3-34-36ᠢᠰᠢᠲᠠᠨᠽᠠᠨᠸᠠᠩᠵᠢᠯ ᠤ᠋ᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠳᠡᠯᠢᠭᠦᠨ ᠡᠪᠡᠳᠴᠢᠨ᠂ ᠪᠥᠭᠡᠷᠡᠨ ᠡᠪᠡᠳᠴᠢᠨ᠂ ᠢᠮ ᠬᠠᠪᠤᠳᠬᠤ ᠶ᠋ᠢ ᠵᠠᠰᠠᠬᠤ ᠡᠷᠡᠭᠦᠯ ᠡᠩᠬᠡ

  1. ᠲᠡᠷᠢᠭᠦᠨ ᠨᠢᠭᠤᠷ >
  2. ᠨᠡᠪᠲᠡᠷᠡᠭᠦᠯᠭᠡ >
  3. 3-34-36ᠢᠰᠢᠲᠠᠨᠽᠠᠨᠸᠠᠩᠵᠢᠯ ᠤ᠋ᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠳᠡᠯᠢᠭᠦᠨ ᠡᠪᠡᠳᠴᠢᠨ᠂ ᠪᠥᠭᠡᠷᠡᠨ ᠡᠪᠡᠳᠴᠢᠨ᠂ ᠢᠮ ᠬᠠᠪᠤᠳᠬᠤ ᠶ᠋ᠢ ᠵᠠᠰᠠᠬᠤ

3-34-36ᠢᠰᠢᠲᠠᠨᠽᠠᠨᠸᠠᠩᠵᠢᠯ ᠤ᠋ᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ- ᠳᠡᠯᠢᠭᠦᠨ ᠡᠪᠡᠳᠴᠢᠨ᠂ ᠪᠥᠭᠡᠷᠡᠨ ᠡᠪᠡᠳᠴᠢᠨ᠂ ᠢᠮ ᠬᠠᠪᠤᠳᠬᠤ ᠶ᠋ᠢ ᠵᠠᠰᠠᠬᠤ

ᠠᠩᠭᠢᠯᠠᠯ：ᠡᠷᠡᠭᠦᠯ ᠡᠩᠬᠡ
2023-05-28

258

ᠭᠤᠴᠢᠨ ᠳᠥᠷᠪᠡ᠂ ᠳᠡᠯᠢᠭᠦᠨ ᠡᠪᠡᠳᠴᠢᠨ ᠊ᠢ ᠵᠠᠰᠠᠬᠤ

  ᠳᠡᠯᠢᠭᠦᠨ ᠡᠪᠡᠳᠴᠢᠨ ᠢᠨᠤ ᠡᠰᠡ ᠰᠢᠩᠭᠡᠬᠦ᠂ ᠢᠳᠡᠭᠡᠨ ᠦ᠌ ᠬᠣᠣᠷ᠂ ᠡᠮ ᠦ᠋ᠨ ᠬᠣᠣᠷ ᠬᠢᠭᠡᠳ ᠬᠦᠢᠲᠡᠨ ᠨᠣᠶ᠋ᠢᠲᠠᠨ ᠠ᠋ᠴᠠ ᠡᠭᠦᠰᠦᠭᠡᠳ ᠴᠢᠷᠠᠢ ᠶ᠋ᠢᠨ ᠥᠩᠭᠡ᠂ ᠤᠷᠤᠭᠤᠯ ᠨᠢ ᠬᠠᠷᠠᠯᠠᠨ ᠤᠨᠵᠠᠶ᠋ᠢᠬᠤ᠂ ᠰᠢᠩᠭᠡᠭᠡᠯᠲᠡ ᠶ᠋ᠢᠨ ᠬᠦᠴᠦᠨ ᠥᠴᠦᠬᠡᠨ ᠪᠥᠭᠡᠳ ᠰᠢᠭᠡᠰᠦᠨ ᠥᠩᠭᠡ ᠬᠥᠬᠡ᠂ ᠬᠡᠯᠡ ᠡᠷᠢᠶᠡᠨ᠃ ᠲᠡᠭᠦᠨ ᠦ᠌ ᠡᠮ ᠢᠨᠤ ᠯᠢᠰᠢ᠂ ᠠᠯᠲᠠᠨᠴᠡᠴᠡᠭ᠂ ᠠᠷᠤᠷ᠎ᠠ᠂ ᠭᠠᠭᠤᠯᠠ᠂ ᠭᠦᠷᠭᠦᠮ᠂ ᠪᠠᠱᠠᠭ᠎ᠠ ᠂ ᠰᠸᠪᠤᠢ᠍ᠷᠦ᠂ ᠰᠢᠩᠽᠠ ᠶ᠋ᠢ ᠨᠠᠶ᠋ᠢᠷᠠᠭᠤᠯᠤᠬᠰᠠᠨ ᠬᠤᠴᠠ —8 ᠶ᠋ᠢ ᠤᠴᠠᠷᠠᠭᠤᠯ᠃ ᠳᠡᠯᠢᠭᠦᠨ ᠦ᠌ ᠲᠠᠪᠤᠨ ᠡᠪᠡᠳᠴᠢᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠶᠡᠷᠦ ᠶ᠋ᠢᠨ ᠡᠮ ᠪᠣᠯᠠᠢ᠃

