3-70-79ᠢᠰᠢᠲᠠᠨᠽᠠᠨᠸᠠᠩᠵᠢᠯ ᠤ᠋ᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠰᠠᠬᠤᠤ᠂ ᠣᠬᠣᠷ ᠬᠠᠳᠬᠤᠯᠠᠭᠠ᠂ ᠨᠢᠶᠠᠨ ᠴᠠᠩᠬᠠ᠂ ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ᠂ ᠭᠠᠯ ᠨᠠᠮᠤᠰᠤ᠂ ᠪᠤᠯᠴᠢᠷᠬᠠᠢ᠂ ᠪᠤᠯᠴᠢᠩ ᠤᠷᠪᠠᠬᠤ᠂ ᠪᠣᠭᠣᠮᠠ᠂ ᠨᠢᠶᠠᠨ ᠴᠢᠬᠢᠭᠠ᠂ ᠮᠤᠰᠬᠢᠯᠵᠠᠨ ᠰᠢᠯᠢ ᠲᠠᠲᠠᠬᠤ ᠊ᠢ ᠵᠠᠰᠠ
283ᠳᠠᠯᠠ᠂ ᠰᠠᠬᠤᠤ ᠡᠪᠡᠳᠴᠢᠨ ᠊ᠢ ᠵᠠᠰᠠᠬᠤ
ᠰᠠᠬᠤᠤ ᠡᠪᠡᠳᠴᠢᠨ ᠳ᠋ᠦ᠍ ᠬᠥᠬᠥᠯ ᠂ ᠫᠦᠷᠨᠠᠭ ᠤ᠋ᠨ ᠳᠠᠩ ᠊ᠢ ᠬᠠᠶᠠ ᠨᠢᠭᠡ ᠥᠭᠭᠦᠭᠡᠳ ᠰᠡᠭᠦᠯ ᠳ᠋ᠦ᠍ᠨᠢ ᠭᠠᠷᠤᠳᠢ —5 ᠤ᠋ ᠳᠡᠭᠡᠷᠡ ᠬᠤᠩᠯᠸᠨ ᠳ᠋ᠦ᠋ᠳᠽᠢᠯᠤᠮᠠ ᠂ ᠯᠢᠰᠢ ᠭᠤᠷᠪᠠ ᠶ᠋ᠢ ᠬᠤᠪᠢ ᠳᠠᠭᠱᠠ ᠨᠡᠮᠡᠭᠡᠳ᠂ ᠬᠤᠩᠯᠸᠨ ᠤ᠋ ᠳᠠᠩ ᠢ᠋ᠶ᠋ᠠᠷ ᠳᠠᠷᠤᠭᠤᠯᠪᠠᠰᠤ ᠰᠠᠬᠤᠤ ᠡᠪᠡᠳᠴᠢᠨ ᠡᠴᠡ ᠭᠡᠲᠦᠯᠭᠡᠬᠦ ᠰᠡᠵᠢᠭ ᠦᠭᠡᠢ ᠪᠣᠯᠠᠢ᠃ ᠵᠠᠯᠭᠢᠭᠤᠷ ᠬᠠᠪᠤᠳᠴᠤ ᠬᠠᠭᠠᠭᠳᠠᠪᠠᠰᠤ ᠼᠠᠯᠠ ᠶ᠋ᠢ ᠬᠡᠮᠡᠯᠢᠭᠦᠯᠪᠡᠯ ᠲᠤᠰᠠᠯᠠᠨᠠ ᠃ ᠡᠮ ᠢ᠋ᠶ᠋ᠡᠷ ᠡᠰᠡ ᠴᠢᠳᠠᠪᠠᠰᠤ ᠬᠠᠯᠠᠵᠠᠶ᠋ᠢᠲᠠᠪ ᠊ᠢ ᠥᠭ᠃
