ᠰᠢᠭᠦᠮᠵᠢᠯᠡᠭᠳᠡᠭᠰᠡᠨ ᠪᠠᠭᠠᠪᠠᠭᠠᠢ - ᠯ · ᠪᠠᠲᠢᠷᠴᠢ Шүүмжлэгдсэн баавгай - Л · Бадирч
361ᠰᠢᠭᠦᠮᠵᠢᠯᠡᠭᠳᠡᠭᠰᠡᠨ ᠪᠠᠭᠠᠪᠠᠭᠠᠢ
( ᠶᠣᠭᠲᠤ ᠦᠯᠢᠭᠡᠷ )
ᠯ · ᠪᠠᠲᠢᠷᠴᠢ
ᠣᠢ ᠶ᠋ᠢᠨ ᠬᠢᠨ ᠪ ᠬᠤᠷᠠᠯ ᠳᠡᠭᠡᠷᠡ ᠣᠯᠠᠨ ᠰᠢᠭᠦᠮᠵᠢᠯᠡᠯ ᠭᠠᠷᠤᠯᠠ
ᠬᠡᠷᠡᠮᠦ ᠪᠠᠭᠠᠪᠠᠭᠠᠢ ᠶ᠋ᠢ ᠰᠢᠭᠦᠮᠵᠢᠯᠡᠵᠦ
ᠬᠡᠲᠦᠨ ᠦᠭᠡ ᠬᠡᠯᠡᠯᠡ ᠄
— ᠥᠭᠡᠬᠦᠨ ᠬᠠᠷᠪᠢᠩ ᠰᠠᠭᠤᠭᠰᠠᠨ
ᠥᠭᠡᠲᠡ ᠦᠭᠡᠢ ᠬᠣᠶ᠋ᠢᠷᠭᠣ ᠪᠠᠭᠠᠪᠠᠭᠠᠢ
ᠰᠠᠭᠯᠠᠭᠠᠷ ᠮᠣᠲᠣᠨ ᠳᠤ ᠠᠪᠠᠷᠢᠵᠤ
ᠰᠠᠮᠤᠷ ᠲᠡᠭᠦᠬᠦ ᠪᠡᠨ ᠵᠠᠯᠬᠠᠭᠤᠷᠠᠲᠠᠭ ᠃
ᠬᠣᠰᠢ ᠮᠣᠲᠣ ᠶ᠋ᠢ ᠬᠠᠶ᠋ᠢᠷᠠ ᠦᠭᠡᠢ
ᠬᠣᠭᠤ ᠠᠯᠠᠭᠠᠲᠠᠨ ᠤᠨᠠᠭᠠᠲᠠᠭ ᠃
ᠤᠨᠠᠭᠠᠭᠰᠠᠨ ᠬᠣᠰᠢ ᠶ᠋ᠢᠨ ᠰᠠᠮᠤᠷ ᠊ᠢ
ᠤᠭᠤᠲᠠ ᠪᠣᠯᠲᠠᠯᠠ ᠪᠠᠨ ᠭᠦᠵᠡᠭᠡᠯᠡᠳᠡᠭ
ᠪᠠᠭᠠᠪᠠᠭᠠᠢ ᠳᠠᠩᠴᠢ ᠵᠠᠯᠬᠠᠭᠤ
ᠪᠠᠯᠠᠬᠲᠠᠢ ᠬᠠᠷᠠ ᠰᠦᠢᠳᠬᠡᠭᠴᠢ
ᠢᠷᠤᠠ ᠶ᠋ᠢᠨ ᠬᠣᠪᠲᠣᠭ ᠠᠮᠢᠲᠠᠨ
ᠶᠣᠰᠣᠲᠠᠢ ᠬᠥᠨᠲᠥ ᠰᠣᠷᠲᠠᠯᠲᠠᠨ !
