《ᠵᠠᠩᠭᠠᠷ》 ᠊ᠤᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠊ᠤᠨ ᠮᠠᠭᠲᠠᠭᠠᠯЖангарын арван хоёр баатрын магтаал
14617《ᠵᠠᠩᠭᠠᠷ》 ᠊ᠤᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠊ᠤᠨ ᠮᠠᠭᠲᠠᠭᠠᠯ
ᠬᠠᠷᠭᠠᠢ ᠯᠠ ᠮᠣᠳᠣᠨ ᠲᠣᠪᠰᠢᠭᠤᠷ ᠴᠢᠨᠢ
ᠬᠠᠩᠭᠢᠨᠠᠳᠠᠭ ᠲᠠᠭᠠᠨ ᠣᠷᠣᠪᠠ ᠭᠡᠨᠡ ᠯᠠᠢ
ᠬᠠᠷᠠ ᠤᠯᠠᠭᠠᠨ ᠮᠣᠩᠭᠣᠯ ᠴᠢᠨᠢ
ᠬᠠᠢᠯᠠᠳᠠᠭ ᠲᠠᠭᠠᠨ ᠣᠷᠣᠪᠠ ᠭᠡᠨᠡ ᠯᠠᠢ
ᠰᠣᠨᠣᠷ ᠲᠠᠢ ᠯᠠ ᠬᠣᠶᠠᠷ ᠴᠢᠬᠢᠨ ᠳ᠋ᠡᠭᠡᠨ
ᠰᠣᠨᠣᠰᠤᠭᠠᠳ ᠯᠠ ᠠᠪᠤᠭᠲᠤᠨ
ᠲᠤᠩᠭᠠᠯᠠᠭ ᠰᠠᠢᠬᠠᠨ ᠤᠬᠠᠭᠠᠨ ᠳ᠋ᠠᠭᠠᠨ
ᠲᠤᠩᠭᠠᠭᠠᠳ ᠯᠠ ᠠᠪᠤᠭᠲᠤᠨ
ᠲᠣᠭᠲᠠᠭᠠᠳ ᠯᠠ ᠠᠪᠤᠭᠲᠤᠨ!
ᠵᠠ ᠬᠡᠵᠢᠶᠡᠨᠡᠢ ᠴᠠᠭ ᠲᠤ᠌ ᠪᠣᠯᠬᠤᠯᠠ
ᠭᠠᠳᠠᠭᠠᠳᠤ ᠳᠠᠯᠠᠢ ᠭᠡᠳᠡᠭ ᠴᠢᠨᠢ
ᠱᠠᠯᠴᠢᠭ ᠪᠠᠢᠭᠰᠠᠨ ᠴᠠᠭ ᠲᠤ᠌ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠭᠠᠯᠪᠠᠷ ᠽᠠᠨᠳᠠᠨ ᠮᠣᠳᠣᠨ ᠴᠢᠨᠢ
ᠪᠤᠷᠠᠭᠠ ᠪᠠᠢᠭᠰᠠᠨ ᠴᠠᠭ ᠲᠤ᠌ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠲᠠᠬᠢᠯ ᠵᠤᠯᠠ ᠬᠠᠭᠠᠨ ᠤ᠋ ᠵᠢᠴᠢ
ᠲᠠᠩᠰᠤᠭ ᠪᠤᠮᠪᠠ ᠬᠠᠭᠠᠨ ᠤ᠋ ᠠᠴᠢ
ᠥᠵᠥᠩ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠦᠶᠡ ᠶ᠋ᠢᠨ ᠥᠨᠥᠴᠢᠨ ᠪᠣᠭᠳᠠ ᠨᠣᠶᠠᠨ ᠵᠠᠩᠭᠠᠷ ᠭᠡᠳᠡᠭ
ᠬᠠᠭᠠᠨ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠵᠠ ᠠᠯᠳᠠᠷ ᠨᠣᠶᠠᠨ ᠵᠠᠩᠭᠠᠷ ᠬᠠᠭᠠᠨ ᠤ᠋
