ᠨᠠᠢᠷᠠᠭᠤᠯᠤᠭᠴᠢ ᠶ᠋ᠢᠨ ᠪᠠᠶᠠᠰᠤᠯ - ᠪᠥᠬᠡᠳᠡᠯᠭᠡᠷ Найруулагчийн баясал - Бөхдэлгэр
230ᠨᠠᠢᠷᠠᠭᠤᠯᠤᠭᠴᠢ ᠶ᠋ᠢᠨ ᠪᠠᠶᠠᠰᠤᠯ
ᠬᠠᠪᠤᠷ ᠤ᠋ᠨ ᠰᠠᠯᠬᠢ ᠨᠠᠢᠷᠠᠭᠤᠯᠬᠤ ᠬᠡᠯᠲᠡᠰ ᠦ᠋ᠨ ᠡᠭᠦᠳᠡ ᠶ᠋ᠢ ᠲᠣᠭᠰᠢᠵᠤ ᠨᠡᠭᠡᠭᠡᠬᠦ ᠳ᠋ᠦ᠍ ᠂ ᠲᠣᠭᠳᠣᠢ ᠲᠣᠭᠳᠣᠢ ᠡᠬᠡ ᠪᠢᠴᠢᠭ ᠳᠥᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠣᠪᠬᠢᠰ ᠠ᠋ᠴᠠ ᠦᠶᠡᠷ ᠦ᠋ᠨ ᠤᠰᠤ ᠮᠡᠲᠦ ᠬᠣᠢᠨᠠ ᠬᠣᠢᠨᠠ ᠠ᠋ᠴᠠ ᠪᠠᠨ ᠳᠣᠯᠭᠢᠶᠠᠯᠠᠨ ᠢᠷᠡᠯᠡ !
ᠵᠠᠷᠢᠮ ᠤ᠋ᠨ ᠬᠢᠨᠢ ᠳᠡᠭᠡᠷᠡ ᠪᠤᠭᠤᠳᠠᠢ ᠶ᠋ᠢᠨ ᠮᠥᠬᠥᠯᠢᠭ ᠪᠣᠯᠣᠳ ᠤ᠋ᠨ ᠬᠡᠮᠬᠡᠳᠡᠭ ᠨᠠᠭᠠᠯᠳᠤᠵᠤ ᠂ ᠵᠠᠷᠢᠮ ᠤ᠋ᠨ ᠬᠢᠨᠢ ᠳᠡᠭᠡᠷᠡ ᠨᠡᠭᠦᠷᠡᠰᠦᠨ ᠦ᠌ ᠪᠣᠳᠣᠭ ᠨᠠᠪᠴᠢᠨ ᠤ᠋ ᠬᠤᠨᠢᠶᠠᠰᠤ ᠳᠠᠭᠠᠯᠳᠤᠵᠤ ᠂ ᠵᠠᠷᠢᠮ ᠲᠣᠭᠳᠣᠢ ᠠ᠋ᠴᠠ ᠨᠢ ᠰᠦ ᠶ᠋ᠢᠨ ᠦᠨᠦᠷ ᠲᠣᠰᠣᠨ ᠤ᠋ ᠦᠨᠦᠷ ᠠᠩᠬᠢᠯᠵᠤ ᠂ ᠵᠠᠷᠢᠮ ᠲᠣᠭᠳᠣᠢ ᠳ᠋ᠤᠨᠢ ᠬᠦᠵᠢᠰ ᠦ᠋ᠨ ᠦᠨᠦᠷ ᠡᠮ ᠦ᠋ᠨ ᠦᠨᠦᠷ ᠰᠢᠩᠭᠡᠵᠡᠢ ᠃