ᠳᠠᠯᠠᠨ ᠨᠢᠭᠡ᠂ ᠣᠬᠣᠷ ᠬᠠᠳᠬᠤᠯᠠᠭᠠ ᠶ᠋ᠢ ᠵᠠᠰᠠᠬᠤ
ᠣᠬᠣᠷ ᠬᠠᠳᠬᠤᠯᠠᠭᠠ ᠡᠪᠡᠳᠴᠢᠨ ᠳ᠋ᠦ᠍ ᠬᠠᠮᠢᠭᠠ ᠬᠠᠳᠬᠤᠯᠠᠭᠰᠠᠨ ᠭᠠᠵᠠᠷ ᠲᠤᠨᠢ ᠨᠦᠬᠡᠯᠡᠭᠰᠡᠨ ᠳᠠᠷᠤᠢ ᠭᠠᠯ ᠬᠤᠮᠬᠠ ᠶ᠋ᠢ ᠲᠠᠯᠪᠢᠪᠠᠰᠤ ᠬᠠᠳᠬᠤᠯᠠᠭᠠ ᠳᠠᠷᠤᠭᠳᠠᠮᠤᠢ᠃ ᠤᠤᠭᠤᠬᠤ ᠡᠮ᠄ ᠬᠠᠯᠠᠵᠠᠶ᠋ᠢᠲᠠᠪ ᠊ᠢ ᠮᠠᠨᠤ —4 ᠳᠠᠩ ᠢ᠋ᠶ᠋ᠠᠷ ᠣᠯᠠᠨᠲᠠ ᠥᠭᠪᠡᠰᠦ ᠮᠠᠭᠠᠳ ᠡᠳᠡᠭᠡᠷᠡᠮᠦᠢ ᠃ ᠢᠳᠡᠭᠡᠨ ᠳ᠋ᠦ᠍ ᠮᠢᠬᠠ᠂ ᠲᠣᠰᠣ ᠂ ᠳᠠᠪᠤᠰᠤ᠂ ᠰᠢᠬᠢᠷ ᠊ᠢ ᠮᠠᠰᠢ ᠴᠡᠭᠡᠷᠯᠡ᠃
ᠳᠠᠯᠠᠨ ᠬᠣᠶᠠᠷ᠂ ᠨᠢᠶᠠᠨ ᠴᠠᠩᠬᠠ ᠶ᠋ᠢ ᠵᠠᠰᠠᠬᠤ
ᠨᠢᠶᠠᠨ ᠴᠠᠩᠬᠠ ᠬᠡᠮᠡᠬᠦ ᠱᠠᠵᠠ ᠡᠪᠡᠳᠴᠢᠨ ᠳ᠋ᠦ᠍ ᠭᠠᠬᠠᠢ ᠶ᠋ᠢᠨ ᠬᠣᠷᠭᠣᠯ᠂ ᠪᠠᠷᠠᠭᠱᠦᠢ᠍ᠨ ᠂ ᠵᠠᠼᠤᠸᠠ ᠂ ᠪᠢᠪᠢᠯᠢᠩ᠂ ᠵᠢᠳᠠᠩᠭᠠ ᠂ ᠮᠠᠷᠤᠽᠢ᠂ ᠷᠦᠳᠠ ᠂ ᠵᠦᠷᠦᠷᠠ᠂ ᠮᠠᠨᠴᠢᠨ᠂ ᠠᠷᠤᠷᠠ ᠶ᠋ᠢ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ ᠨᠠᠶ᠋ᠢᠷᠠᠯᠭᠠ ᠪᠠᠷ ᠬᠣᠳᠣᠭᠣᠳᠣᠨ ᠱᠠᠵᠠ ᠡᠪᠡᠳᠴᠢᠨ ᠡᠴᠡ ᠭᠡᠲᠦᠯᠭᠡᠮᠦᠢ᠃