ᠠᠬᠠᠯᠠᠭᠠᠳ ᠲᠥᠷᠥᠭᠰᠡᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠢ᠋ ᠴᠢᠨᠢ
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠠᠷᠽᠠ ᠶ᠋ᠢᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠢ᠋
ᠠᠯᠠᠭ ᠨᠢᠳᠦᠨ ᠦ᠌ ᠡᠷᠭᠢᠴᠡ ᠪᠡᠷ ᠪᠠᠢᠯᠭᠠᠳᠠᠭ
ᠠᠷᠤ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠤ᠋
ᠠᠷᠰᠯᠠᠨ ᠤ᠋ ( ᠠᠷᠰᠯᠠᠩ ᠤ᠋ᠨ ) ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠵᠠ ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠤ᠋ᠨ ᠴᠢᠨᠢ ᠳᠠᠷᠠᠭᠠ ᠰᠠᠭᠤᠳᠠᠭ
ᠪᠠᠭᠠᠲᠤᠷ ᠢ᠋ ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠲᠠᠪᠤᠨ ᠨᠤᠲᠤᠭ ᠤ᠋ᠨ ᠠᠮᠢᠲᠠᠨ ᠢ᠋ ᠭᠠᠢᠬᠠᠭᠤᠯᠤᠨ ᠬᠡᠯᠡᠳᠡᠭ
ᠲᠠᠩᠨᠠᠢ ᠶ᠋ᠢᠨ ᠲᠠᠪᠤᠨ ᠰᠤᠳᠠᠰᠤ ᠶ᠋ᠢ ᠲᠠᠰᠤᠷᠠᠲᠠᠯᠠ ᠨᠢ ᠬᠡᠯᠡᠳᠡᠭ
ᠲᠠᠪᠤᠨ ᠲᠢᠪ ᠦ᠋ᠨ ᠳᠣᠲᠣᠷᠠ ᠳᠠᠢᠰᠤᠨ ᠦᠭᠡᠢ ᠬᠡᠯᠡᠳᠡᠭ
ᠲᠠᠩᠰᠤᠭ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠲᠠᠰᠤᠷᠬᠠᠢ ᠬᠡᠯᠡᠳᠡᠭ
ᠳᠠᠶᠠᠩ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠲᠠᠪᠠᠲᠠᠢ ᠬᠡᠯᠡᠮᠦᠷᠢᠴᠢ ᠬᠡ ᠵᠢᠯᠭᠠᠨ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠡᠢ
ᠵᠠ ᠲᠠᠪᠠᠲᠠᠢ ᠬᠡᠯᠡᠮᠦᠷᠢᠴᠢ ᠬᠡ ᠵᠢᠯᠭᠠᠨ ᠤ᠋ ᠴᠢᠨᠢ
ᠳᠠᠷᠠᠭᠠ ᠰᠠᠭᠤᠳᠠᠭ ᠪᠠᠭᠠᠲᠤᠷ ᠢ᠋
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠢᠷᠡᠭᠡᠳ ᠦᠭᠡᠢ ᠶᠡᠷᠡᠨ ᠶᠢᠰᠦᠨ ᠵᠢᠯ ᠢ᠋
ᠠᠢᠯᠠᠳᠤᠭᠠᠳ ᠮᠡᠳᠡᠭᠡᠳ ᠰᠠᠭᠤᠭᠠᠳ ᠪᠠᠢᠳᠠᠭ
ᠥᠩᠭᠡᠷᠡᠭᠰᠡᠨ ᠶᠡᠷᠡᠨ ᠶᠢᠰᠦᠨ ᠵᠢᠯ ᠢ᠋
ᠮᠠᠷᠲᠠᠯ ᠦᠭᠡᠢ ᠲᠣᠭᠠᠴᠢᠭᠠᠳ ᠬᠡᠯᠡᠭᠡᠳ ᠪᠠᠢᠳᠠᠭ
ᠪᠣᠭᠳᠠ ᠨᠣᠶᠠᠨ ᠵᠠᠩᠭᠠᠷ ᠤ᠋ᠨ ᠴᠢᠨᠢ ᠵᠥᠪᠯᠡᠭᠴᠢ
ᠪᠠᠶᠠᠨ ᠵᠦᠩ ᠦ᠋ᠨ ᠠᠯᠲᠠᠨ ᠴᠡᠭᠡᠵᠢ ᠪᠠᠪᠠ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠵᠠ ᠠᠯᠲᠠᠨ ᠴᠡᠭᠡᠵᠢ ᠪᠠᠪᠠ ᠶ᠋ᠢᠨ ᠴᠢᠨᠢ ᠳᠠᠷᠠᠭᠠ ᠰᠠᠭᠤᠳᠠᠭ
ᠪᠠᠭᠠᠲᠤᠷ ᠢ᠋ ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠬᠤᠮᠢᠵᠤ ᠴᠣᠬᠢᠭᠰᠠᠨ ᠭᠠᠵᠠᠷ ᠨᠢ
ᠬᠣᠷᠢᠨ ᠲᠠᠪᠤᠨ ᠵᠢᠯ ᠳ᠋ᠦ᠍ ᠪᠦᠲᠦᠳᠡᠭ ᠦᠭᠡᠢ
ᠲᠠᠯᠪᠢᠭᠠᠳ ᠴᠣᠬᠢᠭᠰᠠᠨ ᠭᠠᠵᠠᠷ ᠨᠢ
ᠲᠠᠪᠢᠨ ᠲᠠᠪᠤᠨ ᠵᠢᠯ ᠳ᠋ᠦ᠍ ᠪᠦᠲᠦᠳᠡᠭ ᠦᠭᠡᠢ
ᠪᠠᠭᠠᠲᠤᠷ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠳ᠋ᠠᠭᠠᠨ
ᠢᠯᠳᠦ ᠪᠡᠷ ᠢ᠋ᠶ᠋ᠡᠨ ᠲᠤᠭᠤᠷᠠᠭᠰᠠᠨ
ᠬᠦᠢᠲᠡᠨ ᠬᠥᠬᠡ ᠴᠢᠯᠠᠭᠤᠨ ᠵᠢᠷᠦᠬᠡ ᠲᠡᠢ
ᠬᠥᠮᠦᠨ ᠦ᠌ ᠨᠠᠴᠢᠨ ᠬᠦᠨᠳᠦ ᠭᠠᠷ ᠲᠠᠢ ᠰᠠᠪᠠᠷ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠵᠠ ᠬᠦᠨᠳᠦ ᠭᠠᠷ ᠲᠠᠢ ᠰᠠᠪᠠᠷ ᠤ᠋ᠨ ᠴᠢᠨᠢ
ᠳᠠᠷᠠᠭᠠ ᠰᠠᠭᠤᠳᠠᠭ ᠪᠠᠭᠠᠲᠤᠷ ᠢ᠋
