ᠥᠩᠭᠡ ᠪᠦᠷᠢ ᠶᠢᠨ ᠰᠡᠳᠬᠢᠯ - ᠲ ᠂ ᠭᠣᠮᠪᠣᠵᠠᠪ Өнгө бүрийн сэтгэл - Т ᠂ Гомбожав
213ᠥᠩᠭᠡ ᠪᠦᠷᠢ ᠶᠢᠨ ᠰᠡᠳᠬᠢᠯ
ᠵᠡᠭᠦᠲᠦᠨ ᠰᠠᠷᠠ
ᠰᠡᠤᠠᠬᠢᠯ ᠤᠷᠤᠭᠤ ᠰᠦᠨᠢ ᠪᠣᠯᠭᠠᠨ
ᠰᠡᠭᠦᠲᠡᠷ ᠦᠭᠡᠢ ᠲᠡᠷᠭᠡᠯᠯᠡᠵᠦ
ᠰᠠᠷᠠ ᠮᠢᠨᠢ ᠮᠠᠨᠲᠤᠨᠠ
ᠤᠭᠤᠷᠭᠠᠨ ᠲᠤᠶᠠᠬ᠋ᠠ ᠨᠢ
ᠤᠶᠠᠩᠭᠠᠲᠤ ᠪᠣᠲᠣᠯ ᠳᠡᠷᠪᠡᠭᠦᠯᠵᠦ ᠣᠷᠣᠬᠤ ᠪᠣᠷᠣᠭᠠᠨ
ᠤᠨᠲᠠᠵᠤ ᠡᠰᠡ ᠴᠢᠲᠠᠬᠤ ᠳ᠋ᠠᠭᠠᠨ ᠰᠠᠬᠢᠵᠤ ᠰᠠᠭᠤᠬᠤ
ᠤᠷᠲᠤ ᠳᠦᠷᠪᠡᠯᠵᠢᠨ ᠵᠡᠭᠦᠲᠦᠨ ᠳᠡᠭᠡᠷᠡ ᠮᠢᠨᠢ ᠱᠠᠭᠢᠨᠠ ᠡ
ᠤᠨᠠᠵᠤ ᠮᠥᠯᠬᠦᠭᠰᠡᠨ ᠰᠢᠷᠣᠢ ᠶ᠋ᠢᠨ ᠥᠨᠥᠷ
ᠴᠢᠮᠠ ᠠ᠋ᠴᠠ ᠤᠬᠠᠭᠠᠨ ᠨᠡᠪᠲᠡ ᠬᠠᠩᠬᠤᠯᠵᠤ
ᠤᠶᠠᠷᠠᠬᠤ ᠳ᠋ᠠᠭᠠᠨ ᠨᠠᠮᠤᠷ ᠪᠣᠯᠭᠠᠨ
ᠨᠠᠮᠠᠶ᠋ᠢ ᠪᠠᠨ ᠦᠭᠡᠶ᠋ᠢᠯᠡᠵᠦ ᠪᠤᠴᠠᠲᠠᠭ
ᠭᠠᠯᠠᠭᠤᠳ ᠦ᠋ᠨ ᠳᠠᠭᠤᠨ ᠮᠥᠷᠥᠭᠡᠰᠦᠯ ᠵᠤᠵᠠᠭᠠᠯᠠᠵᠤ ᠬᠠᠩᠭᠢᠨᠠᠨᠠ ᠪᠢᠯᠡ
ᠤᠰᠤ ᠰᠢᠷᠣᠢ ᠡᠰᠡ ᠬᠡᠷᠡᠭᠰᠡᠬᠦ
ᠤᠯᠠᠷᠢᠯ ᠦᠭᠡᠢ ᠬᠦᠷᠦᠰᠦ ᠪᠣᠯ ᠴᠠᠭᠠᠰᠤ ᠮᠢᠨᠢ ᠶᠤᠮ
