ᠵᠠᠷᠠᠭᠠᠨ ᠤ ᠵᠠᠷᠴᠢᠮЗарааны зарчим
350ᠵᠠᠷᠠᠭᠠᠨ ᠤ ᠵᠠᠷᠴᠢᠮ
ᠣᠢ ᠳᠤ ᠦᠨᠡᠭᠡ᠂
ᠵᠠᠷᠠᠭᠠ 2 ᠠᠮᠢᠳᠤᠷᠠᠨᠠ᠃ ᠦᠨᠡᠭᠡ ᠮᠢᠩᠭᠠᠨ ᠵᠠᠯᠢ᠂ ᠲᠦᠮᠡᠨ ᠮᠡᠬᠡ ᠲᠡᠢ᠃ ᠲᠡᠷᠡ ᠬᠤᠷᠳᠤᠨ᠂
ᠤᠬᠠᠭᠠᠯᠢᠭ᠂ ᠠᠷᠭᠠ ᠲᠠᠢ᠂ ᠠᠳᠠ ᠲᠠᠢ᠃ ᠬᠠᠷᠢᠨ ᠵᠠᠷᠠᠭᠠ ᠪᠣᠯ ᠶᠠᠭ ᠡᠭᠦᠨ ᠦ ᠡᠰᠡᠷᠭᠦ᠃ ᠲᠡᠷᠡ ᠤᠳᠠᠭᠠᠨ᠂
ᠵᠤᠤᠬᠠᠨ ᠮᠠᠭᠠᠨᠠᠭᠳᠠᠭᠤ᠂ ᠵᠠᠯᠢ ᠮᠠᠯ ᠶᠠᠭᠤ ᠴᠤ᠌ ᠪᠠᠢᠬᠤ ᠦᠭᠡᠢ᠃ ᠭᠡᠬᠦ ᠳᠦ ᠪᠡᠨ ᠯᠠ ᠴᠢᠩ ᠦᠨᠡᠨ ᠭᠡᠪᠡᠯ
ᠦᠨᠡᠭᠡ ᠬᠡᠵᠢᠶᠡ ᠴᠤ᠌ ᠵᠠᠷᠠᠭᠠ ᠶᠢ ᠪᠠᠷᠢᠵᠤ ᠢᠳᠡᠵᠦ ᠴᠢᠳᠠᠬᠤ ᠦᠭᠡᠢ᠃ ᠤᠴᠢᠷ ᠨᠢ ᠵᠠᠷᠠᠭᠠ ᠪᠦᠬᠦ
ᠵᠦᠢᠯ ᠢ ᠬᠢᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠪᠠᠴᠤ᠌ ᠭᠠᠭᠴᠠ ᠯᠠ ᠵᠦᠢᠯ ᠢ ᠲᠡᠭᠦᠰ ᠬᠢᠳᠡᠭ᠃ ᠦᠨᠡᠭᠡ ᠲᠡᠭᠦᠨ ᠢ
ᠪᠠᠷᠢᠵᠤ ᠢᠳᠡᠬᠦ ᠪᠡᠷ ᠣᠢᠷᠠᠳᠬᠤ ᠦᠶᠡ ᠳᠦ ᠵᠠᠷᠠᠭᠠ ᠥᠷᠭᠡᠰᠦᠲᠦ ᠪᠥᠮᠪᠥᠭᠡ ᠪᠣᠯᠤᠨ ᠬᠤᠪᠢᠷᠠᠨᠠ᠃
ᠡᠭᠦᠨ ᠢ ᠪᠡᠨ ᠬᠠᠷᠢᠨ ᠴᠤ᠌ ᠨᠢᠭᠡ ᠬᠢᠭᠰᠡᠨ ᠰᠢᠭ ᠬᠢᠨᠡ ᠳ᠋ᠡ᠃ ᠦᠨᠡᠭᠡ ᠬᠡᠳᠦᠢ ᠤᠬᠠᠭᠠᠨ ᠲᠠᠢ ᠴᠤ᠌ ᠵᠠᠷᠠᠭᠠ ᠶᠢ
ᠠᠪᠠᠯᠠᠵᠤ ᠦᠯᠦ ᠴᠢᠳᠠᠨᠠ᠃