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠴᠤᠤᠷᠢᠶᠠ ᠰᠠᠢᠬᠠᠨ ᠬᠣᠭᠣᠯᠠᠢ ᠲᠠᠢ
ᠴᠣᠪᠣᠭᠣ ᠰᠠᠢᠬᠠᠨ ᠵᠢᠰᠦ ᠲᠡᠢ
ᠤᠷᠠᠨ ᠨᠠᠷᠢᠨ ᠬᠤᠷᠤᠭᠤ ᠲᠠᠢ
ᠤᠶᠠᠩᠭᠠ ᠢᠷᠠᠭᠤ ᠳᠠᠭᠤᠤ ᠲᠠᠢ
ᠠᠯᠳᠠᠷ ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ
ᠡᠷᠬᠢᠮ ᠰᠠᠢᠨ ᠳᠠᠭᠤᠴᠢ ᠰᠥᠩᠴᠢ
ᠨᠠᠢᠲᠤᠭ ᠤ᠋ᠨ ᠨᠠᠷᠢᠬᠠᠨ ᠠᠯᠲᠠᠨ ᠰᠢᠷᠭᠠ ᠲᠠᠢ
ᠣᠷᠴᠢᠯᠠᠩ ᠤ᠋ᠨ ᠰᠠᠢᠬᠠᠨ ᠮᠢᠩᠶᠠᠨ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠡᠢ
ᠵᠠ ᠣᠷᠴᠢᠯᠠᠩ ᠤ᠋ᠨ ᠰᠠᠢᠬᠠᠨ ᠮᠢᠩᠶᠠᠨ ᠤ᠋
ᠳᠠᠷᠠᠭᠠ ᠰᠠᠭᠤᠳᠠᠭ ᠪᠠᠭᠠᠲᠤᠷ ᠢ᠋ ᠴᠢᠨᠢ
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠰᠠᠷᠪᠠᠢᠵᠤ ᠠᠳᠬᠤᠭᠰᠠᠨ ᠢ᠋ᠶ᠋ᠠᠨ
ᠶᠡᠷᠦ ᠡᠴᠡ ᠪᠡᠨ ᠠᠯᠳᠠᠳᠠᠭ ᠦᠭᠡᠢ
ᠰᠢᠷᠠ ᠰᠦᠬᠡ ᠪᠡᠷ ᠴᠠᠪᠴᠢᠭᠰᠠᠨ ᠢ᠋ᠶ᠋ᠠᠨ
ᠶᠡᠷᠦ ᠡᠴᠡ ᠪᠡᠨ ᠥᠩᠭᠡᠷᠡᠭᠡᠳᠡᠭ ᠦᠭᠡᠢ
ᠵᠠᠶᠠᠭᠠᠲᠤ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠵᠠᠯᠠᠭᠤ ᠪᠤᠷᠬᠠᠨ ᠪᠣᠷᠣ ᠮᠠᠩᠨᠠᠢ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠡᠢ
ᠵᠠ ᠵᠡᠭᠦᠨ ᠪᠡᠶᠡ ᠪᠡᠷ ᠨᠢ ᠰᠠᠭᠤᠳᠠᠭ
ᠪᠠᠭᠠᠲᠤᠷ ᠢ᠋ ᠴᠢᠨᠢ ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠨᠠᠶᠠᠨ ᠭᠣᠣᠯ ᠤ᠋ᠨ ᠬᠤᠯᠤᠰᠤᠨ ᠢ᠋
ᠨᠠᠢᠷᠠᠭᠤᠯᠤᠨ ᠬᠢᠭᠰᠡᠨ
ᠨᠠᠷᠢᠬᠠᠨ ᠰᠢᠷᠠ ᠯᠢᠩᠪᠦ ᠪᠡᠷ ᠢ᠋ᠶ᠋ᠡᠨ
ᠬᠣᠷᠸ᠋ᠠ ᠶ᠋ᠢ ᠤᠶᠠᠷᠠᠭᠠᠭᠰᠠᠨ