ᠤᠷᠠᠪᠠᠯ ᠡᠷᠬᠢ ᠰᠢᠭ᠌ ᠶᠡᠭᠦᠷᠡᠳᠡᠭ ᠵᠡᠭᠦᠲᠦᠨ ᠳ᠋ᠡᠭᠡᠨ ᠪᠢ
ᠡᠬᠡ ᠳ᠋ᠡᠭᠡᠨ ᠲᠡᠮᠡᠦᠯᠦᠭᠰᠡᠨ ᠪᠣᠲᠣᠯ ᠦ᠋ᠨ ᠡᠩᠬᠦᠷᠡᠢ ᠬᠣᠶᠠᠷ ᠨᠠᠪᠴᠢ
ᠰᠦᠨᠢ ᠪᠣᠯᠭᠠᠨ ᠂ ᠰᠠᠷᠠ ᠪᠠᠨ ᠲᠤᠰᠴᠤ ᠤᠷᠭᠤᠨᠠ ᠪᠢᠯᠡ
ᠭᠣᠯᠢᠶᠠᠨ ᠳᠠᠭᠤ ᠂ ᠨᠣᠶ᠋ᠢᠷ ᠦᠭᠡᠢ ᠰᠦᠨᠢ
ᠭᠣᠯᠢᠶᠠᠨ ᠳᠠᠭᠤᠨ ᠠ᠋ᠴᠠ ᠠᠯᠤᠰᠬᠠᠨ ᠨᠠᠤᠠᠬᠤᠵᠤ
ᠭᠤᠷᠪᠠᠨ ᠨᠣᠬᠠᠢ
ᠮᠢᠨᠦ ᠨᠢᠲᠦ ᠪᠡᠷ ᠪᠠᠷᠠᠭᠤᠨᠰᠢ ᠵᠢᠭᠤᠲᠠᠨᠠ
ᠬᠣᠲᠠ ᠶ᠋ᠢᠨ ᠲᠡᠭᠷᠢ ᠨᠠᠮ ᠵᠢᠮ
ᠬᠣᠯᠠ ᠶ᠋ᠢᠨ ᠬᠥᠲᠡᠭᠡ ᠰᠥᠨᠢᠵᠢᠨ
ᠨᠠᠷᠠᠪᠴᠢᠨ ᠴᠤᠩᠬᠤ ᠪᠠᠷ ᠰᠡᠷᠢᠭᠦᠦ ᠲᠠᠲᠠᠨ ᠵᠢᠷᠵᠢᠭᠢᠨᠡᠨᠡ
ᠡᠪᠡᠰᠦᠨ ᠰᠢᠭᠦᠲᠡᠷᠢ ᠡᠴᠡ ᠣᠯᠠᠨ ᠲᠣᠭᠠᠨ ᠪ ᠨᠠᠷᠠ ᠬᠠᠷᠠᠵᠤ
ᠦᠲᠡᠰᠢ ᠳ᠋ᠡᠭᠡᠨ
ᠬᠡᠭᠡᠷᠡ ᠶ᠋ᠢᠨ ᠠᠪᠢᠶᠠ ᠳᠡᠭᠦᠵᠢᠯᠡᠨ ᠪᠤᠴᠠᠲᠠᠭ ᠬᠡᠦᠬᠡᠳ
ᠨᠠᠲᠠ ᠲᠠᠢ ᠠᠬᠢᠨ ᠲᠠᠬᠢᠨ ᠳᠠᠪᠬᠤᠴᠠᠵᠤ ᠬᠡᠪᠲᠡᠨᠡ
ᠤᠨᠲᠠᠭᠰᠠᠨ ᠬᠣᠲᠠ ᠶ᠋ᠢᠨ ᠭᠠᠭᠴᠠ ᠳ᠋ᠸᠩ
ᠤᠨᠲᠠᠷᠠᠵᠤ ᠴᠢᠲᠠᠬᠤ ᠦᠭᠡᠢ ᠲᠣᠷᠮᠣᠯᠵᠠᠵᠤ
ᠤᠷᠠᠨ ᠡᠨᠲᠡᠭᠦᠷᠡᠯ ᠮᠠᠨᠠᠵᠤ ᠪᠥᠮᠪᠥᠷᠢᠬᠦ ᠲᠠᠮᠡᠬᠢᠨ ᠶᠣᠵᠣᠭᠣᠷ
