣᠣᠰ ᠳᠥᠷᠥᠭᠡ ᠶᠤᠮ ᠃ ᠪᠦᠬᠦᠯᠢ ᠪᠦᠬᠦᠯᠢ ᠤᠯᠠᠷᠢᠯ ᠶ᠋ᠢᠠᠷ ᠨᠠᠷᠠ ᠬᠣᠯᠠᠲᠠᠬᠤ ᠤᠮᠠᠷᠠᠲᠤ ᠶ᠋ᠢᠨ ᠮᠢᠨᠢ ᠮᠠᠨᠠᠨ ᠳᠤᠮᠳᠠᠬᠢ ᠦᠨᠳᠦᠷᠯᠢᠭ ᠪᠣᠯ ᠮᠢᠨᠦ ᠦᠨᠡ ᠥᠷᠲᠡᠭ ᠦ᠋ᠨ ᠣᠷᠣᠰᠢᠬᠤᠢ ᠪᠢᠯᠡ ᠃ ᠡᠬᠡ ᠣᠷᠣᠨ ᠂ ᠦᠨᠲᠦᠰᠦᠲᠡᠨ ᠪ ᠪᠡᠨ ᠳᠣᠲᠣᠭᠰᠢᠯᠠᠵᠤ ᠦᠯᠦ ᠬᠠᠩᠬᠤ ᠡᠪᠦᠷ ᠤᠷᠤᠭᠤ ᠲᠤᠶ᠋ᠢᠯ ᠦᠭᠡᠢ ᠰᠢᠷᠭᠤᠬᠤ ᠳᠣᠳᠣᠮ ᠶ᠋ᠢᠠᠨ ᠥᠪᠡᠷ ᠦ᠋ᠨ ᠶ᠋ᠢᠡᠨ ᠶᠠᠯᠢᠮ ᠦᠭᠡᠢ ᠶ᠋ᠢ ᠪᠢ ᠭᠤᠨᠢᠬᠲᠠᠶ᠋ᠢᠬᠠᠨ ᠮᠡᠳᠡᠷᠡᠭᠰᠡᠨ ᠶᠤᠮ ᠃ ᠲᠡᠨᠲᠡ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠠᠮᠤᠷ ᠠᠶ᠋ᠢᠯᠠᠤᠠᠬᠠᠯ ᠂ ᠴᠡᠴᠡᠭ ᠦ᠋ᠨ ᠪᠠᠭᠴᠠ ᠂ ᠠᠮᠲᠠᠲᠤ ᠠᠷᠢᠬᠢ ᠬᠡᠷᠩ ᠦᠭᠡᠢ ᠂ ᠬᠠᠷᠠᠮᠨᠠᠬᠤ ᠦᠭᠡᠢ ᠰᠦ᠋ ᠶ᠋ᠢ ᠨᠢ ᠬᠠᠨᠲᠠᠯᠠ ᠰᠢᠮᠡᠭᠡᠳ ᠮᠠᠩᠰᠢᠭᠤᠷᠠᠲᠠᠭ ᠰᠢᠲᠤᠷᠭᠤ ᠬᠠᠱᠠᠩ ᠴᠦ᠍ ᠬᠡᠷᠩ ᠦᠭᠡᠢ ᠂ ᠬᠠᠷᠢᠨ ᠂ ᠲᠤᠯᠬ᠋ᠠ ᠪᠠᠨ ᠬᠥᠭᠵᠢᠭᠡᠬᠦ ᠭᠠᠯ ᠂ ᠲᠤᠭᠤᠷᠬ᠋ᠠ ᠪᠠᠨ ᠡᠷᠭᠦᠬᠦ ᠣᠨᠢ ᠂ ᠲᠤᠩᠭᠠᠯᠠᠭ ᠴᠣᠩᠬᠣ ᠂ ᠲᠤᠶᠠᠭᠠᠨ ᠡᠭᠦᠲᠡ ᠳᠤᠲᠠᠭᠳᠠᠵᠤ ᠪᠠᠶ᠋ᠢᠨᠠ ᠃ ᠭᠡᠲᠡᠯᠡ ᠂ ᠮᠢᠨᠦ ᠶᠠᠯᠢᠮ ᠦᠭᠡᠢ ᠶ᠋ᠢ ᠡᠨᠡ ᠴᠠᠭ ᠦ᠋ᠨ ᠤᠷᠲᠤᠷᠢᠬ ᠥᠷᠭᠡᠷᠢᠭ ᠨᠢᠭᠡᠨᠲᠡ ᠭᠡᠷᠡᠴᠢᠯᠡᠵᠦ ᠣᠷᠬᠢᠬᠰᠠᠨ ᠪᠣᠯᠬᠣᠷ ᠪᠢ ᠵᠥᠪᠬᠡᠨ ᠪᠤᠭᠤᠷᠤᠯ ᠬᠣᠷᠸ᠋ᠠ ᠶ᠋ᠢᠨ ᠪᠣᠷᠣᠭᠠᠨ ᠰᠠᠯᠬᠢᠨ ᠳ᠋ᠦ᠍ ᠶᠣᠣᠯᠠᠨ ᠤᠷᠭᠤᠬᠤ ᠠᠪᠤᠷᠭᠤ ᠱᠠᠩᠰᠢᠨ ᠪ ᠪᠠᠨ ᠬᠠᠮᠤᠭ ᠥᠨᠲᠥᠷ ᠰᠠᠯᠠᠭᠠᠨ ᠳᠡᠭᠡᠷᠡ ᠨᠢ ᠭᠠᠩᠭᠢᠨᠠᠨ ᠱᠤᠤᠭᠢᠬᠤ ᠪᠦᠷᠢᠨ ᠭᠦᠢᠴᠡᠳ ᠮᠡᠲᠡᠷᠡᠯ ᠨᠢ ᠪᠣᠯᠬᠤ ᠬᠤᠪᠢ ᠵᠠᠶᠠᠬ᠋ᠠ ᠪᠠᠨ ᠵᠣᠪᠠᠭᠤᠷᠢᠲᠠᠶ᠋ᠢᠬᠠᠨ ᠤᠬᠠᠯᠠ ᠃ ᠡᠶ᠋ᠢᠮᠦ ᠪᠣᠯᠬᠣᠷ ᠶ᠋ᠢᠠᠨ ᠪᠢ ᠲᠤᠶ᠋ᠢᠯ ᠦᠭᠡᠢ ᠵᠢᠵᠢᠭᠷᠡᠬᠦ ᠳᠣᠳᠣᠮ ᠶ᠋ᠢᠠᠨ ᠲᠤᠶ᠋ᠢᠯ ᠦᠭᠡᠢ ᠲᠣᠮᠣᠷᠠᠨᠠ ᠃ ᠮᠢᠨᠦ ᠲᠥᠪ ᠡᠴᠡ ᠵᠠᠶ᠋ᠢᠲᠠᠬᠤ ᠬᠦᠴᠦᠨ ᠪ ᠰᠤᠮᠤᠨ ᠤᠯᠠᠭᠠᠨ ᠦᠵᠦᠭᠦᠷ ᠢᠷᠡᠵᠦ ᠣᠣᠨᠬᠤ ᠬᠣᠶᠠᠷ ᠮᠥᠷᠡᠨ ᠪ ᠲᠠᠲᠠᠮᠠᠯ ᠰᠤᠪᠠᠭ ᠪᠣᠯᠤᠨᠠ ᠃ ᠮᠢᠨᠦ ᠬᠡᠯᠡᠭᠡᠳ ᠪᠠᠷᠠᠬᠤ ᠦᠭᠡᠢ ᠦᠭᠡ ᠬᠡᠵᠢᠶᠡᠲᠡ ᠡᠬᠡ ᠣᠷᠣᠨ ᠂ ᠦᠨᠲᠦᠰᠦᠲᠡᠨ ᠂ ᠬᠥᠮᠦᠨ ᠳᠡᠯᠡᠬᠡᠢ ᠶ᠋ᠢᠨ ᠮᠢᠨᠢ ᠡᠪᠦᠷ ᠪᠢᠲᠡᠭᠦᠦ ᠰᠢᠷᠬᠠᠨ ᠪ ᠬᠢᠨᠢ ᠨᠢᠭᠤᠴᠠᠬᠠᠨ ᠡᠮᠵᠡᠭᠯᠡᠯ ᠂ ᠡᠲᠦᠷ ᠦ᠋ᠨ ᠴᠠᠭᠠᠨ ᠵᠡᠭᠦᠲᠦᠨ ᠪ ᠬᠢᠨᠢ ᠱᠤᠤᠭᠢᠶᠠ ᠪᠠᠶ᠋ᠢᠬᠤ ᠤᠴᠢᠷ ᠲᠠᠢ ᠡ !