ᠳᠠᠯᠤ ᠪᠠᠷ ᠢ᠋ᠶ᠋ᠠᠨ ᠳᠠᠯᠠᠨ
ᠰᠠᠭᠠᠳᠠᠭ ᠤ᠋ᠨ ᠱᠠᠪᠠ ᠳᠠᠭᠠᠭᠠᠳᠠᠭ
ᠳᠠᠪᠤᠰᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠠᠯᠠᠨ ᠵᠢᠳᠠ ᠶ᠋ᠢᠨ ᠦᠵᠦᠭᠦᠷ ᠳᠠᠭᠠᠭᠠᠳᠠᠭ
ᠡᠷᠳᠡᠨᠢ ᠶ᠋ᠢᠨ ᠬᠣᠩᠭᠣᠷ ᠬᠦᠯᠦᠭ ᠲᠠᠢ
ᠵᠠᠶᠠᠭᠠᠴᠢ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠡᠷᠬᠡ ᠬᠠᠷᠠ ᠨᠢᠳᠦᠨ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠡᠢ
ᠵᠠ ᠡᠷᠬᠡ ᠬᠠᠷᠠ ᠨᠢᠳᠦᠨ ᠦ᠌ ᠴᠢᠨᠢ
ᠳᠠᠷᠠᠭᠠ ᠰᠠᠭᠤᠳᠠᠭ ᠪᠠᠭᠠᠲᠤᠷ ᠢ᠋ ᠴᠢᠨᠢ
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠲᠦᠮᠡᠨ ᠡᠷᠡ ᠲᠦᠯᠬᠢᠪᠡᠴᠦ
ᠲᠦᠭᠳᠡᠷᠡᠳᠡᠭ ᠶᠣᠰᠣᠨ ᠦᠭᠡᠢ
ᠮᠢᠩᠭᠠᠨ ᠡᠷᠡ ᠲᠦᠯᠬᠢᠪᠡᠴᠦ
ᠲᠠᠨᠲᠠᠷᠠᠳᠠᠭ ᠶᠣᠰᠣᠨ ᠦᠭᠡᠢ
ᠨᠠᠳᠤᠷ ᠴᠠᠭᠠᠨ ᠠᠷᠪᠢᠩ ᠢ᠋ᠶ᠋ᠠᠨ
ᠨᠠᠶᠠᠨ ᠳᠠᠪᠬᠤᠷ ᠬᠥᠲᠥᠷᠦᠨ ᠪᠦᠰᠡᠯᠡᠭᠰᠡᠨ
ᠠᠭᠤᠯᠠ ᠶ᠋ᠢᠨ ᠴᠢᠨᠡᠭᠡᠨ ᠤᠷᠲᠤ ᠬᠠᠷᠠ ᠬᠦᠯᠦᠭ ᠲᠡᠢ
ᠤᠰᠤᠨ ᠲᠠᠷᠭᠤᠨ ᠭᠦᠵᠡᠭᠡᠨ ᠭᠥᠮᠪᠡ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠵᠠ ᠭᠦᠵᠡᠭᠡᠨ ᠭᠥᠮᠪᠡ ᠶ᠋ᠢᠨ ᠴᠢᠨᠢ
ᠳᠠᠷᠠᠭᠠ ᠰᠠᠭᠤᠳᠠᠭ ᠪᠠᠭᠠᠲᠤᠷ ᠢ᠋ ᠴᠢᠨᠢ
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠬᠤᠷᠮᠤᠰᠲᠠ ᠲᠡᠭᠷᠢ ᠡᠴᠡ ᠪᠠᠭᠤᠯᠭᠠᠭᠰᠠᠨ
ᠬᠤᠷᠳᠤᠨ ᠵᠢᠭᠦᠷ ᠬᠣᠩᠭᠣᠷ ᠬᠦᠯᠦᠭ ᠲᠡᠢ
ᠣᠨᠴᠠ ᠮᠡᠷᠭᠡᠨ ᠲᠠᠷᠢᠬᠢ ᠬᠠᠭᠠᠨ ᠤ᠋ ᠵᠢᠴᠢ
ᠬᠦᠦ ᠵᠤᠯᠠ ᠬᠠᠭᠠᠨ ᠤ᠋ ᠠᠴᠢ