ᠳᠠᠯᠠᠨ ᠭᠤᠷᠪᠠ᠂ ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ ᠶ᠋ᠢ ᠵᠠᠰᠠᠬᠤ
ᠭᠡᠳᠡᠰᠦᠨ ᠬᠠᠳᠬᠤᠯᠠᠭᠠ ᠡᠪᠡᠳᠴᠢᠨ ᠳ᠋ᠦ᠍ ᠬᠠᠳᠠᠨ ᠭᠠᠷᠤᠳᠢ —13 ᠶ᠋ᠢ ᠴᠠᠭᠠᠨ ᠲᠤᠲᠤᠷᠭᠠᠨ ᠪᠤᠴᠠᠯᠭᠠᠭᠰᠠᠨ ᠱᠦᠮᠦᠰᠦ ᠪᠡᠷ ᠳᠠᠷᠤᠭᠤᠯᠪᠠᠰᠤ ᠡᠳᠡᠭᠡᠷᠡᠮᠦᠢ ᠂ ᠡᠰᠡ ᠴᠢᠳᠠᠪᠠᠰᠤ ᠳᠣᠭᠣᠯᠭᠠᠭᠰᠠᠨ ᠴᠢᠰᠤ ᠶ᠋ᠢ ᠨᠢ ᠬᠠᠭᠤᠷᠴᠤ ᠡᠮ ᠦ᠋ᠨ ᠳᠡᠭᠡᠷᠡ ᠨᠡᠮᠡᠭᠲᠦᠨ ᠃
ᠳᠠᠯᠠᠨ ᠳᠥᠷᠪᠡ᠂ ᠭᠠᠯ ᠨᠠᠮᠤᠰᠤ ᠶ᠋ᠢ ᠵᠠᠰᠠᠬᠤ
ᠭᠠᠯ ᠨᠠᠮᠤᠰᠤ ᠭᠠᠷᠪᠠᠰᠤ ᠪᠠᠷᠠᠭᠱᠦᠢ᠍ᠨ ᠂ ᠭᠣᠣᠵᠢᠯᠠ ᠶ᠋ᠢ ᠨᠠᠷᠢᠨ ᠲᠠᠯᠬᠠᠳᠠᠭᠠᠳ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤ᠌ ᠵᠢᠭᠤᠷᠠᠵᠤ ᠵᠤᠵᠠᠭᠠᠨ ᠰᠢᠪᠠ ᠃ ᠳᠣᠲᠣᠷ ᠠ᠋ᠴᠠ ᠭᠠᠷᠤᠳᠢ —5 ᠶ᠋ᠢ ᠬᠤᠪᠢ ᠲᠡᠭᠦᠯᠳᠡᠷ ᠢ᠋ᠶ᠋ᠡᠷ ᠣᠯᠠᠨᠲᠠ ᠥᠭᠪᠡᠰᠦ ᠴᠢᠳᠠᠮᠤᠢ ᠃ ᠰᠠᠢᠨ ᠠᠯᠲᠠᠨ ᠷᠢᠯᠦ ᠣᠯᠳᠠᠪᠠᠰᠤ ᠭᠤᠯᠢᠷ ᠳᠣᠲᠣᠷ ᠲᠠᠯᠪᠢᠵᠤ ᠨᠠᠭᠠ ᠃ ᠲᠡᠷᠡ ᠴᠦ᠍ ᠮᠠᠰᠢ ᠲᠤᠰᠠᠯᠠᠬᠤ ᠶ᠋ᠢ ᠠᠮᠲᠠᠯᠠᠨ ᠮᠡᠳᠡᠪᠡᠢ ᠃