7
ᠤᠬᠠᠭᠠᠨ ᠪᠣᠯᠪᠠᠰᠤᠨ ᠪ ᠣᠲᠣᠬᠢ ᠤᠷᠤᠭᠤ ᠪᠠᠨ ᠱᠤᠩᠭᠤᠬᠤ ᠳᠤᠰᠤᠮ ᠤᠶᠠᠩᠬ᠋ᠠ ᠰᠠᠨᠠᠭᠠᠨ ᠪ ᠪᠠᠨ ᠪᠠᠯᠠᠷ ᠰᠢᠭᠤᠢ ᠤᠷᠤᠭᠤ ᠪᠤᠴᠠᠬᠤ ᠪᠣᠯ ᠮᠢᠨᠦ ᠬᠡᠵᠢᠶᠡᠲᠡ ᠨᠢᠯᠬᠠ ᠪᠠᠷ ᠶ᠋ᠢᠠᠨ ᠪᠠᠶ᠋ᠢᠬᠤ ᠶ᠋ᠢᠨ ᠬᠡᠦᠬᠡᠨ ᠬᠡᠪᠲᠡᠰᠢ ᠶᠤᠮ ᠃ ᠲᠡᠷᠡ ᠪᠣᠯ ᠠᠯᠢᠪᠠ ᠠ᠋ᠴᠠ ᠬᠣᠯᠠ ᠣᠷᠣᠨ ᠵᠠᠢ ᠮᠥᠷᠲᠡᠭᠡᠨ ᠠᠯᠢᠪᠠ ᠪᠦᠬᠦᠨ ᠪ ᠠᠮᠢᠰᠬᠤᠯ ᠠᠪᠬᠤ ᠣᠷᠣᠨ ᠵᠠᠢ ᠪᠢᠯᠡ ᠃ ᠢᠷᠠᠭᠤ ᠨᠠᠶ᠋ᠢᠷᠠᠭ ᠲᠤ ᠲᠠᠶ᠋ᠢᠯᠪᠤᠷᠢ ᠬᠢᠬᠦ ᠶ᠋ᠢᠨ ᠭᠤᠨᠢᠬᠲᠤ ᠴᠢᠯᠥᠭᠡ ᠶ᠋ᠢ ᠤᠰᠠᠤᠠᠬᠠᠨ ᠂ ᠤᠬᠠᠭᠠᠷᠠᠨ ᠮᠡᠲᠡᠷᠡᠬᠦ ᠶ᠋ᠢᠨ ᠴᠡᠩᠬᠡᠷ ᠬᠣᠷᠸ᠋ᠠ ᠶ᠋ᠢ ᠨᠡᠭᠡᠭᠡᠬᠦ ᠶ᠋ᠢᠨ ᠶᠡᠬᠡ ᠪᠣᠯᠤᠮᠵᠢ ᠶ᠋ᠢᠨ ᠡᠷᠬᠡᠪᠰᠢ ᠶᠤᠮ ᠡ !
ᠥᠨᠥᠴᠢᠷᠡᠬᠦ ᠡᠴᠡ ᠪᠡᠨ ᠪᠢ ᠥᠨᠥᠴᠢᠨ ᠭᠠᠯᠠᠭᠤᠨ ᠤ ᠰᠡᠭᠦᠳᠡᠷ ᠰᠢᠭ᠌ ᠠᠶᠤᠳᠠᠭ ᠃ ᠭᠡᠲᠡᠯᠡ ᠂ ᠥᠨᠥᠴᠢᠨ ᠳᠠᠭᠤᠤ ᠶ᠋ᠢᠨ ᠭᠠᠵᠠᠷ ᠤᠨᠠᠬᠤ ᠡᠭᠡᠰᠢᠭ ᠊ᠢ ᠤᠶᠠᠷᠠᠩᠬᠠᠨ ᠲᠤᠰᠬᠤ ᠠᠯᠠᠬ᠋ᠠ ᠨᠤᠭᠤᠳ ᠪᠣᠯ ᠣᠢ ᠲᠠᠶ᠋ᠢᠬ᠋ᠠ ᠂ ᠠᠯᠢᠪᠠ ᠪᠦᠬᠦᠨ ᠪᠢᠯᠡ ᠡ !
1988 ᠂10 ᠂27 ᠬᠦᠬᠡᠬᠣᠲᠠᠨᠠ
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠪᠦᠬᠦ ᠨᠤᠮ ᠡᠭᠦᠪᠡᠷ ᠳᠠᠭᠤᠰᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠲᠡᠭᠷᠢ ᠡᠵᠢ ᠂ ᠪᠠᠭᠠᠲᠤᠷ ᠂ ᠴᠣᠯᠮᠣᠨᠲᠦᠶᠠᠭᠠ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠦᠶᠠᠭᠠ
2023᠂ 5᠂ 30 ᠪ ᠡᠲᠦᠷ