ᠵᠢᠷᠦᠬᠡᠨ ᠳᠦ ᠰᠦᠨᠳᠡᠷᠯᠡᠭᠰᠡᠨ ᠨᠤᠲᠤᠭ - ᠠ ᠂ ᠦᠵᠦᠮᠡ Зүрхэнд сүндэрлэсэн нутаг - А ᠂ үзэм
222ᠵᠢᠷᠦᠬᠡᠨ ᠳᠦ ᠰᠦᠨᠳᠡᠷᠯᠡᠭᠰᠡᠨ ᠨᠤᠲᠤᠭ
— ᠬᠠᠶ᠋ᠢᠷᠠ ᠶ᠋ᠢᠨ ᠲᠥᠪ ᠲᠦ ᠴᠢ ᠪᠠᠶ᠋ᠢᠬ᠋ᠠ ᠡᠴᠡ
ᠵᠢᠷᠦᠬᠡᠨ ᠬᠣᠶ᠋ᠢᠮᠣᠷ ᠲᠦ ᠨᠤᠲᠤᠭ ᠴᠢᠨᠢ ᠨᠠᠮᠤᠷᠵᠢᠨᠠᠮ
ᠠ᠂ ᠦᠵᠦᠮᠡ
ᠤᠷᠢᠬᠠᠨ ᠬᠠᠪᠤᠷ ᠦ᠋ᠨ ᠴᠠᠰᠤ
ᠤᠬᠢᠯᠠᠨ ᠬᠠᠶ᠋ᠢᠯᠤᠨ ᠤᠷᠤᠰᠬᠤ ᠰᠢᠭ᠋
ᠤᠷᠲᠤ ᠮᠥᠷᠡᠨ ᠪ ᠤᠰᠤ
ᠣᠶ᠋ᠢᠯᠤᠨ ᠳᠠᠪᠠᠯᠭᠠᠯᠠᠵᠤ ᠴᠠᠯᠭᠢᠯᠠᠬᠤ ᠰᠢᠭ᠋
ᠰᠡᠤᠠᠬᠢᠯ ᠦᠢᠮᠦᠷᠡᠨ ᠳᠡᠩᠰᠡᠷᠡᠬᠦ ᠳᠦ
ᠵᠡᠭᠦᠲᠦ᠂ ᠪᠣᠲᠣᠯ ᠠ᠋ᠴᠠ ᠭᠠᠷᠤᠰᠢ ᠦᠭᠡᠢ
ᠵᠡᠭᠦᠨ ᠰᠥᠨᠢᠳ ᠪᠣᠲᠣᠯ ᠳᠦ ᠲᠣᠲᠣᠷᠠᠨ
ᠴᠠᠩᠭᠠᠮᠠ ᠵᠤᠨ ᠪ ᠬᠠᠯᠠᠭᠤᠨ ᠳᠦ
ᠰᠡᠷᠢᠭᠦᠨ ᠴᠢᠭᠢᠭᠯᠢᠭ ᠴᠡᠩᠬᠡᠷᠯᠡᠵᠦ
ᠴᠠᠷᠴᠠᠭᠠᠮᠠ ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠳᠦ
ᠬᠠᠯᠠᠭᠤ ᠲᠦᠤᠭᠡᠬᠦᠯᠵᠦ ᠳᠤᠷᠠᠰᠤᠭᠳᠠᠨᠠᠮ !
ᠵᠡᠭᠡᠷᠡ ᠲᠡᠰᠢᠭᠰᠡᠨ ᠭᠣᠪᠢ ᠪᠠᠨ ᠬᠠᠷᠠᠭᠠᠳ
ᠲᠡᠯᠴᠢᠯᠡᠵᠦ ᠪᠣᠰᠬᠤ ᠨᠢᠯᠬᠠ ᠢᠨᠵᠠᠬ᠋ᠠ ᠰᠢᠭ᠋
ᠵᠡᠷᠭᠡᠯᠭᠡ ᠰᠦᠮᠡᠯᠵᠡᠭᠰᠡᠨ ᠬᠠᠩᠭᠠᠢ ᠪᠠᠨ ᠰᠢᠷᠲᠡᠭᠡᠳ
ᠤᠶᠠᠷᠠᠨ ᠪᠤᠶ᠋ᠢᠯᠠᠬᠤ ᠪᠣᠲᠣᠭᠣ ᠰᠢᠭ᠋
ᠬᠤᠪᠢᠶᠠᠭᠲᠠᠰᠢ ᠦᠭᠡᠢ ᠭᠠᠭᠴᠠ ᠰᠡᠤᠠᠬᠢᠯ ᠶ᠋ᠢᠡᠷ
ᠬᠣᠯᠠ ᠨᠤᠲᠤᠭ ᠊ᠢ ᠴᠢᠨᠢ ᠡᠪᠡᠶ᠋ᠢᠯᠡᠨ ᠰᠠᠨᠠᠬᠤᠢ ᠳᠦ
ᠬᠠᠶ᠋ᠢᠷᠠ ᠶ᠋ᠢᠨ ᠳᠠᠷᠬᠠᠨ ᠵᠢᠮᠡ ᠪᠡᠷ
ᠬᠤᠪᠢᠲᠠᠵᠤ ᠨᠠᠲᠠᠲᠤ ᠰᠦᠨᠲᠡᠷᠯᠡᠬᠦ
ᠭᠠᠯ ᠵᠠᠯᠠᠭᠤ ᠦᠶᠡ ᠶ᠋ᠢᠨ ᠮᠢᠨᠢ
ᠭᠠᠩᠭᠠᠩ ᠳᠤᠷᠠᠯᠠᠯ ᠳᠦ ᠥᠮᠴᠢᠯᠡᠭᠳᠡᠭᠰᠡᠨ
ᠭᠠᠭᠴᠠᠬᠠᠨ ᠨᠠᠰᠤᠨ ᠪ ᠮᠠᠨᠢ ᠵᠠᠶᠠᠭᠠᠨ ᠳᠦ ᠡᠷᠢᠭᠳᠡᠬᠦ
ᠭᠠᠶ᠋ᠢᠬᠠᠮᠰᠢᠬᠲᠤ ᠲᠡᠨᠢᠭᠦᠨ ᠨᠤᠲᠤᠭ ᠡ
《 ᠭᠤᠷᠪᠠᠨ ᠳᠠᠪᠠᠬ᠋ᠠ 》 ᠰᠡᠤᠠᠬᠦᠯ ᠦ᠋ᠨ ᠶᠡᠷᠦᠩᠬᠡᠢ 25 — 26 ᠬᠤᠭᠤᠴᠠᠬ᠋ᠠ ᠠ᠋ᠴᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠨᠠᠷᠠᠨᠰᠤᠶᠤᠯ
ᠬᠢᠨᠠᠭᠴᠢ ᠄ ᠨᠠᠨᠲᠢᠨ
2023.5.26