ᠬᠣᠷᠸᠠ ᠳᠡᠭᠡᠷᠡ ᠬᠣᠶᠠᠷ ᠲᠥᠷᠥᠯ ᠦᠨ ᠬᠦᠮᠦᠨ ᠪᠠᠢᠬᠤ᠃
ᠪᠦᠬᠦᠨ ᠢ ᠴᠢᠳᠠᠭᠴᠢ᠂ ᠪᠦᠬᠦᠨ ᠢ ᠮᠡᠳᠡᠭᠴᠢ ᠦᠨᠡᠭᠡᠨ ᠨᠦᠭᠦᠳ᠃ ᠴᠥᠭᠡᠨ ᠵᠦᠢᠯ ᠢ ᠴᠢᠳᠠᠬᠤ ᠪᠣᠯᠪᠠᠴᠤ
ᠲᠡᠳᠡᠭᠡᠷ ᠢ ᠪᠡᠨ ᠴᠢᠳᠠᠭᠰᠠᠨ ᠰᠢᠭ᠋ ᠴᠢᠳᠠᠳᠠᠭ ᠵᠠᠷᠠᠭᠠᠨ ᠨᠤᠭᠤᠳ᠃ ᠡᠨᠡ ᠲᠠᠯᠠ ᠪᠠᠷ ᠶᠠᠷᠢᠬᠤ ᠪᠠᠷ
ᠨᠢᠭᠡ ᠦᠭᠡ ᠳ᠋ᠠᠬᠢᠨ ᠳᠠᠪᠲᠠᠨ ᠰᠠᠨᠠᠭᠠᠨ ᠳᠤ ᠣᠷᠣᠳᠠᠭ ᠶᠤᠮ᠂《ᠪᠦᠬᠦ
ᠲᠠᠯᠠ ᠪᠠᠷ ᠢᠶᠠᠨ ᠳᠠᠪᠠᠭᠤ ᠪᠠᠢᠨᠠ ᠭᠡᠳᠡᠭ ᠪᠦᠬᠦ ᠲᠠᠯᠠ ᠪᠠᠷ ᠢᠶᠠᠨ ᠰᠤᠯᠠ ᠪᠠᠢᠨᠠ ᠭᠡᠰᠡᠨ ᠦᠭᠡ》᠃
ᠤᠬᠠᠭᠠᠨ ᠳᠤ ᠪᠠᠨ ᠪᠢ
ᠰᠠᠭᠰᠤ ᠲᠣᠭᠯᠠᠨᠠ᠂ ᠬᠥᠯ ᠪᠥᠮᠪᠥᠭᠡ ᠢᠰᠬᠦᠯᠦᠨᠡ᠂ ᠸᠣᠯᠯᠧᠢᠪᠣᠯ ᠢ ᠴᠤ᠌ ᠴᠣᠬᠢᠳᠠᠭ ᠪᠠᠢᠵᠤ ᠪᠣᠯᠤᠨᠠ᠃
ᠭᠡᠬᠦ ᠳᠦ ᠪᠡᠨ ᠵᠥᠪᠬᠡᠨ ᠨᠠᠢᠵᠠᠨᠤᠭᠤᠳ ᠲᠠᠢ ᠪᠠᠨ ᠲᠣᠭᠯᠠᠬᠤ ᠦᠶᠡ ᠳᠦ ᠯᠠ ᠪᠢ ᠪᠦᠭᠦᠳᠡ ᠶᠢᠨ ᠬᠢ ᠨᠢ
ᠡᠪ ᠢ ᠬᠥᠭᠡᠷᠦᠬᠦᠨ ᠣᠯᠤᠭᠠᠳ ᠲᠣᠭᠯᠠᠴᠢᠬᠠ ᠪᠣᠯᠪᠠᠴᠤ ᠠᠯᠢ ᠶᠢ ᠨᠢ ᠴᠤ᠌ ᠮᠡᠷᠭᠡᠵᠢᠯ ᠦᠨ ᠲᠦᠪᠰᠢᠨ ᠳᠦ
ᠭᠦᠨ ᠭᠦᠨᠵᠡᠭᠡᠢ ᠲᠣᠭᠯᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠪᠦᠭᠦᠳᠡ ᠶᠢ ᠨᠢ ᠴᠢᠳᠠᠳᠠᠭ ᠪᠠᠢᠭᠠ ᠨᠢ ᠯᠠ ᠮᠢᠨᠦ ᠰᠤᠯᠠ