ᠲᠡᠷᠡᠬᠡᠨ ᠭᠱᠠᠨᠠ᠄ ᠠᠭᠤᠯᠠ ᠬᠥᠨᠳᠡᠢᠯᠡᠭᠰᠡᠨ ᠠᠭᠤᠷᠬᠠᠢ ᠶ᠋ᠢᠨ ᠭᠤᠯᠳᠤᠩ ᠳ᠋ᠤ᠌ ᠬᠦᠷᠴᠦ ᠂ ᠣᠮᠣᠭᠲᠤ ᠠᠵᠢᠯᠴᠢᠳ ᠲᠠᠢ ᠶᠠᠷᠢᠯᠴᠠᠵᠤ ᠪᠠᠢᠭᠠ ᠰᠢᠭ᠋ ᠰᠠᠨᠠᠭᠳᠠᠨᠠ ᠃ ᠤᠰᠤ ᠱᠤᠤᠭᠢᠭᠰᠠᠨ ᠴᠠᠬᠢᠯᠭᠠᠨ ᠰᠲ᠋ᠠᠨᠽᠢ ᠳ᠋ᠤ᠌ ᠣᠴᠢᠵᠤ ᠂ ᠪᠤᠭᠤᠷᠤᠯ ᠮᠡᠷᠭᠡᠵᠢᠯᠲᠡᠨ ᠲᠡᠢ ᠨᠢ ᠬᠡᠯᠡᠯᠴᠡᠵᠦ ᠪᠠᠢᠭᠠ ᠰᠢᠬ ᠪᠣᠳᠣᠭᠳᠠᠨᠠ ᠃
ᠲᠡᠷᠡᠬᠡᠨ ᠭᠱᠠᠨᠠ ᠴᠡᠴᠡᠭ ᠲᠡᠪᠡᠷᠢᠭᠰᠡᠨ ᠡᠪᠡᠰᠦᠨ ᠬᠦᠷᠢᠶᠡᠨ ᠳ᠋ᠦ᠍ ᠬᠦᠷᠴᠦ ᠂ ᠰᠢᠮᠡᠲᠦ ᠡᠪᠡᠰᠦ ᠶ᠋ᠢ ᠨᠢ ᠰᠤᠳᠤᠯᠬᠤ ᠶᠤᠮᠰᠢᠭ ᠪᠣᠳᠣᠭᠳᠠᠨ ᠃ᠮᠠᠩᠬᠠ ᠴᠢᠳᠥᠷᠯᠡᠭᠰᠡᠨ ᠰᠢᠭᠤᠢ ᠲᠠᠯᠠᠪᠠᠢ ᠳ᠋ᠤ᠌ ᠣᠴᠢᠵᠤ ᠂ ᠵᠤᠯᠵᠠᠭᠠ ᠮᠣᠳᠣ ᠶ᠋ᠢ ᠨᠢ ᠥᠬᠥᠭᠡᠷᠳᠡᠬᠦ ᠶᠤᠮᠰᠢᠭ᠌ ᠰᠠᠨᠠᠭᠳᠠᠨᠠ ᠃
ᠠᠬᠠᠮᠠᠳ ᠺᠠᠲᠠᠷ ᠪᠡᠶᠡ ᠶ᠋ᠢᠨ ᠰᠣᠷᠪᠢ ᠪᠠᠨ ᠲᠡᠮᠲᠡᠷᠢᠨ ᠂ ᠠᠭᠲᠠ ᠶ᠋ᠢᠨ ᠳᠥᠷᠥᠭᠡ ᠪᠡᠨ ᠬᠦᠴᠦᠲᠡᠢ ᠢᠰᠬᠦᠯᠬᠦ ᠨᠢ ᠦᠵᠡᠭᠳᠡᠵᠦ ᠃ᠠᠳᠤᠭᠤᠴᠢᠨ ᠬᠣᠨᠢᠴᠢᠨ ᠵᠢᠷᠦᠬᠡᠨ ᠰᠢᠷᠬᠠ ᠪᠠᠨ ᠢᠯᠪᠢᠨ ᠂ ᠠᠳᠬᠤᠭᠰᠠᠨ ᠵᠢᠯᠣᠭᠣ ᠪᠠᠨ ᠢᠳᠡᠲᠡᠢ ᠰᠤᠩᠭᠠᠬᠤ ᠨᠢ ᠬᠠᠷᠠᠭᠳᠠᠨᠠ ᠃ ᠬᠣᠩᠭᠣᠷ ᠵᠠᠯᠠᠭᠤᠰ ᠤ᠋ᠨ ᠢᠨᠠᠭ ᠤ᠋ᠨ ᠨᠢᠭᠤᠴᠠ ᠰᠢᠪᠡᠨᠡᠭᠡ ᠂ ᠬᠥᠭᠡᠷᠦᠬᠦᠨ ᠨᠢᠯᠬᠠᠰ ᠤ᠋ᠨ ᠢᠲᠡᠭᠡᠯ ᠪᠢᠯᠬᠠᠭᠰᠠᠨ ᠮᠦᠰᠢᠶᠡᠳᠦ ᠂ ᠬᠦᠰᠡᠯᠡᠩᠲᠦ ᠨᠠᠰᠤᠲᠠᠳ ᠤ᠋ᠨ ᠠᠷᠢᠬᠢ ᠰᠥᠩᠨᠡᠬᠦ ᠢᠷᠦᠭᠡᠯ ᠴᠦ᠍ ᠬᠥᠭᠵᠢᠮ ᠦ᠋ᠨ ᠡᠬᠡᠰᠢᠭ ᠲᠡᠢ ᠬᠠᠮᠲᠤ ᠪᠠᠷ ᠠᠳᠠ ᠬᠤᠷᠠᠮᠳᠤᠵᠠᠢ᠃
ᠢᠩᠭᠢᠭᠰᠡᠨ ᠡᠴᠡ ᠲᠠᠯᠠ ᠨᠤᠲᠤᠭ ᠤ᠋ᠨ ᠳᠠᠭᠤᠨ ᠠᠮᠢᠰᠬᠤᠭᠠ ᠂ ᠡᠬᠡ ᠤᠯᠤᠰ ᠤ᠋ᠨ ᠰᠤᠳᠠᠰᠤᠨ ᠯᠤᠭᠰᠢᠭᠠ ᠂ ᠲᠡᠦᠬᠡᠨ ᠬᠦᠷᠳᠦᠨ ᠦ᠌ ᠤᠷᠤᠭᠰᠢᠯᠠᠬᠤ ᠴᠢᠮᠡᠭᠡ ᠂ ᠲᠦᠮᠡᠨ ᠠᠷᠠᠳ ᠤ᠋ᠨ ᠵᠢᠷᠦᠬᠡᠨ ᠦ᠌ ᠴᠣᠬᠢᠯᠭᠠ ᠨᠠᠢᠷᠠᠭᠤᠯᠤᠭᠴᠢ ᠶ᠋ᠢᠨ ᠴᠡᠭᠡᠵᠢᠨ ᠳ᠋ᠦ᠍ ᠳᠦᠭᠦᠷᠴᠦ ᠂ ᠪᠠᠶᠠᠰᠤᠯ ᠵᠢᠷᠭᠠᠯ ᠤ᠋ᠨ ᠠᠪᠤᠷᠭᠤ ᠳᠣᠯᠭᠢᠶᠠᠨ ᠲᠠᠪᠠᠷᠠᠨᠠ ᠂ ᠰᠢᠨᠡ ᠶᠢᠷᠲᠢᠨᠴᠦ ᠡᠮᠦᠨᠡ ᠨᠢ ᠨᠡᠭᠡᠭᠡᠭᠳᠡᠵᠦ ᠂ ᠰᠢᠨᠡ ᠨᠠᠢᠵᠢ ᠨᠠᠷ ᠭᠠᠷ ᠢ᠋ ᠨᠢ ᠠᠳᠬᠤᠵᠤ ᠰᠢᠨᠡ ᠢᠳᠡ ᠬᠦᠴᠦᠨ ᠪᠤᠯᠴᠢᠩ ᠳ᠋ᠤᠨᠢ ᠡᠷᠴᠢᠯᠡᠨᠡ ᠃