ᠭᠤᠴᠢᠨ ᠲᠠᠪᠤ᠂ ᠪᠥᠭᠡᠷᠡᠨ ᠡᠪᠡᠳᠴᠢᠨ ᠊ᠢ ᠵᠠᠰᠠᠬᠤ

  ᠪᠥᠭᠡᠷᠡᠨ ᠡᠪᠡᠳᠴᠢᠨ ᠢᠨᠤ ᠬᠦᠰᠡᠯ ᠲᠠᠴᠢᠶᠠᠩᠭᠤᠢ ᠶ᠋ᠢ ᠬᠠᠲᠠᠭᠤ ᠡᠲᠯᠡᠭᠰᠡᠨ᠂ ᠬᠦᠢᠲᠡᠨ ᠨᠣᠶ᠋ᠢᠲᠠᠨ᠂ ᠪᠤᠵᠠᠷ ᠰᠡᠷᠢᠭᠦᠨ ᠵᠢᠪᠠᠷ ᠲᠤᠰᠤᠭᠰᠠᠨ ᠠ᠋ᠴᠠ ᠪᠣᠯᠤᠮᠤᠢ᠃ ᠴᠥᠪ ᠴᠠᠭ ᠤ᠋ᠨ ᠪᠥᠭᠡᠷᠡᠨ ᠡᠪᠡᠳᠴᠢᠲᠡᠨ ᠦ᠌ ᠶᠡᠬᠡ ᠣᠯᠠᠩᠬᠢ ᠨᠢ ᠬᠥᠷᠥᠭᠰᠡᠨ ᠣᠯᠠᠨ᠃ ᠭᠣᠶᠣᠣ᠂ ᠰᠸᠪᠦᠢ᠍ᠷᠦ᠂ ᠰᠢᠩᠽᠠ᠂ ᠰᠦᠭᠮᠸᠯ᠂ ᠷᠠᠨᠢ᠂ ᠨᠢᠰᠢᠩ᠂ ᠵᠠᠸ᠋᠎ᠠ᠂ ᠪᠠᠰᠪᠦᠢ᠍ᠷᠦ᠂ ᠵᠠᠮᠪᠠ᠂ ᠦᠰᠦ᠋᠂ ᠳ᠋ᠢᠭᠰᠸᠷᠢᠨ᠂ ᠰᠸᠮ᠎ᠠ᠂ ᠪᠢᠪᠢᠯᠢᠩ᠂ ᠭᠦᠷᠭᠦᠮ᠂ ᠪᠤᠷᠠᠮ ᠊ᠢ ᠬᠤᠪᠢ ᠳᠠᠭᠱᠠ ᠨᠠᠶ᠋ᠢᠷᠠᠭᠤᠯᠤᠬᠰᠠᠨ ᠶᠡᠬᠡ ᠵᠠᠭᠠᠨ —15 ᠪᠣᠯ ᠪᠥᠭᠡᠷᠡᠨ ᠡᠪᠡᠳᠴᠢᠨ ᠪᠦᠬᠦᠨ ᠳ᠋ᠦ᠍ ᠮᠠᠰᠢ ᠭᠠᠶ᠋ᠢᠬᠠᠮᠰᠢᠬ᠃ ᠡᠭᠦᠨ ᠢ᠋ᠶ᠋ᠡᠷ ᠪᠦᠬᠦᠨ ᠊ᠢ ᠴᠢᠳᠠᠬᠤ ᠶ᠋ᠢ ᠮᠠᠭᠠᠳᠯᠠᠪᠠᠢ᠃ ᠨᠠᠳᠠ ᠳ᠋ᠤ᠌ ᠡᠭᠦᠨ ᠡᠴᠡ ᠦᠯᠡᠮᠵᠢ ᠡᠮ ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ᠃ ᠪᠥᠭᠡᠷᠡᠨ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠬᠠᠯᠠᠭᠤᠷᠠᠪᠠᠰᠤ ᠠᠷᠤᠷ᠎ᠠ —10 ᠵᠣᠬᠢᠮᠤᠢ᠃ ᠲᠠᠷᠬᠠᠭᠰᠠᠨ ᠪᠠ ᠬᠡᠷᠦᠯᠭᠡ ᠳ᠋ᠦ᠍ ᠭᠣᠶᠣᠣ —7 ᠬᠢᠭᠡᠳ ᠤᠷᠢᠳᠤᠬᠢ15 ᠡᠮ ᠊ᠢ ᠰᠦ ᠶ᠋ᠢᠨ ᠠᠷᠢᠬᠢ ᠪᠠᠷ ᠳᠠᠷᠤᠭᠤᠯᠪᠠᠰᠤ ᠳᠡᠭᠡᠳᠦ᠃