ᠤᠬᠠᠭᠠᠨ ᠳᠦᠭᠦᠷᠡᠩ ᠦᠯᠢᠭᠡᠷ ᠬᠡᠪᠢᠨᠡ
ᠪᠢᠴᠢᠭᠤᠬᠠᠨ ᠥᠷᠥᠭᠡ
ᠪᠠᠬᠲᠠ ᠶᠠᠲᠠᠨ ᠬᠠᠩᠭᠢᠨᠠᠬᠤ
ᠪᠠᠶ᠋ᠢᠭᠠᠯᠢ ᠶ᠋ᠢᠨ ᠶ᠋ᠢᠡᠨ ᠨᠣᠭᠤᠭᠠᠨ ᠠᠪᠢᠶᠠᠨ ᠳᠤ ᠲᠡᠪᠲᠦᠵᠦ
ᠪᠢ ᠥᠷᠯᠦᠭᠡ ᠪᠣᠰᠬᠤ ᠳᠤ ᠮᠢᠨᠦ ᠮᠦᠷ
ᠬᠦᠲᠡᠭᠡ ᠡᠴᠡ ᠨᠠᠰᠢ ᠲᠤᠩ ᠨᠣᠶ᠋ᠢᠲᠠᠨ ᠢᠷᠡᠵᠦ ᠪᠠᠶ᠋ᠢᠯ ᠡ
ᠴᠢᠯᠠᠭᠤᠨ ᠬᠤᠤᠠᠲᠤᠭ ᠦ᠋ᠨ ᠳᠤᠷᠠᠳᠬᠠᠯ
ᠴᠢᠯᠠᠭᠤᠨ ᠬᠤᠤᠠᠲᠤᠭ ᠦ᠋ᠨ ᠮᠢᠨᠢ ᠤᠰᠤᠨ ᠳᠤ ᠵᠢᠭᠠᠰᠤ ᠦᠭᠡᠢ
ᠴᠣᠪᠣᠵᠤ ᠬᠣᠯᠠᠲᠠᠭᠰᠠᠨ ᠮᠠᠯ ᠦ᠋ᠨ ᠮᠦᠷ ᠊ᠢ ᠨᠢ ᠡᠪᠬᠡᠵᠦ
ᠪᠢ ᠢᠷᠡᠨᠡ
ᠡᠪᠦᠭᠡᠳ ᠦ᠋ᠨ ᠮᠢᠨᠢ ᠬᠠᠲᠠᠨ ᠠ᠋ᠴᠠ ᠢᠪᠢᠯᠦᠭᠦᠯᠦᠭᠰᠡᠨ ᠰᠦ᠋
ᠡᠲᠦᠷᠵᠢᠨ ᠂ ᠰᠡᠤᠠᠬᠢᠯ ᠤᠷᠤᠭᠤ ᠳᠡᠭᠦᠵᠢᠩ ᠮᠡᠯᠮᠡᠯᠵᠡᠬᠦ
ᠬᠠᠶ᠋ᠢᠷᠠ ᠥᠲᠡᠯᠬᠦ ᠦᠭᠡᠢ ᠡ
ᠲᠣᠭᠲᠠᠭᠤᠬᠠᠨ ᠴᠡᠭᠡᠯ ᠨᠢ
ᠲᠣᠭᠣᠵᠤ ᠰᠠᠭᠤᠭᠰᠠᠨ ᠤᠬᠠᠭᠠᠨᠲᠤ ᠪᠦᠰᠡᠬᠦᠢ ᠶ᠋ᠢᠨ ᠮᠢᠨᠢ ᠠᠭᠠᠯᠢ
ᠲᠤᠩ ᠵᠥᠭᠡᠯᠡᠬᠡᠨ ᠨᠠᠲᠠ ᠳᠡᠭᠡᠷᠡ ᠳᠠᠯᠮᠢᠶᠠᠷᠠᠨᠠ
ᠲᠣᠪᠴᠢᠨ ᠴᠢᠨᠡᠭᠡ ᠢᠷᠣᠭᠠᠷ ᠊ᠢ ᠨᠢ ᠰᠠᠬᠢᠨ