ᠳᠠᠯᠠᠨ ᠲᠠᠪᠤ᠂ ᠪᠤᠯᠴᠢᠷᠬᠠᠢ ᠡᠪᠡᠳᠴᠢᠨ ᠊ᠢ ᠵᠠᠰᠠᠬᠤ
ᠪᠤᠯᠴᠢᠷᠬᠠᠢ ᠶ᠋ᠢᠨ ᠰᠢᠯᠲᠠᠭᠠᠨ ᠨᠢ ᠬᠡᠢ ᠴᠢᠰᠤ ᠬᠢᠮᠤᠷᠠᠭᠰᠠᠨ ᠠ᠋ᠴᠠ ᠭᠠᠷᠤᠮᠤᠢ᠃ ᠲᠠᠴᠢᠶᠠᠯ ᠶᠠᠪᠤᠳᠠᠯ ᠂ ᠬᠠᠲᠠᠭᠤ ᠪᠠᠷ ᠠᠯᠵᠢᠶᠠᠷᠠᠭᠰᠠᠨ ᠢ᠋ᠶ᠋ᠠᠷ ᠰᠢᠷᠠ ᠤᠰᠤ ᠪᠤᠯᠴᠢᠷᠬᠠᠢ ᠳ᠋ᠤ᠌ ᠬᠤᠶ᠋ᠢᠯᠠᠷᠠᠭᠰᠠᠨ ᠂ ᠡᠨᠡ ᠨᠢ ᠬᠡᠢ ᠶ᠋ᠢᠨ ᠡᠪᠡᠳᠴᠢᠨ ᠮᠥᠨ ᠃ ᠡᠮ ᠳ᠋ᠦ᠍ ᠄ ᠮᠠᠨᠴᠢᠨ᠂ ᠠᠷᠤᠷᠠ᠂ ᠮᠦᠽᠢ ᠂ ᠮᠥᠩᠭᠥᠨ ᠤᠰᠤ ᠳᠥᠷᠪᠡᠭᠦᠯᠡ ᠶ᠋ᠢ ᠬᠡᠢ ᠶ᠋ᠢᠨ ᠡᠮ ᠳᠡᠭᠡᠷᠡ ᠨᠡᠮᠡᠵᠦ ᠥᠭᠪᠡᠰᠦ ᠮᠠᠭᠠᠳ ᠴᠢᠳᠠᠮᠤᠢ ᠃
ᠳᠠᠯᠠᠨ ᠵᠢᠷᠭᠤᠭᠠ᠂ ᠪᠤᠯᠴᠢᠩ ᠤᠷᠪᠠᠬᠤ ᠶ᠋ᠢ ᠵᠠᠰᠠᠬᠤ
ᠪᠤᠯᠴᠢᠩ ᠤᠷᠪᠠᠬᠤ ᠡᠪᠡᠳᠴᠢᠨ ᠳ᠋ᠦ᠍ ᠭᠠᠷᠤᠳᠢ —5 ᠬᠤᠪᠢ ᠲᠡᠭᠦᠯᠳᠡᠷ ᠊ᠢ ᠨᠢᠭᠡ ᠠᠶᠠᠭᠠ ᠰᠢᠭᠡᠰᠦᠨ ᠳ᠋ᠦ᠍ ᠬᠠᠷᠠ ᠬᠥᠬᠥᠯ ᠊ᠢ ᠵᠢᠭᠤᠷᠠᠵᠤ ᠳᠠᠷᠤᠭᠤᠯ᠃ ᠠᠯᠢ ᠤᠷᠪᠠᠭᠰᠠᠨ ᠪᠤᠯᠴᠢᠩ ᠊ᠢ ᠵᠡᠭᠦᠦ ᠪᠡᠷ ᠨᠦᠬᠡᠯᠡᠵᠦ ᠴᠢᠰᠤ ᠭᠠᠷᠭᠠ ᠃ ᠡᠰᠡ ᠴᠢᠳᠠᠪᠠᠰᠤ ᠲᠤᠭᠤᠯᠭᠠ ᠶ᠋ᠢ ᠥᠭ ᠃ ᠪᠤᠯᠴᠢᠩ ᠊ᠢ ᠪᠣᠭᠣᠳᠠᠭ ᠢ᠋ᠶ᠋ᠠᠷ ᠪᠣᠭᠣᠭᠲᠤᠨ᠃
ᠳᠠᠯᠠᠨ ᠳᠣᠯᠣᠭᠠ᠂ ᠪᠣᠭᠣᠮᠠ ᠡᠪᠡᠳᠴᠢᠨ ᠊ᠢ ᠵᠠᠰᠠᠬᠤ