ᠳᠥᠷᠪᠡᠨ ᠬᠣᠣᠷᠲᠠᠨ ᠳᠣᠭᠰᠢᠷᠠᠵᠤ ᠪᠠᠢᠭᠰᠠᠨ ᠦᠶᠡ ᠳ᠋ᠦ᠍ ᠂ ᠵᠢᠳᠠ ᠶ᠋ᠢᠨ ᠭᠡᠷᠡᠯ ᠰᠡᠯᠡᠮᠡ ᠶ᠋ᠢᠨ ᠰᠡᠭᠦᠳᠡᠷ ᠂ ᠴᠢᠨᠣᠠ ᠶ᠋ᠢᠨ ᠣᠷᠢᠯᠠᠯ ᠦᠨᠡᠭᠡ ᠶ᠋ᠢᠨ ᠬᠤᠴᠠᠯᠲᠠ ᠪᠠᠷ ᠳᠦᠭᠦᠷᠴᠦ ᠂ 《 ᠴᠠᠢᠬᠤ ᠵᠠᠮ 》 ᠭᠡᠰᠡᠨ ᠬᠢᠯᠭᠠᠰᠤᠨ ᠤᠷᠭᠠ ᠬᠦᠵᠦᠭᠦᠦ ᠶ᠋ᠢ ᠨᠢ ᠪᠣᠭᠣᠮᠢᠯᠠᠵᠤ ᠂ 《ᠦᠮᠡᠬᠡᠢ ᠶᠢᠰᠦᠳᠦᠭᠡᠷ 》ᠭᠡᠰᠡᠨ ᠲᠡᠮᠦᠷ ᠠᠪᠰᠠ ᠪᠡᠶᠡ ᠶ᠋ᠢ ᠨᠢ ᠪᠤᠯᠠᠰᠢᠯᠠᠭᠰᠠᠨ ᠠ᠋ᠴᠠ ᠥᠷᠥᠴᠡ ᠳᠦᠭᠦᠷᠡᠩ ᠠᠭᠤᠷ ᠬᠢᠯᠢᠩ ᠪᠠᠭᠲᠠᠴᠠᠵᠤ᠂ ᠬᠡᠬᠦᠳᠡᠭ ᠳᠦᠭᠦᠷᠡᠩ ᠬᠣᠷᠣᠰᠤᠯ ᠭᠣᠮᠣᠳᠠᠯ ᠳᠦᠭᠦᠷᠴᠦ ᠪᠠᠢᠯᠠ᠃
ᠠᠷᠠᠳ ᠲᠦᠮᠡᠨ ᠦ᠌ ᠠᠤᠭᠠ ᠲᠡᠮᠡᠴᠡᠯ ᠨᠠᠢᠷᠠᠭᠤᠯᠤᠭᠴᠢ ᠶ᠋ᠢᠨ ᠤᠷᠮᠠ ᠵᠣᠷᠢᠭ ᠢ᠋ ᠬᠥᠭᠵᠢᠭᠡᠪᠡ ᠃ ᠨᠠᠢᠷᠠᠭᠤᠯᠤᠭᠴᠢ ᠶᠠᠭ ᠰᠡᠯᠡᠮᠡ ᠪᠡᠨ ᠬᠤᠢᠯᠠᠷᠠᠭᠤᠯᠤᠨ ᠳᠠᠭᠠᠷᠢᠨ ᠣᠷᠣᠬᠤ ᠪᠠᠢᠯᠳᠤᠭᠴᠢ ᠮᠡᠲᠦ ᠪᠡᠷ ᠪᠢᠷ ᠢ᠋ᠶ᠋ᠡᠨ ᠪᠠᠷᠢᠵᠤ ᠂ ᠨᠠᠮ ᠠᠷᠠᠳ ᠲᠦᠮᠡᠨ ᠦ᠌ ᠵᠠᠬᠢᠶᠠ ᠪᠠᠷ ᠲᠡᠮᠡᠴᠡᠯ ᠦ᠋ᠨ ᠬᠠᠮᠤᠭ ᠡᠮᠦᠨᠡᠬᠢ ᠹᠷᠣᠨᠲ ᠠ᠋ᠴᠠ ᠪᠡᠷᠬᠡ ᠪᠣᠭᠣᠮᠲᠠ ᠬᠠᠯᠢᠯ ᠬᠠᠳᠠ ᠵᠦᠭ ᠳᠠᠭᠠᠷᠢᠨ ᠰᠢᠪᠲᠤᠯᠤᠨᠠ !