ᠲᠣᠭᠯᠠᠵᠤ ᠤᠤᠠᠬᠤ ᠡᠭᠦᠯᠡᠨ ᠰᠡᠭᠦᠲᠡᠷ ᠲᠦ ᠠᠨᠢᠪᠴᠠᠬᠤ
ᠲᠡᠭᠷᠢ ᠨᠢ
ᠲᠠᠨᠢᠬᠤ ᠲᠤᠲᠤᠮ ᠦᠨᠲᠦᠷ ᠪᠣᠯᠵᠤ ᠂ ᠨᠠᠮᠠᠶ᠋ᠢ ᠴᠡᠩᠬᠡᠷᠯᠡᠨᠡ
ᠤᠬᠠᠭᠠᠨ ᠪ ᠬᠢᠨᠢ ᠭᠦᠨ ᠳᠤ ᠬᠦᠷᠬᠦ ᠡᠴᠡ ᠪᠡᠨ ᠡᠮᠦᠨᠡ
ᠣᠷᠬᠢᠬᠰᠠᠨ ᠴᠢᠯᠠᠭᠤ ᠵᠥᠭᠡᠯᠡᠷᠡᠬᠦ ᠶ᠋ᠢ
ᠤᠨᠠᠭᠠᠭᠰᠠᠨ ᠠᠯᠲᠠᠬ᠋ᠠ ᠠ᠋ᠴᠠ ᠪᠠᠨ ᠰᠠᠨᠠᠬᠤ ᠪᠦᠷᠢ ᠨᠢᠲᠦ ᠡᠪᠡᠳᠳᠡᠭ
ᠣᠬᠢᠶᠠᠭᠰᠠᠨ ᠬᠤᠪᠴᠠᠰᠤ ᠬᠠᠭᠤᠴᠢᠷᠠᠬᠤ ᠲᠤᠲᠤᠮ
ᠤᠰᠤᠨ ᠪ ᠬᠢᠨᠢ ᠥᠨᠥᠷ ᠥᠤᠠᠬᠡᠷᠡᠬᠦ ᠶ᠋ᠢ
ᠤᠯᠠᠷᠢᠯ ᠦ᠋ᠨ ᠵᠢᠰᠦᠨ ᠡᠴᠡ ᠲᠠᠨᠢᠬᠤ ᠪᠣᠯᠭᠠᠨ ᠵᠡᠭᠦᠲᠦ ᠣᠯᠠᠰᠢᠷᠠᠲᠠᠭ
ᠬᠣᠯᠠ ᠬᠦᠲᠡᠭᠡ ᠶ᠋ᠢᠨ ᠴᠢᠯᠠᠭᠤᠨ ᠬᠤᠤᠠᠲᠤᠭ ᠮᠢᠨᠢ ᠠ᠋
ᠬᠠᠭᠤᠴᠢᠷᠠᠲᠠᠭ ᠦᠭᠡᠢ ᠦᠯᠢᠭᠡᠷ ᠊ᠢ ᠴᠢᠨᠢ ᠱᠦᠭᠦᠭᠦ ᠭᠡᠵᠦ
ᠬᠣᠪᠣᠭᠣ ᠣᠷᠬᠢᠯᠠ
ᠨᠠᠲᠠᠲᠤ ᠂ ᠵᠢᠭᠠᠰᠤ ᠬᠡᠷᠡᠭ ᠦᠭᠡᠢ
ᠨᠠᠮᠤᠷ ᠦ᠋ᠨ ᠭᠠᠯᠠᠭᠤ ᠪᠠᠨ ᠡᠬᠡᠨᠡ ᠭᠡᠵᠦ
ᠨᠠᠮᠠᠬ᠋ᠠ ᠪᠦᠬᠦᠨ ᠳ᠋ᠡᠭᠡᠨ ᠢᠲᠡᠭᠡᠯ ᠵᠠᠩᠭᠢᠲᠤᠭᠰᠠᠨ
ᠲᠡᠭᠷᠢ ᠴᠢᠨᠢ ᠯᠠ ᠦᠨᠡᠲᠡᠢ ᠡ!