ᠪᠣᠭᠣᠮᠠ ᠬᠡᠮᠡᠬᠦ ᠭᠠᠵᠠᠷ ᠤ᠋ᠨ ᠶᠠᠷᠠ ᠭᠠᠷᠪᠠᠰᠤ ᠭᠣᠣᠵᠢᠯᠠ᠂ ᠪᠠᠷᠠᠭᠱᠦᠢ᠍ᠨ ᠂ ᠽᠢᠮᠪᠠ ᠂ ᠬᠣᠩ ᠹᠧᠩ ᠊ᠢ ᠨᠠᠶ᠋ᠢᠷᠠᠭᠤᠯᠵᠤ ᠰᠥᠷᠴᠢ ᠃ ᠳᠣᠲᠣᠷ ᠠ᠋ᠴᠠ ᠭᠠᠷᠤᠳᠢ —5 ᠤ᠋ ᠳᠡᠭᠡᠷᠡ ᠬᠠᠷᠠ ᠬᠥᠬᠥᠯ ᠨᠡᠮᠡᠵᠦ ᠣᠯᠠᠨᠲᠠ ᠦᠭᠪᠡᠯ ᠮᠠᠭᠠᠳ ᠲᠤᠰᠠᠯᠠᠮᠤᠢ ᠃ ᠢᠳᠡᠭᠡᠨ ᠳ᠋ᠦ᠍ ᠮᠠᠰᠢ ᠰᠢᠮᠡ ᠦᠭᠡᠢ ᠪᠡᠷ ᠢᠲᠡᠭᠲᠦᠨ ᠃
ᠳᠠᠯᠠᠨ ᠨᠠᠢ᠍ᠮᠠ᠂ ᠨᠢᠶᠠᠨ ᠴᠢᠬᠢᠭᠠ ᠶ᠋ᠢ ᠵᠠᠰᠠᠬᠤ
ᠨᠢᠶᠠᠨ ᠴᠢᠬᠢᠭᠠ ᠬᠡᠮᠡᠬᠦ ᠡᠪᠡᠳᠴᠢᠨ ᠢᠨᠤ ᠪᠡᠯᠭᠡ ᠶ᠋ᠢᠨ ᠪᠤᠵᠠᠷ᠂ ᠥᠷᠢ ᠲᠥᠯᠥᠭᠡᠰᠦ ᠡᠴᠡ ᠪᠣᠯᠤᠮᠤᠢ ᠃ ᠡᠭᠦᠨ ᠳ᠋ᠦ᠍ᠷ ᠬᠠᠷᠠ ᠬᠥᠬᠥᠯ ᠂ ᠳ᠋ᠣᠩᠷᠣᠢ ᠂ ᠸᠠᠯᠠ ᠂ ᠮᠦᠽᠢ ᠂ ᠼᠠᠯ ᠊ᠢ ᠰᠢᠭᠡᠰᠦᠨ ᠳ᠋ᠦ᠍ ᠵᠢᠭᠤᠷᠠᠵᠤ ᠰᠥᠷᠴᠢ ᠃ ᠨᠠᠭᠠᠯᠳᠤᠪᠠᠰᠤ ᠡᠨᠳᠡᠭᠦᠷᠡᠯ ᠦᠭᠡᠢ ᠮᠥᠨ ᠃ ᠤᠤᠭᠤᠬᠤ ᠡᠮ᠄ ᠭᠠᠷᠤᠳᠢ —5 ᠤ᠋ ᠳᠡᠭᠡᠷᠡ ᠮᠥᠩᠭᠥᠨ ᠤᠰᠤ᠂ ᠮᠦᠽᠢ ᠂ ᠼᠠᠯᠭᠠᠷ ᠊ᠢ ᠨᠡᠮᠡᠵᠦ ᠥᠭ ᠃ ᠰᠦᠷᠴᠢᠬᠦ ᠡᠮ᠄ ᠪᠣᠶ᠋ᠢᠭᠠᠷ ᠂ ᠳ᠋ᠣᠮᠷᡁᠢ ᠂ ᠵᠡᠰ ᠦ᠋ᠨ ᠵᠢᠪᠡ᠂ ᠸᠠᠯᠠ ᠂ ᠭᠠ᠂ ᠪᠢᠪᠢᠯᠢᠩ᠂ ᠪᠦᠯᠲᠦᠬ ᠂ ᠳ᠋ᠣᠩᠷᠣᠢ ᠶ᠋ᠢ ᠨᠠᠶ᠋ᠢᠷᠠᠭᠤᠯᠤᠨ ᠭᠠᠬᠠᠢ ᠶ᠋ᠢᠨ ᠥᠭᠡᠬᠦ᠂ ᠪᠠᠯ ᠳ᠋ᠤ᠌ ᠨᠠᠶ᠋ᠢᠷᠠᠭᠤᠯᠵᠤ ᠰᠣᠯᠢᠯᠴᠠᠭᠤᠯᠤᠨ ᠰᠥᠷᠴᠢ ᠃