ᠪᠥᠭᠡᠷᠡᠨ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠳᠤᠰᠤᠯ ᠴᠤᠪᠤᠷᠢᠪᠠᠰᠤ ᠭᠠᠷᠤᠳᠢ —5 ᠬᠤᠪᠢ ᠲᠡᠭᠦᠯᠳᠡᠷ ᠦ᠋ᠨ ᠳᠡᠭᠡᠷ᠎ᠡ ᠬᠠᠯᠠᠭᠤᠨ ᠪᠥᠭᠡᠰᠦ ᠠᠷᠤᠷ᠎ᠠ —10᠂ ᠬᠦᠢᠲᠡᠨ ᠪᠥᠭᠡᠰᠦ ᠤᠷᠢᠳᠤᠬᠢ ᠬᠣᠶᠠᠷ ᠡᠮ ᠦ᠋ᠨ ᠠᠯᠢᠨ ᠊ᠢ ᠨᠡᠮᠡᠭᠰᠡᠨ ᠴᠦ᠍ ᠦᠯᠦ ᠪᠣᠯᠬᠤ ᠪᠠᠷ ᠦᠭᠡᠢ᠃ ᠡᠨᠳᠡ ᠪᠡᠷ ᠴᠤᠪᠤᠷᠠᠭᠰᠠᠨ ᠪᠣᠯ ᠲᠤᠰᠠᠯᠠᠬᠤ ᠨᠢ ᠴᠥᠭᠡᠨ ᠊ᠢ ᠬᠠᠯᠠᠭᠤᠨ ᠬᠦᠢᠲᠡᠨ ᠦᠭᠡᠢ ᠪᠥᠭᠡᠳ ᠲᠠᠴᠢᠶᠠᠬᠤ ᠮᠠᠭᠤ ᠠᠪᠢᠶᠠᠰ ᠠ᠋ᠴᠠ ᠪᠣᠯᠤᠮᠤᠢ᠃ ᠸᠠᠩᠯᠠᠭ᠂ ᠬᠠᠯᠮᠠᠭᠣᠶᠤᠤ᠂ ᠬᠠᠷ᠎ᠠ ᠬᠥᠬᠥᠯ᠂ ᠳᠡᠭᠡᠳᠦ ᠲᠠᠷᠨᠢᠴᠢ ᠶ᠋ᠢᠨ ᠶᠡᠬᠡ ᠦᠨᠦᠷᠲᠦ᠂ ᠳ᠋ᠣᠮᠷᡁᠢ᠂ ᠶᠦᠩᠸ᠋᠎ᠠ᠂ ᠵᠦᠷᠦᠷ᠎ᠠ᠂ ᠽᠠᠳᠢ᠂ ᠷᠠᠨᠢ ᠨᠤᠭᠤᠳ ᠊ᠢ ᠬᠤᠪᠢ ᠲᠠᠭᠰᠢ ᠨᠠᠶ᠋ᠢᠷᠠᠭᠤᠯᠵᠤ ᠬᠣᠨᠢᠨ ᠰᠦ ᠪᠡᠷ ᠳᠠᠷᠤᠭᠤᠯᠵᠤ ᠥᠭ᠃ ᠲᠠᠴᠢᠶᠠᠯ ᠬᠤᠷᠢᠴᠠᠯ ᠊ᠢ ᠴᠡᠭᠡᠷᠯᠡᠨ᠎ᠡ᠃

