ᠣᠩᠭᠣᠨ ᠪᠠᠶ᠋ᠢᠭᠠᠯᠢ ᠪᠠᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤ - ᠦ ᠂ ᠪᠣᠷᠣᠭᠠᠨ Онгон байгалиа хайрлаж яв - Ө ᠂ Бороон
782ᠣᠩᠭᠣᠨ ᠪᠠᠶ᠋ᠢᠭᠠᠯᠢ ᠪᠠᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤ
ᠦ᠂ ᠪᠣᠷᠣᠭᠠᠨ
ᠦᠷᠡ ᠬᠣᠶ᠋ᠢᠴᠢᠰ ᠊ᠢ ᠴᠢᠨᠢ
ᠥᠯᠥᠭᠡᠶ᠋ᠢᠲᠡᠵᠦ ᠪᠠᠶ᠋ᠢᠲᠠᠭ ᠪᠣᠯᠬᠣᠷ
ᠣᠩᠭᠣᠨ ᠳᠠᠷᠬᠠᠨ ᠪᠠᠶ᠋ᠢᠭᠠᠯᠢ ᠪᠠᠨ
ᠵᠠᠯᠠᠭᠤ ᠨᠠᠰᠤ ᠰᠢᠭ᠋ ᠶ᠋ᠢᠡᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤ !
ᠪᠠᠶᠠᠨ ᠲᠠᠩᠰᠤᠭ ᠠᠮᠢᠲᠤᠷᠠᠯ ᠊ᠢ ᠴᠢᠨᠢ
ᠤᠮᠲᠠᠯᠠᠵᠤ ᠪᠠᠶ᠋ᠢᠲᠠᠭ ᠪᠣᠯᠬᠣᠷ
ᠪᠠᠶ᠋ᠢᠭᠠᠯᠢ ᠡᠬᠡ ᠳᠡᠯᠡᠬᠡᠢ ᠪᠡᠨ
ᠤᠷᠠ ᠤᠬᠠᠭᠠᠨ ᠳ᠋ᠠᠭᠠᠨ ᠰᠢᠲᠦᠵᠦ ᠶᠠᠪᠤ !
ᠨᠡᠭᠦᠲᠡᠯ ᠰᠣᠶᠣᠯ ᠦ᠋ᠨ ᠭᠣᠯᠣᠮᠲᠠ ᠶ᠋ᠢ ᠴᠢᠨᠢ
ᠮᠠᠨᠲᠤᠭᠤᠯᠵᠤ ᠪᠠᠶ᠋ᠢᠲᠠᠭ ᠪᠣᠯᠬᠣᠷ
ᠨᠡᠯᠦᠭᠡᠷ ᠠᠭᠤᠲᠠᠮ ᠨᠤᠲᠤᠭ ᠶ᠋ᠢᠠᠨ
ᠮᠠᠭᠲᠠᠭᠠᠯ ᠢᠷᠥᠭᠡᠯ ᠶ᠋ᠢᠡᠷ ᠮᠢᠯᠢᠶᠠᠵᠤ ᠶᠠᠪᠤ !
ᠠᠮᠢ ᠲᠠᠢ ᠪᠦᠬᠦᠨ ᠊ᠢ ᠴᠢᠨᠢ
ᠤᠮᠲᠠᠯᠠᠵᠤ ᠪᠠᠶ᠋ᠢᠲᠠᠭ ᠪᠣᠯᠬᠣᠷ
ᠷᠠᠰᠢᠶᠠᠨ ᠪᠤᠯᠠᠭ ᠤᠰᠤ ᠪᠠᠨ
ᠣᠭ᠌ᠶᠣᠨ ᠨᠣᠮᠢᠨ ᠰᠢᠭ᠋ ᠬᠠᠮᠠᠭᠠᠯᠠᠵᠤ ᠶᠠᠪᠤ !
ᠳᠡᠭᠡᠳᠦᠰ ᠦ᠋ᠨ ᠠᠷᠢᠭᠤᠨ ᠪᠤᠶᠠᠨ ᠴᠢᠨᠢ
ᠳᠡᠯᠭᠡᠷᠡᠵᠦ ᠪᠠᠶ᠋ᠢᠲᠠᠭ ᠪᠣᠯᠬᠣᠷ
ᠳᠡᠯᠭᠡᠷ ᠮᠣᠩᠭᠣᠯ ᠬᠥᠲᠡᠭᠡ ᠪᠡᠨ
ᠳᠡᠪᠡᠯ ᠲᠡᠷᠯᠢᠭ ᠰᠢᠭ᠌ ᠶ᠋ᠢᠡᠨ ᠭᠣᠶᠣᠯᠠᠵᠤ ᠶᠠᠪᠤ !
ᠬᠡᠶ᠋ᠢᠮᠣᠷᠢ ᠰᠦᠯᠲᠡ ᠶ᠋ᠢ ᠴᠢᠨᠢ
ᠡᠷᠭᠦᠵᠦ ᠪᠠᠶ᠋ᠢᠲᠠᠭ ᠪᠣᠯᠬᠣᠷ
ᠬᠢᠩᠬ᠋ᠠ ᠨᠢᠷᠤᠭᠤ ᠬᠠᠶ᠋ᠢᠷᠬᠠᠨ ᠶ᠋ᠢᠠᠨ
ᠡᠷᠭᠦᠯ ᠮᠥᠷᠭᠥᠯ ᠶ᠋ᠢᠡᠷ ᠠᠷᠭᠠᠲᠠᠵᠤ ᠶᠠᠪᠤ !
2023 ᠣᠨ ᠪ 5 ᠰᠠᠷᠠ ᠶ᠋ᠢᠨ31
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠤᠠᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠯᠢᠶᠠᠩ ᠵᠢᠨ ᠬᠤᠸᠠ