ᠨᠤᠲᠤᠭ ᠦ᠋ᠨ ᠰᠤᠷᠠᠭ
ᠮᠢᠩᠭᠠᠨ ᠠᠭᠤᠯᠠ ᠶ᠋ᠢᠨ ᠣᠷᠭᠢᠯ ᠳᠠᠮᠵᠢᠨ
ᠮᠢᠨᠦ ᠨᠡᠷᠡ ᠳᠡᠭᠡᠷᠡ ᠵᠥᠭᠡᠯᠡᠬᠡᠨ ᠤᠨᠠᠬᠤ ᠰᠢᠪᠠᠭᠤ
ᠣᠯᠠᠨ ᠬᠡᠯᠡ ᠪᠡᠷ ᠳᠠᠭᠤᠯᠠᠨᠠ
ᠵᠢᠪᠡᠷ ᠦ᠋ᠨ ᠦᠵᠦᠭᠦᠷ ᠲᠦ ᠨᠢᠮᠬᠡᠬᠡᠨ ᠬᠡᠶ᠋ᠢᠰᠴᠦ
ᠵᠠᠮ ᠦ᠋ᠨ ᠲᠣᠭᠣᠰᠣᠨ ᠠ᠋ᠴᠠ ᠳᠡᠭᠡᠭᠦᠷᠬᠡᠨ
ᠨᠠᠲᠠ ᠳᠡᠭᠡᠷᠡ ᠲᠤᠶᠠᠭᠠᠷᠠᠵᠤ ᠢᠷᠡᠬᠦ ᠰᠠᠷᠠ
ᠪᠤᠯᠠᠩᠬᠢᠷ ᠦᠭᠡᠢ ᠲᠣᠨᠣᠯᠵᠠᠨᠠ
ᠨᠠᠶᠠᠨ ᠲᠥᠮᠡᠨ ᠡᠭᠡᠰᠢᠭ ᠲᠠᠢ
ᠨᠠᠷᠠᠨ ᠪ ᠰᠤᠲᠠᠰᠤ ᠪᠠᠷ ᠤᠷᠤᠰᠴᠤ ᠢᠷᠡᠬᠦ
ᠬᠠᠪᠤᠷ ᠦ᠋ᠨ ᠴᠡᠩᠬᠡᠷ ᠭᠣᠷᠣᠬᠠ
ᠨᠠᠲᠠ ᠳᠡᠭᠡᠷᠡ ᠂ ᠬᠡᠵᠢᠶᠡᠲᠡ ᠪᠦᠯᠢᠶᠡᠬᠡᠨ ᠠᠰᠬᠠᠷᠠᠨᠠ ᠡ
ᠪᠠᠬ᠋ᠠ ᠶ᠋ᠢᠨ ᠨᠠᠶ᠋ᠢᠵᠢ
ᠦᠷᠭᠦᠢ ᠂ ᠵᠡᠭᠦᠲᠦᠨ ᠳᠤ ᠲᠣᠭᠯᠠᠬᠤ
ᠡᠪᠦᠭᠡᠷᠡᠵᠦ ᠴᠢᠲᠠᠬᠤ ᠦᠭᠡᠢ ᠬᠦᠮᠦᠨ ᠪᠢᠯᠡ
ᠦᠯᠢᠭᠡᠷ ᠪᠣᠯᠭᠠᠨ ᠶᠠᠷᠢᠬᠤ ᠪᠦᠷᠢ ᠳᠤ
ᠦᠭᠡᠰ ᠊ᠢ ᠨᠢᠯᠬᠠᠷᠠᠭᠤᠯᠲᠠᠭ ᠵᠢᠰᠦ ᠪᠢᠯᠡ
ᠥᠴᠦᠭᠡᠲᠦᠷ ᠦ᠋ᠨ ᠵᠠᠢ ᠳᠤ ᠮᠥᠷᠦᠭᠡᠲᠦᠯ ᠲᠠᠮᠠᠭᠠᠯᠠᠵᠤ ᠬᠣᠴᠣᠷᠣᠭᠰᠠᠨ
ᠥᠩᠭᠡ ᠨᠢ ᠤᠨᠠᠬᠤ ᠦᠭᠡᠢ ᠨᠡᠷᠡ ᠪᠢᠯᠡ
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