ᠬᠡᠷᠡᠮᠦ ᠶ᠋ᠢᠨ ᠦᠭᠡ ᠵᠥᠪ ᠭᠡᠵᠦ
ᠬᠡᠲᠦᠨ ᠭᠥᠷᠥᠭᠡᠰᠦ ᠳᠡᠮᠵᠢᠪᠡ ᠃
ᠪᠠᠭᠠᠪᠠᠭᠠᠢ ᠲᠣᠩ ᠵᠠᠯᠬᠠᠭᠤ ᠭᠡᠵᠦ
ᠪᠠᠷᠰ ᠲᠡᠭᠦᠨ ᠊ᠢ ᠪᠠᠲᠤᠯᠠᠪᠠ ᠃
※ ※ ※
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠪᠠᠭᠠᠪᠠᠭᠠᠢ
ᠮᠠᠰᠢ ᠠᠭᠤᠷ ᠲᠠᠢ ᠪᠣᠰᠪᠠ ᠭᠡᠨᠡ ᠃
ᠰᠢᠭᠦᠮᠵᠢᠯᠡᠭᠴᠢ ᠬᠡᠷᠡᠮᠦ ᠶ᠋ᠢᠨ ᠣᠷᠣᠰᠢᠲᠠᠭ
ᠰᠢᠯᠮᠦᠦᠰᠦᠲᠦ ᠮᠣᠲᠣᠨ ᠳᠤ ᠣᠴᠢᠪᠠ ᠭᠡᠨᠡ ᠃
ᠬᠡᠷᠡᠮᠦ ᠮᠣᠲᠣᠨ ᠪ ᠣᠷᠣᠢ ᠳᠤ
ᠬᠡᠪᠡᠨᠢᠭ ᠰᠠᠭᠤᠪᠠ ᠭᠡᠨᠡ ᠃
ᠪᠠᠭᠠᠪᠠᠭᠠᠢ ᠂ ᠬᠡᠷᠡᠮᠦ ᠶ᠋ᠢ ᠵᠠᠨᠤᠵᠤ
ᠪᠠᠷᠬᠢᠷᠠᠨ ᠢᠩᠭᠢᠵᠦ ᠬᠡᠯᠡᠪᠡ ᠄
— ᠪᠠᠬ᠋ᠠ ᠪᠡᠶᠡ ᠲᠡᠢ ᠠᠮᠢᠲᠠᠨ ᠴᠢ
ᠪᠠᠭᠠᠪᠠᠭᠠᠢ ᠨᠠᠮᠠ ᠶ᠋ᠢ ᠰᠢᠭᠦᠮᠵᠢᠯᠡᠪᠡᠯ
ᠶᠠᠮᠠᠷ ᠵᠣᠪᠠᠯᠠᠩ ᠴᠢᠷᠳᠡᠭ ᠊ᠢ
ᠢᠷᠠᠭᠤ ᠲᠣᠲᠣ ᠦᠵᠡᠭᠦᠯᠦᠨᠡ ᠬᠦ᠋ ᠂
ᠣᠯᠠᠨ ᠦᠭᠡ ᠲᠡᠢ ᠬᠡᠷᠡᠮᠦ ᠴᠢ
ᠣᠢ ᠮᠣᠲᠣᠨ ᠠ᠋ᠴᠠ ᠵᠠᠶ᠋ᠢᠯᠠ ᠬᠦ᠋ !
ᠣᠲᠣ ᠵᠠᠶ᠋ᠢᠯᠠᠬᠤ ᠦᠭᠡᠢ ᠪᠣᠯ
ᠣᠷᠣᠴᠠ ᠭᠡᠷ ᠊ᠢ ᠴᠢᠨᠢ ᠨᠤᠷᠠᠭᠠᠨᠠ ᠭᠡᠪᠡ ᠃
ᠪᠠᠭᠠᠪᠠᠭᠠᠢ ᠶ᠋ᠢ ᠬᠠᠷᠢᠶᠠᠵᠤ ᠪᠠᠶ᠋ᠢᠬᠤ ᠳᠤ
ᠪᠠᠷᠰ ᠲᠡᠭᠦᠯᠢᠭᠰᠡᠭᠡᠷ ᠢᠷᠡᠭᠡᠳ ᠂
ᠪᠠᠭᠠᠪᠠᠭᠠᠢ ᠲᠠ ᠶᠠᠭᠤᠨ ᠳᠤ
ᠪᠠᠷᠬᠢᠷᠠᠵᠤ ᠠᠭᠤᠷᠯᠠᠬ᠋ᠠ ᠪᠤᠢ ? ᠭᠡᠵᠠᠢ ᠃
ᠤᠩᠭᠢᠷᠡᠵᠤ ᠪᠠᠶ᠋ᠢᠬᠰᠠᠨ ᠪᠠᠭᠠᠪᠠᠭᠠᠢ
ᠣᠮᠣᠭ ᠰᠢᠷᠠ ᠨᠢ ᠱᠠᠯᠴᠢᠢᠭᠠᠳ
— ᠬᠡᠷᠡᠮᠦ ᠲᠡᠢ ᠵᠦᠭᠡᠷ ᠲᠣᠭᠯᠠᠭᠰᠠᠨ ᠶᠤᠮ
ᠬᠡ ᠬᠡ ᠬᠡ ᠭᠡᠵᠡᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠤᠠᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠣᠤᠠᠬᠠᠨᠰᠣᠠ᠋