ᠴᠠᠭ ᠤᠨ ᠤᠷᠤᠰᠬᠠᠯ ᠳᠤ – ᠨᠢᠮᠠ Цагийн урсгалд – Ням
244ᠴᠠᠭ ᠤᠨ ᠤᠷᠤᠰᠬᠠᠯ ᠳᠤ
ᠬᠣᠴᠣᠷᠭᠠᠵᠤ ᠳᠡᠢᠯᠬᠦ ᠦᠭᠡᠢ ᠣᠨ ᠵᠢᠯ ᠦ᠋ᠨ ᠬᠣᠢᠨᠠ ᠠ᠋ᠴᠠ ᠪᠢ ᠂
ᠬᠣᠪ ᠬᠣᠭᠣᠰᠣᠨ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠨ ᠰᠠᠷᠪᠠᠢᠭᠰᠠᠨ ᠬᠡᠪ ᠢ᠋ᠶ᠋ᠡᠷ ᠮᠡᠯᠡᠷᠡᠵᠦ ᠵᠣᠭᠰᠣᠨᠠ ᠃
ᠬᠡᠴᠢᠨᠡᠨ ᠴᠦ᠍ ᠶᠠᠭᠤᠮᠠ ᠶ᠋ᠢ ᠠᠯᠳᠠᠪᠠ ᠳᠠ ? ᠭᠡᠵᠦ ᠰᠠᠨᠠᠮᠠᠭᠴᠠ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠤᠨᠠᠬᠤ ᠶᠤᠮ ᠃
ᠴᠠᠭ ᠭᠡᠵᠦ ᠲᠡᠢᠮᠦ ᠯᠠ ᠬᠦᠢᠲᠡᠨ ᠵᠢᠷᠦᠬᠡ ᠲᠠᠢ ᠤᠤ ?
ᠤᠬᠢᠯᠠᠵᠤ ᠵᠣᠭᠰᠣᠭᠰᠠᠨ ᠮᠢᠨᠦ ᠳᠡᠷᠳᠡᠭᠡᠭᠦᠷ ᠬᠠᠷᠠᠵᠤ ᠦᠵᠡᠬᠦ ᠴᠦ᠍ ᠦᠭᠡᠢ ᠥᠩᠭᠡᠷᠡᠵᠦ ᠯᠡ ᠪᠠᠢᠯᠠ ᠁
ᠶᠠᠭᠠᠬᠢᠵᠤ ᠭᠡᠮᠰᠢᠪᠡᠴᠦ ᠶᠠᠮᠠᠷ ᠲᠤᠰᠠ ᠪᠠᠢᠬᠤ ᠪᠣᠢ ?
ᠶᠠᠪᠤᠭᠰᠠᠨ ᠴᠠᠭ ᠢ᠋ ᠡᠢᠵᠦ ᠬᠠᠷᠠᠪᠠᠴᠤ ᠡᠷᠭᠢᠵᠦ ᠨᠠᠳᠠ ᠢᠷᠡᠬᠦ ᠦᠭᠡᠢ ᠃
ᠡᠷᠳᠡᠨᠢ ᠰᠤᠪᠤᠳ ᠢ᠋ ᠠᠯᠠᠭᠠᠨ ᠳ᠋ᠤ᠌ ᠠᠪᠴᠢᠷᠠᠵᠤ ᠲᠠᠯᠪᠢᠵᠤ ᠥᠭᠬᠦ ᠦᠭᠡᠢ ᠃
ᠢᠩᠭᠢᠬᠦ ᠪᠡᠷ ᠬᠠᠷᠢᠨ ᠢᠷᠡᠬᠦ ᠴᠠᠭ ᠤ᠋ᠨ ᠤᠷᠤᠰᠬᠠᠯ ᠢ᠋ ᠵᠠᠪᠳᠤᠵᠤ ᠣᠩᠭᠣᠴᠠ ᠪᠠᠨ ᠪᠤᠰᠢᠭᠤ ᠲᠠᠯᠪᠢᠶᠠ ᠃ ᠲᠡᠭᠡᠭᠡᠳ ᠪᠢ ᠵᠣᠭᠰᠣᠭᠰᠠᠨ ᠲᠡᠷᠡ ᠣᠷᠣᠨ ᠠ᠋ᠴᠠ ᠪᠠᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠨ ᠪᠤᠴᠠᠪᠠ ᠃
ᠴᠠᠭ ᠭᠡᠵᠦ ᠲᠡᠢᠮᠦ ᠬᠦᠢᠲᠡᠨ ᠵᠢᠷᠦᠬᠡ ᠦᠭᠡᠢ ᠃
ᠲᠡᠪᠡᠷᠢᠵᠦ ᠠᠪᠤᠭᠠᠳ ᠨᠠᠮᠠᠶ᠋ᠢ ᠬᠠᠷᠢᠨ ᠦᠨᠦᠰᠴᠦ ᠢᠷᠡᠯᠡ ᠃
ᠬᠠᠯᠠᠭᠤᠨ ᠬᠣᠰᠢᠭᠤ ᠨᠢ ᠰᠡᠳᠬᠢᠯ ᠦ᠋ᠨ ᠭᠠᠯ ᠢ᠋ ᠬᠥᠭᠵᠢᠭᠡᠵᠦ ᠪᠠᠢᠯᠠ ᠁
ᠴᠠᠭ ᠤ᠋ᠨ ᠤᠷᠤᠰᠬᠠᠯ ᠢ᠋ ᠠᠮᠵᠢᠭᠠᠳ ᠠᠶᠠᠨ ᠳ᠋ᠠᠭᠠᠨ ᠣᠷᠣᠪᠠ ᠃
ᠡᠯᠭᠦᠭᠰᠡᠨ ᠳᠠᠷᠪᠠᠭᠤᠯ ᠳ᠋ᠤ᠌ ᠴᠤ᠌ ᠰᠠᠯᠬᠢ ᠳᠦᠭᠦᠷᠪᠡ ᠃
ᠵᠠᠯᠠᠭᠰᠠᠨ ᠵᠦᠭ ᠲᠡᠭᠡᠨ ᠲᠣᠣᠷ ᠬᠠᠶᠠᠨ ᠶᠠᠪᠤᠵᠤ ᠯᠠ ᠪᠠᠢᠪᠠᠯ ᠂ ᠠᠯᠳᠠᠭᠰᠠᠨ ᠠ᠋ᠴᠠ ᠪᠠᠨ ᠢᠯᠡᠭᠦᠦ ᠰᠠᠢᠬᠠᠨ ᠶᠠᠭᠤᠮᠠ ᠨᠤᠭᠤᠳ ᠊ᠢ ᠱᠦᠭᠦᠵᠦ ᠯᠠᠪ ᠣᠯᠬᠤ ᠪᠣᠢ !