ᠲᠠᠯᠠ ᠶᠤᠮ᠃ ᠬᠠᠷᠢᠨ ᠮᠠᠭᠠᠳ ᠦᠭᠡᠢ ᠡᠭᠦᠨ ᠦ ᠣᠷᠣᠨ ᠳᠤ ᠥᠪᠡᠷ ᠲᠦ ᠪᠠᠢᠭᠠ ᠪᠦᠬᠦ ᠴᠠᠭ ᠢᠶᠠᠨ ᠰᠠᠭᠰᠤ
ᠲᠣᠭᠯᠠᠬᠤ ᠳᠤ ᠵᠠᠷᠤᠴᠠᠭᠤᠯᠤᠭᠰᠠᠨ ᠰᠠᠨ ᠪᠣᠯ ᠰᠠᠭᠰᠤ ᠪᠠᠷ ᠢᠶᠠᠨ ᠬᠣᠭᠣᠯᠠ ᠪᠠᠨ ᠣᠯᠵᠤ ᠢᠳᠡᠬᠦ ᠪᠠᠢᠭᠰᠠᠨ ᠴᠤ᠌
ᠶᠤᠮ ᠪᠢᠯᠡ ᠦᠦ᠃
ᠥᠨᠥᠳᠥᠷ ᠡᠴᠡ ᠡᠬᠢᠯᠡᠨ
ᠥᠪᠡᠷ ᠡᠴᠡ ᠪᠡᠨ ᠭᠠᠭᠴᠠ ᠯᠠ ᠠᠰᠠᠭᠤᠯᠲᠠ ᠶᠢ ᠠᠰᠠᠭᠤ! ᠴᠢᠮᠠ ᠲᠠᠢ ᠠᠳᠠᠯᠢᠬᠠᠨ ᠮᠢᠩᠭᠠ ᠮᠢᠩᠭᠠᠨ
ᠵᠠᠯᠠᠭᠤᠴᠤᠳ ᠪᠠᠢᠨᠠ᠃ ᠵᠢᠯ ᠪᠦᠷᠢ 30 ᠮᠢᠩᠭᠠ ᠣᠷᠴᠢᠮ
ᠬᠡᠦᠬᠡᠳ ᠳᠤᠮᠳᠠ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠳᠡᠭ᠃ ᠲᠡᠳᠦᠢ ᠴᠢᠨᠡᠭᠡᠨ ᠣᠶᠤᠲᠠᠨ ᠨᠤᠭᠤᠳ ᠶᠡᠬᠡ
ᠰᠤᠷᠭᠠᠭᠤᠯᠢ ᠪᠠᠨ ᠳᠠᠭᠤᠰᠬᠠᠨᠠ᠃ ᠲᠡᠭᠦᠨ ᠡᠴᠡ ᠴᠤ᠌ ᠶᠡᠬᠡ ᠵᠠᠯᠠᠭᠤᠴᠤᠳ ᠠᠵᠢᠯᠯᠠᠵᠤ ᠪᠠᠢᠭᠠ᠃
ᠲᠡᠳᠡᠨ ᠡᠴᠡ ᠴᠢ ᠶᠠᠭᠤ ᠪᠠᠷ ᠢᠶᠠᠨ ᠢᠯᠭᠠᠷᠠᠬᠤ ᠶᠤᠮ ᠪᠤᠢ? ᠴᠢᠨᠤ
ᠢᠯᠭᠠᠷᠠᠯ ᠶᠠᠭᠤ ᠪᠤᠢ? ᠴᠢᠨᠤ ᠵᠠᠷᠠᠭᠠᠨ ᠤ
ᠵᠠᠷᠴᠢᠮ ᠤᠤ ᠪᠤᠢ? ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠲᠡᠭᠦᠰ ᠬᠢᠵᠦ ᠴᠢᠳᠠᠬᠤ ᠭᠠᠭᠴᠠ
ᠵᠦᠢᠯ ᠴᠢᠨᠢ ᠶᠠᠭᠤ ᠪᠤᠢ?