ᠬᠥᠮᠦᠨ ᠦ᠌ ᠶᠠᠰᠤ᠂ ᠵᠢᠭᠠᠰᠤᠨ ᠮᠢᠬᠠ᠂ ᠷᠸᠵᠠᠭ ᠂ ᠳ᠋ᠠᠭᠱᠠ᠂ ᠨᠣᠬᠠᠢ ᠶ᠋ᠢᠨ ᠶᠠᠰᠤ᠂ ᠵᠣᠩᠰᠢ᠂ ᠲᠠᠷᠨᠤ᠂ ᠳ᠋ᠤᠤᠵᠠ ᠂ ᠨᠤᠭᠤᠳ ᠊ᠢ ᠪᠠᠶ᠋ᠢᠬᠤ ᠪᠦᠬᠦᠨ ᠊ᠢ ᠨᠡᠮᠡᠭᠡᠳ ᠲᠠᠪᠤᠨ ᠷᠠᠰᠢᠶᠠᠨ ᠤ᠋ ᠳᠡᠪᠲᠦᠭᠡᠯᠭᠡ ᠶ᠋ᠢ ᠰᠢᠲᠦᠭᠦᠯ᠂ ᠡᠰᠡ ᠡᠳᠡᠭᠡᠷᠡᠪᠡᠰᠦ ᠲᠤᠤᠹᠢᠯᠢᠩ ᠊ᠢ ᠰᠢᠲᠦᠭᠦᠯᠪᠡᠰᠦ ᠲᠤᠰᠠᠯᠠᠮᠤᠢ ᠃
ᠳᠠᠯᠠ ᠶᠢᠰᠦ᠂ ᠮᠤᠰᠬᠢᠯᠵᠠᠨ ᠰᠢᠯᠢ ᠲᠠᠲᠠᠬᠤ ᠡᠪᠡᠳᠴᠢᠨ ᠊ᠢ ᠵᠠᠰᠠᠬᠤ
ᠮᠤᠰᠬᠢᠯᠵᠠᠨ ᠰᠢᠯᠢ ᠲᠠᠲᠠᠬᠤ ᠡᠪᠡᠳᠴᠢᠨ ᠳ᠋ᠦ᠍ ᠭᠠᠷᠤᠳᠢ —5 ᠤ᠋ ᠳᠡᠭᠡᠷᠡ ᠫᠠᠭᠷᠢᠯ ᠂ ᠵᠠᠵᠢᠭ ᠂ ᠬᠠᠷᠠ ᠬᠥᠬᠥᠯ ᠂ ᠽᠠᠳᠢ ᠶ᠋ᠢ ᠨᠡᠮᠡ᠃ ᠡᠭᠦᠨ ᠊ᠢ ᠵᠠᠰᠠᠵᠤ ᠴᠢᠳᠠᠬᠤ ᠪᠣᠯᠠᠢ᠃ ᠡᠰᠡ ᠴᠢᠳᠠᠪᠠᠰᠤ ᠲᠤᠭᠤᠯᠭᠠ ᠪᠠᠷ ᠠᠷᠢᠯᠭᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠦᠯᠵᠡᠶ᠋ᠢᠪᠠᠭᠠᠲᠤᠷ
ᠬᠢᠨᠠᠭᠰᠠᠨ ᠨᠢ᠄ ᠣᠤᠠᠬᠠᠨᠰᠣᠠ ᠂ ᠱᠠᠭᠰᠠᠯ