ᠵᠢᠷᠮᠦᠰᠦᠨ ᠮᠠᠨᠠᠨ 〈 4 〉 - ᠲ ᠂ ᠭᠣᠮᠪᠣᠵᠠᠪ Жирэмсэн манан 〈 4 〉 - Т ᠂ Гомбожав
227ᠵᠢᠷᠮᠦᠰᠦᠨ ᠮᠠᠨᠠᠨ - 4
ᠦᠨᠦᠴᠢᠨ ᠨᠤᠲ
ᠪᠢᠲᠡᠭᠦᠬᠡᠨ ᠭᠦᠬᠡᠷᠡᠬᠦ ᠮᠤᠳᠤᠨ ᠤ ᠰᠡᠭᠦᠳᠡᠷ ᠲᠦ᠂ ᠪᠢ
ᠪᠡᠶᠡ ᠤᠷᠤᠭᠤ ᠪᠠᠨ ᠵᠢᠭᠤᠳᠠᠵᠤ ᠰᠠᠭᠤᠨᠠ
ᠨᠢᠮᠬᠡᠨ ᠰᠢᠷᠠ ᠰᠢᠭᠦᠷ
ᠨᠠᠮᠠᠢ᠍ᠢ ᠬᠥᠨᠳᠡᠶ᠋ᠢᠬᠡᠨ ᠦᠮᠦᠭᠯᠡᠵᠦ
ᠬᠤᠯᠠ ᠬᠠᠷᠠᠭᠳᠠᠵᠤ ᠣᠶ᠋ᠢᠷᠠ ᠪᠠᠷᠢᠭᠳᠠᠬᠤ
ᠠᠶᠤᠯ
ᠠᠮᠢᠰᠬᠤᠯ ᠪᠦᠬᠦᠨ ᠢ ᠮᠢᠨᠢ ᠡᠷᠴᠢᠮᠯᠡᠨᠡ
ᠲᠡᠭᠦᠨ ᠦ ᠶᠡᠭᠦᠷᠡᠭᠦ ᠨᠢ
ᠳᠡᠰᠬᠡᠯ ᠢᠶ᠋ᠠᠨ ᠳᠠᠪᠠᠭᠰᠠᠨ ᠭᠡᠳᠡᠭᠡ ᠶᠤᠮ
ᠬᠠᠮᠠᠷ ᠳᠠᠲᠠᠬᠤ ᠳᠠᠭᠤᠨ ᠤ ᠴᠠᠭᠠᠨᠠ
ᠬᠠᠨᠠ ᠶᠢᠨ ᠢᠷᠤᠭᠠᠷ ᠬᠥᠨᠳᠡᠶ᠋ᠢᠯᠡᠨ ᠤᠷᠤᠰᠬᠤ
ᠬᠠᠷᠠᠵᠠ ᠪᠤᠯᠠᠭ ᠢ ᠪᠢ
ᠴᠢᠰᠤᠨ ᠰᠤᠳᠠᠰᠤᠨ ᠤ ᠪᠠᠨ ᠱᠤᠤᠭᠢᠬᠤ ᠴᠢᠮᠡᠭᠡ ᠪᠡᠷ ᠮᠡᠳᠡᠭᠰᠡᠨ ᠶᠤᠮ
ᠫᠥᠷᠱ ᠨᠢ ᠬᠠᠷᠢᠭᠰᠠᠨ ᠴᠠᠭ ᠤᠨ ᠵᠡᠭᠥᠥ
ᠴᠠᠰᠢ ᠴᠦ᠍ ᠦᠭᠡᠢ
ᠨᠠᠰᠢ ᠴᠦ᠍ ᠦᠭᠡᠢ
ᠴᠡᠴᠡᠷᠡᠩᠬᠡᠨ ᠳᠡᠭᠦᠵᠢᠩᠨᠡᠵᠤ
ᠭᠦᠭᠡᠷᠡᠭᠦ ᠪᠡᠨ ᠮᠠᠷᠲᠠᠭᠰᠠᠨ ᠲᠡᠨᠡᠭ ᠮᠤᠳᠤᠨ
ᠬᠦᠭᠡᠷᠦᠬᠦᠢ᠂ ᠨᠢᠴᠦᠭᠦᠨ ᠢᠴᠢᠩᠭᠦᠷᠡᠯ ᠳᠡᠬᠡᠨ ᠪᠠᠶᠠᠰᠬᠤ ᠪᠢᠯᠡ
ᠡᠭᠦᠳᠡ ᠮᠠᠨᠠᠬᠤ ᠴᠢᠯᠠᠭᠤᠨ ᠠᠷᠰᠯᠠᠨ ᠤ
ᠡᠯᠡᠭᠳᠡᠭᠰᠡᠨ ᠰᠦᠷ
ᠡᠨᠡ ᠂ ᠵᠠᠪᠠᠯ ᠤᠩᠰᠢᠬᠤ ᠭᠢᠴᠢᠶᠡᠯ
ᠨᠠᠮᠠᠢ᠍ᠢ ᠵᠤᠳᠤᠭᠰᠠᠨ ᠰᠢᠳᠠᠮ
ᠪᠢ
ᠤᠬᠢᠯᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠦᠨᠦᠴᠢᠨ ᠳᠤᠲᠠᠭᠠᠯᠠ
ᠮᠢᠨᠤ ᠵᠢᠷᠤᠭᠰᠠᠨ
ᠦᠷᠦᠭᠡᠰᠦᠨ ᠤᠯᠠᠭᠠᠨ ᠱᠤᠭᠤᠮ
ᠶᠡᠬᠡ ᠲᠡᠤᠬᠡ ᠶᠢᠨ ᠱᠤᠤᠭᠢᠵᠤ ᠢᠷᠡᠬᠦ ᠴᠢᠭᠯᠡᠯ
ᠢᠨᠢᠶᠡᠩᠬᠡᠨ ᠳᠤᠷᠠᠶ᠋ᠢᠨᠠ ᠠ᠋
ᠡᠬᠡ ᠭᠠᠵᠠᠷ ᠤᠨ ᠳᠠᠲᠠᠬᠤ ᠭᠥᠴᠥ
ᠪᠢ ᠠᠰᠠᠷ ᠵᠢᠷᠤᠯᠠ
––
ᠬᠡᠮᠬᠡᠷᠡᠬᠦ ᠳᠠᠭᠤᠨ ᠠᠴᠠ ᠪᠠᠨ
ᠬᠡᠢ ᠪᠤᠯᠭᠢᠵᠤ ᠪᠤᠰᠤᠭᠰᠠᠨ ᠳᠠᠪᠠᠯᠭᠠᠨ
ᠮᠢᠨᠤ ᠤᠶᠤᠨᠴᠢ ᠲᠡᠨᠡᠭᠯᠡᠯ ᠢ
ᠡᠷᠭᠦᠵᠤ ᠴᠢᠳᠠᠭᠠ ᠦᠭᠡᠢ
ᠡᠪᠬᠡᠵᠤ ᠤᠨᠠᠯᠠ
ᠵᠢᠮᠢᠰ
ᠮᠢᠨᠤ᠂ ᠤᠬᠠᠮᠰᠠᠷ ᠠᠴᠠ ᠪᠠᠨ ᠵᠢᠭᠤᠳᠠᠬᠤ ᠭᠦᠴᠦᠨ ᠦ
ᠤᠷᠤᠰᠢᠬᠤ ᠬᠡᠯᠪᠡᠷᠢ
ᠪᠤᠯᠵᠤ — ᠴᠢᠳᠠᠭᠠ ᠦᠭᠡᠢ
ᠡᠰᠢᠨ ᠡᠴᠡ ᠪᠡᠨ ᠳᠠᠰᠤᠷᠠᠯᠠ
ᠰᠤᠴᠢᠮᠠᠭ ᠫᠤᠤᠳᠠᠯ ᠳᠤ ᠤᠭᠵᠤᠮ ᠦᠷᠭᠦᠨ
ᠵᠢᠱᠢᠶᠡ ᠵᠢᠷᠤᠵᠤ ᠪᠦᠷᠭᠦᠳ
ᠮᠢᠨᠤ᠂ ᠤᠭᠤᠰᠤᠷ ᠳᠠᠰᠤᠴᠢᠬᠤ ᠬᠡᠶ᠋ᠢᠷᠬᠡᠯ ᠢ
ᠡᠭᠦᠯᠡᠨ ᠳᠦ ᠵᠠᠯᠭᠠᠵᠤ᠂ ᠴᠢᠳᠠᠭᠠ ᠦᠭᠡᠢ
ᠡᠭᠦᠷ᠂ ᠥᠷᠡ ᠳᠡᠬᠡᠨ ᠳᠠᠷᠤᠭᠳᠠᠵᠤ ᠪᠤᠴᠠᠯᠠ ᠁
ᠴᠠᠭᠠᠰᠤ
ᠮᠢᠨᠦ ᠬᠡᠯᠪᠡᠷᠢᠰᠢᠵᠦ ᠴᠢᠲᠠᠬ᠋ᠠ ᠦᠭᠡᠢ ᠪᠣᠲᠣᠯ ᠳᠦ
ᠬᠠᠷᠠ ᠰᠠᠨᠠᠵᠤ ᠴᠣᠭᠣᠷᠣᠯᠠ ᠡ
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠣᠯᠮᠣᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠲᠤᠭᠴᠢ ᠰᠠᠷᠠᠨᠠ
2023 ᠂ 5 ᠂ 24 ᠪ ᠡᠲᠦᠷ