ᠪᠠᠶᠠᠨ ᠬᠣᠶᠠᠷ ᠡᠭᠡᠴᠢ - ᠨᠢᠮᠠ Баян хоёр эгч - Ням
217ᠪᠠᠶᠠᠨ ᠬᠣᠶᠠᠷ ᠡᠭᠡᠴᠢ
ᠮᠢᠨᠦ ᠡᠭᠡᠴᠢ ᠰᠠᠮᠠᠭᠠ ᠭᠡᠵᠦ ᠰᠠᠷᠠ ᠲᠠᠢ ᠬᠣᠶᠠᠭᠤᠯᠠ ᠲᠠᠨᠢᠯ ᠂ ᠰᠦᠷᠦᠭ ᠳᠠᠭᠠᠭᠠᠴᠢᠯᠠᠭᠰᠠᠨ ᠰᠦᠷᠡᠬᠡᠢ ᠬᠣᠶᠠᠷ ᠬᠡᠦᠬᠡᠨ ᠳᠡ ᠃
ᠠᠵᠢᠯᠰᠠᠭ ᠭᠡᠳᠡᠭ ᠢ᠋ ᠨᠢ ᠠᠢᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠦᠷ ᠮᠡᠳᠡᠨᠡ ᠃
ᠬᠣᠲᠠ ᠪᠠᠨ ᠴᠢᠭᠯᠡᠭᠡᠳ ᠰᠠᠷᠠ ᠡᠭᠡᠴᠢ ᠶ᠋ᠢ ᠪᠤᠴᠠᠬᠤ ᠳ᠋ᠤ᠌᠂
ᠬᠣᠨᠢᠳ ᠢ᠋ᠶ᠋ᠠᠨ ᠲᠠᠭᠤᠭᠠᠳ ᠮᠢᠨᠦ ᠡᠭᠡᠴᠢ ᠭᠠᠷᠳᠠᠭ ᠶᠤᠮ ᠃
ᠬᠣᠶᠠᠭᠤᠯᠠ ᠲᠡᠭᠡᠭᠡᠳ ᠠᠭᠤᠯᠠᠨ ᠪᠠᠷᠠᠭᠤᠨᠲᠠᠢ ᠪᠠᠷᠠ ᠪᠠᠷᠠ ᠪᠠᠨ ᠠᠪᠤᠯᠴᠠᠭᠠᠳ ᠂
ᠬᠣᠯᠠ ᠭᠠᠷᠲᠠᠯᠠ ᠪᠡᠶᠡ ᠪᠡᠶᠡ ᠪᠡᠨ ᠬᠠᠷᠠᠳᠠᠭ ᠭᠡᠨᠡ ᠰᠢᠦ ᠃
ᠦᠳᠡᠰᠢ ᠪᠣᠯᠪᠠᠯ ᠰᠠᠷᠠ ᠡᠭᠡᠴᠢ ᠰᠦᠷᠦᠭ ᠢ᠋ᠶ᠋ᠡᠨ ᠳᠠᠭᠠᠭᠠᠳ ᠪᠡᠯᠴᠢᠭᠡᠷ ᠲᠦ᠍ ᠭᠠᠷᠬᠤ ᠳ᠋ᠤ᠌ ᠂ ᠲᠠᠷᠬᠠᠭᠰᠠᠨ ᠰᠦᠷᠦᠭ ᠦ᠋ᠨ ᠬᠢᠨᠢ ᠲᠣᠭᠠ ᠶ᠋ᠢ ᠠᠪᠤᠨᠠ ᠭᠡᠳ ᠡᠭᠡᠴᠢ ᠪᠢᠳᠡ ᠬᠣᠶᠠᠷ ᠮᠤᠩᠭᠠᠨᠢᠳᠠᠭ ᠶᠤᠮ ᠃