ᠭᠤᠴᠢᠨ ᠵᠢᠷᠭᠤᠭ᠎ᠠ ᠂ ᠢᠮ ᠬᠠᠪᠤᠳᠬᠤ ᠶ᠋ᠢ ᠵᠠᠰᠠᠬᠤ

   ᠢᠮ ( ᠭᠠᠳᠠᠷ ᠪᠥᠭᠡᠷ᠎ᠡ ) ᠬᠠᠪᠤᠳᠪᠠᠰᠤ ᠬᠣᠨᠢᠨ ᠨᠣᠶ᠋ᠢᠲᠠᠨ ᠠᠷᠠᠰᠤᠨ ᠳᠣᠲᠣᠷ᠎ᠠ ᠤᠯᠠᠭᠠᠨ ᠯᠠᠷᡁᠢ᠂ ᠬᠤᠸᠠᠵᠢᠶᠤᠤ ᠶ᠋ᠢᠨ ᠲᠠᠯᠬ᠎ᠠ᠂ ᠫᠣᠸᠠᠷᠢ ᠨᠤᠭᠤᠳ ᠊ᠢ ᠬᠠᠷ᠎ᠠ ᠠᠷᠢᠬᠢ᠂ ᠰᠢᠷ᠎ᠠ ᠲᠣᠰᠣᠨ ᠳ᠋ᠤ᠌ ᠨᠠᠶ᠋ᠢᠷᠠᠭᠤᠯᠵᠤ ᠰᠦᠷᠴᠢᠭᠡᠳ ᠬᠠᠯᠠᠭᠤᠨ ᠣᠷᠢᠶᠠᠯᠭ᠎ᠠ ᠦᠢᠯᠡᠳ᠃ ᠬᠥᠯᠥᠰᠥ ᠭᠠᠷᠪᠠᠰᠤ ᠡᠪᠡᠳᠴᠢᠨ ᠡᠳᠡᠭᠡᠷᠡᠮᠦᠢ᠃ ᠤᠤᠭᠤᠬᠤ ᠡᠮ᠂ ᠭᠠᠷᠤᠳᠢ —5 ᠬᠢᠭᠡᠳ ᠤᠷᠢᠳᠤᠬᠢ ᠡᠮ ᠠᠯᠢ ᠪᠣᠯᠬᠤ ᠶ᠋ᠢ ᠥᠭᠪᠡᠰᠦ ᠮᠠᠭᠠᠳ ᠡᠳᠡᠭᠡᠷᠡᠮᠦᠢ᠃ ᠣᠯᠳᠠᠪᠠᠰᠤ ᠬᠤᠴᠠ ᠤᠬᠤᠨ᠎ᠠ ᠶ᠋ᠢᠨ ᠢᠮ ᠦ᠋ᠨ ᠲᠠᠭᠠᠷᠴᠤᠭ ᠲᠤ᠌ ( ᠬᠤᠤᠬᠠᠨᠠᠭ ) ᠰᠠᠶ᠋ᠢᠲᠤᠷ ᠬᠡᠮᠬᠡᠴᠢᠨ ᠬᠢᠭᠡᠳ ᠡᠳᠦᠢ ᠰᠥᠨᠢ ᠥᠩᠭᠡᠷᠡᠲᠡᠯ᠎ᠡ ᠳᠡᠪᠲᠦᠭᠡᠨ ᠦᠯᠡᠤᠠᠪᠡᠰᠦ ᠮᠠᠰᠢ ᠲᠤᠰᠠᠯᠠᠬᠤ ᠮᠠᠭᠠᠳ᠃
ᠪᠥᠭᠡᠷ᠎ᠡ ᠬᠠᠳᠬᠤᠯᠠᠪᠠᠰᠤ᠂ ᠤᠷᠢᠳ ᠤ᠋ᠨ ᠡᠮ ᠠᠯᠢ ᠵᠣᠬᠢᠰᠲᠠᠢ ᠶ᠋ᠢᠨ ᠳᠡᠭᠡᠷ᠎ᠡ ᠬᠠᠷ᠎ᠠ ᠬᠥᠬᠥᠯ᠂ ᠠᠵᠠᠬᠰᠸᠷᠵᠤᠮ ᠊ᠢ ᠨᠡᠮᠡᠪᠡᠰᠦ ᠴᠢᠳᠠᠮᠤᠢ᠃ ᠭᠠᠯ ᠬᠤᠮᠠᠬ᠎ᠠ᠂ ᠬᠠᠯᠠᠭᠤᠨ ᠳᠡᠪᠲᠦᠭᠡᠯᠭᠡ ᠲᠡᠷᠢᠭᠦᠲᠡᠨ ᠊ᠢ ᠤᠬᠠᠭᠠᠨ ᠢ᠋ᠶ᠋ᠠᠷ ᠰᠢᠨᠵᠢᠯᠡᠭᠲᠦᠨ᠃

   ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠦᠯᠵᠡᠶ᠋ᠢᠪᠠᠭᠠᠲᠤᠷ
   ᠬᠢᠨᠠᠭᠰᠠᠨ ᠨᠢ᠄ ᠰᠡᠬᠡᠭᠡᠷᠡᠯ᠂ᠣᠤᠠᠬᠠᠨᠰᠣ ‍ᠠ᠋