ᠮᠡᠳᠡᠭᠡᠵᠢ ᠶᠠᠭ
ᠥᠨᠥᠳᠥᠷ ᠯᠠ ᠡᠨᠡ ᠠᠰᠠᠭᠤᠯᠲᠠ ᠶᠢ ᠥᠪᠡᠷ ᠡᠴᠡ ᠪᠡᠨ ᠠᠰᠠᠭᠤᠭᠠᠳ ᠬᠠᠷᠢᠭᠤᠯᠲᠠ ᠶᠢ ᠨᠢ ᠰᠢᠭᠤᠳ ᠣᠯᠤᠨᠠ
ᠭᠡᠵᠦ ᠪᠠᠢᠬᠤ ᠦᠭᠡᠢ᠃ ᠣᠳᠣ ᠰᠢᠭᠤᠳ ᠲᠡᠭᠦᠰ ᠬᠢᠳᠡᠭ ᠵᠦᠢᠯ ᠴᠤ᠌ ᠭᠡᠵᠦ ᠶᠠᠭᠤ ᠪᠠᠢᠬᠤᠪ᠃ ᠭᠡᠬᠦ ᠳᠦ ᠪᠡᠨ
ᠯᠠ ᠴᠢᠨᠤ ᠬᠡᠨ ᠡᠴᠡ ᠴᠤ᠌ ᠢᠯᠡᠭᠦᠦ᠂ ᠲᠡᠭᠦᠰ ᠪᠣᠯᠬᠤ ᠶᠢ ᠬᠦᠰᠡᠳᠡᠭ ᠵᠦᠢᠯ ᠭᠡᠵᠦ ᠪᠠᠢᠬᠤ ᠬᠡᠷᠡᠭᠲᠡᠢ᠃
ᠢᠯᠡᠳᠭᠡᠬᠦ ᠤᠷᠠᠯᠢᠭ ᠤᠤ? ᠳᠠᠭᠤᠴᠢᠨ ᠪᠣᠯᠬᠤ? ᠡᠰᠡᠪᠡᠯ ᠰᠠᠢᠨ ᠡᠳ᠋ ᠍ ᠦᠨ ᠵᠠᠰᠠᠭᠴᠢ ᠪᠣᠯᠤᠮᠠᠷ ᠪᠠᠢᠨᠠ ᠤᠤ ᠭᠡᠳ ᠯᠠ? ᠡᠭᠦᠨ ᠢ ᠪᠡᠨ ᠣᠯᠵᠤ ᠮᠡᠳᠡᠭᠡᠳ ᠯᠠ ᠡᠬᠢᠯᠡ᠃ ᠤᠴᠢᠷ ᠨᠢ ᠴᠢ ᠡᠬᠢᠯᠡᠬᠦ ᠶᠢᠨ ᠲᠤᠯᠠᠳᠠ
ᠠᠭᠤᠤ ᠪᠠᠢᠬᠤ ᠬᠡᠷᠡᠭ ᠦᠭᠡᠢ᠂ ᠭᠡᠬᠦ ᠳᠦ ᠪᠡᠨ ᠠᠭᠤᠤ ᠪᠠᠢᠬᠤ ᠶᠢᠨ
ᠲᠤᠯᠠᠳᠠ ᠡᠬᠢᠯᠡᠬᠦ ᠬᠡᠷᠡᠭᠲᠡᠢ᠃