ᠳᠣᠭᠰᠢᠨ ᠰᠢᠷᠭᠢ ᠶ᠋ᠢᠨ ᠳᠤᠮᠳᠠᠬᠢ ᠬᠥᠪᠡᠭᠦᠨ
ᠳᠣᠭᠰᠢᠨ ᠲᠠᠬᠢᠯ ᠠᠯᠲᠠᠨ ᠠᠷᠠᠭᠠ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠵᠠ ᠲᠠᠬᠢᠯ ᠠᠯᠲᠠᠨ ᠠᠷᠠᠭᠠ ᠶ᠋ᠢᠨ ᠴᠢᠨᠢ
ᠳᠠᠷᠠᠭᠠ ᠰᠠᠭᠤᠳᠠᠭ ᠪᠠᠭᠠᠲᠤᠷ ᠢ᠋
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠴᠡᠨᠡᠭ ᠦᠭᠡᠢ ᠴᠡᠴᠡᠨ ᠡᠰᠡ ᠪᠣᠯᠬᠤᠯᠠ
ᠴᠡᠭᠡᠵᠢᠨ ᠳ᠋ᠡᠭᠡᠨ ᠲᠠᠭᠠᠷᠠᠭᠤᠯᠳᠠᠭ ᠦᠭᠡᠢ
ᠴᠡᠨᠡᠭ ᠲᠡᠭᠡᠨ ᠲᠤᠯᠤᠭᠰᠠᠨ ᠪᠠᠭᠠᠲᠤᠷ ᠡᠰᠡ ᠪᠣᠯᠬᠤᠯᠠ
ᠰᠡᠳᠬᠢᠯ ᠳ᠋ᠡᠭᠡᠨ ᠲᠠᠭᠠᠷᠠᠭᠤᠯᠳᠠᠭ ᠦᠭᠡᠢ
ᠡᠷᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠪᠣᠯᠬᠤᠯᠠ ᠡᠷᠡᠰ ᠬᠠᠲᠠᠭᠤ
ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠪᠣᠯᠬᠤᠯᠠ ᠦᠷᠦ ᠵᠥᠭᠡᠯᠡᠨ
ᠡᠷᠡ ᠶ᠋ᠢᠨ ᠶᠡᠷᠡᠨ ᠶᠢᠰᠦᠨ ᠡᠷᠳᠡᠮ ᠲᠡᠭᠦᠰᠦᠭᠰᠡᠨ
ᠪᠤᠮᠪᠠ ᠶ᠋ᠢᠨ ᠳᠣᠭᠰᠢᠨ ᠬᠠᠷᠠ ᠰᠠᠨᠠᠯ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠵᠠ ᠲᠣᠭᠰᠢᠨ ᠬᠠᠷᠠ ᠰᠠᠨᠠᠯ ᠤ᠋ᠨ ᠴᠢᠨᠢ
ᠳᠠᠷᠠᠭᠠ ᠰᠠᠭᠤᠳᠠᠭ ᠪᠠᠭᠠᠲᠤᠷ ᠢ᠋
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠬᠤᠷᠳᠤᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠣᠯᠬᠤᠯᠠ
ᠬᠤᠷᠮᠤᠰᠲᠠ ᠳ᠋ᠤ᠌ ᠨᠡᠷᠡ ᠭᠠᠷᠤᠭᠰᠠᠨ
ᠲᠦᠷᠭᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠣᠯᠬᠤᠯᠠ
ᠲᠥᠷᠥ ᠳ᠋ᠦ᠍ ᠪᠡᠨ ᠨᠡᠷᠡ ᠭᠠᠷᠤᠭᠰᠠᠨ
ᠠᠷᠪᠠᠨ ᠵᠦᠭ ᠦ᠋ᠨ ᠶᠢᠷᠲᠢᠨᠴᠦ ᠶ᠋ᠢ
ᠠᠯᠠᠭᠠᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠭᠠᠳ
ᠶᠡᠷᠡᠨ ᠶᠢᠰᠦᠨ ᠵᠦᠭ ᠢ᠋
ᠠᠯᠳᠠᠯ ᠦᠭᠡᠢ ᠦᠵᠡᠳᠡᠭ
ᠳ᠋ᠢᠳᠢᠷᠡᠢ ᠰᠠᠯᠬᠢᠨ ᠲᠠᠪᠠᠭ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ
ᠵᠠ ᠳ᠋ᠢᠳᠢᠷᠡᠢ ᠰᠠᠯᠬᠢᠨ ᠲᠠᠪᠠᠭ ᠤ᠋ᠨ ᠴᠢᠨᠢ
ᠳᠠᠷᠠᠭᠠ ᠰᠠᠭᠤᠳᠠᠭ ᠪᠠᠭᠠᠲᠤᠷ ᠢ᠋
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ
ᠤᠭ ᠠ᠋ᠴᠠ ᠨᠢ ᠤᠲᠤᠭᠠ ᠭᠠᠷᠭᠠᠨ ᠬᠠᠷᠪᠤᠳᠠᠭ
ᠦᠵᠦᠭᠦᠷ ᠡᠴᠡ ᠨᠢ ᠭᠠᠯ ᠭᠠᠷᠭᠠᠨ ᠬᠠᠷᠪᠤᠳᠠᠭ
ᠴᠠᠪᠴᠢᠬᠤᠯᠠ ᠴᠠᠭᠠᠨ ᠴᠢᠯᠠᠭᠤ ᠪᠣᠯᠳᠠᠭ
ᠣᠭᠲᠣᠯᠬᠤᠯᠠ ᠤᠯᠠᠭᠠᠨ ᠴᠢᠯᠠᠭᠤ ᠪᠣᠯᠳᠠᠭ
ᠳᠠᠯᠠᠨ ᠬᠠᠭᠠᠨ ᠤ᠋ ᠨᠤᠲᠤᠭ ᠲᠤ᠌
ᠬᠠᠷᠪᠤᠭᠠᠴᠢ ᠪᠠᠷ ᠢ᠋ᠶ᠋ᠠᠨ ᠨᠡᠷᠡ ᠳᠤᠭᠤᠷᠠᠭᠰᠠᠨ
ᠬᠠᠷᠠ ᠪᠤᠭᠤᠷᠤᠯ ᠮᠣᠷᠢ ᠲᠠᠢ
ᠬᠠᠷᠠ ᠵᠢᠯᠢᠩ ᠰᠤᠮᠤᠴᠢ ᠭᠡᠳᠡᠭ
ᠪᠠᠭᠠᠲᠤᠷ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠠᠢ᠃
ᠦᠭᠡ ᠶᠢᠨ ᠨᠠᠢᠷᠠᠭᠤᠯᠭᠠ᠄ ᠤᠶᠠᠩᠭᠠ
ᠠᠶᠠ ᠶᠢᠨ ᠨᠠᠢᠷᠠᠭᠤᠯᠭᠠ᠄ ᠲᠥᠯᠥᠮᠵᠢ
ᠲᠣᠪᠰᠢᠭᠤᠷ ᠬᠥᠭᠵᠢᠮ ᠤᠨ ᠨᠠᠢᠷᠠᠭᠤᠯᠭᠠ᠄ ᠲᠥᠯᠥᠮᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ·ᠨᠠᠷᠠᠰᠤ
ᠦᠰᠦᠭ ᠬᠠᠳᠠᠭᠴᠢ᠄ ᠠᠵᠠᠵᠠᠶᠠᠭᠠ
ᠬᠢᠨᠠᠭᠴᠢ᠄ ᠠᠯᠲᠠᠠ᠋ᠭᠤᠯᠠ᠂ ᠰᠡᠴᠡᠨᠴᠢᠮᠡᠭ᠂ ᠮᠥᠩᠭᠦᠨᠴᠡᠴᠡᠭ᠂
ᠰᠠᠢᠬᠠᠨᠳᠠᠯᠠᠢ᠂ ᠨᠤᠮᠤᠴᠢᠨ ᠪᠢᠯᠢᠭ