ᠲᠦᠮᠡ ᠪᠣᠮᠠ ᠪᠠᠷ ᠲᠣᠭᠠᠯᠠᠳᠠᠭ ᠂ ᠲᠣᠭᠠᠯᠠᠭᠠᠳ ᠪᠠᠰᠠ ᠶᠠᠳᠠᠷᠠᠴᠢᠳᠠᠭ ᠃
《 ᠲᠡᠭᠷᠢ ᠶ᠋ᠢᠨ ᠪᠠᠶᠠᠨ ᠬᠡᠦᠬᠡᠨ !》 ᠭᠡᠵᠦ ᠡᠵᠢ ᠮᠢᠨᠢ ᠴᠠᠭᠠᠨᠠ ᠠ᠋ᠴᠠ ᠢᠨᠢᠶᠡᠳᠡᠭ ᠃
ᠲᠦᠷᠦᠭᠦᠨ ᠳ᠋ᠦ᠍ ᠪᠠᠶᠠᠵᠢᠭᠰᠠᠨ ᠡᠷᠦᠬᠡ ᠭᠡᠵᠦ ᠰᠤᠮᠤ ᠳᠠᠶᠠᠭᠠᠷ ᠰᠣᠩᠭᠣᠬᠤ ᠳ᠋ᠤ᠌ ᠂ ᠲᠡᠷᠢᠭᠦᠨ ᠦ᠌ ᠨᠡᠷᠡᠰ ᠲᠦ᠍ ᠮᠢᠨᠦ ᠡᠭᠡᠴᠢ ᠰᠠᠮᠠᠭᠠ ᠣᠷᠣᠯᠠ ᠃
ᠡᠩᠭᠡᠷ ᠲᠡᠭᠡᠨ ᠬᠤᠸᠠᠷ ᠲᠠᠢ ᠂ ᠦᠨᠡᠮᠯᠡᠯ ᠦ᠋ᠨ ᠲᠡᠮᠳᠡᠭ ᠲᠡᠢ ᠢᠷᠡᠯᠡ ᠃ ᠦᠵᠡᠭᠡᠳ ᠪᠢ ᠪᠠᠶᠠᠷᠯᠠᠬᠤ ᠳ᠋ᠠᠭᠠᠨ᠄
《 ᠰᠠᠨᠰᠠᠷ ᠤ᠋ᠨ ᠭᠣᠣᠯ ᠳ᠋ᠠᠭᠠᠨ ᠰᠠᠷᠠ ᠪᠠᠶᠠᠨ
ᠰᠠᠢᠷ ᠤ᠋ᠨ ᠭᠣᠣᠯ ᠳ᠋ᠠᠭᠠᠨ ᠰᠠᠮᠠᠭᠠ ᠪᠠᠶᠠᠨ 》 ᠭᠡᠵᠡᠢ᠃
ᠡᠭᠡᠴᠢ ᠶ᠋ᠢᠨ ᠢ᠋ᠶ᠋ᠡᠨ ᠵᠡᠭᠦᠭᠰᠡᠨ ᠤᠯᠠᠭᠠᠨ ᠬᠤᠸᠠᠷ ᠢ᠋ ᠦᠵᠡᠭᠰᠡᠨ ᠡᠴᠡ ᠯᠡ ᠠᠪᠤᠭᠠᠳ᠂
《 ᠥᠨᠢᠷ ᠰᠦᠷᠦᠭ ᠲᠡᠢ ᠰᠠᠷᠠ ᠡᠭᠡᠴᠢ ᠶ᠋ᠢ ᠬᠡᠨ ᠶᠠᠭᠤ ᠪᠠᠷ ᠱᠠᠩᠨᠠᠳᠠᠭ ᠪᠣᠯ ᠠ᠋ !》 ᠭᠡᠵᠦ ᠪᠣᠳᠣᠳᠠᠭ ᠴᠤ᠌ ᠪᠣᠯᠤᠯᠠ ᠂ ᠬᠠᠷᠠᠳᠠᠭ ᠴᠤ᠌ ᠪᠣᠯᠤᠯᠠ ᠁